رواية البنت غير الشرعية الفصل الخمسون 50 بقلم ياسمين
رواية البنت غير الشرعية البارت الخمسون
رواية البنت غير الشرعية الجزء الخمسون
رواية البنت غير الشرعية الحلقة الخمسون
الصباح فطنت ساعفت روحي للتوالات وغسلت رجعت لبلاصتي حتى دخلت عندي الفرملية دارتلي الدوا قاتلي ضوك نجيبلك تيزانة جابتلي شربتها شوية جاني يوسف صباح النور قتلو صباح الخير طولت عليك اسمحيلي قتلو لالا راك مبكر هذا وين نضت قالي كيفاه راكي قتلو مليحة قالي الوجع كاين قتلو لالا راح قالي سيغ ولا مستحملة وساكتة ورقدتي ولالا قتلو لالا والله مكاين بعد مارحت جاو دارولي دوا ودوكا تاني وجابتلي تيزانة قالي هيا مزية قتلو ونتا رقدت قالي والله مقدرت حتى لل5 باه غفيت ولل7 باه نضت علابالي طولت عليك قتلو لالا قالي نورمالمو على 9 تدخل فهيمة وتسنييلك باه تخرجي قتلو أوكي شوية عاودت جات الفرملية جابتلي قهوة وكرواسون كليتهم حنا هكا دخلت فهيمة صبحت علينا قاتلو وقيلا بايت هنا قاللها لالا رحت جبتلها حوايجها وجيت خرج شافتني فهيمة وسقساتني إذا متوجعة قتلها لالا عاونتيني لبستلي حوايجي وعيطتلو دخل قاتلو تقدر تخرجها قاتلي بسمة كولي مليح حنونتي خاطر خرجك بزاف الدم ومزال قاللها يوسف كاش حاجة خاصة تاكلها
قاتلو تاكل السخون تاكل حاجة الفايدة ضوك نسا خالي يتهلاو فيها قاللها مناش رايحين عندهم قاتلو خلاص ممبعد نعيطلك قاع واش تمدلها وبسمة نسيت حاجة دفي روحك ردي بالك تستروحي راح تعاني صحا ودواك منتنسايهش وربي يعوض عليكم ومتتقلقوش سلامة راسها صحا قاللها يوسف باينة الحمد لله كي هيا لاباس خرجنا من الكلينيك فالطريق قالي حابة كاش حاجة قتلو والو حابة نتكسل برك قالي نتغداو ونروحو قتلو يوسف والله مقادرة غير ديني للدار حابة نرقد قالي حنونتي حاب نروحو لوتال قتلو علاه قالي حابك تريحي وتكوني آلاز علابالي فالدار ديرونجمو قتلو معليش هيا برك ، وصلنا عند لوتال دخل الباركينق نزلني ودخلنا لي نلقاوه يقولو سلام سي يوسف باين فيه موالف يجي هنا مد لواحد مفاتح قالو جيبلي الصوالح لي فالطونوبيل لحقنا لاغيسابسيون قاتلو واحدة أهلا سي يوسف أهلا مدام قاتلو هاك مفتاحك قاللها واجدة قاتلو تهنى غير عيطت درنا اللازم قاللها صحا طلعنا فالاسنسور فتح دخلت لقيتو سويت شومبرة وصالون فيه بوتاجي صغير فريجيدار وباينة صاليتاغ فوت طول للشومبرة تسطحت جا عندي واش حنونتي قتلو غلبت خلاص قالي هيا نحالي غير المونتو والبوت
قالي هيا ارقدي حنونتي غطاني غمضت عينيا وبقيت نفكر يا ترى أنا انسانة سيئة علاه مغاضنيش ولدي لي راح هل أنا انسانة سيئة ولا علاش بقيت غير نخمم بصح لقيت هذا أفضل نظن ربي سبحانو شافلي فيها الخير صح تاعبة ومضرورة بصح نظن هكا خير مزية مكملش هذا الحمل متأكدة راح ننظر كثر كل مرة نشوف بنتي ولا ولدي ممكن منقدرش نعاملهم مليح خاطر كل مرة راح نتفكر بلي هو ثمرة اغتصاب هي صح في الحلال بصح يبقى الاغتصاب اغتصاب حتى رقدت ،
جابتني الفطنة خرجت من البيت هذيك لقيت روحي وحدي يوسف مكاش يا ربي وين راح وخلاني معنديش حتى تليفون نعيطلو دخلت غسلت وجيت على الفوتاي وشعلت لاتيلي يا ربي ميطولش مزية انا نخمم وهو دخل جريت ليه وين رحت وخليتني عنقني حنونتي متخافيش خرجت جبتلك حوايج برك خليتك راقدة قلت مزالك متنوضيش سامحيني معلاباليش علاش الفترة الاخيرة وليت حساسة بزاف نخاف أي جاست ولا كلمة تأثر فيا مرات نحس منيش نفس بسمة لي كانت من قبل منيش نفس بسمة لي كانت تحارب كلش منيش بسمة لي تخرج نص ليل ومتخافش واش لي خلاني ضعيفة وحساسة هكا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
2 تعليقات