رواية غريب في مصر الفصل العاشر 10 بقلم Sos khalil
رواية غريب في مصر الجزء العاشر
رواية غريب في مصر البارت العاشر
رواية غريب في مصر الحلقة العاشرة
دخلت ام حنان لحنان لاقتها قاعده
على السرير سرحانه
ام حنان :مالك يا نونه
حنان خدت بالها إن أمها دخلت : سلامتك يا ماما
ام حنان : أنتي قافله على نفسك من ساعه ما عدى مشي
حنان بتوتر : عادي يعني يا ماما تعبانه دخلت أنام
ام حنان : انتي حبيتي عدي يا حنان
حنان بصتلها بصدمه وقال بارتباك : اية اللى انت بتقوليه ده
يا ماما لا طبعا انا ممكن اكون اتعودت على وجوده
مش آكتر لكن حب لا
ام حنان بصتلها بأبتسامه : لا بتحبيه يا حنان لمعه عينك
أللى شوفتها في عينك لما قولتلك ده ياكدلي إنك بتحبيه
متخيلتش إنك حبيته بالسرعه دي يا حنان
حنان بصت لأمها : إيه يا ماما اللي بتقوليه ده أكيد مش
بحب عدي إزاي الكلام ده لا طبعا والله
ام حنان : طب فكري يا حنان وهتشوفي إني صح
تصبحي علي خير
حنان : وانتي من اهله امها خرجت وحنان قاعدت تفكر
هي فعلا بتحب عدي زي ما أمها بتقول بس هي لا مش
بتحبه هي اتعودت على وجوده مش آكتر
بس فكرت فيها هي ليه قلبها وجعها لما هو مشي
نفضت الافكار دي من دماغها طفت النور ونامت
عند عدي
نزل من العربيه وبص علي البيت بتاع عمو
حس بأيد بتتحط على كتفه بص لاقه عمر بصله بأبتسامه
عمر بأبتسامه : تعالي اتعرف على اخواتي حبيبه و داليا
عدي : إيه ده إنت عندك أخوات بنات
عمر ضحك : أكيد يابني يعني امي وابويا هيعيشوا كل ده
من غير ما يجبولي أخوات تعالي يا عدي نخش
عمر و سامح خدو عدي وداخلو لاقو ابتسام في استقبلهم
هي والبنات
ابتسام قربت من عدي وقالت بحنان : حمدلله على السلامه
يا حبيبي نورت البيت
عدي ابتسم ليها بحنان : الله يسلمك يا طنط
ابتسام ابتسمت
حبيبه قالت بعفويه : منورنا يا اشقر
عدي بصلها بأستغراب
سامح ضحك :معلش يا عدي حبيبه بتتعامل بعفوية شويه
عدي ابتسم ليها
حبيبه بضحك : معلش اعتبرني صاحبك أنا بتكلم كده
على طول هتاخد عليا هتاخد عليا متقلقش تشرفت بيك
يا عدي هنبقي صحاب آوى علي فكره
عدي بأبتسامه : تشرفت بيكي يا حبيبه أكيد هنبقي اصحاب
حبيبه ابتسمت ليه
دآليا قربت منه بأبتسامه : حمدلله على السلامه يا عدي
نورتنا
عدي بأبتسامه :بنورك يا داليا
ابتسمت داليا
ابتسام قالت : يلا يا عمر خد عدي وطلعو اوضته يغير عقبال ما
العشا يجهز
عمر هز دماغه وخد عدي وطلعو الاوضه
سامح قرب على ابتسام : بصي بقى شبه اخويا إزاي
ابتسام :آوى يا سامح هو صح أخوك فين
سامح بحزن : توفى
ابتسام اتصدمت : إيه البقاء لله يا حبيبي ربنا يرحمه
سامح بحزن : ونعم بالله لازم اعوضه عن موت سليم
وهلخي عمر ينزلو معاه الشركه أهو يشوف الدنيا هنا
عامله إزاي وهعملو مصروف شهري زي عمر بره عن الشغل
ابتسام طبطبت علي كتفه بأبتسامه : ربنا يديمك لينا يا
حبيبي
سامح ابتسم ليها
ابتسام قالت :أنا هروح احضر الاكل
سامح :ماشي يا حبيبتي
راحت ابتسام المطبخ ووراها داليا وحبيبه علشان يساعدوها
حضرو السفره وساعتها عدي نزل مع عمر بعد ما كل واحد
فيهم خد شاور وغير
ابتسام :تعالو يلا يا حبايبي العشا جاهز
راحو كلهم قاعدو علي السفره وابتدوا ياكلو
عدي وهو بيأكل : تسلم أيدك يا طنط ابتسام
ابتسام بأبتسامه :تسلم يا حبيبي بالهنا
عدي ابتسم
عمر :بكره يا برنس هاخدك الشركه معايا وتقف جمبي
عدي :بس أنا مش بفهم في شغل الشركات
عمر :هعرفك كل حاجه وهتبقى أحسن مني كمان
عدي : شكرا يا عمر
عمر :إنت بتقول إيه ياعم إحنا أخوات متقولش كده
عدي ابتسم وكمل أكل بعد شويه خلصو وقامو
عمر و عدي كانو بيتمشوا في الجنينه برا
سمعو صوت جاي من عماره مهجوره جمبهم
عمر تنح وقال :سمعت إللي انا سمعتو يا عدي
عدي بتوتر :هو ده صوت صريخ مكتوم صح
عمر : آه بس العماره دي مهجوره بقالها 5 سنين تقريبا
عدي :تعالي نشوف في إيه
عمر بخوف :لا ياعم اجي فين ده بيقولو أنا أعوذ بالله
في عفاريت لا يا عم مش لاعب
عدي :تعالي بس هتفضل جبان كده علي طول تعالي تعالي..
عمر :والمصحف هتخلينا نتلبس بسبب اسرارك دي
عدي :تعالي تعالي لو البست جابلي شيخ تعالي
عمر بقلق :ربنا يستر
عدي خده ودخلو البيت ده براحه وهما موالعين الكشاف
لانه الدنيا كانت ضلمه
عمر واقف لقي نفس سخن في قفاه
عمر لعدي بخوف :عدي عدي في حاجه ورايا
عدي لف : بطل عبط يا عم قاطع كلامو الشكل إللي وراه
وبص بصدمه وهو بوقه مفتوح
عمر خاف وبص وراه صرخ بصوت عالي : يااااااامااااااااااااااا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية غريب في مصر)
