رواية وعد الفهد الفصل الحادي عشر 11 بقلم سارة محمد
رواية وعد الفهد الجزء الحادي عشر
رواية وعد الفهد البارت الحادي عشر
رواية وعد الفهد الحلقة الحادية عشر
اللهم صل وسلم على سيدنا محمد
فهد :مين يا مريم
وعندما لم يأته رد منها ذهب إليها
فهد :بتعمل ايه اهنه
دامر :عايز اتكلم معاك يا فهد
فهد: ماشى ثم وجه كلامه لمريم ادخلى انتي
في الجنينه
فهد :خير جاي ليه مش قولتلك ماتجيش اهنه واصل
دامر: جاي اقولك انى مليش ذنب في اللي عمله ابوى لا انى ولا رحمه الله يرحمها واللى عمله ابوى عمرى ماهسامحه عليه
فهد: عارف يا دامر انت مش شبههم
بس كل اما اشوفك افتكر اللي ابوك وجدك عملوه ونار تقيد جوايا عشان أكده بعدت عن رحمه وعنك بعد عنى يا دامر عشان النار دى ماطولكش انا مش عايز أذيك
في الداخل
مريم : يا بدريه بقولك من الصبح مش بيشتغل كده
بدريه: وه بدريه حاف أكده يا قليله الحيا
مريم: ما انتي مش عارفه تشغلي الفون اعملك ايه
يارا ووعد :ههههههههههه
مريم :بقولك ايه يا بدريه
بدريه: وه بدريه تاني
مريم :هو فهد يعرف دامر منين
بدريه :دامر مين
مريم :دامر يا بدريه الواد القمر اللي واقف بره دا
بدريه: لااا البت دى عايزه تتربي خدى اهنه يا بت
وقامت تجرى وراها
أتى فهد على أصواتهم قائلا: ايه في ايه
مريم: الحقنى يا فهد بدريه عايزه تضربنى
فهد باستغراب :بدريه ثم ضرب مريم على مؤخره رأسها قائلا اسمها بدريه بردو
مريم: الله تسلم يا باشا اومال اسمها ايه
فهد بخبث وهو يتجه الي بدريه: اسمها دودو أو دودى
بدريه :حتى انت يا وفهد
كل هذا و وعد ويارا وصباح واقعين عل الارض من الضحك علي منظر بدريه
علي الغدا
فهد موجه كلامه ليارا ومريم قائلا: متقلقوش من موضوع نقلكم أهنه كلها اسبوع بالكتير اكون خلصت الموضع كله
يارا :شكرا جدا لحضرتك
مريم :شكرا يا فهد
فهد : على ايه بس
مريم :صحيح يا فهد انت تعرف دامر منين
فهد بصدمه: انا المفروض أسألك دلوقت انت تعرفيه منين
مريم: هااا
فهد بعصبيه: تعرفي دامر منين
وعد: أهدى يا فهد بيه دا كان سوء تفاهم ثم حدثته عن اللي حصل في اول مقابله لمريم ودامر
فهد :مريم مش عايزك تتحدتى مع البنى ادم ده واصل
بدريه :ايه اللي غيرك من ناحيه دامر أكده يا ولدى دا كان صاحبك واخوك
فهد :خلاص يا حجه مش عايز حديت في الموضوع
في منزل الشيخ رفعت
في غرفه دامر
دامر يحدث نفسه قائلا :طب مريم بتعمل ايه في بيت فهد هى قالت إنها جايه تزور واحده صاحبتها بتعمل ايه بيته انا هتجنن
دخلت صفيه قائله: انت زين يا ولدى
دامر: ايوا يا حجه تعالي
صفيه :جهزتلك الوكل
دامر وهو يقبل يد والدته: تسلم يدك يا حجه
صفيه: ربنا يحميك يا ولدى
مساء
في غرفه فهد
الباب يدق
فهد: ادخل
مريم وهى تدخل رأسها من الباب قائله: فاضى شويه
فهد :تعالي يا مريم
مريم :زعلان منى؟
فهد بابتسامه: لا مش زعلان
مريم بفرحه: بجد
فهد :بجد
مريم :طيب ممكن اتكلم معاك شويه
فهد :اتفضلى
مريم :لا استني هعمل كوباتين شاي ونقعدوا فى الجنينه ندردش براحتنا اشطا
فهد بابتسامه: ماشى
في منزل وعد
وعد :فرحانه اوى لمريم لاقت عائلتها اخيرا
يارا :مريم تستاهل كل خير
وعد: بس تعرفي ايه احلى في الموضوع
يارا :ايه
وعد: انكم هتفضلوا معايا
يارا بابتسامه: قاعدين على قلبك ثم اكملت بس انتي ايه حكايتك بقى
وعد :حكايه ايه
يارا: انتى وفهد
وعد :مفيش حاجه
يارا: ازاى علي فكره باين عليكي اوى
وعد: باين ايه
يارا: انك معجبه بيه انتى مش بتشوفي نفسك لما بتشوفيه بتبقى عامله ازاى
وعد :اوف اه معجبه بيه ومش ببطل تفكير فيه كمان
يارا: ايوا بقي والله ووقعتى يا بطه
وعد: بس خايفه ليكون في واحده في حياته
يارا: مااعتقدش
في منزل فهد
مريم: احلي كوبايه شاي لاحلى فهد
فهد: هههههههه انتى كارثه
مريم :كارثه ايه يا عم انا مصيبه صغيره كده
فهد: ماشى يا مصيبه هانم
مريم :هااااا عرفنى علي نفسك اكتر
فهد :ههههه كيف يعنى
مريم: كل اللي اعرفه عنك انك فهد ابن عمى وبس معرفش حاجه تانيه
فهد: امممممم بصي يا ستي انى فهد عبدالرحمن السيوفي عشت في البيت ده درست في كليه الحقوق
كنت بشتغل في القاهره لحد من ٦ سنين أكده لما ابوي توفي جيت عشان اكون مكانه
مريم :واتخليت عن شغلك طب ازاى
فهد :ايوا اتخليت عن شغلك عشان اللي ابويا قعد يبنيه هو وعمى مايضعش
مريم: طيب امممم عمرك ما حبيت قبل أكده
فهد بابتسامه :حبيت طبعا
مريم بحماس: ايوا بقى احكيلى مين ها
فهد: كانت عشق طفولتى حبيتها واتعلقت بيها ولما كبرنا اتقدملتها واتخطبنا بس سبتها
مريم بصدمه: معقوله سبيبتها بعد الحب دا
فهد بحزن :ايوا
مريم :طيب وهى فين دلوقتى
فهد بحزن: عند اللي خلقها
مريم بحزن :الله يرحمها انا اسفه فكرتك بيها
فهد :لا لا انا مش بنساها اصلا
مريم في محاوله لإخراج فهد من حالته: بقولك ايه انا جعااانه
فهد وهو ينظر لساعته :دلوقت
مريم :اه دلوقتى
فهد :انتى خابره الساعه كام
مريم :٣ الفجر عادى يعنى
فهد: عادى اممم طيب عايزه تاكلى ايه
مريم: دودو كانت عامله محشى ورق عنب ملحقتش أمسى عليه كويس هقوم اجيب الحله وراجعه قالت جملتها وذهبت
فهد بصدمه: محشى ودلوقت ثم انفجر ضاحكا وهو يري مريم ممسكه بحله المحشى وتاكل منها
فهد :انتى بتعملى ايه
مريم :الله دودو دى استاذه تاخد صباع
فهد ؛هههههههه لا بالهنا والشفا
مريم: براحتك انت الخسران
بعد اسبوع
في المستشفى
مريم بابتسامه: رجعنا زى زمان تانى
وعد: انا مبسوطه اوى انكم هنا معايا
يارا: لازم نشكر استاذ فهد لولاها مكناش مع بعض دلوقتى
وعد بابتسامه :معاكى حق
مريم: اشطا بعد الشغل هتيجوا معايا واشكروه بنفسكم
وعد ويارا :اشطاااا
الدكتور عمر: اهلا وسهلا نورتونا انا الدكتور عمر
مريم :دا نورك انا مريم
يارا: وانا يارا
الدكتور عمر: تشرفت بيكم عن اذنكم
مريم: يارا يارا
وعد: مالها دى
مريم: مش عارفه بت يا يارا يااااااراااااا
يارا :ايه ايه في ايه
وعد: انتى مش هنا خالص
يارا: شوفتوا اللي كان هنا من شويه دا
مريم :قصدك الدكتور عمر
يارا بابتسامه: قنا طلعت حلوة اوى
وعد: هههههه قنا بردو يا دكتوره
يارا: احم احم يلا بينا علي الشغل بلاش رغي كتير
وعد ومريم :ههههههههههههه يلا
في منزل فهد
الباب يدق
تفتح صباح
صباح: اهلا وسهلا يا استاذ فتحى اتفضل
فتحى بابتسامه: كيفك يا صباح
صباح بابتسامه: زينه يا استاذ فتحى فهد بيه في مكتبه
فتحى :متشكر يا صباح
صباح: عن اذنك
ذهبت صباح وبقي فتحى واقف فى مكانه وهو ينظر في آثارها ويبتسم
اتت بدريه من خلفه قائله :انت اتجنيت يا ولد واقف أكده ليه وبتضحك
فتحى: انا فعلا اتجنيت يا حجه ثم أكمل بترجى جوزينى صباح يا حجه
بدريه :هههههههههه هو الموضوع أكده تعالى تعالي
في نهايه اليوم
مريم :يلا بقي انا جعانه
وعد : هههههه انا خلصت يلا بينا اومال فين يارا
مريم: ههههههههه اسكتى كان عندها عمليه مع الدكتور عمر اهى جات اهى
وعد :ايه مالك يا حجه
يارا: ها مالى ما انا كويسه اهو
مريم :يا عينى البنت حالتها صعبه خالص يلا نروح
يارا :يلا يا اختى يلا
يتبع…
لقراءة الفصل التالي : اضغط هنا
الرواية كاملة اضغط على : (رواية وعد الفهد)
2 تعليقات