رواية وردة في المزبلة الفصل التاسع 9 بقلم منة محمد

رواية وردة في المزبلة البارت التاسع

رواية وردة في المزبلة الجزء التاسع

رواية وردة في المزبلة الحلقة التاسعة

الجد بهدوء : بالنسبة للموضوع الي جمعتكم عليه انا قررت ريم هتعيش عندي هنا
نادر باعتراض :بابا الله يخليك انا عاوز اخدها معايا
الجد بحزم : كلمتي مش بتنيها وبنتك انت مش قادر تربيها وعاوز تاخدهاا هناك وافرض انها هربت منك هتلاقيها فين ببلاد الغرب عالاقل هنا لما تضيع نلاقيها اما هناك ولا هتلاقيها ولف على فخري هاه ايه رايك ؟؟
فخري بعقل : في الحقيقه يا حج كلامك صح بنتك يا نادر اكتر من مرة كررتها ولازم تحط كل الاحتمالات افرض انها مشت فعلا هتلاقيها فين هناك انا شايف الافضل تخليها عند ابويا ايه رايك انت يا سلطان
سلطان : انا ماليش دخل بيها وبعدها وقف لو عارف ان الاجتماع بخصوص الموضوع ده ماكانتش جيت ودلوقت أستأذن عن اذنكم
الجد بحزم لف لنادر بعد ما خرج سلطان : عاجبك دلوقت اخوك واخد علي خاطره منك
نادر بهدوء : بابا يعني اعتذرت له ووضحت له إني ما كانش قصدي بس هو راكب راسه بالعناد ومش راضي يقتنع اعمل ايه تاني
الجد بحزم : ما علينا المهم بكره تجيب كل حاجات ريم هنا وسيبك من الباقي
نادر وهو يكتم عصبيته : يعني بتعاملوني ولا كأنها بنتي ماليش كلمه عليها لحد امتى هيفضل الحال ده ‘اقولك خلاص خد ريم عندك وانا متبري منها ومن كل افعالها ولا تيجي يوم تشتكيلي منها لاني خلاص رفعت ايدي عنها
(((من لا يستطيع أن يقوم بواجب الأبوة لا يحق له أن يكون اب.)))
فخري : يا نادر متوصلش للدرجه دي ما فيهاش حاجة لوعاشت هنا انت ليه مكبرالموضوع …
الجد بجديه: بربرتك دي وفرها لبعدين ودي تبقي بنتك غصب عنك فاهم ويالا دلوقت خلينا نطلع للبيت
فخري بمزح : الله يسامحك ياحج كنت قولت لنا في البيت قدام الكل بدل المشوار لمكتبك
الجد بنغزه: كلها كم متر ومكسل تمشيها انت لسه في بدايه الاربعين وده حالك قوم وانت شاور علي نادر ماتفضلش قالب بوزك تقول دفنا مراتك
كان نادر هيتكلم ويعترض لكن الجد شاو له امشي قدامي وبلاش كلام زي قلته يالا
نادر بقله حيله انصاع لامر ابوه .
***********قصص منه محمد ********
كانوا الكل قاعدين وعندهم فضول يعرفوا ايه الي تم بالمكتب حتى سلطان لما طلع ما تكلمش بشيء وفضل ساكت وإذا سألوه يقول لما يطلع ابويا هو يقول لكم
عمربفضول : اموت واعرف ايه هو الموضوع
بدر بتأكيد : اكيد جدي بلغ عمي نادر إنه هيحجزها لهوبا
ما كملش بدر إلا علبه المناديل لبسه في خلقته
ايهاب بعصبية : تعرف تخرس خالص وإلا اجي اخرسك بطرقتي
عصمت التفت عليهم : ليه تتناقرا فيه ايه ؟؟
رامي وهو بيقفل على الموضوع : لا ما فيش حاجة بيهزروا مع بعض صح شباب
كلهم اتكلموا مع بعض : صح
بدر وهو يفرك مكان الضربه : ربنا ياخدك قال هزارقال
ايهاب بحزم : عشان تحرم تعيد سخافتك مرة تانية وعطاه نظره خلاه يبلع لسانه ويسكت
كان عمر عاوز يتكلم بس دخول الجد وبعده نادر وفخري خلاه يسكت ويتابع الموقف بصمت
قعد الجد بمكانه المعتاد همس عمر للشباب : شباب شكل عمي نادر مش يطمن!!!!
شاورله رامي بمعنى اسكت
كان الكل يبص للجد ومستني يتكلم بص الجد للجميع وبصوته الرزين الي يحسب له كل احفاده الف حساب : اكيد دلوقت عاوزين تعرفوا سبب تجميعكم هنا طبعا تعرفوا إن اكتر من مره حاولت ريم تهرب من البيت واحنا عايله ليها سمعتها بفلبلد واي شيء يمسنا وكتير من الناس نفسهم يمسكوا علينا واحده وعشان كدا أنا عارضت إن نادر ياخدها معاه لأنه احتمال كبير تمشي وتسيبه هناك وقتها استحاله نلاقيها ببلاد الغرب
عصمت بندفاع: طيب رجعوها عند امها احنا مالنا بيها ؟؟
الجد بحزم : رجاء وانا بتكلم ما حدش يقاطعني ورماه لعصمت نظره خلتها تبلع لسانها وتسكت كمل الجد كلامه وبعدين نرجعها لأمها نسيتي إنها رمتها علينا وبعدين ريم بنتنا مش بنتهم ومصيرها لو عاشت عندهم ترجع هنا برضه عشان كدا أنا قررت إن ريم خلاص تعيش عندي هنا
كانت عصمت هتعترض لكن الجد سكتها بعصبية : انا قلت كلمتي مش بكررها وقسم بالله يا عصمت إذا اعترضتي ليحصل رد فعل ما هو طيب لذلك اختصري والموضوع منهي وبكره ريم جايه تعيش معنا
وقف الجد بحزم : يالا وقت صلاة العشاء دلوقت ومشي بره البيت رايح للمسجد .
قام نادر وسلطان ووفخري والشباب ولا هما هنا قاعدين يتناقشوا صرخ عليهم فخري: ايه انطرشتوا مش سامعين الاذان يالا قدامي عالمسجد
قام الشباب وهما متكدرين ومش عاجبهم شي وخاصة تعامل عمهم فخري معاهم.
قصص منه محمد ********
طلعوا الرجاله للمسجد وبدئت الجده باعتراضها وقهرها : انا اخرعمري ابتلي في بنت سارة تعيش عندي هزلت وعضت شفايفها بغيظ
ساميه بحسن نيه : يا حماتي اهدي شوي عشان صحتك
عصمت بعصبية : طبعا انتي خسرانه حاجه رمتيها عليا وهتسافري وسبتولي مقصوفه الرقبه ريم اتب في ضهري بس اقول ايه ياخدها ربنا وارتاح
نجوي مرات فخري : الله يكون في عونك يا خالتي ازاي بس هتسحمليها ولوت بوزها بتكبر
عصمت وجواها بركان : امتي امسح بيها البلاط امتي ؟؟
نجوي بشر: يعينك ربنا يا خالتي على البلوى الي جاتلك بس انتي دلوقت هدي نفسك وان شاء الله تمسحي بيها البلاط
كانت ندي سامعه وهي ساكته مش قادرة تتكلم خوف من سلطان لانه ما يسمح لها ترد علي امه حتى لو كانت امه عليها الحق فالتزمت الصمت وقعدت تتابع الاحداث
*********منه محمد
صحيت الصبح على صوت جنى وهي بتصحيها فتحت عيونها بشويش وقعدت على السرير بهدوء وفركت عيونها من النعس
جنى بسعاده : صباح الخير
ريم بنص ابتسامه : صباح الورد
جنى مسكت ايدها : يالا بسرعه اغسلي وشك وتعالي الفطار جاهز
دخلت ريم للحمام وغسلت وشها ومشطت شعرها وربطته كعكه ونزلت تحت بهدوء وجنى تمسك ايدها
دخلوا الصاله كانت ام جنى وعزام قاعدين علي السفره
عزام بابتسامة : يا صباح الخير كله تعالوا افطروا بسرعة
قعدت ريم بهدوء بعد ما قالت السلام وبدأت تتناول فطورها وهي تسمع كلام عزام مع امه وهي ممتنه لهذا الشخص وولا يمكن تنسى جميله ابدا
قطع كلام عزام رنه موبيله فتح الخط ورد بهدوء : اهلا والله…..الحمد لله بخير ….انا فالبيت انت فين …..كنت اتاخرت شوي خليها تلعب مع جنى شوي …….يا سخفتك خلاص حالا تجهز ….يالا بامان الله ….مع السلامه
قفل الخط وبص لريم الي اتغيرت معالم وشها بعد الاتصال : يالا يا ريومه ابوكي جاي على الطريق قريب من هنا جهزي نفسك ….
نزلت رأسها وولا ردت وكان نفسها تقتل نادر وتتخلص منه وترتاح بس تهرب فين مصيرها ترجعلو علشان كدا استسلمت للامر الواقع
وقفت ريم عزام باستغراب : كملي فطارك لسه ماوصلش
ريم باستسلام : خلاص شبعت
وبصت لجنى الي كانت تبكي : ليه بتعيطي يا جنى انا زعلتك ؟؟؟
جنى وهي تمسح دموعها : خليكي هنا مش تسبيني
كانت ريم عاوزه تتكلم بس سبقها عزام وبحزم : جنى بلاش دلع يعني ريم لازم ترجع عند ابوها بلاش تخليني ازعل منك
مسحت جنى دموعها وبصت لعزام : خلاص ماتزعلش وقربت من ريم وسلمت عليها وباستها ……..
اما ريم كانت شارده بتفكر بلقاءها مع نادر اكيد هيضربها ويشتمها اخدت نفس علشان تطرد الخوف من قلبها .
———قصص منه محمد______
كان مستني في العربيه الاميره تنزل قلبه للان حاقد عليها شافها كانت جايه وعزام ماسك ايدها مش هينكر انه اضايق بس طرد الشعور من راسه وصل عنده عزام وهو يلهيه ويرحب بيه كعادته ويستخف دمه نزل من العربيه وسلم عليه وبص لريم وهي كمان بصتله وبعدها بصت لعزام
وبتردد : انا اسفه مش هكررها تاني
نادر بصلها لها بتكبر وهو عارف انه عزام طلب منها تعتذرله طنش اعتذارها
وشاور لها تركب مسك ايدها عزام و فتح باب العربيه من قدام وقعد ريم برقه وقفل الباب وبعدها راح لجهته وهمس في ودنه:لو ليا عندك خاطر متضربهاش خلاص حكايه وراحت وانتهت اوكي
هز نادر راسي له ولا نطق بحرف وحرك العربيه
كانت قاعده جنبه وهاديه وماتكلمش معها لأن مزاجه معكر من امبارح
وصل بيت ابوه وقف العربيه وطلب منها تنزل
نزلت بهدوء،وعلى وشها علامات استغراب ليه جايبها هنا
جاوبها قبل ما تسأل : هتعيشي هنا عند جدك
ريم بتفاجئ : تقصد أعيش عند عجوزه النار ؟؟؟
نادر بعصبية : ريم انا لحد دلوقت ماسك نفسي متخلنيش اعمل في وشك خرايط فاحترمي نفسك اسلم لك فاهمه وبعدين دي جدتك يا ويلك اذا ما احترمتيها ودلوقت امشي قدامي
ريم بعناد : قلت لك مش عاوزه اعيش هنا رجعني عند جنى قبل ما افقد اعصابي
نادر وصبره نفذ : لا يا شيخه كل حاجة ولا نفقدلك صبرك , امشي قدامي بلاش قله ادب سامعه
بصت ريم لنادر وعيونه حمر من العصبيه لوت بوزها ومشت ناحيه الفيلا
دخلوا الفيلا كان الجد والجده قاعدين دخل نادر وقال السلام وقعد على الكنبه بتعب وبعدها بص لريم وبأمر : تعالي سلمي على جدك وجدتك بسرعة
ريم بنظرة غرور : قربت وسلمت بطراطيف صوابعها عليهم وكأنها قرفانه
كانت صدمه للجد والجده
عصمت بعصبية : ليه مش بتسلمي زي العالم والناس يا قليله الحيا
ريم بنظره تكبر وهي رافعه حاجبها : ده سلامي وإلي مش عاجبه بكيفه وبامر يالا فين اوضتي ؟؟
عصمت بعصبية : قسم بالله اذا ما عدلتي اسلوبك لتندمي فاهمه
بصت ريم بعفويه لنادر اللي كان بصصلها وعيونه حمر من كتر العصبيه
حكت راسها وبصت للجد بابتسامه : يا شيخه بهزرمعاكي ليه كدا قلبتي شبه السخان المحروق
بلعت ريم ريقها من صرخة ابوها : قسم بالله اذا ما عدلتي اسلوبك لتندمي انا ماسك نفسي فاختصري وامشي غوري من هنا بسرعه خلي الخدم يدلوكي ع اوضتك
شافها لسه واقفه صرخ : اختفي من وشيييييي
بصت ريم له ورفعت حاجب : اعصابك يا دوك لتحرق البيت وجريت بسرعة زي البرق قبل ما يمسكها نادر
وما انتبهت على إلي كانوا واقفين وراه الباب ويتسنطوا خرج نادر وراها وهو يتوعد ليها
شاف عند الباب الشباب واقفين
نادر بعصبية : نعم واقفين هنا ليه عاوزين ايه و بعدين من يوم رايح مش داخلين طالعين بنتي هتعيش هنا فا قبل ما تدخلوا تستأذنوا فاهمين وطلع وسابهم مروح لبيته لانه اذا بقى في بيت ابوه اكيد هيطلعها منه بجنازه
^^^^^^^^^^^^^^^
قعدوا في الجنينه وهما نايمين علي النجيله من الضحك
بدر وهو يضحك : شفتم ازاي كانت هتموت جدي يا قوه عينها
رامي : والله عندك حق احنا كبرنا ولحد دلوقت بنعمل حساب لجدي والبت دايسه والمشكله بتتكلم ببرود مع عمي نادر والله انا خفت منه وهي ولا على بالها ترد الكلمه بعشره
عمر: والله مش سهله بس قهرني عمي نادر شفتم ازاي بيتكلم معنا وكاننا اطفال قال بنته موجوده من حلاوتها عشان نستاذن قبل ما ندخل
ايهاب بغل : بجد اسلوبه كان سيء جدا معنا احنا مالنا لو كان متعصب يطلع غله فينا
رامي : فكونا بقي من السيره ايه رايكم نروح على النادي النهارده ؟؟؟
وبدء الشباب يخططوا لتضييع وقتهم بما انهم اليوم كملوا امتحاناتهم ….
……………….
قالت لنفسها تعمل جوله بأنحاء الفيلا كان المكان كبير وواسع جدا تدخل من اوضه لاوضه واستغربت كتر الاوض وجواها تسائل ايه حكايتهم بكل الاوض دي هزت كتفها باستغراب شافت سلم ينزل للدوراللي تحت غير الي طلعت منه كانت حاسه،حالها ضايعه ومش عارفه ترجع المكان الي جات منه
قررت تنزل السلم لعلها ترجع للمكان اللي كانت فيه نزلت اول درجه بس مرة واحده وقفت وجات في بالها فكره شيطانية بعد ما شافت الدرابزيل وعجبها شكله اللولبي طلعت عليه تتزحلق وكانت مبسوطة عالاخير وصوت ضحكها عالي كانت اول مره تحس بالسعادة والضحك للدرجه دي ولما وصلت قريب من اخر السلم كان جدها طالع من تحت واتفاجئ بيها
ريم بصوت عالي وهي بتضحك : ابعععععععد لخبطك اطيرك هههههه ولما وصلت لنهاية السلم نطت على الارض كانت ركبها على الارض وايدها على الارض حست بالم بسيط بس طنشت
رفعت راسها وشافت جدها بصصلها بنظرات ناريه غمزت له وبابتسامه : ايه رايك في الحركه عجبتك صح
قرب منها جدها ومسكها من قفاها ووقفها وهو ماسك قفاها واتكلم بعصبية : مجنونه انتي ؟؟ لو وقعتي وانكسرتي وقتها اقعد اتلبخ فيكي من مستشفى لمستشفى ومسك ودنها وشد عليها الحركه الطايشه دي اياك تعيديها
هزت راسها ريم بالموافقة عشان يسيب ودنها وفعلا ساب الجد ودنها وعيونه تتوعد ليها
مسحت ريم ودنها وضحكت بصوت عالي : ههههههه علي فكره انت غيران مني ياشايب ياعجوزلانك مش تعرف تتزحلق زي ولعبت له حواجبها
الجد اتعصب منها: انا هوريكي مين العجوز دلوقت
هربت ريم ناحيه السلم ولما وصلت لنهايته لفت لجدها اللي كان في بدايه السلم طلعت لسانها لجدها : هههه شايب مش هتقدر تحصلني
الجد اللي كان وقت صلاة : عقابك مش دلوقت بعد الصلاة مش هتاخر على الصلاة عشان عيله وبنظره ناريه رفع راسه لريم الي كانت في اخر درجه من السلم: اخفي من قدامي وعلي اوضتك غوري
نزلت ريم درجه بهدوء وبصت لجدها وهي رافعه حواجبها بشكل مستفز بعد ما ضمت ايدها علي صدرها : تصدق بالله انا بدأت اشك انك بدأت تخرف وباستفسارفين اوضتي ها فين من كل الغرف دي …عارف انا كل يوم الصبح وباليل في بيتكم وولا اعرف هي فين؟!!
بصلها الجد باسف : مش هقول غير كلمه واحده الله يعين نادر على ما ابتلاه عطاه بنت عقلها ناقص الله يكون في العون ونادى بصوت عالي : ميرفت ميرفت
بعد دقايق جات ميرفت تنهج وبصت للجد اللي كان واقف عند اول السلم ونظره لاخر السلم : نعم يا بيه
الجد بحزم : خدي المخبوله دي على اوضه هند ومن يوم رايح هتكون دي اوضتها
هزت راسها ميرفت وطلعت السلم ناحيه ريم
اما الجد اتوجهه للمسجد علشان يصلي الظهر …..
******قصص منه محمد*****
كانوا بيتمشوا باتجاه بيت جدهم الي كان سراميك ابيض وع الجوانب نجيله خضره وبعض الورود على جنب
رامي وهو يمسح جبينه : اففف حر لا يطاق
بدر : شباب استعجلوا بمشيتكم خلينا ندخل جوه قبل ما ننصهر من الحر ودفع ايهاب قدامه استعجل يا شبح
ايهاب وهو ماشي ومبسوط عالاخيرولا مهتم لحد : اه واخيرا خلصنا دراسه واتخلصنا من غتتها ورفع ايده لفوق وهو بيقول ببببييييييس
ما حسش الا بمايه فوق راسه صرخ : احححححح
بصوا الشباب لفوق علشان يشوفوا مصدر المايه بس انصدموا بالمايه الكتير الي نزلت زي الامطار فوق راسهم هما كمان
بصت لهم بابتسامه شيطانيه والشباب بصولها وعصبوا من الحركة دي وخاصه عمرلان فونه كان في ايده وبقي كله مايه
ايهاب بعصبية : اد الحركه دي يا حيوانه😀😀
ريم لان صور البلكونه قصير فكان من السهل تشوفهم : امممم بصراحة اتخنقت من ريحتكم واصله لعندي عبو اشكالكم استحموا يا معفنين ومدت لسانها وكبت جردل تاني مليان مايه ودخلت وقفلت باب البلكونة
ووقفت في وسط الاوضه
وهي حاسه بنشوه النصر كانت تقوي بنفسها وتقول مش هتسكت ليهم هتكون شوكه في حلوقهم واتب في ضهرهم لانهم حرموها من امها
بلعت غصتها ولفت انتباها شي ما انتبهت له لما دخلت كانت شاشه عرض راحت بسرعة وبدأت تحاول تشغلها لانها عمرها ما شغلتها من قبل حتى لما كانت عند عمها سلطان ما كانوش يشغلوا tv عشان المذاكره …وبعد عدت محاولات اخيرآآآآ اشتغل
وللصدفه كان علي قناه اطفال كان فيه رسوم متحركة جذبتها و قعدت على الارض وربعت وقعدت تتابع وهي فاتحه بؤها ومبسوطة عالاخر ودخلت الجو مع توم وجيري
……
عمر بعصبية : والله الملعونه دي لتندم وننتقم منها
بدر بص لايهاب وانفجر من الضحك
ايهاب بستنكار : اموت وافهم بتضحك علي ايه ؟؟؟
بدر وهو يضحك : هههه شكلك يضحك كأنك كتكوت مبلول ههههه
ايهاب من غير نفس : روح شوف شكلك الاول وبعدين اضحك على غيرك
رامي بهدوء سابهم ومشى وقفه عمر : ع فين ابو الشباب ؟؟؟
رامي من غير نفس : يعني عاجبك شكالنا اوي عاوز اغير هدومي والكلبه الي فوق قسم بالله لندمها علي عملتها المهببه
قاموا الشباب مع رامي يغيروا هدومهم وهما يتوعدوا بريم …..
*******قصص منه محمد******
كانوا قاعدين بالصاله كان نادر قاعد من ناحيه الشباك وفي وسط الصاله قاعد ابوه وقاعد قصاده سلطان وفخري وكانوا بيتكلموا في الشغل
وقف نادر بضيق : استأذنكم انا عاوزين مني حاجة ؟
دخلت عصمت في نفس الوقت: ع فين يا روحي اقعد شويه خليك اتغدي هنا
قعدت الجده جنب الجد وهي باصه لنادر مستنيه جوابه
نادر بهدوء : تسلمي يا امي خليها مرة تانية وطلع مروح علي بيته
عصمت بحزن : مش عاجبني حال نادر
الجد بلامبالاه : ما فهوش الا كل خير بس انتي ماتفضليش توسوسي
عصمت بغيظ : ده ضناي وحاسه بيه كله من البلوى اللي عندنا ضيقت خلقه
فخري بفضول : الا بالحق ايه اخبار الضيفه الجديده معاكم؟
الجد بفقدان امل منها : مهبوله بشكل وقرده تخيل وقال له الموقف
سلطان حط ايده على بؤه عشان يخفي ضحكته وجواه مبسوط على ريم مهما حصل بيحبها وليها مكانه بقلبه
فخري بضحكه خفيه : اتحملها لسه عيله صغيره ولازم تطول بالك
الجد بثقة : ربيتكم وانا مش عاجز اني اربيها لانها عاوزه تربيه من اول وجديد اخوك معرفش يربيها
فخري : الله يقويك عليها ويهديها يالا انا كمان استأذن
وقف سلطان : خدني معاك انا كمان عن اذنكم
عصمت بحنيه : خليكم اتغدو معنا
سلطان قرب منها وباس راسها : تسلمي ياغاليه مرة تانيه
الجد : بامان الله
بعد خروجهم خيم الصمت بالمكان لعدة دقايق بعدها دخلت الشغاله وزعت نظرتها على الجد والجده : الغداء جاهز
سند الجد على ايد الكنبه وبعدها وقف ووجه كلامه للخادمه : روحي نادي ريم وجيببها على صاله الاكل لانها ما تعرفش المكان
وقفت الجده جنب الجد ومن غير نفس : خايف عليها متعرفش المكان دي جنيه ما يفوتهاش حاجه
سابها الجد وراح للسفره وهو يردد : الله يجيبك يا طولت البال
مشت عصمت وراه وهي بتبرطم ودخلت قعدت جنبه علي السفره ناحيه اليمين بهدوء
بعد دقايق دخلت ريم الصاله كانت السفره بشكل اسطواني وكبيره لونها اسود وعليها بعض الاصناف كانت الصاله شبه فاضيه ماتحتويش غير علي تربيزه السفره فقط وبعض فازات كبيره موزعه بشكل مرتب وجميل
عصمت بشراسه : اخيرا شرفتي
بصلها سليمان بنظره بمعنى اسكتي
لوت عصمت بوزها وبصت لريم وكأنها حشره قرفانه منها
اتألمت ريم جدا جواها من تصرف عصمت اتجاها وصممت تجرحها زي ما جرحتها وتوجعها زي ما وجعتها
ريم برفعه حاجب : خايفه على كرشك يفش اذا اتأخرتي شويه عن الاكل ارحمي معدتك شويه من كتر ما بتلغي اكل ولفت حواليها يمين وشمال وبعدها بصت لجدتها وبنظرة وكانها عاوزه مصلحتها : بكره الشايب ده يتجوز عليكي ويقول ايه ده مالها دي بقت شبه البرميل كدا ليه
فتحت الجده عيونها على وسعها من البنت المجنونه
ريم بلامباله : انا عاوزه مصلحتك ونصحتك وانتي حره وبعدها عملت نفسها متفاجئة بوجود جدها : انت هنا وانا فاكره ان العجوزه دي لوحدها وشاورت على عصمت
الجد بحزم وهو بيحاول يتحكم باعصابه : ريم احترمي نفسك وحاسبي علي كلامك وبلاش تحدفي دبش احسن لك وعطاها نظره غضب
ريم وهي حاسه بانتصار وانها قهرت جدتها وملامح عصمت بان عليها الضيق والعصبيه
ريم : حاضروسحبت الكرسي وقعدت بهدوء متجاهلة جدتها اللي كان قلبها يودي ويجيب خايفه جوزها يتجوز عليها ويسبها وفضلت تدعي على ريم في سرها اللي حطت الوسواس بقلبها
كملت غداها وطلعت بسرعه غرفتها اللي حفظت طريقها دخلت وبسرعه قعدت على الارض قدام التلفزيون
طبعا كانت سيباه شغال لانها متعرفش تطفيه بعد ما ربعت حطت ايدها على خدها وقعدت تتفرج بتمعن وباندماج
عدا الوقت وريم لسه قاعده على نفس قعدتها وعيونها على tv حتى هدومها ماغيرتهمش بالرغم من ان الخدامه جابت لها هدوم ورتبتهم في دولابها
بعد اذان المغرب فجاة انفتح باب غرفتها بس ريم ولا هي هنا كانت مندمجه ولان الباب وراها ما انتبهت للي دخل
وهي قاعده وباندماج فجأة انطفى tv استغربت لفت وراها شافت جدها ماسك في ايده الريموت واتكلم بجديه : يلعن ابو شيطانك انتي هنا من الصبح قاعده قدامه قومي انزلي تحت كل اعمامك متجمعين يلا امشي قدامي
ريم بقهروشخطت فيه : ليييييه تطفيه يالا شغله هموت و اعرف ايه الي حصل لهزيم
الجد بص لها ومش عاجبه اسلوبها حتى انها ولا تحسب له حساب بعكس احفاده كلهم يحسبوا له الف حساب : كلمتي مش بكررها ونفس كمان وشاور ع tv هطلعه بره الاوضه خالص
بصت ريم لtv وبقلبها مش متخيله تعيش من غيره اتعلقت بيه وقفت وهي مبوزه ومشت علشان تنزل تحت وصلت عند الجد مسكها بعد ما عدت بكام خطوه عنه لفت له بمعنى خير
الجد بحزم بص لها كانت لابسه بنطلون جينز ازرق وبلوزه بدي ابيض كات : غيري هدومك بسرعه وانا هستناكي هنا
بلعت لسانها وخافت اذا اتكلمت ياخد جدها tv فتحت الدولاب واحتارت تلبس ايه دقايق وخرجت جيبه كتان لونها كحلي وبلوزه اكمامها طويله لونها سكري دخلت الحمام وبعد دقايق خرجت
بص لها الجد وجواه ضحكه على شكلها وخاصة الجيبه لان ريم قصيره كتير و الجيبه كانت على طولها شاور لها الجد انها تلحقه مشيت وراه وهي بتحفظ الاماكن علشان مش تتوه
دخل الجد الصالون الكبير جدا للعائله وكان الكل متجمع بصت ريم في البدايه للون للكنب علشان تحفظ وتعرف الغرفه للايام الجاي كان لونه خمري غامق منقوش باللون السكري علمت لون الاوضه علشات تعرفها المرة الجايه
بعدها بصت للموجودين كانت الرجاله قاعدين جنب بعض شبه دايره مغلقه
اما الناحيه التانيه كانوا الحريم قاعدين برضه جنب بعض وناحيه بعيد شويه قاعدين الشباب والاطفال متجمعين في اخر المكان بيلعبوا من اول نظره مش لفت انتباها الا عبود نسيت الموجودين وكأن ما فيش حد إلا عبود جريت ناحيه الاطفال وما انتبهت للعيون اللي كانت بتراقبها
وقفت قدام عبود و بحماس : عبود تعالي نلعب
بص لها عبود بغرور : انا مش هلعب معاكي ولا حد هيلعب تاني معاكي صح ياعيال وبص للاطفال الموجودين يسألهم
هز الجميع راسهم مؤيدين كلام عبود
عبود زقها من قدامه ورجعت خطوات لوراه : روحي العبي مع البنات غوري من هنا
نادر ومن جواه نار تغلي على ريم : ريم
لفت بهدوء على مصدر الصوت ورفعت حاجب بمعنى نعم عاوز ايه
نادر بحزم : روحي اقعدي عند البنات وشاور على مكان البنات الصغيرين
بصت له ريم من فوق لتحت ولفت وشها وقعدت عند اختها لينا وجواها مقهوره من عبود
اميره : قومي من هنا متقعديش معنا عندنا اسرار ومش عاوزين حد يسمعها
مي : ابعدي من هنا لينا متخلهاش تقعد جنبك
سلمى باستهزاء: بنات شوفو شعرها شكله يضحك ههههه
لينا قامت من جنبها : ابعدي عننا مش عاوزينك هنا وقامت قعدت جنب اميره
بصت ريم بأسف على اخواتها المفروض يكونوا معها مش ضدها
حست نفسها مخنوقة بعد موقف عبود وزاد ضيقتها الموقف ده اصعب شعور لما تحس نفسك منبوذ من الجميع وغير مرحب بيك
بلعت غصتها وهي بتحاول تطنش كلامهم لكن جن جنونها لما سمعت سلمى بتقول : يا حرام امها رمتها هنا وارتاحت منها
لما سمعت ريم كلامها. ما قدرتش تمسك نفسها قامت وراحت لسلمى ومسكتها من شعرها وفضلت تضرب فيها بدون وعي
*********قصص منه محمد******
الجد بجديه : انا طلبت من ابو صقر وهو قالي انه هيتكفل بالصفقه
سلطان براحه : خلاص ابو صقر قد المسؤوليه
قطع كلامه ولف لصوت الصراخ
كانت ريم ماسكه سلمى وتضربها بدون وعي نادرنط على طوله لما شاف المنظر ده وصل لريم اللي كانت في اخر الصاله وبصعوبه بعدها عن سلمى
بص نادر لسلمى وشاف وشها متبهدل وشعرها متقطع جن جنونه ما قدرش يستحمل يشوف بنته المدلله كدا وقاعده تبكي لف لريم وعطاها قلم بكل قوته
واتكلم وهو يجز على سنانه : ليه تعملي كدا يا حيوانه
بصت ريم لنادر بأسى هي برضه بنته زي ما سلمى بنته ليه ما سألهاش الاول سلمي عملت ليها ايه عشان تضربها مباشره كدا من غير ما يعرف السبب ضربها علطول حست بغباءها وهي بتقول لنفسها ده هو الاب اللي كنتي منتظراه وتحلمي بيه ليل ونهارعضت على شفايفها من القهروالظلم وهي بتضحك على نفسها طلع ابوها اكتر شخص بتكره على وجه الارض اتمنت لو فضلت على عماها ولاعرفت إنه ابوها
هزها نادر بقوه :اتكلمي
رفعت راسها والتفت وشافت الكل يبصلها وجهت نظرها لنادر وببرود : حاجة ماتخصكش
كان نادرعاوز يضربها بس ابوه مسك ايده وبحزم : اعتقد انك اتبريت منها مالكش حق تضربها مفهوم
وساب الجد ايد نادر وبعصبيه : ريم وسلمى تعالوا هنا
قربت ريم من جدها بثقة اما سلمى كانت بتعيط وخايفه من جدها
الجد بعصبية : سلمى تعالي هنا
نادربحمقه : يا بابا شوي شوي عالبنت فوق ما هي مضروبه يعني
رماله الجد نظره لنادر بمعنى مالكش دخل : تعالي هنا بسرعه
ساميه بضيق تفرك ايدها مش بطيق تشوف بناتها بيعيطوا وخاصة سلمى الخوافه ومغلوله من ريم ليه تضرب بنتها بالطريقه الهمجيه دي
كانت ندي نفسها تروح جنب ريم لكن مسكها سلطان وعطاها نظرة بمعنى ملناش دخل
تراجعت ندي وقعدت على الكنبه وجواها خايفه على ريم ….
الجد بحزم :ايه الموضوع انتي وهي ؟؟
سلمى ساكته والخوف مسيطر عليها وبتمسح دموعها
الجد بعصبية : انا بسأل ايه الموضوع ووجهه نظره لريم
ريم بلامبالاه : مواضيع بنات مالكش انت فيها
الجد اتكسف من ردها
الشباب ضحكوا بهدوء بعد ما اتكسف جدهم
الجد علشان يخبي كسفته: ما علينا المهم الموقف ده مش عاوزه يتكرر تاني ويلا بسرعه سلموا ع بعض وبصوت عالي بسسسسسرعة
قريت سلمى اللي معروف عنها انها خوافه وجبانه وقربت من ريم ومدت ايدها تسلم سلمي:ءءءءانا اسفه
بصت لها ريم بتعالي وبصوت عالي : قسم بالله لو كررتي كلامك ده تاني هتكون نهايتك على ايدي انت وشله الحمير دي ووشخطت فيها فاهمه
هزت سلمى راسها بخوف : والله مش هعدها تاني
نادر انجن جنونه وهو شايفها تهدد بنته وقدام الكل واللي قهره بنته الخوافه سلمى
الجد حتى ينهي الموضوع : يالا اقعدوا مع بعض والعبوا مع بعض من غير خناق فاهمين ومشي خرج لان وقت صلاه العشاء بعد ما قال لاولاده يلحقوه ….
رماه نادر لريم نظرة تهديد وطلع هو وسلطان وفخري ….
الجد بحده للشباب : انتوا يا شويه بقر يلا عالمسجد
بدر بكسل : يا جدي لسه ما اقامش الصلاة
الجد بعصبية : يعني لازم توصلوا في اخر ركعه ياللا عالمسجد بسرعه
قام عمر وهو بيضحك على بدر لانه اتحرق دمه قدام الحريم
طلعوا الشباب وهما بيبصوا لـ ريم بتوعد …..
عصمت قربت قريب من ريم : قسم بالله لتندمي يا حيوانه
ريم بلامبالاه : اعلى ما في خيلك اركبي يا حاجه وراحت قعدت علي الكنبه وبكل هدوء وكبر
قربت ساميه من سلمى وفضلت تمسح بدموعها وتحضنها وترتب بشعرها
بعديها رمت ريم بنظره حاده واخدت بنتها وطلعت من المكان تغسل وش بنتها
رجعت الجده لمكانها وهي تشتم ريم وتسبها وريم ولا ع بالها مطنشاها ع الاخير….
بعد الموقف الي حصل اميره ومي ولينا خافوا منها وطلبوا يبقوا صحاب لبعض
وبعد تفكير وافقت ريم تصاحبهم(البنات دي لهم دور مهم في حياه ريم..وهنتعرف عليهم من الاحداث)
كان عبود واقف وباصص لـريم ومقهور ان البنات بقوا صاحباتها كان نفسه تبقى وحيده لانها رفضت تلعب معاه وقرر إنه يبحث عن خطط تانيه علشان يبعد البنات
..كانت ريم قاعده جنب البنات بس عيونها على عبود ما فارق نظرها بس ودانها عند الشباب
عمر بهمس : شباب شوفو ريم اكلت عبود بعيونها ولا رمشت
بدر وبتمثيل : يا خساره طارت ريم وسبقنا عبود وخطف قلبها وبص لايهاب بحزن راحت عليك البنت مش عاجبها شكلك في نظرها عبود احلى
انفعل ايهاب و بعصبية وبصوت عالي : تغور إنا مش عجبها اصلا تحمد ربنا لو واحد زي رضي يبصلها
كل الي كانوا موجودين مستغربين صوته العالي وعصبيته …!!!!
الجد بنظرة شك : مين هي يا ايهاب اللي تحمد ربنا لو واحد زيك رضي يبصلها ؟؟؟
ايهاب اتوتر واتلبخ مش عارف يرد يقول ايه بص للشباب عشان يخرجوه من الورطه بس ما فيش فايده للتبرير
وقفت ريم بثقة وغرور وافتكرت مواقف ايهاب معاها وخاصة بالملاهي راحت لعند الجد : اقول لك انا يا جدي مين هي البنت الي كان بيتكلم عنها
الجد باستغراب : قولي يا ريم وبص لخدها مكان القلم كان احمر بقوه وفيه انتفاخ خفيف
بصت ريم للشباب بتوعد الي كانوا قاعدين وبيتمنوا ان عزرائيل يجي وياخدها وبعدها ريم بصت لجدها وبخطوات قربت منه :انا اقول لك الحكايه من بدايتها
الجد باهتمام : قولي يا ريم وانا سامعك
ريم باسلوب طفولي : تفتكر يوم لما روحنا الملاهي وكنت انا مع عمتي هند ؟؟
الجد باهتمام : اه فاكر بس ايه علاقتها بالموضوع ؟؟
ريم بانتقام : وقتها سابتني هند عمتي وراحت تشتري حاجات وانا قعدت لوحدي
فخري افتكر الموقف وخاف تحصل مشاكل : ريم روحي العبي وبلاش تدخلي في كلام الكبار بسرعه وشاور لها تروح اخر المكان لان نادر غيور بشكل مستفز
بص نادر لاخوه فخري واستغرب توتره وعدم رغبته ان ريم تتكلم
الجد بحزم : ريم كملي
فخري بتوتر وخايف من كلام ريم : يابابا دي عيله ايه بس عرفها بكلام الكبار
الجد بعصبية : بقولك كملي ياريم
ريم بثقة وكتفت ايدها : قول لهم الاول مش يقاطعوني عشان اعرف اتكلم مش بحب حد يقاطعني
الجد بص لها وعنده فضول يعرف هي عاوزه تقول ايه ومتوقع كلام ما له معنى بس كان عنده فضول يعرف ايه الي مخبياه : اتكلمي وسيبك منهم
كانوا الشباب بحالة لا يرثى لها ويتوعدوا بريم جواهم ونظراتهم عليها ونفسهم ياكلوها
ريم بثقة : قعدت لوحدي لما راحت عمتي هند وفجأة ما شفت إلا دول فوق راسي وشاورت على الشباب بقرف فضلوا يتمسخروا عليا وبعدها قالوا اني بحب سالم
رفع الجد حاجب باستفسار : مين سالم ؟؟
ريم ببراءة : ابن الجيران اللي كنت العب معاه ويوم العيد اشترالي حلاوه بس الزرافه ده وشاورت علي ايهاب سحبني قبل ما اخدها
الجد : اها وبعدين
ريم : قالوا لايهاب مفيش امل تاخدها لانها بتحب ابن الجيران وابو طويله اتعصب ومسكني من ايدي وقال انا خطيبك فاهمه وهزني وقالي انا متأكد انك في يوم هتفضحينا وسكتت ريم عن السرد وبصت
بعدها لـ ايهاب وهي رافعه ايدها وتدعي : ربنا ياخدك وجعتني وقتها ولفت وشها للجد عشان تكمل
كان الجد نفسه يضحك على اسلوبها لكن الموقف يتطلب الحزم والموضوع ضايقه جدا ومقهور ازي يتمادوا معها بالكلام ده وهي لسه طفله
ريم كملت : بعدها جه عمي فخري وضرب ايهاب بالقلم على وشه وبصت لعمها فخري وبفخر : والله انت شهم لانك فرمته
انفجرو الحريم من الضحك على اسلوبها واعمامها بيحاولوا يكتموا الضحك
الجد بجديه : وبعدين ايه الي حصل؟؟
ريم : بعد ما ضربه بهدلهم بهدله تعجبك وباسلوب مضحك فاتتكم وبعدها قال لايهاب بتعلموا البنت الامور دي اذا كنت جاد وعاوز البنت احجزهالك واذا كنت بتلعب يا ويلك مني ومسك ايدي ورحنا بعيد عن الشباب
الجد عطاه الشباب نظره وعيد وخاصة ايهاب : كملي يا ريم
ريم : ودلوقت كنت ببص لعبود وشلته بس كنت بتسنط عليهم كانوا بيقولوا اني معجبه بعبود ويقولوا لايهاب راحت عليك البنت خطف قلبها عبود قام اتنرفز وقال الي سمعتوه بس
الجد بتنهيده : تعرفي ايه معنى كلامهم يا ريم ؟؟؟
ريم رفعت كتافها بمعنى لا : لا بس من اليوم ده وانا حافظه كلامهم ومش عارفه قصدهم يعني ايه يحجزني وبصت للجد باستفهام وتابعت كلامها بس البنات بالمدرسة يقولوا ان البنت لما تتجوز تلبس فستان كبير ابيض وييجي العريس ويبوسها على راسها
الجد خاف من كلامها وهي مش داريه عن معناه : طيب
مسح الجد على لحيته الخفيفه بقهر من احفاده وما انتبه على البركان اللي قاعد جنب سلطان
كان نادر يغلي قهر ووقف بعصبية : عجبك كدا
وقف الجد بعصبية اكبر وبص لنادر بحده وهو بيشاور بايده : انت ماتدخلش فاهم رفعت ايدك عن البنت وانا احل المشكلة سمعتني
نادر وهو بيحاول يتحكم باعصابه : زي ما تحب يا بابا ولف علي ساميه:يلا يا ام سيف قومي انتي والاولاد
خرج نادر ومراته واولاده من البيت وهو بركان ثاير ….
الجده وهي بتبص لريم بحقد : حسبي الله ونعم الوكيل فيكي فرقتي بين اولادي
قعد الجد بمكانه والتفت للجده وبحزم : انا مش عاوز اسمع صوت وبتساؤل عاجبك وضع احفادك مع البنت يتكلموا معها بمواضيع كبيره وبعدها بص للشباب بوعيد : الصبر ودواكم عندي
بعدها بص لريم اللي واقفه قريب منه : فيه شيء تاني يا ريم ما قلتيه
حكت ريم راسها بطفوليه : امممم ايوه افتكرت
الجد باهتمام : فيه ايه ؟؟
ريم ببراءة : قلت لهم يوم الملاهي مش عاوزه اتجوز الزرافه ايهاب وعاوزه اتجوز سالم لانه اطول مني شويه مش زي العمود ده وشاورت ع ايهاب
سلطان ضحك بصوت عالي على برائتها : يا ريم بكره سالم يكبر زي ايهاب ويطول
الجد بحزم : سلطان اسكت عن الكلام الفارغ وبجديه خلاص اقعدي مكانك
رجعت ريم وقعدت مكانها وهي تشعر بالنصر
الجد بحزم : ايه الكلام ده انتم لسه عيال وانت يا ايهاب كملت الثانويه ومستني النتيجه مش صغير علشان نعلمك الصح من الغلط وشاورعلى رامي وانت يا بقره كنت بقول عنك العاقل والفهمان بينهم تعمل كدا(وبنبره ناشفه)
بكره على الساعة 8 الاقيكم بالمكتب عشان نتفاهم وتنولوا عقابكم
فخري قبل ما يتأزم الوضع : استأذن انا ووقف ولف على مراته واولاده وشاور لهم يالا
قام ايهاب بتثاقل وهو مش قادر يحط عينه بعين جده استأذن بخجل وبسرعة غادر المكان مع اهله
سلطان الي كان باصص لبدر بتوعد : انا كمان يابابا بستاذن ورانا حساب وبص لبدر
بدر بلع ريقه وقام وهو يدعي من كل قلبه على ريم الفتانه
ما بقاش في المكان الا رامي والجد والجده وريم
الجد بلوم : ليه يا رامي تعملوا كدا ؟؟؟
كان رامي لسه هيتكلم : شاور له بمعنى اسكت وبعدها قام الجد وطلع خارج المكان وطلع جناحه
بعد خروج الجد لعدة دقايق الجده بكره :عجبك دلوقتي انبسطتي يا خرابه البيوت ؟؟؟
ريم بصت لعصمت بشراسه وبجديه : تعرفي لو تطلعيلي بالليل ممكن اموت من الخوف منين جايبه الوان الطيف الي مبهدله بيهم خلقتك ؟؟؟؟
سكتت الجده واتكسفت قدام رامي الي حط راسه بين ايده وهو بيحاول يكتم ضحكته
وقفت عصمت بغل ووجهت كلامها لرامي : انا كنت بدافع عنك،وانت بتضحك عليا مكانتش متوقعه تيجي منك يا رامي
وطلعت بره المكان علي اخرها كان رامي نفسه يلحقها يراضيها بس ما قدرش يمسك نفسه من الضحك ويكسف جدته بزياده
بصت له ريم ورفعت حاجب : تضحك من غير سنان ان شاء الله وطلعت من الصالون متوجهه لغرفتها
فضل رامي بمكانه يضحك بهستريه واللي يشوفه يقول ده اكيد مجنون !!!!!
قص منه محمد…..
في اليوم التاني تمت معاقبه الشباب بحرمانهم من اموركتير من اهمها الخروج لمدة شهر وتم سحب الموبيلات منهم لمده اسبوعين ومنعوا من التجمع مع بعضهم لمدة اسبوع …
اما ايهاب بعد اجتماعهم الصباحي بلغه الجد بخبر نزل عليه زي الصاعقه انه يعتبر ريم محجوزله علشان مرة تانيه ما يرجعوش لكلامهم فكان درس ليهم قاسي .
**********قصص منه محمد********
قاعد على رخام سلم الدور التاني وكل هموم الدنيا فوق راسه
كان ابوه نازل من علي السلم و وصل لعنده وبص له : تستاهل يا ايهاب علشان تتعلم مرة تانية توزن كلامك
ايهاب بقهر : يابابا حرام عليكم البنت صغيره
فخري ببرود : لا والله كل خوفك علي انها صغيرة لا اطمن من هنا لغاية ما تخلص دراسة وتجهز نفسك تكون البنت كبرت وجاهزه
ايهاب بص لابوه بقهر : طيب انا عاوز مراتي جميله مش تكون شبه جوكر الكتشينه زي ريم
فخري بلامبالاه نزل السلم : اتحمل اخطاءك
قاطعتهم نجوي بحده : ليه تبلوه بريم حرام عليكم نفسكم يعني تحرموني افرح بابني وتحطوها عقاب في وشه انا مستحيل اوافق على السخافه دي مستحيييل
كمل فخري نزول السلم وببرود :لما حد يطلب رايك اعترضي وقتها
وسابها وخرج من البيت
نجوي بعصبية : حسبي الله ونعمه الوكيل فيكي يا ريم كسرتي احلام ابني وراحت للمطبخ وهي تدعي وتشتم
*****قصص منه محمد****
مضت الايام على ريم خلال العطله وكان برنامجها كالاتي من الصبح تفطر وترجع على اوضتها تقعد تتفرج علي افلام الكرتون وقت الغدا تنزل وبعدها تطلع علي اوضتها تتابع الكرتون
وبعد العصر تطلع تلعب مع الاولاد كورة بعد ما اجبرت عبود يلعب معها
اما نادر من تاني يوم المشكله رجع سافر حتى ريم ماشفتهوش ولا طلب انه يودعها …..
كانت نازله علي السلم بحماس عشان اللعب وقفها صوت الجد : علي فين ..وبعدين معاكي يعني طول وقتك لعب في الشمس شوفي وشك بقي شبه الرغيف المحروق
وقفت ريم وبعد تفكير بصت للجد : طيب انت تقدر تحل المشكله وبسهوله
الجد يجاريها : طيب ازاي ؟؟
ريم : الملعب اعمل له سقف عشان الشمس مش تدخل علينا ورفعت حواجبها للجد بفخر : ايه رايك في الفكرة العبقريه بتاعتي؟؟
قرب الجد منها : انا عندي طريقة اسهل من كدا بكتير ومسكها من ودانها وطلع بيها السلم وراح لاوضتها وفتح الباب بايده التانيه وبص لريم: اقعدي هنا احسن عشان الشمس ما تشوفكم
ريم وهي تتململ : طيب سيب ودني بقي وجعتني ياشايب
الجد شد على ودنها : مين هو الشايب يا قليله الربايه
ريم بمكر : والله قصدي جارنا
فلت الجد ودنها وهربت جوه الغرفه وبعدها استوعب : مين جارنا ؟؟
ريم بلؤم :لالالا يا سوسو مش تيجي منك ما تعرفش جارنا اللي سكن بالجناح اليمين الدورالتاني
فتح الجد عيونه على وسعهم وقرب منها حتى يمسكها : انا هوريكي دلوقت انتي تقصديني انا
جريت ريم بانحاء الغرفه علشان تهرب من الجد وضحكتها العاليه تملي المكان قدرت تنفذ من الباب وبسرعة وصلت السلم وقعدت تتزحلق على الدرابزيل وبعد ما كملت نزول مدت لسانها لجدها وهربت بره البيت راحت للجنينه عشان تلعب ….
ابتسم الجد على حركتها واتمنى يروح ياخدها جوه حضنه لانها بحركاتها فكرته بشخص غالي عليه ..
*********قصص منه محمد******
بالمساء اتجمع الكل وكان الكل موجود وريم قاعده مع الاولاد ورمت لمي واميره كام تهزيقه لانهم يوم الي جم فيه بنات خالتهم وخالهم رفضوا يلعبوا معها ومن بعدها ريم مش بتلعب الا مع الاولاد كانت قاعده جنب عبود وتسمع له بحماس وهو يحكلهاعن بطولاته الكذابه وهي عطته جو بالحماس الي خلاه يزيد عيار الكذب . …
كانوا الشباب قاعدين وباصين لريم بكره وحقد وخاصة ايهاب اللي في نظره حطمت احلامه
الجد : اي ساعة ناويتم تتطلعوا للمول عشان عيد الاضحى
سلطان بص لساعة ايده : بعد ربع ساعه
الجد بحزم : خدوا ريم معاكم واشتروا لها هدوم العيد
سلطان بطريقه بدون ما يزعل ابوه : شوف فخري ياخدها معاه
فهم ابوه عليه لانه حالف يمين الطلاق لف لنجوي ام ايهاب : ريم هتبقي معاكي واشتري لها كل حاجه نفسها فيها ولا تهتمي للسعر ابد ا مفهوم
نجوي هزت راسها وهي بتغلي من الغيظ بس مش طالع بايدها حاجه
وقفت ريم باعتراض : انا عاوزه اروح مع عبود ولوت بوزها
عصمت بستهزاء : لا والله لايق عليكي تتدللي بقولك ايه يا مقصوفه الرقبه انتي احمدي ربنا اننا هنشتريلك ونعملك بني ادمه
ريم بقوه : حقي اشتري مش على كيفك ما دام زعيم الامه موافق اني اروح انتي مالك انتي
انبسط الجد على المديح وقف واتجه لريم ومسك ايدها : انا وجدتك هنروح بس ما نقدرش نلف المول احنا هنستناكم بالمطعم لحد ما تكملي حاجاتك خاليكي مع خالتك نجوي وانتبهي لتوهي فاهمه
لوت بوزها ريم وبدون نفس : فاهمه
ايهاب بغل وهمس لرامي : على ايه شايفه نفسها وتتكلم مع جدي ولا هاممها حد وضغط علي سنانه من الغيظ والغضب
الجد التفت على الجميع : يالا توكلنا على الله
وصلوا المول واتوزعوا الجد والجده وفخري قعدوا بالمطعم
وسلطان ومراته واولاده اتجهوا للمحلات وايهاب وعمر ورامي ونجوي وبناتها الصغيرين وريم اتجهوا للمحلات
كانوا يلفوا المول وريم تدخل المحلات وولا عاجبها حاجه ونجوي ما خلت شتيمه الا وقالتها وريم تتعمد تقول مش عجبها غاويه بس تقهرها
ايهاب بعصبية : قسمن بالله اذا ما اخترتي حالا من المحل ده لارميكي في البلاعه
ريم رفعت حاجب وبصتله تحدي : اتحداك تقدر تعملها
مسك رامي ايد ايهاب : طنشها عيله وسابوها وفضلوا يلفوا بالمحل بعد طبعا ما عطاها ايهاب نظره وعيد
لفت وشها : تريلا تشيلك ياعمود النور
نجوي بنفاذ صبر : اطلعي من المحل يالا بسرعة قعدوا هما في المطعم مرتاحين وسابوكي تنكفي فينا وطلعت من المحل وهي متعصبه
دخلوا محل تاني وقعدت ريم تتفرج علي الفساتين وهي رافعه حاجب وبعدها شاورت على فستان
نجوي : ههه في احلامك شوفي سعره يا حلوه انتي لو باعوكي ولا بتسوي ريال وطلبت من صاحب المحل يديها فستان تاني شاورت عليه
جابه العامل وحطه بكيس
ريم بعصبية : بقولك انا عاوزه الفستان ده انتي ليه مش بتفهمي انا مش عاوزه الي اشتريته
نجوي مطنشه ولا كأن ريم بتتكلم حاسبوا ولفت على ريم : يالا كملنا خلينا نروح عالمطعم عندهم
ريم بعناد : مش هطلع من هنا الا اذا اشتريتي لي الفستان
نجوي باصرار : بتحلمي و امشي احسن لك
وريم معانده انها تطلع
ايهاب وهو بيحاول يتحكم باعصابه : امشي قدامي احسن ما ادفنك هنا بسرعة
ريم قعدت ووربعت عالارض ونظرات بتحدي : اغلي حمار عندك روح اركبه
قرب ايهاب منها ومسك ايدها وجرها بقوه وبما ان ريم حجمها صغير كان سهل عليه
كانت ريم تحاول تفلت منه وتشتمه : يا حيوان والله لاشتري الفستان رجعني عالمحل عايزه الفستان
كانت الناس واقفه تبصلهم بالبدايه فكروه خاطفها بس لما سمعوا كلامها اتوقعوا انه اخوها
ايهاب بعصبية : والله ماانتي شرياه واهه انا حلفت
وصلوا عند طربيزه الجد وقف الجد بانفعال للموقف : فيه ايه يا ايهاب ليه ساحب بنت عمك وكانها خروف وراك
ساب ايهاب ايدها بقرف في الاثناء دي وصلت نجوي ورامي وعمر وسلطان ومراته واولاده مستغربين الوضع
ريم الي حاولت تقاوم دموعها لكن مقدرتش وقفت وفضلت تمسح دموعها
قرب الجد منها وسالها : ايه الي حصل ؟؟
كان ايهاب مندفع وعايز يتكلم شاو له الجد بمعنى اسكت ووجه كلامه لريم : انا بسالك فيه ايه
ريم بصت لجدها بانكسار : اخترت فستان والست دي رفضت تشتريه لانه غالي وقالت لي انتي لو باعوكي ما بتجيبين ريال واحد وراحت اشترت لي فستان على ذوقها وبناتها اشتروا كل الي نفسهم فيه (وبدموع ) لييييه انا ممنوع اشتري اللي اعوزه كل ده عشان ما عنديش اب يدافع عني وما عنديش امي تشتريلي
وقعدت على الارض ودخلت بنوبة بكاء
اتركوني العب واجري الاحق الفراشات في طفولتي واقطف الازهار في شقاوه واسابق النهر في غباوه وحين اتعب اتوسد العشب الاخضر متناسيه انوثتي فانا طفله…واريد ان اظل طفله .