روايات

رواية ولكنها أمي الفصل الثالث عشر 13 بقلم مريم محمد

رواية ولكنها أمي الفصل الثالث عشر 13 بقلم مريم محمد

رواية ولكنها أمي الجزء الثالث عشر

رواية ولكنها أمي البارت الثالث عشر

رواية ولكنها أمي
رواية ولكنها أمي

رواية ولكنها أمي الحلقة الثالثة عشر

وقفت تلك الفتاة و قالت بتوتر : مراد حبيبى رجعت أمتى ؟
رد مراد ببرود قائلاً : لسه جاى
ثم أكمل : ها كنتِ بتقولى ايه ؟
قالت بتلجلج : مفيش ده طنط كانت عايزانى اقوم اعمل كل حاجة فبقولها تساعدني
قال مراد بأبتسامة : اه طبعًا يا حبيبتى لازم مش كفاية بعزمهم كل يومين
حزنت ياقوت لحديث مراد و قالت : بعد اذنكم أنا ماشية
قال مراد لياقوت قبل أن تخرج : استنى يا أمى خدينى معاكى
و نظر إلى زوجته و قال : لما تتعلمى تحترمى والدتى ابقى قوليلى
قالت زوجته بغضب و صوتٍ عالٍ : أنا مش ملزمة أوافق على عزوماتك لوالدتك و أختك أنا قولتلك أختك شوفلها اى عريس و أمك وديها دار مسنين يأما يقعدوا فى بيتهم و ميجوش هنا تانى هو أنا ناقصة قرف
قال مراد بهدوء : وطى صوتك

 

 

قالت زوجته بغضب و صوت اكثر علوًا : والله ده صوتى و أنا حرة و لا كمان هتجبرنى أسكت عن المهزلة دى
قال مراد بنفس وضعه : مهزلة اى اللى بتتكلمى عنها فوقى لنفسك أنتِ مبتتعبيش اصلاً أنا الأكل بجيبه من برا
صرخت زوجته بعدما وضعها فى مأزق قائلة : مراد هو أحنا هنتخانق قدام دِ
و أشارت إلى ياقوت
قال مراد ببرود : أنتِ طالق
شهقت ياقوت بينما صُدمت الفتاة و قالت لياقوت : ارتاحتى يبقى ماما عندها حق
قال مراد بغضب : كلمة تانى و….
أمسكت ياقوت يده و قالت : يلا يا مراد
جلست الفتاة على الكرسى و قالت : هندمك يا مراد و أنتِ يا ياقوت هانم هتندمى هتندمى أوى
____________________________
= مكنتش عملت كده يا مراد
قال مراد بغضب : يا ماما دِ غلطت فى حضرتك و أنا واقف
كادت ياقوت أن ترد و لكنه قال : متفتكريش يا أمى أن هو ده السبب فى حاجات تانية كتيرة أوى أنا اتغاضيت عنها
تنهدت ياقوت و قالت : اتصلت بجياد
هز مراد رأسه و قال : مكنش راضى بس اقنعته
دخلت ياقوت غرفتها و قالت : ربنا يهديكم
و فجأة خطر على بالها ماجد فقالت : ربنا يرحمك يا ماجد
بعد مدة ليست بكثيرة خرجت من غرفتها فوجدت جياد يقف على الباب فقالت ببسمة و ترحاب : عامل ايه يا جياد
توجه جياد نحوها و انحنى ليقبل يدها و رأسها و يقول : فى نعمة يا أمى
ربتت ياقوت على يده و قالت : اقعد مع مراد لحد ما تيجى روديسيا و نتغدى مع بعض
هز جياد رأسه ببسمة خفيفة خمسة عشر دقيقة أخرى و طُرق على الباب بطريقة غريبة ضحكت ياقوت و توجهت لتفتح لأبنتها الباب : ادخلى بسرعة علشان نتغدى

 

 

قبلتها روديسيا من وجنتيها و قالت: ايه ياقوت يا قمر أنتِ عاملة اى اكل
ضحكت ياقوت و قالت : مفاجأة و ادخلى سلمى على مراد و جياد
اختفت إبتسامة روديسيا و قالت : حاضر
و ذهبت بينما نظرت ياقوت لأثرها بتعجب من ذلك الهدوء
دخلت روديسيا غرفة الصالون و قالت : السلام عليكم
نظر جياد أرضًا بينما وقف مراد و هو يقول ببسمة : وحشتينى يا روديسيا هانم و احتضنها
فقالت روديسيا بمرح : يعم ابعد خنقتني قال وحشتينى مأنتَ كل يوم عندنا
ضحك مراد بخفة بينما قالت هى : ازيك يا سيادة النقيب
قال جياد بهدوء : الحمدلله و أنتِ
قالت روديسيا بنفس الهدوء : الحمدلله بخير
بعد أذنكم
كانت تلك الكلمات البسيطة لها أثر فى نفس كل منهما و كأنها عشر ساعات من الحديث .
جلس الجميع على الطاولة بعدما أعدت ياقوت كل ما لذ و طاب قطع جلوسهم على الطاولة صوت جرس الباب وقف مراد ليرى من الطارق فوجدها فتاة فى مثل عمر شقيقته او اكبر فنظر أرضا و قال : اتفضلى
قالت الفتاة بهدوء : ده بيت طنط ياقوت
قال مراد : ايوة حضرتك مين
قالت بهدوء : أنا عايزة طنط ياقوت
استغفر مراد و قال : مأنا ابن طنط ياقوت حضرتك مين
قالت الفتاة و هى تتشبث بحقيبتها : انا قولت عايزة طنط ياقوت
دخل مراد و قال لياقوت : فى واحدة برا مش طالع عليها غير عايزة طنط ياقوت عايزة طنط ياقوت اطلعيلها يا ماما
خرجت ياقوت و قالت ببسمة : اتفضلى يا حبيبتى
قالت الفتاة ببسمة : أنا ريمان مؤيد عبدالرحمن

 

 

شهقت ياقوت و قالت بسرعة : أدخلى
دخلت ريمان بينما حملق الجميع بها بإستغراب احتضنتها ياقوت و قالت ببسمة : مؤيد و مامتك عاملين ايه
أدمعت عين ريمان و قالت : اتوفوا كلهم فى رحلة و أنا مروحتش معاهم و بعدين جدو قبل ما يتوفى قالى على حضرتك و اتوفى بعدهم بشهر و البيت راح و مبقاش ليا مكان
احتضنتها ياقوت و قالت بدموع : بس اهدى يا حبيبتى أنتِ هتقعدى هنا
مسحت ريمان دموعها و قالت : هو حضرتك ازاى والدة الأستاذ اللى مش محترم ده اللى فتحلي
ضحكت روديسيا بصوتٍ عالٍ و جياد ايضًا بينما قال مراد بصدمة : أنا مش محترم !!
هزت ريمان رأسها بالإيجاب فازداد ضحك روديسيا نظر لها مراد نظرة حارقة فصمتت بينما اتجهت هى نحوها و قالت بإبتسامة : أنا روديسيا أخت الأستاذ المش محترم اللى هناك و انفجرت ضاحكة و جياد يضحك عليها نظر له مراد و قال : عجبتك أوى دِ يا جياد صح
هز جياد رأسه ببرود بينما خرج مراد تاركًا لهم المنزل
____________________________
= قولتلك متسمعيش كلام أمك جوزك كويس
قالت والدة زوجة مراد : الله ماهو اللى معتبر بنتك خدامة لأخته و أمه
ثم نظرت إلى ابنتها و قالت : متقلقيش هيجيلك ندمان هو و أمه اهدى
نظر إليها والدها و قال : متخربيش بيتك
نظرت زوجة مراد إلى والدتها و قالت : ها يا ماما قوليلى اعمل ايه تانى
ضرب الأب كفًا بأخر و قال وهو يخرج : لله الأمر من قبل و من بعد
____________________________
بعد مرور أربعة أشهر :
_ طلق مراد زوجته رسميًا و ذهب كيد والدتها هباءًا بينما اعتادت ريمان على الحياة برفقة ياقوت و روديسيا أما مراد فيعيش مع جياد بمنزله
بدموع = مراد خلى بالك من نفسك
قبل مراد رأسها و قال : حاضر يا أمى حاضر
جياد قال هنرجع من المأمورية دى و هيفتح موضوع جوازه من روديسيا
هزت ياقوت رأسها و قالت : ربنا يقدم اللى فيه الخير
ذهبت روديسيا إلى مراد و قالت بدموع : خلى بالك من نفسك يا أبيه
أحتضنها مراد و قال : خلاص بقى يا جماعة

 

 

ثم نظر فوجد ريمان تقف بإحدى الزوايا فقال : مش عايزة تقولى أنتِ كمان بالمرة
قالت ريمان بدون النظر له : و اقولك ليه و أنا مالى
و دخلت إلى غرفتها بينما ابتسمت ياقوت و مراد ايضًا
بينما ريمان فى الداخل قالت : أستودعتك الله الذى لا تضيع ودائعه
فى الساعة الخامسة صباحًا :
صوت دوى بين الضباط قائلاً : النقيب جياد فين ؟
و على الجهة الأخرى قامت روديسيا من نومها قلقة و هى تقول : أستغفر الله العظيم الذى لا إله الا هو الحي القيوم واتوب اليه
و خرجت من غرفتها فوجدت والدتها تجلس كعادتها فى كل مأمورية يذهبون إليها و ريمان بجانبها فقالت : أنتوا مش عارفين تناموا يا جماعة
هزوا رءوسهم و جلست هى بجانبهم فقالت لريمان بعبث لتخفف التوتر: و أنتِ بقى مالك مخضوضة و قلقانة كده ليه ؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية ولكنها أمي)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى