رواية وحدة شغف الحلقة الثالثة 3 بقلم ندى
 |
| رواية وحدة شغف الحلقة الثالثة 3 بقلم ندى |
رواية وحدة شغف الحلقة الثالثة 3 بقلم ندى
احمد = لما اجي يا شهد انا عندي شغل دلوقتي هخلص واجي ونتكلم.. عايزة حاجة وانا جاي
شهد بخوف – لا يا حبيبي تسلم
شهد قعدت في البلكونة في توتر رهيب .. ياربي انا هقوله ايه بس هيزعل مني لو عرف ان شغف هنا .
فتحت شغف عينيها تنظر لفراغ كبير حواليها ودموعها نزلت بانسيابيه وهدؤء مريب و بتقول من جواها .. يارب انا عايزة اموووت.. هيحصل فيا ايه اكتر من كدة .
فلاش باك #
جريت كتير اوي عالشارع وقفت تاكسي بسرعة عشان تهرب من الجوازة دي .. بعد نص ساعة نزلت قدام القطر فاجاة وقف قدامها عربيات كتير ونزل منها ناس مخيفة من كتر الرعب اللي جواها وقعت عالارض مشافتش قدامها اكتر من كدة .
فاقت لقت نفسها في اوضة ضلمة ..قامت بخوف مشت ناحية ضوء خافت من شباك صغير
ببكاء وصريخ – طلعوني …انتوا حابسيني هنا ليه … طلعوني من هنا والنبي ..
فضلت تعيط كتير اوي لحد ما لقت ناس داخلة عليها اخدوها بالغصب …- اوعي ايدك يا حيوان .. سيبوني .. انتوا هتودوني فين …
لقت صفعة شديدة علي وجهها وقعت عالارض
عمها = بقي حتت بت زيك تمس سمعتي .. تهربي يوم فرحك .. والله عال ..يعني مش هعرف اجيبك .. قومي البسي خلي عريسك ياخدك ونخلص .
باك#
شغف قامت لبست نفس هدومها تاني .. خايفة يلاقوها بسهولة تاني.. في نفسها ..يارب استرها معايا انا عمري ما اذيت حد .
خرجت شغف من الاوضة لقت شهد بتجهز اكلات شهية .
شهد بمرح = كل ده نوم يابنتي انا حاولت اصحيكي بس كنتي في سابع نومة محستيش بيا خالص ????
شغف بابتسامة بهتة- اسفة بجد محستش خالص انا منمتش بقالي كتير .
-حببتي متقوليش كدة .. انت جهزت الاكل يلا ناكل بقي انا مستنياكي من بدري .
=بجد مش عايزة اكل .. مليش نفس متزعليش مني بس محتاجة ارتاح بس وهشوف مكان عشان مينفعش افضل هنا .
شهد بتوتر – لا ..منا لقيت مكان ليكي بس اقعدي كلي الاول وانا اقولك لو مأكلتيش مش هقولك.
شغف بتردد = تمام
شغف = ها ياستي اكلت اهو فين المكان .
شهد -…
جرس الباب رن
شهد بخوف -ثواني هفتح واجب
شغف شعرت بالخوف ان ممكن حد يكون عرفت مكانها.. جريت استخبت في الاوضة .
= احمد .. حمدلله عالسلامة
احمد 32 سنة شاب طموح طبعه عصبي وحاد.. مجتهد جدا في شغله شعره اسود شبه عيونه فغالبا نظراته مخيفة لكنه برغم كل ده بيحب اخته شهد جدا .
احمد بجمود-مالك يا شهد ..وقافلة الباب من جوه ليه .
=مفيش ..فكرت شهد ان اكيد أخوها هيقفشها .. فيه حاجة حصلت بس مقولتلكش عليها ..
احمد بنفاذ صبر – ها اختصري.
شهد شدت أخوها من ايده بسرعة لغرفته وبتتكلم بصوت خافت = احمد مش انت قولتلي اجيب البنت في الشقة اللي فوق بصراحة انا جبتها هنا .. بالله عليك متتعصبش عليا هي صعبت عليا لقيتها خايفة اوي وبتعيط كتير وكانت لابسة نقاب بس رافعاه فظهر ملامحها انها خايفة و فيه إصابات في وشها كمان استغربت جدا منها … هو انت عايزها ليه ؟
فلاش باك #
-ايوة يا احمد انا شوفتها اه .. الراجل اللي انت باعته ورايا .. شاورلي عليها .. هنفذ اهو .
شهد في نفسها-هخبط فيها وامري لله
شغف باعتذار- انا اسفة اوي انتي كويسه
شهد =انا اللي اسفة والله انا اللي وقعتك.. انتي كويسه .. شهد في نفسها .. يارب ترجع تاني من نفسها او هتضطر الحقها انا ..
شغف وهي خارجة -اه كويسه .. رجعتلها تاني وقالت ،، معلش ممكن طلب سخيف انا اسفة بجد بس لو تعرفي مكان اقعد فيه قريب من هنا او شغل مثلا انا اسفة علي طلبي ده بس انا معرفش حد هنا .
شهد بابتسامة = هو بصي معرفش بصراحة بس ممكن تيجي تقعدي معايا لحد ما اسألك وبلاش تتأسفي كدة كتير.
باك#
احمد بغضب – عل الله يا شهد متسمعيش كلامي تاني في حرف مش كلمة حتي .. افرضي دخلت اوضتي و اكتشفت اي حاجة من اللي فيها .. افرضي سببتلك مشكلة … طيب اتصرفي وخليها تطلع الشقة اللي فوق .. اخر مرة اخليكي تساعديني في حاجة بجد
شهد بسعادة ان اخوها متضايقش اكتر من كدة = لا انا ما بصدق تطلب مني حاجة .. وبعدين انا زي بنتك يعني متزعلش بقي … شهد بغمز.. مش هتقولي مين القمر دي بقي اللي خليتني اجيبها لحد هنا .
احمد بيبص لشهد بغضب
شهد بهروب من أخيها – كأني مقولتش حاجة …انا هحضرلك الاكل اهو .
دخلت شهد لشغف لقتيها هتموت من الرعب- انا بجد اسفة بس اخويا جيه فاجأة.. خليكي هنا متقلقيش وانا هشوف المكان اللي قولتلك عليه وهوديكي بس هجهزله الاكل واكيد بعدها هينام.
شغف تظهر بعض الشجاعة عالنطق = تمام .. مفيش مشكلة .
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
