رواية وردة في المزبلة الفصل المائة والواحد وعشرون 121 بقلم منة محمد
رواية وردة في المزبلة البارت المائة والواحد وعشرون
رواية وردة في المزبلة الجزء المائة والواحد وعشرون
رواية وردة في المزبلة الحلقة المائة والواحدة وعشرون
البارت 121
ورده في مزبله
احلامي بلون السعاده
قصص منه محمد كاتب
سليم راح يقابل اشواق زي ما قال لفرحه عشان ينهي موضوعها للابد .. لان اشواق متعلقه بيه جدا ومستحيل تسيبه بسهوله واتصل بيها واتفق معاها علي مكان واشواق كل اعتقدها ان سليم حبها او عاوزها
سليم كان في المكان قبل المعاد بدقايق .. ااعد ينتظرها ويفكر بالكلام اللي هيقوله ليها.
اشواق بعد ما اتشيكت نزلت
وراحت المكان و شافت سليم من بعيد فرحت ووقفت عند التربيزه ومنزله راسها: ازيك ياسليم
سليم بكل جديه شاور بايده : اتفضلي
اشواق أأعدت و مستنيه سليم يتكلم
سليم: اخبارك يا اشواق
اشواق بكل رقه : بخير طلما انت بخير
سليم بجديه : اشواق انا جبتك هنا طبعا بعد ما فرحه رضت بالمقابله دي طبعا بعد تفكير ..
اشواق بصتلو واستغربت ..
سليم : انا عاوزك تكوني صريحه انتي ليه بتلاحقيني ؟
اشواق بجراه : ماعرفش يا سليم بس ( نزلت راسها ) بس اللي اعرفه اني حبيتك من كل قلبي ونفسي نكون لبعض
سليم : لا يا اشواق انتي ما حبيتينيش انتي جايز اعجبتي بيا .بس حب مستحيل اكيد بتتوهمي لان محصلش بيني وبينك شئ عشان تحبيني .. وبعدين اللي نسيتيه اني متجوز
اشواق : بس انت ومراتك علاقتكم مش كويسه
سليم : مين قالك كدا ..وحتى لو الكلام اللي قلتيه صح لازم تعرفي ان في حياة اي زوجين لازم يحصل خلاف وانتي كصديقه مخلصه لازم تنصحي وتعدلي علاقتنا مش تحاولي انك تاخديني من مراتي ده لو كنتي صديقه مراتي فعلا .. وحتى لو ماكنتيش صحبتها اي انسان لازم يصلح ما بين الاتنين وانتي ما حاولتيش خالص
اشواق نزلت دماغها وسكتت…
سليم : اسمعي يا اشواق انا بعتبرك كأخت وبصراحه لاني خايف ع مستقبلك بس عاوزك تفهمي حاجه انا حتى لو هنفصل عن مراتي مستحيل اتجوزك او افكر فيكي مجرد تفكير
اشواق بصتلو بنظره تعجب على جرأته
سليم : اعذريني ع جرأتي بس لازم افهمك امر واحد .. الراجل مايحبش الست اللي تلاحقه من مكان لمكان الراجل يحب الست اللي عندها شخصيه وتقيله.. لانه بيشك اذا انتي كنتي بالطريقه دي معاه يمكن مع شخص تاني كمان كنتي تلاحقيه
اشواق : لا والله انا مبـ
سليم قطعها : انا ما قلتش انتي كدا.. بس قلت لك الراجل عموما بيحب الواحده التقيله اللي تصون نفسها .. وبعدين يا اشواق انا مش حابب اخدعك انا لو شخص تاني او لعبي كنت استغليت حبك بحاجه تانيه بلاش تصدقي كل الشباب وتثقي فيهم
اشواق اتحرجت وسكتت
سليم بجديه: اشواق انا بعتبرك زي اختي عشان كدا بكلمك بكل صراحه .. الدنيا مالهاش امان . وان شاء الله ربنا يرزقك بشخص محترم وخلوق بس زي ما قلت لك لازم تكوني رزينه وبشخصيه ..دي نصيحتي وسامحيني اذا ضايقتك .. وبالنسبه للحب اللي بتتكلمي عنه انا واثق انه اعجاب بالذات في سنك يا اشواق وبعد كم يوم بتحسي ان اللي عملتيه كان سخافه وانه مجرد اعجاب
سليم وقف: واسمحيلي مره ثانيه
اشواق مش عارفه تقوله اي حاجه كل اللي قالته : شكرا يا سليم ع صراحتك يمكن نبهتي بأمور مكنتش واخده بالي منها يمكن لو كان شخص تااني كان استغل حبي باغراض دنيئه بس انت عاملتني كاخ .. شكرا يا سليم،، سليم الاخ
سليم ابتسم : العفو واذا عوزتي اي حاجه افتكري ان عندك اخت اسمها فرحه واخ اسمه سليم .. وعن اذنك
مشي سليم .. اما اشواق فدمعت حست بالاحراج ع الموقف اللي حصل ودمعت لانه حلمها ما اتحققش ..بس عرفت واتاكدت ان كلام سليم معقول وصحيح !!!!!!
…….قصص منه محمد كاتب……..
https://www.facebook.com/قصص-منه-محمد-كاتب-110808814814076/
رشاد اضايق جدا وعرف ان مستحيل فرحه ترجعلو بعد حملها ..رواح عند امه وبحزن السنين
رشاد : ماما
ليلي: تعال يا بني
رشاد بحزن : خلاص يا ماما انا هتجوز
ليلي وقفت مكانها ومستغربه : والله بجد ولا بتهزر
رشاد بجديه : لا بجد عاوز اتجوز ،،في نفسه (( يمكن بجوازي اقدر انسى فرحه ))
ليلي: مبروك والله احلى خبر سمعته بعمري واخيرا واخيرا يابني هتتجوز وتفرح قلبي وقلب ابوك
رشاد: خلاص محدش فاضل الا انا هند ونوره اتجوزه
ليلي: و عندي ليك بنت سكره
رشاد بعدم اهتمام: يعني حاطه في بالك واحده
ليلي : بنت جمال واخلاق ودين حتى اسمها حلو
رشاد مطنش
ليلي: ما سالتش اسمها ايه
رشاد من غير نفس : ايه
ليلي: يسرا ..شوف اسمها جميل
رشاد: المهم حبيت اعرفك
ليلي : خلاص حالا اتصل بأمها اجث النبض واسألها لو هي مخطوبه ولالا والله يابني انا فرحانه
وبعد طلب رشاد لامه اتصلت بام يسرا تسالها وبعد الموافقه قررت هي وصقر انهم يشوفوهم ويتقدمو ليسرا وفرحت ليلي فرحه كبيره وعايله شديد لانهم خافوا لياخد نفس مصير رامي
……..قصص منه محمد كاتب……
سليم رجع البيت بعد مقابل اشواق وفرحه قلبها نار طبعا من الغيره
سليم بعد ما رجع : الله ايه يا حياتي شايفك في البيت مش قلت انك خارجه
فرحه: ها كلمتها
سليم : ايوه وفهمتها كل حاجه .. وقلت لها احنا اخوات مش اكتر
فرحه :وقالت لك ايه
سليم بهدوء : حسيتها انها اقتنعت بكلامي .. يلا الحمد لله وربنا يرزقها بانسان محترم
فرحه نفخت: اها بس برضو احكيلي ايه الي حصل
سليم ابتسم : مالك يافرحه ليه مضايقه لا متقوليش انك بتغيري
فرحه بردح: اه بغير ياسليم و الصراحه ميته غيره من ساعه ما روحتلها
سليم : اخص عليكي وانا اقدر اشوف غيرك .. انتي النور اللي بشوفه .. انتي الكون اللي بدنيتي .. انت اجمل واروع ما خلق ربي
فرحه ابتسمت وحطت ايدها على خد سليم : بحبك يا سليم وبحب كلامك
سليم مسك ايد فرحه وباسها : وانا بعشق فرحتي الي ماليش غنى عنها ..ومش ناسى ابني الي حته منك!!
فرحه بشقاوه : يمكن بنت
سليم : اي حاجه من عند ربنا حياااااااااه اهم حاجه انه منك بنت ولد مش هتفرق
فرحه ضمته : ها فكرت فالاسم
سليم : الصراحه لسه مافكرتش في أسم
فرحه: ولا انا
سليم حب يستفزها: طب ايه رايك لو ربنا عطنا بنت نسميها شوق
فرحه كشرت: ايييييييه لا مش حلو شوق
سليم مثل انه مستغرب : ليه
فرحه : لانه نفس صيغه اشواق لا مش حلو
سليم ضحك من قلبه: ههههههههههههه الله يحرق الشيطان.. انت فكرتي فين
فرحه: كلو منك وبتضحك لا بس خايفه كل ماتقولها شوق تفكرك بالمخفيه اشواق
سليم : تعرفي يافرحتي انا مبسوط جدا
فرحه : ليه
سليم : لانك واخيرا غيرتي عليا .. الله لو تعرفي انا ازاي مبسوط وفرحان
فرحه بحب: ان شاء الله دايما حبيبي
سليم : بوجودك ياحياتي وكل دنيتي
……..قصص منه محمد كاتب…….
وبعد مرور كم يوم
رشاد اتقدم ليسرا ووافقو .. والكل فرحان طبعا ماعدا رشاد اللي ما حسش بالسعاده وقرررو ان كتب الكتاب بعد اسبوع ..
فرحه وهي جايه لبيت جدها سليمان شديد دخلت لقتهم كلهم قاعدين مع بعض ومبسوطين
رشاد وهو جاي من عند صاحبه والحزن بملامحه دخل شاف فرحه واقفه قرب الباب ..اتغيرت ملامحه وافتكر كل الايام الحلوه اللي كانت بينهم ..
رشاد وبكل حزن وعيونه على فرحه: السلام عليكم
الكل : وعليكم السلام
نادر: اهلا يا فرحه تعالي اقعدي هنا جنبي ليكي وحشه
فرحه دخلت وقعدت جنبه: وانت اكتر يا جدو
نادر :عامله ايه طمنيني
فرحه: الحمد لله بخير طول ما نتم كلكم بخير
ساميه: خلاص قربتي
فرحه: انشاء الله
عصمت: ربنا يكملك ع خير
فرحه لفت وبصتله : ازيك يا رشاد
رشاد في نفسه …. ازي عاوزاني اشوف السعاده وانتي خليتيني اعاني مع الزمن رد : بخير الله يسلمك
فرحه: مبروووك يابن خالي مبروك مقدما ع الخطوبه
رشاد يبتسم : الله يبارك فيكي
فرحه: عقبال كتب الكتاب والجواز ان شاء الله وربنا يهنيك
رشاد : تسلمي يا بنت عمتي ..يلا عن اذنكم ..نسيت موبايلي داخل اخده
رشاد دخل الصالون وقلبه متقطع على فرحه وويكلم نفسه
يااااه يا دنياااااااااااااا .. فرحه اللي كانت بتغير عليا من كل حاجه..دلوقت عادي عندها خطوبتي وتباركلي بسعاده بالسرعه نست اللي بينا .. ازاي اقدر اشيلك من بالي يا فرحه ازاي قوليلي ازاي
https://www.facebook.com/قصص-منه-محمد-كاتب-110808814814076/
وبدء كتب كتاب رشاد اللي الكل كان مجهز لليوم
رشاد وهو بيجهز الحزن رافض يفارقه !!!!
نوره بصتلو : الله الله ايه الشياكه بجد يسرا دي محظوظه بيك
رشاد لف بص لــ اخته : شكرا يانوره
نور ه: اه يا اخوي واخيرا هتتجوز ان شاء الله
رشادببتسامه باهته :اخيرآآ
نوره :مالك يارشاد لسه زعلان ومتضايق لانك مانسيتش فرحه
رشاد : انساها مستحيل .كل ما اجي انساها اتخيلها اكتر عشان كدا قلت لازم اتجوز يمكن اذا واحده تانيه دخلت حياتي اقدر اشيل فرحه من بالي بس صعب انساها اللي يحب يا نوره باخلاص صعب ينسى
نوره : بس ماتنساش انك لازم تخلص لمراتك وان شاء الله تتسعد معاها ..
رشاد : ان شاء الله
وبعد كتب الكتاب يسرا مكسوفه و دخلت على اهل رشاد
(يسرا انسانه جد وحلوه لونها ع البرونزي وعيونها سوده وشعرها اسود بس ناعم وحلو .. معروفه بذكائها وجديتها وطيبتها وانها ما تسكتش عن حقها لو حصل ايه ))
وكانت حلوه و لبست فستان بسيط وحلو وشعرها الاسود بنص ظهرها والكل مبسوط..وفرحان
وطلبو من يسرا انها تكون مع رشاد لوحدهم
جابو العشاء ورشاد متوتر جدا يمكن لانه ما تخيلش انه يفكر يتجوز الا فرحه
رشاد بص ليسرا : مبروك
يسرا برقه : الله يبارك فيك وانت كمان مبرووك عليك
رشاد ساكت مش عارف يقول ايه : امممممممم ان شاء الله اقدر اسعدك ونكون متفاهمين ..
يسرا : ان شاء الله
طبعا السكوت كان اكتر من الكلام .. مع ان يسرا عليها جمال بس رشاد ولا فرق معاه خالص
…….قصص منه محمد كاتب……..
ورده في مزبله
احلامي بلون السعاده
قصص منه محمد كاتب
رجع البيت بعد ما زار بيت جده نادر لقاها قاعده في الصالون بتذاكر بصتله ودارت وشها عنه ابتسم وراح قرب منها وسألها: بتعملي ايه
مي مردتش عليه وعيونها مدفونه جوه الكتاب
عماد ابتسم وراح قدملها بوكيه ورد احمر فاقع: جبتلك ورد
مي بصت للبوكيه: والمناسبه
عماد :لانك زعلانه مني من يومين بسبب المعتوه الي جات كلمتني وحسيت فضلك تكه وتغزيها
مي: اتريق اتريق انا غلطانه اني بغير عليك يا عماد
عماد :انا مبتريقش خالص ع فكره انتي الي اول ما شوفتيها عيونك اتحولت واحمرت وقلبتي
مي: وانت متلمع كدا كنت فين
عماد: انا كنت عند جدي نادر بطمن عليه وجبتلك معايا مهلبيه
مي مطت شفايفها: لاء ده تطور كبير مهلبيه وورد وتطورات انت يتخاف منك يا عماد
عماد : الحق عليا قلت بدل المقالب احاول اغير واعمل حاجه مختلفه غلطت
مي: لاء مين قال امال كان فين العقل ده من زمان
عماد : رجعلي بس شكله هيطير لاني جعان ماتيجي نقعد قدام البسين نتكلم واحنا بناكل
مي قامت لمت كتابها بسرعه: مقدرش اقولك لاء لاني قدام الاكل بضعف
عماد اخدها وراحوا قعدوا قدام البسين وقدملها المهلبيه الي بتعشقها!!!
مي بتاكل بكل جوارحها
عماد: براحه لتتخنقي
مي: متركزش انت بس معايا
عماد ابتسم: بس مقولتليش ايه رايك طورت نفسي اهو
مي بصتله بطرفه عين: وانت مفكر كدا قلبي هيرق ويحن ماعلينا جبتني هنا ليه
عماد :جبتك هنا عشان فيه حمام سباحه كبير وواسع اد الدنيا
مي :ايوه الي بعده
عماد: تنفذي الحكم الي كان عليكي من يومين تنزلي تعومي وانا الي اختارلك المايوه
مي :والله واي موديل هتختاره حضرتك
عماد :اي موديل
مي: اي موديل
عماد :اه اي موديل بس هتلبسيه
مي :طبعا ومش هكون مكسوفه خالص بس الاول اعرف المايوه الي في دماغك
عماد :قطعه واحده طبعا
مي :ده انا الي هخليك ترقد قطعه واحده
عماد ضحك بقهقه ومي طلعت تجري وراه بغيظ : بتضحك ده انا هنتقم منك هشنقك
عماد وهو بيجري منها اتزحلق وقع ع ضهره جامد صرخ : منك لله اقوم بس وهفرمك اكتبي ده ع جنب
مي: تهديدات فارغه انا ادفنك جنبي وبعدين يرضيك حد يحكم الحكم ده ع اختك
عماد: اه عادي يرضيني وفكري قبل ما اقوملك هتلبسي المايوه ولاالبسك الكفن انا صعب فختاري لان غضبي منك بقي في العلالي
مي: انا كنت مفكراك مؤدب اتضح انك وقح جدا وهقول لـ امك
عماد قام وضحك : وانا هسيبك تعرفي قيمتي وبعدين الحق عليا قلت ربما الفستان كاتم ع نفسك
مي: لاء اطمن مش كاتم
عماد مره واحده برق ومي خافت: فيه ايه
عماد: فيه حنش وراكي
مي خافت وبسرعه نطت في حضنه وكلبشت فيه
عماد ضمها جامد لدرجه مي كحت جامد وبتزقه: مش قادره اتنفس
عماد فضل ضممها بقوه مي ضربته ع ضهره: عماد مش قادره اتنفس
عماد ابتسم: لو اعرف الحيله هتجيبك في حضني مكنتش عملتها وباسها من خدها
مي: انت عملت ايه
عماد مثل البراءه: عملت ايه البوسه هي الي هربت من بؤي راحتلك
مي: وانا هرفع ايدي اهبدك قلم يطبق وشك
عماد: انا من اول ما شوفتك في الدرس قلت جبت لنفسي مصيبه
مي :وانا كنت بحاول اهرب من حبي ليك مقدرتش حبيتك اكتر
عماد : كنت واثق اني هلاقي الطريق اوصل بيه لقلبك وهنتجوز ونخلف دسته عيال مش عيل واحد
مي :مجنون
عماد: انتي السبب في جناني تيجي نجري وري بعض زي العيال
مي: فكره حلوه
عماد بتنبيه: بس اوعي تصرخي لريم تجري ورانا بالشبشب ومالك يتجنن ويشتري سلاح ويعمل فينا مجزره
مي طلعت تجري وراه عماد وقضوها ضحك وهزار
…..قصص منه محمد كاتب…….
وبعــد مرور كام شهـر
فرحه وهي حامل بالشهر التاسع ..يعني ع وشك الولاده
فرحه وهي ماسكه ظهرها : سليم سليم
سليم بالغرفه التانيه : مالك ياعيون سليم
فرحه: عاوزه النهارده اتمشى عالبحر
سليم بتعجب: بحر طيب سهله دلوقت حالا نطلع ع البحر نئعد لحد ما نزهق
فرحه بتعب: اوكي حبيبي انا هروح البس
فرحه وسليم عالبحر ف مكان هادي مش زحمه ..
فرحه تتامل البحر : الله سبحان الله ع الجمال جميل البحر
سليم ضم كتفها : تصدقي كل يوم اشوف البحر انسى ضيقتي وافتكر لما كنتي بتقسي عليا دايما اتردد عالبحر اشكيله ماحدش فاهمني غير البحر ده والله
فرحه بكشيره : وانا روحت فين ياعم
سليم ضحك : انتي جوايا وفي كياني وبدمي .. انت الهوى اللي بتفسه ..ربنا مايحرمني منك
فرحه : تصدق يا سليم عمري ما اتوقعت اني احبك بالطريقه البشعه دي.. ما اقدرش اعيش من غيرك ومن غير كلامك وابتسامتك ..دايما اقول انتي يافرحه بت غبيه لاني ما حبيتكش من زمان
سليم وهو ماسك ايدها : مش مهم اللي فات المهم دلوقت انك مبسوطه معايا
فرحه : قول طايره من الفرحه .. حد يعيش معاك وميفرحش انت بقي ليك مكانه كبيره اوي يا سليم
سليم باسها : لو تعرفي انا فرحان اد ايه .. كفايه حبك لي ولو اموت دلوقت هكون مبسوط وراضي لان عندي زوجه زيك
فرحه وهي بتدمع : ماتقولش كدا ..انشاء الله يومي قبل يومك
سليم بخوف : بعيد الشر عليك حبيبتي انتي عارفه لو حصلك حاجه بعيد الشر انا الي هموت .. انا من غيرك دنيتي مالهاش اي معنى .. انا بحبك وبموت فيك
فرحه : وانا بعشق الهوى اللي انت بتتنفسه
سليم: بتحبيني اوي كدا
فرحه: ياريت كان قلبي لسان كان اتكلم سليم انا واوقات مش بسامح نفسي حتي لو انت سامحتني
سليم : لازم اسامحك لان مشكلتي مقدرش ابعد عنك وسند جبينه ع جبينها وهي نفس الشئ
فرحه :معرفش لو كنت سبتني بجد ساعتها كنت انتهيت
سليم ابتسم وقرص خدها بمشاغبه:كنتي هتندمي كتير
فرحه:مجرد التفكير في ده بيدمرني حرفيا ولو ده كان حصل كا هيبقي ابعد عن الحزن
سليم: عرفتي انك متقدريش تعيشي من غيري
فرحه: ايوه لانه كان هيبقي صعب جدا
سليم ضمها لصدره ومسح ع كتفها بدفئ حاني!!!!
فرحه :عارف الاصعب
سليم :ايه
فرحه :ان كنت بتقدملي الحب وانا تنحه افضل ساكته وانت بنتهزم قدام عيوني لما تبقي عاوزني انطق وابادلك حبك والاصعب ان انا سبب انهزامك
سليم :الصمت احيانا بيبقي فيه راحه
فرحه :ازاي يعني
سليم: يعني اوقات الكلام بيوجع فالسكوت راحه وع فكره هو ده الحب الحقيقي الي انتي كنتي بتكريهه
فرحه بصتله اوي
سليم: بتبصيلي كدا ليه لاء بدئت اخاف
فرحه: في الاصل انت عقل كبير وناضج اوي يا سليم
سليم :يمكن عشان بحبك
فرحه: انت فعلا بتعرف تحب وعلمتني ايه هو الحب وعمري ما شوفت حبيب متيم زيك الا حب ريم ومالك
سليم :اتحولنا روميو وجوليت
فرحه :تقريبا اعمل ايه مالك وريم علموني وده وراثي تقريبا
سليم :وانشاء الله هنفضل نعلم الحب لولادنا زيهم واحفادنا كمان
فرحه: انشاء الله حبيبي
سليم حرك ايده ع بطن فرحه : ها ابني رايه ايه في كلام امه الحلو ده
فرحه : بيقولك بسرعه عاوز اطلع واشوف بابا الجميل الوسيم
سليم : ها حبيبتي اخترتي له اسم
فرحه : شوف اذا ولد هسميه اياد ولو بنت هسميها رحيق…. ايه رايك
سليم: لا بقي حمزه احلي من اياد ولا نور اجمل من رحيق
فرحه: ايييه انت عندك مليون اسم .. خلاص لما نروح نعمل قرعه
سليم بشوق : اوكي المهم ننسي الواد ده وخلينا في نفسنا احنا
فرحه: سليم توعدني انك ما تتخلاش عني
سليم : هبله انتي صح ازاي اتخلى عنك وانتي كل دنيتي اوعدك يا روحي اكون ليك العمر كله وما اتخللاش عنك
فرحه : حبيبي وربنا اه بالحق عرفت ان نوره حامل في توأم
سليم: والله في توأم ماشاء الله كويس
فرحه : سبحان الله صبرت ونالت
سليم : وهي اكيد طايره من الفرح
فرحه : قول اتجننت كل ما تفتكر عيونها تدمع
سليم : ربنا يفرحها مش بقولك فاتحة خير احنا اول الصف انتي حملتي بعدين نوره .. ومين بعدكم ياتري
فرحه: انشاء الله جودي وبعدين شيمو وتولين ودينا بقي بعدين
سليم: اه بالحق .. خطوبه هيثم كمان يومين ع الهبله دينا
فرحه فاتحه عيونها : تفتكر ممكن اللحق واولد
سليم : انشاء الله تلحقي
فرحه : ربنا يسعد كل الناس
سليم : هههه ربنا يزيد ويبارك ..
فرحه : يلا الحمد لله ربنا يفرح الكل
…….قصص منه محمد كاتب……….
الليله فرح عماد ومي في القاعه البنات دخلوا وهي جايه عليهم مبتسمه والبنات جريوا عليها بلهفه
واتعااالت صرخات البنات لما شافوا فرحه
شيماء حضنتها وهي بتصرخ بحماس : فينك يافروحتي وحشانا
فرحه ضحكت : براحه ياهبله بعدين يتأزم البيبي
ضحكت تولين وهي بتسلم عليها
فرحه بعد ماسلمت على الكل إبتسمت : ايه رايكم في جمال العروسه
شيماء : قمر بس انتي اجمل طبعا
فرحه : امال فين الناس وتيته فاطمه
تولين : موجودين أنتي فينك بقي مختفيه بقالك فتره يا بندقه
فرحه ضحكت : والله إنتوا اللي روحتوا ولا سالتوا عني وانا كنت مشغووله بفرح عماد ومي
وبدءت الحكايات والبنات يحكو لـ فرحه على الامور اللي حصلت في الفتره الي ماشافوهاش فيها واتزفت مي ودخلت القاعه وكان شكلها روعــه
ريم عيونها دمعو وراحت عليه: خلاص مي هتاخدك مني
عماد باس ايدها وضمها لصدره :محدش يقدر ياخدني منك انا مكاني هنا دايما
ريم لئلتت عيونها بدموع الفرح: ابني بقي عريس جميل جدا يا ناس
عماد :خلاص ياريم هعيط ومكياجي هيسيح
ريم ضربته في كتفه: هتفضل عبيط
عماد ضحك : الي الابد ومش هبطل
إنزفت مي وعماد على أغنيه اترسمي وإشتغلوا البنات رقص وهي كانت مرتبكه آما بالنسبه لعماد كان شكله جميل بالبدله وقف يبصلها فرحه قطعت عليهم بصوت واحد : مبروك
مي إبتسمت بخجل وقفت وهو وقف باس جبينها وقال بإبتسامه وحب : ألف مبروك
مي من الكسوف والخجل : عقبالك
عماد مات ضحك : ركزي انا العريس
مي إستوعبت اللي قالتو ووشها قلب ألوان من الإحرااج عماد فضل متنح لمي بتأملها
مي بصتلو : مالك هتفضل متنح لي كتير
عماد بسعاده: اصلي مش مصدق انك واخيرا بقيتي مراتي حلمت باللحظه دي كتير
مي: لا صدق خلاص
عماد: تعرفي الحب الاول هو الحب الحقيقي والدايم..بحبك ياغاليه
مي ابتسمت بكسوف: انت الغالي حبيبي
عماد : انتي الغاليه و تستاهلي قلبي
سليم راح لفرحه ومد ايده :ترقصي يا ماسه مع العبد لله
فرحه ابتسمت برقه :كدا وانا شبه الكرنبه
سليم:احلي كرنبه ده انتي اجمل من العروسه
فرحه وعيونها لامعه بشقاوه : اروح اضربها بالكوع واخد مكانها
سليم باس خدها وقال: تيجي نهرب
فرحه شهقت وضحكت: اسيب فرح اخويا واهرب
سليم : ما يا أما اخطفك يا تخطفيني انتي
فرحه بشقاوه: لاء اخطفك انا
وسحبته يرقصوا واتعالت حواليهم صرخات البنات والشباب صفرو وكل كابلز بدؤء يرقصو مع بعض وولع الفرح
……………………قصص منه محمد كاتب……..
وبعد مرور كام يوم .. فرحه حست بألم الولاده
فرحه تصحي سليم : سليم سليم
سليم نايم مش سامع
فرحه هزته: سليم قوم
سليم قام بخضه: ها فيه ايه
فرحه ماسكه بطنها بوجع: حاسه بالام الولاده بسرعه بموووووووت اتصل بامي بسرعه
سليم اتوتر قام ملبوخ وعمال يروح يمين وشمال وعلى طول خد فرحه وداها المستشفى ..
فرحه وهي بغرفه العمليات
سليم ومي ومالك وريم وعماد الكل واقف مستني ع نار
سليم متوتر وبقالو اربعه وعشرين ساعه يدعي : يارب يارب سهل ولادتها يارب
ريم: انشاء الله تقوم بالسلامه فرحه يارب
وبعد مرور الوقت
الدكتوره بشرتهم ان فرحه جابت بنت كأنها اخدت حته من القمر
سليم : مش مهم جابت ايه المهم فرحه كويسه
الدكتوره : لا الحمد لله بس هي حاليا نايمه
مالك: ممكن ندخل نشوفها
الدكتوره: لاء واحد بس حاليا لحد ما ننقلها غرفه عاديه تقدروا تدخلوا
مالك بص لسليم: ادخل انت يا سليم افرح مع مراتك
سليم هز راسه: تمام هدخل اطمن عليها
سليم دخل وشاف فرحه نايمه والتعب واضح عليها
سليم قرب وباس خد فرحه .. فرحه فتحت عيونها
سليم ببتسامه: مبروووووك جبتي بنت يا احلى فرحه
فرحه ابتسمت : مبروك عليك حبيبي
سليم مسح على شعرها : يلا ارتاحي
فرحه : عاوزه اشوف بنتي
سليم : حالا يجبوها
الممرضه جابت البنت كانها ملاك شبه سليم نفس لونه بس شكل العيون على فرحه وكانت بجد اميره
فرحه وهي مساكه بنتها في حضنها : الله جميله
سليم بيمسح على شعرها: شبهه باربي
فرحه: دي ثمره حبنا ياسليم
سليم باس راسها :ربنا يجمعنا دايما حبيبتي
شويه الكل دخل عند فرحه بسعاده اول ما نقلوها لغرفه عاديه
ريم باست جبينها: حمد لله ع سلامتك
فرحه بتعب: الله يسلمك يا حبيبتي
ريم: حاسه بأيه يانور عيوني
فرحه: تعبانه اوي يا بابا
مالك: معلش حبيبتي الالم ده طبيعي وحالا انزل اقرب صيدليه اجبلك مسكن قوي
ريم: اخدت الطفله في حضنها : تعالي لحضن جدتك يا اميره الله جميله اوي يا فرحه دي هتفضل جوه حضني لحد ما اعلمها اول خطوه
مالك باس ايد الطفله : وانا اعلمها اول حرف واشترلها اقلام وكرسات تشخبط فيهم قبل ما تشخبط لنا ع الحيط
سليم: وانا وفرحه نعملها اللبوم صور في كل مرحله من طفولتها
مي: وانا بقي اعلمها الكلام زي خالتها مي
عماد: هتطلع رغايا زي خالتها
وراح اخدها من حضن ريم: تعالي لخالك يا حماره يشوفك كدا (هزها) ايه ده دي صغيره لاء احنا عايزين حجم كبير
مالك : شوفوا مين بيعيب
سليم راح خدها منه: تعالي يا بنتي اخدك من ايد خالك المجنون
عماد: اوعدك اجننها معايا
الكل ضحكوا عليه وفرحه رجعت من المستشفى والكل فرحان باليوم ..وقررو يسموا البنت بأسم رحيق
وسعاده مالك وريم ما تتوصفش ..كل دقيقه يلعبوها ويكلموها كأنها فهماهم
……..قصص منه محمد………
في افخم قاعه
الليله يقيم فرح تولين ومراد وشيماء وزين اول واحده اتزفت كانت تولين وإتزفت على موسيقى هاديه … وكانت حلوه،، بعدين اتزفت شيماء وكانت زفتها علي موسيقى جميله وكانت رووعه بكل ماتحمل الكلمه من معنى زين اول ما شافها اعجب بجمالها ورقتها ااعدت تولين جنب مراد وشيماء جنب زين والكل يبارك لهم ويصورهم ويتصورو معاهم في جو عائلي جميل وبكدا انتهي الفرح وانتهت العزوووبيه
اما هيثم ودينا نسوا الماضي وكتبوا كتابهم وبدؤ حياتهم من جديد ومبسووطين مع بعض وحبهم كل يوم بيكبر وشقاوتهم مش بتقل بالعكس دي بتزيد
…….قصص منه محمد كاتب………..
وبعد مرور سنه من الاحداث
في يوم دخل عماد علي مي
مي : اهلا بعيوني وسلمت عليه واخدته بالحضن
عماد بقلق: مي مالك شكلك تعبانه
مي : لابس شويه تعب ويروح
عماد : طيب ،،ماكملش كلامه الا ومي تجري على الحمام تستفرغ
عماد : مي مالك
مي : معرفش بس كل شويه ارجع واحس كان الاوضه بتلف بيا
عماد : طيب البسي خلينا نروح المستشفى
مي : لالا مالوش داعي
عماد : ازاي مالوش داعي قومي بسرعه انا هتصل بالسواق
وبعد عدة محاولات ااقنع مي ولبست وراحوا للمستشفى
عملت تحاليل وهما قاعدين مستنين النتيجه جات الدكتوره وسئلتهم
الدكتوره : انسه مي انتي متجوزه
مي: ايوه ليه
الدكتوره : مبروك انتي حامل
عماد : ايه حامل
مي ساكته ومش مصدقه :معقوله انا حامل
عماد فرحان من كل قلبه : مبروووك يا مي
مي ضمته : الله يبارك فيك
راحوا وهما في العربيه عماد هيطير من الفرحه : مي انا هبقي اب وانتي هتبقي ام
مي فرحانه: اه وريم هتبقي تيته تاني
دخل عماد وهو عمال هيصه:لولوليييييي
مي تضربه : اعقل بقي
مالك: ويعقل ليه مش كفايه قام ورقص وانهبل فالفرح
ريم : اه والله احنا خفنا يوميها من عيون الناس
عماد: الله مش كنت برقص ليكم
ابتسمت مي : بس والله كنت خطييير
عماد ضحك : اسمعوا الخبر ده
ريم : خير انشاء الله
عماد : تسع شهور وتاخدوا حفيدكم التاني في حضنكم وتفضلوا تتخانقوا ع اسمه
الكل بارك لعماد ومالك حضنه جامد ومن الفرحه طاير
وبعد تسع شهور بقي عندهم بنوته قمر سموها لوجين ملت بهجه وسعاده عليهم
………………………………
عماد ومي وبنتهم الصغيره ع شط البحر
عماد ماسك بنته
عماد متنرفز: لوجي بطلي فرك بقي
مي : هههههههههههه قلت لك اشيلها قلت لا انا هاخدها في حضني
عماد : فضيحه بنتك وربنا
مي: انا بقولك اهو بنتي ما تتعصبش عليها
عماد بنص عين: يعني انا الضحيه وتبريئ بنتك الي عنديه شبهك
مي تضحك : لا كلو الا حبيبي ولا تزعل
عماد: اذا كان كدا اوكي .. أروح اغسل شوزي اوكي حبيبتي
مي: اوكي حبيبي..مستنياك
عماد رجع بص لبنته: خليكي مؤدبه متشمتيش امك فينا
…..قصص منه محمد كاتب……….
الكل قاعد مع بعض ضحك وهزار سليم يشوف من بعيد فرحه يكتب لها مسج فرحه شافت المسج مكتوب : بحبك يا فرحه بعشقك
فرحه ابتسمت
مي : مين
فرحه: سليم كاتب لي مسج
مي : يا عيني عالحب
فرحه قامت ..
ريم : ع فين
فرحه : سليم عاوزني اروح عنده عاوز يقولي كلمه..ماما امسكي رحيق
ريم : من عيوني
فرحه راحت لسليم
سليم: جيتي ياعمري كله
فرحه : مالك ياقلبي
سليم : تصدقي وحشتيني
فرحه : والله دي دقايق الي بعدت عنك
سليم : كل ثانيه بتوحشيني اعمل ايه
فرحه ابتسمت
سليم : ايه رايك نهرب منهم ونروح انا وانت وبس نتعشا
فرحه : فكره حلوه
سليم بعشق : يلا حبيبتي نسرق من الزمن ساعه لينا
فرحه: معاك العمر كلو و ربنا يخلينا لبعض
سليم شبك اديها في ايده :امين يارب
……………………
ريم شايفه رحيق بنت فرحه بتلعب ع الشط
مالك راح ضمها من ورى
ريم : هههه خوفتني حبيبي
مالك : معاش الي يخوفك بتفكري في ايه حياتي
ريم:بحمد ربنا جوايا اننا قدرنا نربي ولادنا ونشوف احفادهم
مالك: عقبال ماتشوفي ولاد ولادهم
ريم : يارب يا مالك عارف اتمنيت من وانا طفله يكون حواليا ولاد وافرح بيهم لاخر يوم بحياتي واشوف احفادي بعد المرار الي دقته والحمد لله ابتسمت لي الدنيا لما جمعتني معاك ومع ولادي ورجعت لي الابتسامه والسعاده والفرحه
مالك : خايف احفادك يطيروا مكاني في قلبك بسرعه
ريم : فشر انت محدش يقدر ياخد مكانك ابدا انت بهجه روحي ورفيق عمري
مالك: وانت عندك قلب كبير بيحضني انا وولادي والدنيا كلها اوعدك افضل واقف وراكم زي الجبل بقولك ايه منفسكيش تنامي
ريم ببتسامه جميله: والله نفسي انام صاحيه من بدري.
مالك بمكر : طيب قبل ماتنامي كنت عاوز أقولك ع حاجه مهمه جدا
ريم ضحكت : ع راحتك قول ياحبيبي
مالك بغمزه: طب يلا ندخل جوه عشان تتغطي كويس لأن الجو بالليل بقي بارد ..
ريم: من عيوني
مالك بعشق: تسلم عيونك
علشانك حبيبي وبس ..
بمشي لك دروب الحب ..
بقول اني معاك احس..
بكل دقه .. عزفها القلب ..
اضم يدك .. واغني لك .. كلام الحب بحكيلك ..وبجمع كل ورود الأرض ,, واجيلك بشووووووووووووق .. واهدي لك .. لوحدك احلامي بلون السعاده
تمت النهاية ولله الحمد
لقراءة الرواية كاملة اضغط على : (رواية وردة في المزبلة)
تعليق واحد