رواية أحببت مجنونة أطفال الفصل الحادي عشر 11 بقلم مي ابراهيم

هنا :انت ازاى كدا ازاى قذر كدا انت متستحقش لقب دكتور انت دمرتلى حياتى اللى كنت بنياها انت كسرتلى فرحتى انت انت اكيد مجنون

ادهم:هنا اسمعينى انا كنت

هنا:كنت اى  واسمع اى مفيش سبب فى الدنيا يخليك تعمل كدا انت فاهم انت عملت اى انت طلعتنى خاينة انت دمرت علاقة قبل ماتبتدى انت خليت جوزى شك فيا وخليتنى كرهته انت حيوان اطلع برا

ادهم:هنا انا عملت كدا عشان بحبك و

هنا:بتحبنى تقوم تأذينى بتحبنى تكسرنى لا يا دكتور الحب عمره ما كان كدا المفروض كنت تخاف على سمعتى وعلى كرامتى اللى جرحتها قدام جوزى لما طلعتنى خاينة لو بتحبنى كنت بعدت لما عرفت ان سعادتى مع غيرك مش معاك انا انت عمرك ما حبتنى دا كان حب تملك فيا كنت عايزنى وخلاص انت لايمكن تكون بنى ادم بتفهم اطلع برا برا وسيبنى وياريت ما اشوفش وشك تانى 

ادهم:بس 

هنا بزعيق:برا يا ادهم برا 

خرج ادهم وهى قعدت تعيط فى مكتبها وبعد لحظات مسحت دموعها واتصلت بآيات 

ايات:اى يا هنوش ماجتيش ليه 

هنا:ايات انا مش قادرة اجى المستشفى النهاردة وعايزة اتكلم معاكى 

ايات:مالك يا هنا صوتك متغير

هنا:تعبانه يا ايات مخنوقة ومش قادرة

ايات :طب ابعتلك احمد يروحك

هنا:لا احمد لا انا هستناكى فى الكافيه عايزه اتكلم معاكى متتاخريش

ايات:حاضر مع السلامه

بعد نص ساعة فى الكافيه 

ايات:مالك بقى فيه اى احمد زعلك تانى

هنا:ادهم جالى المكتب النهاردة وقالى..فلاااش باك 

هنا :خير يا ادهم 

ادهم:انا السبب في اى مشاكل بينك وبين احمد 

هنا:انت بتقول اى ازاى اصلا 

ادهم:انا عملت…… وحكلها كل حاجه عملها

باااااك 

ايات :معقول كدا هو فيه كدا دا اكيد مجنون او متخلف اى ده وصلت بيه القذارة لكدا دا مايستاهلش لقب دكتور

هنا:قال ايه بيحبنى 

ايات:بيحب دا غبى، بس انتى مضايقه وزعلانه ليه المفروض تفرحي انكعرفتى الحقيقه وان احمد مظلوم وانه فعلا بيحبك وحياتك هترجع كويسه

هنا:بس احمد مش مظلوم يا ايات احمد 

ايات:ازاى بس ما كل ده بتخطيط المتخلف ادهم

هنا:اقولك ازاى احمد لو كان حبنى بجد كان جه واجهنى قالى انه اتبعتله صور كان عرفنى كان دور ورا الصور كان حاول يفهم كان كذب الصور دى عشان عارف اخلاقى وعارف مين هنا فاضل هو مش عارفنى من يومين دى سنين يا ايات بس هو صدق لا وغضب ربنا عليه وعلى عمله دا دا شرب ورقص وعمل حاجات حرام وكسرنى كسرنى يوم فرحى حتى لو ادهم شيطان فهو مشي ورا الشيطان وصدقه وقاله امين احمد ما يستاهلش حبى ليه هو ما حبنيش هو قالى كدا

ايات:انتى عارفه انه قال كدا من ورا قلبه زى ما انتى عارفه ان اى راجل مكانه كان هيرجعك بيت ابوكى بالليل ويعملك فضيحه ويطلقك واى راجل مكانه لما بيدخل المكان ده بينسى نفسه 

هنا:اى راجل انما هو لا هو غير هو عارف ربنا كويس هو صحيح عنده غرور اه بس هو لو مكانش دكتور كان بقى امام جامع هو عارف يعنى اى حرام وحلال هو غير يا ايات هو مينفعش يعمل كدا

ايات:اهدئ يا هنا هو بيحبك وانتى لسه بتحبيه طالما بتقولى عنه كدا واى حاجه حصلت هتنحل بإذن الله بس سلمى امرك لله 

هنا وهى بتمسح دموعها:ونعم بالله  انا اسفه يا ايات صدعتلك دماغك بس معنديش غيرك

ايات:متقوليش كدا يا هبله انتى اختى وعندى ليكى خبر حلو 

هنا:متقوليش اوعى يكون 

ايات:ايوه هو

هنا:الله يعنى هبقى خالتو وانتى هتبقى احلى ماما يا روحي

ايات:ايوه يا هنا عقبالك يارب 

هنا بتغير الكلام:هتسمى اى

ايات:لو بنت هسميها هنا طبعا 

هنا:لا بلاش لحسن تطلع زى وحسن يطلقك فيها 

ايات:دا انتى قمر يا هنا حسن لسه مايعرفش هقوله لما اروح 

هنا:ربنا يفرحك يا حبيبتى ويهنيكى انا همشي بقى عشان اروح … 

ايات:انتى لسه ما قولتيش لاحمد

هنا:ومش هقولهمش هينفع يعرف دلوقتى يلا انا همشي بقى باى 

ايات:خلى بالك من نفسك 

هنا:حاضر سلام 

فى المستشفى عند احمد راح مكتب هنا يشوفها مالقهاش اتصل بيها تليفونها مقفول روح البيت بعد نص ساعة مالقهاش في البيت اتصل بيها تانى تليفونها برضوا مقفول اتصل بايات

احمد:السلام عليكم ورحمه الله وبركاته

ايات:وعليكم السلام 

احمد:اسف على الازعاج يا ايات 

ايات :ولا ازعاج ولا حاجه  خير يا احمد فيه حاجه حصلت ولا اى

احمد:لا بس هنا برن عليها تليفونها مقفول وماجتش المستشفى وحتى البيت بقالى نص ساعة مستنيها ماجتش انتى ماشوفتيهاش النهارده 

ايات:لا شوفتها وكانت معايا من شويه بس تليفونها فصل هتلاقيها جايه حالا يا احمد متقلقش 

احمد:ماشي شكرا يا ايات واسف على الازعاج

ايات:ولايهمك بس اما تيجى قولها تكلمنى يلا مع السلامه

احمد:حاضر سلام 

حسن :كدبتى عليه ليه وانتى اصلا بقالك ساعة او ازيد في البيت هى هنا فين

ايات:ما كدبتش يا حسن هى كانت معايا فعلا 

حسن:بس بقالك ازيد من ساعة هنا وهى ماكنتش معاكى بتكدبى ليه 

ايات:اصل يعنى بص هو

حسن:ايات ماتحاوليش تكدبى وقولى فيه اى

ايات: اصل هنا…….. بس والموضوع مسؤليه ومحدش يعرف غيرى 

حسن :بس دا جوزها ولازم يعرف 

ايات:مهو انت ماتعرفش

حسن :اخلصى يا ايات

ايات:اصل اللى حصل…………. 

حسن:ياااه كل دا حصل لهنا دى شافت كتير ربنا معاها

ايات:يارب ممكن محدش يعرف اللى قولتهولك وبالذات احمد وهنا طبعا عشان هتقتلنى 

حسن:عيب انتى تعرفى عنى كدا 

ايات:انت ابو كدا اصلا

حسن:متخافيش بير 

ايات:عندى ليك خبر حلو

حسن:اى يا حبيبتى

ايات :هنبقى تلاته بعد حوالى 8شهور 

حسن :حامل 

ايات:شهر ونص 

حسن:بجد 

وهو دا فيه هزار

نسيبهم فى فرحتهم بقى ونروح لهنا بعد نص ساعة من الانتظار جت هنا 

احمد:كنتى فين و تليفونك مقفول ليه يا هنا

هنا:كنت مع ايات والتليفون فصل شحن 

احمد:بس انا مكلم ايات من نص ساعة وقالت انك سايباها بقالك شويه 

هنا :كنت بشم هوا شويه اى قلقت عليا يعنى 

احمد:وما اقلقش ليه مش مراتى وبعدين تصرفاتك اليومين دول بقت غريبه وماجتش المستشفى النهارده

هنا:ولا غريبه ولا حاجه وعادى يعنى ما اجيش المستشفى بعد اذنك هحضر الاكل 

بعد ما خلصوا اكل

احمد:هنا عايز اتكلم معاكى فى موضوع

هنا:بعدين يا احمد مش فاضيه دلوقتى بعد اذنك، دخلت اوضتها وقفلت الباب 

تانى يوم 

هنا :يلا يا احمد الفطار هنتاخر على المستشفى

احمد:حاضر جاى اهو، هنروح بعربيتى النهارده وبلاش عربيتك 

هنا:لا اصل بحب اسوق انا 

احمد:طب خلاص وصلينى انتى وبلاش عربيتى

هنا:لا اصل يعنى ممكن انزل انا و ايات نشترى لبس هتبقي تروح انت ازاى بقى انا هقوم انزل بقى عشان هعدى على الجامعه بسرعة وبعدين اروح الشغل

احمد:بس انتى معندكيش محاضرات النهارده

هنا:لا منا نسيت ورق هناك هجيبه تبع الماجستير يلا بقى سلام 

احمد:سلام، هى مالها دى وبعدين هقولها امته بقى

فى المستشفى فى مكتب احمد 

احمد:جبتى الورق بتاعك 

هنا:ورق اى ها اه جبته في العربية

احمد:طيب مالك متوترة كدا ليه

هنا : ها لا مفيش انا هنزل انا و ايات مش هتاخر تمام 

احمد:طيب خلى بالك من نفسك مش عايزه حاجه

هنا:لا شكرا همشى عشان منتاخرش

احمد:لا مهو فيه حاجه غلط ، اخد مفاتيح عربيته وراح وراها فعلا راحوا المول ولفوا واشتروا لبس وبعدين راحوا قعدوا فى كافيه وحسن جه ياخد ايات

حسن :طب كنتى وصلتيها يا هنا وخلاص بدل ما اجى 

هنا:خد مراتك وامشي كفايه بهدله وبعدين هروح عشان احمد مايقلقش عليا

حسن :طيب خلى بالك من نفسك يلا يا ايات

ايات:سلام يا هنا

هنا ركبت عربيتها واحمد كان وراها بس هى ما رحتش البيت وقفت قدام عماره قديمه نوعاما سلمت على البواب وكانت لسه طالعه لما تليفونها رن وكان احمد 

هنا:الو ايوا يا احمد

احمد:ايوا يا هنا انتى فين 

هنا:انا مع ايات منا قيلالك يا احمد بنشترى لبس 

احمد:طب يعنى فين اجيلك واجيب حسن و نتغدى سوا

هنا:اى لا احنا اصلا قربنا نخلص و ايات الحمل تاعبها هتروح هنخلص و اوصلها واجى 

احمد:طبيب سلام، بتضحك عليا بس اي جايبها بيتها القديم 

يا ترى مخبيه اى يا هنا طلع وراه منغير ما البواب يا اخد باله لانه عارفه 

وقف عند باب الشقة لما سمعها

هنا:وحشتنى اوى حضنك دا عندى بالدنيا كلها 

اتصدم ورجع خطوتينى لورا وبعدين راح يسمع 

شخص :هنا ازيك انتى جيتى تانى ما انتى كنتى هنا الصبح 

هنا: بتطردنى يعنى ما اجيش تانى ولا اى