رواية وردة في المزبلة الفصل الستون 60 بقلم منة محمد

رواية وردة في المزبلة الفصل الستون 60 بقلم منة محمد

رواية وردة في المزبلة البارت الستون

رواية وردة في المزبلة الجزء الستون

رواية وردة في المزبلة الحلقة الستون

البارت 60
الجزء الثالث
ورده في مزبله
صفحتي قصص منه محمد
مشت وراها خالها وامها وما زالت كلمات احمد تتردد في ودانها لما خرجت امها من المستشفى همس لها وقال ( والله لتندمي وهعرف اكسرك قريب)
ما اهتمتش لكلامه ولا فكرت انه تهديده يبعد امها عنها ياااه للدرجه دي قلوب الناس قاسيه ومفيش رحمه ذنبها ايه يبعد امها عنها
علشان نادر نفخت بضيق وهي مصممه مستحيل تخليه يتشمت فيها ويحس بالنصر عليها وانه كسرها او انتقم منها راحت للعربيه وهي راسمه ابتسامه مزيفه وقربت من العربيه
وبصت لفارس بابتسامة ناعمه وهي حاسه بنظرات احمد عليها : مش عاوز تودعني يا فارس ؟؟
فارس ودموعه نازله حضن ريم بقوه وهمس : بحبك يا ريم
تردد صدى كلمه بحبك …بحبك…بحبك جوه قلبها قبل عقلها الكلمه دي شبه معدومه بقاموسها متخيلتش ان فارس بيحبها طول وقتهم خناقات
مسحت على شعره ونزلت لمستواه وهي حاضناه وهمست فودنه : وانا بحبك ياخويا وبجد هتوحشني وهفتقد وجودك جنبي عشان تحميني من آسر والي زيه

رفع راسه وهو يحضنها : وانا كمان
ريم…مشتاقه لهم قبل ما يسافروا اتعودت عليهم تقريبا اكتر من سنه وهي عايشه معاهم حبتهم
حست ان دموعها هتخونها وتنزل بعدت فارس عنها ومسحت على وشه بحنان : انتبه لنفسك يا بطل
فارس وهو بيعيط: انا كبير مالوش داعي توصيني علي نفسي انا الي لازم اوصيك على نفسك
ابتسمتلو وبصت ل امها اللي بتمسح دموعها
وقفت واخدت اختها من حضن امها وباستها وقرصت خدودها بخفه
محمد بجمود : خلاص يا ريم بلاش تأخريهم عن معادهم
بصتلو ريم ببرود وبعدها حولت نظرها
على احمد نفس النظره ما غيرهاش وكأنها اكله حلاله
وسيله اخدت البنت من حضن ريم وعطتها لساره

سلمت ريم على فارس وداع اخير وباسته على خده
وهي تبتسم ابتسامة زائفه ومن جواها قلبها طاير عاوزه تروح معاهم مش عاوزه تسيبهم لكن ما باليد حيله
احمد بجمود : يالا اخرتونا ما عنديش وقت (وعطى ساره نظره قويه )
وركب العربيه اضطرت ساره تركب العربيه هي وولادها
وريم واقفه تشاور بايدها تودعهم بابتسامة جميله
……………….
صحيت ريم من النوم فتحت عيونها بشويش
وفجأة فزت على حيلها لماافتكرت يومها في الجامعه
وقفت بسرعه واخدت الموبيل وبصت في الساعه
وعيونها زاد اتساعهم بصدمه شلولح مفيش وقت يادوب تلحق علي المحاضره
القت نظره سريعه على الغرفه كانت فاضيه
بنات خالها طلعوا على المدرسه
عقدت حواجبها باستغراب
ازاي ما صحيتش على اصواتهم وازعاجهم هزت كتافها وافتكرت الجامعه وبسرعه دخلت للحمام تجهز نفسها وتستعد
………………………

نزلت السلم وهي شبه بتجري
كانت لابسه فستان واسع فيه نقشه خفيف بالنسبه لبنات خالها محتشمه جدا وشها خالي من اي مساحيق التجميل في ايدها شنطه
وعيونها بشنطتها بتحط فيها الموبيل وعلامات العجله والربكه واضحه عليها
وصلت للصاله رفعت راسها بعد ما قفلت شنطنها
وردت السلام بستعجال على جدتها اللي كانت بتشرب قهوه
ريم: فين السواق اتأخرت على الجامعه
وسيله بهدوء كعادتها : الله يهديكي ليه ماتصحيش بدري او علي الاقل عرفيني كنت صحيتك عموما السواق واقف بره مستنيكي
ريم متنحه لجدتها وهي رايحه ناحيه للباب ما عندهاش وقت
لمحاضرات جدتها وكتبرير لتأخرها : راحت عليا نومه مش عارفه ازاي ما صحتش على صوت المنبه يلا سلااااام
وطلعت
بعد ما طلعت من الباب اخدت نفس عميق ،حست حياتها بدأت من اليوم لازم تعتمد على نفسها ما تنكرش انها اشتاقت لامها واخواتها بس ما باليد حيله
ضربت جبينها وجريت بسرعه باتجاه السواق ما فيش وقت للمشاعر
وصلت عند السواق اللي كان مستنيها بالعربيه
دخلت العربيه وهي بتنهج اخدت نفس طويل والقت السلام عليه
وبعدها القت نظرها برا الشباك تتأمل
للدنيا وتدعي ربنا يفتح لها ابواب الخير ويبعد عنها كل سوء
……………………………………….
وقفت ريم قدام باب الجامعه وشعور الفرحه يغمرها
لحد الان مش مصدقه انها واقفه على اول درجه من درجات طموحاتها باتجاه تحقيق احلامها
بصت في الساعه كانت 9.45 باقي ربع ساعه على محاضرتها توكلت على الله واخدت نفس ودخلت من بوابه الجامعه
كانت باصه حواليها وحاسه نفسها غريبه حاسه ان الكل بصصلها
ومستغرب من تواجدها لانها طالبه جديده
مع انه يمكن تكون نظرات البنات عابره وغير مقصوده لكن ده شعور اغلب الطلاب اول ما يدخلوا الجامعه بس مع الايام تعتاد على الجو وتحس انها جزء من المكان
راحت لقاعه المحاضره وهي تتأمل المباني والقاعات وتحاول تحفظ الاماكن كانت ماشيه بخطى واثقه
دخلت القاعه كان فيه بعض طالبات متواجدين بالقاعه قعدت ريم في مدرج ورا وحطت حاجتها جنبها
وقعدت تتابع بنظرها البنات اللي كان بعضهم متجمع ويتكلموا ويضحكوا ومنسجمين بالكلام وبعض طالبات زيها قاعدين لوحدهم
شعرت بنغزه على كتفها لفت وراها وابتسمت لما شافت سوسن
سوسن فتاه اتعرفت عليها ريم حديثا تاخد معها اغلب محاضراتها سنه اولى طب
عمرها ١٩ سنه متجوزه
سوسن قعدت جنب ريم : اخبارك يا حلوه ؟؟
ريم بابتسامة ناعمه وصوت رقيق : بخير ليه أتاخرتي؟؟

سوسن وهي تعدل قعدتها : اخرني جوزي وهو نايم ال رايح في النوم
كانت ريم تتأمل سوسن للي لابسه عبايه واسعه ومش ظاهر اي انش من تفاصيل جسمها فتاه منتقبه وعلامات الاصلاح والالتزام واضحه عليها
ريم بابتسامة : لعله خير
هزت راسها سوسن وهي ترتب كتابها
قطع عليهم دخول الدكتوره الي قالت السلام وبدأت بالماده على طول
ريم كانت منتبه مع الدكتوره وتكتب بعض الملاحظات على دفترها انتهت المحاضره وما حست ريم بالوقت
سوسن بضجر بعد ما طلعت الدكتوره : يا كرهي للانجليزي
ريم وهي ترتب كتابها رفعت راسها
وبصت في القاعه اللي بدأت تفضى من البنات : بالعكس ده حلو وسهل
سوسن : عندك بريك دلوقت ؟؟
ريم قفلت شنطتها ووقفت : اه عندي بريك وانت ؟؟
سوسن وقفت جنب ريم : عندي زيك بريك ايه رايك نقعد في المصلي بلاش كافتريا
هزت ريم راسها وراحت مع سوسن للمصلى
**********************
في المصلي
سوسن : يالهوي لسه فالبدايه وحسيت بالملل من الدراسه
ردت ريم : لسه فالبدايه وتقولي كدا!!
سوسن بضحكه ناعمه : هههه لو يسمعوني اهل جوزي واهلي غير يشمتوا فيا هيفرحوا بالقوي
ريم عقدت حواجبها : ليه يشمتوا ؟؟؟
سوسن : مش عاوزني ادرس طب يا ستي
اغلب المجتمع يعارضوا دراسه الطب للبنت ومش بيقبلوا بنتهم تدرس طب وخاصه العائلات المحافظه مش بتقبل بنتهم تدرس طب من باب الاختلاط وخاصه بالمستشفى
وفنفس الوقت لو مرضت واحده من حارمهم مايطلبوش غير دكتوره!!!!
ريم : وجوزك معارض ولا موافق ؟؟
سوسن : موافق ووقف في وش اهلي واهله
وقال مراتي يا عالم وانا راضي تدرس طب
قال مدام البنت محتشمة ومحافظة على نفسها ليه مش تدرس هي اولى من غيرها
ريم كانت تفكر وكأنها عرفت سبب حرص أمها على اخفاء امر دراستها لان اكيد نادر ابوها مش هيقبل بنته تدرس طب وخافت يتسرب الامر ويوصلو
بس مستغربه اسمها من الاوائل معقول اهل ابوها ما شافوا اسمها ما وصلهمش خبر نجاح

ها وكذبه دراسه الاحياء تتوقع انها ما مشيتش الا على بنات خالها
لانها بتحس بنظرات جدها واخوالها وحتى جدتها انهم عارفين حست بدوامه يعني اهل ابوها لو عرفوا بدراستها اكيد هيسحبوا اوراقها
حست اعصابها مشدوده مش على كيفهم يسحبوا اوراقها ومش عارفه تعمل ايه عشان محدش يعرف
اقنعت نفسها انه ما حدش عارف والا كان اهل ابوها حاليا سحبوها من الجامعه
قاطعها سؤال سوسن: انا مستغربه من حاجه !!
ريم رفعت حاجب : مستغربه ؟؟
سوسن بنظرات اعجاب ل ريم : ما شاء الله عليك
جميله جدا ازاي اهلك يقبلوا تتطلعي من غير ما تغطي وشك ؟؟؟
ابتسمت ريم اهلها ولايعرفوا الهوي عنها : عيونك الحلوه وبجديه ) ياريت البس زيك بس من سنين غرقت في البسين وبقي عندي ضيق تنفس يعني مااقدرش البسه مده طويله
قاطعتها سوسن : يعني كنت بتلبسي وبعد الحادثه خلعتيه
ريم ابتسمت : لا عمري ما لبست النقاب
سوسن عقدت حواجبها باستغراب : طيب ازاي عرفتي انك ما تقدريش تلبسيه لمده طويله ؟؟
ريم وهي بتحرك صوابعها على السجاده وكأنها بترسم : مش عارفه بس الدكتور وقتها قال كدا
سوسن : طيب ما تجربي وتلبسيه ؟؟؟ وبعدين مش كلشيء يقولوا الاطباء صحيح كل كلامه مجرد توقعات يمكن ما تتأثريش
ابتسمت ريم لسوسن من زمان بتفكر تلبس نقاب بس المشكله كانت امها رافضه الفكره بس دلوقت امها سافرت
هزت راسها والفكره فضلت تدور بعقلها : ان شاء الله قريب ألبسه
سوسن بفرحه : على خير ان شاء الله
ولنفسها مدام ريم تستقبل النصيحه اكمل معها وبصتلها
بابتسامه : غريبه يا ريم ربنا عطاك كل الجمال ده مش بحاجه تحطي روج و….
قاطعتها ريم وهي تبتسم على كلامها : بس انا مش حاطه حاجه
سوسن بعدم اقتناع : مستحيل
ضحكت ريم بصوت عالي : ههههههه والله مش حاطه حتي النهارده اتأخرت بس غسلت وشي للوضوء من السرعه
فتحت سوسن شنطتها واخدت منديل وقربت من ريم ومسحت شفايفها وبصت في المنديل مفيش عليه لون رجعت مسحت بقوه
بعدتها ريم وهي تضحك : ههههههه والله مش حاطه حاجه هههههههه.
سوسن بصدمه : بسم الله ماشاء الله ربنا يحفظك من العين لون الشفايف عندك حلو وكأنك حاطه روج
وهي تمثل الجديه : انتبهي تكوني موجوده لما يجي ياخدني جوزي ادبحك وابتسمت اخاف يشوفك ويحط عينه عليك ..وغمزت لها
ريم ابتسمت على كلام سوسن واخدت نفس قبل ما تتكلم

وبجديه : ما شاء الله عليك جوزك عنده الاخلاق والعقل ده وهيرضي يبدلك بكل ستات العالم ربنا يسعدكم سوي
سوسن حست ريم بتبالغ لانها شايفه نفسها مش قوي كدا لان ريم جميله بمراحل جنبها
سوسن : امين وانت ان شاء الله ربنا يوفقك ويحقق كل امنياتك
هزت ريم راسها
ورجعوا يكملوا كلام من خلاله اتعرفت على سوسن اكتر فتاه ملتزمه تحفظ القرآن كامل تحب الدعوه الى الله وتنصح كل الي حواليها راجيه ان بكلمتها تأثر على كل الي حواليها ولو بكلمه
وشعارها لان يهدي الله بك رجلا خير لك من حمر النعم
……………………….
حاطه الموبيل على ودنها ويرن
وبعد اربع رنات ردت امها بصوت ناعم : الو
ريم بابتسامة وحب لامها : ماما عامله ايه ؟؟ واخبار اخواتي ؟؟
ساره بشوق لريم : بخير يا بنتي والله مش نقصنا الا اننا نشوفك طمنيني دراستك ماشيه؟؟مرتاحه؟؟
ريم بهدوء تخفي شوقها لامها : الحمد لله كله بخير
كانت سامعه صريخ فارس وهو بيقولها ادهالي
ساره بضجر من فارس : خدي كلمي فارس عاوز يكلمك
ضحكت ريم : ادهولي
فارس بفرح : اهلا اهلا ريم وحشتيني اخبارك ياحلوه؟؟
ريم : بخير الحمد لله
فارس : تعالي عندنا
ريم بابتسامة : ليه عاوزني اجي عندكم ؟؟
فارس : علشان تشوفي البنات اللي هنا احلى منك بكتير انت جنبهم ولد اول ماجيت قلت لامي خلاص تتصل ببيت خالي وتقولهم مش عاوز شوق

انا هخطب من الحلوين دول
ضحكت ريم على تفكيره : ههههههه خلاص هروح اقول لشوق
فارس اتكلم بسرعه: لا لا متقوللهاش دلوقت تتضايق ولا حاجه ونكسر بخاطرها
ضحكت ريم بصوت عالي : ههههههههه انت واخد في نفسك مقلب ههههه
فارس يخشن صوته : تضحكي من غير سنان تصحي من غير ودان ليه الضحك ده ها ؟
ريم وهي بتمسح دموعها من الضحك : من الفرحه ان اخويا عاوز يخطب من الشقر
سحبت ساره الموبيل من فارس : روح العب برا ضيعت رصيدها على كلام شبه وشك
فارس باعتراض : ماما هاتيها عاوز اقول لها امر ضروري
طنشته ساره ورجعت تتكلم مع ريم وتتطمن عليها
**********************
يوم الجمعة حست بملل وضغوط من الدراسه
قررت تخرج مع بنات خالها تشتري من المول لبس جديد و بالمره تعدل شوي من نفسيتها المكبوته بين الكتب والجامعه طلعوا البنات وقعدوا بالمطعم
شوق لريم بنص عين : عاش من شافك يا آنسه ريم من ساعه ما دخلتي الجامعه انعزلتي ده اللي بيدرسوا طب مش زيك يطلعوا ويغيروا جو وانت دافنه نفسك مع الاموات قصدي مع الاحياء
منار ابتسمت : يمكن شافت نفسها علينا ايوه يا عم دخلت جامعه مش من مستواها بنات المدارس
ريم ابتسمت : بلاش تفسروا الكلام على هواكم تعرفوا الجامعه تعب ودراسة مش زي المدرسه
اسماء :لا انا حساك بتبلغي يعني اسمع من البنات يدرسوا بالجامعه يقولو انها سهله وشغل صياعه
ابتسمت ريم على تفكيرهم : وده كل اللي هامك الصياعه ؟؟
منار بتحقيق : منزلتلكيش محاضرات عند اساتذ مذكر؟؟
ريم رفعت حاجب : لا محاضراتي كلهم عند دكتورات ستات لله الحمد
شروق لوت بوزها : كتك خيبه غبيه لو انا مكانك محضرش الا عند دكتور وحليوه بحسهم بيفهموا اكتر ويشرحوا افضل
ريم وهي تصغر عيونها وقربت من شروق : لا اشطر يا فهيمه في ال،،،
وغمزت لها

ضحكوا البنات بصوت عالي
شوق : عارفه عيبك ايه يا ريم انت دايما كاشفه مطباتنا وطرقنا الملتويه
دقت ريم صدرها وغمزت لها : اعجبك حافظه حركاتكم عن ظهر قلب
فات الوقت والبنات مبسوطين
وقفت ريم واستأذنت تروح للحمام راحت ريم للحمام وفالطريق وقفها صوت
انثوي لفت وراها وعقدت حواجبها باستغراب
كانت بنت لابسه عادي اتكلمت بهدوء :لو سمحتي فين بوابه رقم ( ) ريم شاورت لها منين تروح
قاطعتها البنت : اذا سمحتي اخاف معرفهاش وأتأخر اكتر من كدا؟؟بقالي اكتر من ساعه بدور عليها ولا عرفت ممكن تساعديني ربنا يوفقك
اترددت ريم فالبداية بعدها هزت راسها ومشيت مع البنت بهدوء
بعد وقت وصلت عند البوابه : دي البوابه
البنت : يعني دلوقت اطلع اممم طيب الاقي فين عربيه السواق؟؟
ريم : انت تعرفي عربيتكم؟؟
البنت : ايوه اعرفها بس مش شيفاها موجودة !!
ريم بصت علي العربيات وشاورت لها جهه الشمال: شوفي هناك يمكن تكون موجوده
البنت : اخاف اروح لوحدي خلاص استني هنا المكان منعزل شوي
ريم باستغراب : طيب اتصلي بالسواق وشوفي موجود فين
البنت : اتصلت بيه ومش بيرد
ريم حست انها رزت نفسها بيها وفي نفس الوقت مش عاوزه تسيبها لوحدها : ايه نوع عربيتكم ولونها
البنت : نوعها ….. ولونها ……
ريم اخدت نفس وقلبها ناغزها : طيب امشي معايا نشوف هناك يمكن تكون موجوده
هزت البنت راسها وراحت ورا ريم للمكان
كان مكان منعزل شوي عن البوابه
ريم بدون ما تلتفت لوري
ظنت البنت وراها ومن غير ما تبصلها : طيب اتصلي على السواق مره تانيه
سمعت صوت نشاز تكره سماعه : ما فيش داعي
ومسك ايدها التفتت ريم بفجعه

وحاولت تسحب ايدها : سبني يا قليل الادب
…. بملامح جامده : امشي معاي من غير شوشره
ما تخافيش انا مش هعملك حاجه بس هتصل بأهلك واقولهم بنتكم طفشت معايا واحطهم قدام الامر الواقع واتجوزك غصب عن الكل زي ما عمل نادر
نرد لهم الحركه (وغمز لها )
وبحزم امشي معايا للعربيه ياعصفوره قلبي
حاولت ريم تفك نفسها وهي تشد على اسنانها بغضب ازيي انخدعت ومشيت عليها الحيله وصدقت البنت وبعصبيه : بقولك سبني ياحيوان
شد على ايدها : هه بالسهوله دي !!
في أحلامك يا ماما شهور وانا مرقبك وبلف وماشي وراك في كل حته ومستني الفرصه الي انفذ فيها مخططاتي امشي معايا شايفه المكان فاضي ولا هتقدري تهربي مني واصحابي بيرقبوا الوضع يالا ما تعكريش مزاجي عاوز اتصل بنادر وانا مروق
ريم بغضب جلي حست كل الكلمات تعجز عن وصفه : انت عاوز ايه يا بغل انت ؟؟؟ روح اتجوز من بنات عمك من بنات عم ابوك بس سبني في حالي
… ببرود : انا مش عاوزه اتجوز الا انت
وبعدين بنات خالك بعد الجواز مش عاوز اشوفك معاهم ااه انا راجل حمش
بصتلو ريم بغضب مصدق نفسه انه يتجوزها : فين رجولتك شايف بنات عمك يلفلفوا مع من هب ودب وساكت
قاطعها بدون اهتمام : مافي داهيه انا قلت لعمي سالم وعياله وقتها طلعوني عاطل وصايع واتبلي علي بناتهم وبناتهم اولياء الله الصالحين اصحاب الاخلاق العاليه (وبدون اهتمام )خليهم يتنيلوا ماليش علاقه
نفخت ريم بقهر اصلا علاقة سالم مع اخواته سيئه جدا وما فيش احتكاك بينهم
خيري اللي جامعهم بس قلوبهم متحامله على بعض
رجعت تسحب ايدها بعصبيه من الموقف : فك ايدي يا زفت حتى لو نفذت خطتك بأحلامك اتجوزك
ابتسم : مسكينه لما اتصل بأهلك وابلغهم انك طفشتي معاي وقتها اهلك غصب عنك هيجوزوكي ليا ويغطوا الفضيحه (وبسربعه) يالا امشي معنديش وقت ماتخلنيش اسحبك من شعرك
ريم افكارها مرتبكه مش عارفه تعمل ايه وازاي تطلع من الورطه دي وايه اللي خلاها تصدق البنت وتساعدها
بصت علي المكان بتفحص خالي وبعيد شوي عن البوابه
كان قلبها بيدق بسرعه غمضت عيونها لثواني
رغم ان فرصه نجاتها منه ضئيله لكنها
مستحيل تسمح له يدمر سمعتها ويحطم احلامها
رجعت تحاول تسحب ايدها
بس مش قادرة شادد عليها بقوه
ما فيش غير الطريقه دي
وبسرعة عضت صوابعه بكل قوتها

من الوجع فلت ايدها منه وريم استغلت الفرصه
وجريت تهرب بس كان اسرع منها كم خطوه كان ماسكها
وشد على ايدها وبعصبيه سحبها : من غير حركات عيال امشي معاي ومن غير فضايح والا وعز جلالله تعرفي لو صرختي وسمعك حد هفضحك
ريم وهي بتحاول تبعده وصرخت بصوت عالي ماهمهاش اهم حاجه تفلت منه : الحقوووووووووووووووووني
الحقووووووووووووووووووووووووووني
أسر وهو بيحاول يسحبها ومشغول وحط ايده على بؤها يسكتها وفضل يجرها ناحيه العربيه : اسكتي محدش هيسمعك المكان فاضي
وبدون ما ينتبه على الشخص اللي قرب وعطاه بوكس بضهره
رفع ضهره مكان الضربه ولف وراه
وما شافش الا الضربات تنهال عليه والشتايم والسب
حسه نفسه خلاص كل جزء منه اتكسر الضربات متتالية وقويه
ومش قادر يرد ضربه واحده للشخص المجهول
بعد وقت من الضرب القوي رماه المجهول على الارض وبعصبيه
مخيفه : مفكر اعراض الناس لعبه عندك وتف عليه
التفت المجهول لريم وبعصبيه : انت غبيه ؟؟ جايه هنا لوحدك ؟؟ وفين اهلك ؟؟
ريم كانت باصه للموقف بصدمه وحاطه ايدها على قلبها اللي بيدق بقوه وحاسه نفسها
في حلم عمرها ماتوقعت يحصل معها الموقف المرعب ده
وخاصه أسر انه يسلط عليها بنت ويعمل فيها كدا
كان نظرها مركز على أسر اللي مرمي على الارض بدون حركه وسامعه كلام الشخص الغريب
حست صوته مألوف وتعرفه من قبل كدا
بس مهما كان ما تسمحلوش يتعدى بالكلام ويكلمها وكأنها من البنات المتسيبات
اخدت نفس وقلبها لسه بيدق من الموقف
كانت عاوزه ترد عليه وتوقفه عند حده بس
مش من طبعها ترد وتعبر راجل ماتعرفهوش وغريب عنها
كانوا رجولها مثبتين فالارض مش قادره تتحرك
المجهول بصلها وهي مثبته نظرها على أسر : تعرفيه ؟؟

ريم ساكته ونظرها مثبت على أسر اللي بدء يتحرك بشويش
حست قلبها نط بخوف لما اتحرك ورجعت خطوه لورا
وهي بصاله ووشها مخطوف ودموعها على وشك النزول ولا بصت علي الشخص اللي انقذها ولا ردت عليه ولو بكلمه
كانت بصه ل أسر اللي وقف بصعوبه وهي يترنح وتوازنه معدوم
مسح طرف بؤه من الدم ومشى من جنب المجهول وريم وقبل ما يتجاوزهم بص لريم بكره : بكرهك ولا عاد في قلبي اي محبه ربنا ياخدك اكيد الشحط ده هو الي رفضتيني علشانه
قرب المجهول منه كم خطوه يكمل عليه
بس أسر بخوف جري على رجل واحده بيعرج بعيد عنهم
نفخت ريم براحه وهي تحمد ربها انه نجاها من أسر
مش قادره تتخيل لو اخدها واتصل بنادر ايه هيكون موقفها حمدت الله اللي نجاها من البلطجي أسر لفت نفسها راجعه للمول تسيب المكان
اللي للحظات كاد انو يحطم كل حياتها
عدت من جانب المجهول ومن غير ما تبصلوا
او تعرف اي شئ عنه لأنه ولا يهمها
اتكلمت بصوت هامس وصل لاسماع المجهول : شكرا
…………………
دخلت المول وهي حاطه ايدها على قلبها وهو مازال بيدق بقوه مش متصوره ازاي فلتت من ايده بلحظات كان هيدمر حياتها
اخدت نفس عميق واتصلت بشوق بصوت هامس وحست حلقها ناشف : فينكم ؟؟ …..بعدين اقولك ………طيب جاي
قفلت الموبيل ومشت وهي حاسه بضياع خوف خلاص حرمت تطلع للمول من غير حد معها او لوحدها لازم يكون معها حد
راحت للدور التاني وماشيه بهدوء
وصلت لبنات خالها اللي صوت ضحكهم ملعلع
وقفت عندهم ووشها ما زال مخطوف
شروق : مالك وليه اتأخرتي؟؟؟
ريم : لا بس وانا رايحه للحمام طلبت مني واحده ادلها على بوابه ( ) وروحت معها ادلها
منار باستغراب : طيب البوابه قريبه مش بعيده وانت اتأخرتي وبعدين وشك مخطوف فيه ايه ؟؟
ريم اخدت نفس : استنيت معها لحد ما وصل سواقها
وبعدها روحت للحمام وانا طالعه شفت قط اسود في وشي خضني
منار طلعتها : حمد لله على سلامتك تعالوا نروح هناك
راحت ريم معاهم وهي ذهنها شارد
…………………………..
المجهول
كنت قاعد في عربيتي تعبان منتظر مراتي واخواتها دخلوا المول وفضلت في العربيه انتظرهم لحد ما يخلصوا كان المكان فاضي
لفت نظري حركه حواليا بصيت و شفت شاب ماسك ايد بنت ويسحب فيها وهي بتحاول تفلت نفسها شكيت بالموضوع نزلت ازاز العربيه اسمع بيقولو ايه
فهمت من كلامه انه عاوز يحط اهلها قدام الامر الواقع علشان يتجوزها
غصب عنهم والبنت رافضه وتحاول تهرب
صحيح من طريقتها انها بتكره الشخص بس فنفس الوقت عليها الغلط ايه الي جابها للمكان الي منعزل شوي اتغظت جدا من تقصير البنات فين عقلهم
يمكن ماسك عليها الزله ودلوقت بيهددها ،،نخوتي خلتني انزل واساعد البنت
نزلت بشويش بدون ما اعمل اي صوت وخاصه انه الشاب مشغول وهو يسحب فيها هربت منه بس لحقها ومسكها خلال ثواني
قربت منه بدون ما ينتبه لي ونزلت فيه ضرب كسرته تكسير اكره الشباب اللي ما عندهمش ضمير
سبته بعد ما لقنته درس عمره ازاي يتعدى حدوده مع بنات الناس
وقفت وشفت البنت كانت واقفه ومثبته نظرها على الشاب كنت متعصب منها فين اهلها منها
بس كانت ساكته ونظراتها مثبته على الشاب وكانها متجمده
بعد وقت قام الشاب وهو يمشي على رجل واحده

قبل ما يتجاوزنا بص علي البنت بكره وقال انه بيكرها ولا بقي يحبها
والظاهر انه ظن اني على علاقه مع البنت بس البنت ما ردتش ساكته
انا مش عارف قصتهم بالظبط
بعدها بصت البنت علي المكان وبصوت هامس اتكلمت كلمه واحده: شكرا
وراحت دخلت للمول
نفخت بضيق وقررت اروح اشوف مراتي واخواتها واطمن عليهم دخلت المول واتصلت عشان اعرف مكانهم بعد ما قفلت الخط روحت للمكان
اتفاجأت لما شفت البنت نفسها موجوده
صحيح الاضاءه ما كانتش قويه برا بس ملامحها واضحه استغربت منها ماشيه مع شله بنات اعوذ بالله من لبسهم وتبرجهم
واصواتهم وهما يدلعوا ويضحكوا بصوت مسموع في كل المول
كانت البنت متأخره عنهم ووشها مخطوف وللان علامات الخوف على وشها
طنشتها لاني معرفهاش واظن انها من
البنات اللي شغلهم يلفوا في الشوارع مش لاقين اهل يربوهم ورحت لمراتي واخواتها
#################
رايكم مهم؟؟
ياتري مين المجهول حد نعرفه؟؟
وياتري أسر جراله ايه ؟؟؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية وردة في المزبلة)