رواية لعبة الحياه الفصل الثالث 3 بقلم حنين الماضي

رواية لعبة الحياه الفصل الثالث 3 بقلم حنين الماضي

رواية لعبة الحياه الجزء الثالث

رواية لعبة الحياه البارت الثالث

رواية لعبة الحياه الحلقة الثالثة

شهد كانت فى اوضتها سامعة كل اللى بيحصل وعرفت أن كدة خلاص لازم تعتمد على نفسها ، عشان كمان بنات عمامها ميفرحوش فيها هما ومرات ابوها وبنتها لو جابت مجموع صغير وتضطر تدخل صنايع زيهم .
وفضلت شهد وأخوها فى عذاب عيشتهم لحد ما خلصوا امتحانات وظهرت النتيجة وهنا حصلت الصدمة.
يوم ظهور النتيجة 🤔 راحت ايمان بنت عمها تجيب نتيجة شهد من المدرسة .
ايمان : هههه اصحى اصحى
شهد : فى أية
ايمان : جبتلك النتيجة
شهد : انتى !؟
ايمان : اة رحت بدرى قولت اشوف هتفلحى ولا لا
هاجر : هااا وعملت أية يعنى
ايمان : هههه شكلها كدة صنايع زينا
شهد بصدمة : انتى بتقولى أية
هاجر : يانهااااار كان ناقصلك درجتين وتجيبى مجموع ثانوى عام ههههه
ايمان : ههههه يالا بقى مافيش نصيب
شهد : اطلعوا برة مش عاوزة حد معايا اطلعوا 😭😭😭

طارق : هتعملى اية دلوقتى
شهد : مش عارفة يا بابا انا كان حلمى ادخل ثانوى عام 😭 انا مقصرتش وذاكرت لوحدى من غير دروس وقولت ربنا هيكرمنى وادخل ثانوى عام
طارق : خلاص قدمى ثانوى من منازلهم
شهد : هو ينفع
طارق : اة وكملى مذاكرة فالبيت بس اعملى حسابك انا مش هقدر ادفع مصاريف كتب ولا دروس وانتى صرفى نفسك
شهد : طب ساعدنى حتى لو بجزء واوعدك اول لما اشتغل اردلك كل دة .
طارق : سيبك من الكلام دة مش هينفع وانتى اجتهدى.
شهد بحسرة: حاضر يا بابا
___________________
ملك : عاملة أية يا شهد
شهد : الحمدلله
ملك : عملتى أية فى نتيجتك
شهد : قدمت ثانوى منازل وانتى ؟
ملك : لا انتى عارفة انا مدرسة خاصة واى مجموع اكمل بية عادى مدام فى مدرستى
شهد : يعنى جبتى كام ؟
ملك : لا انا لو فى مدرسة عربى زيك مكنتش هلحق ثانوى بس بابا حبيبى دخلنى بقى مدرسة خاصة بالرغم أن اخواتى كلهم مدارس حكومة عربى وانا الوحيدة اللى بابا وماما مهتمين بيها ههههه عشان كدة اخواتى غيرانين منى لان كل طلباتى مجابة
شهد : عندهم حق
ملك : عندهم حق لية وانا مالى بس انا بفرح لما اغيظهم وأشوف بابا وماما بيدلعونى هههههه
شهد : 🙂🙂
ملك : هتجيبى لبس جديد للمدرسة بقى ،لالا صحيح انتى هتذاكرى فالبيت معلش نسيت متزعليش منى ،اصل انا ما صدقت خلصت إعدادى عشان اغير اليونيفورم بتاع إعدادى دة ههههه
شهد.: طيب ربنا معاكى ،انا همشى عشان ورايا تنضيف

ملك : انتى كل شوية يا شهد بتنضفى
شهد : اعمل ايه ما انا لو رفضت هتضرب لحد روحى ما تطلع ومحدش هيسأل فيا
ملك : انتى لازم تقولى لباباكى ،انتى داخلة على ثانوية عامة مافيش وقت تضيعية فى الكلام دة
شهد: بابا 🙂
ملك : اكيد هيقف معاكى
شهد.: بعدين يا ملك بعدين سلام
ملك : سلام
__________________
هند : هو انتى فاكرة نفسك خدتى الإجازة من شغل البيت ولا أية ،قومى روقى الشقة
شهد بكسرة نفس : حاضر
هند : انا خلصت الاكل ابقى اغرفى ليا انا وهاجر ناكل لحد ما تخلصى تنضيف وبعدين ابقى اغرفى ليكى انتى واخوكى لو عاوزين
شهد : طيب اخويا جعان وانا كمان ، سيبينا ناكل الاول وبعد كدة أنضف
هند : اسمعى اللى بقولك علية
شهد : حاضر 🙂
بعد هند ما خرجت من المطبخ ، شهد حطت الاكل زى ما هى طلبتة منها ودخلتة الاوضة وكانت هند وهاجر بيتفرجوا على التلفزيون وبيضحوا وهيقعدوا ياكلوا على السرير 🙂
محمد.: شهد انا جعان اوى
شهد.: معلش يا محمد استحمل بس انا هحاول اخلص بسرعة
محمد: طيب هستحمل
شهد : 😭😭 ربنا يسامحك يا ماما انتى وبابا
محمد : 😭😭 طيب هما جابونا لية مدام مش عاوزنا
شهد.: 😭😭 ربنا اكيد بيحبنا وهيقف معانا
محمد : 😭 يارب بسرعة
شهد : يالا يا محمد انا خلصت تعالى نحط الاكل وندخل ناكل سوا انا وانت قدام التلفزيون
محمد.: ماشى يالا
هند.: انتى داخلة فين
شهد : هناكل جوة ونتفرج على التلفزيون
هند : انتى اتجننتى ، اقعدوا تأكلوا على الأرض
شهد : على الارض لية ما انتوا قعدتوا عالسرير
هند : اسمعى الكلام واترزعطوا هنا
شهد: حاضر 🙂
محمد.: 🙂
( بعيد عن الرواية حسبى الله ونعم الوكيل دموعى نزلت والله العظيم 🙈🙈)
_________________________

خلصت إجازة الصيف وبدأت الدراسة وشهد وملك دخلوا ثانوية عامة لكن شهد بتذاكر من منازلهم وملك حياتها طبيعية بتروح مدرستها وبتاخد دروس عادى .
طبعا شهد ممعهاش فلوس تصرف بيها على نفسها ولا على كتبها ، اضطرت تقنع باباها تشتغل عشان تجيب مصاريفها وفعلا وافق شهد تنزل الشغل 🙈
اضطرت شهد تشتغل فى محل ملابس كشغل مؤقت تصرف بية على دراستها لحد ما تخلص ثانوية عامة.
وفعلا اعتمدت شهد على نفسها فى كل حاجة .
وقدرت تخلص ثانوية عامة فى ذل وإهانة واستحملت عشان اخوها ومستقبلها وعشان مافيش مكان تانى تروح فية.
____________
طارق : الحمدلله خلصتى يا ستى ثانوية عامة وجبتى مجموع
شهد : الحمدلله يا بابا
طارق : ها ناوية على اية
شهد : انا بحب الرسم ونفسى ادخل تربية فنية
هند : رسم ! ودة هينفعك بأية ان شاء الله
طارق : خلاص هى حرة بس انا ماليش دعوة بمصاريف انت شايفة الظروف ومش هصرف فلوس انا على أدوات رسم وورق
شهد بكسرة نفس : مش مشكلة يا بابا انا هكمل شغل واحاول أوفق بين دراستى وشغلى
🙂🙂🙂🙂🙂🙂🙂🙂
ابو ملك : ها يا حبيبى ناوية على اية بالمجموع دة
أم ملك : دة انا فرقت شربات على المنطقة كلها وقعدت ازغرط لما صوتى راح ههههه
ملك : هههه فرحانة اوى ونفسى ادخل تجارة
ابو ملك : خلاص شوفى عاوزة منى اية وانا من العين دى قبل العين دى يا قلب بابا
اخو ملك : انت يا بابا مدلعها زيادة عن اللزوم
أم ملك : وانت اية اللى مزعلك اشمعنا انت اللى مش عجبك ، ما اخواتك مبيتكلموش
ملك : تلاقى الهانم مراتة لعبت فى دماغة ومضايقة أنى هدخل كلية ويبقى معايا مؤهل عالي مش زيها
اخو ملك : اخرسى بدل ما امد ايدى عليكى
ابو ملك: 😡 اوعى تانى مرة تزعق لأختك قدامى انت فاهم ولا تتجرأ وتمد ايدك عليها ، هو انت بتصرف عليها ولا بتعملها أية
أم ملك : روح يا ابنى لمراتك خليها تعقل كدة وتهدأ
اخو ملك : انتوا هتمشوا ورا كلامها
ابو ملك: يالا شوف رايح فين
اخو ملك: انا ماشى بس ابقوا قابلونى لو طريقتكوا دى نفعت
ملك : 😢😢
ابو ملك: متزعليش يا حبيبتى ما انا خدتلك حقك اهو
أم ملك : يالا يالا قومى اخرجى مع اصحابك واحتفلوا وابوكى هيديكى فلوس اصرفى زى ما انتى عاوزة
ملك : حبيبتى يا ماما انتى وبابا
😊😊😊😊😊😊😊

ملك : عاملة أية يا شهد مبروك
شهد : ومبروك ليكى انتى كمان ،مامتك كانت مش مبطلة زغاريط
ملك : الواحد ما صدق خلص من كابوس ثانوية عامة دة واخيرا هندخل الجامعة ونعيش حياتنا
شهد : ما انتى هتذاكرى اكتر ومن غير دروس
ملك : لا الجامعة حاجة تانية
شهد : قدمتى على كلية أية
ملك : تجارة وانتى
شهد : فنون جميله
ملك : ايوة انا عارفة انك بتحبى الرسم وشاطرة فية
شهد : نفسى من زمان ادخل الكلية دى وحاربت وكنت بذاكر ليل نهار عشان اعرف ادخلها .
ملك : انا فرحانة ليكى انك عملتى الحاجة اللى بتحبيها .
شهد.: وانا كمان فرحانة ومبروك لينا احنا الاتنين .
_______________________
بدأت حياة الجامعة لملك وشهد وكل واحدة دخلت كلية غير التانية لكن فضلوا بردوا قريبين لبعض ووقت ما بيتقابلوا بيتكلموا ويطمنوا على اخبار بعض .

طبعا شهد عندها عقدة من مامتها وكانت بتخاف تكلم اى شاب لحسن حد يشوفها ويقول عليها بنت مش كويسة ،على عكس ملك اللى أهلها زرعوا فيها ثقتها بنفسها جداااا وبقت تتعرف على شباب وبنات عادى وليها جروب مشترك فالكلية ، لكن شهد فضلت اول سنة من غير اصدقاء خالص .
لحد فى يوم ما حصل ……..
_____________________
لاااايك وكومنت عشان نعرف اية اللى حصل وازاى حصل وكانت أية النتيجة 😉
من الحلقة الجاية دخلنا فالجد وهتبتدى الرواية تبان اكتر واكتر ، كل اللى فات دة كان تمهيد لمضمون وأساس الرواية .

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية لعبة الحياه)