Uncategorized

رواية مصائر مجهولة الفصل الحادي عشر 11 بقلم سما محمد

       رواية مصائر مجهولة الفصل الحادي عشر 11 بقلم سما محمد

رواية مصائر مجهولة الفصل الحادي عشر 11 بقلم سما محمد

رواية مصائر مجهولة الفصل الحادي عشر 11 بقلم سما محمد

عمر:يعني مش هتعترف ان انتوا الاتنين السبب في حياتي اللي زي الجحيم وبعدها تطلق امي وتتجوز الحرباية دي
توفيق اتصدم وقال:انت عرفت ازاي؟
عمر ضحك وقال :شايفني عيل ولا اية؟
توفيق:انت فاهم غلط يا ابني 
عمر:ما تنطقي يا جليلة ولا اتخرستي
جليلة اتوترت وقالت:انا مليش دخل في الكلام ده هو السبب وهو اللي قالي كل ده 
عمر:ما علينا بالمناسبة عرفت أن انتوا الاتنين بتهربوا اثار وحبيت اقول اتفضلوااا
دخل البوليس وحطوا الكلابشات في أيديهم 
عمر بصلهم وقال:مع السلامه هتوحشوني صراحة
البوليس خدهم وعمر اتنهد براحة وروح بيته عشان يكلم ملك 
زين ضحك وقالها:اية رأيك في الجنان ده 
فريدة فضلت تضحك:حرام نفسي اتقطع من كتر الجري
زين: خلاص تعالي نروح مطعم حلو ناكل حاجة
فريدة:ماشي
دخلوا مطعم 
زين شدلها الكرسي وقالها: اتفضلي يا اميرتي
فريدة ضحكت وقالت: ماشي يا اميري
قعدت وهو قعد فضلوا يتكلموا وطلبوا اكل 
عند ملك
دخلت اوضتها وهي زعلانه أنها ملحقتش تقعد مع عمر حبه 
فضلت تقلب في موبايلها لقته بيرن
ردت بسرعة وقالت:عمر انت عامل اية دلوقتي
عمر:بخير عشان سمعت صوتك
ملك :احم طب الحمدلله انك بخير
عمر:علي فكرة انا مستنيكي تحت 
ملك:تحت ازاي،استني كدة 
بصت من بلكونه اوضتها لقته واقف قدام العربية وشاورلها
قالتله:طب هنزل ازاي دلوقتي؟
عمر:عادي قوليلهم نازلة لجوزي وقرة عيني
ملك ضحكت وقالت:ماشي يا جوزي
عمر بهيام:يانهار ابيض عليكي وانت بتقولي جوزي دي
ملك ضحكت وقالت:عمر اتلم
عمر:احم احم خلاص يا قمر انزلي بس 
ملك: نازلة اهو 
نزلت بسرعة لقته واقف 
قربت وقفت جمبه لقته بيشدها ويحضنها 
اتوترت شوية بس لقته بيقول: النهارده اكتر يوم حاسس نفسي مرتاح فيه
ملك:ربنا يريح قلبك دايما
عمر:تعرفي أن النهارده كان كتب كتابي علي واحدة زي القمر وتهبل
ملك بصتله وقالت:هي حلوة اوي كدة؟
عمر:الا حلوة دي مفيش منها
ملك:اممم وبتحبها علي كدة
عمر:لو عاوزة الصراحة انا بحبها وبعشقها بس مش تقوليلها اصلها بتتكسف
ملك اتكسفت 
قالها:شوفتي اديها اتكسفت 
بصلها وقال وهو مش عارف يقولهالها ازاي : ملك عاوز اقولك حاجه ملك استغربت:مالك قلبت جد كدة لية
عمر:بص اسمعي كلامي براحة من غير زعل
ملك:عمر انت قلقتني
عمر:اهدي واسمعيني،عاوز اقولك أن النهارده يعني
ملك:هاا؟
عمر:اتقبض علي امك عشان بتهرب اثار هي وابويا
ملك اتصدمت وقالت:ايييه؟ ازاي ماما تعمل كدة 
عمر:ملك اهدي عشان خاطري
ملك دموعها نزلت:عارفة أنها عملت حاجات غلط كتير بس بردو هي امي
عمر مسح دموعها وحضنها وقال:للاسف ساعات بيبقي لازم تلغي مشاعرك وتستسلم للأمر الواقع
ملك:بس الموضوع صعب
عمر: صعب اه بس انت قده 
ملك:بس انا عاوزة اشوفها طيب ينفع تاخدني ليها
عمر: دلوقتي مش ينفع نبقي نروح بكرة 
ملك:ماشي بس وديني بالله 
عمر:عيوني ليكي 
ملك: انا هطلع دلوقتي
عمر:هتوحشيني لبكرة علي فكرة
ملك اتكسفت وطلعت تجري علي اوضتها
فريدة:يلا نروح بقي زمانهم قلقوا علينا
زين:ماشي يلا 
ركبوا العربية وفضلوا يتكلموا لحد ما طلع حد قدام العربية مرة واحدة و
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى