Uncategorized

رواية غرام العاشق الفصل العاشر 10 بقلم ميرو أحمد

 رواية غرام العاشق الفصل العاشر 10 بقلم ميرو أحمد

رواية غرام العاشق الفصل العاشر 10 بقلم ميرو أحمد

رواية غرام العاشق الفصل العاشر 10 بقلم ميرو أحمد

ايهاب انصدم من شكلي كان وجهي احمر  وانفي احمر واعيوني دم ???? 
ايهاب انخلع مسك وجهي : بسم الله كنك   
انا سكتت زددت نبكي ???????????? 
ايهاب قعمز علي طرف السرير ومفجوع عليا   
ايهاب: غرام احكي شن في من الصبح وضعك مش عاجبني  
انا ????حضنته وقعدت نبكي: خليني في حضنك ايهاب
ايهاب مش فاهم مسك وجهي وقعد يمسح في دموعي بحنيه
ايهاب: اهدي واحكيلي شن صاير امعاك
انا انشوفله ودموعي خط ????????:مانقدرش نحكيلك
ايهاب: ليش تبكي شن السبب  
انا ???????????? :مضايقه بس
ايهاب تنهد بحزن عرف انه مانبيش نحكي لف ايديه وحضني ويمسح بيدا علي ضهري وراس  
انا دفنه وجهي في صدر ايهاب ونبكي بعبرتي ???????????? 
ايهاب ????: وراسي انا تسكتي ساد قطعتيلي قلبي مانقدرش انشوف دموعك  
انا  مستمره نبكي دموعي الي مسكتهم الفتره الي فاتت  كنت علي سبله دموعي ماوقفوش ????????????
ايهاب اضايق ماتحملش ايشوف دموعي الي يحرقو فيه حاس انه هوا سبب وراء هل الدموع ????   
ايهاب باس راسي ????: شنو امضايقك قوليلي
انا رفعت راسي وشفتله ????????:ايهاب ماتسالني لاني ماعندي ليك جواب  
ايهاب حط ايديه علي وجهي ومسح دمعتي قبل لا تنزل  :نبي نعرف الدموع هذين شن سببهن وشن الي امزعلك غرام صح وعدتيني انك تحكيلي كل شي ايصير امعاك
انا لهفته عليا وخوف الي في اعيونه كيف ايحاول ايهدني وقريب مني وكيف قاعده فحضنه ولمسه ايده علي خدي وكيف يمسح في دموعي بحنيه ???? ليش يا ايهاب تبي اتزيد عليا مش ناقصه وربي يكفى النار الي امعيشني فيها ليش اتزيد النار نارين ???????? 
ايهاب  : غرام احكي ماتسكتي صاير معاك مشكله ولا شنو ليش ماتبي اتقولي 
انا نتكلم ونشهق من كثر البكي????????:  ايهاب  
ايهاب ????:عيونه ???????? قوليلي شن امزعلك
انا ????????: نبي نقعد ابروحي ???? 
ايهاب خاف عليا: غرام تبي اتجنينيني كيف انخليك هكي ابروحك وبالحاله هدي وماتبي تحكي في حد ضايقك في الكليه ولا متعارك امع صاحبتك
انا: لالا
ايهاب: امالا شنو احكي و ريحيلي قلبي ???? 
انا ???????? : قتلك ماتسالني ماتسالنيش ???????? وقعدت نبكي ???????????? 
ايهاب حضني وقلبه موجع عليا: خلاص اسكتي مانبي نعرف ماتبكيش ???????? 
ايهاب قعد حاضني طول الوقت نبكي ما بطلتش ابكا وايهاب ساكت ويمسح بي ايده علي شعري وقلبه من داخل متقطع مش ماتحمل ايشوفها ضعيفه ومكسوره وتبكي بين ايديه  ???? كان حاس انه هوا سبب دموعها ????  
حس بيها ارتخت بين ايديه رفع وجها القيها راقده  تنهد بحزن ايشوف في وجها كيف حزين ????  سحب يد ونزل راسها علي المخده وغطاها  وطبع بوسه خفيفه علي شفايفها ❤️ ايشوفلها بكل حب يتمنا لو يقدر ايحول الحزن من وجها وايخليها ديما تضحك وفراحانه   ???? 
طلع وسكر الباب  قعمز في الصاله وقعد طلع دخانه ولعه وقعد ايدخن هو ايفكر شن ممكن صاير امع غرام امخليها في الحاله هدي ???? مرات انا السبب ليش حاس الموضوع متعلق بيا ولا مضايقه علي قصه الزواج اوووف حتي هو قصه تانيه 
بس انا كيف انحب غرام و رهف في نفس الوقت ???????? غرام تعودت علي وجودها فحياتي حبيت شخصيته الي مش مفهومه مره هاديه مره عنيده مره حنونه مره حزينه  حبيت كل شي فيها حتي اعيونها الي مليانات حزن حبيتهم وبريئه وطيبه وربي احيانا نحقر روحي ونستحقر نفسي شخص عنده جوهره زي غرام ايضيعها وايبدلها بشخص تاني صح انحب رهف بس احساسي امع غرام غير اول مره انحسه مانقدرش نوصفه لانه مافيش احروف يقدر يوصف احساسي شنو غرام حاجه تانيه غرام غير قارنت بينها وبين رهف بس غرام فازت بكل شي بعد كبير بينهم لدرجة ما تقارن بحد  غرام فيها جاذبيه خاصه ومكانه خاصه  تمنيت كان طلعت فحياتي قبل ليش توا بس رهف شن ذنبها عشمتها امعايا واتحبني وانا نبيها ????    لقط مفتاحه رفعه وطلع ماغاب واجد 10 دقائق ورجع في ايده كيس  حطه في المطبخ
وخش علي غرام في الدار كانت مازال راقده  سمع صوت شهقتها وهي راقده ???? قسمت قلبه نصين ???? وقف دقيقه ايشوفلها ???????? طلع لمطبخ حط العشاء الي جابه علي سفره وجنبه عصير واميه وخش لدار حط السفره علي جنب
قعد اينوض فيا   
انا فتحت عيوني  
ايهاب: جبت عشاء نوضي كولي
انا ????:مانبي
ايهاب: بتاكلي غصبن عنك حتي غذاء ما تغذيتي
انا ????: مش جعانه
ايهاب: ماتخليني انوكلك غصبن عنك
انا ????: والله ومانبي تعشاء انت
ايهاب: مش واكل لين تاكلي انتي
انا: ايهاب ???????? 
ايهاب ابتسم وقرصلي انفي: ماتشوفيلي هكي لاني نضعف امع النضره هذي
انا ضحكت ????: يا بارد  
ايهاب: ايوا نبيك هك تضحكي هيا كولي راني ميت جوع كان رقدت من غير عشاء تقعد في ارقبتك  ???????????????? (كان قصدا ايقول فيها عشان غرام تاكل)   
انا: به تعشاء انت انا بعدين ناكل
ايهاب ضحك: ماتمشي عليا امتاع بعدين
وجاب السفره حطها قدامي
ايهاب: هيا كولي
انا ????: يعني ضروري  
ايهاب: غرام
انا: خلاص توا ناكل   
قعدت نتعشاء انا و ايهاب انا قعدت انقرش انساير فيه ايهاب قعد ايوكل في غصبن عني ????????  كملنا عشاء  
وجيت بنرفع السفره عشان نغسلها ايهاب ما خلاني قالي تريحي طلع ايهاب بالسفره
انا تنهدت بحزن انشوف فيه وحايره بين نحكيله ع الحمل او لا مرات هوا مايبي ???? فضلت نسكت الفتره هذي ما نحكيله  
خش ايهاب لقاني سرحانه مش منتبه عليه
ايهاب اعيونه عليا: قوليلي شن اندير عشان نمسح الحزن الي في عيونك  
اانا سكتت ونزلت راسي
ايهاب جاء قعمز جنبي ومسك ايدي: قوليلي شن اندير غرام وربي مش متحمل انشوفك هكي متعود ديما انشوفك تضحكي وعلي هدرزتك قوليلي شن انديرلك  
انا ????: خليك جنبي وامعايا يكفى مانبي شي تاني
ايهاب رفع ايدي باسها: وانا امعاك وجنبك ديما غرامي
انا : ايهاب نطلب منك طلب
ايهاب: اعيوني ليك اطلبي و ادللي
انا طبست راسي متحشمه: عادي اتخليني نرقد فحضنك
ايهاب ضحك: لا مش عادي
انا رفعت راسي بصدمه توقعته ياخدني فحضنه طول
ايهاب ابتسم ????: غالي والطلب رخيص ادللي انا كلي ليك
انا نزلت راسي تحشمت
ايهاب ضحك:  نعليا يعني اليوم بنرقد في سريري  ظهري انكسر من رقدت الارض
انا ضحكت: تستاهل
ايهاب شفشفلي شعري بيده: شنو ما اسمعت
انا :قلت حرام راجلي يرقد ع الارض
ايهاب ضحك عليا: نحساب قلتي حاجه تانيه  
انا ضحكت  
ايهاب سرح في ضحكتي ???????? 
ترن ترن ???????? تليفوني رن  قطع تامل ايهاب ???????????? 
ايهاب رفع تليفوني من قلب وشاف الاسم شروق
ايهاب: شروق صاحبتك
انا توترت مانبي انكلمها جنبه: اها خليها بكرا انكلمها ماعندي نيه انكلم حد توا
ايهاب: مرات تبيك
انا خديت تليفون منه: ماعندها ماتبيني امبدري كنا امع بعضنا غير تبي اتهدرز بس انا ماعنديش بال لحد
ايهاب: براحتك
انا خليت فصلت المكالمه بعتلها ايهاب جنبي 
ايهاب سكت ايشوفلي
انا وسعت المكان: نبي نرقد انا ☺️  
ايهاب ضحك: ارقدي باهي من شدك
انا: ايهاب  
ايهاب ضحك عليا ورقد جنبي وفتحلي ايديه انا خشيت طول في حضنه تنهدت وتنفست براحه ❤️ المكان الوحيد الي نرتاح فيه  ❤️ 
ايهاب ابتسم ويلعب بخصلات شعري: اممم شن الغلا الي نزل عليك اليوم  
انا ☺️:ايهاب اسكت نبي نرقد  
ايهاب ????: انا شن بيسكتني ويصبرني وانتي راقده في حضني ???? 
انا رفعت راسي ????:شنو
ايهاب ضحك ونزل راسي علي صدره: ارقدي خلاص ???????? ندوي امع روحي مش امعاك
انا سكتت وغمضت نستنشق في ريحة عطره الي خدرتني ????  حطيت راسي علي قلبه نسمع في دقات قلبه متسارعه ❤️ و صوت نفسه عالي  ابتسمت نسمه في دقات قلبه ❤️ 
  وانا قلبي داير عرس ابروحه مانحكيلكم عليه ????    
اما بنسبه لي ايهاب كان مستمتع يلعب بشعري وطلب اني نرقد في حضنه فرح ايهاب هو ايدور في فرصه عشان يقعد قريب مني واينابش  
رقدو الاتنين مرتاحين كل واحد فيهم ناسي همه وحزنه مجرد حضن ايخليهم ينسو الدنيا كلها مايفكروش الا في الاحساس الي داخلهم الطاغي  ❤️ 
.
.
.
.
.
تاني يوم مشاء عادي بس ايهاب مهتم بينا  امع المغرب جدي اتصل بي ايهاب قاللنا تعالو  
لبست انا وايهاب طلعنا لبيت العيله 
كانت العيله كلها ملتمه
انس: ها ياجدي اهو كلهم جو  
بابا: خلي جدك يتكلم اسكت انت
مصطفى ايشوف لجده ايحاول يفهم شن يبي يحكي  وخايف ايحطه في موقف يجبره انه يتزوج غصبن عنه
اجديده: ها ياحاج ان شاء الله خير شن الموضوع
الحاج خليه: امس جاني عريس طلب ريهام مني وانا وافقت
ريهام علي طول رفعت اعيونها في جدي بصدمه ???? 
مصطفى جت عينه علي ريهام شبح وجها كيف مصدومه
اجديده فرحت: من العريس يا حاج
الحاج خليفه: عمر ولد صلاح جارنا
اجديده: قصدك هدا الي مرته توفت مره الفاتت وعقبتله ابنيه
الحاج خليفه: اي 
ريهام عيونها دمعو: بس انا مانبي نتزوج ياجدي 
الحاج خليفه: امس تكلمت امع عبدالقادر ونصر الدين حتي هم اموافقين  
اما احني كلنا ساكتين ???? 
ريهام ????: وهيثم ولدي
الحاج خليفه:  اطمني الراجل راضي بيك وبي ولدك  وقال عادي حتي هوا عنده شروط انك ماتفرقي بين هيثم ولده
الراجل شاريك يكفى سمعته الطيبه واخلاقه وملتزم
مصطفى عصب وقف: شنو ???? هيثم ما يطلعش من هنا هي تبي تزوج تزوج اما ولد خويا يقعد عندنا
الحاج خليفه: ماناخد في رايك انت برا الموضوع بوك اموافق وقال عادي   
مصطفى لف علي باته: كيف اتوافق ولدنا ايربيه الغريب
عمي نصر الدين: صوتك نقصه ما تعيط والي قاله جدك يتنفذ وهيثم مزال صغير يقعد عند امه واحني امتي مانبو انشوفوه ريهام مش ترفض
مصطفى بعصبيه: هيثم يقعد هنا مش ماشي امعاها
ايهاب: ياجدي غلط ريهام احني امعانا صح خليها اتشوف حياتها ومستقبلها بس هيثم يقعد في بيت جده اوله بيه وريهام كان تبي اتشوفه اتجي تاخده مره مره بس ايعيش في بيت غريب لا انا امع مصطفى
الحاج خليفه: الموضوع مش شروكم انتم بوك وعمك اموافقين وراضين واحني عطينا كلمه لي الناس والخميس الجاي بيجو يخطبو ريهام والخميس الي بعده الفاتحه  
وانا جمعتكم هنا الا نبي انفهمكم انت والطايش خوك مانبي مشاكل هيثم بيعيش امع امه المكان الي فيه امه يقعد فيه وهدا اخر قراري  
مصطفى ????: انا عارفك اتقول هكي عشان تضغط عليا بكلامك لكن اقسم بالله هيثم مش طالع من هنا كان نقتل الراجل وانلحقه علي مرته  
الحاج خليفه عصب:  دير حل لي ولدك احسن ما نصرف انا
وانتي يا أسراء شوفي ابدي اطلعي من بكرا خوديلها شي ناقصها توا ايشيلكم انس ولا واحد من الشباب  
ماما: حاضر ياعمي
ريهام تبكي ????: بس ياجدي انا مش اموافقه  
الحاج خليفه: لمصلحتك يابنتي هدي سنة الحياه بعدين البنت ماليها غير بيت راجلها وانتي تبي شخص ايشيل امعاك حمل ولدك وانتي شخص ايكونلكم سند وظهر وهيثم محتاج اب في حياته وانتي ماتقدريش اتربيه ابروحك  
ريهام سكتت تبكي ماقدرتش اتناقش جدها ???????? طلعت من جنبهم ???? هي عارفه جدها امصمم علي كل شي 
انا والبنات طلعنا وراء ريهام
زاد النقاش بين جدي ومصطفى وايهاب   
مصطفى طلع هوا يتحلف ويهدد ???? 
اما بابا وعمي كانو واقفين في صف جدي ???? 
الحاج خليفه وقف: ايهاب الحقني في المربوعه نبيك
وطلع جدي وطلع ايهاب في جرته
اما الباقي قعد يتناقشو في الموضوع في الي رافض وفي الي فرحان لي ريهام  
.
.
.
.
.
.
.
انا: خلاص ياروحي والله كلام جدي صح لازم اتشوفي حياتك
ريهام تبكي: مانبي نتزوج انا هكي متريحه
انا وجعتني ريهام: والله لمصلحتك حبيبتي هيثم محتاج اب امعاه وخوت وعيله ريهام صدقيني مادم الراجل اكويس حتي هيثم راضي بيه والله انتي مزال اصغيره حرام ادمري حياتك واتخليها اضيع انتي محتاجه حد ايشيل حملك انتي وهيثم 
ريهام تبكي ????: بس انا مانبي نتزوج بعد المرحوم ???? 
انا ????: هيثم الله يرحمه هو في اديار الحق انتي لازم اتشوفي حياتك حرام اضيعي عمرك
ريهام ????: مانقدرش ???? والله بعدين ماشفتي مصطفى وايهاب مش راضين مستحيل ايخلو هيثم امعايا تخيلي تزوجت وهم رفعوه مني
انا: لالا مستحيل شفتي جدي شن قال  
خشت إيلاف وامعاها نمارق وندى و وعد وعهود ورغد  
قعدنا نقنعو في ريهام   
اما مصطفى مشا لبيت امعصب عرف جده شن يبي ???????? 
قعدو ماما وجديده يتكلمو علي موضوع زواج ريهام  عميمه كانت مش راضيه عشان ماتبي حفيده وريحة المرحوم  تبعد عنها
كلمني ايهاب وروحنا خش طول لداره ماتكلم  انا عارفته راقيله من الموضوع حبيت انخليه ابروحه
خشيت لداري غيرت ورقدت وانا انفكر في حملي وكيف بنخفيه عن ايهاب لكن ضروري انتابع عند دكتوره ???? 
اووووف ???? قعدت نبكي لين رقدت ودمعتي ع خدي ????????
.
.
.
.
.
.
.
حمادي بعت رساله لي عهود 
.
عهود فتحت تليفونها الي ليها اكثر من اسبوع قافلته بدو رسائل مكالمات الفائتة  ورسائل حمادي من بينهم اخر رساله بعتها
.
قعدت تقرا في الرسائل حمادي وتبكي ????لين وصلت في اخر رساله “”(( عهود عارفك مش حتردي عليا ولا بتصدقيني لكن اقسم بالله وحق الكعبه الشريفه انا انحبك مافيش غيرك في قلبي صح خطبتنا كانت تقليديه بس انا حبيتك من يوم المقابله بعد خشيتي شكلك سحرني وشعرك الي هالب نص ظهرك من يومهل وانتي ملكتيني وخديتي عقلي وحبيتك وفترة الخطوبه زدت حبيتك بعد تعرفت عليك وما صدقت ازوجنا طلعت الفرح بسرعه علي خاطر معاش قادر نصبر عليك صح عشنا 5 اشهور امع بعض اقسم بالله اجمل 5 اشهور في حياتي لعند جاء اليوم النحس هدا صدقيني كنت من غير وعي وحق الروح الي في بطنك وراس ولدي انا كنت مش واعي عويل الحرام حاطيلي احبوب في العصير اقسم بالله ملعوب لانه انا ماعمري فكرت انخونك انا بعد 3 ايام من مشيتي الزرده واتصال  بيا صاحبي الكلب هشام الي اصر عليه انروح ويبيني علي موضوع  روحت بسرعه  وتلاقيت انا وياه في القهوه الي اقريبه من شقتي بعدها طلعت انا وياه لشقتي بما انها فاضيه وقعدنا نحكو علي البضاعه مشتركين فيها لانه من زمان نتعاملو انا وياه قالي عطشان كنك ماضيفتني انا اعتذرت منه وطلعت للمطبخ وصبيت كاستين عصير  واميه وحطيت امعاهن شكلاطه وبسكويت الي حصلته ????المهم ندكر جاني اتصال منك طلعت كلمتك  وخليته ابروحه وبعدها رجعت القيته يبتسم ابروحه ماعدلت عليه طلع الكلب حاطلي الحبوب في العصير امتاعي المهم حسيت راسي اشوي اشوي بدا يتقل  انهدرز امعاه ونضحك
بعدها معاش مدكر شي لين الصبح بعد نضت القيت جنبي بنت
انصدمت قلتها من انتي وشن جابك عصبت وبديت انسب ونلعن بعد شفتها هي ماحكت شي بعد هددتها قتلي هشام جابني هنا وانت امبارح رقدت امعايا ???? عصبت ولزيتها وانا مش مدكر شي من بعد مكالمتي ليك لين بعد شربت العصير من بعدها معاش ندكر وصلتي رساله من هشام “”شن رايك في المفاجاء الحلوه “” عرفته هوا وراها الكلب عرفت عاطيني حاجه عشان كنت فاقد مش مدكر شي  دورت عليه واجد مالقيته هرب الكلب  وقصة الصوره الي الي القيتهن كانت مقصوده عشان ايخرب بينا لكن اقسم بالله انجيبه ليك وانخليه يعترف انا ما عمري فكرت انخونك ولا شفت لي بنت غيرك لانك انتي امعبيه عيني وقلبي ❤️ عارفك زعلانه وحامقه مني ممكن حتي كرهتيني لكن ردي بالك من صحتك انتي وبنتنا  وكولي اكويس وخودي ادويتك بموعدها  حبيبتي  انحبك حتي لو بعيده عني ❤️???? عارف مابتصدقي ولا حرف من الي كتبته انا حاولت واجد امعاك ونبي نشرحلك كل شي بس انتي رافضه تسمعيني ???? “”
عهود انهارت تبكي اتعاود تقرا في الرساله الف مره ???????????????? ????????
.
.
.
.
.
تاني يوم الصبح مشيت الكليه كانت عندي محاضره مهمه  وايهاب حطني عدا لشغله  
حضرت محاضرتني كانت شروق غايبه استغربت  اتصلت بيها طلع مقفل طلعت قدام القاعات نتصل بيها مقفل 
وقف عليا ولد رفعت راسي كان قيس حبيب شروق
قيس: اهلين غرام كيف الحال
انا: تمام وانت شن اخبارك
قيس: صاحبتك هذي مصره اتهبلني امعاها
انا ضحكت: ماتقولش متعاركين 
قيس: اي واخرا مشكله كبيره وغلطت فيها بالكلام وينها هي  
انا: انا انقول ليش اليوم ما جت و رقمها مقفل
قيس: عليك قصه والله هيا عصبتني  
انا: انتم قصتكم امع المشاكل ماتتنهي،،،،، ماكملتش كلامي ونلقا ايهاب خانق قيس ويضرب فيه 
ايهاب كنت عارف موعد طلعت غرام  كملت شغل الي في يدي وطلعت بسرعه المره هدي قررت انخشلها داخل في الكليه نزلت وخشت داخل الكليه مشيت مكان القاعات لانه توا بتطلع طاحت يعني علي غرام اتهدرز امع شاب وتضحك
دمي فار ???????? كيف امصبيه امعا ???????? تتسوك امعا هدي اخرتها ياغرام  ما القيت الا ناقز ع الولد ونصرب فيه
انا انخلعت خفت ايهاب يفهم غلط ????????????  
ايهاب يضرب في قيس ???? وايسب    
قيس ما كان عارف ايهاب ايكون راجلي رد ضرب ايهاب ودفه من فوقه وقعدو يضاربو في بعضهم وايسبو  
بسرعه ماتلقطو الناس علينا وبدو الشباب ايحزو وجو الامن الكليه وفكوهم من بعضهم   
انا وقفه ابروحي علي جنب ونبكي ????????????  
ايهاب بعد ما حزوهم نفض دبشه وايهدد في قيس   
بعدها جاء سحبني من يدي بالقوه ويمشي بيا هو امعصب ???? وجه ما ايبشرش بالخير  
فتحلي باب السياره ركبت طربق الباب بالقوه لعند جسمي رعش في بعضه ???????????? 
ركب ايهاب هو ساكت ???? وطار بالسياره  
انا نبكي ????: ايهاب وربي انت فاهم غلط
ايهاب عيط عليا ????: ضمي فمك حسك مانبي نسمعه انا اتمعيلي بيا واتهدرزي المع المفرخه وتضحكي ##%% 
انا نبكي ????????:والله فاهم غلط والله هوا وقف عليك
ايهاب ????عيط: قتلك ضمي فمك نتفاهمو في البيت
انا قعدت نبكي ???????????? كيف بنفهمه انا هدا
ايهاب كان يجري باقصى سرعه ???????? 
وصلنا البيت ايهاب فتح الباب ودفني بايده طحت ع الارض???????? 
ايهاب: من الكلب الي تسهوكي امعا انا حذرتك من اول يوم ياغرام ???????? 
انا حطيت ايدي علي بطني نبكي ادكرت اني حامل ???????? 
ايهاب مسكني من وشاحي وشعري ????:انكلم فيك ردي علي امي ???????? 
انا نبكي وجعني اشعري ????????????:شعري ايهاب 
ايهاب زاد جبدني بالقوه قربني ورفع ايده بيضربني ???? 
انا ????????:………… 
.
.
.
.
.
.
.
.
.
مصطفى وقف علي جدي بعصبيه ????:…………….
الحاج خليفه ????:………………
.
.
.
.
.
.
.
.
عهود ????:………..
حمادي ????:………….
 .
.
.
.
.
رهف: …………
ايهاب: …………
يتبع ..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عائلات راقية بفسادها للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى