روايات

رواية لست أمي الفصل الخامس عشر 15 بقلم أمل مصطفى

رواية لست أمي الفصل الخامس عشر 15 بقلم أمل مصطفى

رواية لست أمي الجزء الخامس عشر

رواية لست أمي البارت الخامس عشر

رواية لست أمي الحلقة الخامسة عشر

وجدت نفسها أمام قاعه كبيره مرصعه بالأنوار تعلقت به أكثر أنزلها ويده تحتضن يدها وتقدموا للداخل أمامهم المشاعل وصوت الموسيقه يصدع في كل القاعه لم تصدق ما تراه أمامها كل هذا من أجلها هي
يكاد قلبها يقف من شدة سعادته هي لم تتوقع أو تحلم أن تعيش أو تجرب في يوم من الأيام ما يحدث أمامها الأن كانت تتوقع أن ترتبط بشخص من نفس مستواها وحفل زفافها يكون عباره عن زفه في حاره لكن ما تراه الآن ضرب من الجنون وحلم من الأحلام الورديه التي لم تزور خيالها في يوم من الأيام إلتفتت له وجدته يتأمل سعادتها الواضحه بعشق إبتسمت له بخجل وهي تهمس ربنا يخليك ليا يا حبيبي
جلسوا وكادت تتحدث عندما وجدت أمامها ما جعلها تداري وجهها بكفيها وهي لا تستوعب من يأتي أتجاههم بإبتسامه ليهنئهم
ياسمين بعدم تصديق ده المطرب أحمد سعد مش كده ولا أنا بحلم
رد عامر بتأكيد لا هو
مش ممكن جاي يسلم علينا
عامر بغيره نعم هو حضرتك معجبه بيه ولا حاجه والله أمشيه
لا لا معجبه أيه و بتاع أيه أنا عيوني مش بتشوف غير عامر حبيبي .

 

 

تأملها بعشق فدائما كلامها يرضي غروره كرجل ويطيب خاطره .
سلم عليهم وتمني لهم السعاده ووقف يستعد للغناء
بينما جذبها عامر من يدها لكي يرقصوا معا
أنا جبته مخصوص عشان الأغنيه دي سمعتها وحاسيت أن ده الكلام اللي نفسي أقوله ليكي
لو كنت قولته أنت كان هيبقا أجمل
ضمها لأحضانه
بداء في الحركه علي نغمات الأغنيه
عليكي عيون لا بتنافق ولا بتخون
وفيها من الأمان مخزون وفيها من الجمال أسرار
❤️❤️❤️❤️❤️❤️❤️
عليكي كلام يمشي الحزن وبقا تمام يطمن قلبي
يرجع خام بكون أنا وأنتي كالأطفال
❤️❤️❤️❤️❤️❤️❤️❤️❤️
عليكي سلام يقويني علي الأيام بطاقه تزوقني لقدام وبيها بكمل المشوار
،❤️❤️❤️❤️
عليكي هدوء حلاوة صوت ونظرة شوق
أكون زعلان أشوفك أروق وأحس براحة
❤️❤️❤️ والإستقرار
ضمها بقوة تحت تصفير الجميع ورغم أنه لا يوجد لها أهل وسط هذا الحشد غير خالتها و إبنها لكنها لم تشعر بالوحده في وجوده هو كل أهلها ولا تريد غيره
*****************
نورا يا نوار شوفتي الفيديو ده
نورا بسؤال فيديو أيه يا نسرين
إقتربت منها صديقتها وهي تفتح الفيديو
فوق الفيديو أجمل وأرق قابلز عيونهم تنطق عشقا
مش ده عامر
نورا بصدمه أه هو رجع يمشي أمتي و أتجوز أمتي
ردت صديقتها إمبارح بيقولوا كان فرح يجنن وهو كان طاير بيها
نورا بغيره وحقد دي الشغاله بتاعته أزاي عمل كده
وقدر ينزل للمستوي ده

 

 

****””*********”
بعد مرور شهرين
كانت تقف تضع زينة رمضان بسعاده متناهيه فهو أول رمضان يمر عليهم وهم مع بعضهم
وضعت اللمسات الأخيره وهي تتأمل صنع يدها بحب وسعاده عندما سمعت جرس الباب إلتفتت لتري من الزائر
وجدت شمس وأختها ومي ركضت لهم بسعاده حبايبي كل سنه وأنتم طيبين
أحتضنوا بعضهم بحب وحملت مي وهي تقبلها كل سنه وأنتي طيبه يا حبي
وأنتي طيبه يا يويو شوفتي الفانوس بتاعي أونكل عامر جاب ليه زي كل سنه .
قبلتها بحب ربنا يخليكي لينا يا حبي تذكرة والدها عندما كان يدخل عليها كل سنه بفانوس صغير تحتضنه بحب وهي تشكره
شكرا يا أجمل أب في الدنيا بس تعبت نفسك ليه ما أنا عندي ماكانش لأزم السنه دي .
إحتضنها والدها أنا عندي كام ياسمين وبعدين أنا هفضل أجيب لحد ما تروحي بيت جوزك هو بقا يستلم المهمه دي .
وجدت يد تمسح دموعها بحنان رفعت عيونها وجدته يقف أمامها بابتسامه حنونه جنتي ماتبكيش أبدا وأنا عايش جنتي إتخلقت للسعاده وبس
إبتسمت أنت سعادتي ربنا يديمك تاج فوق رأسي
عامر بغمزه طيب عشان الكلام الحلو ده
أخرج من خلف ظهره فانوس جميل مكتوب عليه إسمها وقلب به صورته
كل سنه وأنتي طيبه يا قلبي ده أول رمضان لينا مع بعض قفزة بسعاده وهي تخطف من يده
الفانوس و تحتضنه بعشق وأنت طيب يا حبيبي
حركته بين يدها وجدت الجنب الأخر عليه أسمه وفوقه قلب به صورتها ده أجمل فانوس شوفته في حياتي
سمعت مي تتحدث بطفوله وريني كده يا ياسمين عايزه أشوفه

 

 

ناولته لها بحسن نيه
تأملته الصغيره بغيره ده أجمل من بتاعي ليه هي عندها قلب وفيه صورتك وأنا لا خلاص أنا أخده وتعطيها بتاعي وركضت بعيدا
ركضت ياسمين خلفها وهي تطلب منها التوقف وإرجاع فانوسها تحت ضحك الجميع
كادت تصتدم بيحيي هو يدلف من الباب مع أمه التي تغيرة علاقتها بياسمين عندما تركتها أمها
يحيي وهو يقف بصدمه من هيئة ياسمين المتضايقه وسأل الجميع عم يحدث
جاوبته نيره أصل مي خدت فانوسها نظر يحيي خلفه بحنين فهي دائما طفله بريئه لا يلفت نظرها مغريات الحياه الطفل بداخلها لا يكبر أبدا
لاحظة نيره نظرته وشعرت بالحزن فهي تعلقت به منذ الفرح رغم علمها بحبه لياسمين فهو قد تحدث معها وتقاربوا من بعضهم في الشهور الماضيه وعلمت عنه كل شيء ولكنها لم تستطع منع قلبها
أما عامر وافق علي تواجدهم معها لأنه يثق في حبيبته ويعلم إنها لم تقبله في يوم من الأيام
ولم يرد أن يمنعها عن أهلها الوحيدين الذين يسألوا عنها فهو لم يغفل عن حزنها المستمر بسبب بعد أمها
*******************
أخبارك يا نيره طمنيني عليكي ليه بقالك فتره مش بتردي عليا ومش بتفتحي فيس
أبدا كنت تعبانه شويه
يحيي بقلق تعبانه مالك سلامتك
ماتشغلش بالك أنت عامل أيه
قاطعها يحيي بحده ماشغلش بالي أزاي مش إحنا أصدقاء ودورنا نهتم ببعض ولا أيه
أغمضت عيونها بألم لأنها أبتعدت عنه تلك الفتره بغرض أن يشتاق الحديث معها أو ترتقي من منزلة الصديق للحبيب .
تحدثة بضيق ودموع لا يا يحيي إحنا مش أصدقاء أو علي الأقل أنت مش كده بالنسبه ليا أفهم بقا يا أخي .
رد بحزن أنا عارف وفاهم بس أنا مش عايز أظلمك
أنا بحبك وبحب الكلام معاكي كأصدقاء مش حبيبه خايف أرتبط بيكي أظلمك .
نيره بتنهيده خلاص يا يحيي أنا حقيقي تعبانه ومش قادره أتكلم
تحدث بتردد يعني لو طلبت إيدك ممكن توافقي بعد الكلام اللي عرفتيه
إعتدلت في جلستها وتحدثة بلهفه أعطيني بس فرصه أقرب وأنا أوعدك أن أنا بس اللي هكون في قلبك .
إبتسم يحيي علي إصرارها كم هو إحساس جميل أن تكون مرغوب من أحدهم ويتحمل كل عيوبك ليبقي فقط بجوارك .
طيب خلاص يا ستي خد ليا معاد مع بابا
قفزة بسعاده بجد يا يحيي
بجد يا نينو

 

 

****************
كانت تتحرك ياسمين بين المحلات هي وشمس لإختيار فستان خطوبه يحيي ونيره ولكن وقفت عندما رأت ما يخطف قلبها
هناك سيده علي ما يبدوا إحدي عاملات نظافه المول تقف مع فتاه في سن المراهقه وتتحدث معها بحب وحنان ظاهر و تهندم لها شعرها ولبسها
ويبدوا علي الفتاه الإشمئزاز والنفور
إقتربت ياسمين دون إراده منها فسمعت تلك الفتاه
تنهر السيده بكلام جارح وسام أنتي بتعملي أيه فاكره نفسك في البيت فوقي أنا هنا مع أصحابي ولو شافوكي أو عرفوا إنك أمي هتفضح
إبتعدت عنها السيده بسرعه وهي تتلفت حولها خوفا أن يراها إحدي صديقات إبنتها وتسبب لها الإحراج
الفتاه أنتي بتشتغلي هنا من أمتي وليه مش قولتي ياريتني ما كنت جيت هنا
السيده وهي تحاول تهدئتها معلش يا حبيبتي بس أنا أضطريت أشتغل في وظيفتين عشان أقدر أوفرلك مصاريف المدرسه والدروس
يعني مالاقتيش شغله أحسن من دي أنا ندمانه إنك أمي كادت تكمل عندما وجدت يد تصفعها بقوة
، صدمت أمها وشمس التي إقتربت بسرعه بينما
تحدثة ياسمين بحده وكره إنتي أصلا ما تستهليش أم زي دي وإلتفتت للسيده إحتضنتها وهي تقبل رأسها أنا كنت أتمني أنها تكون أمي وأشوف نظرة الحب والحنان اللي في عيونها ليكي أنتي أصلا من غيرها مالكيش أي قيمه لو كانت أم تانيه رميتك في الشارع كنتي عرفتي قيمتها لو كانت أم تانيه حرمتك من التعليم عشان تشتغلي و تصرفي علي نفسك كنتي عرفتي قيمتها مسحت ياسمين دموعها وهي تتحدث أنتي كنتي تستاهلي تكوني بنت أمي اللي رمتني عشان تدور علي نفسها وحياتها
لو وحده غيرك كنتي صبح وليل تبوسي إيديها لأنها بتتعب عشان سيادتك تتفسحي وحده غيرك تفتخر بيها وسط صحبتها علي الأقل لا فرطت في شرفها ولا باعتك زي ما ناس كتير بتعمل
سمعت صوته الحنون وهو يناديها إلتفتت وجدته يقف خلفه إرتمت في أحضانه وهي تبكي بقهر فهي إشتاقت لوالدتها تلك القاسيه التي لم تنظر خلفها لحظه لتطمئن علي إبنتها
مسد علي ظهرها بحنان وهو يطالبها بالهدوء لأنه بجوارها دائما و يحمد الله أن شمس أتصلت به لكي يلحقها
بينما بكت السيده و إبنتها التي إقتربت منها تحتضنها وهي تعتذر لها
إلتفتت ياسمين وهي تتحدث حطي أمك في عيونك و أفتخري بيها وسط الدنيا كلها أمك ست عظيمه بتتعب عشان راحتك ومهما الناس حاولت تقلل من شأنها عليه أنتي بحب و إحترامك ليها
************”””

 

 

نظر في ساعة يده لقد تأخرت في الحمام وتلك ليست عادتها ماذا يحدث تحرك ليطلب منها الإسراع ولكنها فتحت الباب وخرجت ووجهها مشرق بطريقه ملفته إبتسم بحب وهو يقترب منها ويسمي الله أيه ده كل يوم جمالك بيزيد أرحمي قلبي ❤️
إبتسمت وهي تخرج شيء من جيبها وتهمس أنا حامل
نظر لما بيدها ثم وجهها وهو يسألها ده بجد
أه أنا هبقا أم
عامر بفرحه غامره أجمل وأحن أم في الوجود
ضمها بقوه أجمل خبر من أجمل زوجه وحبيبه
أنا مش مصدق أخيرا لاقيت الحياه اللي كنت بحلم بيها ياااه يا ياسمين
أنا هاكون أم حقيقيه أم سعادتها في سعادة أولادها راحتها في راحتهم أعطيهم الحب والحنان اللي إفتقدته
عامر بغيره قصدك إن أنا هترمي علي الرف مش كده 🥺
أنت تاج رأسي كان يوم حبك أجمل يوم في عمري وهو يوم ميلادي الحقيقي بحبك
وأنا بعشقك يا جنتي
*************””

 

 

لا توجد فتاه في الكون لم تحلم بالفستان الأبيض منذ طفولتها وتحب تجسيد دور الأم مع عروستها وفي الصبي تنتظر بشغف فارسها الذي يحملها علي الحصان الأبيض ولكن لكل شيء أوان
ليس كل من فاتها قطر الزواج خاسره
وليست كل من ركبته فائزة
نتمني ونحلم ولن نأخذ غير نصيبنا
عندما تأتينا فرصه الحب والحياه نغتنمها ولا نتركها
الحب الحلال من أروع وأجمل أنواع الحب
الحب الحقيقي ليس شاب وسيم شديد الثراء
ولا فتاه طاغية الأنوثه
الحب إلتقاء قلبان كل قلب يجد في الأخر ما ينقصه ليكتملوا في سمفونيه رائعه من الحنان و الإحتواء
،❤️❤️❤️❤️❤️
تمت بحمد الله

لقراءة الرواية كاملة اضغط على : (رواية لست أمي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى