رواية إليك سكن فؤادي الفصل العشرون 20 بقلم نورهان محمد
رواية إليك سكن فؤادي الجزء العشرون
رواية إليك سكن فؤادي البارت العشرون
في الاسفل
منصور بابتسامه تمام ياولاد ربنا يهنيكم
سليم بهدوء ياارب يا بابا
وكاد ان يخرج ولكن عفاف اعترضت طريقه هاتفه بابتسامة رايحين فين كده ياحلوين
سليم طالعين نتغدا بره ياعمتي
لتنظر نحو يديهم المتشبكه بعضها ببعض هاتفه بضيق ربنا يهنيكم ببعض
سليم طيب يلا بعد اذنكم
وكاد ان يخطو اولي خطواته هو ومريم الي الخارج ولكن اوقفهما صوت الصريخ من حولهم
ليتسمروا مكانهم من شدة صدمتهم غير قادرين علي الالتفات الي الخلف منصور بلهفه عفاف قومي عفاف مالك
لتاتي نحوها سلمي التي كانت تترجل من غرفتها وصرخت عندما وجدت عفاف تسقط ارضا
ليلتفت سليم الي الخلف متجها نحو عمته هاتفا بقلق وهو يستندها عمتي فوق فوقي
ليكمل بصراخ حد يناولني حاجه افوقها بيها
لتترجل مريم نحو كوب الماء معطياه اياها
اخذه سليم منها واخذ يرشه علي وجهها بقلق واضح
لتفتح عينها وهي تلتفت حولها بتصنع التعب انا فين ايه اللي حصل
سليم ومنصور وهما ياخذان نفسهما بتعب الحمد لله
ليكمل سليم بهدوء انتي اغمي عليك
عفاف بجحود ايه ممكن علشام مخدتش برشامة الضغط
سليم بعتاب ودا بردو اسمو كلام لازم تهتمي بصحتك ياعمتي مش هينفع كده
عفاف وهي تحاول ان تقف ليستندها سليم وسلمي الي احدي المقاعد لكي تجلس هاتفه بتعب مصطنع هعمل ايه يابني عدت علي خير
لتكمل بغل لو كده اخرجوا انتو انا بقيت احسن شوفوا انتو كنتوا رايحين فين
مريم باحترام لا ياعمتو نخرج في اي وقت تاني مش هينفع نسيبك كده
عفاف بتصنع التعب وهي تمسك رأسها لا انا بقيت كويسه
سليم بهدوء نبقا نخرج في اي يوم تاني مش هينفع انهارده ياعمتي وانتي في الحاله دي
مريم بهدوء ايوه فعلا عندك حق
لتكمل ياسلمي هاتي دواء عمتو علشان تاخدوا وتفوق شويه
سلمي بقلق ترجلت الي الداخل لتهتف عفاف بتعب انا عايزه ادخل ارتاح لاني تعبانه
منصور بهدوء انا هكلم الدكتور ياجي يطمنا عليك
عفاف بتوتر لا ملوش لازوم انا هاخد الحبايه بتاعت الضغط وهفوق ان شاء الله بس انا عايزه ارتاح
ليستندها سليم ومريم الي غرفتها
ومن ثم ترجلوا الي الاعلي لكي يبدلوا ملابسهم
في جناحهم الخاص
سليم بهدوء وهو يقف امامها هاتفا باعتذار اسف بس ان شاء الله هنعوضها بكره ان شاء الله
مريم بابتسامه ولا يهمك اهم حاجه عمتو تكون بخير
سليم بابتسامه عندك حق يامريم
بقلم نورهان محمد
••••••••••••••••••••••••••••••••••••••••
في غرفه عفاف وبمجرد خروجهم اعتدلت عفاف في جلستها هاتفه بضحكة شر احسن يستاهلوا
سلمي بصدمه ايه دا في ايه
عفاف بابتسامه في ايه
سلمي باستغراب هو انتي مش تعبانه ولا ايه
عفاف بابتسامه لا طبعا
سلمي باستفسار امال وقعتي بره ليه
عفاف بضيق ماهو انتي هبله ولو فضلتي علي كده مش هتعرفي تعملي حاجه
سلمي بغضب ليه بقا ان شاء الله
عفاف بضيق انا كنت بعمل كده علشان افركش لهم الخروجه
سلمي باستغراب ليه بقا ان شاء الله
عفاف بضيق وهي تشير باصبعها علي رأس ابنتها هاتفه بغضب لا شغلي مخك دا
لتكمل علشان امنعهم من انهم يقربوا لبعض سليم شكلو بيحبها وهيبدأ يعوضها وسليم لو حب حد هيكون نسخه من ابوه وعمو كانوا بيدلعوا مراتتهم بطريقه مش هتتخيليها وطبعا مع اختلاف الزمن وكتر الفلوس سليم هيخليها ملكه
سلمي بغيظ طيب وانا اعمل ايه دلوقتي
عفاف مش عارفه انهارده وعملت كده ولو جيت المره الجايه وعملت اي حاجه هيشكوا فيا
سلمي بتفكير عادي يخرجوا مره وتتفركش مره مش هتفرق
عفاف بضيق اسكتي يابت انتي متفكريش
لتكمل انا اللي افكر وانتي تنفذي بس
سلمي بلامبالاه اللي يعجبك
لتكمل اقعدي فكري بقا وانا هقوم اقعد علي الفون
لتكمل بمزاح اه صحيح متنسيش تاخدي برشامة الضغط لتنتطق بهذه الكلمه وهي تضحك ومن ثم توجهت الي الخارج
عفاف بغيظ ماشي ياهبله
بقلم نورهان محمد
•••••••••••••••••••••••••••••••••••••••••••••
عند سالم والد رنا
عمرو بابتسامه ماشاء الله لا يابني باين عليك اهو بقيت احسن من الاول
رامي ايوه الحمد لله احسن من الاول بكتير
عمرو بمزاح طيب قوم اجري قدامي كده علشان اتأكد انك كويس ومتضحكش علينا في العمليه
رامي بضحك يراجل علشان بعد ما اكون فوقت شويه انتكس تاني
عمرو عادي مش انا شغال عندك وبسليك ولا اكني الخدام بتاعك
رامي بابتسامه قوم روح يلا ومتجيش عندنا تاني
ليكمل وكمان انا موصي الدادة تعملك البسبوسه اللي بتحبها وصنيه لوحدك كمان يكون احسن بردو اكل انا حقك بقا
عمرو بمزاح ياخي بنهزر ايه مابتهزروش وبعدين انت صاحبي اللي بيخلص مرتبه علي البسبوسه
ليكمل مش عارفه احنا هنتجوز ازاي بالفشل اللي احنا فيه دا والاستهتار لا وعايزين نعتمد علي نفسنا بدون تدخل الاهل
رامي بضحك قول لنفسك منا قولتلك بلاش القرارات المتهوره دي وانت اللي مش بتسمع الكلام
ليكمل ارجع في رائيك وانا معاك
عمرو بضحك ارجع انت في كلامك واعتبروا حصل
ليكمل ابعت هات صنيه البسبوسه بقا خلينا ننسي
ولم يكمل كلمته حتي وجد من تترجل الي الداخل هاتفه بابتسامه مساء الخير
عمرو بهدوء وهو يعتدل في جلسته مساء النور يا رنا
ومن ثم هتف بهدوء عامله ايه في الدراسه
رنا بحماس الحمد لله ملتزمه جدا الترم دا
عمرو بتحميس طيب كويس شدي حيلك بقا علشان تحصلي الدكتور رامي
رنا بهدوء ان شاء الله
لتكمل وهي تقدم له الاطباق اتفضلوا
عمرو بضحك لا انا الطبق دا مش هينفع معايا اخوك لسه قايلي ان انا ليا صنينه
لتضحك رنا عليه هاتفه بابتسامه حاضر هنزل اجيبها
عمرو تسلمي يارنا يارب كريمه عن اخوك
رنا بدفاع ليه دا رامي حتي فيه الكرم كلو
عمرو بهدوء منا عارف طبعا دا احسن واحد ربنا يبارك فيكم
لتترجل الي الاسفل
رامي بهدوء ها طمني عليك عامل ايه دلوقتي
عمرو بهدوء الحمد لله ماشي الحال
رامي بهدوء طيب ومريم
عمرو باحترام هي دلوقتي بقت علي ذمة شخص تاني وانا بحترمها وبحترم قرارها جدا وربنا يوفقها معاه ويسعدهم
رامي بابستفسار طيب وانت من ناحيتك ايه النظام
عمرو بهدوء ابقا كداب لو قولتلك اني لحقت انساها بس هي فعلا زي ما كانت مختلفه في نظري اكيد هلاقي حد مختلف ويجذبني من تاني
ليكمل بادب انا حاليا بحاول انساها بشتئ الطرق
رامي بهدوء وناجح في كده
عمرو بحماس ايوه الحمد لله بدعي كتير ان ربنا يطلعها من قلبي زي مادخلت والحمد لله حاسس ان حبي ليها بدأ يقل
ليكمل عارف يارامي
رامي بهدوء ايه
عمرو بتفكير حاسس انو ما الا اعجباب بس لانو لو حب مكنتش هقدر اتخطاه بسهولة مش هنكر اني كنت بدأت احبها
بس الحمد لله اني فوقت قريب
رامي بابتسامه سعاده بان صديقه بدأ التعافي طيب الحمد لله
عمرو بس جوزها باين عليه مش طايقني
رامي باستغراب ليه
عمرو بتذكر مش عارف في اليوم اللي بنروح فيه دار الايتام هي حضرت وهو جالها هناك وبمجرد ما شافها معايا اتجنن واتنرفز عليها جامد
رامي بتفكير هو اكيد بيحبها وكان غيران عليها وخصوصا انك اتقدمتلها
عمرو بتأييد منا قولت كده
ليكمل انا هبقا اروحلوا في مره واوضحلوا وجهة نظري ان شاء الله واني نسيتها في اليوم اللى بقت فيه مراته
رامي بابتسامه فكره كويسه علشان حتي تصفي الدنيا ما بينكما ويرتاح بردو من ناحية الموضوع دا
ليكمل بهدوء انا من وجهت نظري علشان تنساها بسرعه حاول تخطب واحده تانيه وخصوصا ان تعلقك بيها بدأ يروح ودا هيساعدك انك تنسي بسرعه
عمرو بتفكير منا بردو بفكر في كده
ليكمل يلا خير ان شاء الله
كانت رنا تقف في الخارج مستمعه الي حديثهم الذي جعل قلبها يرقص فرحا من شدة سعادته لتترجل مجددا واضعه الصنيه ومن ثم ترجلت الي الخارج
بقلم نورهان محمد
•••••••••••••••••••••••••••••••••
في صباح يوم جديد
استيقظت مريم هي الاخري لكي تحضر له الفطار
وهما جالسان يتناولان فطارهم هتف سليم بابتسامه مريم كنت عايزك في موضوع
مريم بابتسامه اتفضل
سليم بهدوء الموضوع يخص صحبتك ضحي
مريم بخوف مالها ضحي حصل حاجه ولا ايه
سليم بابتسامه ايه الخوف دا كلو
ليكمل متقلقيش دا مشروع جواز
مريم بابتسامه بجد مين
سليم بهدوء مصطفي صاحبي
مريم بصدمه مصطفي
سليم بابتسامه ايوه هو المتهور دا
مريم بتذكر بس دول خانقوا في بعض وهي اكيد دلوقتي مش طايقاه
سليم بهدوء مااحنا عايزين نغير الصوره دي
ليكمل سليم عايزه يتقدملها ويتجوزها وعايزنا نساعده
مريم بهدوء انا مش عندي مانع وهحاول اقنعها بس يارب توافق
سليم بحنان قوليها انها متاخدش الظاهر مصطفي مشاغب ايوه وبتاع مشاكل بس هو مفيش اطيب ولا اجدع منو وباين عليه بيحبها وعايز يبدأ معاها حياة جديده
مريم بابتسامه وانا هعمل كل اللي عليا وزياده متقلقش وان شاء الله توافق
سليم طيب الموضوع دا عايزه تكلميها وانتي معاها مش هينفع في الفون
مريم بهدوء يعني ايه
سليم بابتسامه انا هروح الشركه وهرجع علي العصر كده تكوني جاهزه هاخدك ونروحلها وانا هستناك في العربيه
مريم بابتسامه اتفقنا
ليترجل سليم واقفا ومن ثم احتضنها مقبلا رأسها هاتفا بحنان انا همشي دلوقتي محتاجه حاجه
مريم بابتسامه لا عايزه سلامتك
لتكمل بحنان خلي بالك من نفسك
سليم بابتسامه وهو يترجل الي خارج الجناح هاتفا بهدوء حاضر ياحبيبتي
لتترجل مريم الي البلكونه تتابع خروجه ومن ثم اخذت تتطلع عليه مستودعه اياه وهو يترجل بعربيته الي الخارج
بقلم نورهان محمد
•••••••••••••••••••••••••••••••••••••••
في الشركه ترجل سليم الي مكتبه ليتبعه مصطفي
سليم ياهلا الناس تدخل تقول صباح الخير وانت داخل قالب وشك علي الصبح
مصطفي جلس بهدوء وعلي غير العاده ناظرا امامه بحزن
سليم بابتسامه يابني انت لسه في الاول لحقت تحبها كده
مصطفي ايوه ملكش دعوه
سليم بضحك عشت وشوفت مصطفي اللي مكنش بيعمل حاجه غير انو يوقع البنات في حبه دلوقتي جات اللي هتربيه
مصطفي بصدمه انت شمتان فيا
سليم بضحك الصراحه اه
مصطفي بغيظ ماشي ياسليم ليك يوم
سليم بابتسامه لا ياحبيبي انا في السليم متجوز وبحب مراتي والحمد لله على كل حال
مصطفي نظر له والتزم الصمت
سليم بابتسامه علشان انا بس طيب واشفقت عليك قررت اساعدك
مصطفي بابنتباه احلف
سليم بابتسامه ايوه والله اتفقت مع مريم وهتروح تفاتحها انهارده ادعي بقا انها توافق
مصطفي بخوف ربنا يستر بقا وتوافق
سلمي ياارب
لم يكمل حديثه حتي وجد من يترجل اليه هاتفا بضحك وهو يفتح له ذراعيه بطريقه مضحكه تعالي في حضن اخوك
ليرفع سليم نظره نحوه هاتفا بابتسامه وهو يتجه نحوه بضحك معاذ وحشتني ياواد والله
معاذ وهو يحتضنه بحب وانت كمان
سليم بابتسامه متروحش دورات تدريبيه تاني علشان بتوحشني
معاذ بابتسامه بس كده اي خدمه حاضر ياعم
ليخرج من بين احضانه هاتفا بابتسامه مصطفي باشا هنا كمان دا الحبايب متجمعه ليتجه نحوه ويحتضنه ومن ثم توجهوا وجلسوا سويا
معاذ باستغراب مالو مصطفي مش علي عادته كده
سليم بابتسامه اسكت مش الباشا بيحب
معاذ بدهشه احلف
سليم بضحك والله يابني زي ما بقولك كده جات اللي وقعتوا وهتربيه من جديد
معاذ ودي مين دي اللي امها داعيه عليها قصدي داعيالها
سليم بهدوء مش هتصدق
معاذ بتفكير حد اعرفوا
سليم بابتسامه اه ممكن تكون عارفها
ليكمل ضحي صاحبة مريم
معاذ بضحك الله وكمان ملتزمة يلا علشان تخليك تتوب ولا سهر ولا حاجه وتصحي تروح شغلك وترجع تنام من بعد العشاء
سليم بضحك ايوه والله داانا فرحان فيه اوي يستاهل علشان كان بيعايب علي اللي بيتجوزوا
مصطفي بغيظ الله الله انتو هتقعدوا تلقحوني لبعض ماشي استنوا عليا كان سليم ليه يوم بعد ماجيت بقو يومين
سليم بضحك لا ولسه في دماغ يألش
معاذ بابتسامه فاضي
سليم ايوه والله عندك حق
ليكمل سليم بجديه عايزكم في موضوع بقا
معاذ ومصطفي بانتباه ايه
سليم بهدوء عايزين نجهز نفسنا للاجتماع مش فاضل عليه كام يوم
مصطفي هو شبه كل حاجه جاهزه
سليم بهدوء طيب تمام انا بعد مااخلص الصفقه دي هاخد اجازه كام اسبوع كده
معاذ ومصطفي ليه
سليم بابتسامه هاخد اجازه واسافر انا ومريم
معاذ ايوه ياجامد
سليم بابتسامه اهم حاجه متجبش سيره قدام حد
معاذ متقلقش ياكبير
مصطفي باوامر اعمل حسابك مش هتتحرك ولا هتاخد اجازه غير لما تظبطلي موضوعي
سليم بضحك حاضر ياباشا متقلقش
بقلم نورهان محمد
•••••••••••••••••••••••••••••••••••••••••••••••
في جناح سليم الخاص
ترجل الي الداخل ليجد مريم في انتظاره تجهز له هو الاخر ملابسه
بعد دقائق ترجلوا الي الاسفل ومن ثم الي عربيته وسط نظرات الغل اللتي تحملها لهم عمتهم عفاف
اما منزل ضحي
سليم بابتسامه هستناك هنا
مريم برقه وهي تترجل من العربية تمام
امام شقه ضحي رنت مريم الجرس وانتظرت حتي فتحت لها ام ضحي
مريم بابتسامه وهي تحتضنها ازيك ياطنط عامله ايه
ام ضحي بهدوء الحمد لله يابنتي انتي اللي عامله ايه وجوزك عامل ايه
مريم بابتسامه الحمد لله كلنا كويسين
ضحي بهدوء وهي تترجل الي الخارج مين ياماما لتصمت فجأه هاتفه بابتسامه وهي تترجل نحوها لكي تحتضنها مريم
مريم بابتسامه حبيت اعملهالك مفاجأه
ضحي بفرحه واحلي مفاجأه
ام ضحي بهدوء اقعدوا يابنات علي ماادخل اعملكم حاجه تشربوها
ضحي بفرحه وهي تشدها من يدها متجها بها الي الداخل تعالي نقعد في اوضتي
ضحي بابتسامه وحشتيني
مريم بابتسامه وانتي كمان والله
ضحي بهدوء كنت محتجاك جنبي
مريم هو ايه اللي حصل وبعدين منا موجوده دايما كلميني
ضحي بهدوء بخاف اعطلك ولا حاجه
مريم بابتسامه بسيطه متقوليش كده احنا اخوات وانا موجوده في اي وقت
ضحي ربنا يديمك ليا
مريم ويديمك ياقلبي
ضحي بهدوء حاسه انك عايزه تقولي حاجه
مريم بهدوء الصراحه اه
لتكمل بس قوليلي مالك الاول
ضحي بهدوء قوليلي الاول عايزه تقولي ايه وبعدين احكيلك انا اللي مزعلني
مريم بابتسامه تمام
لتهتف بهدوء الصراحة كده متقدملك عريس
ضحي بهزار ومين دا اللي امه داعيه عليه
مريم بحنان داعيه عليه ايه دي هتكون دعياله اللي ياخدك
لتكمل هو من صحاب سليم وانتي اكيد عارفاه
ضحي بتوتر مين دا
مريم بابتسامة مصطفي صاحب سليم
ضحي بصدمه مين
مريم باستغراب مصطفي اللي اتخانقتي معاه وانتي عندي
ضحي بغضب دا لو اخر راجل في الدنيا مش هوافق عليه
مريم بصدمه ايه…
لتكمل طيب اهدي ولم تكمل جملتها
لتقطعها ضحي هاتفا بضيق قوليلوا كده ضحي بتقولك ابعد عنها
لتكمل بدموع ونجوم السماء هتكون اقربلك مني
مريم اخذت تتطلع اليها بصدمه وهي لا تدي ماذا يحدث حولها
بقلم نورهان محمد
•••••••••••••••••••••••••••••••••••••••••••
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إليك سكن فؤادي)
