رواية وعاد من جديد الفصل الثالث 3 بقلم إيمان شلبي
رواية وعاد من جديد الجزء الثالث
رواية وعاد من جديد البارت الثالث
رواية وعاد من جديد الحلقة الثالثة
-هار اسو*ووود
قولتها بنبره صوت كلها خوف وانا بلطم فوق خدي بطريقه هستيريه لما شوفت يجي عشر أشخاص بيقربوا من يونس جس*مهم ميقلش عن المدرب بتاعهم
خبطت فوق دماغي وانا بنط في مكاني :
– ياختااااااي ياختااااااي الواد هيروح في شربه ميه ياخرابي يالهووووتي
كنت لسه هقرب منهم احاول إنقاذ ما يمكن إنقاذه بس للاسف اتلموا عليه وعملوا منه بطاطس سوري
كان بيتوجع من ضربهم وانا واقفه مصدومه مكنتش أتوقع أن الموضوع هيوصل لكده
قلبي وجعني عليه كل ما اسمع صوته بيتوجع احس كأن الض*رب بيجي فيا انا
طب اعمل ايه انا لازم اتحرك لازم اروح اوقفهم لازم اروح اقولهم ابعدوا عنه ده جوزي
مينفعش اقف متكتفه بالشكل ده
قلبي اتنفض برعب لما لمحت دم بينزل من مناخيره ووشه
جريت نحيتهم وانا ب*صرخ فيهم بلهفه وفزع:
– ارجوكم خلاص
وقفوا عن اللي بيعملوا ولفولي باستغراب وهما مش فاهمين سبب طلبي !
قرب مني المدرب بتاعهم باستغراب :
– خلاص ايه ؟
بلعت ريقي والدموع بتلمع في عيني وانا بقول بنبره كلها دموع :
– خلاص ك كفايه ض*رب ده جوزي
– جوزك ؟!!!
قالها بصدمه وانا واقفه بعيط وبفرك ايدي بتوتر واحراج :
– ا ايوه
الكل وقف يبصلي بصدمه وهما فاتحين بوقهم علي آخره و واحد منهم قرب مني وهو بيسألني بذهول:
– وهو في واحده تعمل كده في جوزها ؟!
انتي مج*نونه ياست انتي ولا ايه
المدرب بع*صبيه:
– الراجل كان هيروح فيها انتي متخيله حجم الك*ارثه انتي تعبانه في دماغك صح!
ماهو اكيد مفيش ست طبيعيه تعمل كده في جوزها
قال كلامه وانا واقفه حاطه وشي في الأرض زي الكتكوت المبلول ودموعي نازله علي خدي
قرب منه كام واحد وساعدوه يقف علي رجله :
– احنا بنعتذرلك جدا علي اللي حصل بس
يونس وهو بيشاورلهم بتعب :
– متعتذرش ياكابتن
وبصلي بعتاب ونظره عمري ما هنساها كانت كلها حزن وخذلان :
– العيب مش عليكم العيب علي مراتي
الكل اعتذر منه ومشوا وهما مش طايقين يبصوا في وشي بسبب اللي عملته
كان واقف مش قادر يصلب طوله كان شكله يصعب علي الكا*فر وشه مليان كدمات وهدومه متبهدله
قربت منه وانا يسأله بنبره كلها دموع :
– ا انت كويس
ضحك بسخريه وهو بيشاورلي علي نفسه :
– جدا حتي شايفه منظري انا كويس اوي
حطيت وشي بين ايديا وانا بعيط بح*رقه :
– ا انا اسفه ا انا مكنتش اعرف ان الموضوع هيوصل لكده و…
صر*خ في وشي مره واحده وهو بي*هزني من اكتافي:
– مكنتش تعرفي ايه؟
ازاي مكنتيش تعرفي معندكيش عقل مخك اتشال واتحط مكانه جزم*ه قديمه !
يعني لما واحده تروح تقول لناس متعرفهاش أنقذوني في واحد بيعاكسني وانا عشان بنت مش قادره اتصدرله بيسوق فيها فكرك ايه اللي ممكن يحصل هيسموا عليا
هيجوا يقولولي بكل هدوء ابعد عنها ياكابتن وخلاص خلص الموضوع !
انا نفسي لو بنت جت قالتلي كده هروح ادغ*دغه انتي ايه ياشيخه للدرجادي غب*يه
كل ده ليه عشان ايه عشان خونتك عشان دخلتي لقيتي واحده في حضني فسرتيها علي طول اني بخو*نك ؟!
رديت بعصبيه:
– اومال ايه لما ادخل شقتي والاقي واحده في في حضن جوزي يبقي افسرها بأيه افسرها بأنه بيسلم عليها سلام اخوي!!!
زعق فيا مره تانيه وعروق رقبته بارزه :
– لا بس تسمعيني تسمعي الحقيقه كامله مش تاخدي بعضك وتمشي وترفضي تسمعي اي حاجه ترفضي تقابليني وتصري علي الطلاق
ربعت ايدي وانا بهز رجلي بعصبيه :
– اي واحده مكاني كانت هتعمل كده
– اي واحده مش بتثق في جوزها اي واحده عارفه أن جوزها بتاع بنات اي واحده جوزها مش بيحبها انما انتي عارفه اني عمري ما اعمل كده عارفه اني بحبك عارفه اني عمري ما اخونك عارفه انا تعبت قد ايه عشان نكون سوا ولسه بتعب وبعافر عشان أرجعك ليا بالرغم من انك رفضتي تسمعيني!
دموعي نزلت علي خدي وانا ب*صرخ في وشه :
– ماهي المص*يبه ان انا عارفه كل ده هي ديه المشكله لما اكون واثقه فيك وواثقه انك بتحبني لما اكدب الدنيا كلها واصدقك انت وفي الآخر تخوني لما اطير لفووق لفوق اوي من غير خوف اني اقع وفي الآخر اقع علي جدور رقبتي واتك*سر يبقي حقي اتصدم ولا لا ؟!
تتنهد تنهيده طويله وساب ايدي وهو بيقولي بهدوء :
– حقك تتصدمي بس انا كمان من حقي ادافع عن نفسي ومن حقي انك تسمعيني
– اتكلم يايونس دافع عن نفسك قول كل اللي تقوله بس متلومش عليا ارجوك متلومش عليا
انا محدش حاسس بالن*ار اللي جوايا كل ما افتكرها وهي في حضنك ك كل ما…
قاطعني وهو بيسحبني لحضنه وبي*بوس راسي برقه:
– هششش كفايه عياط
واتنهد بحزن :
– انا هحكيلك اللي حصل
وبعدني عن حضنه وهو بيبص في عيوني بقوه :
– والقرار قرارك ياايمان وصدقيني المره دي اي قرار هتقوليه هحترمه وهنفذه
وبلع ريقه وهو بيقول بعتاب :
– بس عايز افكرك أن اللي بيتكسر مش ممكن يتصلع ابدا
وبعد عني وهو بيحط أيده في جيبه وكأنه بالحضن ده بيوصلي رساله أن لو قررت نبعد هيكون اخر مره احضنه فيها اخر مره اسمع صوته واشم ريحته هتكون اخر مره المسه هيختفي من حياتي وكأنه مكانش موجود من الاساس!
– اليوم ده رجعت بدري من الشغل
وبصلي بحزن :
– رجعت عشان احضر البيت لعيد ميلادك قبل ما ترجعي من شغلك
كنت جايب تورته وجاتوه وكنت متفق مع كل صحابك يجوا قبل ما توصلي عشان لما توصلي تتفاجئ
كنت قاعد يحضر حاجات لحد ما يوصلوا ويساعدوني لقيت الباب بيخبط روحت فتحت لقيت ” ولاء” استغربت وجودها مع أن كان لسه بدري جدا
اتحرجت وقولتلها ان مفيش حد لسه جه بس هي مهتمتش زقت الباب ودخلت وحطتني قدام الامر الواقع
مكنتش عارف اعمل ايه اكرشها ولا اخليها مقدرتش اكرشها أصلها جايه حفله عيد ميلادك عشان تفاجئك معانا عيب اوي لو قولتلها تخرج برا البيت !
استأذنت منها ودخلت الاوضه مكنتش عارف اتصرف كنت عايز اعمل اي حاجه عشان تخرج قبل ما اي حد يوصل ويشوفها موجوده معايا ولوحدها اكيد هيفتكر غلط
قعدت افكر في حل لحد ما الوقت عدي ومحستش قومت بسرعه اكمل اللي كنت بعمله وقولت هتجاهلها يمكن تحس وتخرج
بس للاسف مخرجتش بل بالعكس عرضت عليا تساعدني رفضت في البداية لكن مع إصرارها وافقت قولت اهو لو حد وصل تكون حجه مع أني عارف ان وجودها من اساسه غلط
ك كانت واقفه بتعلق بلالين وانا كنت واقف تحتها مباشره بعمل حاجه تانيه
لقيتها بصت لتحت واتعمدت تعمل نفسها بتقع انا تلقائياً مديت ايدي الحقها بس كانت وقعت ووقعتني معاها في نفس اللحظه اللي انتي دخلتي فيها هي اتعمدت تقرب مني بطريقه مق*رفه زيها عشان يبان أن انا بخ*ونك
وقرب مني والدموع بتلمع في عيوني :
– انا مخونتكيش صدقيني انا بحبك انا مكتفي بيكي عن الدنيا كلها
عيوني دمعت وحطيت ايدي علي بوقي وانا بتنفس بسرعه
مكنتش قادره اتخيل ان في حد ممكن يعمل كده ،معقوله في اصحاب بالحق*اره ديه في ناس ممكن تعمل اي حاجه عشان توقع ما بين اتنين بيحبوا بعض !
انا كنت متخيله أن الكلام ده في الخيال بس عمري ما كنت اتخيل اني في الواقع اتحط في نفس الموقف
عمري ما كنت اتخيل ابعد عن الشخص اللي بحبه بسبب شخصيه ح*قيره قدرت تلعب اللعبه صح بجداره كبيره قدرت توهمني أنه بيخوني عشان ابعد ويفضي ليها الجو
ليه مستكتره عليا اعيش في سلام ليه تبعد قلبين عن بعض عشان ايه عشان هي شخصيه مري*ضه انا*نيه عايزه الكل حواليها أو يمكن عشان انا كنت احسن منها في كل حاجه في حياتي وفي دراستي وفي جوازتي يمكن عشان انا اخدت كل حاجه حلوه وهي بغباوتها وانانيتها خسرت كل حاجه الحب والصحاب والاهل عايزه ت*خرب عليا حياتي زي ما حياتها خر*بت
– مش هسمحلك ابدا ياولاء مش هسمحلك تبوظيلي حياتي تاني ابدا
قولت جملتي بش*راسه وانا بمسح دموعي وبقرب من يونس اللي كان واقف بيراقبني بصمت
– ها يا ايمان قررتي ايه
اترميت في حضنه وانا بعيط بأشتياق:
– قررت مبعدش عن مكاني الدافئ مره تانيه انا اسفه
اتنهد براحه وهو بيضمني لقلبه وبيقول بهزار:
– ياااااه ياعبد الصمد
ضحكت وانا ببعد عنه وبلمس وشه اللي مليان كدمات بحزن :
– انا أسفه
– ولو ولوووو لازم اخد حقي
بلعت ريقي بخوف وانا ببعد عنه :
– لا لا اعقل كده وإلا بص هعيط والله هعيط و….
– تصدق هتصدق أن شاء الله انت جيت في وقتك
بصيت ورايا باستغراب عشان اعرف مين الشخص اللي كان بيكلمه واول ما عرفت صرخ*ت بفزع لما لقيته كل*ب :
– عااااااااااااااا
صرخ*ت بف*زع وجريت بأقصي سرعه ويونس واقف يضحك عليا وانا بجري والك*لب بيجري ورايا
– عاااااا يالهوووووي ياخرابي الحقوووونا اغيثوناااااا
ياختاااااااي ياختااااااي راسك أبوسها ياعم الكلب ا اقصد يا يونس ياحبيبي وحياه امك الغاليه وقف الك*لب ده هي**عضناا***ااااااااااااااااي يالهووووووووي
يونس وهو بيضحك عليا :
– احسن احسن
– حسبي الله ونعم الوكيل اشوف فيك يوم يا يونس يابن ام يونس روح الهي ربنا يكرمك ب*كلب اسود جعان يعض*ك و…..
ومره واحده لقيت يونس بيجري هو كمان وفي كلب اسود بيجري وراه
يونس وهو بيجري نحيتي :
– اجررررري يامجدددددي
صرخت بفزع لما لقيت الكلبين بيجروا ورانا احنا الاتنين
– يالهووووووي
بعد فتره وقفنا احنا الاتنين واحنا بنتنفس بتعب وقعدنا علي الرصيف
يونس وهو بيبصلي بتعب :
– لا بس حلو جو المغامرات ده
رديت بسخريه:
– لا وكريتف شغل فاخر من الاخر
– ايمان حبيبتي كنت عايز اقولك حاجه
– قول ياحبيبي قول بسرعه الواحد مش ضامن عمره ممكن تلاقي اسد طالع يهبرنا احنا الاتنين ومتلحقش تقول
– علي رأيك كنت عايز اقولك انت تخنتي
رديت بغيظ:
– تصدق حلال فيك الض*رب
ضحك وهو بيبصلي :
– يابت اسمعي للآخر
– اشجينا
غمزلي بمشاكسه:
– بس انا بحبك في كل حالاتك
ضحكت برقه وانا ببص النحيه التانيه بخجل
– الاه عطوه بيتكسف !!
رديت بغيظ :
– عطوه!
غمزلي:
– واحلي عطوه والله
وفتحلي دراعه بأشتياق:
– خش في حضن جوزك افوووواز
ضحكت واترميت في حضنه وانا بغمض عيني وبهمس بحب :
– وحشتني اوي
اتنهد براحه:
– وانتي كمان اوي
بما ان فيه ناس بيراقبونا
فانا عاوز افضفض بمشاعري
انتي عنيا وروحي وشعري
انتي الحضن اللي اتمنيته
شيء ضاع مني وبيكي لقيته
انتي يابنت القلب ياسكر
سكن القلب وراحته وبيته
انا وياكي عجوز في طفولتي
باتحسس ف عنيكي رجولتي
بانزلِّك على ركبي طوّلتي
واطلعلك علي روحي سلالم
انتي الفرحة ف هذا العالم
أم عيالي ف وقت قريّب
انتي القلب الطفل الطيب
وانا ابنك لو يعني سمحتي
الجنة بتطلع من تحتي
وعيونك عيّلة مجنونة
ده ملخص تقريرهم عنّا
لو حبّوا ياقلبي يراقبونا ❤️
تمت
لقراءة الرواية كاملة اضغط على : (رواية عاد من جديد)
تعليق واحد