رواية عهدي الفصل التاسع 9 بقلم نشوة عادل

رواية عهدي الجزء التاسع

رواية عهدي البارت التاسع

رواية عهدي الحلقة التاسعة

واخيرا يا ماما لقيتها الحمدلله
هيام بفرحة ودموع: بجد امال هى فين مجيبتهاش معاك ليه؟
ابراهيم : اهدى بس وتعالى وانا هفهمكم كل حاجة ..دخل ابراهيم وكان الكلام قصاد الجميع وحكى اللى حصل واكمل: وبكده لما تيجى هتكون مراتى حلالى يعنى مفيش اى حجة لوجودها وهخرس لسان اى حد ممكن يضايقها
انهى كلمته وهو بيبص لانس اللى قال ببرود: مبروك وربنا يتمم ع خير عن اذنكم
آية بفرحة: يااااه بجد انا مش مصدقة انك وقعت يا هيما دايما كنت داوشنا بالمواصفات القياسية ف شريكة حياتك وجات ست عهد حققت المستحيل
حسن: خير ما عملت يا ابنى المهم اخدت ميعاد مع عمها ع امتى ان شاء الله ؟
ابراهيم: لسه هكلمه واخد منه ميعاد
هيام: طب مستنى ايه كلمه دلوقتى
ابراهيم بضحك: دلوقتى ايه بس ي امى انا لسه سايبه من ساعة وملحقوش يرتاحوا انا شايف ان عهد كانت فرحانة انها شافته هستنى لحد اخر الاسبوع كده واكلمه
حسن: وماله ربنا يتمم ليكم ع خير يا ابنى بس المفروض نأجل حوار الجواز ده ع القليل لما يعدى الاربعين بتاع جدتك
هيام: ليه بس ي اخويا ده حتى خير البر عاجله وامى هتكون فرحانة اوى عشانهم انا عارفة
ابراهيم: وكمان يا بابا عشان عم عهد مسافر السعودية ع اخر الشهر فعاوزين نخلص كل حاجة وخصوصاً بعد اللى حصل النهاردة
حسن: ليه هو فيه حاجة تانية حصلت؟!
ابراهيم حكى لوالده ع كلام ماجد واكمل: هو كده بقى متأكد انها عندنا او انى اعرف عنها حاجة عشان كده لازم اخلى عهد مراتى ف اقرب وقت قبل ما يوصلوا ليها
حسن: عندك حق وبعدها نعرف نقف ليهم ونوقفهم عند حدهم ونرجع حقها
عدى الاسبوع ف لمح البصر واخد ابراهيم ميعاد من رضا وراحوا ع حسب الموعد وكان المأذون موجود
المأذون : قول يا استاذ رضا ورايا زوجتك موكلتى ………
صوت مقاطعاً: ثانية واحدة يا فضيلة الشيخ الجوازة دى باطل
رضا بغضب: فتحى اطلع برة احسنلك بدل ما ابلغ الشرطة وهى تتعامل معاك
فتحى: الشرطة لو جات انت اللى هتزعل
المأذون: وليه بتقول ان الجوازة باطل؟!
قاسم: لان ببساطة يا فضيلة الشيخ مفيش ست فى ديننا بتتجوز وهى اصلا ع ذمة راجل تانى
الكل بصدمة: ايه؟
قاسم: زى ما سمعتوا عهد مراتى ع سنة الله ورسوله
عهد بخوف ودموع: مستحيل انت كذاب اذا كان اليوم اللى هربت فيه انت كنت هتجيب المأذون تانى يوم عشان تكتب كتابى يا كذاب
قاسم وهو بيقرب منها: ايه يا حبيبى سلامتك انتى فقدتى الذاكرة ولا ايه!
لكن ابراهيم وقف قصاده وعيونه بتطق شرار: اوعى تفكر انك تلمسها والا قسما بالله هدف..نك مكانك
المأذون: لو كلامك صحيح اين عقد الزواج؟
قاسم طلع ورقة وقال: اتفضل اهى يا فضيلة الشيخ
نظر المأذون ف القسيمة ولقاها سليمة وقال: العقد صحيح
بمجرد ما قال كلمته وقعت عهد من طولها … مسك انس العقد وقرأه بتانى وقال: لا يا فضيلة الشيخ العقد مزور
انتبه الجميع لكلام انس اما الهام وهيام واية كانوا منشغلين انهم يفوقوا عهد .. حسن: مزور ازاى؟
انس:الوثيقة واضح اوى انها من سنة ٢٠١٥ يعنى عهد وقتها كانت يدوب ٩ سنين فازاى هتمضى ع عقد زواج وتكون وكيلة نفسها وهى قاصر! والصورة الموجودة صورتها بشكلها الحالى
المأذون: يعنى ايه؟!
أنس: يعنى العقد مزور عشان بس يمنعوا الجوازة تتم ويوصلوا لهدف معين وخبيث ف دماغهم يبقى فعلا الشرطة لازم تتدخل
حاول فتحى وقاسم يهربوا لكن الكل حاصرهم ومنعهم لحد ما الشرطة جات وقبضت عليهم..فاقت عهد وجرى عليها ابراهيم بخوف: انتى بخير
هزت رأسها بأيوة ..نظر للمأذون: من فضلك يا شيخنا اكتب الكتاب بسرعة
بالفعل اتكتب الكتاب واصبحت عهد زوجة ابراهيم بارك لهما الجميع ..انس لعهد: مبروك يا عهد وكمان انا حابب اعتذرلك عن الطريقة اللى كنت بعاملك بيها حقك عليا متزعليش
عهد بدموع: حضرتك زى اى اخويا الكبير انا مش زعلانة
انس بفرحة: يعنى صافى ي لبن
عهد: حليب ي قشطة
لاحظ الكل ان اسر الصغير واقف بعيد ومضايق وراح ليه ابراهيم: مالك يا اسور زعلان كده ليه وواقف بعيد؟
اسر بحزن: ابعد ايدك عنى
ابراهيم باستغراب: ايه ده فى ايه انا عملتلك ايه يولا انت؟
اسر بزمجرة: متقوليش يا ولا انا راجل وبعدين انت حرامى
الكل باستغراب وصدمة متابع الحوار…حسن: ولد ايه اللى بتقوله لاخوك ده؟
اسر: ايه بقول الحقيقة ابنك حرامى وسرق منى عروستى
ضحك الكل بما فيهم ابراهيم وعهد اللى قربت منه وباسته من خده: بكرة لما تكبر هتلاقى عروسة احسن واجمل منى الف مرة
اسر: ماشى نستنى لما نكبر
ضحك الجميع وعدى اليوم بسلام وسعادة ..انس: طيب هستأذن انا عندى شغل مهم فى المكتب
هيام: ماشى يا حبيبى خلى بالك من نفسك
انس: حاضر سلام
نزل انس وركب عربيته وكان سايق بسرعة وهو بيتكلم ف الفون وبيزعق مع المحامى اللى بيشتغل معاه وفجأة ظهرت عربية بشكل مخالف وخبطت فيه واتقلبت العربية وبعدها جات الاسعاف واخدت المصابين ع المستشفى وطبعا الخبر وصل لاهل انس وراحوا ع المستشفى وبعد العملية خرج الطبيب وقال: محتاج عملية دقيقة جدا ف المخ لكن تكليفتها عالية شويه ووووووو…….