روايات

 رواية مهمة عاشق الفصل السابع والعشرون 27 بقلم خلود وائل

 رواية مهمة عاشق الفصل السابع والعشرون 27 بقلم خلود وائل
رواية مهمة عاشق الفصل السابع والعشرون 27 بقلم خلود وائل

رواية مهمة عاشق الفصل السابع والعشرون 27 بقلم خلود وائل

عند ليلي في المستشفي::..
الاء:ايوة ياستي سافرتي مع علي وغيرتو جو وسبتيني هنا لوحدي
ليلي:بس بقي بطلي نق عنيكي راشقه كدة انتي هتتجوزي امتي بقي ونرتاح منك
الاء: الشهر الجاي
ليلي بفرحه:بجد احلفي كدة
الاء:وربنا يوسف عاوز الفرح يبقي الشهر الجاي بس انا بحاول أأجل شويه
ليلي:ليه يافقر خلينا نلبس سواريه بقي
الاء:يابنتي لسه مجهزتش اي حاجه لفرحي ولا حتي هدومي نتجوز ازاي
ليلي:حجج فاضيه علي فكرة
الاء:طب حيث كدة بقي تنزلي من بكرة تتسحلي معايا عما اخلص الحجج الفاضيه ونحدد يوم الفرح علي طول وانتي ورايا بقي خلينا منفارقش بعض العمر كله
ليلي:وراكي وراكي يالولو هنروح من بعض فين
الاء:ربنا يخلينا لبعض ياحبيبتي
ليلي:الاسبوع الجاي ماما وبابا مسافرين البلد علشان فرح محمود ونهله وماهر اخويا مسافر أسوان عندة رحله تدريب هناك وهبقي طول الوقت فاضيه مفيش ورايا غيرك كل يوم ننزل شويه بعد الشغل قولتي ايه
الاء:فله اوي كدة
قطع كلامهم تليفون ليلي
ليلي:دة علي
الاء: افتحي ام الاسبيكر
ليلي:لا علشان خاطري
الاء:ليلااااااه
فتحت ليلي الاسبيكر :الو ايوة ياعلي
علي:عندك تأخير ٥ثواني عما رديتي عليا
ليلي:معلش حقك عليا
علي:لا كدة مينفعش لازم اشوفك وتصالحيني
ليلي:طب ياريت والله قولي اذاي بس
علي:انا داخل علي المستشفي اهوة خلصي وتعالى هنتغدي سوا ومتجبيش الاء كفايه عليها تسمع المكالمه
بصت الاء وليلي لبعض بصدمه واستغراب
ليلي:انت عرفت منين انها سمعاك ومتقوليش سمعت صوتها
علي بضحكه رجوليه:هتفضلي علي نياتك كدة كتير يلا انزلي انا تحت بستناكي
قفلت ليلي وبصت ل الاء
الاء:انا قلتلك قبل كدة انه عليه عفريت من المرة ال فاتت مسمعتيش كلامي
ليلي:متخوفنيش بقي انا نازله سلام
الاء:سلام
نزلت ليلي وركبت عربيه علي بخوف واول ماقفلت الباب لفت لعلي بخوف:قل اعوذ برب الفلق من شر ماخلق ..انصرف الله اكبر
علي بضحك جامد:انتي كويسه ياليلي مالك
ليلي:انت عرفت منين ان الاء سامعاك ها ومتكدبش ياعلي
علي:يابنتي صوتك بعيد تبقي فاتحه الاسبيكر ومين هتسمحيله يشاركك في حاجه ذي كدة غير الاء سبحان الله انتي وهيا نفس ليفل الغباء مش عارف بقيتو دكاترة اذاي
ليلي:علي اتلم
علي:طب وربنا قمر وانتي متنرفزة
ليلي بأبتسامه:منا عارفه انا حلوة في كل حالاتي
علي:ياواثق
ليلي:طبعا امال ايه……هتغديني فين بقي
علي:عاوزة تروحي فين
ليلي:اي مكان معاك بيبقي جنه ياعلوتي
علي:عيوني ياقلب علوتك
علي اخد ليلي لمطعم فاخر وطلبو الغدا
ليلي:هو الاكل اتأخر ليه انا جعانه
علي:الويتر لسه ماشي مبقالوش دقيقه
ليلي:اممممم ماشي طب هاتلي عصير مانجا
علي:حاضر
ليلي:ولا اققلك بلاش
علي: مالك ياليلتي حاسك عاوزة تقولي حاجه
ليلي:بصراحه اه بس بس
علي:محتاجه مقدمات ولا ايه
ليلي:لا عادي هقول اهوة ….
فركت ليلي ايديها وبعدين قالت:علي هو كان في حد في حياتك قبلي
علي ببرود:اه كان في
اختفت الابتسامه من وش ليلي:كنت بتحبها
علي وهو بيحاول يكتم غضبه:كان اعجاب اكتر ماكان حب
ليلي:طب سبتها ليه؟
علي وهو بيفتكر ذكريات مني ال مصدق انه نساها بحبه لليلي وبيحاول يتجنب يتكلم في الموضوع دة
ليلي:علي روحت فين
علي:معاكي
ليلي:طب مردتش عليا ليه
علي:انتي عاوزة توصلي لايه ياليلي
ليلي:ولا حاجه انا بس بسأل عادي
علي:طب طالما الاء حكتلك بتسأليني ليه
ليلي بصدمه واستغراب جامد من علي انه اذاي عرف ان الاء هي ال حكت لليلي:انا مقلتش ان الاء هي ال حكتلي انت عرفت منين انت بتراقبني ياعلي
اتنهد علي:نفسي تشغلي دماغك واحد +واحد=اتنين يوسف ابن عمي عارف موضوع مني واكيد حكي ل الاء صاحبتك وبالتالي هي مش هتخبي عنك صح ولا انا غلطان
ليلي:هي كان اسمها مني
علي:ياربي انتي ف ايه ولا ايه
ليلي بخنقه:خلاص ياعلي حقك عليا سكت خالص اهوة
علي بنفاذ صبر:اهدي ياليلي …انتي فتحتي موضوع كنت بتمني متكلمش معاكي فيه نهائي بس طالما فتحتيه يبقي من حقك تعرفي
ليلي بتسمع علي بدون ماتتكلم
علي:كان اسمها مني وكانت جميله بشكل ملفت بس انتي احلي منها كتير 🤗وانا كنت لسه متخرج من الكليه جديد وقابلتها صدفه في النادي او صدفه هي مرتبالها وبدأت تقرب مني وبسرعه جدا واتعرفنا علي بعض وخطبتها كانت خطوبه عاديه وهي دايما كانت بتلح علي اننا نكتب كتابنا ونتجوز وكانت بتستغل حبي ليها اسواء استغلال ودة مكانش مريحني بس جيت علي نفسي وحددت يوم نكتب فيه الكتاب وروحتلها بيتها علشان اخدها وننزل نشتري فستان وكنت رايح من غير معاد وفتحتلي الخدامه بتاعتهم ودخلت علشان استناها اتفاجئت بصوتها عالي وبتكلم صاحبي ال كان قاعد معاها
فلاش باك::*
مني:انت مجنون داانا مصدقت اوقعه عاوزني اسيبه واسيب جنته وارجعلك
سمير:بس انا لسه بحبك يامني
مني:وانا بحبك بردو ياسمير بس بصراحه انا كنت واخدة علي وسيله اني اغيظك واندمك انك سيبتني ورمتني بس لقيته اتعلق بيا وبصراحه كدة ابقي عبيطه لو سيبت العز ال هيعيشني فيه وارجعلك تاني
سمير:علي عمرة مهيحبك قدي يامني
مني:حبك مش هيلبسني الماظ ياسمير ولا هتسفرني اوربا تفسحني ولا هتعرف تعمل ربع ال علي ممكن يعمله
سمير:دة اخر كلام عندك
مني:اه ومعنديش غيرة
سمير:انا هقول لعلي
ضحكت مني:طب اثبت ياسماسيمو بقي
سمير:طب وعلي ذنبه ايه تعملي معاه كدة
مني:ذنبه انه مغفل وغبي وبصراحه دة جزائه
سمير:غبي ومغفل فعلا انه هيتجوز واحدة ذيك
بااااك:::*
سكت علي لحظات وهو لسه متخيل نفس المشهد بيتكرر قدامه وحس بنفس الاحساس ال حس بيه وقتها
ليلي:طب وبعدين عملت ايه
علي:عادي وقعت اسهم الشركات بتاعه ابوها وخسرته ال وراة وال قدامه وخليتها تندم علي اليوم ال عرفتني فيه
ليلي:بس كدة حرام ياعلي
علي:كدة حرام وال كانت هتعمله معايا مش حرام مشاعري وحبي عادي يبقو لعبه في ايديها و انها تلعب عليا مش حرام
ليلي:بس خراب بيتهم حرام وذنبهم في رقبتك
علي بهدوء :انا مبخربش بيت حد بعدها بفترة بقيت اساعدهم من بعيد لحد ماابوها بدأ يعمل شركه جديدة ويبداء من الصفر انا مبأذيش حد ياليلي غير لما يكون أذاني وبلاش تعصبيني بكلامك تاني مش كل مرة بعرف امسك اعصابي والموضوع دة مش عاوز افتكرة ولو حتي صدفه
ليلي:حاضر
علي: اهو الغدا جه اهوة ياستي يلا نتغدي ولا مبقتيش جعانه
بصت ليلي لعلي بغيظ من كلامه
ليلي:لا جعانه وهاكل ياعلي
علي:لا مش هتاكلي
ليلي:ليه بقي انشاء الله
علي:علشان انا ال هأكلك بأيدي ممكن ولا ايه
سكتت ليلي
علي:السكوت علامه الرضا يلا هم ياجمل
ضحكت ليلي وقضت وقت جميل مع علي وبعدين وصلها البيت وروح ودخلت ليلي لقت مامتها بتجهز شنطتها
ليلي:علي فين العزم ياكوكو
الحاجه كوثر:هنسافر البلد بكرة الصبح
ليلي:الله مش معادكو اول الاسبوع
الحاجه كوثر:معلش بقي ياحبيبتي اعمامك زعلانين وعاوزينا نروح من الوقتي
ليلي:لا ياستي واحنا منقدرش علي زعل اعمامي
ماهر:ولا انا كمان
ليلي:ايه دة هتسيبني وتروح معاهم ولا ايه
ماهر:بتخافي يالوزة
ليلي:امشي العب بعيد ياشاطر
الحاج مصطفي:بااااااس والله ماانتو مموتين بعض الوقتي لما نخلص الفرح بس احنا مصدقنا عمكو وافق
الحاجه كوثر:والله يامصطفي دي حاجه ليها العجب مش عارفه وافق اذاي
ابتسمت ليلي وهي في سرها عارفه ان علي ال خلاه يوافق وسابتهم ودخلت اوضتها وعدي الليل وتاني يوم سافر ماهر وبباه ومامته البلد وليلي راحت الشغل وقابلتها الاء وفي اخر اليوم
الاء:خلصتي يالي لي
ليلي:هجيب شنطتي واروح اخد شاور اصحصح كدة واصلي العصر واققابلك ونزل نبداء رحله الكفاح بتاعتك
الاء بضحك:عقبال مانكافحلك يالي لي
ليلي:انتم السابقون ونحن اللاحقون
الاء:متتأخريش والنبي عاوزين نلحق نكافح شويه علشان بكرة عندي نبطشيه لبليل
ليلي بضحك:حاضر لوأتأخرت رني عليا
الاء:اكيد هعمل كدة يلا بقي قومي علشان نلحق
اخدت ليلي شنطتها ونزلت من المستشفي ووقفت تستني تاكسي وفجأه وقفت قدامها عربيه سودا كبيرة ونزل منها رجاله كتير مسكو ليلي وحطو منديل علي وشها وليلي حاولت تقاومهم وتدافع عن نفسها لكن هما كانو كتير وفاجئوها وثواني واغمي عليها بفعل المخدر ال في المنديل وشالوها حطوها في العربيه ومشيو بسرعه وعدي وقت كبير والاء بدأت تحس بتأخير ليلي ورنت عليها كتير وفي الاخر لقت تليفونها اتقفل ومكانتش عارفه تعمل ايه او توصلها اذاي ونزلت راحتلها بيتها وخبطت كتير لكن بدون فايدة محدش بيرد عليها و بعدين جه في بالها انها ممكن تكون سبقتها علي المول فطلعت عليه ولفت علي كل المحلات ال كانو هيشترو منها وبردو ملقتهاش فبدأت تقلق جامد علي ليلي ومش عارفه هي ممكن تكون راحت فين وليه قفلت تليفونها … شويه وفكرت ترن علي مامتها الحاجه كوثر تسألها عليها وبعدين خافت تقلقهم عليها وفضلت انها تستني شويه يمكن ليلي تكون اتأخرت في المواصلات شويه وفكرت ترن علي علي بس لقت تليفونه مغلق هو كمان فشكت انه ممكن يكون مع ليلي وبعدين احتارت جامد وفضلت قاعدة تفكر ياتري ليلي راحت فين اما عند علي فكان في شغله وتليفونه مقفول علشان عندة اجتماع مهم اما في مكان تاني
مجهول ١:وصلت وبنستني اوامرك ياباشا
مجهول ٢:كتر الف خيركو لحد كدة امشو انتو واحنا جايين علي طول
مجهول ٣:هتنفذ ال قلتلك عليه بالحرف ومتتسرعش وتلخبط الترتيب واياك تتصرف من دماغك ولما تخلص انا هجيلك علي طول عاوزة اشوفها واشفي غليلي منها
مجهول٢:مش اكتر مني انا هندمها علي اليوم ال اتولدت فيه
اما عند ليلي فكانت غايبه عن الوعي تمام ومش حاسه بأي حاجه بتحصل حواليها….

يتبع ……
لقراءة الفصل الثامن والعشرون : اضغط هنا
لقراءة الرواية كاملة اضغط على : (رواية مهمة عاشق)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى