رواية البنات بتحب مين الحلقة الحادية عشر 11 كاملة
 |
| رواية البنات بتحب مين الحلقة الحادية عشر 11 كاملة |
رواية البنات بتحب مين الحلقة الحادية عشر 11 كاملة
ابراهيم وهو ماشي ودموعه على خده….
حاتم مسكه من ايده…واخده ف حضنه وهو بيطبطب عليه وبيمسح دموعه وبيقوله…
= ابراهيم انت بتعيط ؟!!!
= لا مافيش حاجه…انا بس حاجه دخلت جوه عيني
= ابراهيم احنا مش أصحاب بس احنا اكتر من اخوات
= عارف ياحاتم….
= ايه يا ابراهيم
= انا قبل ما اعرفك واعرف احمد….انا كنت حاسس اني ماليش لازمه ف الدنيا وكنت مكتئب
ولما بقيتو أصحابي وعزوتي كنت عارف ان لو حصلت ليا اي مشكله هلاقي اخوات ليا يسندوني
يكونو ف ضهري بجد…لكن بص دلوقت…
انت ارتبطت وحبيت وبدات تبعد…وبكره احمد يحب هو كمان ويبعد
وابقى انا لوحدي من تاني….
وهنا دموعه خانته بالمعنى الحرفي وبكى
اخدته ف حضني اكتر وانا بحاول اهديه فقولتله بهزار
= وانت مش ناوي ترتبط انت كمان…ولا انت شاذ يلا….انا بدات اقلق منك
ضحك ابراهيم
= ايوه ياعم فكها كدا ايه جو مصطفى كامل الي انت عامله دا
= وبالنسبه لاني بعدت عنكم ….
ليكم عليا اسبها وقتي ولا اني اخسركم…انتو اغلى حاجه ف حياتي
احنا بينا عشره…
= احنا مش عاوزينك تسبها بس تعدل…زي ما بتكلمها تكلمنا احنا كمان
احنا ساعه….هيا كمان ساعه
= انتو ضرتها يعني ولا ايه ؟!
= اه عندك اعتراض…
= لا ياسيدي ماعنديش…وبالنسبه للاخ احمد الي عامل فيها امينه رزق واخد بعضه ومشي
= باليل هنكون ف القهوه ابقى تعال واتكلم معاه…
=اشطز على معيادنا باه….
= الا طمني صحيح وصلت لايه مع منى
= مش عاوز اقولك انا حققت حاجات كتيره فشخ معاها
= ايوه كدا اشجيني…ايه قالتلك بحبك ؟!!!
= لا
= طب بتقولك وحشتني ومقدرش اعيش من غيرك ؟!!!!
= لا برضو
= طب عاوزه اشوفك كل يوم اي زفت يدل على انها عاوزه تتنيل ترتبط بيك ؟!!!
= ااااااا…لا برضو
= خخخخخ يا اخي اح…
= هتشتم ولا ايه يا ابراهيم
= اومال بترغي ف ايه كل يوم مشغول معاها بقالك اسبوع تقريبا
= يعني بتحكيلي على فرغلي…بتحب ايه وبتكره ايه
= حاتم انت تاعب نفسك على الفاضي…مابتحبكش…دا انت عشانها بقيت واحد ماتشبهلكش…مابتحبكش
= انت قلبت ليه على عمرو حسن!!!
= حاتم ياحبيبي بجد انت بالنسبالها مجرد حد بتفضض معاه
= صدقني بدات تحس بيا…لما بتكون لوحدها بتكلمني انا…بتشكي همها ليا انا…
انا اول حد بيجي على بالها لما بتكون محتاجه حد جنبها….ومع الوقت هتعرف انها بتحبني
= يارب…بس عارف لو بطلت تكلمنا تاني…هقتلك واقتلها واروح اسلم نفسي…
= هههههه لا ياسيدي ماتقلقش اقابلك باليل ان شاء الله تعالى عند القهوه
لما نشوف الضره التانيه مقموصه ليه هيا كمان
= ماتتاخرش علينا يابيبي باه هيهيهيهي* صوت ضحكه خليعه *
= مش بقولك انا بدات اقلق منك
وباليل وكان احمد وابراهيم على القهوه بيلعبو دور طاوله…احمد حس ب ايد بتخبط ف ضهره
احمد بص وراه شاف حاتم ومعاه دراع بلايستيشن
= انا عارف ان الدراع الي عندك باظ فجبتلك واحد جديد بداله
احمد بص لابراهيم وهو مضايق منه لانه اكيد عرف منه انه بيقعد على القهوه ف الوقت دا
وبص لحاتم وقاله بعصبيه
= انا مش عاوز مش وشك حاجه اصلا
= لا عاوز…وبعدين انت مضايق يعني عشان الشخص الي بحبه بدا يحبني ويهتم بيا
= براحتك اصلا انا مالي تحبها ولا هيا تحبك…
= هو ايه الي براحتي دا…احنا مش صحاب وخلاص احنا اهل وعيله مع بعض…مش بس معاكم انتو
مع كل الناس الي ف القهوه هنا…احنا عيله مع بعض…بنتجمع دايما على الحلوه والمره
حسن الي قاعد هناك دا لما تعب ومابقاش يجي القهوه مش كلنا روحنا ورزناه…واسلام الي هناك لما كان مابيعرفش يلعب بلايستيشن مش كلنا واقفنا جنبه لحد ما بقى أحرف حد فينا…احنا قوتنا ف لمتنا….انا يمكن بعدت عنكم شويه….بس انتو ف الاخر اهلي وسندي…انا مقدرش اعيش من غيركم..ولا انتو تعرفو تعيشو من غيري….عشان احنا اهل مع بعض….انتو عزوتي وناسي…
كل الناس الي كانو ف القهوه بدات عينهم تدمع من كلام حاتم…حتى حاتم نفسه اتاثر من الكلام الي هو قاله وقال بصوت فيه دموع…
= عن اذنك انا افتكرت اعمل حاجه…
واخد جنب وفضل يمسح دموعه
احمد بص لابراهيم وعينيهم هما الاتنين بدات تدمع
= كلامه مؤثر جدا…انا صدقته
= فعلا
= انا راي اننا نسامحه خلاص
= انا راي كدا كمان
وهما الاتنين اخدو جنب وفضلو يمسحو دموعهم…
بعد ما هديو خلاص…احمد ف حركه سلو موشن بيتحرك ناحيه حاتم وبياخد ف حضنه وهو بيقوله بصوت احمد عبد العزيز بنفس الافوره
= خلاص يااااض..خلاااااص انا مسامحك
ويبتشتغل مهرجان صاحبي يلي نسيت عشره زمااان…مان مان مان…
حاتم واحمد وابراهيم بيروحو بيتهم بعد ما الامور بينهم هديت….
وحاتم قبل ما ينام لاقى منى بتكلمه
= الو ازيك يامنى
= ازيك ياتومه
= الحمد لله انتي اخبارك ايه يامنى…
= تمام.،،جهزت نفسك عشان نروح لشرم بكره
= شرم ايه الي بكره ؟!!!
= انت نسيت ياتومه ولا ايه…بكره هعدي عليم قدام الورشه ونروح سلام
= استني بس شرم ايه ياوليه انتي…قفلتي!!!
انا سيبك تقفلي السكه ف وشي بمزاجي…وبعدين باه ف ام الحوارات دي!!!!
وشرم ايه الي اروحها بكره…ماينفعش دلوقت هههههههههه….
يتبع………
عاوزين تعرفو حصل ايه لحاتم ومنى وفرغلي
طب احمد وابراهيم هيعملو ايه لما يعرفو حاتم مسافر شرم وهو لسه متصالح معاهم!!!
يتبع..
لقراءة الحلقة الثانية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى
