رواية روح الفهد الفصل الحادي عشر 11 بقلم زهرة الظلام
 |
| رواية روح الفهد الفصل الحادي عشر 11 بقلم زهرة الظلام |
رواية روح الفهد الفصل الحادي عشر 11 بقلم زهرة الظلام
روح بهدؤ :تمام ع العموم انا رفعت عليك قضية خلع وبكره الجلسه
فهد:انتي اتجننتي ياروح
روح:اه اتجننت المهم اخلص منك
فهد مسكها من دراعها بغضب
فهد:هاهون عليكي طب وقمر دي مصدقت اني رجعت
روح:قمر اصلا هاتختارك ابقي اشوفها كل يوم انا وانت هاتعيش وهاتهون عليا زي ماسبتني سبع سنين ف وهم يافهد بيه
فهد بهدؤ:تمام ياروح يلا نروح
ولف ضهره وروح حست ان قلبها وجعها بس فكرت بردوا انه خدعها وسابها طول السنين لوحدها وهو عارف انها بتحبه
روح :مش هامشي معاك غور انت
فهد:انتي حره
ركب العربيه وسابها وهي فضلت تتمشي ع الشط وتعيط لحد ما جه تلت شباب
الاول:اي الجميل لوحده لي كده
روح خافت بس تجاهلته
التاني:ماتيجي ياقمر ننسيك زعلك ونبسطك ع الاخر
روح:انت حيوان وزباله ووس*خ غوروا من هنا
التالت:جرا اي يابت انتي طب والله ل نعلمك الادب
ولسه هايمسك اديها مسك ايده…. وفضل يضرب التلاته لحد ما جريوا
روح:جيت امتي؟!!!
….:****
……………
نرجع ل فهد
راح البيت وفضل يكسر كل حاجه حواليه وقمر سمعت التكسير وطلعتله
قمر:بابي في اي ؟!
فهد شافها وشاف قد اي هي شبه روح نفس العيون والشعر والبشره البيضه كأنها روح الصغيره حضنها وفضل يعيط زي الطفل الصغير
قمر:مش تعيط يابابي واحكيلي في اي
فهد:انا وروح هانطلق وهاتعيشي معايا
قمر ببرأه وفرحه:بجد يعني هاعيش معاك اخيرا
فهد:اه بس من غير مامي
قمر:انا مش بحبها اصلا احسن انا وانت نعيش مع بعض وهي تعيش مع حبيب جديد وتجيب بنوته جديده غيري تحبها
فهد سمع الكلام ده وفكر ل لحظه ان ممكن روح تكون ل غيره زق قمر جامد ع الارض واتجرحت
فهد بغضب:اوعي اسمعك تقولي الكلام ده تاني فاهمه روح مش لحد غيري فاااهمه وازاي تكرهي امك انتي غبيه
اسد ومنه طلعوا علي صوته ومنه شالت قمر
اسد:في اي يافهد والمكان عامل كده لي
منه:ومالها قمر
فهد فضل ساكت واسد خد قمر الي فضلت تتحرك بعشوائيه ونزلت ع الارض
قمر:بابي بيكرهني هو ومامي وانا بكرههم مش بحبهم يارب يمشوا خالص ويبقوا نجوم ف السما يبقي احسن
وجريت تعيط علي اوضتها وفهد مصدوم من كلامها لان ف الكرتون الموت يعني الواحد يتحول ل نجمه معقول قمر بنته عايزاهم يموتوا
اسد:ممكن نفهم في اي يافهد
فهد:ملكش دعوه
اسد :مكنش ينفع ترجع أصلا عقدت الدنيا بدل ما تحلها..يلا يا امي نمشي
منه:امشي انت يا اسد انا هاقعد مع فهد
اسد: طيب
ومشي ومنه بصت ل فهد
منه:مبسوط كده بتمشي علي نظام أبوك بالظبط
فهد:ابويا عمره ماعمل كده
منه:بس انت انيل يا فهد ابوك كنت بكرهه قبل مانتجوز بس انت روح كرهتك قبل الجواز وحبتك وانت كرهتها فيك تاني بنتك متعلقه بيك حتي وانت بعيد وانت خلتها تتمنالك الموت انهارده عجبك كده ونعمه العيله طلاقك بكره وبنتك مش طيقاك ولا طايقه امها
فهد:لي مش طايقه امها لي
منه:عشان دايما مشغوله روح بقالها سبع سنين بتشتغل وتعيط وبس تشتغل طول النهار وتعيط اخر الليل وبعيده عن قمر لمجرد ان كلمها وتصرفتها كلها فهد فهمت لي فهمت
فهد راح ل قمر ولقاها بتعيط ودراعها مجروح
فهد:قمر وريني دراعك
قمر:اوعي لو سمحت
فهد:طب اعقملك الجرح واحكيلك حدوته
قمر:وعد
فهد:وعد
شالها وعقملها الجرح
قمر:احكي بقا
فهد: كان في ملك شرير وقاسي بيحكم البلاد ومحدش يقدر يعارضه الكل بيخاف منه وف مره شاف بنت الحارس سحرته واتجوزها غصب بعد ماهدد الحارس مرت شهور ومره الملكه تحبه ومره تكرهه لحد ما حملت وجابت بنوته قمر
قمر:بابي انا احلي ولا هي
فهد ضحك:انتي طبعا المهم الملك سافر حرب طويييله اوي قعدت سبع سنين كبرت بنته ومراته مسكت الحكم بعد مافكرته ميت مراته كانت بتحب بنتهم اووي بس الحكم كان بيشغلها والبنت كرهت امها واتعلقت ب ابوها جه ابوها تاني بس الملكه رفضت ترجعله وجهزت قصر ليها والملك زعل اوي وبنته بس الي فضلت معاه …..
قمر:كمل يابابي وبعدين
فهد :وبعدين جت النهايه اختاريها انتي
قمر:اممم اختار البنت تحب الملكه والملكه ترجع للملك ويعيشوا ف تبات ونبات
فهد حضنها :ياريت ياقمر ياريت
وبعد شويه نامت قمر ونزل فهد لقي الوقت اتاخر وروح مارجعتش وقبل مايطلع لقي روح داخله مع واحد غريب
فهد:مين ده
روح:ده اياد جوزي بعد ما احنا نطلق
فهد:….????
