رواية وردة في المزبلة الفصل التاسع عشر 19 بقلم منة محمد
رواية وردة في المزبلة البارت التاسع عشر
رواية وردة في المزبلة الجزء التاسع عشر
رواية وردة في المزبلة الحلقة التاسعة عشر
افتكر صقر اللثمه الي كانت مكفنه نفسها بيها وانها عندها ضيق تنفس وشد على ايده بغضب وهو بيلوم نفسه انه السبب وعيونه رغرغت بالدموع
وبعدها بص للدكتور :ممكن يحصلها اضرار
الدكتور عدل نضارته : شوف يا دكتور صقر حاليا مش هنقدر نحدد درجه الضرر وان شاء الله ما يكونش فيها الا كل خير
وقف صقر : بأذن الله واستأذن من الدكتور وطلع افتكر موبيله فتحه ولقي 50 مكالمه من الشباب اتنهد واخد نفس ورن على الجد
….قصص منه محمد………
الكل قاعد ومحتار وخايف وخاصة الجد
فجأة رن موبيل الجد اللي فوق الطربيزه وبسرعة اخده وبص علي الاسم
وبعصبيه وصريخ : انت فين ؟؟؟ ………..ليه فالمستشفى ………
الكل اتخض وتنح وعلامات الخوف على وششهم
ليه مالها ريم ؟؟؟……….
الكل اتنهد براحه ان صقر بخير
طيب ليه ما بلغتناش…………لو بسيطه ليه يحطوها بالعنايه المركزه …….
الكل استغرب العناية المركزه
طيب انا جاي حالا ……..طيب خلصنا …….مع السلامه
قفل الجد الخط بعصبيه ووقف
فخري بهدوء : خير يابابا ماله صقر ؟؟
الجد وهو يمسح على وشه : والله مش عارف بالظبط بيتكلم وصوته متوتر يا دوب فهمت منه كم كلمه بيقول ريم فالمستشفى حاطينها بالعنايه المركزه ربنا يستر
وقف فخري : طيب يلا عالمستشفى وشاور لخالد الي مش عاوز اصلا يقوم ونادر الي كان معترض يروح بس ابوه عطاله نظره خلته يقوم بالغصب
طلع الجد واولاده كان رامي وايهاب عاوزين يروحوا بس الجد رفض حد يروح ……
بعد ما طلعوا التفتت الجده على البنات : مالها يا بنات ريم حصلها حاجه في الطريق ؟؟
البنات بصو لبعض وبعدها اتكلمت روان،: لا محصلهاش حاجه يا تيته بس يمكن بتدلع
عصمت وهي تهز راسها : وانا برضه قلت كدا اكيد مقصوفه الرقبه بتدلع
وكملوا سهرتهم البنات قطعوا في فروه ريم وشويه يتكلموا عن الحفله والتجهيزات
اما الجوز الثلاثي مش سايبين حد الا ما يتكلموا عليه (نميمه)
اما الشباب طلعوا من الفيلا وقعدوا في الجنينه ………
*****قصص منه محمد*********
بعد ما خرج الجد من غرفة ريم شد على قبضة ايده بقوه وهو حاسس انه السبب لو حصل لها حاجه لايمكن كان سامح نفسه !!… لانها فهمتوه بضيق النفس عندها بس فكرها انها بتضحك عليه وحجه علشان تفرس نادر ومش تلبس النقاب وهو ولا اهتم واخدها بكشف عليها ويعالجها…..!
متوقعش يحصل كل ده حمد ربنا ع سلامتها في قلبه بعد ما طمنه الدكتور عن وضعها وحمد ربه انه صقر مش اتأخر بعد ما فقدت وعيها والا كان حصل عندها مضاعفات
وكمل طريقة بالممر وهو يحمد الله عزوجل وطلع بره المستشفى
كان نادر وصقر وخالد وفخري واقفين عند العربيه بعد ما اطمنوا على ريم خرجوا واصر الجد يقعد عندها لوحده ويستنوه بره
وصل الجد عندهم بعد ماقال السلام
بصلهم بهدوء وبص لنادر وهو يتأمله سبحان الله مين كان يتوقع نادر العصبي المغرور يبكي وعلى مين على ريم لمح الجد نادر وهو يبكي بغرفة ريم
بس مستحيل نادر المغرور يظهر ضعفه لازم يلبس قناع عدم الا مبالاه
استمر لعده ثواني الجد وهو يتامل نادر وكان يطقطق بالموبيل ويظهر عدم الا مبالاه للي حواليه
فخري بهدوء : توكلنا على الله يابابا
هز الجد راسه بالموافقه وركبوا العربيه
كلهم في عربيه خالد والصمت سيد الموقف
الا صقر رجع في عربيته لوحده وهو حاسس بالذنب……..
*****************
دخلوا الفيلا وكئن مفيش غير الحريم والبنات وطفلين
قعدالجد بمكانه المعتاد واتنهد بتعب وبعد دقايق دخلوا الشباب
عصمت بكره وهي بتسأل الجد : ع لله تكون ماتت وريحتنا ؟؟؟
بصلها الجد بنظره ناريه : بعيد الشر عليها ربنا يحفظها من كل سوء وعطاه لعصمت نظره وعيد
ايهاب بهدوء : ليه دخلوها المستشفى ؟؟
كانت نسرين موجوده وقاعده وحاسه بنار الغيره ليه يسال ايهاب عن ريم
الجد بهدوء : البنت عندها ضيق بالنفس من زمان وبلغتنا بكدا بس احنا ولا اهتمينا للموضوع
ولما اتلتمت لمده طويله اثر عليها وحصلها اختناق
عصمت وهي ترفع حاجبها بتشكيك : يمكن عملت التمثيليه دي متعمده علشان تصعب علينا!!
وقف الجد بعصبية وبص لعصمت : وبعدين معاك لازم اخدك يا دكتوره علشان تقيمي حالتها اذا صادقه ولا بتمثل
بعدها نفخ بقهر وهو يعد على صوابع ايده الدكتور محمد اخصائي وابنك نادر شافها و صقر شافها والدكتوره الغريبه شافتها وكلهم قالوا حالتها سيئه الا انتي مش مقتنعه
عنك ما اقتنعتي وسيبك منها( وبحده اكبر) ويكون في معلوم الكل ريم من الساعه دي واللحظه دي مش عاوز حد يزعلها والي هيسمعها كلمه ولا يضايقها قسما بالله ليندم باقي عمره وطلع من المكان بعصبيه
عصمت الي قاعده هتموت : اعوذ بالله ابوكم بقي حريقه بسبب بنت ساره لكن اقول ايه حسبي الله ونعم الوكيل فيها
عمربغيره : ايه ده هو فيه ايه كل ده عشان ريم تعبانه حبتين
صقر بحزن وقف وبص لعمر: انا مع جدي البنت حالتها تعبانه لو شفتها ماكنتش اعترضت
وبعدها طلع وهو مخنوق
عصمت بصت لنادر: وانت مالكش كلمة دي بنتك ازاي تقبل ان محدش يدخل في تربيتها ولا فالح بس تنفذ كلامك على سلمى ولينا والفرعون ريم ما تقدرش عليها
اخد نفس وهو بيحاول يضبط اعصابه وما يزعلش امه : اظن انا اتبريت منها فاريت مش توجهي لي الكلام عندك اعتراض قدميه لابويا وبعدها وقف ولف لساميه : يالا يا ساميه
وبعدها طلع هو وبناته واولاده من البيت !!!
بصت عصمت لفخري بغيظ : يالا قوم اطلع انت التاني علشان ست الحسن والدلال حسبي الله ونعم الوكيل فيها
وقف فخري وبص لامه بهدوء : انا كدا كدا كنت ماشي بس مش علشان ريم وبابتسامه علشان انام اتأخرالوقت وشاور لنجوي تحصله
********قصص منه محمد**********
الساعة 7.00 صباحا اتحسن وضع ريم ونقلوها لغرفه تانيه عاديه
فتحت عيونها بتعب وهي حاسه جسمها كله مكسر غمضت عيونها وافتكرت الي حصلها اخدت نفس وفتحت عيونها بعد ماافتكرت
مع انها توقعت انها النهايه قطع عليها دخول جدها بعد ما دق الباب
دخل وقرب ناحيتها وباس راسها وبابتسامه : حمد لله على سلامتك
ريم بصتله بحيره دايما جدها متقلب احيانا يكون طيب معها واحيانا يكون متعصب ابتسمت ابتسامه باهته كلها تعب
مسح على شعرها وهو بيقعد على الكرسي الي جنب السرير : كدا خوفتيني عليكي يا لعابه
ردت بصوت متعب : من امتى اهمك عشان تخاف عليا غريبه بتنكت على الصبح يا شايب
ضحك جدها بصوت عالي واستغربته الظاهر انه رايق عالاخر وبعدها بصلها ولسه اثر البسمه موجوده علي شفايفه : انا هسامحك المره دي عشان تعبانه بس المره الجايه ودانك دي هقطعوملك اذا قلتي شايب
ريم : الظاهر انك رايق ياشايب
قرب منها وشد ودنها عالخفيف : يا بت متخلنيش اقطعها وبعدها ابتسم وبص علي الكيمود اللي جنبها ومسك الهديه اللي جابهلها
اتكلم بفرحه : جبت لك هديه ان شاء الله تعجبك
رديت بهدوء : شكرا وسكتت لثواني وسألت امتى هطلع من هنا
الجد باهتمام : ان شاء الله النهارده بس اي ساعة مش عارف بالظبط يمكن الضهر
سألت جدها بتردد : ءءءءء اممممم وبعدها بصتلو بتردد عرفت خطيبي عشان يجي يزورني وابتسمت باحراج بس
انتفضت على صوت مستحيل تنساه
…..:انا النهارده هدفنك هنا واحطك في التلاجه مع الميتين يا قليله الحيا
…………قصص منه محمد….
التفت جدها وبابتسامه : هدي اعصابك يا خالد البنت دي وشها مكشوف من قله الحياء مش بتتكسف وبعدها بص لريم بس يالله نمشيهالك لانك مريضه ولا ايه رايك يا خالد
خالد نغزها بوعيد : بس لانك مريضه هطنش ولا كأني سمعت بس مره تانية بجد هدفنك في ارضك( وباسلوب أمر) اتقلي وخليكي راكزه
هزت راسها بهدوء وحاسه بالدموع خنقتها ماحدش زراها غير جدها وخالد المفروض ابوها يكون فوق راسها وامها مرافقه عندها بس هتقولي ايه يا ست البنات عالم مزبله
خالد بص لساعته: يالا يا بابا اتأخرنا على الشركه ولازم نوصل بدري عن كدا
الجد وقف : الله يسامحك سمعتني الاسطوانه دي من شويه قبل ما ندخل والله عرفت انك مستعجل
خالد وهو عند الباب : قلت لك أجل الزيارة بعد الضهر بس ما سمعتش كلامي
وقف الجد بابتسامة : يالا الضهر ان شاء الله امرعليكي
وبعدها راح قرب الباب وهو بيكلم عمها خالد : قلت لك ماتربطش نفسك بيا كنت روحت انت وانا لحقتك بعدين
وبعدها غابت اصواتهم عن ودانها اخدت نفس وغمضت عيونها بقوه لعل وعسى تدخل عالم الاحلام عشان توقف التفكير وتهرب من واقعها
كان قاعد في مكتبه دخل عليه صقر بعد ما قال السلام
وقعد على الكنب مقابل المكتب ومد ايده على الكنبه وبص لنادر وبعدها اتكلم بهدوء : زرت ريم ؟؟
نادر رفع حاجب وكشر ملامحه : اذا عاوز تفتح محاضرات شايف الباب يساع جمل وشاور على الباب (بعدها حط ايده على راسه )شايف راسي مصدع مش رايق لمحاضراتك
ومسك ورقه من على سطح المكتب وقعد يقرأ فيها
اتنهد صقر وبعدين بص في الارض وبتساؤل : نفسي اعرف تفرق ريم ايه عن اولادك ؟؟ ليه تعاملها كدا ؟؟ وبقهر رفع راسه وبص لنادر بالله عليك لو سلمى او لينا او سيف فالمستشفى مش بتزورهم ؟؟
ورفع ايده ما تجاوبش وشاور على نفسه انا اجاوب عنك لو سلمى دخلت المستشفى هتنام وتقوم عندها ولا هتفارقها دقيقه
رفع نادر نظره عن الورقه وببرود : جاوبت بنفسك
صقر بعصبية : طيب ليه قولي تفرق ايه عنهم ؟؟
رفع نادر حاجبه وببرود يقهر صقر وببطئ اتكلم : الفرق ان سلمى ولينا وسيف اولادي اما ريم بنت سسسساره ده الفرق بس وشد علي حرف السين
وقف صقر بعصبية : انت حرام تكون اب
نادر ببرود :انت مالك والنبي بلاش تفتي على كيفك وعطاه نظره حاده وبعدين ماتنساش انك كنت سبب رئيسي في مرض ريم رب العالمين لطف والا كانت مع اعداد الموتي دلوقت وبحده بص لصقر والسبب انت
صقر دفعه في صدره عالخفيف : انت قد الكلام ده الي تتهمني بيه ؟؟
نادر مسك ورقه تانيه وبتهكم: لو ما كنتش قده ما كنتش قلته
طلع صقر من المكتب وهو عازم ينفذ الي ف باله
طنش نادر صقر ورجع للاوراق اللي قدامه
**********************
بعد الظهر على الساعة 2.00
لبست الطرحه وجهزت نفسها
مسك ايدها جدها وبهدوء :حاسه انك احسن
ريم:الحمد لله
الجد:لو حاسه انك لسه تعبانه خليك يومين كمان صحتك اهم شئ وياريت لبسك الضيق ده ما تلبسيهوش تاني،، يا بنتي انا خايف عليك انتي تفتني
ريم بغباء : يعني بس هنا وفالبيت وفالمدرسه البسه عادي؟؟؟
الجد اتنهد : يا بنت الحلال اللبس الضيق والعريان في جناحك الخاص غير كدا ممنوع فهمتي دلوقت
هزت راسها بالموافقة وابتسمت ومسك جدها ايدها
وطلعوا من الغرفه ونزلوا بالاسانسير وبعدها وقفواعند الريسبشن مش عارفه ريم ليه
بعدها بدقايق شافت صقر ومعاه نادر للاسف ابوها وصلوا عندهم كلموا الجد جرحوها ولا واحد فيهم منهم قالها الحمد لله على السلامة
طنشت تجاهلهم ليها وبعد دقيقة قرب منهم ايهاب
سلم على الموجودين وبعدها بصلها بدهشه وفتح بؤه نغزه صقر في كتفه بعدها نزل نظره وسال الجد وهو يحك دقنه : انا فاكر كويس يا جدي معندكش عيله صغيره وحلوه؟؟ وغمز لجده
ابتسم جده : اخر عمري ربنا رزقني بأحلى عيله تملي عليا حياتي ولف لريم وابتسم صح يا ريم
ايهاب رفع حاجب بتشكيك : قول انك متجوز يا جدي وعاوز تقنعني انها دي ريم دي بيبي فيس
رد الجد وهو يحط ايده على كتفها ويقربها منه ريم اتكسفت وخدودها احمرت : واحلى عيله كمان
نزلت ايده عن كتفها بغضب : انا مش عيله انا مخطوبه يعني كبيره
ايهاب بنظره تهديد : طالما طولتي لسانك تبقي انتي ريم واسمعي كويس يا طفله في احلامك تتم الخطوبه جدي بكره تطلب الطلاق من زياد ده الي كان ناقص نجوز عيال والناس تتكلم علينا وبعدين ليه تجوزها للغريب واولاد عمها موجودين ودول يا مكترهم
الجد بحزم ومسك ايد ريم : الموضوع ده منتهي البنت كتبنا كتابها خلاص ما حدش له دخل بالموضوع لو كلامك صحيح ما كنتوش سبتوها تروح للغريب وانت فاهم قصدي
وبعدها استأذن الجد وهو ماسك ايدها بقوه
وطلعوا بره المستشفى وهي حاسه بالقهر ايه دخلهم البقر دول عاوزين يلغوا الخطوبه دي حياتها وهي راضيه وموافقه وعضت علي شفايفها اااه لو مش تعبانه كنت رزعته قلم يلوحه وابوها وجوده زي عدمه واحد
قصص منه محمد****
بالكفتيريا وهو يعض على صوابعه بنرفزه : يانهار ملبك يا جدعان دي ريم
صقر :لا خيالها،،يااخي انت من الصبح فلقت نفوخي هي ريم ريم ريم وضحت
ايهاب بعصبيه:عاوز افهم ازاي جدي يجوزها دي لسه عيله صغيرة
صقر : صغيره
ايهاب بلعثمه : هاه لا وحك راسه بتوتر وبعدها استدرك الوضع وكمل بقولك صغيره طفله يعني الله يهديك انت وتفكيرك وبعدين ولاد عمي اولى بيها من الغريب!
صقر بجديه : وانت اللي مضايقك البنت راحت لنصيبها بلاش تتدخل بامور مش تعنيك
ايهاب بعصبية : ازاي يعني مش تعنيني دي بنت عمي
صقر وهو بيشرب العصير ببرود : والله دلوقت بس اكتشفت انها بنت عمك كنت فين يا فالح.. دي بقالها اسبوع مخطوبه دلوقت بس افتكرتها ولا علشانها مـ,,,,,
وسكت صقر
ايهاب رفع حاجب :انت تقصد ايه كمل كلامك
صقر بلا مبالاه : خلاص انسى واتمنى انك ما تتدخلش في موضوع ريم اختصار للمشاكل
بصلو ايهاب وهو جواه يتوعد اذا ما خربش الموضوع ما يكون ايهاب ..
*********
في بيت الجد
اول ما دخلو البيت كان هادي طلعت لاوضتها بسرعه
ما لهاش خلق للمشاكل مع عصمت دخلت الاوضه وقفلت الباب بالمفتاح تقلع الفستان ورميته على الارض ورمت بنفسها على السرير حاسه جسمها مكسر
ودخلت في عالم الاحلام عشان تهرب من الواقع المرير
بعد مرور وقت من النوم فتحت عيونها وسمعت اذان العصر
قعدت على السرير بتعب افتكرت امبارح الاختناق لو ما كنتش بتصلي ازاي كانت هتقابل ربنا نوت تقوم تصلي بس ضاقت ملامحها هي مش فاكره اصلا ازاي تصلي حكت راسها بندم لو راحت تسال حد في البيت اكيد هيتتريقوا عليها خلاص بقي من الاسبوع الجاي هتصلي وتسال مدرسه التربيه الاسلاميه عن الصلاه واقنعت نفسها بالعذر ده
واقفه مع النفس
قال الغزالي : إن التسويف يسبب أربعة أشياء :ومعني التسويف ـاجيل الطاعه
1- ترك الطاعة والكسل فيها .
2- وترك التوبة وتأخيرها .
3- والحرص على الدنيا والاشتغال بها .
4- وقسوة القلب ونسيان الآخرة .
وقال الحسن :إياك والتسويف ، فإنك بيومك ولست بغدك،
فإن يكن غداً لك فكن في غد كما كنت في اليوم ،
وإن لم يكن لك غد لم تندم على ما فرطت في اليوم .
فكم اضعنا صلاتنا وصيامنا وارتكبنا المحارم ونحن نقول غدا سوف اتوب
غدا سوف اصلي
غدا سوف ابر بوالدي
غدا سوف اترك الاغاني والافلام وكل المحرمات
غدا سوف اصوم
غدا سأرتدي الحجاب
غدا غدا غدا غدا غدا غدا غدا غدا غدا غدا غدا غدا هل يا ترى هل تضمن ان تعيش ليوم الغد
في اليوم التاني ريم مارحتش المدرسة واتحسنت صحتها كتير ومع الادويه بصت لوشها كانت خدودها لونها وردي وبصت لعيونها سبحان الله كل البنات فالمدرسة يقولوالها عيونك ملونه مع ان عيونها لونهم عسلي زي جدتها ام امها عيونها زيها زيتوني كان الوقت العصر فقررت تطلع من اوضتها وتغير جو وقبل ما تطلع
غيرت هدومها ولبست شورت واصل لتحت الركبه لونه اسود ولبست بلوزه بيضه اكمامها شفون عليها بعض الرسومات الكرتونيه وسابت شعرها سايح على طوله وحطت طوق لونه ابيض وعليه ورده لونها اخضروطلعت من غرفتها وراحت تلعب بلايستيشن بعد ما اخدت الوصله وفي ايدها التانيه باكو عصير توت وقعدت وربعت على السيراميك حطت علبه العصير على الارض وبدأت تلعب عشان تنسي التعب
سمعت صوت من وراها : قال تعبانه قال ياكدابه ضحكتي على جدك وعملتي التمثيليه والمسكين صدق كذبك
وقفت اللعبه ولفت وراها وغمزت لها بابتسامة : ايه رايك اظن انا براعه في التمثيل وسبلت عيونها بدلع
قربت جدتها منها ومسكت شعرها وشدته : ليه لابسه البروكه دي؟؟
حاولت تبعدها عن شعرها بس كانت تشده بقوه وبعدها سابت شعرها وعلامات الغضب علي وشها وبعدها نزلت متغاظه…..
رتبت شعرها :منك لله يا بعيده وجعتني كله غيره من شعري قال ليه حاطه باروكه قال
وبعدها رجعت تكمل اللعب وبعد نص ساعة حست بحركه فالصاله
التفتت شافت ضل صغير دخل اوضتها وبسرعة وقفت ووراحت لاوضتها ولما دخلت
شافت لطيفه ريم بصتلها وهي مش منتبه ليها: خيرعاوزه ايه من هنا يا ست ظريفه ولا لتيفه
لما سمعت صوتها انتفضت وبسرعة سرقت علبه العصير الي علي الطربيزه وهربت ريم جن جنونها عند عصيرها المفضل الدنيا تخرب ولا تسمح لحد يشربه او يلمسه وطياره جريت وراها زي المجنونه وهوب تنزل اولي درجتين من السلم بس القرده لفت من وراي السلم ولحقتها بس طلعت لبرا وهي نسيت نفسها ولحقتها من غيروعي دخلت الصالون الله واكبر الكل كان موجودين بس ريم ولا هي هنا كل همها تلحق تاخد علبه العصير وبصريخ وعويل جريت وراها:ياحيوانه هاتي العصير لفجرك
جريت لطيفه عند جدها خالد واتخبت في حضنه
انقهرت منها مسكت شعرها وشدته ولا انتبهت لنظرات عمها خالد كان كل همها تاخد العصير
لما شدت ريم شعرها رخت ايدها وبسرعة سحبت العصير وبعدت عنها وبابتسامه نصر: علشان تاني مره ماتسرقيش مني العصير
سكتت لثواني وشافت نظرات عمها النارية استغربت وبسرعه بصت للجهه التانيه شافت مراتات عمامها وعصمت الي بصلها وفاتحه بؤها كمصيده للدبان
استغربت ليه بصالها كدا بصت لناحيه تانيه وكانت الصدمه العظمي
كل الشباب كلهم موجودين كانت صدمه عمرها وكرده فعل حطت ايدها على بؤها وشهقت وخلال ثواني نطت بره الصالون بقدره قادر وبسرعه جريت على اوضتها وقفلتها بالمفتاح
ريم بخوف حقيقي: يا ويلي من عمي خالد لا لا النهارده هيصلوا عليا صلاه الغايب
وبعد دقيقتين خبط الباب بقوه وبسرعة بعدت عن الباب ونطت وهي قلبها طبول
والي زاده صراخ عمها خالد : افتحي يا قليله الربايه
ويصرخ وهو بيضرب عليها الباب بقوه …افتحي اذا ما دفنتك النهارده ما اكون خالد ياكلبه
سابته يصرخ ويضرب على الباب وما حبيتش تتكلم لانها اذا قالت كلمه زياده اكيد يعني هيكسر الباب فوق نفوخها ويدفنها في ارضيه الاوضه زي ريا وسكينه
بعد عشر دقايق الظاهر انه مل ومشي وهو يتوعد فيها
اخدت نفس براحه بعد ما راح اتشهد ت ان جدها وعمها فخري مش موجودين ولا ابوها اففففف الحمد لله
………..
بعد ما جريت ريم برا الصالون وقف خالد والتفت للشباب بنظرات ناريه
وطلع من الصالون وعيونه حمر من العصبيه
عصمت بحقد : ايه البت دي داخله كدا من غير حيا ولا خجل
سامي : تيته مين البت دي
عصمت بكره : مين غيرها بنت ساره حسبي الله ونعم الوكيل فيها
سها للشباب : الله يرضى عليكم اطلعوا قبل ما يرجع خالد ويقلبها نكد
وقف عمر وعوج بوزه : واحنا ايه دخلنا يعني احنا قلنا لها اطلعي كدا
ضربه رامي على كتفه: بقولك امشي قدامي
وطلعوا الشباب من المكان بهدوء
ساميه وملامح الاستغراب على وشها : دي ريم ؟؟
عصمت بقرف : اااه ياختي ريم
ساميه : ما شاء الله عليها ربنا يحفظها من العين
نجوي زغرتها بقوه : تلاقيها حاطه 10كيلو مكياج ومركبه باروكه
عصمت بكره تتكلم عن ريم : لا مش باروكه انا شديت شعرها بايدي من شويه شعرها طبيعي حتى شفتها من قريب مش حاطه مكياج
نجوي بحيره : طيب ازاي اول يوم جات فيه كان وشها اسود
عصمت : قالي سليمان ان المخفيه ريم كانت حاطه علي وشها كريم مش عارفه اسمه ايه المهم الكريم بيسمر حتي اخد منها العلبه ومنعها تحط منه تاني
ساميه باستغراب : طيب ليه عملت كدا ؟؟
عصمت بضيق : وجعتوا لي راسي بكتره اسئلتكم روحلها المقروده واسألوها
وبعدها دخل خالد ومولع على الاخر راح للكنبه وقعد عليها وهو يهدد ويتوعد بريم
************قصص منه محمد*******
في الجنينه الشباب قاعدين مزبهلين طبعا من جمال ريم الحقيقي
بدرسقف بايده : مش مصدق انها ريم دي صغيرة بس جميله بنت الايه
رامي بدون نفس : لا صدق ياخويا هي
قعدوا على الارض واتكلم ايهاب بقهر : عاجبكم بنت عمكم تطلع للغريب وانتم ولا على بالكم
عمر : عاوزنا نعمل ايه يا منبع المفهوميه البنت كتبت وانتهى الموضوع
ايهاب بخبث : مين قالك ان الموضوع انتهى لازم ريم تتطلق منه وواحد منكم يخطبها
عبود بحماس : انا اخطبها
ضربه ايهاب على راسه بالخفيف :اتنيل انت لسه صغيرعاوز واحد من الاربعه
رامي او بدر او عمر او سامي واحد منكم لازم يخطبها
رد بدر وعمر في نفس الوقت : انا اخطبها
بصلهم ايهاب : واحد منكم يتنازل
بدر بحده : انا اتكلمت قبلك
عمر بجديه : لا انا قبلك اتكلمت
وبصوا لبعض بقوه
ايهاب يهدي الوضع : احنا جينا ننتفاهم مش نتخانق
وبعدها بص لرامي و لسامي : ها ايه رايكم ؟؟
سامي بابتسامة : فكره مش وحشه البنت في حياتي ما شفت بجمالها ونعومتها بس المشكله مع امي مستحيل توافق عشان سني
ايهاب : سيبك من امك وبعدها التفت على رامي: ها ايه رايك؟
رامي بهدوء : البنت صغيره ومش تناسبني ابدا وبعدين قريب بفكر اتجوز وريم صغيرة لالالا مش هتناسبني لو كانت كبيره والله ماكان حد فيكم حلم ياخدها مني بس حظي الفقري البنت صغيره ….
ايهاب : يا بني البنت اخرها تكبر
رامي باعتراض : وافرض انها ما كبرتش وفضلت قصيره لالالا مش عاوز
ايهاب : بكيفك يعني دلوقت بقيتم تلاته واحد منكم يتنازل للتاني علشان لما نبلغ جدي نحدد واحد مش تلاته
طبعا الشباب كل واحد راكب راسه ومش راضي يتنازل (لما شافوا جمال ريم)
عمر بقهر لبدر : مش كنت عاوز تخطب سلمى ليه رافض دلوقت
بدررفع صوبع على راسه :مزاجي مش عاوز سلمى وعاوز اخطب ريم
احتدت ملامح عمر ونزلوا الاتنين في بعض شتايم
سكتهم ايهاب ورامي : دلوقت من وانتم صغيرين صحبه ولما كبرتوا تتخانقوا علي بنت
بدر بغيظ وقف : ما اتشرفش بصحبته
وقف عمر وبعصبيه : انا الي عاوز اموت علشان اصاحبك يا فاشل يا اناني كل حاجه تاخدها مني واسكت لك بس المره دي انسي فاهم
اتعصب بدر وضرب عمر بوكس في بطنه ويرجع عمر ويضربه بوكس في وشه ويهجموا على بعض
وبعد تدخل فخري اللي كان معدي بالصدفه وشافهم
فرق بينهم وزعق فيهم : انتم الاتنين تتخانقوا انتم ولاد عم وطول عمركم صحاب وزي الاخوات فهموني فين المشكله؟؟؟
رامي استدرك الموضوع وغطي عليه : موضوع تافه كل واحد بيقول انه الصادق والتاني كذاب وكدا ومن هنا هوب اتخانقوا مع بعض بس
بص بدرعليهم وبعدها ساب المكان بزعل
فخري بهدوء : الله يهديكم تاني مره يا ويلكم اذا اتكررت الحركه دي فاهمين
وبعدها ساب المكان
وبعد دقايق بص ايهاب ل عمر : عجبك كدا ؟؟
عمر بغضب : بدر اناني مستحيل احط عيني على حاجه الا ياخدها مني ودايما اطنش واسكت بس المره دي بالذات يحلم انه اسكتلو
رامي : على كل حال الموضوع هناجله لحد ما نلاقي حل وبعدها يحصل كل خير ……..
قصص منه محمد
بعد الموقف قعدت ريم في اوضتها قافله علي نفسها
حتى المدرسه رفضت تروحها والنهارده يوم الخميس عطله قررت تطلع من الاوضه
لبست فستان من الي اشتره صقر وكان كبير خلعته ورمته على الارض بتأفف
بحثت في الهدوم الي اشتراها صقر لقت فستان مفتوح من قدام و له زراير وحجمه مناسب لبسته بسرعة ولفت الطرحه على راسها وطلعت بره الاوضه
وراحت للدرابزين ونزلت تتزحلق عليه كالعاده
وبعدها راحت للصاله دخلت ما كانش في الا جدتها
دخلت وبابتسامه : اهلا يا عجوزه النار
عصمت بحده : عجوزه في عينك يا قليله الادب
قربت وقعدت جنبها وبستها على خدها : امواه
عصمت دفعتها وفضلت مسمح خدودها وهي قرفانه
ابتسمت : لا لا ماتمسحيش الوان الطيف دلوقت تروح وضحكت ههههههه الله يسامحك عجوزه وكمان تلون وشها ههههه
وبعدها وقفت وخلعت الفستان والطرحه وحطيتهم على الكنبه
كانت مسرحه شعرها بطريقه جميله ولابسه بنطلون برمودا لونها احمرغامق وبلوزه اكمامها قصيره لونها اسود وكانت جميله كيوت
وبعدها قعدت بابتسامه : بقولك ايه يا حجا انتي اسم ابنك الكبير ايه
عصمت بقرف : فخري
ابتسمت : حلو خلاص من هنا ورايح هندهلك بدل عجوزه النار ام فخفخينا حلو صح
بصت لها عصمت ولوت بوزها ولا ردت
ريم : ما علينا يا ام فخفخ المهم تعرفي انك حلوه بس ليه تشلفطي نفسك بالالوان اللي بتحطيها علي وشك
عصمت اتعصبت : يالي مش بتتكسفي
قاطعتها : ليه اتعصبتي بس وانا صح بكره الشايب يروح يتجوز عليكي لما يشوف الالوان دي مش كدا يتوزع المكياج
عصمت بسخريه : الي يسمعك يقول فاتحه صالون تجميل وباسلوب نهر غوري عن وشي غوري
دخلت سها : سمعتي قالت لك ايه فارقينا قبل ما انادي عمك خالد والله هو مستحلفلك
ريم ببرود : عادي ناديه شفته لما طلع قبل شوي وحركت حواجبها
وبعدها لفت لجدتها : هاه قلتي ايه يا ام فخفخ ايه رايك احط لك مكياج وخالتي ام امير تحكم
الجده بعصبية : قلت لك فارقينا انتي يا بت رفعتيلي ضغطي افففففف
سها بسخريه : ده اللي ناقص اطفال يحطولك مكياج
وقفت بتحدي : ما بلاش تستهينوا بقدراتي واتحداكم
وبصتلهم بحماس :دلوقت احط لجدتي مكياج اذا عجبكم والكل مدح المكياج ابقي صحبتكم ومش تطردوني ماشي…واذا الكل ماعجبوش لكم شرطين وانا انفذهم
كانت جدتها عاوزه ترفض بس قاطعتها سها : خالتي اكيد ريم خسرانه ليه ما نكسبش من وراها شروط ونطلعهم من عيونها
جدتها بتفكير : اممم خلاص موافقه
نطت ريم بحماس :يالا يا ام فخفخينا ورايا على اوضتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
تعليق واحد