رواية خطوبه الندامه الفصل الأول 1 بقلم إيمان شلبي
رواية خطوبه الندامه البارت الأول
رواية خطوبه الندامه الجزء الأول
رواية خطوبه الندامه الحلقة الأولى
ومازال البحث جاري عنه ومش لقيااااه
-هو مين ده اللي بتبحثي عنه ياحبيبه بابا !
لفيت بفزع لمصدر الصوت وانا ببلع ريقي
-هه ااااه اسكت ياحج مش فرده الشراب بتاعتي ضايعه
رد بسخريه:
-ياحرام
رديت بتأثير :
-مش قادره خلاص إداري اني هم*وت وابقي معااااه
-مين هتموتي وتبقي مع فرده الشراب
-لا اعلم اين هو حد يدورلي علييييه حد يجبهولي بالقوه واديله ١٠٠ الف جنيه
رد بتأثير مصطنع :
-للدرجادي فرده الشراب غاليه عندك كده
هزيت راسي وانا بسند ايدي علي السور بتأثير :
-حد يوصله اني نفسيتي متبهدله اوي حالتي تخض
-لا الف لا بأس عليكي
-ده بقالي اسبوع بحاله عماله أكلمه يابابا ومش بيرد !
-فرده الشراب
-توء فرده الجزمه اللي مخطوباله
حط أيده علي كتفي وهو بيبتسم ابتسامه خفيفه :
-وبعدين ياحبيبتي كملي
رديت بشرود :
-تخيل يابابا ؟!
تخيل أنه مخاصمني بقاله اسبوع عشان لبست الدريس الاحمر وكان ضيق سيكا
-سيكا!
-احم بصراحه لا ه هو كان ضيق كتير
-طب ما حقه يزعل
-ماشي يزعل يابابا مقولتش حاجه بس يعاتبني
انا مبحبش القس*وه والبعد
-طب وانتي محاولتيش تكلميه؟!
-حاولت كتير جدا جدا بس هو مش بيرد
مسك ايدي وبصلي بحنان :
-تحبي أكلمه انا؟!
هزيت راسي بنفي :
-لا يابابا انا معملتش حاجه تستدعي الزعل ده كله
وحتي لو عملت مش من حقه يختفي من غير ما يعرفني
يعاتبني ،يتكلم معايا بهدوء ويفهمني،ياخد وقته في الزعل بس حتي وهو زعلان يسأل عني يحسسني أني فارقه !
يابابا ده كأنه ما صدق
-طب وبعدين ؟
-معرفش ،انا فعلا محتاره
اتنهد وهو بيحسس علي شعري بحنان :
-خلاص انا هتصرف
-هتعمل ايه؟
-ملكيش دعوه انتي انا هتصرف
هزيت راسي وانا بحضنه بأمان :
-ربنا يخليك ليا يارب
خرج من البلكونه وانا كمان خرجت ودخلت علي اوضتي مسكت الفون وانا ببص عليه بحزن وبفتكر اللي حصل من اسبوع
فلاش باك
-هو انا مش قولتلك ميه مره بلاش الفستان ده !
-ماله بس الفستان ياحبيبي
زعق في وشي :
-زفت علي دماغك ضيق
-لو سمحت ياخالد أنا مبحبش الاسلوب ده
-عنك ما حبيته
بصيتله بضيق وانا بجز علي اسناني من غير ما انطق حرف
-ايه بتبصيلي كده ليه عايزه تديني قلمين
اخدت نفس طويل ورديت بهدوء :
-لو سمحت روحني
-يكون احسن برضو
وقف تاكسي وركب قدام وانا ركبت ورا وهو طول الطريق مكشر وفاتح الفون بتاعه عمال يتكلم مع حد معرفش مين
وصلت قدام البيت ونزلت وهو مازال باصص في الفون وكأني هواء لحد ما التاكسي اتحرك مره تانيه
باك
فوقت من شرودي علي صوت الباب اللي كان بيخبط
-ادخل
دخلت ماما وهي بتقرب مني :
-ممكن اتكلم معاكي شويه
-طبعا اتفضلي
قعدت علي طرف السرير وهي بتبصلي وبتقولي بعتاب :
-ليه محكتليش
رديت باستغراب :
-علي ايه ؟
-انك متخانقه مع خالد ،ليه كاتمه في نفسك بقالك اسبوع
رديت بصوت مبحوح :
-محبتش ادوش دماغك بتفاهاتي
ردت بذهول :
-تدوشي دماغي ايه ياعبيطه انا امك مش واحده صاحبتك !
-عادي ياماما الموضوع مش مستاهل
-لا طبعا مستاهل ونص كمان لما يفضل خطيبك اسبوع بحاله ميتكلمش معاكي يبقي مستاهل
رديت بتأكيد :
-مع أن أصلا الموضوع مش مستاهل يعمل كده
-وده ملفتش نظرك لحاجه؟
-حاجه زي اي ياماما
-انه بيتلكك
-طب وبعدين ياماما هنعمل ايه
-ابوكي قالي هتصرف بس انتي عارفه أن ابوكي يومه بسنه
-طب نعمل ايه ؟
-معاكي رقم الحربايه امه
-اه
-هاتيه اكلمها
-هتقوليلها ايه
-هسألها عن ابنها ،عايزه اعرف البيه مختفي فين
لو مش عايز الجوازه ديه يبقي ياخد شبكته وبالسلامه
انما مش هنفضل قاعدين حاطين ايدينا علي خدنا مستنين الفرج !
رديت بتوتر :
-ايوه بس احنا من ساعه الخطوبه واحنا بنحاول نتجنب الست ديه لو كلمناها هتقولك وانا مالي وهتحرقلك دمك
ردت بعصبيه:
-يعني ايه وهي مالها مش ابنها ده؟!
-خلاص ياماما اتفضلي كلميها وافتحي الاسبيكر
اخدت مني الفون ورنت عليها وانا قاعده علي اعصابي من الخوف والتوتر
-الو
-خطيبه ابني عاش من سمع صوتك ياحبيبتشي
-لا ياأم خالد انا امها
-عاش من سمع صوتك برضو ياحبيبتشي
ماما بهمس :
-ست بيئه
-خير ياأم تاليا فيه حاجه ياحبيبتشي
ماما بغيظ :
-اولا انا مسميش حبيبتشك انا اسمي مروه
ثاني حاجه اه فيه
ابنك بقاله اسبوع مختفي لا حس ولا خبر خير أن شاء الله !
شهقت شهقه بيئه وهي بتاكل لبان بطريقه مستفزه :
-وانا ايش عرفني ياختي
ماما بعصبيه:
-هو مش ابنك ده ولا ابن الجيران
-بقولك ايه ياحبيبتشي انا عندي مشوار مهم ومش فاضيه للكلام الفاضي ده
قالت كلامها وقفلت الفون في وش ماما اللي كانت قاعده هتفرقع من الغيظ
-انا معرفش كان فين عقلي أنا وابوكي لما وافقنا علي الجوازه المطينه ديه امه ست بيئه وأبوه طفشان منها ومن عمايلها ومتجوز غيرها وابنهم مفكر نفسه توم كروز بروح خالته !
-ياماما احنا مالنا بأهله خالد كويس والله بس….
قاطعتني بعصبيه:
-انتي كمان بتدافعي عنه بعد اللي بيعمله
وبعدين ياختي كويس من اي اتجاه ؟!
ده بيدفعك حق الاوبر اللي بتركبيه ،ده بيخليكي تدفعي في الكافيه حق المشروب اللي بيطفحه
ده بخيل ومعفن ،يابت ده لما بيجي يزورنا مبيدخلش بكيس فاكهه في أيده بلا خيبه وتقوليلي كويس
انا مبرضاش اتكلم معاكي عشان متزعليش بس لحد هنا وكفايه بقي
الدموع لمعت في عيني وانا برد بعصبيه:
-خلاص ياماما كفايه بقي انا وخالد بنحب بعض والمواضيع ديه مش بتفرق معايا
ضحكت بسخرية وهي بتقوم:
-اه بيحبك لا واضح فعلا الحب كتك نيله علي خيبتك هتفضلي طول عمرك فقريه ،اتقدملك احسن منه مليون مره بس انتي اللي وش فقر
قالت كلامها بعصبيه وخرجت من الاوضه وانا ببص لآثرها بحزن ودموعي علي خدي
اتنهدت بضيق :
-استغفر الله العظيم واتوب إليه
شويه والفون بتاعي رن
اول ما شوفت رقمه رديت بلهفه
-خالد
-امك كلمت امي ليه
رديت بذهول :
-يعني ايه ليه ،خالد انت مش ملاحظ انك مش بتكلمني بقالك اسبوع !
-ايوه وده ايه علاقته
-هو ايه اللي ايه علاقته
-انتي عايزه ايه يابنت الناس
رديت بعصبيه:
-هو في ايه ياخالد أنا عملت ايه لكل ده ؟؟
اتنهد ورد بعتاب:
-يعني مش عارفه انتي عملتي ايه؟
نبره صوتي اتخنقت بالدموع :
-خلاص عارفه اني غلطانه بس مش لدرجه تفضل اسبوع متتكلمش ولا تعرف عني حاجه انت كأنك ما صدقت ياخالد
رد بهدوء :
-طب خلاص متعيطيش
عيطت اكتر وانا بحط ايدي علي بوقي بحاول امنع صوت شهقاتي
-خلاص عشان خاطري متعيطيش انا اسف
رديت بصوت مبحوح :
-م ماشي
-طب وحشتيني
ابتسمت من بين دموعي بخجل :
-و وانت كمان وحشتني اوي
-طمنيني عليكي
رديت بعتاب :
-بسببك نفسيتي زي الزفت ياخويا
-خلاص بقي حقك عليا
-لا معلش مش هتراضي بكده
-طب اعمل ايه يرضيكي ؟
-عايزه اشوفك
-مش معايا فلوس
اتحرجت من رد فعله :
-ا احم مش مشكله انا بس عايزه اشوفك ح حتي لو نتمشي علي البحر
رد بضيق :
-لا مبحبش اتمشي علي البحر لو ننزل نقعد في كافيه بس انتي اللي تعزمينا بقي
رديت بزعل من جوايا :
-ماشي
-تمام ساعه ونتقابل في ****
-تمام
قفلت الفون معاه وقومت لبست وانا من جوايا متضايقه من تصرفاته اللي بقت غريبه
بقي شخص مختلف تماماً عن الشخص اللي عرفته زمان !
قبل الخطوبه مكانش بيخليني ادفع جنيه من معايا
كان اه بيزعل مني كتير بس عمره ما سابني يوم نايمه زعلانه
في حاجات كتير جدا اتغيرت في تصرفاته لكن للاسف انا بحبه
مهما حصل ومهما اتغير قلبي بيحبه وبيعدي وبيتغاضي عن حاجات كتير عمره ما تغاضي عنها مع حد غيره
خلصت لبس وخرجت لقيت ماما وبابا قاعدين في الصالون بيتكلموا بصوت واطي
-بابا انا هنزل بعد اذنك
-رايحه فين ياتاليا
فركت ايدي بتوتر وانا ببصلهم :
-هقابل خالد
ماما بسخريه:
-اخيراً البيه حن ورد عليكي
رديت بضيق :
-ماما لو سمحتي خلاص بقي
-خلصت روحك وروحه ياللي مفيش عندك كرامه و…
بابا وهو بيبصلها بتحذير وبيقاطعها:
-مرووه
-يلا مروه بلا زفت ،يخربيت دي جوازه علي اللي عايزنها
-انا نازله يابابا عن اذنك
روحت نحيه الباب وقبل ما اخرج قالتلي بسخريه:
-متنسيش تبقي تدفعي حق الاوبر والكافيه ياهبله يابنت الهبله
اخدت نفس طويل وانا بحاول معيطش ونزلت طلبت اوبر وشويه ووصلت قدام الكافيه
-الو انت فين ؟
-انا قاعد جوا في الكافيه وانتي
-طيب انا داخله
قفلت الفون ودخلت لقيته قاعد وقدامه فنجان قهوه وطبق مولتن
قربت منه وهو بيبصلي بنظرات غريبه ومريبه
قعدت وانا ببصله بعتاب :
-اهون عليك متكلمنيش كل ده ؟؟
بلع المولتن اللي في بوقه ورد بضيق :
-خلاص بقي ياتاليا قولتلك حقك عليا
بصيتله بضيق :
-تمام بس لو سمحت الموضوع ده ميحصلش تاني
-ان شاء الله
سكت لحظه وانا ببصله وهو بياكل المولتن وبيلحس الشوكلت اللي كانت في الطبق بشكل مقزز في الحقيقه
بصيت حوليا بأحراج وانا ببلع ريقي وبدعي ميكونش حد شاف اللي عمله …
سرحت شويه وانا بفتكر اول مقابله ما بينا وقد ايه كان شخص جنتل وراقي مختلف تماما عن الشخص اللي قاعد قدامي وكأنه اتبدل
-هييي روحتي فين
-هه انا معاك
-بقولك امك كلمت أمي قالتها ايه
رديت بضيق :
-كانت بتسألها عنك بس امك قالتها مش فاضيه للكلام الفاضي ده و قفلت في وشها الفون
رد بلا مبالاه:
-معلش تلاقيها مش قصدها
-مش قصدها ايه بقولك قالتلها مش فاضيه للكلام الفاضي ده وقفلت في وشها !
-طب خلاص ياتاليا اعمل ايه يعني اتخانق مع امي عشانك استغفر الله العظيم ياربش
اتنهدت بضيق وانا بهز راسي بنفي :
-انا مقولتش كده اكيد بس …
قطعت كلامي لما الفون بتاعه رن وهو اول ما شاف الرقم اتنفض من مكانه وقفله من الجنب علي طول
رفعت حاجبي وانا ببصله من غير ما انطق حرف
بصلي بتوتر :
-ايه مالك
سندت ايدي علي الطربيزه وانا ببصله بشك :
-لا انت اللي مالك اتوترت ليه لما الفون رن ؟!
-هه لا لا متوترتش ولا حاجه
-طب مردتش ليه
هبد علي الطريبزه وهو بيزعق بصوت عالي علي آثره التفت كل اللي كان في الكافيه
-ما خلاص انتي هتحققي معايا ولا ايه
هزيت راسي بأحراج والدموع بتلمع في عيني :
-لا ياخالد ،يلا نمشي
-احنا لحقنا نقعد عشان نمشي
-اه يلا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خطوبه الندامه)
تعليق واحد