رواية ايوه قتلته الفصل الأول 1 بقلم شيماء سعيد

رواية ايوه قتلته البارت الأول

رواية ايوه قتلته الجزء الأول

رواية ايوه قتلته الحلقة الأولى

فى المحكمة وقفت ريهام فى القفص بعيون خالية من اى تعبير ، بتبص قدامها كأنه فراغ ، سامعة دوشة فى ودنها كتير من الأصوات اللى حواليها بس هى مش مركزة فى اى صوت .
لغاية ما المتهمة اللى جنبها , ضربتها فى كتفها ضربة خفيفة وقلتلها …بت يا ريهام القاضى بينادى على أسمك ، فاتعدلى كده يا أختى واقفى كويس على حيلك وقولى نعم يا فندم .
فخرجت ريهام من شرودها على صوت القاضى وهو بيقول ” ريهام سعد الدين
فردت ريهام بصوت عالى : ايوه انا ريهام سعد الدين يا باشا .
القاضى : أنتِ أعترفتى قدام النيابة بقتل جوزك صلاح يا ريهام ، وأنتِ بكامل قواكى العقلية ومحدش فيهم أجبرك إنك تعترفى غصب عنك ، كده ولا ايه ؟
ريهام بثبات :ايوه يا فندم ، ايوه انا قتلته بإيدى وبالسكينة شقيت صدره وبعدين قعدت أطعنه فى كل حتة عشان اتأكد إنه مات .
ثم ضحكت ريهام …بس وبعدين روحت عملت لنفسى كوباية قهوة وقعدت اشربها جمبه بمزاج ، كانت أحلى فنجان قهوة شربته بهدوء لأول مرة فى حياتى .
وبعد ما شربته ، نزلت وروحت القسم وسلمت نفسى وقولتلهم ، انا قتلت جوزى .
ولما سمع الناس فى المحكمة باعترافها وشرب القهوة بجانب الجثة كلهم ثاروا والصوت على فى المحكمة .
لكن القاضى ضرب على التربيزة قدامه وقال بصوت عالى : لو سمحتم الهدوء ، يأما هيطلع كل الحضور بره .
وبعدين وجه كلامه لريهام …وكنتى مدركة وأنتِ بتقتليه عقوبة القتل العمد مع سبق الإصرار والترصد ايه يا ريهام .
ريهام بجمود …عارفة يا باشا الأعدام ، وانا قدامكم اهو ، اتفضلوا اعدومونى .
وهى مش فارقة كتير ، انا كده كده ميتة من زمان ، بس على الاقل لما أتعدم هرتاح من الجحيم اللى عشت فيه لمدة 30 سنة .
القاضى : قتلتى جوزك بالوحشية دى وقعدتى كمان تشربى قهوة على روحه ، ايه الجحود ده كله يا ريهام ؟
ريهام :جحود ، قول براحتك يا باشا ، بس صدقنى لو بإيدى يرجع للحياة تانى وأقتله بعدد سنين عمرى هقتله يا باشا
يا ترى ايه السبب أن ريهام تقتل جوزها بعد السنين دى كلها ؟
ها ايه رأيكم انا أول مرة اكتب بالعامية بس ؟