رواية بحر الزين الفصل العاشر 10 بقلم أمنية الجزار
 |
| رواية بحر الزين الفصل العاشر 10 بقلم أمنية الجزار |
رواية بحر الزين الفصل العاشر 10 بقلم أمنية الجزار
زين اول مابص لبحر اتخض وراحلها علي طول واتكلم
بلهفه
بحر مالك عينك مالها انتي معيطه ردي عليا
ردت بابتسامه بهته
اديني فرصه ارد اولا انا كويسه متقلقش ثانيا بقي عيني تعبانه شويه مش اكتر شكرا لسؤالك عن اذنك
ولسه هتمشي بس وقفها
هو انتي مرحتيش الجامعه انهارده ليه
مش ورايا انهارده وسبته ومشيت
فضل باصص لها مش مرتاح حاسس ان فيها حاجه
وبما أن مكنش فيه بنات في المكان راحت علي المكتبه
تجيب روايه تقرأها
جبتها وقعدت في مكان لوحدها رحمه راحتلها
بحر انتي كويسه دلوقتي
اه ي حبيبتي انا تمام متقلقيش
فيه بنات جم المطعم ف رحمه راحتلهم وسابت بحر
بحر افتكرت الي قالته لباباها امبارح وافتكرت معاملته ليها غصب عنها عيونها دمعت
كل ده وزين متبعها وهو قاعد على طربيزه
قامت رحتله واتكلمت وصوتها مخنوق بالدموع
لو سمحت ي زين ممكن امشي دلوقتي وممكن تخصم اليوم مني
زين قام وقف اتكلم بقلق وخوف
ليه انتي كويسه
انا الحمد لله بس لو ممكن بس امشي لو سمحت
اضطر يوافق لما شاف حلتها والدموع الي في عيونها
تقدري تمشي
شكرته وراحت لعمر
عمر
ايوه ي بحر
انا نمشي استأذنت وهروح علي النيل ولما تخلص شغل ابقي تعالي علشان نروح سوي ممكن
حاضر هاجي بس انتي كويسه
انا تمام يلا انا همشي
في الوقت ده زين كان في المكتب مع جاسر
انا ماشي ي جاسر
اتكلم باستغراب
ماشي دانت لسه واصل ي ابني
اتنهد وقال .
بحر بحر جت ومكملتش حاجه وطلبت تمشي وشكلها مضيقه هروح وراها اشوفها هتروح فين
تروح وراها بتهزر ي وين صح
قال بنفي
لأ مش بهزر حالتها وجعت قلبي الوقت الي قعدته هنا
كانت سرحانه والدموع في عينيها واصلا عينيها وارمه
بان انها كانت بتعيط طول الليل فأنا هروح وراها اطمن بس يلا سلام
وخرج تحت استغراب جاسر
لقاها خارجه طلع وراها من غير ما تحس فضل ماشي وراها لحد ما وصلت لمكان علي النيل وقعدت
فضل واقف بعيد شويه لحد ما عيطت
راحلها
بحر
بصتله والدموع ماليه وشها
قعد جمبها واتكلم بخوف
مالك تعبانه طب بتعيطي ليه
لما لقاها ساكته وبتعيط اتكلم بتوتر
طب خلاص متقوليش حاجه بس بطلي عياط اهدي
بعد مده هديت
انت عرفت اني هنا ازاي
اتكلم ببساطه عادي مشيت وراكي
بصت باستغراب وصدمه
مشيت ورايا ليه
اتكلم بحب
علشان قلقت عليكي ها مالك بقي
سكتت
ممكن اطلب منك طلب واتمني توافقي
بصتله
ممكن نبقي صحاب
سكتت
ممكن اعتبريني زي عمر
بصتله
عمر انت عارف عمر بالنسبالي ايه
اتكلم بحزن
اه شكله معجب بيكي وانتي كمان
انفجرت في الضحك رغم الحزن الي كانت فيه من دقايق
انت بتتكلم جد عمر ده اخويا
بصلها بصدمه وفرحه
بجد اخوكي
ابتسمت اه ابن عمي واخويا الكبير وهواصلا الي قالي علي الشغل في المطعم بس انت فرحت كده ليه
ها لا عادي ها بقي صحاب
ابتسمت
صحاب
في المطعم سمر وريم راحوا هناك
وعمر رحلهم
ايه ي بنات اخدتوا علي المكان هنا
سمر اتكلمت
عادي المكان لطيف مش اكتر ها هتأكلنا ايه
الي انتوا عايزينوا
هما بيتكلموا وريم عينيها بتدور علي جاسر لحد ماشفته
خارج من المكتب مبتسم بس كشر اول ماشاف عمر واقف عندها وهي استغربت أنه كشر
عمر كلمها ايه ي بنتي سرحانه في ايه
ابتسمت ولا حاجه وكملت بتساؤل هي بحر فين
عمر اتنهد وبأن الحزن عليه
راحت علي النيل وانا ورحمه مشيين هنعدي عليها
وسبهم وراح يجيب الاكل
جاسر وقفه
ايوه ي جاسر عايز حاجه
جاسر بغضب
اه انت واقف مع البنات الي هناك دول ليه وشاور علي ريم وسمر
عمر استغرب بس قال ممكن علشان هما منبهين أن تعاملهم يبقي مع الشباب بس
قصدك سمر وريم عادي
جاسر بغضب وغيره
هو ايه الي عادي تقف بصفتك ايه
عمر وابتسم لانه لاحظ غيرته
امم يمكن علشان هما اخواتي مثلا
جاسر بعد ما كان غضبان ومكشر فرح
بجد ي عني هما اخواتك طب انا عايزك في موضوع
اتفضل
جاسر شده ودخل المكتب
بص من الاخر كده انا بحب ريم اختك وعايز اتجوزها وقبل ما تتكلم انا عرفت اسمها لاني سمعت بحر بتكلمها مره وهي هنا
بس والله عمري ماكلمتها
عمر مبتسم بس
جاسر باستغراب وقلق
هو انت مش بتتكلم ليه هي مرتبطه
لأ مش مرتبطه بس علي فكره انا ملاحظ نظراتك ليها من اول ماجت هنا وعلب العموم انا ماعنديش مانع بس المهم والدي ووالدتي والأهم رأيها هي
جاسر بفرحه مش عارف يداريها
هتوافق أن شاء الله هتوافق طب بص حددلي معاد مع والدك علشان اطلب أيدها
تمم هكلم والدي وابلغك
جاسر بتساؤل وفضول
عمر ممكن أسألك علي حاجه
باستغراب اتفضل
هو انت مرتبط ببحر
عمر ضحك لحد ما عينه دمعت واتكلم بالعافيه
بحر تبقي بنت عمي وزي ريم وسمر يعني اختي
جاسر بفرحه لزين صاحبه
بجد
اه وكمل بس اقولك علي سر بما انك هتبقي نسيبي وكده جاسر ابتسم اكيد ومتخافش محدش هيعرف
امم انا همشي من هنا قريب وكمان هخطب
جاسر
مبروك علي الخطوبه بس هتمشي ليه
الله يبارك فيك بس ي رب العروسه توافق بس
وتمشي لاني كنت بشتغل علي ماجمع مبلغ افتح بيه الكافيه الي بحلم بيه و الحمد لله جمعته وخلاص همشي اخر الاسبوع
جاسر بتفهم
تمم وكمل بتساؤل بس كده بحر ورحمه هيمشوا معاك
عمر بغضب وغيره
وانت مالك برحمه
جاسر ضحك الله تبقي هي دي العروسه
علي العموم انا يسأل لان اكيد اختك هتشتغل معاك وصاحبتها معاها وكمل بخبث ولا نقول خطيبتك
عمر ضحك
معلش اتعصبت عليك وكمل بجديه اه هيجوا معايا بس لسه هدور علي مكان الاول
جاسر سكت شويه وبعدين اتكلم
اسمع انا عندي فكره
بره عند سمر وريم
رحمه واقفه عندهم
ازيكوا ي بنات
ريم الي ردت الله يسلمك ي رحوم
بقولك بالله هاتلنا اي حاجه تتآكل علي ذوقك
رحمه استغربت
مقولتوش لعمر ليه مش كان هنا
ريم هزت راسها
اه كلن هنا ومشي علي اساس يجيب الاكل بس مجابش حاجه ممكن بقي تجيبلنا علي ذوقك
رحمه بابتسامه
حاضر ومشيت
سمر قامت وقفت ريم بتساؤل
ايه راحه فين
ردت شويه وجاره هشوف حاجه ومشيت قبل ما ريم تتكلم فعلا حوالى نصف ساعة ورجعت
عند بحر
طب لما اننا صحاب دلوقتي ممكن اعرف كنتي بتعيطي ليه
الدموع رجعت اتجمعت في عيونها
مافيش بس مخنوقه شويه
زين بحزن علشان بتعيط
طب اهدي وبطلي عياط مخنوقه من ايه احكي وتأكدي محدش هيعرف حاجه
اتنهدت ودموعها نزلت
هو انا وحشه علشان بابا يكرهني كده انا ذنبي ايه أنه مش بيحب البنات
بدل ما يحمد ربنا انت عارف أنه كان عايز امي تقتلني قبل ما اتولد اصلا بي هي رفضت وجدي وقفله بس من بعد ما اتولدت حتي امي مش بوقف جمبي محدش بيحبني غير جدي وعمر وريم أخته حتي سمر اخت عمر بحسها بتكرهني مش عارفه ليه انا والله مش وحشه ومش بكره بابا بس زعلانه من معاملته معايا
والله انا مش وحشه دانا بحاول أراضيه بأي شكل
بس هو مش بيحبني هو كان عايزني ولد طب انا في أيدي ايه اعمله وعياطها زاد
زين بحزن عليها وهو مش عارف يعملها حاجه وفي نفس الوقت عايز يروح لابوها يزعقله لانه السبب في حزنها
خلاص اهدي بقي اكيد هو مش بيكرهك ولا حاجه وبكره ربنا يعوضك
مسحت دموعها وابتسمت
معلش ي زين اول يوم صحاب ونكدت عليك وصدعت
زين بابتسامه هاديه
ي ستي نكدي كل يوم وملكيش دعوه
ابتسمت وسكتت
وبعدها فضلوا يتكلموا عن بعض
عند جاسر وعمر
جاسر اتكلم ها ايه رأيك
عمر بحيره
طب حتي لو انا وفقت زين هيوافق
جاسر بتأكيد
هيوافق المهم انت
خلاص موافق
جاسر
خلاص بكره اول ماتيجي تعالي علي هنا هكون مجهز عقد بالمشاركه واهو نبقي شركاء ي عم
عمر ابتسم
فعلا هي فكره ان المطعم يبقي تحت والكافيه فوقه لطيفه خلاص هعرف البنات بقي
جاسر باستغراب
ليه هما شركاء معاك
عمر بنفي
لأ مش حكايه كده اصل هما فهمين اننا هنمشي اخر الشهر
فهعرفهم اننا اه هنسيب الشغل هنا بس هنبقي شركاء
جاسر
تمم
عمر سابه وخرج وعرف رحمه الي فرحت وعجبتها الفكره
سمر وريم روحوا
سمر راحت لابو بحر ورته حاجه وسابته غضبان وطلعت شقتهم
اليوم خلص وعمر اخد رحمه وراحوا لبحر الي كان معها زين وعمر ورحمه استغربوا
بس زين عرفهم الي حصل وأنه جه وراها
رحمه ابتسمت لأن بحر معرفاها أنها معجبه بزين زي ما رحمه عرفتها انها بتحب عمر ابن عمها
عمر شكره أنه مسبهاش لوحده واخدها ووصلوا رحمه
ووصلوا البيت
الكل متجمع تحت أهل عمر وأهل بحر وجدهم
يدوب دخلوا لسه بحر هتسلم علي جدها بس ابوها وقفها
وضربها بالقلم علي وشها
الكل أنصدم ووو
يتبع…
لقراءة الفصل الحادي عشر : اضغط هنا
لقراءة جميع فصول الرواية : اضغط هنا
نرشح لك أيضاً رواية بريئة حطمت غروره للكاتبة ميرا أبو الخير
