رواية وردة في المزبلة الفصل السادس عشر 16 بقلم منة محمد
رواية وردة في المزبلة البارت السادس عشر
رواية وردة في المزبلة الجزء السادس عشر
رواية وردة في المزبلة الحلقة السادسة عشر
دخلت غرفتها وقفلت الباب وراحت للسرير ورمت نفسها عليه وسمحت لسيل الدموع بالنزول وحيده كلهم ضدها منتظرين الفرصه الي ينتقموا منها مش عارفه يمكن كان لازم تعترض علي الجواز اللي باين من بدايته الفشل بس لو اعترضت محدش هيسمعها لان جدها مجهز كل حاجه عاوز يتخلص من همها يرميها ع حد تاني اصلا ًهنا محدش طيقها!
ريم في سرها: يا رب حاسديني علي فرحتي بالخطوبه ليه ليه بيحبوا ينكدوا عليا بس والله مش هسمحلهم اهم حاجه اني اتخطبت وهفرح وهرقص واقهرهم ومسحت دموعها بإيدها وكالعاده دخلت عالم الاحلام وهي بتخطط وترسم للحياه المستقبليه
*******قصص منه محمد*******
عند ايهاب
كان واقف قرب الصاله وسمع صوتها من جوه بتزغرد كان مصمم يدخل ويقطع لسانها ويخلص من صوتها للابد ،،بس اللي منعه وجود بنات عمه خالد كان نفسه يخليها خرسا ماكانش عنده حل غير انه يصرخ عليها و بعد صراخته سكتت وما سمعلها صوت بس الظاهر انها قاعده تشتم فيه لان فيه صوت برطمه كلام طنشه ودخل وقعد جنب عمر اللي كان بيلعب علي الموبيل بس لما حس بيه رفع رفع عينه عن الفون وبصله وابتسم : اهلا بالعريس
بصله بنظرات شخص محطم بائس ومدد على طوله واتكلم بياس: متفكرنيش بمصبتي
عمر وهو يطقطق بالموبيل من غيرما يلتفت له: غريبه هيئتك تقول عندك جنازه مش فرحك والعروسه من الصبح فلقت نفوخنا وهي بتغني وترقص وتزغرد والي يسمعها يقول عانس واتجوزت
ايهاب بغرور : هي اصلا تطول واحد زي عريس لقطه وبعدين فجأة سكت و استوعبت كلام عمر قام من مكانه بصله اوي وبتحقيق انت سمعتها بتغني الصبح
عمر الي ظهرت على وشه علامات التردد والتورط حك دقنه : هاه لا لا سمعت جدتي بتقول انها صدعتهم
بص للبعيد وهو جواه يتوعد لها بعد العشاء اذا ما عدلتها ام لسان طويل ما يكون اسمي ايهاب
********قصص منه محمد*************
صحت وهي حاسه بالكسل فتحت عيونها بشويش كانت الغرفه شبه ضلمه انتفضت على طولها خافت تكون راحت عليها نومه ويتأجل كتب الكتاب وبسرعه شغلت النور وبصت في الساعه وهي يا دوب تشوفها ركزت وفتحت عيونها على الاخر واتنهدت براحه باقي ساعتين عالمعاد !!!!
وبسرعة دخلت الحمام واخدت شور وقبل ما تدخل انتبهت ان حتى هدومها لسه ما غيرتهاش تثاوبت وحطت ايدها على بؤها وبعدها غيرت الفستان ودخلت الحمام
بعد ما طلعت راحت للدولاب واختارت فستان خفيف ماسك من عند الصدر وبعدين واسع لونه اسود نص كم وطوله لتحت الركبه بشبر وفتحته سبعه من عند الصدر ظاهر بياضها،، ما كانش فيه حركات كان بسيط وناعم بس حلو <عاجبها
بعدها راحت وقفت قدام المرايه ومشطت شعرها ولفته كحكه ونزلت قُصه ع جنب
وبعدها طفت الضوء وراحت للبلكونة وقفت كان الجو حلو جدا…كان الهواء يطير فستانها ويحركه يمين وشمال وشعرها يتموج بالحركه من الهواء
اتكتفت ورفعت راسها تتأمل السماء والنجوم غمضت عيونها وضمت ايدها لصدرها وحاسه بخوف مش مرتاحه واتنهدت بألم
ريم بنكسار….يا الله النهارده كتب كتابي ما فيش حد عندي يونسني ويفرح معاياا حتى مرات عمي ندي من اسبوع عند اهلها امها عيانه وتعبانه ربنا يشفيها ….
فجأة سمعت صوت قربت من صور البلكونه وبصت لتحت بهدوء ما حدش هيشوفها لان الاوضه ضلمه
كانوا الشباب واقفين تحت وبيتكلموا وفجأة لمحت طيف ايهاب جاي وهو مبتسم للشباب
قرب منهم وهو يبتسم وبصوت عالي شوي :باركولي شباب
بدات المبركَات تنزل علي ايهاب وهو يضحك ومبسوط علي الآخر!
سأله بدر : يعني بقالك شهر قرفنا ومش عاوز تخطب ودلوقت شايف الابتسامه العريضه على وشك ايه بقي الي اتغير ؟
رد عليه ايهاب وهو يبتسم بفرح : مفيش حاجه اتغيرت يا بدر ازاي مش عاوزني افرح وانا مناسب عمي خالد
بصو الشباب لبعض وعلى راسهم علامات استفهام
عمر وهو عاقد حواجبه : قصدك عمي نادر الظاهر انك من الفرحه لغبطت في الاسماء
ايهاب وهو مبسوط على الاخر وبص لعمر : مش ملغبط لاني فعلا النهارده كتب كتابي على نسرين بنت عمي خالد وبص علي الشباب وهو يبتسم والفرحه تشع من عيونه
كانت صدمه لريم كبيره :مستحيل مستحيل طيب وانااااااا
اخدت نفس عميق لمجرد انها تقدر تضبط اعصابها
ازاي يكتب علي نسرين الزفته اكيد لعبوا بعقله الجوز الثلاثي واخدته مني قعدت على الارض وهي مش قادرة تستوعب يعني خلاص طار العريس ما فيش فستان ما فيش كوشه ما فيش زَفه شدت على قبضه ايدها ( مستحيل مستحيل)
سمعت واحد من الشباب يسأل : ازاي ؟؟ وريم والتحاليل الطبيه النهارده ايه الي اتغير ؟؟
سمعت ريم صوت ايهاب يرد: اصبروا جدي جاي دلوقت يوضح لكم كل حاجه
وبعد دقايق سمعت صوت جدها سلم على الشباب
من الصدمه ما قدرتش تقف وتشوف اكتفت انها تسمع اصواتهم
الجد بهدوء للشباب : اكيد عرفتوا ان كتب كتاب ريم علي ايهاب اتلغي
بدر بتعجب : والسبب ؟؟
الجد بصله وبعدها وزع نظره على باقي الشباب : الفحوصات مش مطابقه والجينات
وبعدها كمل فين الحريم ؟؟
عمر : في الفيلا جوه
الجد بصله و وبأمر : روح اتأكد انه الكل موجود واقفل الباب الخارجي الكلام اللي عاوز اقوله مش عاوز حد يسمعه المفروض نتكلم فالمكتب بس ما فيش وقت الماذون على الطريق والمعازيم قاريبنا على وصول وسكت لدقايق
بعد ما شاورله عمر انه الوضع تمام بص الجد لاحفاده وبعدها اتكلم بهدوء : دلوقت نكتب علي ايهاب ونسرين
وبعدها بص تاني علي الشباب وسألهم كلهم نفس السؤال وكلهم جاوبوا نفس الاجابه الا شخص واحد ما كانش عاوز يرفض لكن اضطر انه يرفض لاسباب راجعه له ! هنعرف مين الشخص ده مع الاحداث
الجد بعد ما سمع اجاباتهم رد عليهم بضيق براحتكم انا مستحيل اغصب واحد منكم على حاجه مش عاوزها وخاصة الجواز لازم يكون اختياري مش بالغصب …ودلوقت يلا علي الصالون الجماعه على وصول
مشى الجد واتبعه اولاده واحفاده والسكوت هو سيد الموقف ……
……..قصص منه محمد…………
وقفت على طولها وهي حاطه ايدها علي بؤها تمنع شهقاتها وجواها مستحيل مستحيل يعرضها على احفاده اتملت عيونها بالدموع وبسرعة راحت للسرير ورمت نفسها عليه وهي تبكي مش مصدقه يعرضها عليهم ووفي الاخر كلهم رفضوها هتخبي وشها فين دلوقت من الجوز الثلاثي ومعايرتهم وخاصه بعد الهيصه والفرح الي عملته الصبح اكيد هيفرحوا فيها ويتشمتوا اااااااااه يارب
وعضت على شفايفها من القهر ودموعها رافضه التوقف
محدش يقول الموضوع مش مستاهل كل العياط ده حطوا نفسكم مكانها تكوني متجهزه لكتب كتابك وفجأة ما فيش بخ… صعبه والله صعبه وخاصة ان العريس قدام الكل مبين انه رافضها ومبسوط انه ارتاح منها لييييييه
حطوا نفسكم مكانها تنعرض على اولاد عمها وكلهم يرفضوها والله صعبه صعبه
بس لحظه عدلت نفسها على السرير :ليه اصلا اعيط علشان يتشمتوا فيا لكن ده بعينهم زفت علي بوزهم اصلا هو المفروض هما الي يعيطوا خسروا واحده زي والله لاقهرهم كلهم زي ما قهروني والايام بينا
مسحت دموعها ودخلت للحمام وغسلت وشها اكتر من مره واخدت نفس علشان تروح اثار الدموع
وبعدها طلعت من الحمام وبصت لنفسها بالمرايه رتبت شعرها من جديد
ورجعت للبلكونه ووقفت عند السور وهي حاسه حالها محطمه من الداخل كل ما اجي افرح ليييه مش بتكمل فرحتي
….قصص منه محمد…….
عصمت بفرحه : الحمد لله الحمد لله يا فرحتي الكبيره ان ايهاب كتب على نسرين الحمد لله
نجوي وهي واقفه في وسط الصاله وتضحك : نفسي اشوف شكل ريم لما تعرف ان ايهاب كتب على نسرين واتخلصنا منها
سها بصت لنسرين الي وشها احمر من الخجل : اسمعيني كويس كل صبح ومسا تحصني نفسك من الريم لاحسن تحسدك ودي حسوده وعينها سم زي امها
نسرين بفرحه واحراج : حاضر يا ماما
عصمت قامت من مكانها وقعدت جنب نسرين وفضلت تبوسها : امواه دول البنات المؤدبين الي بيتكسفوا مش زي المزغوده الي تترقص منغير كسوف ولا خشا
نجوي بتأييد : عندك حق يا خالتي الحمد لله فكينا منها !!!!!
وبعدها التفوا البنات حوالين نسرين يخططوا لحفله كتب الكتاب الاسبوع الجاي
****قصص منه محمد****
خبط علي الباب بدقات خفيفة وبعدها فتحه مستناش منها الاذن بالدخول
كانت الاوضه عتمه شغل لمبه من الانوار الخفيفه بص في الاوضه ما كانتش موجوده وبعدها وقعت عينه على البلكونه استغرب وجود طفلة صغيرة فيها بعدها استوعب مستحيل تكون هي لفت ريم وبصتله
كان الهواء بيطير شعرها الطويل ولابسه فستان اطفال وقصيره وايدها نحيفه بشكل كبير تنح مكانه يتاملها
لما شافته دخلت الاوضه كانت ماشيه حافيه وابتسمت ابتسامه خفيفة نورالاضاءه القويه واتأمل ملامحها كانت عيونها واسعه نفس عيون نادر ورموشها تقيله وطويله لون عيونها غريب للوهله الاولى تظن انها ملونه لكن لما تقرب منها لونهم عسلي
انفها وسط لا صغيره ولا كبير مناسبه لملامح وشها اما بوئها نفس امها لا هو كبير ولا صغير مرسوم رسم وعلى جنب شفايفها حسنه صغيره بارزه عطياها جمال زياده
وشها مدور طفولي ملامحها بريئه بشرتها بيضه جدا بس في بعض حبوب بسيطه منتشره بوشها يمكن لانها في فتره مراهقه،، بس اذا شفتها تحلف يمين انها عمرها 10سنين طفله صغيره بعد ما اتاملها
بعدها قرر يرجع عن رائيه في الموضوع بس وقفه صوتها الناعم
ريم الي شافته واقف يتأملها سالته وهي بتبتسم: كنت عاوز حاجه ؟
رد بتردد : خلاص انسي الموضوع ولف نفسه عشان يطلع
راحت لجدها واتكلمت بهدوء : والله ما تطلع غير لما تقولي
اتنهد جدها وظهرت علامات الضيق على ملامحه وبعدها مسك ايدها وقعدها على السرير وقعد جنبها وبهدوء اتكلم : تعرفي انه كل شيء قسمه ونصيب
قاطعته وهي تبتسم و مصممه مستحيل تخلي حد يشمت فيها : اذا قصدك تقول عن ايهاب عارفه ان كتب الكتاب اتلغي وانه كتب علي نسرين
اتفاجئ جدها وبعدها سألها : ايه الي عرفك ؟؟
ردت وهي حاسه ان فيه موضوع تاني شاغل جدها ردت بلامبالاه : ما فيش حاجة الايام دي بتفضل مستخبيه المهم ايه هو الموضوع اللي جيت هنا عشانه
جدها بتوتر ولغبطه : اسمعي صديقي ابو زياد النهارده خطبك لابنه وهو دلوقت قاعد تحت ومستني رايك علشان ابنه يكتب عليكي لكن دلوقت انا رافض الموضوع كله وقام وقف علشان يخرج
وبسرعة مسكت ايده عريس تاني مستحيل تطيره من ايدها اذا رفضت هيفكروها هتموت علي ايهاب و اتكلمت بانزعاج وهي خايفه انه يطير العريس : ليه رافض هو ابنه وحش؟؟؟
الجد بصلها ورجع قعد تاني : بالعكس شاب مؤدب بس انتي لسه صغيره اوي حتى العريس كبير عليكي عمره 25سنه خلاص قفلي عالموضوع وانا هاتصرف
وقفت بعصبية : لا مش هنسي واقفل عالموضوع اظن دي حياتي وانا الي اقرر مستقبلي مش انتم
وقف جدها بضيق وعصبيه مكبوته : ممكن اعرف ليه ميته عالجواز وانتي لسه صغيره ولا حتي تعرفي العريس ولا شوفتيه؟؟
ريم وبصوت مخنوق : عاوزه اعيش حياتي نفسي في شخص واحد بس مسؤول عني مش يكون قراري بايد ميه واحد والشاطر يرميني هنا وهنا
خلاص انا قرفت من حياتي انا نفسي استقل اكون تابعه لشخص واحد وبغض النظر عنه تعرف لو جوزتني للحارس الصومالي اوكيه ما عنديش اعتراض اهم شيء اني اتجوز واستقل بحياتي ده الي نفسي فيه،،وبعدين ماتقولش صغيره طيب طلاما صغيره ليه كنت عاوز تجوزني ايهاب
وقف جدها واتنهد وبعدها بصلها بحده : صحيح كنت عاوز اجوزك ايهاب بس كنت هأجل الجواز لمده 4 سنين على الاقل وقتها تكوني كبرتي وسكت لثواني وبعدها بصلها بقهر مدام ده رايك انا مش هعترض واتفضلي قدامي علشان توقعي وشاور للباب
حاسه بالانتصار انها صممت على رايها واخدت الي هي عاوزاه من غير ما تفكر في العواقب اهم شئ عندها تتجوز وبس وتخرج من المزبله
شاور جدها انها تلبس طرحه : حطيها على راسك احتياطي مع اني طلبت من الشباب ما حدش يدخل جوه بس احتياطي
مسكت الطرحه ورمتها لما جدها لف وخرج من الغرفه ,, ايه فايدتها وهي لابسه فستان نص كم وقصير بس ياللا الاهم انها تكتب الكتاب مشت وراه جدها بهدوء وحافيه حتى نست تلبس صندل برجليها !!!
نزلوا السلم بهدوء وكان اصوات الحريم طالعه من غرفه لفوا وراحو للناحيه التانيه
وصلو للغرفه اللي جنب الصالون وقفت وسمعت اصوات رجاليه مندمجين بالكلام اخدت نفس وهي متوتره بس مش مهم كله يهون اكتب واقهرهم كلهم
بصلها جدها بقهر : استني هنا ادخل واجيب الدفتر علشان التوقيع ولما يسألك المأذون تقولي موافقه
وبعدها عطاها نظره ناريه خوفتها فوق توترها
بس قبل ما يمشي جدها اتفتح باب الصالون وطلع منه صقر وقفل الباب وراه وبعدها نقل نظراته بينها وبين الجد
وبعدها قرب منهم وسأل وكأنه عاوز يقطع شكوكه : ايه الي حصل معاك فوق ؟؟
الجد بوعيد لريم: كل خير بس خليني ادخل اجيب الدفتر علشان العروسه توقع وشاور عليها
صقر للجد بدهشه : مين دي اوعي تقولي ريم ؟؟
رد الجد باستهزاء : ابشرك دي ريم بشحمها ولحمها وحقيقتها
صقر وكأنه جن جنونه : ازاي عاوز تجوزها دي دي عيله صغيره
اتغاظت منه هي بالموت اقنعت جدها يوافق وده يجي ويبوظ كل حاجه
ريم رفعت صوابعها في وشه كتهديد وبحده : انت ما تدخلش فاهم
وبعدها بصت لجدها : عجل جيب الدفتر اتأخرت عالمأذون
صقر شد على اسنانه : روحي يا بابا شوفي الرضعة تلاقيها في المطبخ وباستهزاء قال تتجوز قال دي اخرتها نجوز عيال وبحده غوري اطلعي علي اوضتك
ريم تلتفت يمين وشمال:اووووف اللهم طولك ياروح
صقر:ولا مطلتش هتعملي ايه امشي يا طفله ع فوق يلا بسرعه
ريم: انتتتتت مالك ياحشري انت مالك
صقر: امشي ياريم من قدامي قبل ما ارتكب فيك جريمه واعرفك ازاي تكلميني عدل..!!
وبعدها بص للجد: انا حالا هدخل انهي المهزله دي
ومشى خطوتين جريت ريم عند الباب قبله وبتهديد : قسمن بالله اذا فركشت الموضوع لادخلهم كدا وافضحكم
صقر باستهزاء :عادي ادخلي هيفكروا انك طفله مضيعة رضعتها وبحده اعمليها اقسم بالله اقطع رجليك قطع
ريم بغيظ : طفله في عينك انتي مين انت علشان تدخل في حياتي ..دي حياتي وانا حره فيها
الجد بعصبيه : الحمد لله انها الاوضه فيها عازل صوت والا كنا انفضحنا عند الناس الغريبه وبصلها بعصبيه غوري اقفي عند الباب وانت شاور على صقر حصلني علي جوه ويا ويلك اسمع كلمه منك فاهم
بعدت عن الباب وفتح صقرالباب وقبل ما يدخل عطاها نظره ناريه
اتنهدت ريم براحه بعد ما دخل لان نظراته تخوف
……قصص منه محمد…..
بس قبل ما يدخل جدها اتكلم من غير نفس : قربي من الباب ولما يسألك المأذون جاوبي انك موافقه
ابتسمت ابتسامه عريضه : طيب
دخل جدها وكان الباب مفتوح علشان يطلع صوتها لما يسألها المأذون تجاوب
وبعد دقايق سمعت الماذون بيقول : بس يا حج سليمان البنت صغيره وانا اخاف تقع عليا مسؤوليه علشان كدا اقترح عليكم تأجلوها لحد ما تكبر البنت
ريم بره اتغاظت منه هي كل ما تقول تمام الموضوع ماشي زي السكينه في الحلاوه يطلع لها خازوق ردت علي المأذون من غير شعور :انا موافقه يا عم الشيخ وبعدين انت مالك صغيره ولا كبيره اكتب واتوكل علي الله
سمعت تمتمات وبعدها المأذون على بركة الله بعديها بدقايق خرج جدها ومعاه الدفتر وبغضب ونظرات توعد : بسرعه وقعي
ريم حبت تستخف دمها : امممم اوقع فين؟؟
شد جدها على اسنانه بغضب وشاور: هنا وقعي
مسكت القلم وهي متوتره من غير ما تفكر او حتي تحسب حساب للحياه الجايه كان اهم شيء انها تتجوز وبس
بعد ما وقعت مسك جدها الدفتر وبنظرات وعيد يحصل كل خير ان شاء الله
هزت كتافها باستغراب ليه جدها مستحلفلها هي كانت عملت حاجه
بعدها دخل جدها وقفل الباب وراه وبعد دقايق
طلعوا الناس اضايقت لانها ما شفتش عريس الغفلة كانت عاوزه تطلع اوضتها بس اتاخرت علشان تشوفه
فجأة طلع عمامها وعيونهم بتطلع شرار
جدها بعصبية : انتي مش بتتكسفي على دمك لسانك طوله مترين ما فيش ادب ولا تربيه تتكلمي قدام الرجاله
عقدت حواجبها باستغراب : انت قلتلي اقول للشيخ موافقه صح ولالأ، وانا قلت له موافقه
جدها بعصبية : قلت لك اذا سألك المأذون مش تردي قبل ما يسألك وجز على سنانه بغل
حطت صوبعها في بؤها بحركه طفوليه وابتسمت : والله نسيت خلاص المره الجايه مش هجاوب غير لما يسألني، وابتسمت بعباطه بعدين جاي تصرخ في وشي الاصول الواحد يبارك في الاول
وقربت من جدها وباسته وسلمت عليه وهي واقفه على طراطيف رجليها : خمسه امواه الله يبارك فيك وعقبال ما نفرح فيك انشاء الله
سحبها من ايدها عمها خالد بقسوه وشاور علي وشها : حاطه ايه علي خلقتك لحد ما بقيتي كدا ها
بصتله وسبلت عيونها متجاهله وجع ايدها : سرررررررررر المهنه
رد جدها بحزم : ريم علبة الالوان والنضاره انا مش ناسي حالا تروحي وتجبيهم
ريم بضيق : طيب فين المشكلة فيهم ليه عاوز تاخدهم ؟؟؟
رد بحزم : علشان اضمن ما تحطيش على وشك منهم تاني
ريم بدلع:عادي اشتري علبه تانيه
جدها بعصبية : علشان اكسر رجلك وقسمأ بالله لو ترجعي تحطي الزفت ده علي وشك تاني زي الصبح لتندمي
وبعدها كمل وبصلها بجديه : اسمعيني كويس فرحك بعد تلات سنين
ريم بدون وعي واتخصرت: ليه تلات سنين مطولين قول لهم بعد شهرين
خالد بغيظ : انا عاوز ادفنها هنا و بحده لسه طولك شبر ونص وميته عالجواز اتقلي يا قليله الربايه
عوجت بوزها ومش عاجبها الكلام
كمل جدها بنظرات ناريه ليها: ماعلينا مكالمات معاه ممنوع وتقعدي معاه كمان ممنوع ولا تخرجي معاه مـ,,,,
قاطعته بعصبية وهي متخصره :نعم نعم وليه ان شاء الله اصحابي فالمدرسه خطابهم بيكلموهم عادي علي الموبيلات وكل واحده فيهم بتقعد برضه عادي جدا مع خطيبها لوحدهم ويطلعوا مع بعض لوحدهم وشاورت على نفسها بقهر ليه انا ممنوع ؟؟؟
وضربت رجليها فالارض من الغيظ
جدها وهو بيحاول يكتم عصبيته : جاوبتي بنفسك اصحابك مش انتي فيه اختلاف كبير وبحزم انا لما اتكلم ما تقاطعنيش فاهمه
النقطه التانية بالنسبة للاكل هتاكلي كل الوجبات في اوضتك علشان تاخدي راحتك واولاد عمك ياخدوا راحتهم ومناقره مع بنات عمك مش عاوز اسمع مفهوم وبكره تشتري فساتين طويله وواسعه وتلبسي حجاب ع شعرك
ريم بعتراض وعايزه تعيط من القهر : بس انا ما اقدرش أفضل طول الوقت لوحدي وبعدين البنات هنا براحتهم وانا لييييه ممنوع
قاطعها جدها : عارف بس هو كدا ومش عاوزك تنتشري في البيت فالطالعه والنازله رايحه جايه حدودك الدور التاني ما حدش من الشباب بيدخله خدي راحتك وبتهديد يا ويلك اذا سمعت انك وصلتي المدرسه وانتي حاطه حاجه ع وشك وعطاها نظره ناريه (الجد طبعا شاف جمالها وخاف من الشباب والشيطان)
حست جواها انه بينتقم منها لانها وافقت عالجواز مدام مش عاجبه ليه كلمني عنه ااااه ياني منه ردت بقهر وهي مكتفه ايدها : استني دقيقه اروح اجيب قلم وورقه علشان اكتب القوانين وباسلوب ساخر حتى ورقه ماظنش انها تكفي ايه رايك اجيب دفتر
جدها قاطعها وشخط فيها : ريم حطي لسانك في حلقك احسن ما اقصهولك وخلاص تقدري تروحي دلوقت وماتنسيش تبعتي الحاجه
بصت علي الموجودين عمها فخري كالعاده ملامحه جامده ومش بيتكلم وبعدها بصت لعمها خالد اللي كان بصصلها بنظرات ناريه اتجاهلت نظراته ووبصت لنادر الي كان واقف عند الباب ولا كأنه له دخل يبصلها بصمت بصتله بكره بتكرهه ولاخر يوم في حياتها هتفضل تكرهه هو وساره بتكرههههههم زي ما دمروها وحطموها
حست بالدموع هتخنقها فقررت الانسحاب وطلعت علي اوضتها قبل ما تضعف اخدت نفس وبعدها كملت طلوع السلم بهدوء
****قصص منه محمد ******
بعد ما طلعت ريم اتكلم خالد : يابابا ازاي بس تجوزها دي عيله حرام والله صغيره ما تعرفش مصلحتها ليه تطاوعها ليه
وبعدها بص لنادر اللي واقف عند الباب وشاور عليه : وانت ولا كأنها بنتك ساكت وراضي بالمهزله دي بكره لازم تروحوا للماذون وتطلقوها الموضوع ده ما ينسكتش عنه انا فالبدايه سكتت ما كنتش عارف انها عيله وحط ايده على راسه مش قادر يستوعب وبعدها كمل انا اول ما دخلت فكرتها بنت الجيران جايه تلعب مع بنتي اللي عمرها 10 سنين مش قادر اتخيل انكم تجوزوها
الجد ينهي الموضوع : خلاص البنت كتبت فين عيني من ابو زياد وانا بطلب منه الطلاق انا منعتها بس هي أأصرت خليها تتحمل نتايج عنادها
خالد بغضب : بس يابابا
الجد بعصبيه بص لخالد : خلاص الموضوع انتهى وبلاش تفتحه وقفل بقي
خالد بص لابوه وشافه مخنوق وخاف عليه : حاضر هسكت دلوقت وكأنه افتكر وبانفعال مدرستها لازم تغيرها مابوظهاش غير البنات طبعا بتسمع حكايتهم لحد ما بقت الشبر ونص قليله الحياء
الجد بلامبالاه : لا بنات ولا حاجه بس هي فاتحه ودنها للحكايات دي وبعدين البنت في اولى ثانوي لنفرض انها ما كبرتش وفضلت نفس الحجم نحرمها من الجواز لان حجمها صغير واختك هيفاء اتجوزت وعمرها 16 سنه يعني الموضوع مش محتاج منك كل العصبيه دي يا خالد ……
نادر وهو رافع حاجب باستهزاء واتكتف : مين اللي قالك ان عمرها 16 ريم عمرها 15 سنه
لف الجد وبص لنادر وهو فاتح عيونه : انت بتهبل تقول ايه ؟؟
نادر ببرود : مش بهبل اذا كان سلمى عمرها 13 سنه وريم اكبر منها بسنتين ازاي بقي عمرها16 فهمني وهو يضغط علي عيونه
الجد بقهر وعصبية مكبوته وشاور على نفسه : اناالنهارده سألتها قالت لي اولى ثانوي وشد على قبضة ايده يا فضيحتي بين الناس يقولوا جوز حفيدته وهي في السن ده اكيد فيها عيب
غمض عيونه بقهر وبعصبيه بعد ما فتحهم : انا سليمان شديد تكدب عليا قسم بالله لتندم الحيوانه
بس قاطعه صوت الزغروده العالي
………….قصص منه محمد……………..
بعد ما طلعت للاوضه وقفت شويه و بعدين غيرت رايها دلوقت الزوج الثلاثي يفكروها انها مقهوره منهم بس والله لا تقهرهم ونزلت للصاله تتغنج في مشيتها
دخلت الصاله واطلقت الزغروده العاليه كل الموجوين بصولها وعلى راسهم علامه استفهام
دخلت وهي بترقص وتتمايل وتغني وبعدها لفت لعصمت وبدلع : باركي لي يا عجوزه النار وسبلت رموشها بدلع اتخطبت
عصمت بصتلها بشماته زي ما توقعت وبعدها كشت فيها: يا مخبوله ايهاب سابك وخطب الحلوه نسرين
نجوي بشماته : خليها يا حماتي تحلم ههههههه
ريم بصتلهم بتعالي وبابتسامه نصر : ومين قال لكم اني اتخطبت لايهاب وكشيت عليهم بدلع وهي تتمايل انا كتبت على زيزو خطيبي وسبلت عيونها بدلع
وبعدها بصت لنسرين ولعبت حواجبها :متفكريش نفسك انك اخدتي ايهاب يعني شئ كبير و بدلع تؤتؤ يا حلوه خليها حلقه في ودنك دايما بقايا الذئاب لا تأكله الا الكلاب
وبعدها بلعت ريقها لما سمعت جدها يصرخ باسمها ربنا يستر، ما حبيتش تظهر خوفها قدامهم دخل جدها وعيونه النار طالعه منهم وبصريخ : انا تكدبي عليا انا
قربت منه وقلبها طبول من الخوف وبابتسامه : تعال نتفاهم فالمكتب ربنا يطول في عمرك وغمزت له من غير ما حد يشوفها بمعنى بلاش تحرجني قدامهم
بصلها بقوه كان عاوز يتكلم بعدين سكت لثواني وبعصبيه : ورايا عالمكتب بسرعه وبعدها طلع اتنفست براحه
لفت وراها وهي بتدلع : باااااااااااي وغمزت لعصمت وطلعت بسرعه ودخلت المكتب من الباب الي وراه
دخلت ورجع قلبها كطبول لما شافت نظرات جدها الناريه شاور لها تقعد
قعدت بهدوء وبصت لجدها اللي كان واقف عند كرسي المكتب سألها بحده :انتي في سنه كام يا ريم ؟؟
ريم باستغراب وجاوبت بهدوء : اولى ثانوي
نطت على صرخته : كذااااابه
وقرب منها ووقف قصادها وبحده انا هكرر السؤال مره تانيه : انتي في سنه كام يا ريم ؟؟
رفعت راسها و باستغراب : اولى ثانوي
ما حسيتش إلا بالقلم على وشها وكرده للفعل حطيت ايدها على خدها
جدها بعصبية : ليه تكذبي عليا ليه مفكراني عيل تضحكي عليه وشد على اسنانه بقوه لاخر مره بسألك انتي في سنه كام يا ريم ؟؟؟
حست بالدموع هتخنقها فضلت تردد شعرها في الحياه طنش_ فنش_ عش_ تنتعش _ونزلت ايدها عن خدها ورفعت راسها وبصت لجدها بثقه : اولى ثانوي
ما حسيتش الا بايده على خدها التاني حطت ايدها على خدها وبصتله وعيونها لمعت بالدموع
جدها بعصبية وبصلها بحده : ليه تكدبي عليا لييييه وانتي عمرك 15 وانا المغفل اللي فكرتك 16 اجلت الفرح 3 سنين علشان يبقي عمرك 19
وبتهديد حالا تغوري من وشي قبل ما ارتكب فيكي جريمه
اخدت نفس وقربت منه بخطوات وهي مقرره تبيع كل الاحساس اللي عندها ابتسمت ومسكت ايده وهي بتدلع : اهون عليك ترتكب فيا جريمه ياشايب وسبلت عيونها بدلع
بصلها الجد ونفض ايده منها بعصبية : شايب في عينك وبحده انا مش طايقك اتلاشيني وابعدي عني متفكريش انك لما جيتي هنا ضحكت معاكي انك غاليه . تبقي بتحلمي انتي بالنسبه لي مجرد حفيده دخلت علينا بالغصب ومجبورين نربيكي بس …وافهمي انك مهما عملتي مستحيل توصلي لدرجة احفادي مستحيل وبصلها بحقد
صحيح هي قررت تبيع الاحساس اللي عندها بس ده مجرد كلام لانها بشر وعندها احاسيس ومشاعر يمكن تطنش احساسها ومشاعرها اما تتخلي عنهم مستحيل وبصت في الارض
كلامه وطريقته معها كانت جارحه جدا ليه يقولها الكلام الجارح ده؟؟؟
ايه الفرق بينها وبينهم ؟؟؟
ليه بيكرهوها ليه؟؟؟؟
ايه ذنبها ؟؟؟
بس يستحيل تضعف طنشت احاسيسها ومشاعرها وبصتله وابتسمت بصعوبه : اذا وجودي مضايقك رجعني عند نادر اعيش عنده هو اولى يتحمل غلطته وابتسمت وعيونها لمعه بالدموع
الجد باستهزاء : هه نادر ولا كأنه ابوكي ؟؟ عموما اصلا ابوككككككي وشدد على حرف الكاف زمان اتبري منك قبل 6 سنين علشان كدا انا اتبرعت واتكفلت اربيكي
ليه كدا يا سيمو كنت حلو منتظره ر ايكم والأحداث الجايه نار وشرار مش هتقدري تغمض عيونك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
تعليق واحد