رواية قلبي ليس بيدي الفصل الحادي عشر 11 بقلم حسناء رمضان

بابا: هتتجوزي… 

جاكي: “بصدمه”… نعم!

بابا: زي ماسمعتي كدا… هتتجوزي ومش عايز كلام كتير

فيروز: انت بتقول اي!.. وهتتجوز مين! 

بابا: ابن واحد صاحبي.. 

جاكي: بس انا مش موافقه.. 

بابا: مش بارادتك ولا بمزاجك… 

جاكي: امال بارادة مين..

بابا: بارادتي انا.. وانا قولت هتتجوزي يعني هتتجوزي.. 

جاكي: انت عايزني اتجوز حد معرفوش!.. وبعدين انا اصلا رافضه الجواز.. 

بابا: لا تعرفيه.. 

جاكي: مين! 

بابا: محمود ابن محسن الخديوي.. 

” الاسم نزل عليا زي الصاعقه… “

جاكي: “بصدمه”  مين!.. محمود!.. 

“ف الوقت دا جاك رجع ومحمد نزل من فوق” 

بابا: ايوا هو.. ومش عايز نقاش

جاكي: محمود البلطجي!… هتجوزني بلطجي يابابا؟! 

محمد: “بصدمه”.. جواز!!!!!…جواز اي! 

عمو احمد: عمك عايز يجوزها بلطجي.. 

محمد: طب وليه! 

جاكي: بابا انا مش هتجوزه مهما حصل.. 

بابا: هتسمعي الكلام ورجلك فوق رقبتك.. انتي فاهمه! 

جاك: بس طلاما هي مش موافقه.. هتجوزها بالعافيه! 

بابا: ايوا بالعافيه.. بنتي وانا حر فيها.. 

جاكي: “بعياط”.. لا مش حر.. ومتقولش بنتك.. انا مش بنتك.. مفيش اب بيبيع بنته.. 

وياترى قبضت فيا كام بقاا؟ 

بابا: اخرسي ياقليلة الادب” راح ضربني بالقلم”.. 

“الكل اتصدم وتنح”

محمد: عمي!!… لو سمحت.. مفيش حاجه بتتحل كدا.. دا غير انها مغلطتش

جاك: هو الجواز مش بالعافيه.. وكمان بلطجي.. انت بايع للدرجادي! 

بابا:”بعصبيه”.. محدش يتدخل لو سمحتوا.. دي بنتي انا وانا اللي اقرر تتجوز ولا لا.. 

فيروز: لا طبعا.. مش بمزاجك.. مينفعش اللي انت بتعمله دا.. 

بابا: ماتقولهم ياحمد.. قولهم اني مضطر.. قولهم لو معملتش كدا هيحصل اي!.. 

عمو احمد:بصي يابنتي السبب انكوا قاعدين عندنا هنا هو ان ابوكي كان كاتب ع نفسه وصل امانه ب ٣ مليون جنيه.. ودا ع اساس انه هيدخل معاهم ف شغل وكدا والشغل منجحش وهما كانوا عايزين الفلوس وهو مكنش معاه..عشان كدا طلعوا ابوكي من البيت گ رهان لحد مايدفع الفلوس… والراجل بيهدده بالوصل دا.. ولو مدفعش هيتحبس.. والراجل دا قال عندي شرط، وهو جوازك من ابنه.. 

جاكي: “بصدمه وعياط”.. يعني انت تغلط الغلطه وانا اللي اشيل!… بتبيعني عشان خايف ع نفسك!.. 

بابا: انتي عارفه لو اتحبست هيحصل فيكي اي!.. مش هيبقى ليكي حد.. والله اعلم الواد دا ممكن يعمل فيكي اي وانا مش موجود.. 

جاكي: فانت تسلمني ليه وانت موجود!.. هو دا الحل!… مش هيحصل يابابا.. والله العظيم ماهيحصل.. 

بابا:”بعصبيه”.. انا قولت كلمه وخلاص.. ومسمعش صوتك تاني.. 

محمد: بس هي مش مضطره تعمل كدا.. حضرتك اللي غلطت.. يبقاا اتحمل انت تمن غلطك.. هي ملهاش ذنب

بابا: ممكن متدخلش بيني وبين بنتي!.. انت مش هتخاف عليها اكتر مني

جاكي: “بعياط”.. لا هيخاف.. هيخاف عليا اكتر منك.. لانك مبتخفش عليا اصلا.. 

جاك: ع فكره ياعمي في حلول كتير غير الحل دا… 

بابا: زي اي بقاا؟ 

جاك: ندفع الفلوس.. 

بابا: منين! 

جاك: هدفعهم اناا

بابا: تعرف تسكت.. بلا تدفعهم انت

عمو احمد: طلبت منه يابني ادفعله وهو مش راضي.. ومعرفش في اي ف دماغه

جاك: وحضرتك معترض لي اننا ندفعلك!.. داحنا كدا هننقذ بنتك.. 

محمد: اهو حل سليم اهو.. فين المشكله بقا! 

بابا: لا محدش يدفعلي حاجه.. انا هحل المشكله. 

جاك: هتحلها ببيع بنتك! 

بابا: يعم ملكش دعوه انت… وبعدين هو الواد بيحبها ورايدها من زمان.. 

جاكي: انت مستحيل تكون اب… انت حجر.. عارف!.. انا مبكرهش حد ف الدنيا قدك… طول عمري عايشه معاك ف ذل وقرف.. دا حتى امي كنت بتعايرني بيها.. بتكرهني لي!.. انا عملتلك اي!.. هو انا مش بنتك!.. بتكسر فيا لي!.. انت معندكش رحمه!.. امال لو لاقيني ف الشارع كنت عملت فيا اي! 

بابا: انتي شكلك مش متربيه ومحتاجه تربيه من جديد ياقليلة الربايه انتي.. 

“كان لسه هيمد ايده عليا راح جاك مسك ايده” 

بابا: انت اتجننت!.. انت ازاي تتجرأ تعمل كدا! 

جاك: مش هسمحلك تمد ايدك عليها تاني.. 

بابا: وتطلع اي يابتاع انت عشان تقولي كدا.. 

جاك:”بحده” جاك… انا جاك.. ولو انت مش خايف عليها فاحنا خايفين.. ومش هنسمح لدا انه يحصل.. 

بابا: وريني هتمنعني ازاي! 

عمو احمد: يامصطفي اعقل بقاا.. عيب اللي انت بتعمله دا.. 

فيروز: في اي!.. هي البت لعبه ف ايدك!.. لا مش هتتجوز غير بارادتها.. ومش هتقدر تغصبها ع حاجه

بابا: انا شكلي غلطت لما جيت قعدت هنا… اطلعي لمي هدومك وتعالي معايا.. 

محمد: لا مش هتطلع.. 

بابا: الله الله.. هتعملوا روباطيه عليا!.. بقولك اي ياحمد! قولهم يبعدوا عن طريقي احسن

سما: “بعياط”.. ياعمو والنبي بلاش.. عشان خاطري.. 

هند: ياعمي والله كدا هي هتبقى ف خطر معاه.. طب مش خايف يإذيها

محمد: لو سمحت.. ارجوك.. ارجوك بلاش.. احنا هندفع الفلوس وكل حاجه هتتحل.. بس بلاش جواز

بابا: خلاص!.. طلعت انا الوحش دلوقتي!… بردو هعمل اللي ف دماغي.. 

جاكي: مش هعمل كدا يابابا.. 

بابا: “بعصبيه”.. انتي عايزه اي مش فاهم!.. مش كفايه ان انا مستحملك لحد دلوقتي.. دانا المفروض كنت رميتك من زمان.. 

جاكي:” بصدمه “.. رمتني!!! 

بابا: ايوا.. زي مارميت امك كدا.. 

“الكل اتصدم من اللي قاله وانا دموعي كانت بتنزل لوحدها” 

بابا: تقدري تقوليلي امك فين دلوقتي!.. تعرفي مكانها! 

جاكي:”بصوت مش مسموع”٠  انت قولتلي انها ماتت

بابا: شوفتي جثتها؟.. حضرتي الجنازه!… محصلش.. امك مش ميته.. 

جاكي: “بصوت عالي”.. انت بتقول اي!!.. يعني اي مش ميته! 

عمو احمد: اي اللي انت بتقوله دا يامصطفي!.. دانت باين عليك اتجننت فعلا.. 

“قربت منه وانا هموت من العياط” 

جاكي: يعني كل دا ماما عايشه وانت مفهمني انها ميته!.. طب لي!.. هي عملتلك اي! 

بابا: لا عملت… عملت كتير قوووي… وتحمد ربنا اني رضيت بيها اصلا.. زي مانتي كمان تحمدي ربنا اني مستحملك ومرمتكيش زيها… 

جاكي: هي فين! 

بابا: عايزه تعرفي مكانها! 

جاكي: ايوا.. 

بابا: ماشي.. هقولك.. بس ف الاول عندي شرط.. 

جاكي: اي هو! 

بابا: توافقي تتجوزي محمود… 

جاك: انت حد مجنون فعلا… انت بتساومها! 

بابا: احترم نفسك ياجدع انت.. 

فيروز: “بعياط”.. عشان خاطري.. بلاش تكسر قلب البت اكتر من كدا.. قولها امها فين عشان خاطر النبي.. 

بابا: انا قولت اللي عندي.. امك مقابل الجواز.. 

جاكي: موافقه….

” الكل بصلي بصدمه”……؟

يتبع..