روايات

رواية لهيب العشق الفصل الرابع 4 بقلم ورد

رواية لهيب العشق الفصل الرابع 4 بقلم ورد

رواية لهيب العشق الجزء الرابع

رواية لهيب العشق البارت الرابع

رواية لهيب العشق
رواية لهيب العشق

رواية لهيب العشق الحلقة الرابعة

بعدما غادر ادهم ونادين من منزل ملاك ..

ركبا السيارة حتي يذهبوا الي منزلهم .. في الطريق قالت نادين لادهم : عارف يا ادهم

ادهم : ايوا يا امي

نادين : ملاك دي طيبه وبنت ناس وبسيطه دخلت قلبي وانا حبيتها ومبسوطه انها هتبقي مراتك

لم يعطيها اي رد وبقي صامتاَ

وصل ادهم ونادين الي منزلهم ، نزلت نادين ودخلت الڤيلا ومن بعدها دخل ادهم ..

سالت نادين ادهم : عايز حاجه يا حبيبي انا هطلع انام

ادهم : سلامتك يا ست الكل

نادين : تصبح علي خير

ادهم : وانتي بالف خير

ذهبت نادين الي غرفتها حتي تنام ..

وكذلك ادهم ذهب الي غرفته ونام هو الاخر ..

اتي اليوم التالي سريعا ..

في منزل ادهم ..

استيقظ بنشاط كعادته ثم ذهب الي الحمام توضئ وادي فريضته .. وجد هاتفه يرن ابتسم عندما راي اسم المتصل ..

اجاب ادهم علي المتصل وقال : الواطي الي وحشني

رد عليه المتصل : وانت وحشني والله يا ادهم

ادهم : طمني عليك يا اسر عامل ايه

اسر : انا كويس جدا

ادهم : دايما يا صاحبي

اسر : اي يا عريس مش هتبعت حد ياخدني من المطار الشمس حرقتني

ادهم بصدمه : انت هنا في مصر

اسر : هو انا اقدر محضرش فرح اخويا ولا ايه

ادهم : يا بني دا انا لسا مكلمك امبارح متاخر لحقت تحجز طياره وتيجي

اسر : انا اعمل اي حاجه عشان اكون جمبك يوم فرحك

ادهم : ربنا يخليك ليا يا صاحبي

ااسر : بعدين نبقي نحب في بعض ابعت حد ياخدني يا عم

ادهم : لسا لمض زي مانت

اسر : دا الطبيعي بتاعي

ادهم : طيب اقفل وهبعتلك حد ياخدك

اسر : ماشي سلام

استوب ..

( اسر السيوفي : صديق ادهم منذ الطفوله ولكنه سافر الي امريكا منذ خمس سنوات والان عاد حتي يحضر زواج ادهم وملاك ، شاب طويل يمتلك عينان بنيتان وشعره اسود بشرته برونزيه ، عمره 27 ، يعيش بمفرده والداه متوفيان )

نكمل ..

خرج ادهم من غرفته بعدما انهي اتصاله مع اسر ..

نادي احد من الحراس حتي يذهب لاسر ، وتحدث مع المصمم الذي صمم فستان ملاك اعطاه العنوان وطلب منه ان يوصله الي منزلها ..

في بيت ملاك ، ايقظتها روان فاليوم يوم زواجها من ادهم ..

استيقظت والحزن مخيم علي وجهها فيها اليوم سوف تبدا حياه جديده مع شخص لا تعرف سوي اسمه فقط ، لا تعرف عنه اي شئ سوي انه ادهم العمري لا تعلم ما طباعه او اي شئ عنه ، تنهدت وقالت في نفسها : كن معايا يارب في كل خطوه

توضئت وادت فريضتها وخرجت من غرفتها ، لاحظت ان الجميع منشغل ، ولا احد يسمع الباب ، ذهبت وفتحت الباب وجدت امامها شاب ، كانت تقف ولا يوجد حجاب علي شعرها وعندما وجدت ان من يدق رجل ، اختبئت وراء الباب وبصوت هادئ قالت : مين حضرتك

ابتسم الشاب علي حيائها وقال : ادهم باشا باعت الفستان دا ل ملاك هانم ممكن حضرتك تناديها

ملاك : انا ملاك ثواني بس وجايه لحضرتك تاني

جرت الي غرفتها واخذت حجابها ووضعته علي راسها ثم عادت حتي تاخذ فستانها ..

فتحت الباب وتفاجئ الشاب بجمالها ثم قال في نفسه : تبارك الله

هنا تحدثت وقالت : يا استاذ

عاد الي وعيه وتحمحم ثم اجابها : اايوا مع حضرتك

ملاك : الفستان

الشاب : اه اتفضلي مد يده لها ، اخذت منه ثم استاذنت واغلقت الباب ..

ذهبت الي غرفتها ورات الفستان ، كان جميل وبسيط ولكنه غالي جدا ..

دخلت لها روان ورات الفستان هيا الاخري وطلبت من ملاك ان تبدا في تجهز نفسها ..

عند ادهم ..

بعد ساعه ونصف دخل احد القصر وبصوت عالِ قال : والله انا نورت

ضحك ادهم وقال : طبعا نورت يا اسر

اقترب اسر واحتضن ادهم بشوق وكذلك ادهم ..

نادي ادهم نادين حتي ترحب باسر ، اتت نادين وقالت لاسر : واخيرا شوفتك يا اسر

اسر بابتسامه : وحشاني والله

نادين : وانت اكتر والله

ثم اقتربت منه واحتضنته فهيا تعتبره مثل ابنها ..

شعر اسر بالدفئ والامان عندما احتضن نادين فهيا مثل والدته وكانت بجانبه وتهتم له بعد موت والداه ..

خرج اسر من احضان نادين ثم قالت له : اطلع غير هدومك واجهز عشان معتش وقت

ثم نظرت لادهم وقالت : وانت كمان يا ادهم وياريت تقصر شعرك لانه طويل

نظر ادهم لاسر وقال : بذمتك شعري كدا طويل

اسر : ماما قالت طويل يبقي طويل

انظر ادهم ل نادين وقال : حاضر الي انتي شايفاه

نادين : يلا بقا بطلوا غلبه انا كمان عندي شغل مش عايزه حد يعطلني

رحلت نادين وذهب ادهم الي غرفته وكذلك اسر ..

اتي الليل سريعا …

عند ملاك “

روان ومياده جهزوا ملاك ، ثم جهزوا انفسهم وانتظروا حتي ياتي ادهم ونادين ..

عند ادهم “

جهز ادهم نفسه وارتدي بذلته ووضع العطر المفضل له ثم خرج من غرفته وجد اسر ونادين في انتظاره ..

قال له اسر : شكلي حلو

ادهم بابتسامه : قمر احلي من العريس نفسه

اسر : طبعا

ادهم : طيب يلا يا رخم عشان منتاخرش

نادين : يلا يا ولاد

غادروا جميعهم القصر وركبا السيارة وتولي ادهم القياده ..

بعد نصف ساعه وصلوا الي منزل ملاك ..

هنا سال اسر ادهم : اسم العروسه اي

ادهم : ملاك

غمز اسر وقال : ويا تري هيا حلوه زي اسمها

نظر ادهم لاسر نظره قاتله جعلت اسر يصمت ..

دق ادهم الباب وفتحت له روان عندما راها اسر سرح في جمالها ، فكانت ترتدي فستان فضي وحجاب بنفس اللون …

استوب نسيت اعرفكم علي روان ( روان : فتاه قصيره عمرها 22 عام نفس عمر ملاك عينيها زرقاء وجسدها متناسق بشرتها خمريه وشعرها اسود )

عندما وجدت روان اسر ينظر لها خفضت نظرها وابتسمت بخجل ..

تنحت جانباً وسمحت لهم بالدخول ، جلسوا في الصالون وهنا اتت مياده وفي يدها ملاك ، نظر لها ادهم وسرح في جمالها فهيا كانت تشبه الملائكه ..

اتت ملاك وجلست بجانب ادهم ، وبعد دقائق اتي الماذون ..

وعندما قال ” بارك الله لكما وبارك عليكما وجمع بينكما في الخير “

دق قلبها ثم نظرت لادهم وكانها تقول : هل اصبحت الان زوجي لم يفهم ادهم نظرتها لذلك تجاهلها

امسك يدها وذهبا الي صاله الحفلات التي سوف يقام فيها حفل زواجهما ..

وصلا الي صاله الحفلات ، امسك ادهم يد ملاك ودخلا معا ..

طلبت روان من منسق الاغاني ان يشغل اغنيه ( اول مره اتقابلنا ) حتي يرقصوا عليها ..

رقص ادهم وملاك معا ثم جلسوا ولكن لم يتحدثوا ..

حين كانت روان ذاهبه الي ملاك ، اصدمت في اسر ثم قالت له بغضب : انت اعمي

اسر : لمي نفسك يا بت انتي

روان : بت لما تبتك

اسر : لسانك طويل بس قمر

روان : قمر في عينك عيل اهبل

ثم تركته وذهبت ..

بعد ساعه رحل ادهم ومعك ملاك الي الڤيلا وكذلك اسر ونادين ..

بعدما وصلوا ، ذهب ادهم وملاك الي غرفتهم ، وذهب اسر ونادين كلا منهم الي غرفته ..

دخل غرفته ادهم وطلب من ملاك ان تجلس علي الكرسي المقابل له وجلس هو علي السرير ..

كانت خائفه منه ومتوتر ولكن لم تظهر توترها وخوفها امام ادهم ..

تحدث ادهم موجها حديثه لها : بصي يا بنت الناس انا مش متجوزك حبا فيكي لاني مكنتش اتمني اتجوز واحده زيك بس نصيبي انك تكوني مراتي ، هنعيش مع بعض شهر واحد وهطلقك ، مفيش خروج من غير اذني ، متدخليش في حياتي انا في حالي وانتي في حالك ، قدام اي حد هنبان مبسوطين مع بعض واياكي حد يعرف الكلام دا فاهمه

اجابته بخوف : حاضر

ادهم : انا هدخل الحمام اغير هدومي وانتي غيري هدومك عندك هدوم في الدولاب

ملاك : حاضر بس هو انت بتصلي

ادهم : اه طبعا هو انا زيك

ملاك بصوت عالِ : علي فكرا انا بصلي وحافظه القراءن كله ومش عشان الي حصل ولا عشان كلام انور يبقي انا بنت مش كويسه علي فكرا انا محجبه من وانا عندي 10 سنين وحافظه القراءن كله من وانا عندي 15 سنه وشكرا عشان ظنك الوحش دا وبلاش تخدعك المظاهر عشان المظاهر كدابه

ادهم : صوتك ميعلاش تاني دي اول حاجه تاني حاجه عايزاني اقول عنك اي وانا شوفت لبسك كان عامل ازاي وكلام عمك امبارح في الشركه

ملاك ببكاء : متقولش عمي بس لان لو دا كان عمي فعلا وبيعتبرني زي بنته مكنش قال عني كدا وهو السبب في الي حصل

ادهم : دا كله ميهمنيش

ثم تركها ودخل الي الحمام وهيا دعت ربها ان يبين الحقيقه لادهم حتي يعلم انها بريئه من كل هذه التهم ..

غيرت ملابسها وارتدت بيجامه باللون الوردي وتركت شعرها منسدل علي كتفها ، خرج ادهم من الحمام ثم نظر لها وكانت في غاية الجمال . ابعد نظره عنها ثم قال لها : انا هنام علي الكنبه وانتي نامي علي السرير

اجابته ملاك : لا انا هنام علي الكنبه

ادهم : مبحبش اقول الكلمه مرتين

ملاك : حاضر

نام ادهم علي الكنبه وهيا نامت علي السرير ..

استيقظ ادهم في منتصف الليل علي صوت بكاء وصراخ نظر الي ملاك وجدها تبكي وتصرخ وتقول : بالله عليك يا عمي افتح الباب انا بخاف من الظلمه ونبي افتح ، يا ماما ساعديني افتحي الباب يا ماما انا خايفه حد يفتحلي

اقترب ادهم منها واخذها في احضانه محاولا ان يجعلها تهدأ ، بعد دقائق نظر لها وجدها نائمه ، كان سوف يرحل ولكنها امسكت يده وقالت بدون وعي : خليك انا خايفه .. استجاب لها ادهم وبقي بجانبها حتي غلبه النوم هو الاخر ..

( سوف ياتي اليوم التالي والكثير من الاشياء سوف تحدث )

يتبع…

لقراءة الفصل التالي : اضغط هنا

الرواية كاملة اضغط على : (رواية لهيب العشق)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى