روايات

رواية وردة في المزبلة الفصل الثالث 3 بقلم منة محمد

رواية وردة في المزبلة الفصل الثالث 3 بقلم منة محمد

رواية وردة في المزبلة البارت الثالث

رواية وردة في المزبلة الجزء الثالث

رواية وردة في المزبلة
رواية وردة في المزبلة

رواية وردة في المزبلة الحلقة الثالثة

وقفت ريم بتعب وكان وشها احمر من شده الضرب وعند طرف انفها دم نازل وقفت بصعوبة ووجهت كلامها لنادر : طلاما مش طايقني ليه تكفلني وصرخت ليييييييييييييييه؟
وكانت دموعها تنزل على خدودها وكملت من بين شهقاتها مش هتشوفني بعد النهارده وجريت ناحيه الباب ناسيه تعب جسمها لان الالم الي في قلبها اكبر
الصمت لجم الجميع كانوا فكرنها قصدها بالسؤال ليه تكفلها بمعني انه ليه ماخلاهاش عند امها ما كانوش يعرفوا ان ريم بتظن انها يتيمه ونادر قام واتكفل بيها
قعد نادر بتعب على الكنبه
سليمان : قوم شوف بنتك راحت فين !!.
نادر مسح على وشه بضيق واتكلم : تغور في داهيه مش عاوز اشوف خلقتها
مسك ابوه الموبيل بعصبيه واتصل على الحرس وطلب منهم يمسكوا ريم وما يخلوهاش تطلع
بعد دقيقتين وقف نادر وراح ناحيه الباب وقفه صوت اخوه فخري : ناوي تروح ع فين
نادر ببرود : هروح اشوف غارت فين الحيوانه ريم
ساميه بلامبالاه: ولا تتعب نفسك الحرس دلوقت يجبوها
قاطعها نادر بعصبية : انتي ماتدخليش فاهمه وخرج وعلى الجميع علامات استفهام من عصبيته المفاجئة ؟؟؟؟؟؟
فخري وجه الكلام لاولاده واولاد اخوه : قوموا روحو شوفو فين راحت المزغوده بنت عمكم
عصمت بحده : ربنا يعكنن عليها زي ما عكننت علينا اليوم
رن موبيل سليمان (الجد)وكانوا الحرس وبلغوه انهم ما شافوهاش اتنهد بقهر وقفل الخط ووجه كلامه لاحفاده : انتوا قاعدين مبلمين كدا ليه قوموا شوفو البنت راحت فين وشوفو بين الفلل يمكن استخبت بزاوية من الزوايا وزعق فيهم بسرعة
خرج أحفاده من الاوضه وكان البعض بيبرطم لانهم عندهم مشاوير مهمة في العيد واتلغت المشاوير بسبب ريم واكترهم نازلين لوم وعتاب ع ايهاب اللي ندم انه جابها ولو كان سابها عند البقال بسحنتها الفقر
قعد الجد سليمان على الكنبه بتعب واتنهد
مسك فخري ايده: بابا مضطغتش على نفسك والبنت ان شاء الله بنلاقيها يمكن متخبيه في زاويه من زوايا الجنينه
عصمت بحده: بلاش تضغط على نفسك وريم ستين داهيه وراها ان شاء الله ما ترجع ونخلص منها
سليمان : انا مش قهرني غير كلامك انتي وابنك الغبي نادر كئن البنت دي مش مننا صححي معلوماتك يا عصمت دي اسمها من اسمي وسمعتها من سمعتي واي شئ يمسها بيمس سمعتي يارب تكوني فهمتي معني كلامي؟ وابنك الغبي اللي اتجوز سارة انتقام من اهلها ما لقاش غير الطريقة دي ينتقم فيها ،،واهو ساره اتجوزت من ابن عمها ورجعت علاقتهم احسن من الاول مع اهلها واحنا الي خسرنا فضلت ريم شوكه في حلقنا وبعصبيه قوليلي انا ايه الي استفدته من انتقام نادر
قرب فخري من ابوه : خلاص يابابا هدي نفسك ارجوك لا يرتفع الضغط عندك استغفر ربنا وان شاء الله يحصل كل خير
عصمت بزعل : يعني انا دلوقت الغلطانه والشيخة ريم مـــ,,,
قاطعتها نجوي مرات فخري : يا خالتي عمي قصده مش كدا بـ,,,,
قاطعتها عصمت بقهر : خلاص خلاص انا فاهمه قصده خلي القعده الغم دي من نصيب الزفته ريم وقامت زعلانه
مسكها فخري بترجي: امي بترجاكي بابا حالته تعبانه خلاص ماتزيديش عليه اذا ليا خاطر عندك اقعدي والعني الشيطان
قعدت عصمت ونفخت: اااه ياني انا مش عايزه العن الشيطان عايز العن ريم الكلب ربنا ياخدها ويريحنا منها
اتصل فخري ب نادر يسأله عن ريم طبعا كان الجواب انهم مالقوهاش.
قاعدين في الجنينه ومعصبين عالاخر بقالهم ساعتين بيدوروا عليها ومش لقينها
رامي: يعني فص ملح وداب راحت فين دي حيلي اتهد واتنهد بتعب
عمر : انا اللي قهرني كل الفسح اتلغت افففففف
بدر جز ع سنانه : انا لازم اقوم انط في كرش ايهاب وبص لايهاب كان مالك بيها كنت سبتها يكش تولع ربنا ياخدك انت السببب
ايهاب بندم : اففففففف والله ندمت فكرت انتقم منها بس ما زبطتش معايااخخ ياني
رامي بتعجب : بس غريبة البنت دي عمري ما شفت في قوتها ولسانها اعوذ بالله مستبده بشكل الله يكون في عون اللي هيتهف في نفوخه و يتجوزها وراحت انظار الشباب ل ايهاب
ايهاب : لييه بقي بتبصولي !!!!!
الشباب في صوت واحد سلامتك وناموا عالارض من الضحك
ايهاب بقهر منهم : اخص عليكم الله يقرفكم انا اتجوز ام لسان طويل دي ع الاقل لو عدله حبه يعععع ليه ما يتجوزهاش واحد منكم يا مجانين
ضحك عمر وقال : لا ابدا ياغالي علينا انت عارف القانون البنت لابن عمها وانت مناسب ليها اكتر انت عصبي وهي مستبده قشطه هتكون حياتكم اكشن ونام على الارض وهو يتخيل شكل ايهاب وعروسته ريم واتمدد مرة تانية عالارض من الضحك
قاطعهم بدر وضحك : مااافتكرش ريموووه توافق عليك شكلها حلو ووضعها مع ابن الجيران متظبط وغمز للشباب ورجعوا مرة تانية لنوبة الضحك من جديد
قام ايهاب بغيظ من كلامهم :متخلفين
قاطعه عمه فخري : الله الله احنا مستنينكم هناك وانتو فاتحين ديوان وقاعدين تضحوا واحنا على اعصابنا ربنا ما يبارك فيكم ودخل
ورجع الشباب للضحك مرة تانية باستثناء ايهاب المتغاظ منهم .
نرجع لبطلتنا الي كانت بتجري بسررررررعة علشان تغادر المكان ومن كتر الجري وقفت من التعب شافت نفسها في مكان غريب شبه فاضي من العمار وقفت دقايق بمكانها لفت حواليها سمعت صوت شاب واقف جنب عربيته وشاور لها وكان شكله مش بيطمن
في نفس الوقت افتكرت كلام المعلمة عن وجود عصابات بيسرقوا الاطفال ويقتلوهم وياخدوا اعضاء جسمهم ويبيعوها ارتعش جسمها لكنها قوت نفسها و
قررت في نفسها تروحلو لعله يقتلها ويريحها من الحياه اللي كلها حرمان ونزلت دموعها تعبر عن حزنها
قربت بخطواتها ناحيه الشاب وهي عازمه اهها هتروح معاه علشان تموت وترتاح من الحياة
قربت من الشاب وسألها إذا بتعرف بقاله قريبة من هنا
هزت راسها انها تعرف مكان بقالة وهي جواها عارفه انها حيله من حيلهم
طلب الشاب منها تركب علشان تدله على مكان البقاله
هزت راسها وقربت من العربيه ودخلت رجليها اليمين جوه العربيه بهدوء
لكن في إيد سحبتها وخرجتها من العربيه بسرعة اتفاجئت رفعت راسها علشان تشوف مين الي سحبها بصت للشخص بتمعن بس عجزت انها تعرف هويته
في اللحظه دي خرج الشاب من العربيه وعلى راسه علامه استفهام كان عايز يتكلم لكن قاطعة كريم بصرامه : مين سمح لك تركب البنت في عربيتك الدنيا سايبه عندك ؟
الشاب ببراءة : وانت ايه علاقتك بالموضوع وبعدين كنت عايزها تدلني على بقالة قريبة من هنا فيها حاجه دي كمان ؟!!!!!
كريم بعصبية : ما فيهاش حاجة غور من هنا قبل ما اتصل بالشرطه وتاخدك بتهمه خطف الاطفال
فضل الشاب يحلف لكريم انه نيته طيبه وانه غريب عن المنطقة وما يعرفش حاجة عشان كدا طلب منها تدله على مكان البقاله ….
سابت ايد كريم يتفاهم مع الشاب ومسكت ايد ريم وشديت عليها وراحت قريب من عربيتهم وقعدت على الرصيف وقعدت ريم جانبها
كانت ريم ماشيه معها بهدوء لحد ما تعرف مين دي اول مرة تشوفها موتها الفضول عشان كدا مشت معها
قعدت على الرصيف وقعدتها جنبها وسألتها بهدوء وحنيه : ليه يا ريم تعملي كدا ما تعرفيش انه غلط تطلعي مع شخص غريب يمكن يسرقك
كانت متفاجئة وعلامات الدهشة على وشها طنشت كلامها وسالت : انتي عرفتي اسمي منين؟!!!!
مسحت على شعرها بحنيه : يمكن انتي مش تعرفيني بس انا اعرفك واتنهدت لما جيتي عند اخويا نادر كنت موجودة بس بعدها سافرت مع جوزي ورجعت دلوقت عشان العيد
ريم ببراءة : يعني انتي اخت نادر قصدي الحقير ؟!!
هند : عيب ياريم ميصحش تقولي كدا انتي كبيرة وعاقلة وشطورة ماينفعش تغلطي وبعدين لازم تحترميه لانه بيكون ابو،,,
قاطعتها ريم :بس انا مش بحبه لانه واحد حيوان
هند بصبر :انا قلت ايه عيب كدا وسرحت هند تتامل في ملامح وش ريم متغيره عن اول مره شافتها افتكرت اول مره لما جات كانت صغيره وبيضه وخدودها منفوخه صحيح ما كانتش ظاهره معالم وشها مضبوط وقتها من كترالعياط بس كانت هند شايفه جمالها لكن دلوقت اختلفت نهائيا وشها اسمر حتى تقل لشعرها خف ونحيفه بشكل وقصيرة يا خساره بقت شبه الاولاد ونزلت دمعه من عين هند غصب عنها على حالها وازي وشها احمر من الضرب وفي بقايا دم في وشها اتنهدت بقهر وهي تتمني تشوف نادر قدامها وتنزل ضرب فيه واقسمت بالله لولا انه اخوها ومش عايزه تعمل مشاكل كانت راحت لاقرب قسم واشتكت عليه بتهمه التعذيب
قاطع افكارها كريم زوجها: ياللا خلينا نمشي
مسكت هند ايدها عشان تقومها معها لكن ريم سحبت ايدها وهزت راسها دلاله على الرفض
هند بحنان: يلا الشمس قادحه قومي اكيد نادر قلقان عليكي
ردت بحزم وعصبية : ربنا ياخده مش عايزه ارجع عنده وديني لدار الايتام في طريقك لاني خلاص مش هرجع عنده تاني لانه واحد حقير وكلب وندل
كريم كان مستغرب من لسانها وفي نفس الوقت بص ع الشخص اللي واقف وري هند وريم وطبعا مش متنبهه له وطبعا سمع كل الكلام وعيونه احمرت من العصبية
قاطعتها هند : يا ريم عيب تتكلمي كدا يلا قومي نرجع
ريم لوت بوزها : مش عايزه اروح عند الوحش وديني عند ،،،
قطع كلامها الايد الي سحبتها ووقفتها على حيلها واتكلم من بين اسنانه : انا اللي هوديكي ع جهنم الحمرا
وقفت هند بسرعة وسحبت ريم من ايد نادر : انت جيت امتي ؟!
وكملت كلامها بغل:وبعدين معاك يا خويا انت ماعندكش احساس مش بتفهم دي عيله ازاي تعمل فيها كدا..شوف وشها خرايط من الضرب حرام عليك النهارده العيد كل الاطفال مبسوطين إلا هي وبصوت عالي كفاييييه حرمان حرام عليك حرمتها من كل حاجه
كانت هند تتكلم و تمسح دموعها اللي كانت بتنزل حزن على حال البنت
نادر ببرود : حلو اوي الفيلم الهابط ده…. بقولك ايه يا حنينه ايه الي عرفك اني حارمها من كل حاجه وانتي بسلامتك لسه راجعه من السفر النهارده…وكتف ايديه مستني الاجابه
هند بقهر منه : الكتاب باين من عنوانه بالله عليك دي هدوم عيد ..ده شكل طفله في يوم عيد نازل فيها ضرب اذا انت مش قد المسئوليه ادهاني اربيها واكسب فيها اجر وثواب
نادر الي جواه بركان بس يتظاهر بالبرود : جميل يا ام قلب رهيف خديها وربيها عندك تريحيني منها وكمل بعصبية انتي تعرفي بعد كام سنه ريم هاتكبر ازي عايزها تعيش مع جوزك وبصوت عالي جاوبي ؟!
ادخل كريم بعصبية : وبعدين معاكم احنا في الشارع مش في البيت فضحتونا ووجه كلامه لهند يله ع العربيه بسرعة
هند بعند : مش هطلع غير ومعايا ريم ومسكت ايد ريم وضغطت عليها
كريم وهو يكتم اعصابه : دي بنته لو يدبحها يموتها
مالناش دخل فاهمه وياللا من غير عناد
سحب نادر ايد ريم من هند وبأمر : الحقي جوزك بسرعة وما تعمليش مشكله معاه على شيء تافه
هند من بين دموعها : حلفتك بالله ما تضربها
نادر ببرود : روحي وسيبك مننا مش هضربها
راحت هند للعربيه وهي خايفة على ريم من نادر دخلت العربيه وهي تمسح دموعها
كريم اتنهد : عارف انك مشفقه على البنت بس احنا مش بايدنا حاجة نعملها هو ابوها ويدبر امورها
هزت هند راسها تؤيد كلامه وغادرت عربيتهم المكان ………
….منه محمد…….
كانت ريم عيونها هتتطلع ع عربيه هند ولما غابت عن نظرها افتكرت ان نادر مسك ايدها نفضت ايدها منه بقوة وبقرف : مين سمح لك تمسك ايدي وبدءت تمسح ايدها وكانها قرفانه منه
نادر كتم غيظه وخاصة انه وعد هند انه مش هيضربها مشي للعربيه وطلب منها تحصله وزي ما توقع رفضت تركب العربيه ولسانها الطويل مش بيسكت
كان تعبان من الحر وهو بيلف عليها قرفان من نفسه ومش فاضي للعناد قرب منها ورفعها ع كتافه وريم كانت بتحاول تفلت من ايده فتح الباب الي وري وقفل الباب وركب العربيه واتحرك راجع للبيت
اتصل ب ابوه وبلغه انه لقاها وقفل الخط واستغرب سكوتها بص في المرايا شافها قاعده ورافعه رجليها وحاطه راسها عليهم ووشها ناحيه الشباك وكانت نايمة حس نادر بنغزة الم بصدره على حالها ايه ذنبها اذا انا انحرمت من شيء غالي على قلبي احط غلي فيها هي ما لهاش ذنب اتنهد بتعب وبرر موقفه ان ذنبها الوحيد انها بتفكره بالماضي نزلت دمعه من عينه مسحها وهو يجهل سببها وكمل طريقه وهو يستغفر ربه
دخل من البوابة الكبيرة متجه لبيت اهله الكل متجمع هناك كانت عربيه كريم موجوده نفخ بضيق نزل من العربيه وفتح الباب الخلفي كانت رايحه في النوم هزها لحد ما صحت فتحت عيونها بشويش وبصت حواليها علشان تعرف هي فين وبعدين وجهت نظرها ناحيه نادر ولما استوعبت انه هو اللي قدامها عبست ملامحها وكانها قدامها عفريت
نادر بامر : ياللا انزلي
نزلت بهدوء وهي ساكته استغرب يمكن النوم اثر عليها وبقت هاديه مشي وكانت هي وراه ماشيه بهدوء وصلوا للتجمع الي قاعد فيه الجميع دخل ورمي السلام على الجميع
كانت انظار الكل وري نادر بصين علي الكائن الغريب بالنسبة لهم
دخل نادر وقعد على الكنبه بتعب وكانت ريم واقفه عند الباب والكل مبحلق فيها قربت كم خطوة بثقه ومتجاهله النظرات اللي من حواليها نادت عليها هند بحنيه : تعالي ريوم اقعدي جنبي
نغز عمر ايهاب بصوت واطي : الحق عمتك هند بدلع خطيبتك وفضل يضحك بشويش
قرصه ايهاب بغيظ بايده وهو يتوعد له
قربت ريم بتكبر وقعدت جنب هند
كمل بدر تعليق على ايهاب بصوت واطي : اموت على التكبر يا ناس محدش قدك هوبا افندي
رامي مش قادر يمسك نفسه من الضحك على شكل ايهاب الي يتوعد بالشباب
الجد بحزم : انتوا ياشويه غربان بتضحكوا ع ايه عايزه افهم ؟!
رامي وهو يكتم ضحكته : لا ابد ابس بنتشاور امتى نروح عالملاهي صح شباب وغمز لهم
ايد الشباب كلام رامي وطلبوا من الجد يروحوا دلوقت.
الجد : لا مش دلوقت بعد المغرب نروح كلنا ورجع الجد لكلامه وكان حديثهم عن الشغل والشركات اما الحريم فكانت حكايتهم كلها حش واكل وضحك
والاطفال الصغيرين بره بيلعبوا والشباب قاعدين ضحك وتعاليق على بعضهم
طبعا ما عندهمش بنات كبار …اكبر بنت عندهم 12سنه بالبارتات الجايه هنتعرف على شخصيات جديده
………منه محمد……..
كانت ريم قاعده عند الحريم طقت دماغها من حكايتهم ولا تخلو القعده من نظرات الجده عصمت اللي لو يطلع بايدها تاكل ريم بسنانها بس اللي مانعها جوزها سليمان الي حلف يمين عليها ما تفتح بؤها معها وخاصة انه عيد ومش عايز يزيد النكد في البيت .
مَر الوقت ودخل وقت المغرب وكان الكل مستعد للفسحه
هند وهي بتكلم ريم : ياللا تعالي اغسل لك وشك عشان تروحي معايا
قاطعها نادر و بحزم وجه كلامه لريم : دلوقت اتصل بميري تيجي تاخدك وترجعي عالبيت بسرعة
هند بعناد : لاريم هتيجي معنا ناقصة ايه هي عن الاولاد علشان تمنعها تروح
نادر بعصبية : والله والله والله ماهي رايحه الملاهي واهه انا حلفت
هند ببرود : مشكلتك روح كفر عن يمينك
عصمت قعدت : اذا ريم راحت انا كمان ماليش مرواح
هند بعصبية : قسم بالله اذا ما راحت ريم معنا يحرم عليا اجي عندكم او تشوفوا وشي مرة تانيه
رامي همس لايهاب: ادخل انت وحل الموضوع وقول خطيبتي وعايز اخدها معاي وسرسع بصوتك وقول ما حدش له دعوه
ايهاب ضرب رامي بوكس في بطنه وهو يتوعد له
فخري بحكمه : يا نادر يعني هيضرك لو طلعت البنت وانبسطت وماتنساش النهارده يوم عيد وغمز له يعني مشيها عشاني
اتنهد نادر بغيظ وما قدرش يرد اخوه الكبير: اوكي توكلنا على الله راح لامه عشان خاطري قومي معاي ولا ترديني
وايد كلامه اخوه فخري : يا امي اليوم عيد والاولاد مستنين الساعة دي عشان الالعاب بلاش تحرميهم
اتنهدت وقامت وهي مغلوبه على امرها مش بتحب تزعل اولادها
كان نادر واقف وكل شويه يبص لريم ومقهورمن نظراتها كانها بتقول له خدوني غصب عنك وكان جواه بركان يغلي من الغضب
وكانت ريم تبتسم ابتسامة نصر <<مش قليله ياريم >>
اتوجه الجميع للملاهي وريم ركبت مع هند لانه نادر رفض يركبها معاه
كان الكل يلعب ومبسوط الا ريم كانت حاسه بمراره اصرت عليها هند تلعب لعبت لعبه وحده وكان باين من عيونها الحزن كانت بتحاول هند تسعدها بكل الطرق بالمقابل نادر ولا سأل عنها كان مشغول مع بناته للاسف
سابتها هند علي الكرسي وراحت تشتريلها ايس كريم وحاجات تانيه….
كانوا واقفين مبسوطين عالاخير سكتهم عمر وهو يوجه سؤاله ل ايهاب : ماتجيش منك يا هوبا تسيب خطبتك لوحدهاو تيجي معنا وشاور على ريم
ايهاب جز ع سنانه : قسم بالله اذا ما بتغيروا السيره المهببه دي ماانا رايح معاكم وارجع عالبيت (وكمل )وبعدين ناسي العمر بيني وبينها اصحى اكتر من 10 سنين وشاور على بدر ليه ما تاخدها انت العمر بينكم اقل وكمل بقهر وبعدين ولاد اعمامي في كتير من نفس عمرها عندك عبد الله وحماده هما اولى بيها
رامي وهو يبتسم : اعصابك يا حلو يلا شباب خلينا نشوف بنت العم قاعده بتعمل ايه
ايهاب بقرف،: روحوا انتم انا هستناكم هنا
طنشوه الشباب وراحوا عند ريم
رامي : اهلا ببنت العم
ريم على راسها علامات استفهام ؟؟؟؟؟؟
عمر : ليه مش بتلعبي بالالعاب ؟
بصتلو ريم نظره احتقار
بدر :اموت انا عالتقيل يا ناس ريوم,,,,
قاطعه ايهاب بقهر : وبعدين معاكم انتم خلو البنت في حالها
رامي بئلش: يا عيني بيغير على خطيبته ما حدش قدك يا ريم خطيبك بيغير عليكي ووقع عالارض من الضحك
ايهاب وجه كلامه لريم : بتعملي ايه لوحدك هنا وبحزم جاوبي؟
ريم بقرف : ايه علاقتك بيا والف مره بقولك مالكش دعوه بيا فاهم ويله اتكل من هنا
ايهاب بثقة : بصفتي انك خطيبتي لما تكبري
ريم ببراءة : ومين قالك اني عايزة اتجوز وسكتت بتفكير وبعدها كملت ببراءة انا اذا اتجوزت هتجوز سالم لانه مش طويل هلف زيك وكمان هو احلي منك
عمر وهو مش قادر يتكلم من كتر الضحك : مش قلت لكم بنت عمي مزبطه وضعها مع الولد، يا خساره يا هوبا راحت عليك البنت مخطوبه لصديقها
كلهم فصلوا من الضحك إلا ايهاب الي غلي دمه من العصبية ومسك ايد ريم وهزها بقوه
وهو بيقول :انا من زمان وانا بقول البت دي هتجيب لعيلتنا الفضيحة والعار، وقطع كلامه كف على خده خلاه مصدوم من الشخص الي ضربه
فخري بحده : ده عشان توزن كلامك مرة تانيه وتبطل المصخرة والكلام اللي زي وشك دي لسه طفله تعلموها كلام اكبر منها وماسخ زيكم وانت وجه كلامه لايهاب اذا كنت فعلا عايز البنت انا حالا اروح لجدك واحجزهالك لكن عظيم تلاته لو كنت بتستخف دمك حتشوف الي عمرك ما شفته وصرخ عليه فاهم ووجه نظره للشباب الباقيين اخص ع الشنب والدقن اللي طالعه في وشكم لانها للرجاله مش للعيال ومسك ايد ريم ومشى بيها
فات عشر دقايق كانوا ساكتين وما تكلموش بحرف بعد كلام عمهم في الوقت ده رجعت هند وبصت للشباب باستغراب دايما ضحكهم يملي المكان لكن دوول ساكتين ! قربت منهم وردت السلام رد عليها والباقي فضل ساكت
هند بتعجب : ياتري خير مش من عوايدكم ساكتين
رامي بدون نفس : ما فيش حاجة
هند رفعت حاجب بعدم تصديق : اها صدقتكم طيب فين ريم ؟!
ما حدش رد عليها
هند بنرفزه : ليه مش بتردوا انا بسالكم ؟!!
ايهاب بعصبية : افففف وبعدين مع اسئلتك الكتيره بابا اخدها ارتحتي دلوقت
هند بتفهم : قول من الاول ان ابوك كان هنا اكيد قصف جبهتكم ههههههههه
وسابتهم ومشت وهي بتضحك على اشكالهم المبهدله
بدر كرمش وشه: قسم بالله لولا انها عمتي لكنت شقيت بطنها لحد ضهرها جايه بتستظرف
ايهاب بعصبيه : كله بسببكم ربنا ياخدكم يعني عجبكم كدا بابا زعل مني
رامي : خلاص روح احجزها وكدا يعرف ابوك انك كنت صادق ويرضى عليك
قاطعه ايهاب بعصبية : اتلهي انت ووافكارك اللي زي وشك وسحب نفسه وسابلهم المكان
رامي مسح على وشه وبغرور : يا حلاوه وشي ياريتك توصل لجمالي …
قعدوا الشباب مكانهم وفضلوا مضايقين من كلام عمهم الي في نظرهم طعن في رجولتهم .
كان ماشي وماسك ايد ريم كانت ريم مش فاهمه كلام فخري وتحاول تستوعبه لكنها عجزت خاصة الحجز مصطلح جديد عليها .
……. منه محمد…..،،
كان بيلاعب بناته بالالعاب وساميه قاعده بعيد عند الحريم ومعها سيف لف شاف اخوه ماشي ناحيته وماسك ايد ريم وشكله مش بيبشر بالخير اتوقع ان ريم عملت مصيبه زي عوايدها جهز نفسه علشان العقاب لكن اتفاجئ باخوه وقف ريم جنبه وبعصبيه اتكلم : يااخي انت هنا وسايب البنت وراك افرض حد سرقها
قاطعه نادر : بس هي كانت مع هند
قاطعه فخري: كريم اخد مراته يتمشى معها وما هو مش مجبور يسرح بريم وسابه وهو متغاظ من اهمال نادر مهما كان بيكره البنت بس ما توصلش لدرجه الاهمال دي في النهايه بنته وسمعتها من سمعتهم استغفر ربه وراح يكمل قعدته مع الشباب وقعد وهو متغاظ من تصرفات اخوه
سليمان: ليه الشباب مش بيردوا ع التلفون
فخري : سكت شوي و افتكر انه راح يشوف ليه الشباب مش بيردوا ع الموبيلات لكن لما راح يشوفهم لقاهم عند ريم وجن جنونه من كلامهم البايخ ومن الضيق من عمايلهم نسي يسألهم ليه مش بيردوا اتنهد ورد ببرود : بيقولوا ناسيين موبيلتهم علي الصامت
الجد بعصبية : انا كام مرة قايل لهم مايحطوه ع الصامت بس انا هاوريهم عقابهم عندي
فخري اتعمد يقول كدا لانه عارف ابوه بيجن جنونه من وضع الصامت ويعاقب الشباب اذا حطوه صامت
فخري وهو ناوي يأدب الشباب: انا بقول الشباب بعد يومين كان نفسهم يسافروا مع اصحابهم عاقبهم وامنعهم يروحوا ده احسن عقاب ليهم
كانت ريم واقفه جنب نادر ومخنوقه من جواها
مخنوقة من حالة التشتت اللي عايشها كل واحد يرميها عالتاني بلعت غصتها وبصت لنادر الي بيلعب مع بناته ومطنش وجودها
ولا كأنها موجودة كان بيضحك مع سلمى ويشجعها مش تخاف من اللعبة اتمنت يكون عندها اب يلعبها فضلت تبص حواليها كانت شايفه الامهات مع اطفالهم نادت بقلبها امي فينك رحتي وسبتيني وبلعت مرارتها للمرة التانية مش قادرة تستحمل اكتر نفسها تكون مع امها زي باقي البنات فضلت تلف حواليها يمكن تلمح امها بين الستات بلعت قهرها ازاي هتشوفها وهي ما تعرفهاش حولت نظراتها لنادر الي شاور لها ب يلا
راحتلو بهدوء تحت استغراب نادر اللي مش من عادتها ترد عليه
نادر ببرود : امشي وراي و يا ويلك اذا توهتي
وما استناش منها اجابة مسك بايده اليمين سلمى وايده الشمال لينا وكانت ريم ماشيه وراهم مشيت انكسار وضياع
وصلوا المطعم واقعد سلمى ولينا على الكراسي ونادى ريم اللي ما وصلتش للتربيزه بسبب مشيتها البطيئة : ياللايا ريم اقعدي هنا وشاورعلى الكرسي قربت منهم
وقعدت على الكرسي بهدوء وما رفعتش راسها
قعد مقابلها واتكلم : ياللا يا حلوين عايزين تشربوا ايه؟
سلمى : اناايزه عثير برتووقال (عايزه عصير برتقال)
نادر بابتسامة : من عيوني وانتي يا لينا
لينا : ايزه عثير ماندا( عايزه عصير مانجا)
ضحك نادر على لهجه بناته المكسره
رفعت ريم نظرها له اكيد دلوقت هيسالها لكن شافته مشي و رايح يجيب الطلبات
بلعت غصتها ونزلت راسها وهي حاسه بالحرمان كانت سامعه سلمى ولينا يتكلموا بس كلامهم مش مفهوم مكسر بس من كلامهم يدل على سعادتهم
بعدها بدقايق رجع نادر ووزع العصير وحط قدام ريم عصير برتقال ريم حتي ما رفعتش راسها علشان تشوف هو جاب لها ايه
قعد نادر يشرب عصير ورن موبيله ورد عالموبيل بعد ما انهى مكالمته اللي تجاوزت خمس دقايق بص لسلمى : ان شاء الله يكون عجبك العصير ؟
هزت راسها بالموافقة وهي تشرب
نادر: وانتي يا لينا عجبك العصير ؟
لينا : ايوه ايزه جيلاتي
ضحك نادر :من عيوني انا عندي كام ليونه ؟
شاورت لينا بصوبعها بطفوليه : واحده
ولف على ريم كان العصير زي ما هو ولا شربت منه
سالها باستغراب : ما عجبكيش العصير يا انسه ريم ؟!
ما ردتش عليه وراسها تحت في الارض مش باين ملامحها
كانت دموعها تنزل وكانت تكتم شهقاتها قام نادر من مكانه وقرب من كرسيها ورفع راسها واتفاجئ بالدموع اللي ملت وشها ومناخيرها احمرت بشكل رهيب
سألها بدهشة : ليه بتعيطي حد ضربك او شتمك سلمى ولينا ضايقوك في حاجه ؟!!!!!
فضلت ساكته ودموعها تنزل وعيونها دبلانه وحزينة
مسك ايدها بحنية : ايه اللي مزعلك يا بابا
ريم لاول مرة تسمع كلمه بابا وكانها فجرت الكلمة دي كل الحرمان اللي كانت تكتمه جواها
طلعت شهقات من ريم وهي بتعيط اكتر ومن بين بكاءها كانت بتقول : عايزه ماما ودخلت بنوبة عياط اكتر وكانت تمسح دموعها بايدها ببراءة
حضنها نادر لاول مرة في حياتها وهو يمسح على شعرها بحنيه : خلاص يا بابا وعد مني هخليكي تزوري امك وكانه الموقف ده صحاه من غفلته طفلة صغيرة اكيد محتاجه امها وخاصة في العمرده اكيد حست بالنقص لما جت عالملاهي وشافت الاولاد مع امهاتهم خرجها عن حضنه ومسح دموعها بايده وبحنان : وعد مني انا هخليكي تزوري امك يا ريومه ياللا دلوقت اشربي العصير والاسبوع الجاي هخليكي تزوريها وناولها العصير علشان تشرب كانت ريم بتشرب من غير نفس وخافت اذا رفضت يغير نادر رايه
اما سلمى ولينا كانوا يتابعوا بصمت رجع نادر على كرسيه واتنهد وكمل شرب العصير
وساد الصمت في المكان وبعد دقايق من الهدوء رن موبيل نادر للي كان اخوه بيبلغه انهم خلاص راجعين
نادر بهدوء : ياللا يا بابا هنرجع دلوقت
سلمى بضجر : لاااااااااااااا
نادر وقف وبحزم : ياللا بلاش دلع قومي
قامت سلمى وهي مضايقه ومسكها ابوها في ايده ومسك لينا بالايد التانيه لينا وطلب من ريم تمشي وتنتبه لا تضيعه
بعد عدة دقايق
وصلوا عند العربيات كان الجميع موجود ومبسوط باستثناء ريم الي ما زالت تشعر ببعض الحزن ولكن في شويه فرح جواها انها هتروح تزورر امها وكمان الشباب ما كانوش مبسوطين لانهم عرفوا عقابهم وكانوا متأكدين انه العقاب من فخري وكانوا باصين لايهاب نظرة حقد لانه كله بسببه وايهاب بيرمي لريم نظرة حقد لانها السبب
############
يا تري نادر هيوفي وعده لريم تزور امها
وايه حكايه ساره وفين اختفت عن ريم
يا تري ريم الطفله لما تكبر هتبقي سويه
ومين الي هيظهر في حياتها ويقف جنبها

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية وردة في المزبلة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى