رواية مصيبه سكنت قلبي الفصل الثاني 2 بقلم أميرة رمضان
رواية مصيبه سكنت قلبي الجزء الثاني
رواية مصيبه سكنت قلبي البارت الثاني
رواية مصيبه سكنت قلبي الحلقة الثانية
طلعت شفت العريس
_ يالهوووووي اي الجمال ده يخربيتك معقوله ده العريس
عز : علي صوتك كمان عشان يسمعوكي ويقولي معرفناش نربي
_بس ياض لسه جاي دلوقتي حسابك معايا بعدين
عز : قلبك ابيض بقي ي لوكا وقال بصوت عالي : تعاااالي سلمي علي عريسك
(سلمت عليه وعلي ابوه وامه وقعدت مكسوفه اوووي وبعد كلام كتير )
بابا : لوكا اطلعي انتي ويوسف اقعدو في البلكونه شويه
(طبعا كان بيقول كده عشان نتعرف علي بعض انا ويوسف اكتر )
_ماشي ي بابا (وطلعنا البلكونه )
يوسف : جميله البلكونه دي
_اه انا بحبها اووي اكتر مكان بحب اقعد فيه دانا حتي اللي قولتلهم يحطو الكراسي دي عشان تبقي احلي
يوسف : اي ده داحنا بنعرف نفكر اهو
_بتتريق ماااشي
يوسف : لاء والله مش بتريق مين اللي زارع الورد ده
انا رديت بتلقائيه : انااااا والله
يوسف : خلاص مصدقك😂
_اصل انا بهتم بيه اووي بحس انه مسؤل مني ولازم احافظ عليه عارف كده زي الناس البتربي قطط وبتراعيها انا بنسبالي الورد ده كده واكتر كمان دانا حتي عاطيه لكل ورده اسم
يوسف : بجد طب عرفيني عليهم 😂
_الورده البيضاء دي اسمها ميرا
يوسف : اشمعني
_علي اسم صحبتي عشان زرعناها انا وهي 😂 طب استني شايف الورده الحمرا دي اسمها ريم عشان ريم ضربتني اني سميت ورده علي اسم ميرا وهي لاء 😂 ودي اسمها ساره برضو علي اسم صحبتي
يوسف : الورد كله سمتيه علي اسم اصحابك
_اصل انا بحب الورد اووي واي حد بحبه بزرع ورده واسميها علي اسمه وافضل اهتم بيها ولما حد يسيبني او يزعلني بسيب الورده بتاعته كده
يوسف _ طب الورد الهناك ده مالو كده
(اتوترت لما سالني علي الورد ده بايظ ليه )
_لاء ابدا مات وزرعت غيرو
يوسف : طب اذا كان كده مش هتزرعي ورده ليا
_طبعاااا
(فرحت انه مهتم يسمع كلامي التافهه عن الورد ويعرف أسمائهم وكنت بتكلم معاه بتلقائيه ونسيت التوتر والكسوف لكن اصحابي اقتحمو علينا المكان )
ريم : سلام عليييييكو
بصتلها بغيظ كده
ساره : هو احنا جينا في وقت غير منافس ولا اي
يوسف : لاء طبعا نورتو
ميرا: احنا قولنا ناجي نقعد معاكم اللمه حلوه برضو
_ اها انتي هتقوليلي
ريم : شوف بقي ي عريس هما برا طلعنالهم تورته وعصير والشغل ده لكن انت عشان العريس فجبنالك الكيكه دي تارتاااااااا
(انا شفت الكيكه من هنا واتجننت 😳)
_لااااااااء لاء دخليها الله يحرقك انتي مش قولتي هترميهااااا
ريم : اخص عليكي ارميها ونخبي الجمال ده عن العريس
ساره : اي ي لوكااا دي عمايل ايديكي خلي العريس يذوق ويعرف قد اي انتي موهوبه في المطبخ
يوسف : انتي اللي عملاها
(انا اتكسفت اووي من الموقف وعيوني دمعة ومسحتها علطول وهو خد بالو )
يوسف : طب بما ان مراتي المستقبليه هي اللي عملتها اكيد لازم اذوقها
_لاء متكلهاش مش حلوه دي محروقه
يوسف : عادي هكلها محروقه طلاما من ايدك
(فرحت اوووي انه جبر بخاطري ومتريقش عليا الحاجات البسيطه دي كانت بتفرحني اوووي )
ميرا :ي عيني علي الحب بقي
ريم : طيب بما انك عريس صحبتنا فاحنا هنسالك كام سؤال كده وتجاوب علينا
يوسف : اتفضلي
ريم : اسمك ثلاثي
يوسف : يوسف عبد الله الهلالي
ساره : كام سنه
يوسف :26
ميرا : بتشتغل اي
يوسف : عندي شركه مقاولات وبناء صغيره كده علي قدي
ريم : شرررركه لاء داحنا كده موافقين اووي
_خلاص كفايه كده بقي
ريم :لسه ي بت استني
_ريم لخصي بقااااا
ريم : خلاص اخر سؤال عندك اصحاب ومتجوزين ولا لاء
يوسف : نعااام
ريم : لاء متفهمناش غلط احنا بس بنطمن علي بنتنا هنشوف بعد الجواز هتنزل تسهر مع اصحابك وتأهمل البنت ولا هتهتم بيها وكده
يوسف 😂: اه في متجوزين وفي لاء
_ممكن بقي تخلصي فقره الاسئله دي وتغوري من هنا وحسابي معاكم بعدين
ميرا : خلاص طالعين
انا فضلت ساكته
يوسف : ساكته ليه
_لاء عادي اناسفه انك اتحطيت في الموقف ده وكلت كيكه محروقه
يوسف : انتي لسه فاكره وبعدين انا متعود انا اختي ديما بتبوظ الاكل فعادي يعني
_اي ده يعني ابوظ براحتي .
يوسف : انتي واختي عليا حراااام 😂
(واتكلمنا كتير وبعدين يوسف واهله مشو ومستنين موافقتي واصحابي مشو وانا كنت علطول سرحانه وفرحانه بلا سبب عارفين لما تشوفه حد اول مره وتحسو انكم تعرفو من زمان ويدخل قلبك علطول كده اهو ده كان احساسي )
هدي : العريس عامل اي
_حلو ي ماما
هدي : يعني موافقه
_لاء طبعا لسه هشوف اصحابي
هدي : هما اصحابك هما الهيتجوزو
_لاء انا الهتجوز بس هما اصحابي يعني لو قالو لاء خلاص هرفض قالو ايوا اشطااا
هدي 😂طب شوفي اصحابك ي اختي و فكري كويس وصلي صلاه استخاره كده وردي علينا بكرا
_ حاضر
هدي : تلفونك بيرن من بدري اي هو لحق ياكل عقلك
_اااااي ي مامااااا انتي هتحفلي انتي كمان (كانت مكالمه جماعيه )
_ الوووو ي كلا*ب ي جذ*م اقسم بالله لما اشوفكم لانفخكم بقي كده
ريم : الحق علينا كنا بشوف هياكلها ولا هيكسفك ويتريق عليكي
_تقومي تعملي كده وتكسفيني
ساره : كسوف اي ي مزه ماهو كلها وقال مراتي المستقبليه وكلام كده استغفر الله 😂
_ماااااشي كل وحده لها يوووم
ميرا : طب بصي احنا شفناه وشفنا شياكته ولما اتكلمنا معاه استحملنا واحد غيرو كان رمانا من البلكونه وشفنا صفحته علي الفيس ودورنا في صفحات اصدقائه
وبعد المعلومات اللي وصلنا ليها احب اقولك احنا موافقين
ريم : اطلعي بقي قوليلهم انك موافقه
_طب هفكر وارد عليهم بكرا
ساره : بت اي قلت الادب دي انتي هتفكري بعدينا ولا اي
_بقولكم في حاجه شغلاني اقوله علي موضوع محمود ولا اي
ميرا : ده اي السيره الزفت دي بقي
ريم : انتي عايزه تنكدي علي نفسك وخلاص
_منا عايزه اقوله عشان ابدء حياتي معاه علي نور بس خايفه ميفهمنيش ويسيبني
ساره : انتي حبتيه ولا اي
_لاء مش عارفه بس في اعجبت بيه اووي فيه حاجات كتيره لفتتني وكمان مهتم بتفاهتي
ريم : في البدايه بس ي اختي بعد كده هيدكي بالفي رجله
_ياساتر عليكي لاء ان شاء الله يفضل معايا لاخر العمر كده بس مقولتليش هعمل اي في الموضوع ده
ميرا : سيبي الموضوع ده دلوقتي مينفعش تفكري فيه دلوقتي
(عدي اليوم وعرفتهم اني موافقه وجه اتفقو واتكلمنا مع بعض شويه اتعرفنا اكتر علي بعض وجه اليوم اللي هننزل نشتري فيه فستان الخطوبه )
صحيت علي رنه التلفون
_الوووو
=ازيك ي عروسه
_مين
=معقوله نسيتي صوتي ي كوكي
_انت 😳
يتبع…
لقراءة الفصل التالي : اضغط هنا
الرواية كاملة اضغط على : (رواية مصيبه سكنت قلبي)
2 تعليقات