رواية لقد وقعت في حب منتقبه الفصل التاسع عشر 19 بقلم بسملة أحمد

رواية لقد وقعت في حب منتقبه الجزء التاسع عشر

رواية لقد وقعت في حب منتقبه البارت التاسع عشر

رواية لقد وقعت في حب منتقبه الحلقة التاسعة عشر

صحي سليم من نومه واخد دوش ولبس قميص اسود علي بنطلون ابيض وظبط شعره وراح يصحي ملاك
سليم:ملاك ملاكي اصحي يلا
ملاك بنعاس:خمسه خمسه بس يا ماما
سليم:ماما ايه هو انا بقيت ماما يلا يا ملاك اصحي
ملاك:لا رد
سليم وسيتبع نطاق الام المصريه رن علي مامت ملاك:الوو يا ماما
ساره:الو يا حبيب ماما في ايه انت صحيت
سليم:من بدري بس بنتك الكسوله لسه مصحيتش وبصحيها مش بتصحي ومش عارف اعمل ايه
ساره بضحك:والله لو فضلت تصحيها لمدّة سنه مش هتصحي الا بطريقتك القديمه
سليم بضحك:انتي لسه فكراها ده انا قولت بتصحي بطريقه تانيه
ساره:مش بتصحي الا بالطريقه دي
سليم:خلاص باي علشان اصحيها
ساره:باي
وراح جاب حاجه وفجأة ملاك صحيت من نومها
ملاك:يح يح الدنيا بتمطر فوق السرير يا ماما
سليم بضحك:لا يعسل كنا بنصحيكي من النوم مش بتمطر ولا حاجه
ملاك بصيتله واستوعبت:انت صحيتني كده يعني رجعت للطريقه القديمه
سليم هز راسه بمعني ايوه
ملاك:والله ما هسيبك يا سولي وهيتكب عليك زي ما كبيت عليا
طلعت تجري وراه وهو بيجري
سليم:مش هتعرفي تمسكيني
ملاك: لا هعرف وطلعوا برا عند المسبح بيجروا ورا بعض
ملاك وقد خطرت في بالها فكره وعملت نفسها وقعت علي رجليها
ملاك:ااااه الحقني يا سليم رجلي رجلي بتوجعني اي الحقني
سليم بدون تفكير جري عليها وكانت معالم الخوف تبان بوضوح علي وجهه
سليم:ملاكي مالك في ايه ايه اللي بيوجعك
ملاك وبدأت تقرب منه وعملت انهاهتحضنه بس استغلت انهم قريبين من المسبح واوووب وقعت سليم في المسبح
ملاك ووقفت وبتعمل بوشها اشكال طفوليه
ملاك وبتتكلم بطفوله وبتطلع لسانها 😜:وغرقتك ميّه ووقعتك يا سولي غرقتك بالميّه
سليم: طيب والله لاوريكي ملاك طلعت تجري بسرعه وسليم وراها وراحوا علي حديقة القصر الخلفيه ملاك بتجري وفجأه شافت الاسطبل بتاع الخيل وقفت وراحت عند سليم
ملاك بطفوله:سليم
سليم:نعم
ملاك:عايزه اركب الخيل
سليم:لا علشان ممكن تقعي
ملاك بمكر وقالت برقه وغنج:سولي
سليم بتوهان:قلبه
ملاك بنفس طريقتها:عايزه اركب الخيل
سليم بتوهان:انتي تؤمري يا قلبي
ودخل طلعلهم خيل من الخيول وركب عليه وطلع ملاك ركبها
علي الخيل بس وشها في وش سليم وضهرها لراس الخيل
وبدأو يتحركوا
ملاك اتكسفت من الوضع اللي هيا فيه ولعبوا بالخيل بس فجأه الخيل هاج وملاك خافت جدا واتشبست في سليم وحضنته جامد وبدات تعيط
سليم بسرعه بدأ يهدي الخيل وملاك شافته وبدأت تعمل زيه
ملاك وهيا بتمشي ايدها علي ضهر الخيل وبتقول بطفوله : اهدي يا خيل يا عسل علشان انا بدأت اخاف منك
سليم بضحك:ايه ده يا بنتي اهدي يا خيل يا عسل علشان بدأت اخاف منك هو كده فهم عليكي
ملاك: ملكش دعوه هو بيفهم صح يا خيلي يا عسل الا صحيح يا سليم اسمه ايه
سليم: لسه مسمتهوش
ملاك : برافوا عليك ايوه انا اللي هسميه
سليم: طب هتسميه ايه
ملاك بتفكير: امممم ليل وبصت للخيل وكملت ايه رأيك اسميك ليل
الخيل طلع صوت
ملاك بسعاده وحماس: سولي وافق yes
سليم بضحك: اوك يعني بقي اسمه ليل
ملاك: ايوه
تمام وفضلوا يلعبوا بليل وكانوا طايرين من الفرحه زي شعر ملاك اللي كان طاير
بعد شويه دخلوا القصر من الباب اللي في المطبخ وسليم حمد ربه ان مفيش حد موجود وطلعوا وغيروا هدومهم ونزلولوا تحت وفطروا وراحوا الشركه
في مكتب سليم
ملاك:سليم
سليم:قلبه
ملاك:احنا هنفضل كده
سليم:كده ازاي مش فاهم ورفع وشه من الورق اللي كان بيبص فيه وبص لملاك
ملاك:احنا كده مش بنشتغل يا سليم
سليم:مش بنشتغل ازاي ما احنا بنشتغل اهوا
ملاك: انت بتشتغل لكن انا لا
سليم:طب ما انتي سكرتيرتي الخاصه
ملاك:انت عارف اني مبعملش حاجه اصلا انا عايزه اقولك علي حاجه
سليم: قولي قاطعهم صوت خبط علي الباب
سليم بص لملاك وقال:اتفضل
دخلت رودينا وقالت بعمليه:مستر مازن بيبلغ حضرتك ان عندنا اجتماع بعد ساعه وبيسأل حضرتك مين اللي هيمثلنا
سليم بتفكير:اوك قوليلوا تمام وانا عارف مين هيمثلنا
رودينا: تمام وطلعت من المكتب
ملاك: عايزه اقولك علي حاجه ضروري
سليم:قولي
وقاطعهم خبط علي الباب
سليم:اتفضل
ودخل موظف:سليم باشا عايزك علشان نجهز للاجتماع
سليم:تمام وبص لملاك وكمل ممكن نأجل الموضوع شويه وهنتكلم في البيت
ومشي وملاك بتنادي عليه
_____________________________________________
اما عند مازن ورودينا قبل مازن ما يروح لسليم
رودينا خبطت ودخلت
مازن:ها قالك ايه يا رونيده
رودي:رودينا اسمي رودينا يا عمود النور
مازن:انا عمود نور طب يا رونيده يا رونيده
وفجأه دخلت ملاك بسرعه عليهم وكانت بتعيط
رودينا جريت عليها بسرعه:ملاك حبيبتي مالك
ملاك بتعيط ومش بتتكلم
رودينا اخدتها في حضنها:مالك يا ملاك مالك يا حبيبتي
ملاك بتعيط وصوت شهقاتها عِلي مازن وقف قدام ملاك وقالها: ملاك مالك بتعيطي ليه استني انادي لسليم
ملاك بتقطع بسبب شهقاتها: ل لا لا مت متناديهوش
رودينا:خلاص مش هنندهلوا وبصت لمازن استني متناديلوش وبصت لملاك مالك يا ملاكي مالك يا حبيبتي احكيلي مش انا رودي اختك حبيبتك احكي يا ملاك احكي يا قلبي
ملاك:هو هو ممكن سليم يبعد عني
رودينا:انتي عارفه ان سليم بيحبك وعمره ما هيبعد عنك
ملاك:بس بس لما يعرف ان احنا مديرين شركة HMRYهيبعد عني
رودينا:وهو احنا زنبنا ايه يا بنتي عملتي ايه ايه اللي يخليه يبعد عنك
ملاك:علشان مبيحبش حد يكذب عليه
رودينا:بس انتي مكذبتيش عليه
ملاك:صح انا مكذبتش عليه وانا اصلا مكنتش عايزه اشتغل في الشركه بس لولا ان كان لازم نتدرب هنا علشان اللي مش هيدرب هينقص درجات
رودينا: طيب ايه اللي هيخليه يبعد عنك كده بقا
مازن بصدمه:انتوا مدراء شركة HMRY ده سليم هيتجنن ويعرف مين مدير الشركه بس انا مش فاهم ازاي
ملاك:انا هشرحلك كل حاجه بس متقولش لسليم:انا لما سبت سليم دخلت في حالة توحد كنت انطوائيه جدا ومكنتش بكلم حد وحتي الى في المدرسه كانوا مستغربين مني مكنتش بكلم حد ولا بصاحب ولا بلعب مع حد وطلعت من الحاله بعد فتره بسبب يوسف وحمزه ورودينا مكانوش بيسيبوني كانوا بيفضلوا معايا لحد مخلوني ملاك الاجتماعيه اللي الضحكه مش بتفارق وشها اللي كل الناس بتحبها وبتصاحب ناس كتير كنا ساعتها بابا متوفي وبابا رودينا ويوسف بردو متوفي وماما وخالتوا مكانوش بيلاحقوا علي مصاريف مدارس ولا دروس ولا ده ولا ده انا ورودينا ويوسف وحمزة قررنا ان نشتغل انا وحمزه ويوسف كنا 15سنه لسه ورودينا 16سنه وبدانا نشتغل وكنا بنيأس كتير وبنقع بس كنا بنقف وعندنا عزيمه اكبر اننا نكمل كنا بنشجع بعض وفعلا في اقل من سنه كانت الشركه شغاله وخلاص كل مشاكلنا اتحلت وقررنا ان احنا نتابع الشركه وشغلها من البيت وان كل فتره والتانيه نروح نشوف ايه اللي بيحصل والشركه وصلت لايه وكبرناها وبقي لينا اكتر من فرع وكنا ناويين بعد ما نخلص دراسه نتابع شركتنا وخلاص بس خالتوا قررت انها تروح زيارة اهل جوزها كنا ساعتها 18سنه ورودينا 19 وراحت واخدت يوسف ورودي معاها وكملنا زي ما احنا وانت عارف الباقي
مازن بصدمه:انتوا مريتوا بكل ده بس مش فاهم ليه رودينا كانت بتدور علي شغل
رودينا:انا كنت عايزة ابدا من اول وجديد مش عايزه نتدرب في الشركه كنت عايزة يبقي عندي خبره اكتر لان احنا اه كبرنا الشركه بس خبرتنا مش كبيره
مازن:اوك بس انتي ليه مقولتيش لسليم يا ملاك
ملاك: مكنتش اعرف انه ممكن يعمل مشكله وبعدين انت عارف ان كل ما بنطلع من مشكله كنا بندخل في التانيه
مازن:وايه اللي خلاكي تقوليله دلوقتي
ملاك:مازن انت عارف ان سليم عايز يعرف مين مدراء الشركه وعايز يعمل شراكه بين الشركتين وطلب يشوف المدراء
مازن:ايوة طب هتعملي ايه
ملاك:مش عارفه اعمل ايه وكل اما اجي اكلمه في الموضوع حاجه بتحصل وبيقاطعني ومبلحقش اكمل انا خايفه اووي من رد فعله
مازن:بس انتي عارفه ان سليم عمره في حياته ما هيسيبك هو بس ممكن يزعل منك علشان خبيتي عليه
رودينا:ملاك انتي لما كنتي في الحاله انتي مكنتيش حاسه بسليم كان عامل ازاي ده كان قالب الدنيا وكان خايف عليكي جدا يعني مش هيقدر يستغني عنك فمتعيطيش وخلينا نشوف حل للمشكله دي
ملاك بتوتر:الاجتماع نص ساعة وهيبدا ومدراء HMRY لازم يظهروا علشان نتمم الشراكه ومش عارفه اعمل ايه
رودينا:ملاك اهدي يا قلبي اهدي يا حبيبتي
مازن بتفكير:اهدى يا ملاك وخلينا نفكر انتي ايوه مكنش قصدك تغلطي بس غلطتي ولازم نشوف حل علشان سليم لما بيتعصب بيبقي عامل زي الاسد الهايج وبيبقي متهور وبيعمل الحاجه من غير ما يفكر فيها وانتي اللي بتعرفي تهديه بس دلوقتي انتي لازم تهدي علشان سليم انا مصدقت يرجع زي زمان ومش هخليه يرجع لبروده تاني اهدي بس وخلينا نفكر
ملاك:اوك
________________________________________________
بعد نص ساعه
دخلوا الشركه الاربعه وكانوا جمب بعض واول ما دخلوا اثاروا الجدل وكلهم كانوا بيتهامسوا عنهم ومنهم اللي كان مهيم بيهم (قصدي علي يوسف وحمزه)كانوا ولاول مره يلبسوا الزي الرسمي وفجأه كانت روان هتقع بس حمزه مسكها بسرعه وسرحوا في عنين بعض وكل البنات اللي في الشركه كانوا عايزين يقعوا علشان يمسكهم نرجع لحمزه وروان
روان اخدت بالها من وضعها ووقفت بسرعه واستغربت ان حمزه ويوسف هنا بس قالت يمكن يكون مستر سليم عايزهم وراحوا الخمسه علي اوضة الاجتماعات
________________________________________________
في اوضة الاجتماعات
سليم قاعد علي الكرسي بتاعه ومستني روان تيجي علشان هيا اللي هتقدم الاجتماع وشاف روان بتفتح الباب ودخلت وبعد شويه الباب خبّط ودخلوا الاربعه وقعدوا
سليم باستغراب:حمزه و يوسف انتوا ايه اللي جابكوا هنا
يا تري سليم هتبقي ردة فعله ايه؟
ملاك وسليم علاقتهم هتستمر ولا لا؟
الاسيوطي ايه سبب اختفائه كل الفتره دي؟ ويا تري لو رجع هيعمل ايه؟
هل سليم هيعرف يحمي ملاك من خطر الاسيوطي وهيعرف يحمي حبه؟
كل ده هنعرفه البارتاتس الجايه
انا عارفه اني اتأخرت ومنزلتش بقالي فتره بس سامحوني كنت في ضغط لان فعليا علشان اكتب بارت باخد يوم كامل وكمان ببقي عايزة وقت كمان لاني بحاول اكبر البارت والاحداث علي قد ما اقدر وكمان ضغط الدراسه والمذاكره ف سامحوني بجد وهحاول التزم
(تعديل
: اسم الشركه بتاعت ملاك HMRY ومدرائها اربعه مش اتنين وهما يوسف وحمزه ورودينا وملاك حبيت اوضحلكوا علشان متتلغبطوش)