اسكريبت فتاة معذبة الجزء الحادي عشر 11 بقلم محبة الرحمن

مني كانت حامل وفي بداية العام الجديد 

وكانت تلعب في تليفون خالد باذن منه  وصلت  رساله من هبه (كل عام وانت حبيبي)

مني ايه ده بقي

خالد والله هي انا ماليش دعوه انا عملتلها بلوك 

مني ولما عملتلها بلوك ازاي وصلت الرساله عندك انت بتكلم واحده جاهله انت اصلا لو زي ما بتقول مابتكلمهاش كانت زهقت وماكلمتكش تاني

خالد اوه دي بقت عيشه تقرف  

سبها ومشي نزلت لأهله حماتها كانت قلبت عليها بسبب كلام سلفتها وحماها اللي بتقوله مراته بيمشي

مني لو سمحتوا شوفولي حل في ابنكم 

حماها احنا زهقنا هو مافيش غيركم 

مني ابنك لسه بيكلم الارمله 

حماتها انتي هتطلعي سمعه علي ابني بطلي افتري

حماها يعني نموتهولك عشان ترتاحي

مني لا ماتعملوش انا اللي هعمل 

مني طلعت شقتها ولمت هدومها وهدوم ولادها وبعتتله رساله (طلقني)

وعقبال ما كانت لما هدومها كان خالد وصل

خالد ايه اللي انتي بعتاها ده 

مني زي ماسمعت طلقني انا زهقت من قرفك ده 

خالد انتي ليه مش عايزه تصدقي بصي رديت عليها برساله ايه

(ياحيوانه ماترنيش عليا تاني ولا تبعتيلي رسائل مراتي ضفرها برقبتك)

شفتي لو في بيني وبينها كلام كنت هقولها كده

مني انا تعبت انا حسه انك بتخوني بس كل شويه تطلعلي بحجه اللي بيقعدني اني مش عايزه خراب البيت ده يكون بسببي وعشان الولاد 

خالد اعقلي يامني

قعدت تعيط تعبت انا اللي هبقي مريضه نفسيا  

بعد اسبوعين قرر وليد يتجوز بس محتاج من اخواته كل واحد 10الاف سلف اول ما قالوا لمني قالت أنا عنيا لوليد لو خالد مش معاه انا هبيع جزء من الدهب علي قد الفلوس وخالد خانق فيها مكانش عايز يدفع رغم أن مني شافت دفتر بنك باسمه في مبلغ 100الف جنيه وباعت غويشه من عندها جابت 10الاف وعطتهالهم

بعد شهر سلفتها نقلت كلام من البيت لناس تعرف والدة مني عشان يوصلها لان مني مش بتحكي لوالدتها حاجه

والدة مني اتصلت بيها صحيح اللي حصل ده

مني انتي مين قالك الكلام ده

والدة مني عبير اللي قالتلي

مني دي قريبت سلفتي 

نزلت مني لحماتها يرضيكي أن هبه تقول لعبير علي اسرارنا وتوصلها لامي 

حماتها هي برضو بتقول انك حكيتي لامك وهي حكت لعبير

مني انا هروح اقول لامي بلاوي ابنك

حماتها ياعالم مين بيكدب

مني الله يسامحك

اتصلت مني بوليد وشاكتله لأنها كانت بتعتبره اخوها وهو دائما بيقف جنبها

وليد حتي لو انتي اللي قولتي هي قالت لامي ليه اكيد عشان توقع بينك وبينها قولي لخالد وشوفي هيعمل ايه

انتظرت خالد ولما رجع حكتله 

خالد انتي متاكده مش انتي اللي قولتي 

مني طيب اصبر 

اتصلت مني بوالدتها 

مني ايوه ياماما هو مين اللي قالك علي الموضوع اللي عرفتيه

والدتها ماقولتلك عبير قابلتي في الشارع وقالتلي سيبين بنتكم خالد يبهدلها

مني خلاص يا ماما

والدتها هو في ايه

مني ولا حاجه هكلمك تاني

خالد بنت هي خرابة بيوت انتي عارفه انها قالت لامي انك عملتي مشاكل وزعقتي لما قولتيلها علي طلبات وماجبتهاش الاسبوع اللي فات

مني بصدمه والله ابدا ده انا قولتلها الله يكون في عونها بتشيل كتير انا ابقي اجيب وانا راجعه من الشغل

نزلت تاني لحماتها وقالتلها علي المكالمه مع امها واللي حصل الاسبوع اللي قبله

حماتها قولتلك الله اعلم مين الصادق ومين الكذاب ماممكن تكوني متفقه مع امك تقول الكلام ده

مني هي وصلت لكده كتر خيرك

طلعت مني لخالد قالها مالكيش دعوه بيهم 

وكلما وليد قالها نفس الكلام ووليد اتصل بأمه قالها مني معانا 11سنه امتي كدبت عليكي امتي نقلت كلام حرام عليكي مش كفايه عليها ابنك 

تاني يوم جابت هبه عبير وبنتها يشهدوا بعكس اللي حصل وقالوا زي ماهي اتفقت معاهم واول مارجع خالد قالولوا وطلع بيسأل مني لاخر مره انتي اللي قولتي جابت المصحف والله ابدا والمصحف ده يشهد عليا يوم الدين اتصل بوالدة مني وقعد يشتم فيها هو وأخوه 

مني اتضايقت واتعصبت وقالتله انت انسان مش محترم كان عايز يضربها بس وقفت حماتها قدامه عشان الحمل 

حماتها بصراحه يامني انتي واهلك نقلين كلام وخرابين بيوت 

مني انا مااسمحلكيش تغلطي في اهلي وده غلطي اني اعتبرتكم أهل ودخلت تلم هدومها 

كانت والدة مني لما لقتهم كلهم متجمعين عليها اتصلت بخالها بسرعه لان المحل بتاعه أقرب ليها عشان يقفلهم

وصل خالها وهي بتلم هدومها وهدوم ولادها وفضل يحايل في التنين مني وخالد وطلب من مني تقعد فاضطرت مني تقعد عشان ماتكسرش كلمة خالها بعد كده كانت معاملة خالد اسوء مما يكون شتيمه ليها ولأهله كل مايشوفها 

بعد يومين وهي بتزور اهلها لقت ابنها محمد بيشكي بصداع ووشه احمر جدا راحت قستله الضغط في الصيدليه طلع عالي جدا اتصلت بخالد وقالتله هتودي الولد للدكتور قالها روحي راحت بالولد عند الدكتور طلب تحاليل عشان يعرف سبب أن الضغط عالي لان عند الاطفال لازم ليه سبب

خدت الولد عملتله التحاليل وروحت باولادها في انتظار التحاليل خالد حتي ماسألش علي الولد لما وصلوا الولد قال لحماتها ياتيته طلع عندي الضغط 

حماتها ربنا يشفيك بكل برود 

خالد راح فرح ومارجعش منه إلا الساعه واحده كانت مني والولاد ناموا وهي بتنام مع الولاد كل يوم

تاني يوم كانت الجمعه يادوب سال الدكتور قال ايه 

راحت مني بالتحاليل للدكتور وقالها ده ضغط مرضي هيستمر العمر كله 

اتصدمت مني اتصلت بخالد اللي نايم في البيت ومافكرش يشوف هيعمل ايه قالتله هروح لدكتور تاني قالها ماشي راحت لدكتور قال الضغط لازم يتقاس كل 6ساعات عشان اعرف اذا كان طبيعي والا لا لازم يتحجز في مستشفى عشان كمان نعمل التحاليل والأشعة تبين السبب روحت مني واخدت جواب حجز الولد في المستشفى واتصلت بخالد قالتله رجع وكان اتصل بصاحبه في المستشفى وكان عايز ياخد الولد يمكن يقولو روح صاحبه قاله لازم أمه معاها لان العنبر كله ستات

ولبسوا وراحو المستشفى 

ياتري ايه هيحصل