 |
| رواية عشق الروح الحلقة العاشرة 10 والأخيرة بقلم بنت الصعيد |
رواية عشق الروح الحلقة العاشرة 10 والأخيرة بقلم بنت الصعيد
أسر …..لا يا بابا أنا مش هسيب روح الا لما تفوق واخدها في حضني وتقولي أنها مسمحاني ونروح علي بتنا ف مصر
روح سمعت كلام أسر وقالت في نفسها ((كفاية اوي لغاية كده انا قلبي بيتقطع علي أسر مش قادرة اشوفه بيتعذب اعمل ايه بقا هبلة وغبية لازم أوقف اللعبة كده.)).
وبينما يتحدث اسر مع والده وينظر إليه إذا بروح تمسك يده فنظر إليها بلهفة كبيرة
أسر ..بلهفة….روح حبيبتي انتي فوقتي
روح نظرت إليه وتجمعت الدموع في عينيها ….وقالت بنبرة طفولية …..واحدة بواحدة والبادي اظلم.. كان لازم اردلك اللي عمل… قبل أن تكمل حديثها جذبها من يدها وادخلها في حضنه وربط ذراعيه بشدة كأنه يقول لها لاتتركيني مرة أخري..
أسر …..مش مهم اي حاجة دلوقتي غير انك قومتي بالسلامة أنا مستحيل اسيبك تضيع مني تاني..
واخيرا خرجوا من المستشفي متجهون إلي القاهرة وحكي أسر لروح عن كل شئ وعرفت روح أنا والدتها تعلم كل شئ عن خطة أسر
____________________________________
في فيلا أسر النجار
كانت تنتظر أميرة ابنتها علي احر من الجمر وكانت معها فريدة ….واخيرا وصلوا
روح ركدت نحو والدتها وحضنتها بشدة ….ماما وحشتيني
أميرة …وانتي كمان يا روح قلبي واحشتيني يا حبيبتي
نظرت روح لفريدة وجدتها حزينة ومتوترة نوعا ما …اتجهت نحوها ..واحتضنتها
روح …واحشتيني يا اجمل صاحبة في الدنيا
فريدة بفرحة ….وانتي كمان واحشتيني يا قلبي أنا آسفة بجد يا روح بس والله كانت نيتي خير والحمدلله انتي وأسر مع بعض دلوقتي ربنا يسعدكم …اه صحيح انهاردة خطوبتي جهزي نفسك
روح ….ازاي قررتي كده فجأة
فريدة ….اه يا بنتي مانا خليت الخطوبة انهاردة علشان تقدري تحضريها قبل ما تسافري شهر الع……نظرت إلي أسر الذي بدا عليه الغضب وأخرجت نصف لسانها ….اوبس أنا بوظت مفاجأة واحد كان عاملها لمراته ..
أسر بابتسامة مصطنعة ….ااااايوا كملي كملي الله يحرقك ..
قبل ما تسافري شهر العسل اللي محضره أسر وهتلفوا اجمل اماكن في العالم يلا قولي قولي
فريدة بعند طفولي …ما كانتش هتستنتج اي حاجة علي فكرة إلا أنه شهر عسل عادي ..مش هتلف العالم ولا حاجة
أسر ….دانتي لسانك دا عايز حرقه يا بعيدة
روح …بعد الشر علي صاحبتي ..وحضنت فريدة
أسر …هي بقت كده يعني طب اطلع منها أنا بقا بكرامتي
أميرة ….زي الاطفال بالظبط ايه العيال دي
هادي …والله عندك حق يا مدام أميرة حاسس اني في فصل ٤/٣
ضحك الجميع علي عناد أسر وفريدة
___________________________________
في المساء في فيلا أسر
أسر ….وبعدين يا ماما بنتك بقالها خمس ساعات بتلبس فوق كده هنتأخر ع الحفلة
أميرة …خمس ساعات بس يبقي لسة قدامك خمس ساعات تانين كمان
أسر ….لا كده احنا نسبها ونمشي يلا بينا
روح تقف علي درج المنزل…ينفع تمشي من غير روحك
نظر أسر لجميلته وتصنم امام جمالها الممزوج باحترامها وحجابها الذي فاجأت به زوجها …كان غارق في النظر إليها و لم يشعر الا بوجودها أمامه وتشاور بيدها
روح…أسرررررر روحت فين
أسر ……هو حضرتك ما شفتيش مراتي كده وانتي نازلة هي شبهك بس انتي اجمل بكتييير
روح ضربته بقبضتها في صدره
أسر…..ااااخ لا خلاص سدقت انك روح حبيبت قلبي ….يلا بقا نمشي اتأخرنا…والا هتلاقي فريدة جايبة خطيبها وجاية
ذهبوا الي الحفلة وكانت رائعة ..حفلة صغيرة في منزل والد فريدة ..وكانت فريدة متألقة بجمالها الهادئ واخيرا انقضت الحفلة ….وعاد أسر وروح الي عش الزوجية
_______________________________________
في فيلا أسر
وصلوا اللي الفيلا وانصرفت أميرة الي غرفتها وأسر وروح الي غرفتهم …بدلوا ملابسهم وصلوا فرضهم سويا …وبعد ذلك جلسوا علي السرير كانت ترتدي روح بيجامة طفولية جدا
أسر …حاسس اني قاعد مع بنت اختي
روح ….نظرت له بغضب طفولي متعمد ولم تتكلم
أسر …بس اجمل بنت اخت …وبدأ يقرب منها توترت كثيرا
روح بتوتر……اس أسر عايزة أسألك سؤال
أسر …اسألي يا روح أسر
روح …انت قتلت مين ؟؟ أسر ….قتلت أنا ما قتلتش حد والله يا حضرت الظابط
روح ..أسر أنا مش بهزر انت يوم فرحنا جالك اتصال وقلت اقتلوا…صح
أسر يضحك …ااااه دا كلب روح ….كلب كلب مين
أسر …دا الكلب بتاعي كان معايا من وانا صغير ..جاله فيروس نادر وبقي بيعض اي حد حتي الدكتور بتاعه عضه وكان هيموت فيها ….فأنا قلت للمدرب اقتله
روح ابتسمت ….. الحمدلله انك ما قتلتش حد
أسر …انتي شايفاني مجرم يا روح
روح …هزت رأسها بالنفي
أسر …وبدأ يقرب منها مرة أخري فتوترت مرة أخري
روح .. .اسر أسر اهدي ممكن أسألك سؤال تاني
أسر ….بضيق…..هو التست دا هيخلص أمتي اسألي يا قلب أسر
روح ….انت ازاي قدرت تخوفني وترعبني كده اول يوم في الشاليه دا كان زي الحقيقي بالظبط أنا مش شكيت ابدا
أسر …بسيطة جبت فريق اعداد افلام رعب فريق اجنبي محترف وهما اللي قاموا بالواجب …ولما اغما عليكي اديتك حقنة منومة علشان ماتصحيش لغاية ما نرتب اللي كسرناه
روح …..انت ازاي قدرت تعمل دا كله في يومين
أسر .. أنا أسر النجار يا بنتي قالها بغرور شديد
روح …..ايه التواضع دا يا حبيبي ربنا يزيدك تواضع
أسر ….اي خدمة ياروح قلبي …طب تعالي بقي
روح بتوتر …اجي فين ؟؟؟! أسر …تعالي نامي في حضني لأني بجد جعان نوم…يلا بقي عشان متتوتريش كتير …تصبحي علي خير
روح ابتسمت وقربت منه وضعت رأسها علي زراعه واحتضنها وناموا سريعا….
????????????????????????????????????????????????????????????????
في الصباح كانت والدة روح قد جهزت لهم شنط السفر وكل شىء لينطلقوا في رحلة شهر العسل …تناولوا افطارهم
أسر …شفتي يا ماما بنتك وصاحبتها المجانين ملبسنا كابلز وكمان عليهم صورنا دا اوفر بصراحة
أميرة …انت لسة شفت حاجة دي هبلة يا حبيبي وهطلة
روح…بغضب مصطنع ..في أم تقول علي بنتها كده انتي ام انتي …انتي ام جلامبوا
ضحك أسر ….دي ماما زي العسل
أميرة …لا أنا حماتك ….بصراحة أنا مامت أسر
روح … بغضب مصطنع…..ماشي يا ماما يلا بقا يا مستر أسر يا ابن أميرة
أسر ..متعمد يضايقها ..بتغيري مني عارفك أنا وبدأت تضرب فيه روح وهو يضحك
واخيرا ودعوا أسر وروح والدتها ووالده وانطلقوا في رحلتهم
????????????????????????????????????????????????????????????????
قضوا شهر عسل لم يكن أبدا في مخيلة روح أن تقضيه كان يفوق كل أحلامها فمن شارع برودواي وحديقة سنترال بارك في نيويورك الي البندقية وروعة التصميم الاسلامي في ايطاليا وطعامها اللذيذ …مرورا بمدينة العشاق وليالي باريس الرومانسية وشارع الشانزليزيه وبرج ايفل ..ولا ننسي لندن وقصر باكنجهام وساعة بيج بن …..واخيرا قضوا شهرا ونصف قاموا فيه بجولة حول اشهر الاماكن السياحية في أوروبا ….وكانت المفاجأة الأخيرة التي أعدها أسر لروح ….الا وهي زيارة اجمل مكان علي وجه الأرض وهو زيارة الكعبة المشرفة قاموا بعمل عمرة سويا تنقي أنفسهم وتكون بداية سعيدة لحياتهم الزوجية ….واخيرا أنهوا العمرة وعادوا الي الوطن الحبيب
????????????????????????????????????????????????????????????????
وصل أسر وروح الي الفيلا ليلا وكانوا متعبان جدا سلموا علي الجميع وبعد ذلك ناموا مباشرة من الارهاق
????????????????????????????????????????????????????????????????
في الصباح استيقظ أسر قرابة الظهر واتصل بشخص ما
أسر ….كله تمام ؟؟؟؟؟اوك بأي…..اقترب من روح ليوقظها
روح روح فوقي بقا انتي بقيتي كسلانة اوي كده ليه …قومي عاملك مفاجأة
استيقظت روح بكسل شديد ….لسة في مفجأت تاني يا أسر سيبني أنام بقا
أسر ….قومي هتندمي لو ضيعتي المفاجأة
استيقظت روح بعد معاناة شديدة صلوا فرضهم وتناولوا افطارهم وركبوا السيارة وانطلقوا
روح …احنا رايحين فين بجد
أسر ….مفاجأة اصبري بقا قربنا نوصل
روح …أنا كمان عملالك مفاجأة بس هشوف مفجئتك لو عجبتني هقولك مفجئتي
بعد مرور بعض الوقت
أسر ….اخيرا وصلنا
نزلوا من السيارة وكانوا يقفون أمام شركة كبيرة جدا مكتوب عليها روح الفؤاد …روح تعرف هذه الشركة جيدا أنها شركة والدها التي خسرتها بسبب زوج أمها
روح وقد تجمعت الدموع في عينيها من الفرح
روح ….أسر انت اجمل زوج في الدنيا كلها ربنا ما يحرمني منك ابدا
أسر ….ولا يحرمني منك يا روح قلبي …طب واضح كده أنه مفجئتي عاجبتك …قولي بقا ايه مفجئتك انتي
أمسكت روح يد أسر ووضعتها علي بطنها ليفهم أنها حامل
أسر …بفرحة ….حامل ؟؟؟؟؟!!! بجد وحملها أسر في الشارع وأخذ يلف بها وهي مكسوفة للغاية مما تسمع من تعليقات من الناس حولهم
بنات الثانوية العامة ….أخذوا يصفقوا ويصرخوا..يا بختها
شباب الجامعة ….الله يسهلوا ياعم الرومانسي
أسر …دي مراتي علي فكرة يا شباب
السيدة العجوزة …ربنا يخليكو ا لبعض يا ابني
روح ….نزلني يا أسر كفاية أنا مكسوفة اوي.
اخيرا أسر نزلها ودخلوا الشركة تفقدوها وبعد ذلك خرجوا منها وصعدوا السيارة وانطلقوا
في السيارة
روح …أسر انت نفسك في ولد ولا بنت
أسر …بصي هو اللي يجيبه ربنا كله خير …وانا بس نفسي تقومي بالسلامة انتي والبيبي بتاعنا …لو كان ولد هسميه
جاسر علي اسم اخويا الله يرحمه ولو كانت بنت هسميها ملك علي اسم ماما الله يرحمها ..عندك مانع
روح …وضعت رأسها علي كتفه …ابدا يا حبيبي أنا مبسوطة اوي من كلامك ربنا يرحمهم …واضح أن عمرك ما نستهم
أسر …ماتوا من عشرين سنة كان عندي سبع سنين اتقتلوا قدامي عمري مانسيت دا .ولا نسيتهم….
روح …..بحبك أسر نظر إليها وابتسم ….بعشقك
روح حضنت يده ولم تتكلم واكملوا طريقهم الي المنزل
????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????بعد مرور سبع سنوات علي زواجهم ????
في فيلا أسر النجار
روح ….يلا يا جاسر خلصت ووضوء ولا لسة بابا هيبدأ الصلاة بسرعة
جاسر ٦سنوات…خلاث يا ماما أنا اتوضيت بث بنتك عايزة تتوضا معايا
رفعت روح ملك( ٣سنوات) من الأرض …ياروحي انتي عايزة تصلي تعالي البسك الاسدال بتاعك يا قلبي
يدخل أسر مرتديا بنطال اسود من القطن وتي شيرت ابيض
بلحيته الخفيفة شديدة السواد التي تزيد وسامته ومازال محتفظا بمظهره الجذاب الذي يأسر قلب روح كلما رأته
أسر….يلا بقا يا جماعة العشاء خلاص هيأدن واحنا لسة هنصلي المغرب ايه يا عم جاسر انت بتتوضا ولا بتاخد شاور
جاسر …أنا خلثت دي بنتك هي اللي معطلاني
أسر ….لا لا إذا كان علي ملكت قلب بابا دي مسموحلها تتأخر براحتها
روح ……يا سلام وكمان حبيبي جاسر يتأخر براحته
جاسر ….يوووووه بطلوا خناق المغرب هيفوتنا
أسر وروح في صوت واحد …اه صح يلا…
بدأوا يصلوا وإذا بهادي والد أسر وزوجته أميرة والدة روح اتوا لزيارتهم فاعجب المشهد هادي كثيرا وهو يري ابنه الذي كان غارق في الذنوب ياؤم أسرته في الصلاة
هادي …الحمدلله يارب رزقت ابني بزوجة صالحة اخدت بايده ومشوا في طريقك سوا …يارب خليهم لبعض ولولادهم ..واسعدهم يا رب وما تحرمهم من بعض ابدا
وبعد ذلك قال لنفسه (اومال انا اتجوزت امها عشان تهديني بس جننتني بطلباتها كل يومين تلاتة عايزة تسافر وتتفسح هي مش زي بنتها ليه الولية المجنونة دي…)
تمت
لقراءة باقي حلقات الرواية : اضغط هنا
نرشح لك أيضاً رواية أحببتك صدفة للكاتبة فاطمة أحمد.
