رواية مطلقه في قلب صعيدي الفصل السادس 6 بقلم مروة ماجد
رواية مطلقه في قلب صعيدي الجزء السادس
رواية مطلقه في قلب صعيدي البارت السادس
رواية مطلقه في قلب صعيدي الحلقة السادسة
عصام دخل اوضه نغم وقفل الباب وراه ، والنور مطفى ويادوب عصام شايف السرير وفى حد نايم ، عصام بالراحه بيقرب ويقول
نغم انا قولت نتسلى سوا حكم ليل الشتا طويل ولا انتى ايه رايك ،
نغم انتى نومك تقيل ولا ايه 🥱
وبيقرب عصام من السرير وقعد على طرف السرير ومد ايدة يحسس على اللى نايم 😈
😈
حسن طلع بسرعه وبيحاول يقرب من الباب بالراحه خالص علشان محدش يحس بيه ، وبيحط ودنه على الباب يمكن يسمع اى حاجه🙀
وفجأه حد بيخبط على ظهرة ، حسن اتفزع وبص وراه 🙊
اصلاح الشغاله
واه سى حسن بتلمع اوكر الساعه دى ليه
حسن
إصلاح يخرب عقلك خضيتينى ، لا ابدا بس باطمن على الفيلا ، انتى ايه اللى مصحيكى لحد دلوقت روحى نامى
إصلاح
لا مينفعش انام انا مع الست نغم والحاله سهرانين نحكى حكايات 👭👨❤️💋👨
حسن
ايه ، مع نغم فين ؟
إصلاح
فى اوضه الحاجه امك
حسن
إصلاح انتى بتتكلمى بجد يعنى نغم مع امى ، امال الخايب على عينه دة بيعمل ايه جوة 🤔
إصلاح
واه ، هو مين يا سى حسن ، انت متعشي تقيل ولا ايه
حسن
طيب خلاص روحى انتى يا إصلاح
إصلاح مشيت وحسن راح على اوضه امه وفتح الباب بالراحه وشاف فعلا نغم قاعده جنب امه على السرير وبياكلو لب وسوداني 🥜🥜 وبيضحكوا
وفى اوضه نغم لسه عصام بيحسس على اللى نايم وفجأه بيصحى أدهم ابن نغم ويقول
ايه دة انت مين وايه إلى جابك هنا ، الحقينى يا ماما … يا ماما حرااامى
وهنا الفيلا كلها بتنور والكل بيجرى على اوضه نغم حتى نغم سمعت صوت ابنها وخرجت تجرى وحسن اللى لسه على السلم كان أول واحد عند أدهم فى الاوضه ، نور عليه النور واخده فى حضنه
واتجمع الكل فى اوضه نغم ، وحسن بيدور فى الاوضه لانه عارف ومتاكد ان عصام جوة ، ولكن للأسف الشباك كان مفتوح وعصام نط منه 🏃
طبعا الكل اعتقد ان كان فى حرامى فى اوضه نغم ولكن الوحيد اللى عارف الحقيقه هو حسن
نغم رجعت اوضتها وقفلت الشباك وكانت حرفيا مرعوبه من فكرة ان ممكن فعلا يكون فى حرامى فى الفيلا
وعدت الليله على الكل عاديه جدا ، الا حسن اللى قرر انه يواجه عصام ويبعده عن نغم باى طريقه
ومع طلوع شمس يوم جديد بتنزل نغم بعد ما فطرت والده حسن وادهم علشان تفطر مع حسن ،
وعلى السفرة قعدت نغم وهى واضح عليها الإرهاق
حسن
خير يا مدام نغم واضح انك منمتيش كويس
نغم
وهو برضو بعد اللى حصل دة هاعرف انام تانى يا دكتور حسن أدهم حكى ليا ان الحرامى مكنش داخل يسرق
حسن بيرد باستهبال
ازاى يعنى ، أمال كان داخل يعمل ايه
مغم
داخل ينام جنبى فى السرير يا دكتور حسن ، والموضوع دة لا يمكن اسكت عليه
حسن
غريبه اوى احنا معندناش حد غريب فى الفيلا انا …. وعصام كان سهران فى الجنينه ، الا صحيح عصام فين مش باين من امبارح
نغم
فعلا ، عصام بيه امبارح بعتلى رساله وقالى عاوز اتكلم معاكى شويه ، وانا قولتله اوك، ومن ساعتها لا حس ولا خبر
حسن
بصى يا مدام نغم ، خلى بالك من تصرفاتك مع عصام ، يعنى هنا فى الصعيد اى تعامل بين راجل وست لازم يكون فى حدود وخصوصا عصام لانه معندوش حدود مع اى حد
نغم بعصبيه
قصدك ايه يا دكتور حسن ، هو انا اصلا بتجاوز حدودى مع اى حد ، انا بتعامل مع عصام بيه او حضرتك بحدود ودة من زمان مش من دلوقتى ولعلمك انا اعرف أقيم الراجل اللى قدامى واعرف كمان من اول مرة هو عاوز منى ايه واعرف كمان أوقف كل واحد عند حده كويس
حسن وقف من على السفرة لانه حس انها زعلت
مدام نغم انا عارف انك ست محترمه جدا ومقصدش اى حاجه من اللى تفكيرك راحله دة
نغم
تقصد او ما تقصدش انا جايه هنا فى شغل ومهمه لمدة شهرين وبإذن الله تخلص بسرعه وارجع القاهرة ، عن اذنك
نغم من الواضح انها زعلت من كلام حسن او انها فهمته بطريقه غلط ، وحسن نفسه اوى يعتذر ليها ويفهمها ولكنها سابته وطلعت
اما حسن فكان لازم ياخد موقف مع عصام ، علشان كدة قرر انه يروحله البيت يدور عليه
وفى بيت عصام بيدخل حسن وكانت فيلا متفرقش كتير عن فيلا حسن ،
حسن بيسال البواب عن عصام والبواب بيقول
اهلا اهلا دكتور حسن حمدالله على سلامه جنابك ، معلش عصام بيه امبارح بالليل عاود متأخر قوى وبيجر فى رجله وبيقول انه طلع عليه ديب 🦊 وقعد يضرب فيه لحد ما قضى عليه بس للاسف رجله اتكسرت
حسن بيضحك جامد اوى وكأنه بيتفرج على مسرح مصر وبيقول
ههههه ديب مرة واحده ، طيب دخلنى ليه بسرعه احسن الديب يكون جاى وراه ولا حاجه
حسن بيدخل عند عصام اللى وشه أصفر من الخضه ولسه مش مستوعب اللى بيحصل ، واول ما دخل عليه حسن
عصام🙄
اهلا حسن فى ايه بلغتوا البوليس
حسن بسخريه
هههههه ونبلغ البوليس ليه ، ولا يكونش البوليس هيروح يقبض على الديب
عصام اتكسف اوى وقال
ها ، اه الديب ، يلا الله يرحمه ، انت مين اللى قالك
حسن
يا اخوى طول عمرى اسمع الديب يعضك ، ياكلك ، يقتلك، إنما يكسر رجلك جديدة دى
عصام مش بيرد وحاسس ان حسن عارف الحقيقيه
عصام
أقعد يا ابن عمى تحب تشرب ايه
حسن
احب اشرب من دمك يا عصام ، علشان تحترم حرمه البيوت
عصام خايف من حسن
انت بتتكلم عن ايه يا ابن عمى ، مش فاهم حاجه واصل
حسن
لا فاهم ، بيتى ليه حرمه والست نغم فى حمايا واى حد هيقرب منها هاقطع خبرة ، انا طول عمرى باعتبرك اخويا ، وعارف انك بتحب النسوان الشمال اللى زيك ، بس حظك بقى الست محترمه وشايفه شغلها وانت رمرام وبرضو عاوز تمارس القذارة دى ، بس مش فى بيتى انت فاهم ولا
عصام
بص يا حسن مدمت فاهم وشوفتنى يبقى انت فاهم غلط ،نغم دى شمال ، وتموت عليا وانا متأكد، اصلى برضو مش تلميذ ولا دى اول مرة اعرف فيها واحده مطلقه،
حسن
انت كداب ، الست متعرفش اى حاجه عن عبطك دة ولا فى دماغها وبتعاملك بما يرضى الله
عصام
هههههههه انت غلبان قوى يا دكتور ، دة اسمه تقل نسوان ونغم دى هتيجى راكعه ، هى بس حاسه انها حلوة حبتين تلاته ومميزة علشان كدة بتتقل ومن حقها ، وانا برضو بينى وبينك صياد واحب اطارد الفريسه كتير علشان لما اتعب واوصلها احس بحلاوة النصر
حسن خلاص مش قادر يحدد هل فعلا نغم محترمه ولا بتمثل وفعلا عصام عجبها ، وسابه ومشى بعد ما عصام حط نفسه قصاد حسن فى تحدى ان نغم هتركع تحت رجلين عصام
وفى فيلا الايوبي حسن بيدخل اوضه المكتب ويقفل على نفسه ، والغريبه انه دخل وكانت نغم قاعده فى الصاله وحتى ما قالش السلام عليكو
نغم بتقول
حمدالله على السلامه يا دكتور حسن
لكن حسن مبيردش عليها وكأنه فى دنيا تانيه ويدخل الاوضه ويقفل على نفسه
نغم بتبص عليه باستغراب ، وشافت إصلاح وحبت تسالها
ست إصلاح لو سمحتى هو الدكتور حسن دى مش اوضته ، امال بيدخل ويقفل على نفسه ليه
إصلاح
الاوضه دى اوضه المكتب بتاع الدكتور حسن ولكن بقاله اكتر من عشر سنين مبيخليش حد يدخلها بتاتا حتى الست نعمه ، دة حتى لما كان مسافر امريكا كان قافل الاوضه دى وواخد المفتاح معاه ومستحيل حد يقدر يدخلها
نغم استغربت اوى ، غريبه اوى الاوضه دى وهيكون فيها ايه يعنى مخبيه حسن
وبالليل نغم مع الحاجه فى اوضتها ، ولكن الحاجه حرارتها عاليه شويه وتعبانه ، والغريبه ان حسن لسه برضو فى اوضه المكتب ومش خرج من الصبح
نغم محتاجه حسن معاها لان الحاجه لسه تعبانه رغم كل الادويه اللى اخدتها ، ولكن فجاه النوم غلب نغم لما الحاجه غمضت عيونها ونامت شويه
وبعد نص الليل نغم بتصحى على صوت الحاجه وهى تقريبا مش قادرة تتكلم وبتقول
نغم ، انا تعبانه قوى يا بنتى عاوزة حسن ولدى
نغم بتنادي على الشغالين ومحدش بيرد لان الكل نايم ، نزلت تجرى تخبط على اوضه حسن وبرضو محدش بيرد
نغم فتحت باب اوضته ولكنه مش موجود
وفكرت ثوانى وافتكرت اوضه المكتب وافتكرت كمان انه قافل على نفسه فيها من الصبح
نغم جريت على اوضه المكتب وبدات تخبط ، ولكن مفيش حد بيرد وبعد شويه قررت انها تفتح الباب واللى يحصل يحصل
نغم فتحت الباب علشان تشوف اللى مكنتش ممكن تتوقعه 😳
يا ترى حسن الشاب الملتزم الصعيدى مخبى اسرار ايه عن عيون الناس ؟
وياترى نغم هتعمل ايه بعد اللى شافته ؟
يتبع …
لقراءة الفصل التالي : اضغط هنا
لقراءة الرواية كاملة اضغط على : (رواية مطلقه في قلب صعيدي)
2 تعليقات