رواية وردة في المزبلة الفصل السابع عشر 17 بقلم منة محمد
رواية وردة في المزبلة البارت السابع عشر
رواية وردة في المزبلة الجزء السابع عشر
رواية وردة في المزبلة الحلقة السابعة عشر
اي حلقه ينشرها ع صفحتي مش عارفه ليه مش بتظهر ليكم بجد زعلانه ساعدوني واي حد يعيد نشر الحلقه تاني وبشكر امي امي بجد الف شكر انها نشرت البارت ١٢ تاني من نفسها وغيروه الفيس الليت
نبدء ورجاء برفع الحلقه ناس كتير متابعه حسسوني انكم حبتوها
ريم بصتله وهي متكتفه ومثلت اسلوب الامتنان الي باطنه استهزاء وجواها طعنات : شكرا كتر الف خيرك ربنا يطولنا في عمرك
الجد وبحزم : اول واخر مره تكذبي فاهمه
ريم بابتسامة : ان شاء الله والمره الجايه وضح سؤالك لانك الصبح سألتني في العربيه انا في اي سنه ما سألتنيش عن عمري ….
لف لها وقعد على الكرسي ورفع حاجب : وايه يفرق معاكي السؤال اذا كانت الاجابة واحده يا انسه ريم
ردت بثقه : الاجابه مش واحده لاني في اولى ثانوي
قاطعها الجد بعصبية : ريم قلتلك بلاش تكدبي خلاص قفلي عالموضوع احسن ما ادفنك مكانك
ردت عليه وهي بتضحك ومتجاهله حزنها : هههههه اذا دفنتني هنا هايطلعك شبحي بالليل وتموت من الخوف ويدفنوك هنا جنبي ههههه جتلك منين الفكرة الفولزيه دي وغمزت له
الجد بصلها بقرف : سخييفه زي صاحبتها ودلوقت اطلعي بسرعه قبل ما ادفنك لانك النهارده قهرتيني بافعالك
رفعت ايدها وعملت الحركه العسكرية : حااااااضر سيدي
وبعدها نزلت ايدها وسبلت عيونها وبدلع : أأوامر تانيه ؟؟
من غير ما يرفع راسه : ما فيش أمر تاني بس اطلعي واقفلي الباب وراكي
ردت بهدوء : ان شاء الله
وطلعت بره المكتب وبسرعه جريت لاوضتها قبل ما تشوف حد ويشوفوا مكان الكفوف الي علمت علي وشها ويتشمتوا فيها
وصلت الغرفه وبسرعة قفلت الباب بالمفتاح وراحت للمرايه بعد ما زادت الاضاءة بصت لنفسها كانت خدودها لونهم احمر بشده ومكان صوابع جدها واضحه حطت ايدها علي خدها وهي حاسه بنار شابه فيهم وحستهم انهم انتفخوا اخدت نفس وماقدرتش تمنع شهقاتها ودموعها نزلت شلال من عيونها
وبسرعة جريت على السرير ورمت نفسها وبكت بكت وهي بتحمد ربها انها قدرت تمسك نفسها ولا انهارت قدام سليمان لانها لو اتاخرت كمان دقيقه كانت انفجرت قدامه
جرحوها، وقهروها ،وكسروها ،وذلوها ..كانت عاوزه تدعي عليهم من قلبها بس اترجعت ودعت ان ربنا يصبرها قرفت من الحياه تلات سنين هنا تلات سنين هنا اكيد هتموت من القهر والوجع مش هتقدر تتحملهم تلات سنين
كله بسبب المجرم نادر بتكره هو وساره بتكرهم بتكرهم بتكرهم بتكرهم، ودخلت في نوم عميق وهي تردد الكلمه الي صدها مع صدي انينها ملا كل مكان في الغرفه
بعد ما صرخ الجد على ريم وناداها عالمكتب طلعت ريم وراحت وراها
كان فيه ناس بتنم من الغيظ
التفتت الجده على سها ونجوي وهي فاتحه عيونها : شفتم قليله الربايه مركبه باروكه وحاطه عدسات ومكياج
نجوي : دي حاطه 2كيلو مكياج عشان يخفي سوادها
سها باستغراب : شفتم ازاي مبيضه نفسها بالمكياج والله نفسي اسألها علي اسمه اكيد مكياج اصلي الي خلى ريم بيضه كدا
اميره اخت ايهاب : مامتي اشتريلي نفس النوع وربنا ماعرفتها الحيوانه مين يصدق انها ريم السوده الكودا بقت بالبياض ده
سلمى : حتى الباروكه الي حطاها اطول منها ههههههه
ساميه عطتها نظره بمعنى اسكتي بلعت سلمى ريقها وسكتت
مي وبمسخره : شفتم قصيره ازاي مع اني اكبر منها بسنتين بس الفرق بالطول كتير
نسرين وهي تضحك : ههههه والله انا فكرتها نور اختي حاطه باروكه ولفها كحكه ههههههه طولها شبر ومع الفستان فعلا عيله
اميره : سمعتي قالت عنك ايه قالت بقايا الذئاب لا يأكله الا الكلاب
نسرين الحقد مالها لما افتكرت : والله ما حد كلب غيرها
اميره : هي قصدها ايه بالمثل ما فهمتش
عصمت : قصدها يا بنتي ان ايهاب خطبها فالاول وبعد ماسابته اخدته نسرين
يعني هي الديب ونسرين الكلب
سها : دي هربانه من مستشفي المجانين ومفيش كلب غيرها وبصت لعصمت بس مين الي خطبها صحيح يا خالتي ما قالت لناس
عصمت بلامبالاه : يكش يخطبها قرد حتي ما يهمنا اهم حاجه تطلع وتغور للغريب ويرتاحوا عيالنا منها
نجوي باستفسار : وايه الي عرفك انه غريب انا خايفه يكون واحد من عيالنا
عصمت ببرود : لا انتي مش سمعتيها بتقول خطيبي زيزو واحنا ما عندناش اسم زيزو
نجوي بدهشه : يا خوف قلبي يكون زياد
عصمت عقدت حواجبها : مين زياد ؟؟؟
نجوي بحيره : ياحماتي نسيتي زياد ابن الشناوي صديق عمي
عصمت براحه وهي تستبعد توقعات نجوي : لا لاما اظنش زياد اسمه بيلمع في البلد معروف ومشهور وله مكانته بالمجتمع وكتير بنشوفه على التلفزيون بقي ده ياخد ريم ههههه ضحكتيني بصراحه
سها بصت لنجوي : والله الظاهر انك خرفتي زيااااااااد ياخد ريم الظاهر انك انهبلتي فيين ريم وفييين زياد ما فيش وجه مقارنه بينهم
وكملوا كلامهم وهم بيخمنوا مين يكون خطيب ريم
************قصص منه محمد**********
بعد ما خرجوا الناس والجد والاعمام دخلوا جوه البيت طلعوا الشباب للجنينه
صقر بغل قعد علي النجيله وربع: ااااه قهرتني المخبوله تقولي وقلد صوتها وسرسع انت مالكش دعوه فاهم الجزمه انتم شفتوها عيله عيله
بدر فصل ضحك : وانت ايه الي قاهرك براحتها
صقر بقهر مكبوت : ها لا بس عشان عيلة،وانتو مش هتفهموني
ايهاب : والله انا كان فضلي تاكه واقوم اعلقها في النجفه ازاي المسروعه دي تكسفنا قدام الناس اللي يسمعها يقول عانس 40 سنه وخايفه العريس يطير و قلدها موافقه يا عم شيخ حتى جدي اتحرج وماعرفش يقول ايه من الكسفه داهيه تحرق دمها
قرب عليهم خالد وفخري وقعدوا مع الشباب بعد ما قالوا السلام
الشباب: وعليكم السلام
عمر باستفسار : فين جدي وعمي نادر ؟؟
خالد الي طالع منه نار :نادر طلبوه في المستشفى وابويا طلع عند ريم الحيوانه تزغرد وترقص بصوت عالي مصدقه نفسها عروسه
بدر ببرود : من الصبح وهي بترقص وتغني وجدي معملهاش حاجه هيجي دلوقت ويعمل
خالد ابتسم بشماته وبص لبعيد: انا متوقع تاخد لها كام ضربه الحيوانه طلع عندها 15 سنه وقايله لبابا انها في اولى ثانوي وبابا اتعصب عالاخر حاولنا نهديه علشان صحته بس رفض يسمع لنا
رامي فتح عيونه : صغيره اوي ازاي تجوزوها لازم تطلقوها باسرع وقت
صقر بحزن دفين : وزياد كبير 25 سنه بينهم 10سنين وباستهزاء ما فتكرش ريم تقبل بالطلاق لو شفتها ميته عليه الطفله
خالد بغضب اسود : ما حد بوظ عقلها غير بنات المدرسه تقول كل صحابها مخطوبين والحيوانه معترضه وواقفه تناطح ابويا وعاوزه تقعد معاه وتطلع معاه وتتفسح زي صحابها فعلا قلة ادب انا ما قاهرني الا لما شفتها وقسم بالله بنت امير ابني اكبر منها عيله صغيره جدا وطولها شبر ونص
صقر كور علي كف ايده بغيظ : كنت عاوز ادخل وانهي الموضوع المخبوله جريت وقفت قدام الباب ووقفت تهددني وتقولي لو لغيت الجوازه هدخل كدا قدام الناس وافضحكم دي هربانه منها علي الاخر
ايهاب باستغراب : هي عملت كدا وقالت لكم كدا ؟؟
خالد : ااه قالت وتعمل اكتر من كدا شيطانه بجسم طفله
بعدها بص لرامي ابنه: انا قلت لك اتنيل واخطبها علشان نعدلها بس انت غبي ولا سمعت الكلام وبصله بلوم وعتاب
فخري بحكمه : يا خالد البنت كتبت وان كانت صغيره بكره تكبر وتعقل بس انت طول بالك شوي كل شيء بالهداوه وعلشان يغير الموضوع امتى راجع ابنك امير ؟؟
خالد : اهو التاني كمان قاهرني كل مره يقولي بعد شهر بعد شهرين بعد ست شهور كل ساعه برأي وسايب ولاده هنا وعاملي خبلان كل شويه هات العيال اكلمهم
صقر بابتسامة : ولاده اكيد هيشتاق لهم
خالد بانزعاج : بس مش كل ساعة يرن والاولاد لما يكلموه خد بقي عياط عاوزين ابوهم
عمر بابتسامة حتى يخفف عن عمه : والله يا عمي شكلك بقيت شباب مع الصبغه الجديده مين يصدق ان عندك احفاد
خالد ابتسم و مسح على شعره : اسكت ماتفكرنيش كله بسبب الكلبه ريم بتقول عني راجل كَوباره وحكلهم الموقف علشان كدا روحت صبغة شعري وخد عندك تعاليق من هنا ومن هنا
ضحكوا الشباب بهدوء على الموقف إلا
عمر فصل ضحك ونام علي عالارض : ههههههههه خطيره البت ريم لو ماكانتش اتخطبت كنت خطبتها ههههههههه
خالد رفع حاجب : تعرف انك مخبول ايه الي بيضحك في الموقف للدرجه
عمر وهو يضحك : هههههه لا بس هههه تخيلت شكلك يا عمي هههههههههه وريم بتقولك كدا
خالد ضربه بطوبه من الارض : امتي يا حلوين هتعيدوا المواد اللي شايلنها بالجامعه
سكت عمر وبص لصقر بلوم الي ما خلى حد غير وقال له
ضحك صقر وبص لخالد : عرفت تسكته هههههه
خالد بافتخار وغمز لصقر : اعجبك
$$$$$$$$$$$$$$$$
في مكان اول مره ندخله
حط جاكت البدله على الكنبه وبعصبيه مكبوته :بابا ممكن افهم ايه الموقف السخيف الي اتحطيط فيه كدا تحرجني قدام الناس علي الاقل كنت قولتلي مش اكون مغفل
الشناوي ببرود : يعني الي يسمعك يقول بتسمع كلامي اوي ماكانش فيه طريقه اني اجوزك الا كدا نسيت لما كان نفسي اخطب لك بنت عمتك وانت رفضت وقتها ،،وامك جابتلك الف عروسه وانت رافض زعلت عليك يابني لقيتك بتكبر وانت ولا اهتميت لزعلي ومدام انت رافض فكره الجواز ماكانش قدامي حل تاني غير كدا امر واقع!
زياد بغضب : وانا اقول ليه صممت اروح معاك كتب كتاب حفيده سليمان ولما شفت عمامي استغربت بس طنشت وانا حاسس ان فيه آنَ في الموضوع
صفيه وهي توزع نظرها بينهم : ايه الي جري مش فاهمه حاجه ؟؟
زياد باستهزاء،: ابدا يا امي بس جوزك الي هو ابويا طلب مني احضر كتب كتاب حفيده سليمان شديد ولما وصلنا بعد ما خلص الماذون وسال فين العريس التاني ابويا شاور عليا تخيلي الموقف انا العريس المغفل وعض علي شفته بقهر
سوسن اخت زياد : شفتها ؟ حلوه ؟ عندها كام سنه ؟
زياد لوى شفايفه : اشتغل الفضول لا ما شفتهاش ممنوع عندهم جدها طلب اني ماشوفهاش ولا ازورها ولا اتكلم معها حتى عالموبيل رافض اكلمها والله انا قلبي مش مرتاح اما عمرها بيقولوا انها في اولى ثانوي والجواز طلبوا بعد تلات سنين علشان تكمل الثانويه ارتحتي دلوقت ده الي اعرفه وبس
نوفه اخت زياد : اوعي تقول انك لما تتجوزها هتعذبها وتنتقم منها زي الروايات وغمزته
بصلها زياد ورفع حواجبه : مش انا اللي انتقم يا سخيفه صحيح بابا احرجني بس انا متأكد لو ما احرجنيش ابوكي وسالني قبل ما نروح اكيد كنت هوافق عارفه ليه لان ربنا كاتب انها تكون من نصيبي وده النصيب مش بعترض عليه بالعكس انا هحطها في عيوني اما سخافاتك يا نوفه انتي وخيالاتك نيفر مش عندي
وبعدها لف على ابوه وهو بيضحك : شفت يا بابا ازاي كسفتهم هههههه اما شكلها بنت مخبوله هههههه وحكلهم موقف ريم
صفيه بزعل : وانت موافق على شروطهم الي ملهاش طعم دي
زياد بلا مبالاه : اصلا موضوع الجواز كله ملوش طعم ولا علي بالي هعتبر نفسي ولا خطبت وبعد تلات سنين ياعالم بقي ..!
صفيه باعتراض : بس
قاطعها الشناوي : لا بس ولا حاجه طلاما زياد موافق ما فيش مشكله وخلي الامور على ما هي عليه
وبعدها استاذن زياد وطلع على غرفته وهو بيفكر ياتري شكلك ايه يا ريم .
صفيه ام زياد/سوسن اخت زياد/توفه اخته الصغيره اكبر من ريم بسنتين
########قصص منه محمد########
صحيت الصبح وهي حاسه راسها مصدع من كتره العياط اتنهدت بتعب وهي حاسه نفسها مكسله بس لازم تروح عالمدرسه لانها غابت الاسبوع الي فات كله افتكرت بنات خالها ياااه وحشوها ومشتاقه لقعدتهم وكلامهم وهبالهم قررت تكلم جدها انها تزورهم
قامت من السرير بكسل واتميلت وقبل ما تدخل الحمام بصت لنفسها في المرايه وحكت شعرها وثاوبت بكسل بصت علي وشها كان فيه علامات خفيفة مكان الكفوف مسحت على وشها بلطف
وبعدها بصت علي هدومها نست تغيرها ونامت بهدومها اخدت غيار نضيف ودخلت الحمام اخدت شور وهي بتقوي نفسها وتحاول تطنش كل الي حواليها …وبعد ما جهزت نفسها ومشطت شعرها و لمته كله كحكه عاليه ونزلت قصه قصيره يعني الي يشوفها يفكرها طفله بالابتدائي
لبست فستانها الي برز جمالها وحطت الطرحه على راسها وغطت شعرها كله وبعدها سمعت خبط خفيف على الباب كانت الخدامه جايبه الفطار طلبت منها ترجعه مالهاش نفس تفطر نفسها مسدوده من امبارح كسروا فرحتها ونغصوا عليها عيشتها لكن بسيطه وحلفت بالله لو شافت نسرين قاعده مع ايهاب لتولع الدنيا ليه هي تقعد مع خطيبها وهي لأ
وقفت تفكر في العريس المبجل: اه يا ترى شكله ايه هي لازم ولابد تسال عنه وتاخد معلومات علشان البنات اذا سألوها تقدر تجاوبهم
وبعدها رفعت شنطه المدرسة الي كانت في مكانها من الاسبوع الي فات ما لمستها وطلعت بره الاوضه وهي تتاوب بكسل وصلت عند السلم وما قدرتش تقاوم التزحلق على الدرابزين
اتزحلقت وهي مبسوطة على الاخير لمحت اثار جدها بسرعه جريت بره البيت قبل ما يكتشفها ويمسكها ويشعلقها من ودانها
وصلت البوابه كان صقر واقف عند عربيته وبيتكلم في الموبيل رفع عيونه وبصلها بس هي طنشته ومشت بدلع ولابسه كعب يمكن شبرين تبان انها كبيره مش عيله بس وقفها صوت صقر الحازم بعد ما تعديته خطوتين: رييييم
من غير ما تلف له : خير
سمعت خطواته قرب ووقف قدامها
ريم اتغاظت مع انها لابسه كعب بس جنبه كانت قصيره كتير
بصلها صقر باستهزاء : اخدتي معاك الرضعه ؟؟
ايه المتخلف ده واقف كدا يتريق عليها بس هي ردت عليه وهي رافعه حواجبها بطريقه مستفزه: الطول طول نخله والعقل عقل نمله
ومشيت خطوه بس مسك ايدها بعصبيه : والله العظيم اذا كلامك ده انعاد تاني لادفنك هنا وبسرعة اخفي عن وشي!
ضحكت جامد بعد ما فكت ايدها من ايده: تعرف حيرتوني انت عاوز تدفني هنا والشايب عاوز يدفني فالمكتب وعمو خالد عاوز يدفني فالصاله
وبعدين معاكم حددوا مكان واحد !
صقر بغرور : يا سخافتك بسرعة امشي من خلقتي وبلاش كتر كلام والفستان ده لو شوفته عليكي مره تانيه هقطعولك قبل ما تطلعي بيه سامعه كلامي
ريم حبت تغيظه وتولعه اتخصرت : مالكش دعوه وبعدين ربنا يخلي وسبلت عيونها بدلع خطيبي زيزو مااعترضش ما حدش له دخل مفهوم
صقر خلاص هيضربها من العصبيه : لالالا دي مسافره منها علي الاخر فعلا عيله وبعدها اتكلم وهو يكتم عصبيته ريم انا طبعي هادي بلاش تعصبيني
شافت الباص وبسرعة جريت وقبل ما تطلع وقفت واتكلمت باسلوب ينرفز : انا مش هرد عليك لان خطيبي عاوز كدا مش عشانك وبعدها مدت له لسانها وجريت بسرعه تركب الباص ….
*************
في المدرسه
دخلت المدرسة وفي الفصل كانت طول الوقت وهي سرحانه وتتتخيل شكل خطيبها ولا انتبهت للشرح وفجأة انتفضت على صوت صراخ الابله : ريييم
بصتلها ريم بغباء : نعم
المدرسه بعصبية : انا ليا ساعه بناديلك وحضرتك مش معنا ليه ان شاء الله وبهدوء فيكي حاجه يا ريم انت طالبه متفوقة وحافظتي على تفوقك ودلوقت يلا اطلعي عالسبورة وحلي المسأله الي مكتوبه
ريم الي قررت ونوت تعيش حياتها بالتطنيش والدراسه من ضمن التطنيش خلاص ما فيش داعي للدراسه وحبت تقوم بدور البنت الغبيه وقفت وهي تبتسم بغباء ووقفت عند السبوره وبابتسامه عبيطه : ابله اكتب من هنا ولا من هنا
بصتلها الابله وبعدها اتكلمت من غير نفس : هنا المساله يالا استعجلي بسرعة حليها
بصت للمساله وبدءت تجيب وتحط من عندها عك وقفت الابله فوق راسها وبعصبيه : ايه العك ده امسحي بسرعة وارجعي مكانك وركزي معنا
مسحت السبوره كلها ومع المساله عصبت الابله : انا قلت لك امسحي الحل اللي كتبتيه بس ليه مسحتي المسأله وبنرفزه ارجعي بسرعه مكانك
رجعت مكانها وهي تبتسم لان الابله دي عصبيه وتكره الطالب الي يحل علي السبوره غلط كانوا البنات يبصولها مستغربين لانها معروفه بذكائها واليوم ولا حصه شاركت واذا سألوها المعلمات تجيب من الغرب وتحطه في الشرق ….ريم عجبتها حياة الكسل يا رتها سمعت كلام صحبتها الجوري كان زمانها قاعده معها و جنبها ومونساها
انتهت الحصة وبعدها كانت الفسحه وبسرعه جريت لبره مشتاقه للجوري ولنور واول ما شفتهم سلمت عليهم بحراره وقعدوا يتكلموا وعرفتهم باخر الاحداث وانها اتخطبت
الجوري : يا غبيه لازم تتعرفي وتقعدي معاه قبل الجواز عشان تتفاهموا مع بعض
نور : صح كلام الجوري انا بقعد مع خطيبي عادي مفهاش حاجه طلاما كتب عليكي مفهاش حاجه حرام ع الاقل كلمتين معاه في الموبيل
لوت بوزها بقهر : اجيب رقم موبيله منين ياحسره وانا اصلا مامعيش موبيل
الجوري بتفكير : متخافيش سهله هندبرلك الحل المهم بنت عمك نسرين حلوه
لوت بوزها بقرف من السيره : امممم هي امممم اه حلوه
نور : اوصفي لنا شكلها
ريم: ما اعرفش طولها بالظبط لانها كانت قاعده بشرتها بيضه بس مش اوي وعيونها عادي في نص وشها صغيره جدا وبؤها وسط عادي وعيونها بني غامق وشعرها اسود مش ناعم كتير بس حلوه فيها جاذبيه
الجوري : يعني احلى منك ؟؟
ابتسمت بعباطه : والله ما اعرفش يمكن هي احلى مني كفايه انها ظاهره انها واحده كبيره مش زي كل الناس بيفكروني عيله وبقهر شوفو لي حل نفسي اكبر
قبل ما يشوفني العريس ويطفش ويقول نهار فوشيا دي طفله
نور بتفكير : صحيح اللي يشوفك يفكرك بالابتدائي ريم بصتلها بحده
نور بتضحك : ههههه بلاش النظره دي يا ريا كدا اخاف وبعدين اسمعي كلامي للاخر
ريم بصتلها واستهزاء : كملي يا حكيمه زمانك
نور بابتسامة : غصب عنك حكيمه المهم انت لسه 15 سنه يعني بسن النمو يمكن لما يبقي عمرك 16 تتغيري وتبقي كبيره زينا
ريم بغضب : طيب بنات جيلي طوال وشاورت على بنت من عمرها شوفو دي مثلا من عمري بس شوفو الفرق بالطول مش زي قزمه
الجوري تبتسم : يا بنت الحلال ربنا خلقك كدا حرام تعترضي على خلقته قولي الحمد لله وانتبهي لاكلك وكلي كويس علشان تطولي وكتري من اكل الفستق بيقولوا انه بيطول
ريم : الحمد لله يخلص اليوم واطير اشتري فستق وافضل اكل فيه ليل ونهار .
***************
رجعت عالبيت وهي تعبانه ومخنوقه من الطرحه والحر ،،دخلت ولسه يا دوب بتطلع اول درجتين وقفها صوت جدها : ريم
ريم لفت له : نعم
ربع ايده و بحده : ايه علاقتك بزياد ؟؟
ريم استغربت السؤال وردت بغباء : مين زياد ؟؟
الجد بعصبية : مين زياد بتنكتي حضرتك وشد على اسنانه زياد خطيبك
ابتسمت بطريقه غبيه : اه انت جاوبت بنفسك وقالتها بدلع خطيبي
جدها اتعصب ورفع صباعه في وشها : بنت اتأدبي خلي عندك شيء اسمه حيا
وباسلوب المحقق امتى طلب منك ماتتكلميش مع صقر ورمها بنظره قويه
((اعمامها وجدها عليهم نظرات تخوف))
طنشت ريم نظراته وقعدت على السلم ورمت الشنطه وسندت ضهرها على الدرابزين وبصت لجدها اللي كان متكتف وبابتسامه وقالت : امبارح لما كان هنا زيزو وقعدنا انا وهو في اوضتي قالي يا حياتي مش عاوز حد يشوف جمالك الا انا علشان كدا مش عاوزك تقفي مع شاب غريب ولا يشوف حته فيكي فرديت عليه وقلت له حاضر يا اغلى ناسي …
نطت على صرخة جدها ونظراته الناريه ووراه عمها خالد الي متعرفش امتي حضر كانوا يبصولها وعيونهم حمره من العصبيه : يا قليله الحياء ايه قله الادب دي وفوق قله الادب بتكذبي وبصلها بحده
خالد بعصبية : الظاهر انها بتحلم تترزع معاه
سبلت له عيونها : وغلوتك كل يوم بحلم بيه
انتفضت علي صرخه خالد : وقسم بالله اذا اسمعت كلامك الماسخ هـ,,
قاطعه الجد وبص لريم بحده : فورا جاوبيني امتى قالك الكلام ده
غظوها وقفت بغل وتقريبا بتردح لهم : يعني تكدبوا الكدبه وتصدقوها عالم غريبه والله فين يعني هشوفه موبيل ممنوع قاعد معاه ممنوع حتي شكله ولا اعرفه ايييييه هتواصل معاه فين بالاسلكي ونفخت بصوت عالي
خالد رفع صوباعه كتهديد :ما تتنفخيش فاهمه
الجد بهدوء : طيب ليه قلتي لصقر ان زياد طلب منك كدا…!!
ريم بعصبيه : اهو صقر الفتان ده ملوش دعوه بحياتي خالص انا بكرهه ليه يحشر نفسه في امور مش تخصه لييييه
قرب خالد منها والظاهر عاوز يضربها بس مسكه جدها : اطرد الشيطان يا خالد
خالد بعصبية : هي الشيطان ذاته وزعق صقر الي مش عجبك تحترميه غصب عنك فاهمه يا جزمه
لوت بؤها : يعني اخرتوني بتحقيقكم علشان تقولولي النسر قصدي الغراب وحكت راسها قصدي البوم يوووووه قصدي الصقر قال
صرخ جدها بصوت عالي : ريم صقر ده في مقامك عمك تحترميه فاهمه
وسكت لثواني وبعدها اتكلم بأمر : جهزي نفسك بعد المغرب انزلي هنا علشان تروحي عالمول مع صقر
اتخصرت وبعتراض : لا لا مش هروح معاه خلاص ومدت ايدها ناولني موبيلك اكلم بنات خالتي واطلع معاهم المول
ضحك جدها وبص لخالد : المشكلة واثقه من نفسها اوي قال بنات خالي قال وبعدها بصلها وبحزم انسي مصطلح اسمه بنات خالك مفهوم
ريم هتعترض قاطعها خالد : ولا نفس بنات خالك انسي علشان تصيعي معاهم في الشوارع وتاخدي ارقام الشباب
بلعت ريقها معقول عرفوا بس هي مالهاش ذنب ولا مره اخدت رقم شاب بس ازاي عرفوا عضت على شفايفها بصتلهم وهما يعطوها نظرة تشكيك بس الظاهر مش متاكدين منها هي بس مجرد شكوك لازم مش تظهرلهم
اتكتفت : مالكمش حق تحرموني من بنات خالي اوكي مش عاوزني اخرج معاهم علي المول اوك انا موافقه بس حطوا في بالكم نهايه الاسبوع انا رايحه ازورهم
جدها رفع حاجبه باستهزاء : لا وكمان بتدينا قرارات بقولك ايه اختفي اطلعي ع اوضتك وبلاش كلام اهبل
ووفضل جدها وخالد يضحكوا و يتكلموا ويتمسخروا عليها بس مستحيل تخليهم يقهروها لازم هي اللي تقهرهم قبل ما تطلع عدلت وقفتها علشان تهرب بسرعه اذا تطلب الامر واتكتفت وبصتلهم :خلاص مش هروح مع بنات خالي خلاص اتصل علي خطيبي زيزو ياخدني هو علي المول وسبلت عيونها بدلع
خالد قرب بعصبية : انا دلوقت هدفنك هنا يا قليله الحيا
وبسرعة 360 انطلقت لغرفتها وقفلت الباب بالمفتاح احتياطي وبعدها اتنهدت براحه
قررت تاخد دش ووتناااااام وتريح نفسها واعصابها
********قصص منه محمد**************
تحت في الصالون
عصمت : اااااه يا قهري المقشفه دي تاخد زياد ………..انا استبعدت استنتجاتك …………انصدمت مش قادرة اصدق …………..والله السفرجي كتير عليها بنت ساره …………انا حاسه اني مقهوره المفروض كانوا خطبوا اميره ولا اي بنت تانيه احسن من الليفه دي …………..حسبي الله ونعمه الوكيل فيها …………خير خير ……….تعالي العصر علشان نتفق على حفله كتب الكتاب ………ان شاء الله ………….مع السلامه
قفلت الموبيل مع نجوي وبصت لسها : اه يا نفوخي راسي مصدع لما عرفت انه زياد خطب ريم ااااااه ياني
سها : بس يا خالتي المفروض يكون فيه نظره شرعيه حرام يظلموا الراجل بكره بعد الجواز ينصدم من شكلها وبعدين يطلقها ووقت ساعتها مين يسكت كلام الناس ويقنعهم انه مش عاجبه شكلها
دخل خالد وبص لمراته : مش هيطلقها علشان شكلها
دخل الجد وراه وقعد وكمل عن خالد : بنتنا مش ناقصها حاجه ويحمد ربنا اننا وافقنا عليه والكلام الناقص ده مش عاوز اسمعه مره تانيه وعطي نظره حاده لسها ولعصمت
خالد لامه: لو الامر بايدي ماكنتش جوزتها لزياد والله حاولت اقنع رامي بيها بس الغبي رفض
شهقت سها وحطت ايدها على صدرها : عاوز تبلي ابنك بيها
رفع خالد حاجب و باستنكار : ايه ينقصها ريم عشان تقولي كدا ها ؟؟
سها بغرور : لا بقي نقصها كتير اهم نقطه الجمال فين هي وفين رامي ..ابني تلزمه ملكة جمال علشان تناسب جماله
رد عليها الجد باستهزاء : اتعينتي امتي في شركه المعايير والمقاييس عشان تعرفي مين تناسبيه
وبص لعصمت : أمتى الغداء ان شاء الله
عصمت من غير نفس : جاهز
الجد بحرص : ما تنسوش تبعتوه لريم الاكل في اوضتها
سها من غير نفس : ان شاء الله
…………قصص منه محمد……
بعد الغداء راح الجد للمكتب هو وخالد يتناقشوا ببعض المشاريع
قاطعهم دخول صقر بعد ماقال السلام
قعد على الكنبه بهدوء ويسأل : سألت ريم عن موضوع الصبح؟؟؟
الجد اتنهد : البنت دي هتجلطني قريب قليله الربايه وحكاله الموقف
صقر شد علي اسنانه : وسكت لها انا مفروس منها ااااه لو كنت موجود كنت خلصت عليها في مكانها كله بسبب نادر معرفش يربيها وسابها واهملها البنت دي ضحية الطلاق وهو عايش حياته وامها عايشه حياتها والبنت اتحطمت وما تستبعد تعمل كل ده علشان تنتقم مننا وتموتنا مجلوطين
الجد مسك القلم واخد نفس : يعني في نظرك يا صقر ايه الحل معها نرخي لها الحبل وتعيش على كيفها
خالد : يابابا الحبل محتاج لحزم وقد ما تقدر اضغط عليها
صقر : انا مع خالد لازم نشدد عليها ونكون حازمين بس مش بالضرب لاني ضده هددها بالضرب اما انك تمد ايدك عليها انا اعترض
الجد : انا طلبت من عمامها كلهم ونادر كمان ممنوع يضربوها اذا عملت غلط يبلغوني وانا اتصرف معها
خالد بشر : اه بس يا بابا لو تديني الاشاره الخضره واضربها العلقه التمام هعدلها
صقر عقد حواجبه : انت ما عندكش الا الضرب وبعدين البنت اكلت ضرب من صغرها لحد ما شبعت نادر ماشاء الله ولا قصر معها والله البت تصعب علي الكافر قبل المسلم وشاور علي الجد حتي جدي سليمان ما قصرش نزل فيها ضرب بالعكاز وهي في ابتدائي والله صعبت عليا وقتها وبعدته عنها بالعافيه
الجد بتريقه : مسكينه ياعيني وانا اتبليت عليها وضربتها من للباب للطاق مش من لسانها الي طوله مترين
خالد : البنت دي زي المسمار عايزه الدق عشان تتعدل
صقر وقف كلم الجد : على كل حال انا حبيت اعرفكم كلامها عشان تتأكد لازم ننتبه ليها البنت صغيره وخايف زياد يلعب بعقلها
الجد وهو مشغول في الورق الي قدامه : يحصل كل خير
وبعدها استأذن صقر وطلع مضايق!!!!
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
تعليق واحد