رواية العشق والقدر الفصل السادس عشر 16 بقلم ليلى هشام
رواية العشق والقدر الجزء السادس عشر
رواية العشق والقدر البارت السادس عشر
رواية العشق والقدر الحلقة السادسة عشر
صحيت حياة في يوم مليان نشاط وحماس قامت حياة واخدت شاور وصلت فرضها ولبست ملابس مكونه من بنطلون ابيض وبلوزه بيضه وجاكيت من اللون السماوي ولبست حجابها وبصت لنفسها في المرايا بثقه وخرجت من الاوضه كانت اسيل قاعده هي ومامتها واسيل اول ماشافتها صفرت.
اسيل:اي يا مزه الحلاوه دي.
مني باعجاب:طبعا بنتي طول عمرها حلوه.
حياة:حبيبتي يا ماما.
اسيل بغيره مصطنعه:يا سيدي يا سيدي علي الدلع مبينشوفش الدلع ده خالص.
مني لاسيل:حد كلمك ولا جاب سيرتك ركزي في مذاكرتك يا معدوله ياك تنجحي.
اسيل:اووووووف.
مني:رايحه فين يا حبيبتي.
حياة:رايحه التدريب الي قولتلك عليه يا ماما هعدي علي يارا ونروح مع بعض.
مني:طب يا حبيبتي خلي بالك من نفسك.
حياة:حاضر يلا سلام.
مني:سلام يا حبيبتي.
اسيل:اوڤر اوي.
مني بصوت عالي:يا بت انتي حد كلمك ولا طلب رأيك.
اسيل بصوت عالي:هو انا علي طول كده كلامي مش عاجبك.
مني:يا بت قولتلك ميت مره متكلمينيش كده.
اسيل:اه اه يا ماما رجلي وجعاني اوي.
مني بلهفه: طب ارفعي رجليكي هنا علي المخده ريحيها كده…….. ها احسن دلوقتي.
اسيل:اه احسن…..اسيل بصت لمني وضحكت
مني باستغراب:بتضحكي علي اي.
اسيل:الي بشوفنا واحنا وبناقر في بعض كده يقول ضراير ميشوفكيش وانتي ملهوفه وقلقانه عليا كده.
مني:انتي بنتي وحبيبتي وبنوتي الصغيره.
اسيل حضنت مني:حبيبتي يا منمن.
مني:خلاص كفايه بوس كفايه يا بت تخبيط بقي جسمي واجعني.
اسيل:الله الحق عليا ببوسك.
مني:ذاكري.
اسيل بسخط:حاضر.
حياة نزلت من البيت وراحت عدت علي يارا لأن بيت يا في نفس الشارع بتاع بيت حياة ولكن بيبعد عنه شويه نادت حياة علي يارا نزلت يارا وكانت لابسه بلوزه لونها أسود مداخلاها في بنطلون جنز ازرق وطرحه من اللون الاسمر وكوتشي ابيض وكانت جميله وهاديه جدا نزلت واول ما حياة شافتها.
حياة:اله اله اي الحلاوه دي دي يا بت.
يارا بابتسامه:عنيكي الي حلوه.
حياة:طب يلا علشان نلحق.
حياة ويارا اخدوا تاكسي وراحوا شركة السيوفي للمعمار وقفت حياة ويارا قدام الشركه ويارا فاتحه بوقها بطريقه مضحكه.
يارا:اي ده اي الجمال والابهه دي كلها.
حياة:بجد الشركه جميله جدا وتحفه كمان.
يارا:طب يلا ندخل.
حياة:يلا.
دخلت يارا وحياة الاستقبال وسجلوا اساميهم ودخلوا قاعة الاجتماعات لاقوا عد كبير جدا من زمايلهم في الجامعه قعدت حياة ويارا في الصف الخامس مانو هما الاتنين بس الي قاعدين فيه لانهم كانو اخر ناس والكر وكانو بيتكلوا مع بعض لغاية لما جه جاسر ورعد وعلي ورضوي سكرتيرة رعد طلعوا كلهم علي المنصه ورعد وقف يتكلم في المايك وعلي وجاسر حواليه ورضوي واقفه وري رعد.
رعد:صباح الخير احب اعرفكم بنفسي انا رعد السيوفي صاحب شركة السيوفي للمعمار اولا زي مانتوا عارفين انتوا هنا علشان التدريب وطبعا الشركه ماشيه هنا بنظام والتزام جدا ثانيا بقي نظام التدريب هيبقي كالاتي هتتوزع عليكو ابلكيشن هتملوها الابلكيشن دي هتكتبوا فيها الحاجه الي انتو عاوزين تشتغلوا فيها وتدربوا عليها يعني لو في شخص حابب يتوظف في الحسابات يكتبها ولو في حد بيفهم في البرمجه في السكرتاريه كل حاجه
انتو عاوزينها اكتبوها في الابلكيشن بجانب الاسم والسن والعنوان ورقم التليفون وهكذا علشان نبقي عارفين كل حاجه عن الي بيشتغل هنا وهيبقي فيه مستر جاسر الجارحي ده المدير التنفيذي والمشرف عليكم هنا وفي الدكتور علي السويسي دوكتوركم طبعا والمشرف عليكم دلوقتي حد عنده اي استفسار……
تمام اتفضلوا دلوقتي انسه رضوي السكرتيرة هاتوزع عليكم الابلكيشن.
اتحرك رعد علشان يخرج من القاعه بص ناحية حياة لانه من اول ما دخل شافها وكان مركز عليها لأنها كانت قاعده هي وبنت تانيه فكان سهل يلاقيها وهو طالع قرب علي الكرسي بتاعها وقال.
رعد:ياريت لما تخلصي الابلكيشن تعاليلي علي مكتبي.
حياة يخفوت: حاضر.
طبعا يارا كانت قاعده وسمعت هو قال اي لحياة.
يارا بغمزه:ايوه يا عم هتبقي حبيبة المدير مين قدك.
حياة:بس يا بنتي أتلمي حبيبة اي انتي كمان.
رضوي وصلت عند حياة ويارا وادتهم الابلكيشن ومشيت فتحت حياة الابلكيشن لقت اسمها هي بس الي مكتوب ومكتوب في خانة المهنه الي هي عاوزاها السكرتاريه
حياة استغربت جدا واستغربت اكتر لما لاقت في خانة الاسم مكتوب حياة بس كملت اسمها وكتبت السن والعنوان وملت الابلكيشن وبعدين قامت تروح عند رعد وعلشان تفهم منه برضوا.
طلعت وسألت حد علي مكتب المدير قالها انو في الدور الاخير.
حياة بسخط:اي يا ربي ده لازم يعني كان يحط مكتبه اخر دور هطلعهم ازاي دول.
راحت حياة سألت عن السلم وعرفت مكانه فين وطلعت حياة السلم ووصلت الدور الاخير بعد نص ساعه طلوع علي السلم سالت علي مكتب رعد وراحت عنده لقت رضوي السكرتيرة قاعده.
حياة وهي بتنهج:لو سمعتي مستر رعد كان عاوزني.
رضوي باستغراب:اتفضلي هو مستنيكي.
خبطت حياة ودخلت.
حياة وهي بتنهج:حضرتك كنت….. عاوزني.
رعد باستغراب:مالك يا حياة بتنهجي كده ليه
حياة:اصل السلم بتاعكوا ده طويل اوي وانا نفسي اتقطع.
رعد:وانتي اي الي خلاكي تطلعي علي السلم ما في اسانسير.
حياة:اصل عندي فوبيا من الأماكن المغلقة وبخاف اوي من الاسانسيرات فخوفت اركبه.
رعد:طب اقعدي وخدي نفسك.
قعدت حياة ورعد راح قعد قدامها واداها مايه شربت حياة ونفسها بدء يقل.
حياة:حضرتك كنت عاوزني في أي وثانيه واحده انا لما اخدت الابلكيشن لقيت اسمي مكتوب فيها وكمان المهنه سكرتاريه فا انا مش عارفه ده يعني اي.
رعد:حياة انتي ها تبقي سكيرتيرتي.
حياة:نعم😳سك سكيرتيرتيك ازاي انا مش مش فاهمه وليه انا بالذات.
رعد:ليه انتي بالذات لعدة أسباب أهمها أن انا تقريبا اعرفك وطلع باباكي وبابايا صحاب من زمان وكلت في بيكم عيش وملح دا غير اني عرفت أن انتي من المتفوقين في الدفعه وانا عاوز سكيرتيره تكون شاطره وبتلتزم بالمواعيد ومحل ثقه.
حياة:ايوه بس انا مبفهمش حاجه في شغل السكرتاريه.
رعد:رضوي السكرتيرة هتعلك كل حاجه ودلوقتي مستعده يا حياة تكوني سكيرتيرة رعد السيوفي؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العشق والقدر)
تعليق واحد