رواية يوميات مريم الفصل الثاني 2 بقلم إيمان شلبي

رواية يوميات مريم الفصل الثاني 2 بقلم إيمان شلبي

رواية يوميات مريم الجزء الثاني

رواية يوميات مريم البارت الثاني

رواية يوميات مريم الحلقة الثانية

ها وبعد ما قولتيله الخدامه ديه تبقي الست الوالده ايه اللي حصل !
سألتها اختها اللي كانت قاعده معاها في بيتهم البسيط وقاعده بتاكل لب وبتسمع المصيبه الجديده اللي اختها عملتها ،اصل مريم كل يوم بمصيبه جديده ماشاء الله عليها تعشق المعاناه تموت في ضيق التنفس
مريم بلامبالاه: جريت
اختها وهي بتأزأز لب بفضول : وهو مجراش وراكي!
مريم بفخر : لا جري بس انا بقي عملت ايه !
اختها بتوتر وقلق : عملتي ايه يابلوه هببتي ايه !
مريم وهي بتحك أنفها : خليت اهل المنطقه يتلموا عليه
اختها بقلق : ضربووه !!
مريم : اه
اختها وهي بتلطم علي وشها : يانهار ملهوش الوان انتي عارفه ،ده انتي هيتعمل منك شاورما سوري ..
مريم وهي بتتفرج علي التلفزيون ببرود : مش بحبها
اختها بعصبيه : باررررده
مريم : كبري كبري انا اصلا مش خايفه لو راااجل يجيلي هنا وانا هعرفه ازاي يقولي انا اناااا مريم عابدين يتقالي تشتغلي خدامه !!
قالت آخر جمله من هنا والباب خبط من هنا
مريم وهي بتقوم تقف بخوف : يالهوي لا يكون هو

اختها بسخريه : كبري كبري انا اصلا مش خايفه لو راااجل يجيلي هنا وانا هعرفه ازاي يقولي انا اناااا مريم عابدين يتقالي تشتغلي خدامه !!
مريم بخوف : ياااه عليك ده انا كنت بهزر !
الباب خبط بصوت اعلي ومريم هتموت من الرعب …
مريم وهي بتجري يمين وشمال في الشقه : اروح فين اعمل ايه !
اختها : انا رايحه افتح
مريم وهي بتلطم علي وشها: ياختااااي تعالي هنا انتي رايحه تهببي ايه هيموت اختك او يسجنها ممكن يشوه وشها يرضيكي يشوه وشي !
اختها ببرود : اه يرضيني
مريم : طب سلام س س سلام
اختها مهمتمتش بيها وراحت تفتح الباب واول ما فتحت دخل زي الطور الهايج …
مروان : هي فين ؟ هي فين
اختها بخوف : ج جوا يباشا
مريم وهي واقفه علي الكنبه : اوعي تقرب مني وربنا وربنا انط من فوق الكنبه وانتحر واشيلك ذنبي طول العمر …
مروان وهو بيقرب منها بعصبيه : بقي انااا انااا مروان باشا حته واد زيك يعمل فيه كده
مريم باستغراب : واد مين لا مؤاخذه انا ست ياجدع انت
مروان : استحاااله استحاااله بنت تعمل كده انتي اكيد راجل ومتنكره في شكل بنت ..
مريم بغيظ وجنون : بقولك ايه ياض غور من وشي بدل وربنا وربنا ابطحك بحاجه في دماغك ،انا سبق وقولتلك بنت بس بميه راجل مش زيك ياملزق انت يابن العبيطه …
مروان بغضب : انا ابن عبيطه !
مريم باستغراب : يعني انت مأخدتش بالك من كل اللي فات ومسكت في ديه !
مروان : بقي انااا ابن عبيطه !
مريم: لا اجيلك وقت تاني انت شكلك اهبل دلوقتي ..
اختها في سرها : الله يرحمك يامريم كنتي طيبه ..

مروان وهو بيغمض عينه عشان يحاول يهدي نفسه ..
مريم وهي بتتسحب وتنزل من فوق الكنبه وبخفوت لاختها: هو بيعمل ايه هو تعبان !
اختها بسخريه : لا متقلقيش ده هيجيله جلطه منك بس مش حاجه كبيره يعني ..
مريم بزعل : ربنا يشفيه يارب
مروان وهو بيخرج من البيت وبيكلم نفسه زي المجنون وقرر انه هينسي اللي حصل وكأنه محصلش عشان لو حط مريم في دماغه هيجيله ذبحه صدريه ويموت وهو مش مستغني عن عمره …
مريم بعد ما خرج : ياعيني ده اتصددم
تاني يوم الصبح مريم كانت واقفه في الموقف وبتنادي بصوت عالي …
منشيييه منشيييه قررربي يامدام قرررب ياعم العاشق الولهان منشيييه ده المكان التمام …
احد السواقين : ايه ده يامريم انتي بتشتغلي ولا بتقولي شعر !
مريم : خليك في حالك انت ياعبدو
الشخص باستغراب : بس انا اسمي محمود
مريم بلامبالاه : منشيييه منشيييه
ايوه ياحبيبتي والله جاي اهو اعمل اي بس السكه زحمه ها ااه اه انا ركبت اهو …
مريم كانت واقفه بتسمعه بفضول وشهقت مره واحده وسحبت منه الفون بعصبيه
بقولك ايه الواد ده كذاب اه والله زمبقولك كده ده حتي واقف ومعاه بنت بس بقولك ايه جامده والله انا لو منك اسامحه عشان هي حلوه بصراحه اكيد احلي منك يعني ياانسه إلا انتي قولتيلي اسمك ايه !!
البنت بغيظ : الحيوووان
مريم : عاشت الاسامي يا انسه الحيوان
البنت : الحقيررر عاااااااا تعالي خد دبلتك ياحيوووان
مريم وهي بتديله الفون : اتفضل يااستاذ الانسه عايزاك
الشاب بقلق : ا اسمعيني بس
البنت بغضب : تعالي خد دبللللللتك ياحقير ياخااااين
وقفلت السكه في وشه ..
الشاب بغضب وهو بيهبد علي العربيه: ده انتي ليله اهلك مش فاييييته
مريم بخوف : ا اسمعني بس يا استاذ ا اللي انا عملته ده لمصلحتك ا اه والله
الشاب بغضب: لمصلحتي!!!

مريم : اه ياباشا يعني انت دلوقتي معاك اتنين واحده حلوه والتانيه لا والمعروف يعني ان خطيبتك مش حلوه إنما اللي بتخونها معاها قمر فأنا بقي عملت ايه ،اسألني انا عملت ايه
الشاب وهو بيتنفس بغضب : هببتي ايه !
مريم : انا خلصتك من الوحشه عشان يخلي الجو مع الجامده اللي معاك انا غلطانه يارجاله!
السواقين بصوت واحد : اااااه
مريم : اهو شوفت بيقولولك لاء ازاي !
البنت بعصبيه : انتي خربتي بيته حرام عليكي انا أخته منك لله
مريم بصدمه : اختته
الشاب وهو بيندب حظه وبيمشي من قدامها : منك لله منك لللله.
مريم وهي بتحك أنفها وبتسأل اللي واقفين: هما كده سابوا بعض!
أحدهم بسخريه: لا خالص
مريم : يالا قسمه ونصييب
بليل كانت مريم سايقه ومروحه البيت وفي عربيه وقفتلها في نص السكه …
مريم بخوف : يامامي هما وقفوا ليه
قرب منها كام شاب باين علي شكلهم الإجرام ..
انزل ياض من العربيه
مريم وهي بتبلع ريقها : ا انا بنت ياريس
الشاب باستغراب : وربنا !
مريم : اه وربنا ،الا قولي ياسطا انت وقفت في نص السكه ليه البنزين خلص ولا ايه !
الشاب بضحكه شريره : اه البنزين خلص ،انزلي بقي ياواد يابت انتي وسيبي العربيه واتكلي ..
مريم: اتكل !
الشاب بخشونه : انزلي أبت
مريم : طه متزوقش طه
ونزلت من العربيه وهما زقوها واخدوا العربيه وجروا بيها ..

مريم : عااااااااا ياختااااااي العربيه العربييييييه منكوا لله لسه مدفعتش القسط بتاعها عااااااااا اقف ياض منك ليه يالهوووووي الحقوووووونااااي
مريم كانت في حته مقطوعه ومحدش سمعها قعدت علي الأرض وربعت رجلها وفضلت تندب حظها
كتاااب حياتي ياعييين ملقتش زيه كتاااااب الفرح فيه سطررين والباقي كله عذذذذاب
واتنسيت كأني ما جيييت ولو حسيت هتكسرني
لا لا الاغنيه مش لايقه علي الموقف اللي انا فيه
اغني ايه طيب
الغزززاله رايقه
مريم : الغزاله مش رايقه لا الغزاله متخزوقه ها متاخدلك خزوق !
يا انسه يا انسه
مريم وهي بتلف لمصدر الصوت وبلامبالاه : نعم !
الشاب : احم انا شوفتك قاعده وفي حته مقطوعه قولت لو محتاجه مساعده
مريم : اه محتاجه
الشاب : ايه !
مريم : اغنيه تليق علي الموقف
الشاب باستغراب : افندم !
مريم وهي بتقوم تقف : اغنيه حزينه عشان عربيتي اتسرقت
الشاب : لا اله الا الله ربنا يشفيكي انا غلطان اني نزلت اصلا
وكان لسه هيمشي بس مريم وقفته
ياجدع انت استني
الشاب : نعم !
مريم : وصلني في طريقك انشالله يخليلك ولادك
الشاب بضحك : هههههه بس انا مش متجوز !
مريم وهي بتركب العربيه : أن شاء الله تتجوز
ساق الشاب وشغل اغاني وكانت اغنيه لشرين
كلها غيرانه بتحقد والنفسيييه سوواد
مريم : سحليه بتتكلم اول مره اشوف سحليه بتتكلم
الشاب باستغراب : نعم !
مريم : اصل البنات كلها منزله الاغنيه ديه علي الاستوري بتاع الفيس ،لا مؤاخذه في السؤال انا هغير من سحليه ليه مش فاهمه يعنى مثلا الإنسان يغير من اخوه الإنسان إنما انسان يغير من سحليه غريبه ديه !
الشاب اتفتح في الضحك ومريم فضلت تضحك معاه وهو غير الاغنيه لاغنيه لعمرو دياب
انا وانت اختيارنا اننا نبعد عن بعض خلاااص
مريم : يعني مش انت اللي خزوقتها وخلتها تبعد ؟ توء توء انا وانت اختارنا اننا نبعد
الشاب بحزن : سابتني
مريم: ليه
الشاب : سابتني عشان بخونها

مريم : لا ملهاش حق
الشاب : انا كنت بعمل كده عشانها ،كنت بخونها مع صحابها ايام الامتحانات عشان هي تنجح وتبقي الأولي وهما يسقطوا
مريم : ياحنيييين
الشاب : مقدرتش ده
مريم: لا فعلا ملهاش حق ،وقف العربيه
الشاب : انتي بيتك هنا
مريم بغموض: اه
ونزلت مريم من العربيه وراحت تجيب طوبه وحدفتها علي عربيته
الشاب بخوف : يابنت المجنونه انتي بتعملي ايه
مريم بغضب وهي بتحدف طوب كتير : ياخاين ياخاااين
جري الشاب بعربيته وعربيته اتكسرت علي الاخر بسبب مريم
مريم بفخر لنفسها برافو يامريم كل الدعم ياقمر كل الدعم
هو كل الدعم وكل حاجه بس اللي انتي كسرتي عربيته ده يبقي ابن لواء كبير اوي في الداخليه …
مريم وهي بتلف لمصدر الصوت وبصدمه : ياسوادك ياقرمط !!

يتبع …

لقراءة الفصل التالي : اضغط هنا

لقراءة الرواية كاملة اضغط على : (رواية يوميات مريم)