رواية حلمي أنت الحلقة الحادية عشر 11 بقلم أميرة
 |
| رواية حلمي أنت الحلقة الحادية عشر 11 بقلم أميرة |
رواية حلمي أنت الحلقة الحادية عشر 11 بقلم أميرة
اليوم ال 14 الصبح ..صحي سليم قبلها وعملها فطار شويه وصحيت أميره وطلعت برا
اميره وهي ماسكه دماغها:اه يا دماغي سليم دماغي هينفجر هاتلي حبايه بسرعه للصداع
سليم:افطري وبعدين هجبلك حبايه
اميره:انت تعبان انت كمان ولا ايه يا سليم
سليم:لا ليه
اميره:يعني انت طبيعي مش فيك حاجه وواقف تعمل فطار
سليم ضحك ومردش عليها
اميره:مالك فرحان كدا ليه انا جيت هنا ازاي وحصل ايه إمبارح
سليم:افطري بس وبعدين نتكلم
قعدوا فطروا وجابلها حبايه خدتها وعملها نسكافيه وعمل لنفسه قهوه
اميره:انا مش مرتاحه لهدوئك وفرحتك دي ايه اللي حصل
سليم وهو بيقرب منها:اللي حصل يا قلبي اني وقعت في حبك
اميره بصت بإستغراب
سليم:النسكافيه هيقع ع هدومك
اميره:طب ابعد انت شويه كدا
بعد سليم عنها وهو بيضحك
اميره لنفسها:دا قالي يا قلبي يالهواي انا قلب القمر دا ابو عيون رصاصي اللي هتقتلني دي مش عارفه لو لاقيت بيتي هسيبك إزاي هصحي الصبح ومش اشوف عيونك دي إزاي
سليم:متفكريش كتير علشان دماغك متوجعكيش تاني
اميره :احم سليم
سليم بصلها وبابتسامه:قلب سليم
اميره تنحت مانا مش هقدر أقاوم اكتر من كدا
سليم ضحك وبص قدامه:اتكلمي عايزه ايه
اميره:اه انت هتروح الشغل
سليم:تؤتؤ
اميره:ليه
سليم:عندي شغل تاني
اميره:شغل ايه
تليفونها بيرن..
اميره:لحظه واحده
اميره:الو
كرم:ميرا انا هروح البرنامج
اميره:بجد فرحتلك بالتوفيق طب لو عاوزه اتفرج عليك اشوفك إزاي
كرم:هو هيتصور انهارده لكن هينزل بكره
اميره:طب تمام هبقي اشوفه
كرم:اوك باي يا احلي صاحبه في حياتي
اميره ضحكت:باي
سليم:كرم
اميره :ايوه كرم بيقول انه وافق
سليم:ويقولك أنتي ليه
اميره:علشان بيعتبرني صاحبته
سليم:أي كان مش هضايق نفسي بسببه وانا فرحان
اميره:هاا احكي اللي حصل إمبارح
سليم:طالما مصره تعرفي فهحكيلك إمبارح شربتي وسكرتي وحاجات تانيه مينفعش اقولها
اميره:قول انا عملت ايه
سليم:اتعديتي حدودك معايا وقعدتي تعاكسيني
اميره:بس كفايه انا معملش كدا انت بتكدب دا تلاقيك انت اللي ضحكت عليا اكمني كنت مش في وعيي
سليم قعد يضحك :طب أهدي أهدي محصلش حاجه بينا متقلقيش بهزر معاكي انا جيبتك البيت ونمتي وانا روحت نايم في الاوضه اللي جنبك
اميره:امال انت فرحان ليه
سليم:فرحان يا قلبي عايزاني ازعل يعني
اميره لنفسها:قال قلبي تاني طب تصدق انك انت اللي قلبي وكبدي وأمعائي كلها يا قمر انت
سليم:بدل مانتي متنحه كدا وبتكلمي نفسك اتكلمي بصوت عالي احسن
اميره:انت..يعني انت عمال تقول يا قلبي يا قلبي ليه
سليم بص في عيونها:علشان انتي قلبي وحبيبتي وحياتي
اميره:انت نسيت اننا اتفقنا نبقي اصحاب
سليم:لا انا متفقتش
اميره مردتش
سليم:في حاجه كدا قولتهالي امبارح
اميره:قولت ايه
سليم:أيتن بتحبك
اميره:ايوه بتحبك
سليم:يعني هي بتحبني وانا بحبك انتي وبتقوليلي خلينا اصحاب
اميره:روح حبها هي
سليم:متأكده
اميره:هتحبها يعني
سليم:طالما انتي موافقه فهجرب وهي حلوه مش وحشه
اميره:طب حبها بقي طالما عجباك
سليم:هرن اعزمها علي عشا برا موافقه
اميره:براحتك
سليم:تمام واقولها اني عرفت انها بتحبني فأنا كمان بحبك يا أيتن واعرفها علي خالتي واخطبها
اميره:اعمل اللي انت عاوزه
سليم مسك التليفون:تمام هرن عليها اعزمها
سليم:الو ي أيتن انا..
قبل ما يكمل كلامه اميره خدت منه التليفون وقفلت المكالمه
سليم:ايه
اميره:ماشي احنا مش اصحاب
سليم:وإياكي تقوليلي تاني انك بتعتبريني صاحبك وبس
اميره:تمام
سليم قرب منها وبص في عيونها:احنا مش اصحاب امال احنا ايه
اميره بتوتر: س سليم انت كدا بتوترني
سليم:مش هبعد إلا لما تقولي احنا ايه
اميره:طب ابعد وانا اقول
سليم:تؤتؤ ومتقوميش من مكانك علشان لو قومتي هعمل حاجه مش هتعجبك
اميره:تمام خلاص احنا مش اصحاب احنا حبايب طبعا
سليم:وانا بالنسبه ليكي ايه
اميره:ايه
سليم:غبيه يعني انتي حبيبتي وانا إيه
اميره بصوت واطي:حبيبي
سليم:مش سامع
اميره:حبيبي ابعد بقي
سليم بعد عنها وهو بيضحك:وشك أحمر أوي
أميره قامت دخلت الحمام تغسل وشها ،تليفون سليم رن
سليم:الو
أيتن:سليم بيه حضرتك مش هتيجي ولا ايه
سليم:ايوه يا أيتن كنت برن علشان أقولك مش هاجي انهارده في حاجه
أميره:سليم الحقناااااااااااااااااااي
أيتن:دا صوت أميره
سليم:حصل ايه هقفل يا أيتن دلوقتي
قفل المكالمه وجري عند أميره
سليم:في ايه انتي كويسه
اميره:صورصار تحت الحوض
سليم:بقي خايفه من صورصار دا هو اللي خايف منك اهوه
اميره:موته بسرعه بخاف
سليم جاب شبشب وضربه:خلاص تم قتل الحرامي
اميره:جدع
وطلعوا قعدوا في الصاله مفيش شغله ولا مشغله بيتفرجوا ع التليفزيون
سليم:البيجامه دي اللي لسه عايشه من ساعه ما جيتي بيها هنا
اميره:اه كتر خيرها
سليم:انت غسلتيها
اميره:ايوه بغسلها ولما تنشف بنام فيها
سليم:قومي هاتيلي الشاحن من الاوضه
اميره:اوكي
قامت اميره تجيب الشاحن والباب خبط سليم قام يفتح
سليم:أيتن
أيتن:كان في أوراق مهمه جبتها لحضرتك علشان تشوفها
سليم بتوتر:اه
أيتن:هتخليني واقفه علي الباب
سليم:اتفضلي
اميره:الشاحن دا
أيتن:أميره
اميره بتوتر:اهلا
أيتن:انتي عايشه هنا
اميره:لا
سليم:اه
اميره برقتله:اه ايه
سليم:اه جت امبارح عندي علشان عمي قالي متسيبهاش لوحدها في الفندق ، اقعدي يا أيتن قوليلي الاوراق دي مالها
وقعدوا وأيتن قعدت جنب سليم
أيتن:لو سمحتي يا أميره ممكن مايه اشرب
اميره بابتسامه مزيفه:طبعا
جبتلها مايه وقعدت جنب سليم من الناحيه التانيه
وقعدوا يتكلموا عن الشغل وأميره قامت راحت عند اوضة لوز
اميره:لوز لوز لوز
لوز:نعم نعم نعم
اميره:اطلع معايا بسرعه
لوز:فين
اميره :برا في الصاله في واحده رخمه كدا جت قعدت لزقت في سليم اطلع سلم عليها كلمها خدها فرجها علي اوضتك مثلا كدا يعني
لوز:حاضر
اميره:احم أيتن دا لوز
أيتن:ايوه عارفاه لما كنت باجي هنا لسليم بشوفه
اميره بضحكه تريقه:هههه بتيجي هنا و لسليم
أيتن:ايوه
اميره:اظن نسيتي تقولي سليم بيه
أيتن:لا سليم قالي طالما برا الشركه فناديلي سليم بس
اميره:اه “وشاورت للوز بعنيها
لوز:هاي أيتن
أيتن:هاي يا قلب أيتن عامل ايه
لوز:كويس تعالي افرجك علي اوضتي سليم عملي اوضه حلوه اوي
أيتن:طبعا بعد اذنك يا سليم
سليم:اتفضلي
أيتن قامت مع لوز ودخلت اوضته أميره مسكت المخده وسليم لسه بيبصلها ضربته بيها في وشه وفضلت تضرب تضرب
سليم وهو بيمسكها:بس يخرب بيتك بس
اميره:تناديلك سليم بس صح وقاعد لازق فيها كدا ليه وبتيجيلك البيت كمان وتقولي انا وحيد
سليم ضحك عليها:اصبري يا قلبي نتكلم لما تمشي
اميره:قلبي تاني ،،لالا مشيها يا سليم مشيها حالا
سليم:حاضر
أيتن:اوضته جميله اوي زوقك حلو دايما
سليم:شكرا يا أيتن دا من زوقك و نبقي نكمل لما اجي الشركه علشان ورايا مشوار مهم دلوقتي
أيتن:اوك انا همشي انا بقي سلام
سليم:سلام “ومشيت”
سليم:شامم ريحة حاجه بتتحرق ايه دا انتي بتولعي يا أميره
اميره:اسكت يا سليم
سليم:تعالي في حضني اطفيكي
اميره بصتله من تحت عينيها بقرف
سليم:لالا إلا الباصه دي
اميره مردتش
سليم:طب اعمل ايه مكنتش اعرف انها هتيجي
اميره:بس كانت بتيجي قبل كدا
سليم:علشان الشغل
اميره:شغل
سليم:وحياتك شغل
اميره:طيب
سليم:اميره
اميره:ايه
سليم:بحبك
اميره ضحكت طبعا هتضحك يابختها كمان…
سليم:قلبي بيضحك يا نااااااااااااااس
الباب بيخبط…
اميره:هفتح
عشق:هالووووووووووو
اميره:قلبي وحشاني تعالي ادخلي
سليم:لا مش عايزين ضيوف
عشق:مانا مش ضيفه يا حيوان
سليم:اميره بتشتمني
عشق:مراهق عنده 17 سنه اين سليم العاقل والبارد
سليم:الحب بيغير يابنتي
عشق:اهااااا الحب طب الفرح امتي بقي
سليم:قريب
اميره:اممم هات يابني الريموت
سليم:امسكي
بتاخد الريموت وقع منها معرفتش تمسكه كف إيديها بقا شفاف او خيال
سليم:امسكي حلو يابنتي
اميره بخوف:س سليم إيدي عشق إيدي
سليم قام قعد جنبها وبخوف:انتي كدا هترجعي بيتك ولا هيحصل ايه
عشق:اميره انتي انتي حاسه بحاجه
اميره بعياط:سليم انا خايفه بيحصلي ايه متسبنيش يا سليم
سليم:مش هسيبك انا جنبك “وحضنها مسك فيها جامد اكنها بتهرب منه”
عشق:طب هنعمل اي…
لسه بتكمل كلامها أميره اختفت من حضن سليم وسليم قاعد بقي حاضن الهوا واميره ملهاش أثر
سليم قام صرخ بإسمها:أميرااااااااااااااه
عشق واقفه خايفه:هي راحت فين كدا رجعت بيتها ولا ايه
سليم طلع جري من البيت وعشق طلعت جري وراه:استني يا سليم رايح فين
سليم جري راح عند المكان اللي جت منه بس مكانش موجود اي حاجه
سليم فضل يبص حواليه وبعياط وصوت عالي ينادي عليها
وقعد في الارض يضرب الارض ويقول هي راحت فين ويعيط
عشق بتطبطب:اهدي يا سليم يمكن يمكن رجعت بيتها
فضلوا قاعدين برا في التلج لوقت كبير وقاموا دخلوا البيت تاني سليم بيفتح الباب وداخل وعشق وراه شاف..
يتبع..
لقراءة الحلقة الثانية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية الخادمة والأمير للكاتب محمود حماد.
