رواية طوفان قلب الفصل العاشر 10 بقلم سمية عامر
 |
| رواية طوفان قلب الفصل العاشر 10 بقلم سمية عامر |
رواية طوفان قلب الفصل العاشر 10 بقلم سمية عامر
صحيت ياسمين الصبح كانت حاسه ان جسمها مشلول مش قادرة تتحرك بصت لقيت نفسها نايمه في حضن عز اللي قاعد على السرير وواخدها في حضنه من امبارح
ابتسمت ياسمين ولكن اتوترت و حاولت تصحيه
ياسمين بهدوء : عز ..اصحى
فتح نص عين و غمض تاني
ياسمين : اصحى انا شوفتك لما فتحت عينك ابعد ايدك عايزة اقوم
فتح عز عينه و ضحك : محدش يعرف يضحك عليكي
قامت ياسمين بسرعة و قام هو وراها ولكن ضهره اتشنج من القاعدة و طلع صرخه صغيرة : اااه ضهري يا مفتريه انتي كام كيلو
لفت ياسمين بضهرها و دخلت الحمام وهي بتضحك عليه
قام عز خد هدوم و خرج برا ينزل الحمام اللي تحت عشان ياسمين تاخد خصوصيتها
الخدامه : عز بيه انا حضرت الفطار و نضفت البيت تحب اعملك حاجه تاني
عز : لا شكرا يا فوزية روحي دلوقتي و تعالي بكره انا هتغدا برا انهاردة
ابتسمت فوزية و خرجت
اتحمم عز و لبس و حط عطره المفضل و طلع فوق قبل ياسمين ما تخرج من الحمام مسك مسدسه حطه في البنطلون ووقف عند الشباك يبص منه كان الهوا حلو بداية الشتا و ريحه الهوا نقي
خرجت ياسمين كان شعرها البني مفرود على كتفها و ملامحها ناعمة قربت من عز اللي كان واقف بشموخ عند الشباك : الهوا حلو جدا كأنه بيصالح روحك و ينقيها
ابتسم عز وهو بيبصلها : عارفة انك اجمل بنت انا شفتها
حزنت و فضلت باصه قدامها : ازاي لسه شايفني حلوة بعد اللي حصل انا خايفة جدا
ابتسم عز و مسك ايديها و بص من الشباك : مفيش حاجه حصلت لسه نظرتك البريئة في عيونك ..
” و كانكِ صباح مبهج بعد ليله عيد أرهقت روحي ..تنيري عتمتي و ظلامي ”
عز بتمثيل : ااااااه ضهري مش قادر لسه بيوجعني
ياسمين بقلق عليه : طب اتصل على الدكتور يمكن حاجه اتكسرت
عز وهو بيقرب منها بخبث : قلبي ..قلبي هو اللي فيه طوفان مش قادر يقف غير عند بابك ..قوليها و ريحيه
ابتسمت ياسمين بخجل شديد حست بنبضات قلبها بقت عاليه جريت بسرعة على بره
ابتسم عز بحزن بس فرح أنها بدأت تتحسن عن امبارح
مسك تليفونه كان في 50 اتصال من حسين رئيسة
قفل عز التليفون و رماه من الشباك: مبقاش يفرق معايا انا هعمل اللي يريحها هي و بس
اخد الفساتين اللي في الدولاب و خرج بيها بره كانت ياسمين قاعدة
عز : احم …مش هتدلكي ضهري
ياسمين بخجل : عيب مش هعمل كده طبعا
ضحك عز و مد أيده باللبس: دول ليكي اختاري منهم اللي تحبيه
ابتسمت و اخدتهم
ياسمين باحراج : عايزة اقولك حاجه
قعد عز جنبها : نعم
ياسمين : انا كنت محتاجة شويه فلوس
عز باستغراب : كل اللي تحبيه بس ليه
ياسمين : عشان ..عشان عايزة اسافر
عز : تسافري فين و لمين
ياسمين : متقلقش انا اقدر اعتمد على نفسي هروح ل عم امي في تركيا
عز : ده كويس
ياسمين : اكيد اه كويس جدا و بيحبني اوي ( طبعا ده كذب هي متعرفش اي حاجه عن عم أمها )
عز بخوف عليها : خليكي هنا ..معايا
ياسمين : مش هقدر ….انا محتاجة ابعد خالص عن المكان ده
زعل عز ولكن ابتسم : اللي يريحك
قرب منها اكتر و باس ايديها و ركز في عيونها و قال بهدوء : متسافريش و تعالي نتجوز
ياسمين بحزن : انت بتحبني يا عز؟
عز : انا ……….
يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب
