رواية حب في الظلام الفصل العاشر 10 بقلم دينا محمد

عدي فتره ونائل وتاليا عايشين مبسوطين وبيحبوا بعض وكل الحواجز اللي بينهم اتشالت 

وف الجهه التانيه ساره بترتب ازاي تفرق بينهم وتخلي تاليا تتقهر ع فراق نائل عنها وتندم نائل ع ضربه ليها وف يوم نائل خرج عادي علشان يروح الشركه بتاعته ركب العربيه والسواق اتحرك وقضي يومه ف الشركه وخلاص راجع تاني البيت وف الطريق 

=ايوا ي حبيبتي عامله اي 

_الحمدلله ي حبيبي انت اي الاخبار 

=انا كويس انت راجع اهو ف الطريق محتاجه حاجه اجبها معايا 

_لا ي حبيبي ترجع بالسلامه 

=وحشتيني ع فكره 

_وانت كمان ع فكره

=بحبك 

وقبل ما تاليا ترد عليه ف صوت ظهر فجأه صوت خبط عربيه ف حاجه وسمعت نائل بيصرخ والفون فصل فضلت تنادي عليه مفيش رد تتصل تاني الفون مقفول نزلت جري ع مامته

_ي ماما الحقي ي ماما 

-في اي ي بنتي 

_نائل كان بيكلمني وسمعت صوت خبط العربيه ف حاجه وصوته وهو بيصرخ وبعدين قومه اتقفل

-استر ياارب حاولي تاني 

فضلت تحاول كتير بس مفيش نتيجه لحد ما حد رن عليها وقالها أن نائل ف المستشفي اخدت مامته وراحت المستشفي وقابلت الدكتور وهي منهاره من العياط 

_خير ي دكتور طمني نائل اي اللي حصله 

-مش عارف اقولك اي والله بس هي حادثه عربيه كبيره اوي وهو عايش باعجوبه اصلا بس ربنا يستر ويعدي الساعات اللي جايه ع خير ويفوق من الغيبوبه 

_غيبوبه انت بتقول اي 

-اهدي ي مدام ان شاء الله خير 

ف اللحظه دي تاليا اغمي عليها ومفقتش غير وهي ف اوضه ف المستشفي وام نائل جمبها 

_اي اللي حصل ي ماما 

-ارتاحي ي بنتي انتي لازمك راحه 

_نائل ي ماما انا لازم اشوفه

-استني ي بنتي انتي راحه فين الدكتور قال لازم ترتاحي كام يوم علشان انتي مش عايشه لنفسك 

_يعني اي مش فاهمه وارتاح ازاي ونائل كده 

-تاليا انتي حامل يعني تاخدي بالك من حركتك واكلك والتوتر دا غلط وان شاء الله نائل هيقوم بالسلامه 

_حامل دلوقتي ف الظروف دي 

-اي ي بنتي هتعترضي ع كرم ربنا 

_لا طبعا ي ماما مش قصدي بس لازم اشوف نائل 

-الدكتور مانع الزياره انهارده ادعيله ي بنتي يقوم بالسلامه 

_يارب ي ماما يارب 

عدي اول يوم ونائل زي ما هو مفيش اي استجابه بس الدكتور سمح بالزياره بس واحده واحده تدخل مامته دخلت وفضلت تعيط كتير وتكلمه يمكن يسمعها ويفوق بس مفيش فايده وبعدين تاليا دخلت 

_نائل حبيبي اول مره اكلمك ومتردش عليا حتي واحنا متخاصمين كنت بترد عليا كده يعني مش انت قولت عمرك ما هتسبني ووعدتني كمان كده تخلف بوعدك ليا نائل فوق علشان خاطري انا مليش غيرك والله خليك معايا علشان خاطري وانا والله مش هتخانق معاك تاني حد يسيب حبيبه ع طول كده نائل رد عليا ي نائل والنبي متسبنيش كده انت لازم تفوق علشان عندي ليك مفاجأه حلوه اوي بس مش هقولك عليها غير لما تفوق انا بحبك ي نائل خليك معايا 

فضلت قاعده جامبه وماسكه أيده وبتعيط مش بتعمل حاجه غير أنها بتصلي وتدعيله وتقرأ قران ووالدته تفضل تتحايل عليها علشان تأكل اي حاجه علشان طفلها وف الاخر تاكل حاجه بسيطه علشان متزعلهاش 

عدي يوم واتنين وأسبوع ومفيش جديد وف يوم وتاليا قاعده جمبه ف المستشفي لقت حد داخل عليها 

-ازيك ي تاليا 

_انتي تاني عاوزه اي تاني ي ساره جايه ليه 

-جايه اشوفك وانتي مكسوره كده ومحدش موجود يدافع عنك واللي كان عامل عليا راجل اوي اهو نايم اهو ملوش لازمه يلا يمكن يموت ونخلص 

_اخرسي نائل هيقوم وهيبقي كويس انتي اي مش بني ادمه عملك اي علشان تعمليه كده من غيره كان زمانك دلوقتي ي ميته ي عاجزه ي ايما مش بتشوفي زيه بس هو ضحي بحياته علشانك وف الاخر طلعتي واحده متستهليش انتي اي حرام عليكي 

-ايوا بس كان قدامي حياته كانت واقفه عليا مش عارف يكملها ولا بيتقدم جيتي انتي ولغيتي كل دا وحبك لا وكمان بيحبك اكتر مما كان بيحبني وبيكون مبسوط اوي معاكي كان لازم أوقف اللي بيحصل دا بأي طريقه 

_ماانتي عايشه حياتك واتجوزتي وكل حاجه ليه عاوزه يفضل واقف عند نهايته معاكي وبعدين ثواني اي كان لازم توقفي دا بأي طريقه لا متقوليش انتي السبب ف اللي حصل لنائل 

-ايوا انا اللي خليته يعمل حادثه كان نفسي يموت بس طلع منها عايش بس متخفيش الوضع دا مش هيستمر كتير هيموت هيموت سوا بالحادثة أو من غيرها خليكي فاكره كلامي دا كويس 

_انا هوديكي ف داهيه وهبلغ البوليس عندك وهسجنك 

-عندك دليل ولا هتروحي تقولي دي اعترفتلي بكل حاجه محدش هيصدقك ي حبيبتي اعملي اللي انتي عايزاه كله يلا بقي باي ي حلوه 

(تاليا انهارت اكتر مبقتش عارفه تعمل اي ف اللي هي فيه دا وخايفه ع نائل من كلام ساره قعدت جمب نائل وكلمته

_نائل ممكن تصحي بقي كفايه بقي بقالك اسبوع ع الحال دا أنا عاوزاك جمبي وكمان ف حاجه مستنيك لازم تفوق علشان تكون معايا

 واخدت أيده حطتها ع بطنها  بس ف هنا نونو صغنن شبهك جاي ف الطريق لازم تفوق علشانه وعلشاني احنا عاوزينك معانا ي حبيبي والبيبي عاوزك علشان يبقي كويسه 

 فضلت تعيط وهي حاطه أيده ع بطنها كده وفجأه حست بحركه ع بطنها بتبص لقت ايد نائل بتتحرك ضغطت بسرعه ع الجرس اللي جمبها علشان الدكتور يجي وفعلا الدكتور جه بسرعه 

 -خير ي مدام ف اي 

 _ايده اتحركت 

 -انتي متاكده 

 _والله أيده اتحركت انا متأكدة

 -دا مؤشر كويس اوي لو بكلامك يبقي خلال ساعات هيفوق 

 _يارب 

 فضلت تاليا قاعده جمبه طول اليوم تصلي ع امل انه يفوق لحد ما سمعت صوته 

 =اااه ف حد هنا ف حد معايا انا فين 

 _نائل انت فوقت حبيبي انت كويس 

 =انا فين دماغي وجعاني اوي ومش قادر اتحرك 

 _اهدي ي حبيبي احنا ف المستشفي 

 =مستشفي ليه وغمض عيونه تاني 

 _نائل انت كويس حبيبي

 الدكتور قال ان دا طبيعي غيبوبه صعبه زي دي مش هيفوق منها بسرعه كده وقالها اهم حاجه متكنش الحادثه أثرت ع حاجه ف المخ علشان الذاكره وكده 

 تاليا كانت خايفه ان نائل يكون مش فاكرها وأنه ينساها وميفتكرش حبهم لبعض ولا جوازهم ولا اي حاجه عنهم فضلت قاعده جمبه خايفه خايفه يفوق ويكون ميعرفهاش 

 ي تري بقي نائل هيفوق فاكر تاليا ولا نسيها وهل هيفوق اصلا ولا هيحصل اي