روايات

رواية وردة في المزبلة الفصل السابع والأربعون 47 بقلم منة محمد

رواية وردة في المزبلة الفصل السابع والأربعون 47 بقلم منة محمد

رواية وردة في المزبلة البارت السابع والأربعون

رواية وردة في المزبلة الجزء السابع والأربعون

رواية وردة في المزبلة
رواية وردة في المزبلة

رواية وردة في المزبلة الحلقة السابعة والأربعون

تعالوا بقي ندردش شويه مع امير هو حابب يعرفكم ع نفسه
طول الاسبوع وريم تكلم امي وجدتي عن الهدايا وتناكف نسرين وروان وسميه
بدأت اتقرب منها وكل الحواجز بينا بتزول وخاصة بعد ما اتخلت ريم عن اللعب وحركات الاطفال كانت حركاتها تنرفزني وتحرجني قدام اهلي وتبعدني عنها
يعني اول جوازنا زعل بابا لاني ما خرجتش معها ونغير جو وطبعا انتو مبطلتوش شتيمه فيا بس محدش يلومني لاني كنت انحرج اقعد معها او اخرج معها وخاصه مع حركاتها المعيله اول يوم بالجواز لما شفتها كانت ملامحها بالمكياج كبيره وبنت ناضجه ولما سألت بأي صف قالوا تانيه ثانوي بس اتفاجئت تاني يوم الصبح بدون مكياج كانت صغيرة وملامحها بيبي فيس حسيت وبعد ما شفت تصرفاتها حسيت بالندم اني اتسرعت بالجواز منها لان كان لازم كنت تريثت قبل الخطوه دي لاني يوم بعد يوم اكتشف انها ابدا مش قد المسؤوليه وخاصة بعد ما اكتشفت انها مش بتصلي بصراحه كانت صدمه ليا كبيره
وزعلت منها ومابقتش اكلمها
كنت عاوز احسسها بعظمه ذنبها ازاي تركت الصلاه
بس بعد ما عرفت بالحمل شديت شوي عليها والحمد لله واستجابت وكبرت وبقت اعقل مع انه لسانها للان طويل بس بحاول اخليها
يكون عندها صبر اكتر والحمد لله حتى علاقتها مع عيالي حلوه كتير ودايما متفقين وده اكتر شئ مريحني
************منه محمد*******************
ايهاب بيحاول يكتم عصبيته : يا جدي افهمني يعني لامتي هفضل كدا مستني
الجد ببرود : على الاقل تكمل نسرين الترم الاول
ايهاب بقهر : كله علشان الكلبه ريم
قاطعه الجد بحزم : كلمه زياده عن ريم صدقني هأجل الجواز بعد سنتين كمان
ايهاب : يعني يا جدي امير اتجوز ورامي اتجوز طيب ليه انا لاء
الجد ببرود : ده حصاد اعمالكم يالا ما تشغلنيش عندي اشغال كتيره يالا سلام
قفل ايهاب الفون بغضب وهو شادد على اسنانه

 

 

 

وبص لصقر : كله بسبب الكلبه
صقر ضحك : ههههههه تستاهل
قاطعهم دخول اميرعلى مكتب صقر : سلام شباب
بصله ايهاب من غير نفس
صقر بابتسامة : اهلا تعال اقعد
قعد امير وهو مبسوط : من غير ما تقول هقعد غصب عنك
امير بص لايهاب : ليه الاخ مدد البوز
صقر ضحك : ههههه دي حالته صعبه ههههه ههههه
ايهاب بعصبية : صقر
امير ابتسم : قولي يمكن اقدر اساعدك
ايهاب بعصبية : اسمع انا مش فايقلك ماشي
صقر بابتسامة : يمكن تقدر تساعده الكابتن عاوز يتجوز وجدك مش راضي الا لما نسرين تخلص الترم الاول بالجامعه
امير ابتسم : طيب بعد الترم الاول فين المشكله
وقف ايهاب بعصبية : كله بسببها الكلبه
وطلع بعصبيه
امير عقد حواجبه : يقصد مين ؟؟؟
صقر يغير الموضوع : انسى حكايه قديمه المهم ايه الي على موضوع الماجستير
عدل امير قعدته وبدأ يكلم صقر بالموضوع
$$$$$$$$$$$$$$$$$$$$$$$$
وقفت بالصاله وتشم الورده اللي عطالها امير ومبسوطه بيها وتبص فيها ورده جوري لونها خمري راحت للمطبخ ومسكت كاس ميه وحطت فيه
ميه وحطت الورده فيها وحطتها على طربيزه المطبخ وراحت للغرفه وجابت قلم
ورجعت للمطبخ مسكت ورقة الورده ورسمت قلب وكتبت عليه بالانجليزي
حرف aو r وبينهم سهم بصت للورده بسعاده
دخلت لطيفه وشافت الورده : منين جبتيها ؟؟ تجنن
ريم ابتسمت : دي هديه اوعي تبوظيها خليها في الميه علشان ما تموتش اتفقنا
لطيفه برطمت : ماتقوليش اتفقنا الكلمه دي بس بابا بيقولها
ريم بابتسامة : ماشي ياروح ابوكي ومدت لسانها
لطيفه : صح افتكرت تيته بتقولك انزلي
ريم وهي تتاوب :اوكشن
طلعت وقبل ما تنزل كان صوتهم تحت عالي شوي وقفت أعلى السلم تسمع فيه ايه
الجده : يا سميه كبري عقلك انتو لسه متجوزين جديد وبسرعه تروحوا تتعالجوا
رامي بنرفزه : قوللها فهميها

 

 

 

سميه : امير وريم اتجوزو اقبلنا بإسبوعين وريم حامل
سها : يا سميه هتقيسي ريم من ضمن الحريم وبعدين بعد سنه الستات بيحملوا من غير علاج ولسه انتو فالبدايه
سميه : عوزاني استني لسنه مستحيل ..وفيها ايه لو روحنا بدري نطمن فيها ايه دي
رامي بعصبية : انت الكلام معاك ضايع وطلع متعصب
عصمت بلوم : كدا ضايقتي رامي
سميه وهي تمسح دموعها : مش بايدي يا تيته لما بشوف ريم بحس بنار بقلبي ليه هي حملت وانا لا مع اني اكبر منها بكتير
سها : امسحي دموعك وكلها ارزاق من عند ربنا وان شاء ربنا يرزقك بعيال تُقري عينك فيهم
حطت ريم ايدها على بطنها بخوف : يمه علي الحسد وانا بقول ليه بتبصلي وكأني قتلت امها قل اعوذ برب الفلق
نزلت ريم بهدوء وهي تتظاهر انها ما سمعتش حاجه
لما دخلت الصاله طلعت سميه من المكان كله
طنشت ريم وقعدت بعد ما سلمت على جدتها
عصمت : فينك يا مزغوده ليه مش بتزوريني ؟؟؟
ريم بهدوء : تعرفي المدرسة والدراسه ومشاغل الحياه
سها بستهزاء : أل مشاغل ما تصدقيهاش
عصمت لسها : عارفها المجنونه دي مش عاوزه تزورني وتتحجج
ريم ضحكت : ههههههه دايما واقفين ضدي بقولك يا ام فخفخ شايفه الشايب طول بسفريته ياخوف قلبي ليكون بيعمل شهر عسسسل وانت هنا يا غافلين ليكم الله
الجده بتحاول تقنع نفسها : لا لا اصلا جدك ما يستغناش عني ويبيع الكون علشاني
ريم : حلو بكره يدوب التلج ويبان اللي تحته
سها لعصمت : ما ترديش عليها اللسعه دي
وقوليلي ايه الي حصل لما خرجتي مع امير!!!!!!
قعدت الجده تحكي وريم وسها مستمعين
*************قصص منه محمد*****************
بالمدرسة قاعده مع شله بنات ضاربين نفسها
ريم سحبت الموبيل: هاتي اشوف
فتحت عيونها على وسعهم وبصت لميرا : يا عيني على الحب
وفضلت تتصفح الرسائل
بصت لميرا وباستغراب : ازاي اتعرفتي عليه
ميرا وهي تلعب بحواجبها : بطريقتي الخاصه
ريم وهي تقرء الرسائل : اسفوخس عليكي وعلى طرقك الخاصه
رفعت ريم نظرها وبتساؤل : يابت مش بتتكسفي لما يبعتلك الرسايل المايعه دي
ضربتها مريم على راسها بخفه : روحي شوفي الرسايل المرسله بعدين اتكلمي
ميرا بنغزه : ناسيه نفسك
مريم : صحيح بتكلم وببعت بس مش ببعت رسايل زي كدا حرام بلاش تظلميني
فتحت ريم الرسائل المرسله وهي تتصفح فتحت

 

 

 

عيونها على وسعهم وبقي وشها طماطم : ميرا ازي بعتلك كدا يا مخفيه مش بتتكسفي؟؟؟!!!!!
ميرا بدون اهتمام : عادي
ليان بابتسامة : دي واحده وشها مكشوف عادي
ميرا رفعت حاجب وقفلت عيونها : ماشي يا مؤدبه
وبصت لريم شوفي موبيلها اغلب الرسايل اخدتها من ليان
ليان باعتراض : بس انا اختلف عنك انا ببعت لخطيبي اما انت لصديقك ومفيش شئ رسمي بينكم
ميرا بلامبالاه : كله واحد
وبعدها بصت للبنات بجديه : ايه رايكم تيجوا عندي بعد اسبوعين فالبيت امي نفسها تعمل حفله لصديقاتها وانتم معزومين
ليان بحماس : جاي من غير عزومه
مريم : وخطيبك مش هيعارض ؟؟
ليان بدلع : ولا مره قالي لاء بيقولي ما اقدرش اقولك لا واكسر بخاطرك روحي فين ما تعوزي
ميرا بصت لمريم : وانت اكيد جايه مش كدا ؟؟؟
مريم بثقه : مش محتاجه سؤال اول الحضور
ميرا ل ريم : وانت لازم تيجي
ريم بتردد مش عارفه تقول لها ايه وبتفكير : امممم اشوف امير اذا وافق
قاطعتها ميرا : غبيه انت وهو ماله بيك
ليان رفعت حاجب : مالك يا ميرا انت حوله ده جوزها واكيد هتقوله قبل ما تحضر ما يصحش تطلع من غير علمه واكيد يعني هيوافق ليه يرفض حفله بنات
هزت راسها ميرا ومش عاجبها
………..قصص منه محمد………………..
بعد الغداء طلعت للجناح وقعدت وتفكر اممم ازاي تقدر تقنع آمير علشان تروح على الحفله قطع تفكيرها دق باب الجناح استغربت
لما سمعت صوت خالد الحاد : افتحي الباب
فتحت الباب ورجعت لوري خطوتين
وبصت لخالد اللي ملامحه مرسومه عليها الشر
قرب منها ومسك شعرها وبعصبيه : مين الزفت اللي كنت واقفه معاه النهارده بعد المدرسه ( وشد على شعرها )هاه اتكلمي
ريم حاولت تبعده عنها ومن بين اسنانها : ما يخصكش فاهم
شد على شعرها وبعصبيه : بت بلاش تعانديني والله ادفنك هنا اتكلمي كنتي واقفه مع مين

 

 

 

ريم بعند : مالكش دعوه اكلم ،امشي ،اطلع مع مين مااعوز انت مالكش دعوه بيا فاهم
صرخ فيها بعصبية : ريم مين الزفت اللي وقفتي معاه جاوبي
ريم وتحاول تبعده عنها : حبيب ال
ما كملتش كلمتها الا كف على وشها حطت ايدها على خدها وبصتله بحقد
خالد بعصبية وعيونه تغلي شرار : يا قليله الحيا انا النهارده دافنك ومغسلك
ضحكت ريم وهي باصه لوشه القريب منها ومن داخلها قهر : هههههه ماتنساش تقرأ الفاتحه على روحي ورقصت حواجبها
خالد والشياطين اتنطنط فوق راسه هو مولع وهي تضحك رفع ايده يضربها غمضت عيونها بتلقائية
وغطت وشها بأيدها وهي عارفه اليوم هتطلع جنازتها خالد لا يمكن يسيبها قبل ما يكسرها بس استغربت ما وصلهاش ضرب فتحت عيونها وشافت امير واقف حائل بينها وبين خالد
امير بتهجم : ممكن اعرف فيه ايه ؟؟
خالد بعصبية : مش هسكت الا لما تقولي مع مين كانت واقفه بعد المدرسه مين الحقيييييير ده ؟؟؟
امير بهدوء : ايه الحكايه مع مين واقفه ؟؟
خالد بعصبية : واقفه قدام باب المدرسه مع واحد حقير واطي زيها
امير بغضب : انت شفتها واقفه معاه ؟؟
خالد بضيق : لا ما شفتهاش بس روان شافتها واقفه معاه وعطاها ورقه كمان
امير ببرود : كذب ما اصدقش لو شوفتها بعيني اكذب عيني واصدق ريم
خالد بعصبية : بقولك روان شافتها !!
لف امير وبص لريم بهدوء
ومسك ايدها وبالايد التانيه رفع راسها : خلي دايما راسك مرفوعه اسمعيني انا كل كلام روان مش مصدقه ولا مستعد اسألك لاني واثق فيك بس انا حقق بالموضوع عشان اثبت انك بريئه لابويا
وامير بص لابوه بحزم : لكن قسم بالله لو تطلع روان كذابه ما يحصل لها خير الامور دي مش سهله تلعب بأعراض الناس وتتهمهم بالباطل
ونادى بصوت عالي : روان يا روان

 

 

 

 

روان اللي كانت واقفه برا
دخلت بتردد وخوف من امير
امير بحزم : انت شفتيها بعينك ؟؟
روان بخوف من امير : شفتها واقفه معاه وسلم عليها بأيده وبعدها عطاها ورقه وحتى حطتها بكتاب رياضه كانت مسكاه في ايدها
امير بص ل روان بحده وهو ضاغط على اسنانه :اوك نشوف
راح لغرفه وجاب كتاب الرياضه ورجع وقف بالصاله
بص لابوه وريم وروان وبعدها ببرود فتح الكتاب وفتحه لحد ما استقرت عينه على الورقه
كان خالد عينه على الكتاب وخاصة الورقه وكأنه عاوز يلتهمها بنظراته
ريم كانت واقفه بملامح جامده وروان بابتسامة نصر
بص امير في الورقه بهدوء وتصفحها
وبعدها بص ل ريم
نفخ بضيق وبص لروان : دي الورقه ؟؟؟
روان هزت راسها بالموافقة : ايوه دي شفته لما عطهالها…!!
بصلها بهدوء وهو بيفكر
بعدها مد الورقه او بالاصح البطاقه لخالد مسكها وتصفحها
وبعدها بص لامير بحزم : حتى لو مالوش الحق تكلمه وتقف معاه
قرب امير ولاول مره وعطاها كف على وشها
وبعصبيه : وهي مش من حقها تتطعن في مراتي وتفضحها وفي الاخر يطلع مالوش اساس
وقسما بالله يا روان اذا الحركه دي اتكررت ما تلوميش الا نفسك لو تشوفيها مع الف واحد مالكيش دخل بيها (وبحده فاهمه)
روان كانت حاطه ايدها على خدها ودموعها غرقتها
هزت راسها وطلعت بسرعة من المكان
خالد اضايق لان امير ضرب روان بس ما يقدرش يقول حاجه لامير
نفخ خالد بضيق : بدل ما تشكر اختك انها بتنبهك
على حركات مراتك ايه الي عرف روان بزياد وايه عرفها بس هي شافتها واقفه معاه بلغتني بالموضوع دلوقت طلع علي روان الحق
امير بهدوء : هي مش بلغتك هي فضحتها

 

 

 

كل البيت ما خلتش حد الا قالت له حتى بنات عمي متأكد انهم معاهم خبر وانا اول ما دخلت زي الاهبل شفت اخواتي وامي يتهامسوا واول ما دخلت سكتوا ماحطتش في بالي وطلعت على جناحي اغير هدومي شفت بناتك الجوز واقفين قريب من جناحي حتى لو كانت بتكلم راجل غريب واخطأت تيجي تفضحها
فين الستر فين النصيحه ليه ما جاتليش تبلغني انا وقتها وانا اعرف اتصرف مش ماتخليش واحد الا تقوله
خالد بغضب : وعاجبك انها تكلم زياد وهو كان خطيبها
ريم بتحدي لخالد : انا موقفتش معاه لوحدي
اخته كانت معنا واقفه بس بنتك الكلبه الحيوانه دي ماجاتش تسألني مين ده وبعدين هو طلب من اخته تناديني وطلعت سلمت عليه وعطاني دعوه الفرح ومتنساش انه خالي وعطته نظره كره
امير بضيق : خلاص يا ريم تقدري تروحي عالغرفه
قاطعه خالد بحده : خليها ست الحسن انا طالع من هنا
مسك امير ايد ابوه : زعلت ؟؟
خالد وهو يكتم غيظه مش بيحب يشوف ابنه زعلان وابتسم مجامله : ما زعلتش
وبعدها استأذن وطلع
قفل امير الباب وبهدوء : لطيفه ومصعب نايمين ؟؟
ريم هزت راسها بهدوء
مسك ايدها وقعد على الكنبه وهي جنبه
امير بهدوء : صدقيني عنادك هايدخلك بمشاكل لا ليها اول ولا اخر ليه ما قلتلوش من البداية انه زياد واختصرتي كل المشكله
ريم بوجع : ومين قالك انه ها يسكت ولا كان هيسبني في حالي

 

 

 

رجع ضهره للكنبه واتنهد بتعب : خلاص انسي الموضوع ومتزعليش نفسك علشان أمر ما يستاهلش ولا تهتمي لحد طلاما واثقه بنفسك
هزت راسها وهي بتفكر تقوله ولا لأ قررت تقوله
ريم بتردد : ءءءء ممكن اطلب طلب بس قول موافق
بصلها وابتسم : مش هقول موافق لحد ما اعرفه
ريم لوت بوزها : خلاص مش هقول الا لما تقول موافق
ابتسم : شوفي اذا موضوعك فيه مصلحه ليك ومفهوش مصيبه اعتبريني موافق يلا قولي
ريم بتردد : صحبتي فالمدرسة يوم الجمعة
امها عامله حفله عيد ميلاد بالبيت وعزمتنا نحضرها
امير بهدوء : خلصتي كلامك ؟؟
هزت راسها بالموافقة بهدوء
رد بهدوء : شوفي يا ريم من دلوقت هتقولي قاعد يتحكم فيا ويضغط عليا لا ابدا الموضوع مش كدا ابدا بس انتي مراتي ويهمني امرك وموضوع حفلات وعزايم من بنات المدرسه اسمحيلي مش بقتنع بيها فيه كذا بنت ضحكوا عليها بحجه حفله
فالبيت وكلها بنات ولما تروح البنت تكون حفله مختلطه وامور تغضب ربنا
رجاء موضوع زي كدا بلاش تفتحيه مره تانيه وارفضي على طول من غير ما تقوليلي وانا مستعد اطلعك بدل الحفله دي للمكان الي تحبيه واذا حابه تجتمعي مع صديقاتك ما عنديش مانع اعملي حفله هنا واعزميهم
هزت راسها وهي شبه مقتنعه بكلامه
@@@@@@@@@@@@@@
قاعد على الكنبه ومغمض عيونه
امه : ليه مضايق المفروض تفرح جوازك بعد اسبوع

 

 

 

فتح عيونه وبصلها وبنغزه : يمكن اطلع عمها بالرضاعه المره دي
صفيه وقلبها حارقها على ابنها اللي انكسرت فرحته : لا ان شاء الله تفرح وتنبسط وبعدين مش عارف يمكن خير ليك
زياد وقف : النهارده شفتها وعطيتها الدعوه يالله حستها طفوليه وبريئه قسما بالله احترام وتقدير لسليمان شديد الي طلب مني ما ازورهاش حتي ما تحصلش مشاكل بيني وبين عمامها الي رافضين الفكره تماما اني ازورها لا كنت كل يوم زورتها والي مش عاجبه يشرب من البحر بس مش طالع بايدي اي حاجه
بص لامه بجديه :ندر عليا لو اتجوزت وربنا رزقني ببنت هسميها ريم
ابتسمت صفيه : ربنا يوفقك وييسر لك كل خير ويرزقك الذريه الصالحه
**************قصص منه محمد**************
بدر بابتسامه : ريم حبيبتي تعالي هنا دلوقت ازعل منك
عبود وهو واخد ريم بحضنه : اصلا هي مش بتحبك صح ريم
وباسها على خدها ريم عيطت
بدر سحبها من عبود : شوف جالها تسمم منك اهي عيطت
سامي لبدر : وجعتها يا حمار اصلا ريم مش بتحبكم انتم الاتنين لما تشوفكم تفتج الجعوره
بدر وهو شايل ريم ويضرب سامي برجله : قوم اخفي من هنا
دخل ريان البيت بهدوء
بدر بنبره استهزاء : اهلا والله بكابتن طيران
عبود لبدر: من غيرتك درست طيران زي ريان
وبص ل ريان وغمز له : اوعي تنسي لما تتخرج وتتوظف كل رحله خدني معاك
سامي : ما لقيتش غير التخصص دا طيار
بدر باستهزاء : روح ادفن نفسك على التخصص أل حلم الطفوله
ريان :كتك خيبه عليك وعلي احلام طفولتك
المفروض يدفن نفسه حضرتك اصلا لو انا مكانك ادفن نفسي كل الشباب اتخرجوا الا انت (وباستهزاء )يمكن عامل عقد مع الرسوب
قاطعه بدر بعصبيه : اخرس يا قليل الادب انا اخوك الكبير تقولي الكلام ده
بصله ريان بغرور ومشي لغرفته
ريم كانت تبكي من صوت بدر
بدر بعصبية : خلاص اسكتي فضحتينا بصوتك طالعه لبنت عمك لاسعه
نفخ بضيق لما افتكر بنت عمه ريم
بدر : خد اختك رفعت ضغطي
عبود بنغزه : رفعت ضغطك والا فكرتك بلي اسمها علي اسمها

 

 

 

بدر بضيق : كله من جدي رفضني مالي انا فيه ايه
سامي : الصراحه مش هيلاقي زيك ولا شبهك كل سنه حامل مواد
عبود وهو يضحك : هههههه لأ هيلاقي زيه عمر نسخه طبق الاصل منه ههههه
ريم عيطت بصوت عالي
دخلت ندي وقاطعت كلامهم : حسبي الله عليكم عملتوا ايه في البنت
بدر ناول امه ريم : ما عملناش حاجه بس بنتك حساسه زياده
اخدت ندي ريم وهي تحضن فيها وتحاول تهديها ودخلت جوه المطبخ
********************
نزلت بعد العشاء تحت تقعد معاهم
اول ما قعدت فتحت سها تحقيق : سمعت انك بتقابلي زياد؟!
ريم ابتسمت وخاصه لما شافت رامي متعصب
ريم: ايوه للمعلومه مش اول مره اقابله
رامي احتدت ملامحه : بإذن مين…. ازاي سمحتي لنفسك تقفي معاه الحقير ده
ريم ردت بإسلوب ينرفز : بإذني انااااااااا
انا سمحت لنفسي اكلمه وهفضل اكلمه وما حدش له عندي حاجه اللي عنده اعتراض يقدمه للمحكمه
رامي بعصبية وكره لزياد : شايفك بتدافعي عنه الي حط ولاد عمك في السجن تدافعي عنه بجد مسخره
ريم بلامبالاه رفعت ضغط نسرين ورامي : انتم اللي غلطتوا عليه تستاهلوا
نسرين بنفعال : حقيره
ريم بحده : لسانك هقطهولك فاهمه زياد خالي غصب عن الراضي والزعلان
رامي بغضب : تعرفي ان صقر مضايق منك وعلي الاخر لانك كلمتيه
ريم بدون اهتمام : اعلى ما في خيله يركبه
رامي بشماته : اصلا عمي نادر متعصب كمان لما عرف ان حضرتك بتكلميه
ريم بنبره فيها سخريه : لا لا مش مصدقه هموت باباتي متعصب وبجديه )قوله والنبي ميتعصبش ليجيله ضغط وسكر وقلب مفتوح لـ,,,
سها مش عجبها كلام ريم ومراددتها : ريم خلاص لهنا وبس
ريم بحده : قولي لعيالك ما يتدخلوش و زياد ده الي مش عاجبهم يسواهم كلهم
رامي بعصبيه : اخرسي خالصى فعلا انك بنت مش متربيه
دخل امير على اخر الكلام وبعصبيه : راميييييييي
امير قرب منه وبحده : ايه الكلام ده ها ؟؟انا مسمحلكش تتمادي بالكلام مع مراتي لا وكمان تتطعن في تربيتها
رامي بدفاع وغضب : ما سمعتهاش بتقول ايه ؟؟
امير بحده : مالكش دعوه بيها تقول الي هي عاوزاه فاهم
سها : ترضاها تهين اخواتك ام لسان طويل
ريم بدفاع : هما اللي من اول ما قعدت وفتحوا تحقيق ليه اسلم على زياد ،،هما ايه دخلهم فيا ؟؟؟ جوزي راضي ولا قال حاجه يجي رامي يحقق معايا بإذن مين وقفت معاه
امير شاورلها : خلاص اقعدي
وبص لنسرين ورامي : رجاء مش عاوز حد يدخل او يكلم مراتي انتم في حالكم وهي بحالها
وبعدين انا راضي انها تكلمه لانه خالها مش عارف ليه كل العايله متعصبه !! وماتنسوش انها مراتي وكلمتي بس الي تتنفذ عليها لا عمي نادر ولا جدي ولا حتي ابويا محدش له دعوه ولا يدخل طلاما انا وهي متفاهمين ماحدش له عندنا حاجه

 

 

 

سمعتوني سمعتوني كلكم
سها بغيظ : قلبتك بنت الكلبه على اخواتك ؟؟!!
امير بغضب اسود : كلمه زياده اطلع من البيت واهج من المكان كله
سها خافت من زعله: اقعد خلاص سكتنا
قعد امير جنب ريم ومسك ايدها وهمس في ودنها بحنان:انا معاكي سيبك منهم
هزت راسها وابتسمت
رامي كان قاعد هيفرقع ونازل هز برجله بقهر
بعدها ما قدرش يتحمل القاعده وهو شايف امير وريم بيتهمسوا وطلع من البيت وبعدها طلعت وراه نسرين
وقف امير وهو ماسك ايد ريم اللي واقفه جنبه
سها من غير نفس : علي فين ؟؟؟
قرب امير من امه وباس راسها : زعلانه مني ؟؟
سها : يعني توقف ضد اخواتك
قاطعها امير باسلوب هادئ: يعني يا امي ترضي
ان عمي نادر اوعمي سلطان اوعمي فخري يتدخلوا بحياتك ويشوروا عليك ترضيها ويمنعوك من امور وابويا يوافق عليها ترضيها ؟؟!!
سها سكتت كلامه مظبوط
امير كمل قبل ما تجاوب : مش هسمع منك الجواب وقيسي نفس الشيء على ريم انا موافق انها تكلم زياد ما لوش رامي نسرين بقي يتدخلوا فيها ويكلموها
عموما انا وريم طالعين نغير جو عاوزه مني حاجه ؟؟
هزت سها راسها بالنفي

 

 

 

امير بابتسامة : عاوز اسمع رضاك ودعواتك قبل ما اطلع
بصتله امه بمحبه ودعت له من قلبها
بعدها سأل نسرين الي رجعت عايزه حاجه
وبعدها طلع وهو ماسك ايد ريم
نسرين غيره : شفتي يا ماما حتى اخونا سرقته منا ربنا ياخدها بكرهه
سها : ربنا ينتقم منك يا ساره غارت وخلت بنتها تسرح وتمرح هنا
نسرين عضت على شفتها بحنق : حتى روان مش بيكلمها علشان ست الحسن والجمال
سميه : قليله الادب شفتي ازي بترد علي رامي !!
نسرين : قلت لك عنها من البدايه بس انت ما صدقتيش
سميه بضيق : شوفي بتصل على رامي ومش بيرد اكيد اضايق دلوقت
قصص منه محمد
عند الشباب
قاعد عبود وهو يبتسم :فاتكم اخر خبر لو شفتم امير وريم طالعين حالا بالعربيه
رامي بغل :انت شفتهم متأكد ؟؟
عبود : والله العظيم حتى امير كان ماسك ايدها وبيضحك ومبسوط عالاخر
ضرب رامي بكف ايده عالارض بعنف : اخخخ لو شفتها يا ايهاب ازاي بتدافع عن زياد (وقلدها) انتم اللي غلطتوا عليه
بدر بغيظ : من صغرها لسانها طويل ولحد دلوقت برضو لسانها طويل ولا احترمتنا تقول لها كلمه تردها عشرة وكله دفاع عن زياد
ايهاب جز على اسنانه : ااه لو كنت موجود كنت كسرت راسها
عمر ضحك : هههههه سلامات مفكر نفسك فين في الحظيره البنت متجوزه دلوقت أل يكسر راسها أل
بدر وهو يضحك : هههههه يمكن ايهاب حابب يدخل المستشفى مكسر تلاقيك ناسي اصحى يا هرقليز البنت كبرت مش ذي العيله اللي ضربتها يوم العيد
دلوقت عندها محامي واكبر محامي كمان فشر فريد الديب
ايهاب بقله حيله : نفسي اكسر مناخيرها اللي رافعاهم بالسما

 

 

 

رامي : مقهور مقهور وجوايا نار كلامها استفزني بشكل
عمر : المشكله امير ما سمعش الا جمله رامي لما قال لها مش متربيه
بدر فتح عيونه : وامير قال ايه ؟؟؟!!
رامي : تخيل هتتخيل انشاء الله اتنرفز عليا وفضل يديني محاضرات طويله عريضه
والكل يقوله انها هي الغلطانه ولا اهتم والي زاد وغطي قعد جنبها ويهمسلها وهي تبتسم زي العبيطه شلوني الاتنين (وشد على قبضه ايده )
وصل صقر وحكوله كل حاجه وقالت ريم عنه ايه
صقر بقهر : اعلى ما في خيلي اركبه…انا اصلا معدنيش خيل بس ماشي انا هوريها وربنا لاخليها تندم
اتصل على ريم وبعد كم رنه عطته مشغول
بدر بضحكه : بنقولك طلعت مع امير تغير جو مش هترد عليك وغمزله
صقر شد على موبيله مفروس
ايهاب : ايه الي حصل مع زياد ؟؟
صقر : اتصلت بيه ومسحت بيه البلاط
رامي بفخر : جدع والله
ضحك صقر : هههههه صدقت بهزر معاك جدي حلف عليا يمين ما اتصل بيه
بدر : وايه عرفه جدي انك عاوز تتصل ؟؟
صقر بابتسامة : في غيرها اذاعه الاخبار
جدتك سمعتني وانا بتوعد له خافت تحصل مشكله ونتخانق اتصلت بجدك وبلغته
ايهاب بقهر : اخخخ جدتي دي بتيجي بأوقات اففففففف
صقر : بس نادر اتصل بيه وطلب منه يبعد عنها خير شر مالوش دعوه بيها خالص وبعدها اخد السماعه عمك خالد وكمل عليه وقاله انه يعتبر نفسه ما يعرفهاش
عمر بفضول : وازاي كلموه يارب يكونو مسحوا بيه الارض ؟؟
صقر : يا غبي زياد مش عيل صغير يمسحوا بيه الارض رجل كبير عمره ٢٥ سنه وله احترامه مينفعش انهم يمسحوا فيه الارض مش حلوه بحق نادر وخالد
………..
مرت الايام نفس الروتين
و كانت ريم بالمدرسه و كل ما تسألها ميرا انها هتيجي عيد الميلاد او لا تتهرب بالاجابه

 

 

 

ما تغيرش من الروتين الا علاقه ريم وامير بقت اقوي
واغلب الايام يطلع معها يغيروا جو
صقر انقهر من ريم ومن اسلوبها معاه واتغاظ لما شافها بتدافع عن زياد
زعل وسابها بعتت له ريم كام رساله بس طنش وما ردش عليها
#######
رايكم مهماظن مفيش حلاوه بعد كدا ولا رومانسيه كدا كلمه كدا ولاكدا هشقك هخالي الدكتور آآآمير ميعرفش يلمك منين😁😁😁😁😁

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية وردة في المزبلة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى