روايات

رواية وردة في المزبلة الفصل المائة والثالث عشر 113 بقلم منة محمد

رواية وردة في المزبلة الفصل المائة والثالث عشر 113 بقلم منة محمد

رواية وردة في المزبلة البارت المائة والثالث عشر

رواية وردة في المزبلة الجزء المائة والثالث عشر

رواية وردة في المزبلة
رواية وردة في المزبلة

رواية وردة في المزبلة الحلقة المائة والثالثة عشر

البارت 113
ورده في مزبله
احلامي بلون السعاده
الجزء الرابع
قصص منه محمد كاتب
وبعد شوي جات جودي عشان تطمن عن فرحه ولورا طلعت هي وسليم يستنوها برا
جودي وهي أأعده جنب فرحه : فرحه عاوزه اقولك حاجه
فرحه : ها قولي
جودي : فرحه انتي حامل
فرحه وشها اتغير : ليه
جودي : بس سؤال قلت يمكن الدوخه من الحمل
فرحه : لا حبيبتي انا مش بفكر بالحمل ابدا اصلن ( كانت عاوزه تقول انها مانعه سليم انه يقرب منها بس ماقلتش ؟
جودي منتظره التكمله : واصلن ايه
فرحه : ها ولا حاجه ..بس مش بفكر فالحمل الا بعد الجامعة
جودي: اهااااااا
فرحه : بس ليه السؤال غريب
جودي : لا بس بسأل عادي

 

 

طيب قومي عشان تغيري هدومك تحبي اساعدك لو تعبانه
فرحه : لا الحمد لله دلوقت احسن
جودي : بس بالراحه لان دكتور آمير الحليوه موصي عليك بالراحه
فرحه : طبعا يا بنتي لازم يدلعوني
جودي: والله كفايه دلع جوزك عليكي كدا هتكبر دماغك علينا اكتر ما هي كبيره
فرحه ضربتها:يعني لازم تفكريني
جودي: بدماغك الكبيره
فرحه ضحكت: لاء بجوزي
جودي : فرحةةةةةةة بتتضربني ده جوزك بس انا الصراحه عايزه اقولك حاجه بس خايفه تزعلي
فرحه : لاء اكيد مش هزعل قولي
جودي : الصراحه جوزك ماشاء الله حلو ومز اوي واحلي منك الف مره
فرحه: مشكوره يا صاحبتي يا اعرر خلق الله
جودي: ايه ده انتي غيرتي
فرحه خبت غيرتها: لاء يا حبيبتي مغرتش ولا بدنجان
جدودي فاتحه عيونها : والله لو جوزي كنت قفلت عليه الباب ما خليتهوش يطلع من الباب
فرحه: وليه كل ده
جودي: لاء انتي بتستعبطي حد من البنات يخطفه منك يا هبله
فرحه تضحك باستهزاء : ههههههههه والله ياريت واحده تخطفه مني
جودي بتعجب : انتي بتهزري ولا بتتكلمي بجد
فرحه : لاء بتكلم من بؤي وبعدين الراجل حسب شخصيته ..ما ينخافش عليه حتى لو بين مليون واحده
جودي: لا انت لزملك قاعده
فرحه : يوه خلاص قبل المحاضرة بتاعتك يله خليني اقوم اللبس
……..قصص منه محمد كاتب…..
ع العصرفرحه راحت بيتهم مع سليم
سليم عامل مفاجاه لفرحه : اتفضلي علي اوضتك ترتاحي
فرحه شافت الغرفه متزينه و التربيزه كلها شموووع و كيكه بالشكولاته..
وسليم معطر الغرفه بريحه القرنفل
فرحه بنبهار : ايه ده
سليم بغمزه: ايه رايك
فرحه بتحب الشموع جدا بس ما بينتش لسليم : الصراحه كل حاجه حلوه
سليم قرب ومسك ايدها : انتي الاحلى يلا اتفضلي ااعدي وقطعي الكيكه
فرحه أأعدت : بس ايه سبب المفاجأه
سليم: المفاجأه اني عرفت اني ما اقدرش اعيش من غيرك يوم واحد يا فرحتي وانتي في بيت خالك والله ماقدرت انام .. خلاص اتعودت عليكي وبقيتي جزء من يومي ..والشموع دي بتعبر عني
فرحه استغربت : ليه
سليم ابتسم : انفخي فالشموع وانتي تعرفي
فرحه نفخت وشافت الغرفه ظلام دامس : اميييي الاوضه ضلمه
سليم: شايفه ايه دلوقت
فرحه : والله ماشايفه غير اوضه ضلمه
سليم قام فتح النور : هي دي حياتي كدا من غيرك ضلمه زي الاوضه ( مسك ايدها )) وانتي النور اللي بينور حياتي وقلبي ..فرحه انتي كل شيء بالنسبالي .. ما تفكريش في يوم انك تتخلي عني
فرحه ما قدرتش تقاوم الرومانسيه .و بتحاول تسحب ايدها .. بس سليم مسك ايدها بالقوه
فرحه لفت الناحيه التانيه بوشها مكسوفه
سليم : فرحه انتي لسه مُصره انك تجافيني

 

 

فرحه لفتلو تاني
سليم حط ايده ع وسطها وقربه منه اوي: مالك يا قلبي
فرحه تتامل سليم : مش عارفه مالي
سليم: انتي لسه محتاره بين ماضيك وحاضرك ..والامر ده انا عارفه ومتاكد منه
فرحه : سليم غير الموضوع الله يخليك
سليم : من عيوني يا عيوني يلا قطعي الكيكه
فرحه : انت قطع الكيكه احسن مني
سليم قطع الكيكه :اوك بس ممكن ااكلك
فرحه : لا
سليم : بس حته صغننه عشاني
فرحه : لا يا سليم
سليم : ممممممممم عشان اغلى ناس عندك الي هما اهلك
فرحه : عشانهم هاكل حته صغيره
سليم: ولا يهمك .. بس أأكلك
سليم ماسك الشوكه وهو بياكل فرحه
وفرحه مبسوطه بس مكسوفه
سليم : فرحه قولي امين
فرحه: ليه
سليم: قولي بس امين
فرحه : امين
سليم : ربنا ما يحرمني منك ياعيون سليم
فرحه جات تقوم : يلا مش قادره خليني انام بكره كتب كتاب هند
سليم : استنيي
فرحه فكرته هيقولها متحضرش كتب الكتب لكن اتفاجات لما قالها
سليم : استني انا لسه عندي هديه صغيره ما فتحتيهاش
فرحه شهقت : لا كمان هديه
سليم راح جاب الهديه مغلفها بطريقه حلوه وعلى الغلاف كمان وروود صغيره : اتفضلي
سليم : افتحي يا عمري
فرحه فتحت الهديه و تلاقي جواها
ساعة ماركه كلها بالالماس

 

 

سليم : ها ايه رايك بذوقي
فرحه اتجننت على الساعه لانها حلوه وعلى الموضه : واو حلوه
سليم : يعني ذوقي حلو
فرحه بدلع : امممم تقدر تقول كدا
سليم : الحمد لله الهديه عجبتك يلا بقي بكره البسيها مش زي السلسله اللي مطنشها
فرحه بابتسامه : خلاص بكره هلبسها
سليم خلاص اروح اجهز نومتي زي السناجل
فرحه: ههههههههههههه
سليم : يلا حبيبتي تصبحي على خير
فرحه وهي تحط الهديه عند الشموع : وانت من اهله
سليم وهو مغطي جسمه باللحاف
فرحه وهي على السرير : سليم
سليم : نعم يا حبي
فرحه : ميرسي على الهديه
سليم : العفو حبيبتي .. ده شويه عليكي
فرحه بتحاول تبعد عن سليم بكل قوتها بس برومانسيته وبرقته وبكلامه صعب تجافيه اكتر من كدا
……قصص منه محمد……..
رشاد طالع من غرفته
هند سمعت صوته طلعت تجري عليه: واو ما شفتش اللي شفته
رشاد بيعدل الساعه : شوفتي ايه يا ام الاخبار
هند : كدا طيب مش هقولك
رشاد: المشكله اخبارك لا تسر دايما شبه وشك اخلصي وقولي
هند : قلت مش هقولك
رشاد رفع كتافه : براحتك
رشاد وهو رايح اتجاه الباب
هند : ولا هقولك عشان اقهرك .. تعرف ان سليم جاب معاه باقة ورد كبيره حمراء لفرحه مراته .. بس شوف الجمال ماشاء الله عليه شبهه الممثلين الاجانب
رشاد شاف من هند نغزه حقد : انا ماكدبتش لما قولت عنك بومه
وطلع رشاد برا البيت يتصل بنوره ويخليها تسأل فرحه اذا كانت فعلا حامل ولا لاء من غير ما تعرف ان هو الي طلب منها تسألها
……………………………..

 

 

تسريع الاحداث
في بيت صقر بعد كتب كتاب هند
سليم واقف برا مستنيهم في العربيه رافض يدخل
ركبت لورا طبعا وراه وفرحه جنب سليم
سليم لفرحه : منوره
فرحه برقه : بنورين
سليم: هههه ها يا عمري ايه اخبار الفرح
فرحه: حلو وعادي بنفس الوقت لان محدش حضر
لورا: بس شفتي هند ازاي كانت متوتره
فرحه: اكيد تتوتر ..اول مره خطيبها يئعد جنبها هههه
سليم بتريقه : ياسلام طب فكره يوم كتب كتابنا الصراحه انتي ما قصرتيش ماعطيتنيش وش ولا اي منظر .بس بعد كتبت الكتاب كنتي حلوه لاني اتجوزتك ياقمر
فرحه : غلس
لورا تضحك : ههههههههه بس بقي ياسليم طبع منيل
سليم لف للورا : اوووه انتي طلعتي منين
لورا: من الفانوس
سليم ابتسم: اصل نسيتك فكرتك مش موجوده واخدت راحتي
الكل: ضحك
سليم وقف عربيته ..قدام البحر
فرحه : ليه وقفت العربيه
لورا وهي ماسكه قلبها : اوعي تقول العربيه باظت ..واااااااا فضيحه
سليم : اسم الله على عربيتي انتي وشكلك ما تفاوليش عليها
لورا : طيب ليه وقفت
سليم بخبث: انزلي شوي يالورا وانا هاخد لفه وبعدين ارجع اركبك
لورا : وليه ان شاء الله
سليم : عاوز اتغزل شويه في مراتي وانتي مقفله علينا ..احب فيها شوي وبعدين ارجع اخدك ها ايه رايك
فرحه ابتسمت .ع اسلوبه ورومانسيته
لورا : سليم الله يباركلك ما تتفلسفش علينا وتعمل دلوقت روميو على اخر زمانك.. عاوز تتغزل في مراتك حبيبي اتغزل فيها في اوضتكم لحد ما تشبع
فرحه وشها احمر جدا
سليم : ههههههههههههه .. عاوز كل دقيقه من حياتي اتغزل في فرحتي دنيتي.. حبيبني ال……
لورا صرخت : بس بس بس انت بتكمل شكلك نسيت اني موجوده
سليم : اففففففففف انتي فصيله
لورا : لاء انا محرم ليكم حبي
………………………
……………………………………..
مي شافت عماد يقرء الجريده
مي : الله الله على المثقف
عماد يبتسم : يعني متعرفيش اني مثقف وبحب اعرف الاخبار
مي : والله طب اسمع اخر اخباري
عماد: قولي ياختي اخر الاخبار .. يعني انتي بقيتي اخبار متنقله
مي : هههههههههههه .اه ايه رايك يا عمري بكره نعزم سليم وفرحه على العشا برا في مطعم شيك كدا وابن ناس
عماد :يا سلااام علي الخطه تحسي فيها حماس .. بس صعبه اختي فرحه رايحه مزرعه بكره مع سليم سمعت سليم كان بيقول لجدتي كدا النهارده

 

 

مي: مممممممممم خلاص نخليها الليله
عماد : خلاص ولا يهمك
مي : خلاص روح اتصل بيها واعزمهم
عماد: طيب ماتعزميهم انتي مش انتي صاحبه الليله وهتدفعي
مي: لاء يا خفيف انا حطيت الفكره انما في الفلوس ولا اعرفك
عماد شد خصله من شعرها: تعرفي يا حبيبتي انتي الشيطان يقعد ويتعلم منك ويقولك شابو يا معلمتي
مي ضحكت اوي
عماد امري لله يا مفلسه هقوم اكلمها ناو
https://www.facebook.com/قصص-منه-محمد-كاتب-110808814814076/
وفي اليوم التاني
فرحه قامت قبل سليم وعلى طول راحت اتصلت بجودي لانها فرصه تكلمها عن رامز
جودي كانت قاعده تتفرج علي التلفزيون
لقت موبيلها بيرن : اهلا فروحتي
فرحه : اهلا بيك ..كنتي نايمه
جودي : لا صاحيه.. من بدري
فرحه : طيب عاوزه اكلمك في موضوع
جودي: خير
فرحه: خير طبعا انتي تعرفي رامز ابن عمي ايهاب شديد
جودي قلبها دق : اه مالو
فرحه : بيفكر يخطب واحده
جودي عيونها دمعت: طيب وانا ايه دخلني
فرحه : بيفكر في واحده من زمااااااان
جودي: اخلصي
فرحه: جودي بلاش عبط يعني عامله نفسك مش فاهماني
جودي : وانا ايه عرفني عاوزه تقولي ايه.. واحد بيفكر يخطب كويس وبعدين
فرحه : رامز يا حبيبتي من زمان بيحبك وبيفكر يخطبك
جودي : ها ايه مين انا
فرحه : ههههههههههه مالك
جودي : فرحه بتتمسخري عليا
فرحه : والله ما بتمسخر بتكلم معاك بكل جديه
جودي: بيفكر يخطبني انا وانتي ايه الي عرفك
فرحه: رامز كلم رشاد .. ونوره قالت لي المهم هو عاوز يعرف رايك اذا ما عندكيش مانع يجي يخطبك رسمي
جودي سكتت وسرحت
فرحه : بت روحتي فين

 

 

جودي بخجل : ممم مش عارفه
فرحه : انا هقفل وخدي راحتك يا حبيبتي ..وفكري كويس.. اذا موافقه عليه خاليه يروح يخطبك
فرحه قبل ماتقفل : علي فكره رامز ما يتعوضش
جودي..ساكته
فرحه بابتسامه : وانا متاكده انك موافقه سلام
جودي: سلام
جودي لامه ايديها الاتنين عند قلبها وبفرح تقول : معقوله يا رامز انت بتحبني وبتفكر فيا .. يعني نفس الاحساس بس عمري ما توقعت انك بتخطبني توقعت بس اعجاب
……. ..
سليم قام من النوم ومالقيش فرحه علي السرير
سليم وعيونه نص مفتوحه : راحت فين
سليم راح يغسل وشه
فرحه دخلت الغرفه
سليم طلع من الحمام :فرحه حبيبتي كنتي فين
فرحه : مممممممممم كنت بكلم جودي
سليم : ليه مالها
فرحه : مالهاش بس روحت اتكلم معاها
سليم : طيب ليه ما صحتنيش
فرحه : ما حبيتش ازعجك
سليم : حبيبيتي
فرحه : نعم
سليم : ايه رايك اليوم نروح المزرعه
فرحه مستغربه : المزرعه ليه انت عندك مزرعه
سليم : لا مش مزرعتي مزرعة واحد صحبي بس كأنها بتاعتي
فرحه : اها
سليم : ها رايك حبيبتي نروح هناك رووعه والله ماهتزقي ابدا من جوها البديع وفيها هناك حاجه كدا
فرحه : زي ايه
سليم : حصان
فرحه : انت عندك حصان
سليم : من زمان .. وبموت فيه
فرحه : والله انت بتركب حصان فارس مغوار كمان
سليم: اه حتي الحصان صحبي من زمان
فرحه : اسمه ايه
سليم : اسمه ( boss) ؟؟
فرحه : بوس

 

 

سليم : اه يعني الزعيم
فرحه : جميل
سليم : هناك ما تمليش وفيه كمان انواع تانيه من الحيوانات ها ايه رايك انا وانتي ولورا نروح
فرحه: ممممممممممممم
سليم: ها وافقي يا قلبي
فرحه : ليه لاء ..خلينا نشوف المزرعه والحصان عارف انا بحب الحصان جدا
سليم غمز: يعني نفس حبيبك
فرحه اتكسفت
سليم : طيب يلا نفطر وننوي ع الرحيل
فرحه : ماشي
سليم : اه وكمان المزرعه فيها غرف يعني زي الشاليه
فرحه : اها اوكي اروح اتصل بلورا
سليم : طيب انا هستناكي تحت نفطر اوكي ونتوكل
فرحه :اوكي
https://www.facebook.com/قصص-منه-محمد-كاتب-110808814814076/
مي راجعه من الكليه وبتتكلم ع الموبيل
مي: تمام يا ولاء سلمي ع مامتك كتير لاء انا لسه داخله اهو حاضر هتصل بيكي والله حاضر متزعليش بقي يله سلام وبتقفل الموبيل لقت بقع دم ع الارض شهقت بروعه وتابعت اثار الدم لحد ما دخلت ولقت عماد مرمي علارض والتي شيرت كله دم ومطعون في جنبه
مي جريت بخوف وتهز فيه: عماد عماد فتح عيونك ببكاء عماد ارجوك رد عليا مين الي عمل فيك كدا
مي جريت تتصل بالاسعاف وعماله تضرب ارقام كتير وايدها تترعش
مي مسكت دماغها وتعيط بحرقه: الاسعاف رقمها كام طيب اخرها ايه
عماد: 121 بس اوعي تتصلي انا بخير
مي: اه صح وبعدين بصتله ومبرقه عيونها وساكته
عماد قام قعد وحرك ايده قدام وشها: ايه يا بنتي بلعتي لسانك من الصدمه
مي مره واحده ضربته بالقلم
عماد قام مفجوع وحاطط ايده ع خده: ايه ده فيه واحده تضرب واحد مطعون مفيش رحمه مفيش انسانيه
مي بعصبيه: مفيش مسدس اطخك بيه واخلص من هبلك ومقالبك حرام عليك وقعت قلبي
مي شدته جامد : ازاي تعمل فيا كدا ازاي

 

 

عماد كشر: قولت اعملهالك مفاجأه بدل تكلفه هديه لعيد ميلادك وقلت يمكن بالمره اخد قبله الحياه بس اخدت قلم سقع
مي بتوعد وغيظ: هوريك حالا قبله الحياه
عماد بيجري منها في كل حته قبل ما تضربه بالدماغ
مي صرخت: ايه الي بيضحك في كدا يودوك الخنكه يا عماد
عماد: مبسوط انك بقيتي كوميديه
مي: هو انا كوميديه
عماد :اصلك خوفتي عليا اوي
مي بكت: اه لاني فكرتك اتقتلت ياعماد
عماد قرب منها وابتسم: طيب هتزعلي لو مت
مي: لاء طلاقا هرقص ياحمار
عماد :صدقتك يا متخلفه
مي: بس انت متعود تفاجاء الناس بالمقالب دي في يوم عيد ميلادهم
عماد: امال اعمل ايه معاهم
مي: فيه اختراع اسمه هديه تنشر ورد بدل الدم ياعماد
عماد: شفتي افكاري الذهبيه
ريم الي دخلت وشافت الي حصل و بتريقه عليه: انا رآي استخدم الذكاء في امتحاناتك لان فاضل اقل من شهر ونص على بلوتك
عماد بمزح:لاء انا بحب استخدم ذكائي فالاوقات اللي بحبها
مي اترمت في حضنها: شوفتي ابنك عمل فيا ايه يا ماما خدعني لاني مكتوب ع جبيني غبيه
عماد :انتي الي جبانه وبتخافي بسرعه وبعدين انا الحق عليا اني عايز احسسك بعيد ميلادك
ريم ضامه مي في حضنها: احنا مش هنبطل الجنان ده
عماد: ليه هو انا عمري هبطل
ريم بشمئزاز:وبعدين انت داهن التي شيرت ايه
عماد ابتسم ابتسامه واسعه :دي صلصله من الي جوه الثلاجه اخدت معلقه
ريم: كمان يابني حد يفجع مراته كدا بدل ما تشغلها موسيقه اي حاجه بدل الجنان ده
عماد: انتي قديمه جدا ياماما وده اخرك في الرومانسيه
مي: امال اخرك انت الصلصه والفجعه صح كدا
ريم: بس بجد عايزه اعرف جبت الفكره الذهبيه دي منين
عماد ابتسم بعبط: فتون
مي ضربته في كتفه: فتون مين
عماد: براحه فتون مع جان في مسلسل جواز مصلحه بس بدل ما ارشق سكينه زي جان واطفي النور قلت ادهن الفانله صلصه واتمدد علارض
ريم ضحكت: والله ده تسبيه وانتي الكسبانه
مي: اعمل ايه بحبه بقله عقله دي
عماد :اهو ع الاقل هسبلك جناني ميراث
اثناء كلامهم سمعه عربيه مالك بتركن
ريم زقته : طيب يله قوم نضف المكان قبل ابوك ما يشوفها ويعمل منك مسخ
عماد جري بسرعه ناحيه الحمام يجيب منظف يمسح جريمته
…….قصص منه محمد…….
فرحه وهي بتجهز لزوم فسحه المزرعه
سليم : ها يا عمري جهزتي الحاجه

 

 

فرحه : ليه احنا هنام هناك
سليم : تحبي كدا
فرحه : لا بس حبيت أسال
سليم : على راحتك انتي .. بس احنا هنروح اليوم لحد المساء ..ايه رايك
فرحه : اوكي
سليم: بقولك يا قلبي جهزي ملابس السباحه
فرحه رفعت راسها : بتعوم هناك
سليم : اه طبعا فيه حمام اكبر من الطشت هناك
فرحه : ههه اوكي .. بس ماعرفش فين هدومك
سليم : هنا في اخر درج
فرحه : اوكي
لورا بتخبط ع الباب : ادخل
سليم : طبعا تعالي
لورا: بقولكم ايه ناخد كذا صنف حلويات هناك
سليم : ليه حد قالك اننا بنفضل هناك اسبوع
لورا : ماتعرفش اني بموت على الحلويات
فرحه : خلصت انا جهزت كل حاجه
لورا: يلا بسرعه ما عنديش صبر
سليم : طب سد سد ده انتي رايحه ستين مره هناك اومال فرحه حبيبتي تقول ايه
لورا : اكيد هتحب المكان
فرحه: والله حمستوني ارووح ..وانتي يا لورا ما عندكيش حصان
لورا : مممممممم لا ياختي اخاف اركب الحصان مع اني بحبهم
سليم :طب يلا نروووح
فرحه وهي مجهزه الشنطه : يلا
……
رشاد يتصل بـ نوره
نوره : اهلا رشاد
رشاد : عامله ايه
نوره : بخير مدامك بخير
رشاد : بقولك يا نوره اتصلي بفرحه رامز فالق نفوخي عاوز يعرف رد جودي
نوره : خلاص حالا بتصل بيها وبرد عليك
رشاد : مستنيك .. بقولك نوره
نوره : خير
رشاد : سلمي عليها
نوره اتعصبت : رشاد الكلام ده كان قبل ما فرحه تتجوز … قبل يمكن اسلم عليها بس دلوقت اسمحلي مش حلوه
رشاد : انا بقي ولا بعتبرها انها متجوزه
نوره : انت ما تعتبرش يمكن بس الواقع يا رشاد بيقول انها متجوزه ومش عاوزاك تزعل مني بس الصراحه رجعت نفسي ولقيت حرام الي بعمله
رشاد اضايق: طيب طيب مش عاوزك تسلمي عليها المهم قوليلي رد جودي….اوكي؟؟؟؟؟؟
نوره : اوكي سلام
نوره فعلا اتصلت وعرفت من فرحه ان جودي وافقت ورشاد اتصل برامز وعرف انها موافقه عليه وفاضل يروح يتقدم لها
………………………….

 

 

فرحه وسليم ولورا وصلو المزرعه
سليم وهو ينزل الشنط
سليم نقر ع الشباك : ها حبيبتي ايه رايك في المزرعه
فرحه وهي بتشوف المزرعه : وااااااااااااااو حلوه جدا ماشا ءالله تحفه
لورا : المزرعه دي واسعه انتي ما شفتيهاش من جوه ازاي فخمه
سليم : تعالي يا عمري عشان اوريكي حصاني بوس
فرحه بابتسامه : يلا
سليم راح عند حصانه ..والحصان كان بلون البني ..
سليم : ها ايه رايك
فرحه: الله روعه
سليم : ده صاحب الطفوله بموت فيه فرحه تحبي تركبي الخيل
فرحه ترجع لورا: لا لا اخاف اقع
سليم : وانا كمان مخلكيش تركبيه اخاف يا عمري تقعي ولاني ( قرب منها وبصوت واطي ) بغير عليك حتى من الحصان مش عاوزك تلمسيه
فرحه اتحرجت : سليم بس بقي
لورا بغلاسه : انتو بتقولو ايه
سليم : اووووووووووه انتي هنا يعني مش هعرف اخد راحتي انا هتصل بحسن يرجع
لورا تضحك : هههههههههههههه
سليم : انا رايح اركب الحصان
لورا : لسه اصبر على الاقل نتغدى وبعدين اركب الحصان
سليم : وبعدين بعوم في الطشت يا سلااااام
فرحه : واحنا ان شاء الله جاين نعمل ايه نتفرج عليك
سليم : فيه جوه تلفزيون واللي تحبوه انا وصحبي مظبطين المزرعه
فرحه كرمشت وشها : يعني احنا جاين عشان نتفرج علي تلفزيون
سليم: اقولك تعالي اركبي الخيل تقولي اخاف خلاص البسي مايوه بكيني وتعالي عومي معايا في البسين
فرحه ضربت سليم علي كتفه : لا طبعا
سليم : ههههههههههههه حبيبي والله مكسوفه مني تعالي رايحه فين
لورا : سيبوكم من الهبل انا جعانه علي اخري
فرحه ابتسمت : فكرتيني باخوكي في السفر اربعه وعشرين ساعه جعان
سليم: طيب استري علينا

 

 

فرحه : هههههههههههه
…….https://www.facebook.com/قصص-منه-محمد-كاتب-110808814814076/
بعد ما اتغدو ..
لورا : الله من زمان ما اتغديتش في المزرعه ..الجو جميل
فرحه : ماشاء الله كل شئ موجود كل انوا ع الحيوانات
سليم : انت لسه ما شفتيش حاجه..هوديك كل الاماكن الي في المزرعه
سليم وقف: يلا عن اذنكم
لورا : رايح فين
سليم : رايح عند الخيل
لورا : لسه واكل.. على طول تركب الخيل مش كويس
سليم : لا مش هيحصل حاجه
لورا : طيب بس براحه انت من مده ما ركبتش الحصان يمكن مش متعود عليه
سليم : عيب عليك .. boss متعود عليه
فرحه : دلوقت الحصان بقي الزعيم
سليم :طبعا ياقلبي .. ده الزعيم ونص انتي اتفرجي عليا وجري
لورا : طيب ادينا قاعدين نشوف
سليم : يلا بسرعه ركزو
سليم وهو على الحصان ومبسوط والحصان فالبدايه كان يمشي براحه
فرح ولورا واقفين برا الحاجز : ها ايه رايك في المزرعه
فرحه : والله جميله ..اانتي ليه ماركبتيش الحصان
لورا : اخاف اقع.
سليم وهو راكب الحصان : شوفو هعمل ايه انا
لورا : ايه
سليم : شوفو حصاني العزيز ازاي بيرمح وهاخليه ينط بين الحواجز ..
لورا بخوف: لا يا سليم من زمان ما ركبتش الحصان .. لازم على الاقل يدرب
سليم: بس ده البوووس
جث سليم الحصان ينط بين الحواجز وسليم مع الحصان كأنه واحد من الفرسان ..
سليم يحك ايده : هووووووووووو واااااااااااااااو
لورا :تجنن يا سليم
فرحه صفرت : ههههههههههههه
الحصان وهو ينط بين الحواجز ولا فــجــــأه
########
رايكم مهم وتعالوا نعيش اجمل رومانسيه وشقاوه مع فرحه ومي وعماد ومقالب جميله

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية وردة في المزبلة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى