Uncategorized

رواية وعد سليم الحلقة الحادية عشر 11 بقلم تيسير محمد

 رواية وعد سليم الحلقة الحادية عشر 11 بقلم تيسير محمد 

رواية وعد سليم الحلقة الحادية عشر 11 بقلم تيسير محمد 

رواية وعد سليم الحلقة الحادية عشر 11 بقلم تيسير محمد 

واقفه متسمره في مكانها ، مش مستوعبه الي بيحصل اودامها وانها شايفاه مع واحده تانيه … قاعده بتتكلم مع نفسها … هو يحيي مايعملش كده لالا مش ممكن ، ايه الي بيحصل ده للدرجادي وصلت بيها الحقاره انها تعرض نفسها بالطريقه دي،طب انا اعمل ايه اسيبهم وامشي،ايوه انا هسبهم وامشي،تؤ لالا انا مش هسكت علي حقي.

ده كان كلام شروق في سرها وهي واقفه وشايفه المشهد المقزز ده.

قربت منهم بعصبيه :

انتي بتعملي ايه ياسافله هنا ،انتي جايه لخطيبي تعرضي نفسك عليه يامقرفه طب تعالي بقي وحيات امك لمورياكي.

وراحت جايباها من شعرها ورامتها ع الارض وهجمت عليها وفضلت تتضربه والموظفين كلهم اتجمعوا ويحيي سايبها تضربها.

شروق وهي بتضربها :

بقي يابت تسلطي عليا الزفت الي اسمه عزت ومراته كمان،لا وجايه توقعي بيني وبين خطيبي انا عدتلك حوار عزت ده لكن تيجي عند يحيي واستوب كده،اياكي شايفه اياكي تقربي منه تاني ،لاما ورحمه ابويا لاقتلك بايدي.

نورهان بوجع :

اه ي حيوانه ياهمجيه انتي سبيني ،انتي مجنونه ولا ايه؟

-انا مجنونه طب خدي بقي.

نورهان بتتأوه جامد فعل ضربات شروق الي بتزيد :

ااااااه حد يلحقني من المجنونه دي.

يحيي حس ان كده البت هتموت في ايديها ،راح بعدها عنها :

خلاص ي شروق خلاص ياحبيبتي كفايا كده خدت نصيبها.

قامت وهي بتنهج ويحيي ماسكها :

اطلعي بره ياقذره وعلي الله المحك هنا تاني.

نورهان قامت تجري تخبي نفسها من الناس.

شروق بعصبيه في الي حوليها :

ايه واقفين كده ليه اول مره تشوفوا واحده بتضرب حد ،يلا كله علي شغله.

يحيي كان واقف متفاجأ منها اول مره يشوفها بالهجوم ده.

يحيي بهدوء :

ممكن تهدي.

شروق نطرت ايده من عليها ولفتله وبنفس اسلوبها الهجومي ورافعه صوبعها بطريقه تحذيريه وهي بتتقدم ناحيته وهو بيرجع خاف منها بجد ورافع كفيه ف حركه استسلام :

بقولك ايه انت تبعد عني خالص انا عفاريت الدنيا بتتنطت اودام وشي(قعد علي كرسي مكتبه وهي ميلت عليه بنفس الاسلوب وهو رجع براسه)علي الله شوف علي الله تكلمني ولا ليك دعوه بيا ،انا همشي وماتجيش ورايه.

وقفت وجايه تمشي ،يحيي اتكلم :

شروق ا….

قطعته بزعيق وهي بتلفله :

قولتلك ماتجيش ورايه احسنلك.

وسابته ومشيت.

يحيي لنفسه بصوت عالي :

شروق اتجننت ايوه اتجننت ولا هي كانت مجنونه من زمان،هي خوفتني؟نهارها مش فايت دي خوفتني فعلا،طب والله مانا سايب امها 

وقام ينزل وراها.

———————————

انا الي طلبته يجيلي …سيبوه.

قالها سليم لحرسه فسابوه.

حمدي وهو بيعدل في لبسه :

كتر خيرك ي باشا.

وعدبتبص لسليم باستغراب :

سليم انا مش فاهمه حاجه.

سليم بهدوء وهو حاطت ايده علي كتفها :

هفهمك انا وعدت نور اني اطلع حمدي من السجن وحصل.

حمدي بابتسامه :

ايوه والباشا الله يكرمه اداني مبلغ اعيش بيه.

وعد بحده :

هو انت مالكش بنات تسال عنهم.

حمدي :

مانتو عايشين احلي عيشه اهوه في ايه.

نور بصدمه طلعت علي فوق مش متخيله ابوها يوصل للدرجه دي من النداله.

يوسف طلع وراها.

سليم بصلها بحزن واتنهد وبعدين أمره :

تعالي ورايه ع المكتب.

وعد مسكت ايده :

انت هتعمل ايه؟

ساب ايديها  وطبطب علي ضهر ايديها بيطمنها :

هقولك لما اخلص .

وسابها ودخلوا المكتب هو وحمدي.

—————————-

-خلاص بقي ماتعيطيش عشان خاطري.

نور بعياط :

ي يوسف مش قادره اصدق ،انا بجد مش حاسه ان ليا اب حاسه اني يتيمه.

يوسف مسك دقنها ورفع وشها وبص في عيونها الي غرقانه دموع دي،وبنبره حنان :

من اللحظه الي قلبي نبض فيها ليكي وانتي مش حبيبتي بس لا انتي بنتي كمان وانا ابوكي ،انتي اختي وامي وصاحبتي وكل حاجه، اووعي تعيطي علي حد ابدا لانك مش هتحسي بافتقاده لان  ببساطه هتلاقيني انا بعوضك مكانه بجداره،(مسح دموعها بايده وكمل)دموعك دي مش عايز اشوفها ابدا،دي اغلي من انها تبكي علي اي حد خليكي دايما قويه ماتعيطيش …يوم ماالدنيا تضيق بيكي هتلاقي حضني هو ملجأك زي مهيبقي ملجأك طول الوقت.

ابتسمت وسط دموعها :

ربنا يخليك ليا.

يوسف :

ويخليكي ليا يانور حياتي يلا امسحي دموعك لحسن انتي شكلك حلو بطريقه لا تتخيليها وكده غلط ها (صحبها بغمزه ) .

نور بشهقه وضربه خفيفه علي كتفه :

يووووسف! 

بابتسامه حب :

قلب يوسف من جوووه بقولك ايه ماتيجي نخليها جواز بعد النتيجه ع طول.(وغمزلها تاني اخر كلمه)

ضربته تاني علي كتفه :

بس ي يوسف الله.

يوسف :

يالهوووي ع يوسف دي.

ضحكت بخجل وهو ضحك علي ضحكها.

-الله الله !

بصوا لمصدر الصوت لقوا وعد واقفه عند الباب ومربعه ايديها.

وعد :

بقي انا جايه عشان اصالحك واطيب بخاطرك القي مسخره وقله ادب.

نور بارتباك :

وعد ان….

وعد قاطعه :

اخرسيييي.

————————–

-يابنتي انتي عبيطه ؟

بخضه وهي حاطه ايديها علي قلبها :

يحيي يالهوي خضتني.

كان يحيي راحلها نفس المكان وقعد جمبها وهي مش حاسه.

يحيي وهو بيقلدها :

يحيي يالهوي خضتني،انا مش قولتلك يابنتي ماتنطقيش اسمي وانتي مافيش فايده.

شروق :

ماتخدنيش في دوكا انت ايه الي جابك ورايا؟

يحيي بثبات وهو باصص في عنيها :

اخطفك.

شروق بسخريه :

والله؟

-اه والله ،مش مصدقه؟

-لا مش مصدقه.

-تعالي وانا اوريكي.

وقام يقف.

بصت الناحيه التانيه بهم :

اقعد والنبي ماهي ناقصه هي.

بيمدلها ايده :

تعالي بس مش هتندمي.

وهي بتقوم :

انا عارفه انك مش هتسبني في حالي.

خرجوا من المكان وركبوا العربيه.

-ها هتخطفني ازاي بقي.

يحيي:

كده اهوه.

وراح حط منديل علي مناخرها وخدرها وهي طبعا كانت بتقاوم بس نامت.

يحيي وهو بيبصلها :

علي عيني ي حبيبتي بس انتي مجنونه وعشان انا اجن من امك عملت كده ولسه التقيل ورا.

واتحرك بالعربيه.

———————–

انت ادتني الامان ياباشا ماتضحكش عليا.

قالها حمدي لسليم.

سليم وهو حاطت رجل ع رجل :

انا مش هأذيك مدام مانت قولت كل حاجه مش هأذيك وده مش عشانك عشان نور.

حمدي :

طب تمام انا ياباشا خدت انا الفلوس وقولتلك ع كل حاجه بالاذن انا.

سليم بنبره تخوف الي اودامه :

تمام ي حمدي بس خلي بالك اي حركه هتعملها هتلاقي نفسك اودامي ومش هرحمك.

حمدي وهو بيرفع كفه ع جبينه كطريقه للوداع :

تمام ي باشا مع السلامه ي باشا.

مشي وسليم قام يروح لوعد.

—————————

نور ويوسف وقفوا بصدمه.

نور بخوف :

وعد في ايه؟

وعد بحده :

في ايه؟انتي مش شايفه انك بتعملي حاجه غلط؟

سليم جاي من وراها :

في ايه ياوعد؟!

بصوت عالي اتكلمت :

تعالي شوف الهانم والبيه بيعملوا ايه؟

سليم وهو بيبصلهم :

بتعملوا ايه؟

نور وهي بتعيط :

اهدي ياوعد مافيش حاجه حصلت.

وعد :

الهانم والبيه عمالين يحبوا في بعض.

يوسف بثقه :

وايه المشكله اصلا؟

وعد وجهتله الكلام بزعيق :

ايه المشكله ياجباروتك ياشيخ.

قربت من نور وكلمتها بزعيق :

نور اخر كلام ليكي الي اتفقنا عليه اتلغي مافيش خطوبه.

نور ويوسف بصولها بصدمه.

يوسف :

نعم انتي بتقولي ايه؟

وعد بزعيق بصتله ورفعت صوبعها في وشه :

انت تخرس خالص انا مابحبش الدلع ده.

بصت لنور :

مافيش خطوبه بعد النتيجه جواز علي طول.

بصولها بعدم تصديق ….دي كانت بتهزر.

سليم ضحك،نور عيطت اكتر لسه وعد هتخدها في حضنها بس يوسف مسك دراع نور.

يوسف برفزه مصطنعه:

اوعي ياستي مالكيش دعوه بيها شوفي عيطيها ازاي(وجهه كلامه لنور)تعالي ف حضني انا ي قلبي.(بيستغل الفرصه????)

وعد ضربته علي كتفه جامد :

اوعي ياواد انت بتستغل الموقف تعالي يابت.

وخدتها في حضنها.

وخدتها ونزلت هي وسليم ووراهم يوسف.

لقوا يحيي داخل عليهم وشايل شروق.

وعد جريت عليه :

يالهووووي شروق مالها؟في ايه ي يحيي؟

يحيي وهو بيحط شروق ع الكنبه :

ماتخفيش ده انا خدرتها.

وعد بصدمه :

نعمم؟!

يحيي بخوف من رده فعلها :

صلي ع النبي في قلبك وهقولك ع كل حاجه،بس فين طنط منال؟

منال وهي داخله :

انا جيت اهوه ياحبيبي  جبت المأذون؟

سليم مش فاهم حاجه :

مأذون؟هو ايه الي بيحصل بالظبط؟

يحيي :

هكتب كتابي عليها وهقولكوا كل حاجه.

وعد وهي جمب شروق بتحاول تفوقها :

هي هتصحي امتي؟

يحيي :

دقيقتين وهتفوق ماتقلقيش.

المأذون دخل مع الحرس.

يحيي :

اهلا ياحضره الشيخ  اتفضل.

شروق ابتدت تفوق بتهمس :

ي يحيي .

مسكت دماغها وهي يتفوق لحد ماصحيت،فضلت تلف بعنيها لحد مافاقت.

اتعدلت بسرعه :

اده ايه الي بيحصل؟

يحيي :

هنتجوز.

شرووق قامت وقفت بسرعه :

نعممم ايه الجنان ده؟

هو هيبقي جنان فعلا لو مابقتيش ع ذمتي بعد كده يلا ابدأ يامولانا.

المأذون:اين الشهود؟

يحيي :

سليم يوسف بطايقوا يلا.

سليم حس ان ابن عمه اتجنن :

انت واعي للي بتعمله.

يحيي وهو بيشاورله بايده يطلع البطاقه :

جدا يلا بس.

شروق لفته ليها بعد ماكان بضهره ليها :

انت مجنون يعني خطفتني عشان تتجوزني،اهدي ياايحيي انت مالك كده ماتتكلمي ياماما.

يحيي بثقه :

امك مش هتتكلم لاني قايلها وهي موافقه وعارفه كل الي حصل،ابدأ يامولانا.

المأذون :

اين وكيل العروووس؟

يحيي :

هي وكيله نفسها واتفضل بطاقتها اهيه.

شروق قالت بسرعه :

انا مش موافقه.

المأذون ساب البطاقه :

لا يجوز اجبار العروس،الزواج باطل.

يحيي قرب منها ومسك ايدها وسحبها وراه :

عشر دقايق يامولانا استنانا.

وخددها ودخل اوضه المكتب.

يوسف قرب من سليم :

سليم مانتجوز دلوقتي انا واثق اننا ناجحين؟

سليم بصله من فوق كتفه كده :

بس ياد لارجع في كلامي.

رجع جمب نور :

ايه الذل ده ياربي.

نور طبطبت علي كتفه وهي بتضحك

بصلها :

اضحكي اضحكي ده انا هضحكك ع حق اصبري.

وعد راحة لسليم :

سليم عايزه اتكلم معاك في موضوع ممكن نطلع فوق دقيقه.

-ماشي اتفضلي.

طلعوا اوضه سليم ووعد قفلت الباب

سليم :

خير؟

وعد وهي خايفه من الي هتقوله ، بس بينت الثقه في كلامها :

بمااني طلعت بنت عمك وهتقدر تحميني من غير جواز انا عايزه اطلق.

سليم بزعيق ومش مصدق :

نعممممم؟

يتبع..
لقراءة الحلقة الثانية عشر : اضغط هنا 
لقراءة باقي حلقات الرواية : اضغط هنا 

نرشح لك أيضاً رواية ليالي السهر في الجحيم للكاتبة مريم حسني.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى