رواية يحيا العشق الفصل الثالث 3 بقلم سولييه نصار
رواية يحيا العشق البارت الثالث
رواية يحيا العشق الجزء الثالث
رواية يحيا العشق الحلقة الثالثة
-ماما
صرخت مروة وهي بتبكي ….قعدت علي الكرسي وانا بعيط وم*نهارة…أنا هم*وت خلاص …حياتي هتنتهي …مش مصدقة أن الست اللي كنت بعتبرها امي تعمل فيا كده تأذ*يني بالشكل ده …ده احنا اكلنا مع بعض …دي كانت بتقولي انتي زي مروة …ازاي تعمل كده ….راسي لفت ومسكتها …مقدرتش حتي اواسي مروة اللي بتصرخ علي امها قدامي …
……..
مر تلات ايام عقبال ما مروة فاقت …جابت ساعتها جوزي وحكتله علي اللي عملته امها …أنا عرضت عليها انها تستر عليها ومتتكلمش لكن مروة أصرت تحكي كل حاجة …كانت مصممة أنها تفوق معتز …تقوله أن شعوره ناحيتي طبيعي لانه مس*حور هو كمان ….
بعدها قررت تروح لشيخ الجامع وتحكيله علي كل حاجة …واخدتني أنا وجوزي معاها …
….
-لازم نلاقي القب*ر عشان نفسد العمل
قالها الشيخ بعد ما سمع القصة …
فركت مروة كفها وقالت بتوتر :
-بس يا شيخ امي ما*تت قبل ما تقول المكان فياريت تساعدنا …
-يا بنتي في الحالة دي لازم نلاقي القب*ر عشان نبطل الس*حر …والا القصة محتاجة شيخ اقوي مني لانه صعب نفكه من غير ما نلاقي الق*بر …
مسحت مروة دموعها وهي بتمسك أيدي وبتطمني :
-طيب متعرفش شيخ يساعدنا لو سمحت
فكر الشيخ شوية وقال:
-ايوة فيه شيخ طيب اسمه حسن …بيعالج بالقران وعالج ناس كتير
-شكرا يا شيخنا
قالتها مروة بإمتنان ..بعدين سكتت شوية وقالت بإنكسار:
-هو ممكن ربنا يسامح امي يا شيخ …ممكن تدخل الجنة ومتتعذ*بش
بصلها بشفقة وقال،:
-الله اعلم يا بنتي …
……
ودانا الشيخ للشيخ حسن اللي فضل يقرا عليا أنا وجوزي ويرقينا. ….طلب مننا أننا نشرب ماية مقري عليها. ..ونقرا قران قبل ما ننام ..ونصلي كتير عشان نعدي المحنة دي …نفذنا اللي طلبناه…احيانا كنت بحس بخنقة بس كنت بكمل …مروة مسابتنيش وقتها …كنت ممنونة ليها جدا …أنا عارفة أنها مكسوفة بسبب اللي عملته امها بس هي ملهاش ذنب بالعكس هي اللي ساعدتني …واحدة واحدة بدأت افوق واخف ومعتز كمان ….وكمان بدأت اشفي من مرضي وشي رجع نور ومعتز رجع يتعامل معايا زي الاول واحسن كمان …بقينا نحافظ علي الصلاة بتاعتنا ونقرا قران ونتقرب من ربنا قد ما نقدر ….مروة حاولت تبعد لأنها كانت مكسوف مني بعد اللي عملته امها بس انا مسمحتلهاش بكده بالعكس قربت منها اكتر وساعدتها عشان تتجاوز وفاة أمها زي ما ساعدتني …
…..
وبعد سنة اهو احنا معزومين في فرح مروة علي واحد بيعشق التراب اللي بتمشي عليه …كنت ماسكة ايد معتز جوزي وحاطة ايدي علي بطني اللي بدأت تكبر بسبب الحمل …طلعت وسلمت علي مروة :
-ام عتريس جات بنفسها
قالتها مروة بمرح وهي بتحضنني
حضنتها وقولت :
-عتريس في عينك انا هسميه مراد …
باركتلها وانا بضحك ونزلت ووقفت جمب جوزي معتز قرب عليا وقال:
-فيه حامل قمر كده ♥️
-اه فيه أنا يا بيبي
ضحك وقال:
-بتعجبني ثقتك في نفسك يا حبيبتي عشان كده بحبك ♥️
-وانا كمان بحبك♥️
تمت…
لقراءة الرواية كاملة اضغط على : (رواية يحيا العشق)
