رواية وقعني ظبوطه الجزء الثاني الفصل الثالث 3 بقلم منار مجدي
رواية وقعني ظبوطه الجزء الثاني الجزء الثالث
رواية وقعني ظبوطه الجزء الثاني البارت الثالث
رواية وقعني ظبوطه الجزء الثاني الحلقة الثالثة
سلوى:هتسيب بيتك عشان ديه يا هارون
هارون:ديه مراتى واسمها أسيل
أسيل مسكت أيديه:هارون أهدى اكيد هى متقصدش عادى
هارون:لا مش عادى انتى مش مضطره تسمعى كلامها ده
أسيل:يا هارون هى مقلتش حاجه غلط عيب برضو البيت فى ناس تانين عايشين فيه لازم نحترمهم شويه ومش معنى أن الأهل زعقو شويه للولاد فالولاد يسيبولهم البيت ده غلط وله ايه
هارون ابتسم وهز رأسهه
أسيل: دلوقتى روح صالحها يالا
هارون:هى مش زعلانه
سلوى:انا مش بزعل من ابنى عشان اسباب زى ديه
مشيت وسابتهم
هارون:متزعليش
أسيل ابتسمت:مش زعلانه عارف انا واثقه انها هتحبنى فى الاخر
هارون:يا واد يا جامد انت
أسيل ضحكت:عارف قعدتك مع مروان غيرتك جامد حقيقى
هارون قرب جامد منها:ماتيجى نحاول مره تانيه
أسيل ابتسمت بإحراج وبصيت فى الارض وهى بترجع شعرها هارون شالها وهى محمره ومكسوفه جدا
لحظه لحظه ايه ده جاى بيجرى بالكوره يا فرحه ما تمت معلش بقا يا هارون تتعوض😂😂😂
يوسف:بابا هارون واخد أسيل فين احنا هنلعب
أسيل ضحكت:سمعت نزلنى يالا هنلعب
هارون:لازم دلوقتى يعنى يا يوسف
يوسف بدموع:مش هتلعب معايا
أسيل ابتسمت بحنان:لا يا حبيبى هنلعب نزلنى بقا يا هارون بيعيط حرام عليك.
هارون نزلها بضيق
أسيل راحت وحضنت يوسف وطبطبت عليه:هنلعب سوا ماشى متعيطش بقا عشان خاطرى
هارون:خلاص بقا يا يوسف
أسيل ضحكت:شوفت هياكلك من كتر حلاوتك وانت بتعيط ايه القمر ده ياخلاثى
يوسف ضحك وهو بيمسح دموعه بضهر ايديه
أسيل: امممم ها بقا قولى هنلعب ايه
هارون:اتفضل يا أستاذ يوسف قولنا
يوسف:اممم بالكوره
أسيل: بتحب تلعب كوره
يوسف:اه
أسيل:يبقا عندنا هنا محمد صلاح الصغير مش كده
هارون ضحك:يا راجل
يوسف:انا بتفرج عليه مع رحيم
أسيل:اممم طيب يالا نلعب
قعدو يلعبو ويضحكو ويجرو ورا بعض لحد ما تعبو
قعدت أسيل فى الارض:خلاص يا يوسف بجد تعبت
يوسف راح وقعد جمبها:وانا كمان تعبت
هارون:وانا كمان
قعد جمبها الناحيه التانيه أسيل بصيت ليه بابتسامه
حط يوسف رأسه على رجلها واتاوب
أسيل حطيت أيديها على شعره وهو بينام
هارون بصوت واطى:هينام
أسيل هزيت راسها وهى بتلعب فى شعره
هارون مسك أيديها الى على شعر يوسف وحطها على رأسه هو وحط رأسه على رجلها ضحكت أسيل
أسيل بصوت واطى:غيور
هارون ضحك براحه وهو بيحط إيديه على خدها وهى بتضحك
هارون:أسيل بتحبينى صح
أسيل:انت تفتكر ايه
هارون:افتكر بتحبينى
أسيل:اظن انى لو مكنتش بحبك مكنتش قرفتك اكتر من شهرين وانت مش معبرنى فاكر
هارون ضحك:ده انتى قلبك اسود صحيح لسه شايلهالى
أسيل:انا مش بنسى اى حاجه تخصك اى ذكره ليا معاك بتتحفر فى قلبى قبل عقلى عشان بحبك يا هارون ده مش بإيدى
هارون وهو بيلمس وشها:وانا بحبك .
قام وقرب وشه لوشها و…
اسراء:اخيرا لقيته
أسيل فضلت تكح جامد
هارون بقا بيطبطب عليها من ضهرها
اسراء شالت يوسف إلى نايم:دورت عليه كتير انتو بتعملوا ايه هنا
أسيل فضلت تكح
هارون ضحك وقام وشالها:يعنى هتكون بنعمل ايه يعنى بنح…
أسيل حطيت أيديها على بقه:كنا بنلعب كوره مع يوسف
اسراء بضيق عين:امممم ماشى
مشيت اسراء وهارون عض أيديها براحه
أسيل شالتها:اى
هارون ضحك:سلامتك من الاى
أسيل بكسوف:هارون
هارون: هارون هيحاول تانى ديه المره الكام استنى افتكر ١٢
أسيل:تكنيكيا ١٣ انت محسبتش إلى لسه من شويه لما يوسف جيه بالكوره
هارون:مش هتفرق كتير يالا بينا
طلع بيها وهما بيضحكو ويهزرو
فى حين مليكه بتشوفهم وهى بتغلى ونار الغيره بتحرقها
هارون دخل اوضتهم وقفل الباب برجله
أسيل:هارون
هارون:عيونه
أسيل:انا متوتره اظن لسه شويه
هارون:لا متتوتريش مش حد غريب ده انا جوزك حتى .
أسيل ضحكت:بس انا لسه متوتره
هارون حطها على السرير:لا لا عايزك تهدى وتاخدى نفس كده
أسيل اخدت نفس وهزيت راسها:اوكى انا جاهزه
هارون ضحك:ده احنا لو داخلين حرب مش هنعمل كده بصى أسيل
أسيل بصيت ليه باهتمام:ها
هارون بابتسامه حلوه:استرخى ده انا
أسيل ابتسمت.
كله يسجل معايا المحاوله رقم١٣
يالا نعد سوا تانى 1 2 3
هارون نام على ضهره بزهق : لسه
أسيل:خلاص خلاص اخر مره حاول تانى
هارون:أسيل انتى لسه مش جاهزه انا هستنى لما تطمنى على الاخر
أسيل بضيق:انا مش عارفه مالى
هارون:أهدى ممكن
أسيل قامت اتعدلت:بجد مش فاهمه
هارون قام جمبها: أهدى يا أسيل ديه مش مشكله
أسيل:لا مشكله انت بس مش عايز تخلينى اخاف
هارون:أسيل بصيلى
أسيل بصيت ليه
هارون:انا بحبك ومحبتكيش لغرض انا حبيتك عشان انتى أسيل
أسيل ابتسمت وحركت عينيها بتفكير:اممممم
هارون🤨
أسيل قامت وقعدت على رجله وبقا وشها لوشه
هارون ابتسم بفرحه:ده بجد
أسيل:انت حاولت كتير صح المره ديه انا هحاول
هارون:حقيق…..
أسيل المره دي سكتته و….
هارون انبسط جدا وبقا يرجع ضهره لورا براحه لحد ما نام وهى بقيت فوقيه بس فجأة أسيل اغمى عليها
وديه المحاوله رقم ١٤ الفاشله.
هارون عدلها بخضه:أسيل أسيل فوقى
قام بسرعه وجاب مايه وحاول يفوقها لحد ما فاقت وهى بتعيط
أسيل:انا اسفه يا هارون بجد اسفه
هارون عدلها وحضنها:ششش أهدى يا أسيل ممكن أهدى.
أسيل بعياط:انا مستحقكش انا بجد وحشه اوى
هارون:شششش متقوليش الكلام ده تانى
أسيل:مامتك معاها حق
هارون بزعيق:أسيل اسكتى
أسيل دفنت راسها فى حضنه وهى بتعيط
هارون طبطب عليها بحنيه:أسيل انا مش هضغط عليكى وانتى كمان متضغطيش على نفسك ماشى
أسيل هزيت راسها وهي بتعيط
نام هارون واخدها فى حضنه ونامو
تانى يوم صحيت أسيل بصداع رهيب من العياط طبعا
هارون كان صاحى الاول:صباح الخير الناس الكسلانه
أسيل ابتسمت: صباح النور انت رايح فين
هارون:نازل الشغل
أسيل:فطرت
هارون:لا ملحقتش هبقا اجيب سندوتشين فول من عم مسعد.
أسيل:لا متجبش انا هحضر الفطار وأجى وراك اشطا
هارون ابتسم:اشطا انا نازل
أسيل:استنى
هارون وقف:فى حاجه محتاجه حاجه
أسيل راحت عنده وشاورت ليه ينزل رأسه ليها
هارون بضحك نزل رأسه:ايه يا اوزعه
أسيل 😉 وباسته من خده: دلوقتى باى باى هارون
هارون ضحك وشدها من وسطها:ده كان زمان ايام الخطوبه دلوقتى احنا متجوزين
أسيل:معلش منزلتش التحديث قولى عايزنى اودعك ازاى
هارون:كده و……….
بعد عنها😉 اشوفك بعدين يا جميل
أسيل بكسوف:مش هتأخر
نزل هارون وأسيل دخلت اخدت دش ولبست ونزلت المطبخ
أسيل: صباح الخير يا مدام عواطف
عواطف:صباح النور يا هانم الفطار جهز أحضره ليكى
أسيل:لا انا هحضر لوحدى ده فطار جوزى برضو لحظه انا لاحظت انك بتقوليلى يا هانم
عواطف:ايوه يا هانم
أسيل:لا لا لا بلاش الكلمه ديه ماشى خلينا حلوين مع بعض انا مش قد بنتك قوليلى يا أسيل عادى او بنتى لكن هانم ديه لا
عواطف بضحك:حاضر بس ليه
أسيل:قريت روايه رعب اى ست أو بنت حد يقولها يا هانم فى شبح بيقتلها
عواطف:يا شيخه
أسيل:بيقولو أن الشبح ده بيكره الأغنياء.
أسراء:اعاا
أسيل ضحكت: اسراء مالك
أسراء:أسيل انتى كنتى بتهزرى ينهار ده انا قلبى وقع في رجلى
أسيل:لا متخافيش بهزر (بصيت لعواطف😉)
خلصت وحضرت الفطار وخرجت
سلوى:انتى رايحه فين
اسيل:اصل هارون راح الشغل من غير فطار فأخدت ليه فطار ورايحه ليه
سلوى:هارون مش بيفطر اصلا
اسراء:اسكتى مش طلع بيفطر بس مع ناس وناس بقا
أسيل ضحكت:عن أذنكم هارون مستنينى زمانه جعان
ركبت أسيل مع السواق وطلعت على القسم ووراها مليكه إلى قررت تراقب كل تحركاتها
دخلت أسيل القسم:سلام عليكم
مروان جرى عليها:أسيل شامم ريحه فطار ارجوكى قولى انك جبتلنا فطار
أسيل ضحكت:بصراحه لا
مروان بص بزعل ليها
أسيل:بهزر عملت حسابكم كلكم خد دول بتوعكم وديه بتاعت قره عينى
الشويش عزت:هو فى مكتبه يا بنتى
أسيل: ماشى افطرو كويس يا حماه بلدنا
دخلت أسيل لهارون
أسيل:انا جيت
هارون:سمعت صوتك
أسيل: بتعمل ايه
هارون:شغال على قضيه جديده
أسيل:اممم ربنا معاك بس ممكن تأجيلها ثوانى تفطر وترجع تكمل تانى مش هعطلك
هارون:هفطر بعدين حطى الاكل على جمب
أسيل نفخت بضيق وجابت كرسى حطيته جمبه وفتحت الاكل وبقيت بتأكله وهو شغال بياكل بس مش مركز غير فى شغله وأسيل مبتسمه وهى بتتفرج على ملامحه الرجوليه بدايه من عينيه البنى إلى بتسحر ورموشه الطويل لدقنه الخفيفه القمر
(محتاجه فى حياتى هارون يا جدعان 😂😂😂)
هارون:أسيل كفايه شبعت
أسيل:متأكد
هارون:اه الحمدلله
أسيل قامت ولمت الحاجه وجت خارجه بصيت ليه
رفع هارون عينيه من الورق ليها
أسيل جريت عليه حضنته جامد وباسته:باى
مشيت أسيل بسرعه واخدت الشنط معاها وركبت العربيه.
السواق:نرجع يا فندم
أسيل:لا
طلعت تليفونها
أسيل:انت فين طيب انا جايالك الشقه متمشيش
أسيل:اطلع على*******
عند مليكه
مليكه:هى رايحه فين ديه
ومشيت وراها
نزلت أسيل من العربيه قدام عماره كبيره
أسيل:استنانى مش هتأخر
طلعت أسيل
عند مليكه.
مليكه:كنت متاكده انك مش تمام
طلعت وراها
أسيل طلعت وخبطت على الباب
مالك:أسيل مالك
أسيل بزعيق:انت ياله مش قولت انى خفيت
مالك:ايوه انتى فل
أسيل:انت كداب
مالك:طيب ادخلى نتفاهم
أسيل:اتنيلت
دخلت أسيل ومالك قفل الباب
أسيل:اتفضل ارغى
مالك:تعالى المكتب
أسيل:مش انا خفيت هدخل جوه ليه
مالك:أسيل هتفضل المريضه بتاعتى لو سمحت اسمعى الكلام
أسيل بزهق: يووووه
مالك دخل وقعد على مكتبه ولبس نضارته:ها احكيلى ايه حصلك
أسيل:انا خايفه خايفه من اكتر حد حبيته اكتر حد بثق فيه اكتر حد بحس جمبه بالأمان
مالك:جوزك هارون
أسيل:ايوه
مالك:لا يبقا تتفضلى على الشازلونج بقا
أسيل راحت هناك
مالك :احكيلى بتخافى ازاى وامتى.
أسيل:لما لما بيبقا عايز يعنى اممم مش عارفه اقولها ازاى
مالك بضحك:مثلا حقوقه
أسيل:بصراحه انا مكنتش فاهمه الاول بس تصفحت على النت وعرفت انها حقوقه الزوجيه حاولت اديهاله بجد حاولت
مالك بابتسامه:بس مقدرتيش
أسيل:مش عارفه اعمل ايه
مالك:انت مش خايفه منه يا أسيل
أسيل:امال ايه مش انا كنت بطلت موضوع الخوف ده
مالك:الخوف موجود عند كل الناس مش انتى بس
أسيل بسخرية:بس زياده شويه عندى
مالك:يمكن بس إلى انتى فيه ديه مش خوف من هارون
أسيل:امال ايه يا مالك الله يخليك قولى وريحنى
مالك:ده خوف من المستقبل انتى خايفه يسيبك خايفه انك لو اديتيله إلى عايزه يمل منك ويسيبك مش كده
أسيل:بس انا عمرى ما فكرت كده
مالك:يبقا خايفه متعحبهوش أو يغير رأيه جايز إلى حواليكى مش مدينك ثقه فى نفسك جايز محسسينك انك متستحقيش لدرجه ان جواكى بقا مقتنع انك متستهليش وبتمنعى نفسك غصب عنك
أسيل:طيب والحل انا بقيت مضايقه جدا بالذات من نفسى
مالك:واحده واحده كل حاجه هتيجى واحده واحده
أسيل:ازاى يعنى
مالك:يعنى مفيش احلى من الجو الرومانسى شموع وورود وعشا ورقص وبعدين واحده واحده كله هيبقا تمام اهم حاجه يا أسيل ثقة فى نفسك انتى تستاهلى تعيشى مبسوطه خليكى مقتنعه بده ماشى
أسيل ابتسمت:ماشى
قامت عشان تمشى
أسيل بصيت ليه بغضب:صحيح ياض انت مجتش الفرح ليه وله هو الواحد لازم يجى يجيبك من قفاك
مالك بضحك:كنت فى مؤتمر الله اضيع مستقبلى يعنى
أسيل:لا متحضرش فرح اختك ماشى ماشى يا خساره الرضاعه إلى رضعناها سوا عيل ند’ل
مالك:هعوضك والله
أسيل بسخرية:اه اه أن شاء الله الفرح الجاى
مالك:سلام يا أسيل وخلى بالك من نفسك انتى تستحقى ها فكرى نفسك بكده طول الوقت
نزلت أسيل وركبت ورجعت البيت
مليكه رجعت وراها وهى فرحانه اوى
يتبع…
لقراءة الفصل التالي : اضغط هنا
الرواية كاملة اضغط على : (رواية وقعني ظبوطه الجزء الثاني)
موفقة
بجنن
حلو
ماشاء الله
كملي
امانة كملي الحلقات بسرعة
كملى لو سمحتى بقلها كتييييييير اوى