رواية اغرمت بالقاتل الفصل الأول 1 بقلم رحمة محمد
رواية اغرمت بالقاتل الجزء الأول
رواية اغرمت بالقاتل البارت الأول
رواية اغرمت بالقاتل الحلقة الأولى
اتكلمت بزعيق
بس بقا انت ملكش حق تتدخل فيا
اخرسي انا ابن خالك
يعني اي ابن خالي ها انت ولا اخويا ولا ابويا ولا جوزي ملكش الحق في لبسي او خروجي او اصحابي انت مالك
هنااااااا متخلنيش اتصرف تصرف مش هيعجبك
انا ماشيه
مسك ايديها
خدي هنا راحه فين
هروح وهقول لماما علي المهزله ديه انت اي عديم الاحساس سيبني انت عندك حياه وانا كمان عندي
انتي مسئوله مني
هو انا طفله متروحيش هنا ياهنا تعالي هنا ياهنا ومتكلميش ده ياهنا مفيش خروج ياهنا
اتكلم بيأس منها
ايوه ياهنا انتي طفلتي
وانا مش هسمح انك تتأذي بسبب الناس
اوف انا ماشيه بس قبل ماهمشي
اتكلمت بسخريه
هعزمك علي خطوبتي قول لخالو بقا وطنط سهير وتعال انت واخواتك
اتكلم بعصبيه
خطوبه مين انتي اتجننتي ازاي معرفش حاجه زي كده
ربعت ايديها وقالت
انا كنت عاوزه كده عشان احطك قدام الامر الواقع ياوالي امري
ازاي عمتو تسمح بحاجه زي كده هي عارفه انك مسئوله مني وانا اللي المفروض احدد هتتجوزي مين
احمد انت عبيط هو اي اللي انت اللي هتحدد هتجوز مين
احترمي نفسك واتكلمي باحترام انا اكبر منك
بصتله بغيظ
احمد سلام لما خالو يجي قوله اني معرفتش اعزمه بنفسي عشان في شخص عصبني ودايقني
فتحت باب البيت وبصتله بقرف ورزعته ومشيت
خد نفسه بعصبيه
بقا كده ي هنا ماشي انتي اللي جبتيه لنفسك انا كده كنت بدادي فيكي بس شكلك محتاجه العين الحمرا
عمل مكالمه وضحك بخبث
…………… عند هنا
انتي غلطانه عشان ادتيله الحق يدخل فيا
هنا هو اخوكي الكبير
لا مش اخويا انا معنديش اخوات وهو بيعمل واكنه ابويا
انا مش هأمن لحد انه يخلي باله منك غيره انا موصياه عليكي
كانت متردده وهي بتكلم امها
ماما بكره خطوبتي ها
ضحكت الام
انتي سخنه ياهنا
لا والله ياماما مش بهزر حتي انا قولت لاحمد وعزمت خالو
نعم ياعين امك مين ده وازاي انا معرفش
بوصي هو كل حاجه جت بسرعه هو قال انو هيجي يكلمك الاول وبعد كده انا قولتله لا هات امك وابوك وانت كويس اصلا ونعمل خطوبه وبعدين ياست الكل خير البر عاجله
قلعت الشبشب
عاجله يابنت الجزمه
جريت ودخلت اوضتها بسرعه
طلعت الموبايل
ازيك يامعتز
ازيك ياهنا
اتكلمت بقلق
اممم ممكن بكره تجيب طنط وعمو وتيجي تخطبني
يالهوي ياهنا علي هزارك عسل
والله مش بهزر بالله عليك لحسن شكلي هيبقي وحش عشان ابن خالي بيتحكم فيا ف انا في وقت عصبيه عازمته علي خطوبتي عشان يحل عني ويعرف اني خلاص هتجوز ويبطل تحكم فيا
ااااه يا قلبي وانا ذمبي اي
يامعتز اكيد يعني مش هنتجوز انت زي اخويا الكبير ف كلها شهر ونفشكل بس في الشهر ده يبعد عني
ماشي ياهنا اجي الساعه كام
اتكلمت بفرحه
الساعه ٨
ماشي هقفل سلام
سلام
قفلت وانا حاسه اني هتحرر
اتصلت بشركه بتعمل ديكور وقولت هنعمل ديكور في الشقه بسيط وعزمت كام صحبه ليا كده وقرايبي وصحبتي المقربه طبعا زعقتلي لانها عارفه انو اللي بعمله ده غلط بس انا صممت ولما بصمم علي حاجه الا السلام بجد
وبعد محايلاات كتير ماما وافقت وطبعا لما قولتلها العريس مين
المهم جيه اليوم وكنت بفرحانه جدا بالتجهيزات انا عارفه انو كده كده هتتفشكل بس كنت عاوزه اعيش اليوم بكل تفاصيله
صحابي كانوا مهمتمين بادق التفاصيل في شكلي وكانوا حرصيين انو شكلي يطلع حلو بس صحبتي المقربه اللي اسمها رانسي كانت مدايقه انا مش عارفه ليه مع انو قولتلها انا عارفه انا بعمل اي كانت بتساعدني وهي بتبصلي بيأس
محطتش في دماغي وبوستها وقولتلها متخافيش انا عارفه مصلحتي وزي مابدءت اللعبه ديه انا هنهيها
جيه بليل كنت متوتره ليه بقا معرفش خت مقلب اني عروسه في نفسي بجد
جيه خالو وطنط سهير مراته واحمد ومصطفي والاء ولاد خالو
اه صح احمد عنده ٢٦سنه وانا عندي ٢٣ومصطفي والاء تؤام وعندهم ٢٠سنه ولسه بيدرسوا في الكليه في اول سنه ليهم كليه حقوق ومعتز ده بقا صديق الطفوله اكبر مني بسنتين يعني ٢٥ بس ماشاء الله كان ديما الاول علي الدفعه ومازال وهو بيذاكرلي ايام الامتحانات لاننا في نفس الكليه ونفس التخصص واه صح ماما مكنتش تعرف مين العريس بس لما قولتلها انو معتز فرحت ووافقت علطول
طالعه شكلك حلو
بصتله بغيظ
تسلم
وقف جمبي واتكلم بصوت واطي
متعرفيني علي حد من صحابك
احمد طنط بتناديك روح كلمها
احمد كبير بس تحسوه عنده شخصيتين اوقات طايش واكنه شب عنده ١٨ واوقات عاقل وعصبي ومستفز وبيحب يتحكم في الكل واكنه عنده ٣٠سنه
جيه معتز وعيلته وقعدوا
لسه بيتكلم معتز وبيقول
ازي حضرتك ياعمو انا جاي طبعا عشان اطلب ايد الانسه هنا علي سنة الله ورسوله
لسه خالو هيرد
الباب خبط
قام وقف احمد وواحده صحبتي فتحت الباب
وقال احمد
انا اسف مينفعش تخطب واحده مخطوبه
بصتله وبوقي اتفتح
وقولت………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اغرمت بالقاتل)
