روايات

رواية هذه ليلتي الفصل التاسع والعشرون 29 بقلم نجمة براقة

رواية هذه ليلتي الفصل التاسع والعشرون 29 بقلم نجمة براقة

رواية هذه ليلتي الجزء التاسع والعشرون

رواية هذه ليلتي البارت التاسع والعشرون

رواية هذه ليلتي
رواية هذه ليلتي

رواية هذه ليلتي الحلقة التاسعة والعشرون

يامن قاعد مع علاء في اوضته
يامن _ طمنى عليك
علاء _ كويس
يامن _ شد حيلك عشان ترجع شغلك وتشوف حياتك
علاء بحزن _ هي فين حياتي دي ما خلاص راحت
يامن _ متقولش كده انت لسه صغير وتقدر تبدأ من جديد مع واحده تستاهلك
علاء بعتاب _ من امتي بدأت تعمل معاك. كده ومقولتليش ليه
يامن _ بلاش نتكلم في الموضوع ده
علاء _ لو باقي على الاخوه اللي بينا قولي
يامن بتنهيده _ مش عاوزك تزعل

 

 

علاء _ لا قول مفيش حآجه اكتر من اللي شوفته
يامن بتردد _ انت عارف انها كانت معايا في الجامعه
علاء بتركيز _ ايوه
يامن _ كنا وقتها متفقين على الجواز لغيت مانت شوفتها واتقدمتلها
علاء بخيبه _ يعني كان في بينكم مشاعر
يامن _ ايوة بس بنسبالي انتهت لما عرفت انك اتقدمت وهي وافقت. بعدت عنها خالص والله
علاء بحزن _ اه. علشان كده هي. مقدرتش تنسا حبها الاول
يامن _ متقولش حب هي محبتش غير نفسها
علاء _ امال كانت بتلف وراك ليه
يامن _ معرفش . المهم انت شد حيلك وانساها
علاء بحزن _ لو كنت اعرف ان القصة كدة مكنتش اتجوزتها. مش مصدق انها كانت عايشه معايا وبتحب واحد تاني
يامن يشرد ويسرح في كلام علاء ويفتكر حاله مع ليلي ويحدث نفسه … وليه لأ يعني هي هتنسا حب سنين مع واحد عرفته فتره صغيره، ليه ميكونش حنتله تانى بعد ما بعدت عنه،، لا يارب انا مديتش فرصه لرانيا علشان تردلي في ليلي، مش هستحمل أبداً حآجه زي دي . عندي اموت اهون.. انا هكلم ادم وافهم اذا لسة بيفكر فيها ولا لأ. لازم هو بنفسه يقفل الباب من نحيتها
ادم بيكون طالع اوضته وتليفونه بيرن
ادم _ ايوه يا يامن
يامن بزهق_ ازيك
ادم _ بخير وانت
يامن_ مش كويس

 

 

ادم _ ليه بس
يامن_ بيتهيألي انك عارف
ادم_ لا الحقيقه معرفش، في ايه
يامن _ انت عارف اني بحبك وانت صاحبي من زمان، حبيت انبهك علشان مش عاوز اخسرك. تخلي ليلى تبعد عنك ومتتعاملش معاها بالمره
ادم بتنهيده_ من غير ما تقول انا بعيد عنها، يمكن هي بتكلمني علشان العشره ومش فاهمه حقيقه الوضع بس انا فاهم، واطمن انا هعملها بلوك
يامن _ انا اسف، مش بخونك ولا قلقان منك بس علي راي المثل حرس ولا تخون
ادم يحدث نفسه _ لا بتفهم ياريتني كنت بفهم زيك كنت حرست من الاول
يامن_ ادم انت لسه معايا
ادم_ ايوه معاك.. انا فاهم عاوز تقول ايه، وبقولك متقلقش، بعرف اكون أمين ومبخونش صحابي
يامن بخيبه_ انا عارف انك زعلان منى ومجروح كمان، بس والله غصب عننا عمري ما كنت اتخيل ان يحصل كده
ادم _ وانت زعلان ليه.. انا تمام الموضوع انتها بنسبالي، متحسش بالندم وعيش حياتك عادي انا مش فارق معايا
يامن _ متشكر ياصاحبي
صلاح برا اوضة ادم بيسمع كلامه مع يامن ويحدث نفسه _ ياخيبتك لسه بتتعامل معاه بعد ما خدها منك وكمان جاي بكل بجاحه يقولك ابعد عنها هه رجاله اخر زمن.. دي لو حصلت على ايامنا كان هيبقا فيها موت .. اما اكلم كمال اللي فاكر نفسه فاهم ورايح يخطف ناردين علشان قصصهم الهايفه دي، قال حب قال
بيطلع ويتكلم مع كمال في التليفون
كمال _ متصل تانى ليه
صلاح _ أبداً ياسيدي حبيت بس اقولك ان فيلم هذا احبه وهذا اريده شغال دلوقتي علي روتانا
كمال بزهق _ هووف اخلص يا صلاح مكالماتك مش بيجي من وراها خير
صلاح _ دلوقتي مبقاش يجي من وراها خير، امال مين صاحب الخير اللي انت فيه دلوقتي غيري

 

 

كمال _ احنا مش قولنا نقفل على الموضوع ده ولا انت حابب تعرف الناس انك قتلت صاحبك عشان المخدرات
صلاح ببرود _ هو انا قتلته، انت اللي قتلت ومكنش صاحبك وبس دا كان ابن عمك. ومش مشكلتنا دلوقتي انا بكلمك علشان اقولك ابعد عصفورين الكناري بتوعك عن ابني
كمال _ هيبعدو اكتر من كده ايه ماهما اتجوزو وسبوكم في حالكم
صلاح _ لا ياحبيبي قريبتك بتلف حولين ابني الظاهر ان يامن مش قد كده ف حنت ل ادم
كمال بغضب _ احترم نفسك ليلى مستحيل تعمل كده
صلاح _ عملتها وبتتصل بأبني ويامن مكلمه يترجاه يصدها
كمال _ وحتي لو حصل انا دلوقتي بعيد عنها
صلاح _ مش هي دي اللي خطفت بنتي علشانها
كمال _ اقل حآجه اعملها علشانها بعد ما قتلت ابوها. ولو مكنش حد قالك يعني، ليلي عرفت اني انا القاتل ومهما اعملها مش هيشفعلي
صلاح بصدمه _ وعرفت ازاي
كمال _ معرفش اهي عرفت وخلاص
صلاح _ وعرفت ايه كمان
كمال _ معرفش
صلاح بغضب _ تلاقيك انت اللي ضعفت وقولتلها ما انت بقيت خايب ومش نافع في حآجه
كمال _ متنساش نفسك يا صلاح، احنا دلوقتي اعداء لو مش واخد بالك
صلاح _ الف عدو زكي ولا صاحب غبي، انت مش هتسكت غير لما تضيعنا
كمال بيقفل في وشه وهو بيلف حولين نفسه بيفكر يخلص منها ازاي وهي محتمل تكون عرفت
في المول اللي بيشتغل فيه شامي
بتدخل عصابه وسط المول وف جمع من الناس ويبتدو يطلعو من وسطهم ويرفعو المسدسات ويضربو طلقات في الهوا ودا بيسبب الخوف من الجميع، والكل بينزل على الأرض رافعين ايديهم والاطفال بتبكي من الخوف
الزعيم _ اي حد هيتحرك من مكانه هو اللى جاني على روحه ..
احدي الشباب بخوف _ لو سمحت
الزعيم _ عاوز ايه
الشاب بخوف _ امي تعبانه ولازم الحقها
الزعيم بيصوب المسدس علي راسه ويضربه برصاصه تخترق رأسه يلقي علي اثرها جسه هامده
وبعدين بيمسك طفل صغير ف العاشرة من عمره ويظهر على هيئته الثراء

 

 

الاب بخوف _ لو سمحت سيبوه انا مستعد اديك اي مبلغ تطلبه بس بلاش ابني
الزعيم _ كلمة واحدة من اي حد هقتلو. وبيدي إشارة لشركائه لينتشرو في المول ويجمعو اللى يقدرو عليه من فلوس واي حآجه ليها قيمه
شامي بيكون واقف بعيد بحرص وبيتابع تحركاتهم من بعيد ، ويقرب من واحد منهم يكتم نفسه لغيت وما يدوخ ويفقد الوعي وهكذا لغيت ما بينتبهولو، ويبتدي اطلاق النار من رجال الامن والعصابه. ويكون في إصابات من الطرفين وفي النهاية الزعيم بيرجع للخلف وهو مصوب المسدس علي راس الطفل _ لو حد قرب هطير راسه.. كله يرمي مسدسه..
الامن يسيبو مسدساتهم الا شامي، بيصوب المسدس عليه
الاب بترجي_ لا ارجوك ابني معاه
الزعيم _ نزل المسدس احسنلك
شامي وهو ومستمر في التصويب عليه والمسدس بمقربه من عينيه في الاستعداد ان يضغط الزيناد
الزعيم _ بقولك سيب المسدس والا انت الجاني عليه . وفجاه رصاصه بتخترق راسه ويوقع على الأرض والطفل يسيبه ويرجع جري لا ابوه يترمي في حضنه ويبكي
الاب بفرحه _ حبيبي انت كويس متقلقش.. انا متشكر اوي. انت انقذت حياة ابني
شامي يلعب في شعر الطفل بإبتسامة _ حمدالله على سلامته
الاب _ الله يسلمك، انا مستعد اديك اي حآجه تطلبها. قول عاوز ايه وانا تحت امرك
شامي _ ده واجبي.
مدير المول_ انا متشكر اوي انت ليك مكافأه كبيره
الاب _ بعد ما ياخد المكافأة من هنا عاوزة معايا
شامي _ حضرتك انا مش عاوز اي مكافأت انا بأدي واجبي
الاب _ وانا ومعنديش غير عمر ابني ولولاك كان خسرته، انا محتاجك معايا
المدير _ خلاص يا شامي، فريد بيه قال كلمته،
شامي _ ماشي يافندم

 

 

فريد _ هستناك بكره عندي ، ده الكارت بتاعي تجيلي ضروري
شامي_ امر سعادتك.
بعد ما المصابين بيروحو المستشفى والعصابه بيخدوهم البوليس والاموات بيروحو المشرحه،،، المدير بيدي مكافأة لشامي عشر الاف جنيه ومرتب شهر كامل عشان اللى عمله، وبعدها بيروح لفريد عشان يشتغل الحارس الشخصي ليه ودي بتكون أول خطوه لخروجه من مستواه لمستوا أعلى
شامي واقف بره الشركه بدلة حارس شخصي ولابس نضارة شمس وفي انتظار خروج فريد وماسك التليفون بيبص لرقم ناردين ونفسه يتصل بيها ويبلغها اللي حصل معاه بس مش قادر ليحدث نفسه _ يمكن لو كان مستواكي قليل عن كده كنت فرحت وكلمتك اديلك امل اننا ممكن نكون لبعض، بس مهما يحصل مستحيل اوصل لنفس مستواكي. وبتالي هتفضلي انتي الهانم وانا السواق،، … وحشتيني ياحوريه. ان شاءلله اسمع عنك اخبار حلوه الفتره الجايه
في مكان آخر تجلس ناردين على مكتبها وهي شارده كالعاده وتحدث نفسها _ ياترا عامل إيه دلوقتي، .. وحشتني ونفسي اشوفك او اسمع صوتك،، اعمل إيه علشان اقدر انساك او ارجع لحياتي الطبيعيه. لتنزل دمعه حاره من عينيها ، ويقطع شرودها صوت بسمه
بسمه بإبتسامة _ صباح الخير
ناردين تمسح دموعها وترسم بسمه علي وشها _ صباح النور، عامله ايه
بسمه _ اناا زي الفل. انتي بقا اللي مالك علي طول لوحدك
ناردين _ أبداً حبيبتي انا كويسه
بسمه _ الظاهر ان في حآجه شغلاكي ومش حابه تقوليها، بس مش مشكله مسيرنا نبقا صحاب وتحكهالي
ناردين بإبتسامة _ احنا صحاب فعلاَ
بسمه _ حبيبتي، برغم اني في الاول كنت بكرهك انتي واخوكي وابوكي كره العما
ناردين بضحك_ ياساتر، طيب ودلوقتي
بسمه _ بحبكم الا ابوكي معرفتهوش بس يمكن لو عرفتو احبو زي ما حبيتكم
ناردين بإبتسامه _ تموتي فيه لو عرفتيه كل اللي بيعرفو بيحبو
بسمه _ ربنا يخليهلكم
ناردين _ حبتينا ليه انا وادم بقا
بسمه بإبتسامة _ انتي طلعتي طيبة وهاديه. واستاذ ادم انسان كويس و وسيم و طويل و شعره حلو شبه الممثلين الاجانب كده، و ليه هيبه كده مش زي الشباب اللي في سنه ده غير انه رزين ومتعلم
ادم بيجي ويوقف وراها من غير ما تاخد بالها ويسمع كلامها عنه وناردين تشوفه تسكت
ناردين بإبتسامه _ وايه كمان

 

 

بسمه بإبتسامة _ يعنى شاب كويس وخلاص
ناردين _ سمعت انك كنتى ناويه تمشي بعد اسبوع واهو انا بقالي اسبوع تقريباً ولسه موجوده
بسمه _ انا قولت هخليه يرفدني بعد اسبوع علشان مدفعش الشرط الجزائي وهو اللى يدفع،
ناردين بإبتسامه _ ودلوقتي لسه عاوزة تمشي
بسمه بإبتسامة _ لا طبعاً ولا عشره مليون، انا حبيت الشغل هنا
ادم يرجع ورا ويخبط الباب وكانه لسه داخل _ احم.. ممكن ادخل
بسمه تقوم بارتباك _ طيب استأذن انا
ادم_ سايبه مكتبك وقاعده هنا بتعملي ايه
بسمه _ كنت جايه اصبح عليها
ادم بجدية_ طيب اتفضلي شوفي شغلك
بسمه _ حاضر وبتطلع وهو بيقعد جمب ناردين
ناردين _ مالك شيفاك مش مبسوط علي الكلام اللي سمعته
ادم _ وهو ايه اللي اتقال يخليني امبسط بالعكس دا ضايقني
ناردين _ ليه
ادم _ مش عارفه يعني
ناردين_ لا مش عارفه عرفني
ادم_ مش مستعد ارتبط بحد ولا احب ولا اتحب تاني، عرفت حظي خلاص
ناردين_ انت لسه مجربتش.. انت حبيت ليلى من صغرك واكيد لو مكنتش جت عندنا من زمان كنت حبيت غيرها اكتر من مره، حب الطفولة ده غالبآ بيكون وهم، حاول تعديه وتشوف حياتك بقا
ادم_ وجيلان اللي انتحرت في يوم خطوبتنا
ناردين_ ودي كمان انت اصلا مكنتش عاوزها متوقفش حياتك علشان حآجه
ادم بخيبه_ هه انا متعلم وفاهم بس في الوقت الحالي بدأت احس اني نحس، ومتأكد اني لو قربت من اي وحده حتي بسمه دي، هتموت او هتجوز او هتهرب يوم الفرح، اخوكي نحس يا ناردين
ناردين بضحك_ التالته تابته، جرب لو حصلت حآجه تاني يبقا انت نحس فعلاً وهبصملك بالعشرة
ادم_ ههههه اضحكي وانتي مالك، لا عمرك حبيتي ولا ليكي في الكلام ده، مريحه نفسك خالص

 

 

ناردين بإبتسامة_ اه فعلا، بس بزمه مش احسن كده، لا احب ولا حد يوحشني واكون هموت واشوفه… ولا يبعد عني.. ولا اخاف عليه اقربله يتأذي بسببي. مرتااحه اخر راحه
ادم بشك_ في ايه
ناردين بإبتسامة_ إيه
ادم_ حاسس في كلامك نبرة حزن وكأنك بتقولي عكس اللي بيحصل
ناردين_ ههههه لا متخافش اختك طول عمرها ملهاش في المشاعر، انا ناردين وهفضل ناردين
ادم بتركيز_ مبقتيش ناردين بتاعت زمان، فيكي حآجه متغيره، وحاجه كبيرة كمان. ومتأكد ان في حد سبب التغيير ده
ناردين بإبتسامة_ هيكون مين انا زي ما انا مليش اختلاط بحد زي مانت عارف
ادم_ ولا حتي شامي
ناردين _ اشمعنا شامي يعني
ادم _ اصل هو ده الوحيد اللي كان ليكى اختلاط معاه وبكيتي عليه مرتين ودي مش عادتك تبكي علي حد
ناردين بشرود_ بكيت عشان اتأذا بسببي، متخفش مش ناااردين المنياااوي اللي تفكر في السواق
ادم _ انا بقول كده بردو، اختي ناصحه ولما توقع، توقع واقفه
ناردين بإبتسامه _ سايب الشغل وبتتكلم معايا ينفع كده
ادم _ لا مينفعش، يلا عن اذنك، بيمشي ويسيبها وهي ترجع تشرد تاني
ادم بيدخل مكتب السكرتاريه وعلي طول علي مكتبه من غير ما يوجه كلام ولا يبص لبسمه، وبعد دقيقة بسمه بتروح وراه
بسمه_ حمدالله على السلامه يافندم، تحب اطلب لحضرتك قهوه
ادم بجديه_ متشكر اتفضلي انتي
بسمه _ طيب تحب تعرف مواعيد انهرده
ادم _ بسمه علي مكتبك ولما احب اعرف هقولك
بسمه _ هو انت زعلان منى في حآجه
ادم بجديه _ متديش لنفسك مكانه اكبر من الازم انا لو زعلت منك هرفدك
بسمه _ انا اسفه وبتطلع وتسيبه
ادم محدث نفسه _ احسن كدة، مش هفتح علي نفسي قصص جديده
بسمه قاعده على مكتبها متنرفزه بسبب كلامه معاها وتحدث نفسها _ هو فاكر نفسه ايه علشان يكلمني كده، طيب والله لو معايا المليون لا كنت رميتهم فى وشه وسبتله الشغل، انا لسه كنت بشكر فيه وطلعت غلطانه بني آدم متعجرف ومغرور
ادم على الخط _ هاتيلي الورق اللي عاوز يتمضي.
بسمه بقرف_ حاضر .
بتاخد الورق وترزعهم على المكتب

 

 

ادم يتجاهل اللى عملته ويمسك الورق ويمضي من غير ما يلتفت لها
ادم _قهوه ساده
بسمه _ لا حضرتك تطلبها من بتاع القهوة انا هنا سكرتيره
محمد من الخلف _ امر سعادتك
ادم _ متشكر عم محمد ، يخلص امضا ويديلها الورق من غير ما يبصلها
بسمه تاخدهم منه وتفضل وتقفه بصالو بغيظ
ادم بدون النظر إليها _ علي مكتبك
بسمه _ حاضر يافندددم..
بتمشي وتمتم بكلمات مش مفهومه
ادم بدون النظر إليها _ مخصوملك تلات أيام
بسمه بانفعال _ هو كله خصومات مفيش رفد
ادم _ علي مكتبك
بسمه بغيظ _ يتحرق مكتبي على مكتبك عليك انت نفسك
ادم _ مخصوملك أسبوعين
بسمه _ انت….
ادم _ كلمه زياده مخصوملك الشهر كلو، برا
بسمه تطلع وهو بتهري منه وبعد شويه بتشوف محمد داخل بالقهوة ف بتمسك شريط دوا من شنطها وتقوم بسرعه وتوقفه
محمد _ في حآجه يا انسه بسمه
بسمه _ ايه اللي هناك ده . بيبص للخلف وهي بتحط حبايه دوا في القهوة
محمد _ مفيش حاجه
بسمه _ مفيش ازاي مش شايف العنكبوت ده . كل ما اعدي يخبط في دماغي ابقو نضفو بضمير حرام عليكم تاخدو فلوس علي الفاضي
محمد _ مش شايف اي عنكبوت، وبعدين مش انا المسؤول عن النضافه
بسمه _ انضف انا ياسيدي اتفضل قدم القهوه

 

 

بيمشي محمد وهي بترجع وتحط رجل على رجل فوق المكتب وتضحك _ ههههه مش هيفارق الحمام النهارده . ياعيني عليك
بعد وقت ادم بيفتح الباب بعنف وينده على محمد بغضب
ادم _ عم محمد .. ياعم محمد
بسمه توقف تداري ضحكتها_ اقدر اساعد حضرتك في حآجه
ادم بغضب _ عم محمد
بسمه محدثه نفسها _ متعجرف
محمد _ نعم نعم حضرتك
ادم _ عملت القهوه ازاى
محمد _ زي كل يوم حضرتك
ادم _ القهوة فيها حاجه
محمد _ فيها حآجه ازاي انا عاملها بأيدي
ادم ياخد باله من بسمه وهي تحاول تداري ضحكتها _ هاتلي دوا إسهال بسرعه.. وانتي تعاليلي علي المكتب
بسمه بارتباك _ اخلص الشغل اللي قدامي واجي لحضرتك
ادم بصيغة الامر_ تعالي
بسمه بارتباك _ حاضر
بتروح المكتب وهي خايفه يكون عرف
بسمه _ افندم
ادم بحده _ اشربي الباقي من القهوه
بسمه محدثه نفسها _ ههههه عادى انا اصلا باخد العلاج ده كل يوم .. بتمسك الفنجان وتشرب _ تمام كده
ادم بحده _ اقعدي
بسمه _ مينفعش أقعد وحضرتك موجود
ادم _ اااقعدي
بسمه تقعد _ امر حضرتك
بيفضل متابعها وقت طويل وفي الوقت ده دخل الحمام خمس مرات لغيت ما محمد جابله الدوا وخد منه
بسمه _ اقدر امشي

 

 

ادم بحده _ وريني شنطتك
بسمه بصدمه_ ايه دخل شنطيتي في الشغل حضرتك
ادم_ وريني الشنطة
بسمة _ حاضر هروح اجيبها من علي مكتبي
يوقف ويشاورلها تقعد ويروح هو يجيبها وهي تميل وتبص عليه وتلطم _ يادي المصيبة
بعد شويه بيجي وهو ماسك الدوا ورافعه قدامها _ ايه ده
بسمه _ دا دا دا دوا انا صاحبه مرض ف دايما شيلاه معايا
ادم_ دواكي انتي
بسمه _ اه
ادم يجز علي سنانه ويميل عليها _ حطتيلي منه في القهوة
بسمه تميل بالكرسي وترتجف_ لا
ادم بزعيق_ حطيتي
بسمه ببكاء _ محطتش محطتش
ادم _ بطلي عياط
بسمه ببكاء _ حاااضر
ادم _ بقولك بطلي عياط
بسمه ببكاء _ حاضر
ادم بزهق _ اوووف بطلي
بسمه تبرطم _ حاضر
ادم يبعد عنها وبصرامه_ اطلعي بره، بتقوم وتجري علي الباب
ادم_ وقفي…. مخصوملك شهر
في بيت يامن
يامن بيرجع اوضته متأخّر ويفتح الباب يلاقي ليلي نايمه علي الكرسي وهي لابسة لبس سهره ومجهزه عشا مع ورد وشموع وموسيقي هاديه ليحدث نفسه بإبتسامة _ الظاهر انها كانت مستنياني، بس لا يمكن اصتلح بسهوله لازم تعرف غلطها،.. بيدخل يطفي الشموع ويروح الحمام ياخد دوش ويطلع يلاقيها واقفه ومستنياه
ليلي _ مصحتنيش ليه
يامن_ قولت اخليكي نايمه
ليلى _ انا مستنياك بقالي كتير
يامن _ ومستنيه ليه، ارجعي نامى
ليلي تقرب منه وتمسك ايده _ انت لسه زعلان منى
يامن_ انتي ايه رأيك
ليلي _ انا اسفه
يامن _ اعمل ايه بأسفك وانتي تفكيرك زي ماهو
ليلي تشاور على رقبتها _ قلعت السلسلة، ومسحت رقمه لو في حاجه تانيه المفروض اعملها قولي عليها
يامن يقبلها فوق جبينها_ ليلي انا بحبك وبغير عليكي،، مش وعاوز حد يشاركني فيكي حتى لو كان بأسم العشرة والصداقه
ليلي بإبتسامة _ فهماك

 

 

يامن _ متشكر
ليلى _ طيب ايه مش هتتعشا
يامن بإبتسامة _ نتعشا
ليلي تتقدم خطوتين وتشده من ايده وهو يرجعها تانى لتلتصق به _ هنتعشا يا ليلي
ليلى _ ما احنا هنتعشا، مش شايف الاكل
يامن _ هنتعشاا يا ليلي
ليلى _ اااه. لااا انا وقفت في المطبخ تلات ساعات اجهز. ومش هعمل حآجه غير لما تاكول كل الاكل ده
يامن بإبتسامة _ انا مش جعان اكل، انا عاوز أشبع منك انتي الاول
ليلي بقرف_ والاكل اللي اتهلكت فيه مين هيطفحو
يامن _ لا ازاي الاكل يزعل، انا هطفحه وربنا ما ليكي في الرومنسيه
منورين ياسناجل يا بأسين ياللي مش بتجهزو عشا 😒😒

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية هذه ليلتي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى