رواية يقين جريئه الفصل الثالث والعشرون 23 بقلم منة محمد
رواية يقين جريئه الجزء الثالث والعشرون
رواية يقين جريئه البارت الثالث والعشرون
رواية يقين جريئه الحلقة الثالثة والعشرون
يقين بدموع : انا اخترت ….
سكتت والدموع نزله من عيونها المتعلقة بزين الي مشي لها بهدوء وقف قدامها
وحط ايديه على ايدها فوق الصندوق : يقين عارف انك مستغربه مني …ويمكن في نفسك بتسألي ليه انا خيرتك … وعارف كمان انك متردده كتير ..وانا قلت لك مش مستعجل .. بس الظروف عاندتني
ضغط على ايدها
زين : انا هفتح الصندوق وانت ايدك ماسكه ايدي … مع بعض يا يقين
رفع زين وايده في ايد يقين غطا الصندوق واتفاجئ من الي جواه
زين :……………….
رفع عيونه ليها وشاف دموعها الي تهزه وتأثر عليه بقوة
زين بستفسار: ايه ده…..
يقين ببكاء وجع زين : اختياراتك كانت صعبة على وما لقيتش قدامي غير الاختيار ده .. ده الحل الوحيد يا زين
زين بصلها مرة تانيه للصندوق الفارغ غير من ورقه صغيرة مكتوبه بخط الايد
زين : بس الصندوق فاضي ورقه بس وده مش خطي
يقين : عارفه ..انا فرغت الصندوق والورقة اللي فيه ..عاوزك تقراها
زين متوتر بس باين عادي وهادي رفع الورقه وبدء يقرأ بصوت عالي واثق
( ماذا تريدني اقول اطلق يدي … اعطيني حريتي …. فك قيدي … مللت الانتظار
ام تريدني ان اقول خذني الى عالمك … اجعلني اميرة احلامك … دعني اعيش كزوجة ..كام .. كاصديقة
اذكر مرة انك قلت لي اذهليهم يا يقين وخليهم يعرفون ان زين ما اساء الاختيار وعرف يختار(قصدها يوم حفلة الاستقبال)
أي غموض واي حيرة وضعتني فيها .. في البدايه حرمتني الاختيار والان تريد مني الاختيار..
اعطيتني الان امرين احلاهما مر … لن ارد عليك الان … ولكن كل ما اطلبه هو مهلة للابتعاد للتفكير ….فهل انت قادر على اعطائي هذه المهلة )
زين الي سكت بعد قراءة الورقه ومشاعره متلخبطة
حالا دلوقتي تفهمني انا بالنسبالك مين …انا من قلبك من ايامك من كل حياتك فين
مفيهاش بعدين ولا يوم تاني ضيعت معاك كل زماني لو قلبك مبقاش علشاني قول و انا حبعد عنك حالا مفيهاش بعدين ولا يوم تاني ضيعت معاك كل زماني
لو قلبك مبقاش علشاني قول و انا حبعد عنك حالا
حالا دلوقتي تفهمني انا بالنسبالك مين ؟؟؟
( يقين تبعد عني … معقولة اقدر اعيش لحظة وهي بعيد عني …انا ما اقدرش ابعدها حتى لو حبستها بالقوة …
زين رفع عيونه وشاف فيها طلب ورجاء بالموافقة على طلبها … رجع نظره في حيرة على الورقة ( مالك يا زين …مش قادر تتصرف .. انت الحاكم في امر عيلتك من يوم ما كان عمرك 20 سنه .. الحمل الي حملته من مسؤليات ..الاختيارات الي اضطريت اني اتخذها في اصعب المواقف ..اقف عاجز عن طلبها الصغير…)
زين اتماسك ورفع عيونه ليها : ليك المهلة الي محتاجها .. انا عند وعدي ولا يمكن اجبرك على شي انت مش عاوزاه .. وانا بعترف اني عاملتك بقسوة ومن حقك تترددي انك تفضلي معايا .. بس انت نادره في كل شي ..وانا هتفهم لو اخترتي الحياه مع شخص تاني يقدرك
يقين في سرها ( لا لا يا زين انت مش عارف ..انا مستحيل اختار فراقك ..مستحيل ابعد وانت تعبان ..مستحيل اسيب مامتي ومريم وريهام ..مستحيل اكون لغيرك ..انا ليك وحدك .. بس مستحيل اخون بنت عمي واخوي مستحيل اضيع حياه اسرة كامله .. السر مات واندفن من اربع سنين ومش لازم يظهر مره تانيه .. يارب ارشدني للطريق الصح … بحبه ..بحبه ولو طلب روحي فداه .. فيه شي مخليني اسامحه اتقبل منك شي ينسيني كل الي عملتو ..مش عارفه ايه الي بحس بيه )
زين شافها سرحانه ومهمومه : يقين انا ضغطت عليك ..ولو تحبي اريحك ..
يقين قاطعته : زين اختياري لحريتي او اختياري للعيشه معاك كزوجه مربوط بماضي ..ماضي صعب اننا نمحيه
رفعت عيونها المهمومه والحزينه : لو اقولك حاجه تصدقني …..
زين مسك ايدها وقعدها على الكنبه وعيونه بعيونها : ايه
يقين وجع زين لان الاتنين عاوزين نفس الشي وبقوة : اتمنيت كتير اني امحي الماضي اللي كان والي اتوجدنا فيه …
وكملت بثبات وعيونها بعيونه حابه تشوف ردة فعله : بس انا قد ما اتمنيت امحية انا مش ندمانه عليه ابدا
يقين تقصد انقاذ بنت عمها من ظلم مازن وسعادة اخوها بالجواز منها
زين كان مصدوم من كلامها على انها مش ندمانه ..بس حبه ليها الي غرقه .. يقين الي عرفها من الشهور الي فاتت … المراءة القويه الجريئه الي هزته ..المتمسكة بحجابها ..اخلاقها العالية ..وقوفها معاه في مرضة ..( لكل واحد ماضي ويمكن اجبرت على شي هي مش عاوزاه )
يقين مسكت ايده وثبتت عيونها في عيونه : زين فيه حاجات انا لازم احافظ عليها ..انا متأكده انك هتسأل عنها …وانا عندي اجابه ليها ..بس مستحيل اقولك حرف واحد منها (يقين خافت انه بعد ما يعاملها كزوجه بكل ما تحمل الكلمة من معنى اكيد هيستغرب انه الاول في حياتها .. وهيفضل يسأل .. )
زين :……………..
يقين قربت منه وواجهت وشها لوشه وبلهجه حزينه: انا وانت جمعنا القدر في ظروف غامضة .. تصور يا زين يومين شفتك باللفله يومين بس .. وبعدها اختفيت من حياتي ..بس مش من تفكيري ..(قصدها انها تبلغه انها ما ضربت مازن بالرصاص)
عارف لو قالولي قبل اربع سنين انك يا يقين هتقابلي الملياردير المشهور زين الرفاعي ما صدقش …ولا كمان في يوم من الايام تبقي زوجته .. حلم الاف البنات …زين حلم بنت عمه ..حلم صعب المنال .. ويبقي بين ايديا وانا بين ايديه ..
زين شاف الصدق في عيونها واتنهد بقوه : يقين الماضي …ماضي
وانا وانت تعالي نبدأ كزوجين وحياه جديده …
يقين :زين اخاف ..اخاف ..انك تسألني يوم من الايام ..انا متأكده من ده …. واقولك يا زين عاوزك تتأكد لو انه على موتي مستحيل اتكلم … ولا هبرر عن أي حاجه
زين بصدق أثر على يقين بس هي مش عاوزاه يعتبرها انها بنت …. وجعها كلامه الي حسسها انها رخيصة وهي قمة في النقاء
زين : يقين انا حبيتك .. حبيت يقين الي عرفتها .. حبيتها بعيوبها وحسناتها .. بكل شي فيها …. لكل انسان في الدنيا نقطه سوده في حياته او حتى ماضي مش بيحبه … وانا كل الي شفته منك خلال عيشتك معاي كله تمام
و مسك ايدها: ربنا سبحانه وتعالى بيغفر للعبد ويقبل توبته ..والتوبه تمحي ما قبلها .. يمكن انت تبتي توبه نصوحه ..ويمكن فيه شي انا مش عارفه … انا انسان مهما كنت ومهما عملت ما اقدرش احاسب الناس .. رب العالمين بيغفر .. وانا يا انسان ضعيف ما اسامح
يقين وجعها الكلام ( بس والله انا بريئه ..ما حد لمسني ولاضيعت ديني وشرفي وتربيتي ..انا ما رميتش مازن بالرصاص ..)
نزلت دموعها من عيونها وحالها حز في زين (كل الي اشوفه برائه ..يارب سامحني ان قسيت عليها بالكلام )
زين : ……….(شوفتك بعينيا كل الي في الدنيا حلم في ايام كبييرحالا حتقولي مش حستنى استنيت ياما كتيير)
يقين بضياع : انا مستحيل اسيبك واروح… ومستحيل اعيش معاك بتردد
زين بعدم فهم : وضحي يا يقين كلامك ..انت طلبت مهله .. ولا ناويه … وسكت مش قادر يكمل الكلمه
يقين بهدوء مؤلم مسكت ايده وثبتت عيونها بعيونه : ترضى بيا وانا واحده انت شايفها انها..
انها ضيعت دينها واهلها واخلاقها وشرفها
انها رمت ابن اختك بالرصاص
انها حضرت حفلات مختلطه
انها .. انها مشعارف قد ايه كان ليها علاقات برجاله
وكملت بوجع
او حتى كام راجل ……….
زين صرخ فيها : كفايه …….كفايه
زين مش عاوز يسمع الكلام الي يجرحه .. الي حيره .. والي ضعفه قدامها …
الي عرفه وشافه منها كل احترام وعفه واخلاق حتى في التزامها بالحجاب ..يقين الي وقفت معاه في كل الظروف وما تخلت عنه في مرضة وازمته حتى بعد ما سابها شهرين ..خايف من الحقيقة المره والماضي المؤلم الي نفسه ينساه ويمحيه لو يقدر
يقين وجعها صراخه حتى الصميم ( خايف من الحقيقة) ونزلت دموعها
زين سحب يقين بين دراعاته وركز دقنه على راسها
بس مش زين الي يضعف ويتراجع بعد ما وعدها وبصوت هادي واثق وهو يضمها بقوه لصدره
زين: ارضى بواحدة ما شفت منها من اربع سنين الا كل خير
بواحدة وقفت معاي وقت الحاجة بواحده كانت لي الحضن الدافي والامن
بواحده الكل يشهد بأخلاقها وادبها
بواحده بشوفها ملتزمه بحجابها ودينها وصلاتها
الماضي راح وولى خلينا ندفنه يايقين … وخلينا نبدء حياة جديدة
حياه فيها زين ويقين بس زوجين متفاهمين …. وانا هحطك في الصورة ..
انا انسان مريض … ويمكن بلا امل ..ورحمه ربنا واسعه
يقين سمعت مرضه خافت عليه ودفنت وشها في صدره وشدته ليها : زين ما تقولش كدا حرام عليك .. كل مرض وله علاج
زين ابتسم بحزن : صحيح بس انا بلا امل … مش بس المرض الي بيطاردني ويهددني ..
يقين : زين مامتي ومريم وريهام وعز و محتاجينك ما تقولش الكلام ده ربنا يخليك
زين :وانت يا يقين مش محتجاني
يقين : …….. انت … انا
زين : لو اقولك ان الشهرين الي فاتوا اثروا علي بشكل رهيب ضعفوني يايقين والغريب انك الشخص الوحيد بعد فهد الي بكلمه عن نفسي …
يقين ابتسمت بتفهم : انا مراتك ومن واجبي اسمع لك ….انا عارفه اننا مش بدئنا حياتنا زي أي زوجين بس سبحان الله مشعارفه ليه دايما احس انه فيه شي ربطني بيك
زين بصلها نظرة لها معنى وسرح (اكيد يا يقين فيه شي ربطنا بس ..واتمنى انك ما تعرفيه)
يقين : زين ممكن اطلب طلب صغير واتمنى انك توافق
زين : امري يا يقين واطمني ليك الي يريحك
يقين بخوف : ما يأمر عليك ظالم عاوزه المهلة الي هتدهالي اروح عند اهلي
زين : ايه يعني بتهدديني تاخدي روحي
يقين : لا يا زين علشان افكر كويس وانت كمان تفكر كويس لازم نبعد عن بعض فترة
زين مش عجبه الكلام : انا واثق من كلامي ومش زين الي يتراجع عن كلامه بس انت المهلة الي طلبتيها انا موافق عليها وحاضر هوديك عند اخوك علشان تعرفي ان انا عند كلمتي…!!!!
يقين : ميرسي زين
زين وقف ورجع للمكتب : انا عندي شغل بخلصة ويمكن فهد يمر علي بالمكتب وانت نامي
يقين : زين انت مش هتنام انت تعبان خلي الشغل يتأجل شوي
زين بسرحان : الا الشغل ده مستحيل ائجله حتى لو انا اجلته هو هيستعجلني
يقين : بس انت بتتعب نفسك
زين : اهم شي انت نامي وارتاحي
يقين قامت ودخلت السرير وهي بتفكر بزين وبالخيارات وبالحياه حاجات كتيرة غلبها النوم ونامت
………………
زين قاعد يرجع اوراق في المكتب دخل عليه فهد
فهد : صباح الخير ياباشا
زين: صباح النور
فهد : كل الي طلبته من المعلومات معاي .. والموعد حددته السبت الجاي
زين : وكلمت الاستاذ احمد
فهد : ونسقت معاه كل شي ..انت بس خليها على الله وان شاء الله يحصل الا كل خير
زين بعد تفكير: تمام احجز لامي ومريم وريهام باسرع وقت لامريكا اسبوع وانا بكلم عز يستقبلهم …. انا بلغت ريهام بالسفر علشان تعفيني من رد امي عارف انها مش بترفض لها طلب
فهد : حاضر رايح احجز لهم اسبوع في امريكا زي ما طلبت و السيدة يقين معاهم
زين : لا لا مش تحجز ليقين
فهد : لو راحوا بالطيارة الخاصة مش احسن
زين : لا كدا احسن مش عاوز حد يشك في حاجه
فهد : والسيده يقين
زين : يقين هتروح عند اهلها
فهد : اتوقع يا باشا اننا بننجح
زين : الواحد اذا راقب ربنا في اعماله ان شاء الله يوفقه
فهد : تأمرني بأي اوامر تانيه
زين : امن اتصل دولي مع اندر مرة تانيه عاوز اكلمه لان المكالمه الاولى انقطعت
فهد : تم سعادتك
زين قعد يتكلم مع اندر كالعاده والصوت يعلى ما بين شد وجذب
فهد : استاذ زين شكلك تعبت
زين : اه والله من امبارح ما نمت
فهد : يا باشا احنا اتفقنا انك تهتم بصحتك جدا
زين: اعتقد ان اندر هيبعتوا
فهد : تقصد ان الموعد الي بينا بيجي فيه ……
زين : ايوه بيجي فيه ……. يا الله فعلا الدنيا صغيره
فهد : باشا هما بيتصلوا ارد انا خايف عليك منهم
زين: مش زين الي يتراجع والحمد لله الظابط احمد كل شي حددته معاه
فهد : الله يكون في العون
زين: الحمد لله المهم ان اهلي بخير وعز مش هيقصر معاهم ..اطلبه يافهد وبعدين انصرف
علي التلفون
عز : اهلا باخوي المز
زين : هههه اهلا بيك ياخويا عامل ايه
عز : بخير طمني عن حالك و امي ومريم ورهومه
زين : بخير الا غريبه ما كلمتك ريهام
عز : هههه حبيبتي لسه قافله من الفرحة نفسها تطير
زين : هما بوصيتك يا عز مش هوصيك عليهم
عز : لا مش توصي يازين معقول يعني توصيني على امي واختي يا راجل
زين : ههههه خاصة امي من نايتي هههه
عز : ههه الله يعين على الاكشن الي كل مره يحصل لما يتقابلوا
زين : عملت ايه في الاقتراح الي قالك عليه المحامي
عز: اقتراح حلو بس انا حبيت اني ابيع ممتلاكاتي ليك انت يا خوي
زين : ما ينفعش يا عز والا كنت قمت بالخطوة دي من غير ما ابعتلك المحامي بس هو طمني انه مش هيحصل الا كل خير
عز : انا ما كنتش عاوز الامور كدا بس ناتي مش عاوزه تعيش قي القاهره ابدا وانت عارف انا خلاص مت غربه
زين : اهم شي زي ما قال المحامي بيع ممتلاكاتك لشخص تثق فيه قبل الطلاق بمدة كفايه علشان تضمن حقك
عز : انا واثق في عدنان ابن عم يقين الي كلمتك مره عنه
زين : اه افتكرته اهم شي يكون امين وتثق فيه انه يرجع لك الملايين الي هتبقي باسمه
عز: انا قررت اني ابيع كل ممتلاكاتي هناك كل الشركات والاسهم والعقارت كمان هبعهم فوقيهم
زين : ممتاز وهو هيبعها على طول ويفتح حساب بسويسرا ويحط الاموال فيه زي ما قال المحامي
عزز : اكيد وانا وهو من امبارح بدئنا الشغل مش باقي الا العقارات انت عارف تاخد وقت
زين: مش مهم الوقت معاك المهم حرص ان ناتي ما تعرفش حاجه واتمنى ان عدنان عند حسن الظن
عز : انا واثق فيه وهو كان راجع لاهله الشهر ده بس علشان موضوعي اجله شهر
زين : وانت يا خوي اكرم الرجل شايفه مش مقصر معاك
عز : اقولك ايه بس يازين من غير ما تقول انا حاولت اعطيه مكافأه على معاملته معاي بس هو رفض وزعل مني ويقول انه اخو دنيا وما بينا ده
زين: كفائه والله بس انت اديلو هديه قيمه له ولاهله يعني جيبها بطريقة غير مباشرة
عز : والله انا كنت مقرر اني اشتري هدايا وابعتهالو كاهديه بعد ما يرجع القاهره وقفته معاي ما انساها
زين : والله راجل الاهو فين بيشتغل
عز : لا مش بيشتغل هو بيدرس في الهندسة بالجامعه اتخرج السنه دي
زين : وانت ازاي اتعرفت عليه انا بحسبه بيشتغل عندك
عز : هههه لا فين يشتغل انا اتعرفت عليه من واحد من اصحابي العرب هناك وعجبني طموحة واتقابلنا كذا مرة وبقت ازوره واذا زعلنا انا وناتي يزورني وكم مره نمت عنده بالشقه
زين : اعمل الي قالك عليه المحامي وبعدين ارجع بلدك وحاول تقنعها تيجي معاك وان جات حطها قدام الامر الواقع يا تقعد معاك يا اما ترجع علي بلادها وساعتها هي بتطلب الطلاق
عز : المحامي عرفني كل شي وانا نفسي ارتاحت منها نفسي ارجع بقي بلدي واستقر فيها واتجوز من بنات بلدي الي زي السمنه البلدي
زين : هههه والله انت مش سهل اقولك والله لوتعرف نايتي لتدبحك وتعبيك في كياس سوده
عز : طول مدة جوزاي بيها ما قصرت معاها بصرف عليها مع ان عندها شغلها الخاص
زين : الاهي ما اسلمتش
عز : لا ما اسلمتش وانا حاولت معها كتير بس الي عجبني فيها انها محافظه
زين : علشان كدا مش عاوزه تجيب ولاد منها
عز : مستحيل تكون ام عيالي ..انا ما اتجوزتها الا علشان مش اقع في الحرام واعف نفسي انت عارف المجتمع هنا مفتوح
زين : الله يسهل اهم حاجه انت انتبهه لنفسك ولامي ومريم وريهام مش هوصيك عليهم
عز : زين انت فيك حاجه المره دي ..انت كويس ..فيك ايه ..
زين بحزن : انا بخير بدام انتم بخير
عز : الله يخليك ويديمك لينا انت كبيرنا يا زين
زين : في حفظ الرحمن
عز : مع السلامة
……………………..
زين طلع من مكتبه وراح لغرفة النوم وعجبه الهدوء و الهوا البارد الي تلاقاه اول ما دخل بص في ساعته الساعة1 الظهر وطياره امه الساع 9 بليل يعني يلحق ينام لانه مبلغم يجهزوا بدري شويه ظبط وقت ساعته على 7 ولبس البيجاما ودخل ينام وابتسم لما شاف يقين النايمه وهي منكمشه على نفسها وشوي وتقع من طرف السرير ..مسح على شعرها وسحب اللحاف عليها وعطاها ضهره وهو بيحاول ينام من التعب
زين صحى على الساعه 7 ولبس بنطلون جينز وقميص ابيض وقعد على طرف السرير
زين مسح على راسها : يقين ..يقين ..يالا قومي ياكسوله
يقين سحبت اللحاف ولفت الجهه التانيه وهي تتأوه
زين انحنى فوقها وبصوت هامس : اميرتي النائمة اصحي
يقين قعدت على حيلها من الفجعة وقلبت طماطم وهي بتحاول تلم شعرها المنكوش حواليها وابتسمتلو بخجل : صباح الخير وبصت في الساعة اوه لا مساء الخير
زين بهمس وهو دايب من شكلها الي دوخه : مسا الورد ..ما حبيتش ازعجك بس قلت لازم تسلمي على امي قبل ما تسافر
يقين : تسافر فين و بتسافر امتى
زين مسح على شعرها : امريكا عند عز
يقين : لوحدها ولا معاها حد
زين وقف ويوقفها : انت دلوقت البسي وبعدين ننزل نسلم عليها هي ومريم وريهام .. حبيت ارفه عن ريهام شوي بعد اختبارات تالته ثانوي
يقين بخوف من كلام زين : حتى هما بيرحوا معاها يعني انت هتقعد لوحدك في القصر
زين : هههه والله لوانا مش مسافر عادي يمكن كنت سافرت معاهم
يقين مش عجبها كلامه : تسافر معاهم
زين : لا انا مسافر بعد يومين بس مش لامريكا ..يعني احتمال هنا في القاهره
يالا ما تاخريش انا هستناك في مكتبي
يقين اخدت شور ولبست فستان فوشي واصل لحد فوق الركبه ولبست معاه صندل ابيض عالي ولبست الماسه على شكل فراشه من هدايا جدتها من مجوهرات عائله امها باللون الفوشي والالماس الابيض
حطت روج فوشي بلمعه فضية بسيطة ( روعه اللون ) وبلاشر وردي وحطت ماسكارا زيتيه وشادو بللون الفوشي بلمعه خفيفة اتعطرت من العطور الموجوده على التسريحة وعملت لها كوكتيل خطير
فتحت الباب على زين ومشت ناحيته رفع عيونه اول ما وصلت له ريحتها دوخته ..وقف ومشى لحد عندها ومسك ايدها
زين بهمس دوب يقين : ايه الحلاوه دي بصراحة اذهلتيني
يقين نزلت عيونها بخجل واحمرت : عيونك الحلوه
زين (يا حوستك يا زين هتصبر ازاي والمصيبه اذا اختارت تبعد عنك ) كشر زين من الفكرة
يقين لاحظته : زين فيك حاجه تعبان ولا مصدع وقربت منه وهي تمسح على جبينه
زين ما قدرش يتحمل قربها لمها بين ايده (يارب احميها واحمي اهلي واحميني )
يقين بقت تحس بزين وتفهمه : زين فيه شي مكدرك
زين بعدها عنه : لا ولا حاجه بس حبيت اعبرلك عن اعجابي بيك
يقين ابتسمت : شكر ..يلا ننزل
زين ويقين خرجوا ومشوا لحد الاسانسير ونزلوا عند ثريا ومريم الي جاهزين في القاعة الداخليه في القصر يستنوا ريهام تنزل
ثريا الي عجبها الوضع بين زين ويقين وحست ان ابنها اتغير في معاملته مع يقين ابتسمت وهي ملاحظه اناقه يقين وطلتها وحضورها الي يناسب مركز ووضع زين الاجتماعي ..ده غير اخلاقها وعينها المليانه وعفه نفسها ..ثريا كانت عارفه وفاهمه حريم زين المسيار وعارفه ازاي بيفكروا فيه كماده ودخل مادي فقط واسم له مركزه الاجتماعي فقط
ثريا : اهلا بحبايب قلبي
زين : اهلا بيك يا ثريا وباس ايدها
يقين : اهلا بيك يامامتي الحلوه
ثريا ضمت يقين ليها بحب حقيقي :يسلملي قلبك يا غاليه
مريم تسلم عليهم :عاملين ايه
زين ببتسامه : فين ريهام الحلوه
مريم : اه لو تسمعك دي زعلانه جدا من ساعه ما عرفت اننا مسافرين بالطيارة العاديه مش بالطيارة الخاصة
الا صوت ريهام نازله علي السلم : زينو وحرمه الحلوة
زين ضمها : اهلا باحلي بنت اخت في الدنيا
ريهام :ازيك يا خالو ولو اني زعلانه اني بسافر بطيارة عاديه
زين مسح على راسها : عاوزه ايه كمان بالفرست كلاس ولما تروحي عند عز سافري بطيارته الخاصة
ريهام: وليه ما نسافرش بطيارتك
زين : انا مسافر بيها
ثريا : مسافر لوحدك ولا واخد يقين معاك
زين : لا شغل يا امي لوحدي
رفع نظره لمريم وبصلها وهو يتنهد .يقين لاحظته ..
ريهام: طيب ليه ما تخلي يقين تروح معانا
زين : هههه يا هبلك عليك افكار
يقين : نفسي اروح معاكم بس انا هروح عند اهلي بنات عمي عندهم شغل وعاوزني اجي عندهم اذا سافر زين وانا وعدتهم اروح عندهم
ثريا مش عجبها الكلام مفكره ام خالد بتزورهم تتعرف على بنات عمها كشرت ولوت وشها
يقين انتبهت لها بس ما فهمت ليه زعلت بتحسبها زعلانه لان يقين مش عاوزه تسافر معاهم
يقين : مامتي الحلوه ليه التكشيره والله ما تليق بوشك الحلو والله لو اقدر اسافر معاكم كنت سافرت
ثريا لفت لها واحرجها لطف يقين : لأ ولاحاجه بس كان نفسي انت وزين تسافرو معانا
يقين : اوعدك المرة الجايه اجي معاكم
مريم : جري ايه هي دعوه يلا بنتأخر على الطيارة
ريهام : اه والله لاتفوتنا و انا ما صدقت تيته وماما يوافقوا يجهزوا بنص يوم هههه
مريم تمسح على راس بنتها : والله انك خبلتينا وبعذرنا لو جهزنا في كام ساعه
ثريا : هي البت دي مش هننفك منها بقي
ريهام: والله اول ما قالي زينو ما صدقت والحمد لله قدر يجهز لنا الفيز ويجهز الامور ليه نرفض فرصة وجات لوحدها لحد عندي ..صح زينو
زين : هههه اه صح
ودعتهم يقين وطلعت لجناحها تجهز شنتطها وزين وصل اهله المطار بعربيته
زين : مع السلامه وانتبهي لنفسك ولا تهمك ناتي اهم شي عز
ثريا تحضنه : نروح نلاقي نايتي ماتت ان شاء الله .. انتبه لنفسك وليقين
مريم تحضن اخوها الي شدها بقوة : انتبهي لنفسك ولريهام
ريهام تسلم على خالها : باي يا زينو
زين ودعهم وعيونه تراقبهم ( ربنا يحفظكم ويحميكم )
رجع زين القصر يستنى يقين تخلص يقين نزلت للصاله الداخليه مع الخدم
يقين : كاني خلصت
زين ابتسم لها
الخدم حطوا شنطها في العربيه
زين: اذا احتجتي اي حاجه اطلبي بلسانك يا يقين
يقين بقلق :زين انت صحيح بتسافر بطيارتك الخاصة
زين بهدوء : يقين انا قلت لك كلمه ومش بحب اعيد كلامي وسافرت بطيارتي او ما سافرتش ده راجعلي انا
يقين استغربت من زين الي قلب فجأه عليها : اوك انا اسفه
زين بهدوء : هوصلك مع السواق لبيت اخوك
يقين بحذر : شكرا ما تتعبش نفسك انا هروح لوحدي
زين : طيب خدي المرافقه معاك واي مكان تروحيه خديها معاك سامعه
يقين انفجعت من تغيير زين المفاجئ من يوم ما رجع وهو متغير
رن موبيل زين وكشر وهو يشوف الرقم
زين : انتظريني شوي
وقف ومشى وهو يرد على الموبيل ويتكلم بالغة الغريبة الي كان بيتكلم مره بيها يوم ما انجرحت ايده في حفل الاستقبال …. يقين سامعه صوت زين الي يتغيير من نبرة لنبرة … ازعجها انها ما فهمت اللغة … بس قلبها حاس انه له علاقة بالحادثه الي حصلتلو بفرنسا مع المافيا والي مفكرها متعرفش عنها اي حاجه
رجع لها وهو مكشر : مشينا يا يقين
يقين مشت معاه وعرفت طبعه لما يتعصب مش بيحب حد يناقشه في كلمه
ركب العربيه مع يقين اول ما دخل طلع سيجارة الكوبي وبدء يدخن
زين بتفكير : ممكن
يقين بهدوء : خد راحتك عيوني
الكلمه اثرت في زين الي بصلها بيأس وحزن ما قدرش يسيطر عليه
زين اتنهد : يقين انا كنت متعصب ويمكن زعلتك بكلامي
يقين بتفهم : عادي انا المفروض ما اسألك
زين سحبها له وشاله الطرحه من علي شعرها وقعد يتأملها وهو يمسح على راسها (ااااه .. لو تعرفي بالهم الي فيا ..كنت عذرتيني .. حتى وانا مزعلك شايف بعيونك تفهم ناحيتي …بصراحة احتويتني بطيبتك الي تأسر ..وتخليني غصب عني اتهور )
زين : يقين اكرر اسفي بس فيه موضوع شغلني
يقين (ياربي اكيد المافيا ..والا ليه يبعد الي حواليه عنه ) : زين انا ….
زين مسك ايدها ورن موبيله وابتسم لما شاف اسم كرم
يقين اتغاظت ليكون من حريمه العله (مالك يا يقين .اعقلي شوي )
زين حط موبيله صامت وبص ليقين : عندي كلام وصاني صديقي اقولهولك ونسيت ودلوقت اول ما شفت رقمه افتكرت
يقين ارتاحت انه مش من الغفر بتوعه : انا ليه انا
زين : صديقي كرم المذيع المشهور كلمني عاوز يسأل عن بنت عمك منى هو سمع عنها من اخته وامه الي حضروا الحفله
يقين ابتسمت وافتكرت موقف منى ( يا نصبتك يا مني لو يعرف زين الحقيقه)
يقين : اه عاوز يعرف ايه بالظبط
زين: بيسأل اذا مخطوبه او لا ويعني سنها وبتدرس ولا… كدا يعني وعاوز رقم اختها علشان امه حابه تتعرف عليكم
يقين : لا مش مخطوبه بس عدنان في امريكا ..وركزت نظرها فيه
زين : عدنان اه اتعرفت عليه بالتلفون قبل شهور من عز وبارك لي علي الجواز منك وفضل يوصي عليك
المهم هاتي رقم اختها الكبيرة وامه تتعرف عليكم
يقين ارتاحت ان زين بدء يكلمها : اوك اعطيهم رقم ابرار
وقفت العربيه جنب باب الفلة
زين بص ليقين : انتبهي لنفسك وانا هطمن عليك كل يوم … وفكري كويس …. وانا محترم قرارك اي ان كان
يقين : ان شاء الله
زين قربه منه وحست بانفاسه على وشها : ممكن اودع مراتي ..واحتفظ بذكرى بسيطة منها ليا
يقين مش فاهمه زين وبصتلو بحبور وما حست بيه الا وهو سحبها في حضنه في عناق عميق اخجل يقين ووقف التنفس عندها من جرأه زين الي ما اتعودت عليها وباسها من كل حته في وشها
زين رفع راسه : انا اسف اذا احرجتك بس حبيت احتفظ بشي يفكرني بيك
يقين محروجه واحمرت وعيونها مقفوله
زين ابتسم على تصرفها البرئ : هههه يقين فتحي عيونك
يقين مش قادره تحط عينها بعينه من الخجل ونزلت عيونها بالارض
زين مسح على راسها : البسي طرحتك علشان السواق يفتح لك الباب
لبست طرحتها ونزل زين الحاجز وامر السواق يفتح الباب
زين : يقين مش هتقوليلي مع السلامه
يقين بخجل وبهمس : مع السلامه بحفظ الرحمن
نزلت من العربيه ومشاعرها تحلق حواليها دخلت البيت واستقبلتها منى
منى : اهلا اهلا بحبيه قلبي
امال : ياي بترجع ايام الوناسه برجعه يقين
يقين بعالم تاني ابتسمت ورفعت صوابعها تتحسس اثار بوسه زين على وشها و جبينها وخدودها و شفايفها
امال : هيه خير روحتي فين ليكون سخنه وتجسي حرارتك
منى : هتروح فين يعني اكيد عند زيزو
يقين حست بنفسها : هاه اه وتمد ايدها وتحضن بنات عمها بقوة : وحشتوني
امال : اه مثلي علينا
منى : ههههه عليك حركات يا امال
يقين : جعانه موت عاوزه اكل
يقين ما اكلتش حاجه لان ماكانش ليها نفس وكانت تستنى زين الي ودى اهله للمطار
منى : ياعيني مجوعك زين
امال : ليه ياعمري اطمني انت تطلبي وانا حالا اطبخ لك الي نفسك فيه
يقين : لا مش عيزاه اتعبك ياقلبي نوصي من برى
منى : اه نوصي من برا ارحم من عك امال
امال بشهقه : لا والله ماله طبيخي ما انتي كل يوم بتطفحي منه
منى : اقولك امول البنت جعانه نوصي من برا احسن متقضي ايامها في عنبر السموم
امال : صندل….اوك انا هوصي علي الدلفري
يقين : شكرا اموله ..ومنو ياعمري عليها حلوة وجذابه وناعمة هههههه
منى حست انه فيه انه : ههههه
امال : حاسه انك بتقولي موضوع بس استني اقول للشغاله تعملنا قعده معتبرة مع الى الفيشار والكوفي ونتجمع في الصاله
يقين: اوك وانا باقول للمرافقه ترتب هدومي في الاوضه
يقين رتبت لبسها مع المرافقه بالغرفه ولبست بنطلون جينز لووويست وبدي ابيض ولمت شعرها لفوق ولبست صندل ابيض وحطت روج وردي وبلاشر وردي
اخدت موبيلها ومشت بتطلع الا لقت مسدكول ومسج فتحت المسج
كان من زين ( وحشتيني … انتبهي لنفسك …. وتصبحي على خير يا عمري )
يقين ابتسمت وكتبتلو ( ربنا يحميك ويحفظك وتفضل قدام ..عيوني )
ابتسمت لما افتكرت زين ( بحبه والله ..بحبه .. ومش قادره اقسى عليه او حتى افتكر معاملته السابقه لي وضربه وحبسه وكلامه الجارح …. مشعارفه ليه حسه انه بقي جزء مني خايفه عليه وخايفه من غموضه … بس قلبي دليلي ..وقلبي بيحب زين ومسامحه …وبيدعيله ..بس برضو حاسه ان فيه شئ يربطني بيه ..يجذبني له …يغرقني فيه … الشعور ده مش من قريب .. الصراحة من قبل اربع سنين .. من اول ما شفته في الفله …والدم عليه خفت عليه خفت لحد الموت … تابعته وهو مشعارف اني كنت بشوفه بالتلفزيون … بالجرايد ..بالمجلات … بالنت .. في كل مكان .. زين خلى حاجز بيني وبين التفكير في أي رجل كزوج او حتى اني احلم بالجواز من أي راجل تاني … راشد صديته رغم انه محترم معاي وعمره ما قل ادبه .. بس كنت من جوايا متعلقه بالرجل الي مسك ايدي وحطها على رقبتي واقسم انه يأذيني ..خايفه عليك من المافيا … يارب ساعده واحفظة )
يقين صحت على صوت امال الي مدخله راسها من باب الغرفه : بقولك ايه يا ابله يقين خلي عنك الرومانسيه والاحلام المنسية مع زين وتعالي
منى من وراها : ياربي امتى البت دي تتعلم حاجه اسمها الرومانسية والاحلام الورديه
امال : بلاش هبل وخرافات يلا يا يقين نستناك في الصاله والله قعدة وانبساط من الي يحبها قلبك
منى : زي الاول لما كنا مع بعض
يقين خرجت ومشت معاهم للصاله
امال تعلي صوت التلفزيون : منوه تعالي شوفي كرمله
منى انحرجت : احترمي نفسك
امال : اموت في الي ينحرجوا بطلي خم و تعالي انقري على راحتك شايفه تلفزيون وماحدش هيشوفك غيري والحلوة يقين
منى : ياربي قولي تأملي شوفي مش انقري
يقين :ههههه امال عندي خبر عن الناس الي في التلفزيون
منى انحرجت : …………..
امال نطت جنب يقين : هاه سألت عنه زين طلع من اصحابه
يقين : الصراحة طلعوا بعض الناس مستفسرين من زين نفسه
منى انحرجت واحمرت : احيه لايكون قاله حاجه او انه شافني
يقين : لا قاله امي واختي اعجبوا بيها
امال : هههههه عليك حركات يا كرمله
منى محروجه : ياويلي انتي قلت ايه من شويه
امال : يعني عملتيلي حفله وبرنامج اليوم المفتوح علي خالد وامه الي ما شفناهم .. ودلوقت يوم ما نقولك كرمله تلخبطي
منى حساسه : اهئ ..اهئ ..اهئ
امال خافت على اختها : ايه يا مني انا بهزر معاك عارفه ان الموضوع حساس
منى : انا خايفه يا يقين والله خايفه قلت لكم الموضوع حصل صدفه
امال :واذا يعني
منى : خايفه انه فاهم غلط او انه بيتسلى او
يقين : لا ما اظنش يا منى لو كان كدا كان ما سألش زين وبعدين هو طلب رقم ابرار علشان امه بتكلمها
منى وقفت بفجعة ورمت نفسها في حضن امال : امال ربنا يكرمك صرفيني
امال : ليه قلولك امك على غفلة ولا كيوبيد الحب
منى دفعت امال : انت مش بتحسي انا مرعوبة وخايفه
يقين : متخافيش يا منى هو قال اهله بيتعرفوا يعني خلينا نقابل اهله ونشوف
منى : خايفه يكون قايلهم حاجه
امال : لا ما اظنش انه من النوع الحقير ده يمكن زين نصحة باخلاق يقين وانه عندها بنات عم وغير كدا يمكن صح اعجب بيك في الحفلة
منى : والله مشعارفه اقول ايه من الحيرة
يقين : انت خليها على الله انا وصلت كلام زين الي سألني عنك بس
قعدوا البنات يتكلموا ويقين تفكر في زين وامه الي مستغربه منها وان ملامحها اتغيرت لما عرفت انها جايه عند بنات عمها … دي مش اول مرة .. اكيد فيه حاجه .. في بال ثريا..
………………..
يقين قضت اربع ايام عند بنات عمها وانبسطت عندهم
زين كان كل ليله يبعتلها مسج يطمن عليها وبلغها ان امه هترجع علي نهايه الاسبوع
وهي كل ليلة تفكر في زين وتدعي ربها انه يوفقها في حياتها مع زين
التفكير والبعد اثر على يقين لدرجه انها حست ان حياتها من غير زين ضياع وانه زين ملك عقلها وفكرها وقلبها ..وكل مرة تحس براحه انها تكمل معاه
بس لما تفتكر ابرار تزعل بس هي هتلتزم الصمت اذا سألها زين أي شي … وبعدين هو وعدها انه مش هيسألها أي شيء
يقين قامت الصبح نشيطة وقررت انها ترجع القصر وتعمل مفاجأه لزين وتبلغوه بقرارها انها تكمل معاه ..
اتصلت بيه لقت موبيله مقفول .. اتصلت على فهد نفس الشي .. اتصلت على مكتبه …وردوا عليها ان الباشا سافر برا وراجع الليله
يقين فكرت انها تنتظره لحد ما يرجع وتفرحه بنفسها
يقين : منى تروحي معاي المول
منى ترفع راسها : يقين انا لسه نايمه
يقين : امال عاوزه اروح المول تروحي معايا انتي
امال تغطي نفسها : تعبانه جدا خدي المقروده معاك
منى : مفيش مقروده غيرك
يقين : اقولكم نامو انا هروح مع المرافقه
يقين خرجت الصبح الساعة 10 مع السواق والمرافقه
يقين : ودينا على مول…..
يقين حاولت تتصلت بزين ولقت موبيله برضه مقفول وزعلت جدا وخافت عليه ( يارب احميه واحفظ جوزي حبيبيي ) يقين ابتسمت من الكلمه الي قالتها
وفجأه حست ان العربيه سرعت ووقفت بقوة … انفتح الباب وشافت رجاله لابسين اسود
الرجل يكلم السواق: عربيه زين الرفاعي
يقين خافت على السواق والمرافقه
يقين : خير عاوز ايه
الرجل : انزلي معانا بدون صوت
وطلع المسدس وصوبه على راسها و التاني صوبه على السواق
الرجل الاول : اعد لحد تلاته القاك نازله بدون صوت والا افجر راسه
يقين مرعوبه والخوف يقطعها : انتم مين وعاوزين ايه
الرجل : واحد .. اتنين
يقين خافت على السواق : أقف انا نازلة
وبرعب نزلت من العربيه وركبت العربيه المرسيدس السودا المضللة
يقين بهدوء : خلي السواق يروح وانا هركب بس عاوزه اكلم المرافقه شوي
بعد الرجاله عن السواق الي مشى بالعربيه هو والمرافقة بعد ما قالت لها يقين اذا سألوا عني بنات عمي قول اني روحت القصر
المرافقه : سيدة يقين انا لايمكن اسيبك
يقين ودموعها تنزل : طمني بنات عمي لو حد حس بحاجه هلومك انت
الرجل صوب المسدس: اركبي بسرعة لا حد ينتبه
يقين : انتم مين وعاوزين ايه مني
الرجل : مش انا الي عاوزك البوص
يقين : البوص .. أي بوص
الرجل : الباشا عاوز يشوفك
يقين: أي باشا…. انت ..
الرجل : ما نقدرش تقولك اي معلومه غير اننا نجيبك سليمه للباشا
يقين ركبت العربيه بخوف ودموعها تنزل زين اكيد فيه شي اكيد …ومين البوص ومين الي عاوزني ..
ياترى مين الي خطف يقين
وعاوز منها ايه
وفين زين من كل ده
وثريا وعز ونايتي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يقين جريئه)
