اسكريبت هشك بشك الحلقة الأولى 1 بقلم شروق عمرو ومريم توفيق
 |
| اسكريبت هشك بشك الحلقة الأولى 1 بقلم شروق عمرو ومريم توفيق |
اسكريبت هشك بشك الحلقة الأولى 1 بقلم شروق عمرو ومريم توفيق
“اصل الافندى ده فى حته تانيه عندى مترسأ جوا قلبى “
=هوبا
*شهقت _ انت مين يا عم وطلعتلى منين
قالها وهو بيختفى وبيظهرلها من الناحيه التانيه
_ كده اهو
صرخت برعب
_ بسم الله الحفيظ ..انصرف يا عم انصرف
= انتى مضايقه ليه هو مش عايزانى
_ لا مش عايزااك انصرف
طار فى السما وهو بيقول
= طيب اروح ادور على حد تانى احققله امنيته
قالت بسرعه
_ استنى قول تاانى كده
= مين تقصدنى انا
_ حبنا …ششش انت قولت امانى صح
شاور بيده
= تلات اماانى متاحلك كل حاجه بس فى كام حاجه كده
_ ايوا ايوا عارفاهم مش بتصحى الاموات ..ومش بتخلى حد يبحب حد مش بتموت حد
= ناقص واحده
_ هو انتوا جددتوا
= ايوا طبعا مفيش حاجه على حالها ..الشرط الرابع مش ممكن اوديكى تركيا عشان حد من الكر شات الاتراك بتوعكوا
_ دا انت عفريت تنح يا اخى
= قالولى كده كتير
_ طب خلاص بص يا عم اول طلب ..النهارده فرح الاكس ..عايزه اروح الفرح واهده عليهم
ربع رجله وقعد فى الهوا وهى بيقول
= مش ده برضو اللى حلقلك عشان رجلك الشمال اكبر من رجلك اليمين
_ ايوا وخليك عارف انى لابسه فرده شبشب فى كل رجل وممكن اوريهملك ….اخلص ودينى يلا
= يلا بينا
_ استنى انا هروح كده بالبيجامه
لوح بصباعه عليها وهو بيقول
= كده حلو
_ كده قرف على دماغك هروح الفرح بفستان فسفورى دانا هتعمى
=خلاص خلاص دانتى لسانك طويل عايزه لون ايه
_ عايزه لون كاشميرى مثلا
= كا ايه يا ختى لا متقوليش حاجه صعبه
_ بينك …بمبى يعنى
نزل وقف جنبها = اه ماتقولى بمبى لازم عوجه اللسان …يلا
_ هنطير
= لا نطير ايه هنركب مواصلات عادى
_ اومال عفريت وعمال تطلعلى من كل حته ،..جاتك نيله
= ششش غمضى عينى …فكرى فى الفرح 1,2,3 فتحى
فتحت عينها لقت نفسها فى الفرح
_ يابن العفريته ..انت روحت فيين
اتكلم من غير ما يظهر
= انطلقى اعملى اللى نفسك فيه وانا معاكى وقت ما هتحتاجينى قولى هشك بشك
_ اقول ايه يا خويا
= هشك بشك ..
_ ايه العفريت ده ياربى …هى فيين بقى
دخلت القاعه بعيون مليانه شر كانت هتخبط فى الجارسون اللى شايل الكوبيات
_ اوبس سورى جداا ..هو انت رايح فين بالعصير ده
= ده عشان العرسان
_ هه طب انا انتيمت العروسه سيبهولى هروح اوديهولها بنفسى
ابتسم وسابلها الكوبيات ومشى .،.وهى خرجت ازازه صغيره من شنطتها وبدأت تقطر فى كوبايه واحده منهم وسابت التانيه ..راحت عندهم وابتسمت بخبث واعطت الكوبايه اللى فيها القطره للعروسه والتانيه للعريس ..بصت للعريس بضحكه وهما بيشربوا وقالتله .
_ مبروك يا ابو حميد
حمحم احمد بتوتر وقالها
_ الله يبارك فيكى …مالك يا امل
# م ..مش شكلى دوخت ….حسب يا احمد بنطلونك هيقع
_ ايه ده فى ايه امل ..انتى كويسه
# اه انا كويسه..ارفع بنطلونك يا حبيبى عشان لو وقع شكلك هيبقى ووحشش
= يااه يا احمد عروستك عندها حق والله ..بس دمها خفيف
# بس بس انا هروح ارقص (تخيلوها كأنها سكرانه بالظبط) خلى بالك منه يا موزه
= عنيا يا حبيبتى فى عنيا
_ انتى عملتى ايه مالها امل
= مش عارفه يا ابوحميد …يمكن وعدتها انى هتقدم لها وكدبت
_ انتى مجنونه يا ملك ..ما الموضوع ده خلص خلاص وقولتلك كذا مره انى بحبها
= صح صح ..مهى تتحب برضو ..بص كده كله بيحبها
بص احمد لقاها بترقص فوق تربيزه ولمه عليها الشباب كلهم راح بسرعه ليها وقالها
_ امل انتى بتهببى ايه انزلى
# ايه يا احمد يعنى دول ناس جايين ينبسطوا هنمشيهم زعلانين كده ..انت ليه مش بتفهم فى الاصول …اطلع ارقص جنبى يا حبيبى ربنا يهديك
وملك واقفه بتتفرج وعماله تضحك بشماته
_ هييح والله ارتحت يلا يا عفريت روحنى… اووف نسيت صح هشك بشك
ظهر لها وهو لابس حلبيه بيضه وطاقيه وماسك فى ايده سبحه قالتله باستغراب
_ ايه ده انت امنت بالله ولا ايه
= خلصى يا اختاه عشان ورايا صلاه العشاه مش عايز افوتها جماعه …
_ طب يلا بينا روحنى عشان نكمل الامنيات ياشبح
= هيا يا اختى اغمضى عيونك وتخيلى المنزل .. واحد ، اثنان ،ثلاثه ..
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية انتقام لكبريائي كاملة.
