Uncategorized

رواية حورية الجاسر الفصل الحادي عشر 11 بقلم ندى صلاح

 رواية حورية الجاسر الفصل الحادي عشر 11 بقلم ندى صلاح

رواية حورية الجاسر الفصل الحادي عشر 11 بقلم ندى صلاح

رواية حورية الجاسر الفصل الحادي عشر 11 بقلم ندى صلاح

بعد عدة ساعات في المشفى نقل حازم الى غرفة عادية بعد ان اطمئن عليه الطبيب بأن جميع و وظائف اعضائه الحيوية على ما يرام غير بعض  الكسور ، علم جاسر ان حازم افاق فاسرع الى المستشفى مصطحبا معه حور و انغام التى كانت تبكي قلقا على و لدها الآخر حازم .
في غرفة حازم بالمشفى
جاسر.  حمدلله على السلامة يا حازم قلقتني عليك يا صاحبي
حازم. اااه يا جاسر انا وشي باظ هقابل الموزز ازاي انا
نظر له بدهشة كبيره فصديقه حقا أحمق ما الذي يتفوه به
جاسر.  انت مجنون يلا انت في و لا في ايه
اقتربت منه حور قائلة.  متقلقش يا زوما وشك قمر زي ما هو الحمد لله محصلوش حاجة
حازم بألم.  اه يا حور انت بتقولي كده عشان تواسيني عشان انت اختى و صحبتي قولي قولي متكسفيش اكيد عنيا الرمادي الى بدوخ اتحولت اسود و مش هقدر الاغي اي موزة بعد كده و اغمزلها
كتمت ضحكتها بصعوبة لتحاول التخفيف عنه فحقا هو ما زال وسيما و وجهه لم يتضرر غير بعض الجروح السطحية الخفيفة التى تذهب مع الوقت
حور.  والله ما بضحك عليك عينيك لسه حلوة زي ماهي تحب تشوف
هز رأسه موافقا فاخرجت مرآة من حقيبتها لتريه وجههه ، شفت بقى انت لسه زي ما انت موز
حازم. روحي يا شيخة الهي ربنا يرزقك بواحد مز زي ولا اني متأكد مفيش
انفجر سليم  ضاحكا على هذا الثنائى المرح اما عن جاسر فكان يشتعل غصبا لاحظه سليم المبتسم بخبث شديد
سليم.  حمد الله على السلامة يا زوما
حازم . الله يسلمك يا سلومتى انما مجبتش معاك اي زيارة ليه انت حتى جاي تزور عيان
سليم بمرح.  خلاص ياعم المرة الجاية
حازم. تمام وانا مستنى لحسن اخوك هفتاااان
ثم التفت الى انعام التى كانت تبكى بصمت وهي تراقب ما يحدث قائلا. قربي يا موزتي انا كويس والله
انعام ببكاء وهي تقترب منه و تضع رأسه على صدرها بحنان اموي . يا حبيبي يا بنى حمد لله على سلامتك كده تقلقنى عليك الله يسامحك
حازم وهو يزيح دموعها . يا قلبي انا كويس الحمد لله ده كل بفضل ربنا و دعواتك ليا فرفشي بقى يا موزتي
و حرك نظره اتجاه جاسر وقال. جاسر طلعهم برة و هات الدكتور و تعالى
جاسر بلهفة . انت تعبان حاسس بايه
ابتسم حازم و هو يرى خوف وهلع صديقه عليه . لا مفيش حاجة انا بس عايز اسأله على حاجة
خرج الجميع و احضر جاسر الطبيب الى غرفة حازمالطبيب.  حمد الله على السلامة يا بطل
حازم . الله يسلمك يا دكتور كنت عايزة اسالك على حاجة
الطبيب.  اتفضل
حازم.  انا كنت عايز اطمن على مستقلبي وهل الحادثة اثرت عليا ولا
انصدم جاسر من حديثه و توسعت عيناه بدهشة بسبب صديقه هذا الاحمق عن ماذا يتحدث هذا الابله
الطبيب بعدم فهم. تقصد ايه مش فاهم
هم بالحديث لولا كف جاسر التي وضعت على فمه قفال له بصوت منخفض : اسكت الله يخربيتك هتفضحنا
ازاح كفه بخفه وتابع قائلا. قصدي يعني اقدر اتجوز ولا هظلم بنات الناس معايا
نظر له الطبيب بدهشه لم يصدق ما يتفوه به قفال . نعم
حازم. ايه مش من حقى
جاسر لطبيب . معلش يا دكتور هو اساسا مجنون و اكيد الضربة اثرت عليه اكتر ف ما تخدش كلامه جد
حازم. ايه ياعم سيبه يجاوبنى
الطبيب و هو يكتم ضحكته. لا حضرتك انت كويس مفيش اي حاجة و زي الحصان كمان تقدر تجوز ان شاء الله بدل الوحدة أربعه
حازم بفرح. روح يا شيخ الهي يعمر بيتك
خرج الطبيب و ما ان وصل الى مكتبه حتى انفجر ضاحكا على هذا المرح و دعا له بصلاح الحال
عند جاسر و حازم
جاسر.  انت ايه الي انت قولته ده
حازم ببرود. بلاش اطمن يعني و النبي بدل ما انت واقف كده روح اطلبلي اطفح بدل اكل العيانين ده
قذفه جاسر بالوسادة وقال بحنق . تافه
حازم. انا مش هرد عشان انا واحد محترم مش زيك
جاسر وهو يتجه ناحيته بغضب. انت قصدك ايه يلا
حازم بخوف.  انا لسه خارج من عملية و عضم جسمى مش مستحمل و غير كده خد بالك ان انا يتيم
جاسر بسخرية. طب احترم نفسك يا يتيم وخرج حتى لا يصاب بازمه قلبية من تصرفاته الحمقاء
في مجموعة شركات الشرقاوي يجلس شاب في الثلاثين من عمره مفتول العضلات عينيه سوداء حادة كالصقر شعره مصفف بطريقة عصرية رائعة فهو حقا آيه من الوسامة المفرطة يرتدي بدلة سوداء تبرز عضلاته الجذابة دخل عليه احدهم فالتفت إليه قائلا
رعد . ايه الاخبار
رد عليه ذلك المكلف بمراقبة جاسر.  حضرتك جاسر بيه دلوفتي في المستشفى
انتفض فزعا. انت بتقول ايه الي حصله
قاسم . لا يا فندم مش هو ده صحبه حازم الشافعي عمل حادثه و هو معاه هناكشعر بنغزة كبيرة في قلبه فمهما حدث بينهما لا يسطيع ان لا يقلق عليه فحازم صديق الماضي و الاخ الذي كان له و لكنه اختار جاسر عندما حدث ذلك الخلاف لايمانه بصدق جاسر ، كور قبضته و قال
رعد . طب هو عامل ايه دلوقتى
قاسم.  الي عرفته انه كان في العناية المركزة لان حالته خطيرة بس دلوقتى عدى مرحلة الخطر
رعد بارتياح. الحمد لله
استغرب قاسم من رئيسه فكيف يريد الانتقام منهم و من جهة اخرى يفزع و يقلق اذا اصابهم مكروه
رعد. طب روح انت و عايز الاخبار اول باول و عدى على الحسابات حقك
قاسم. يدوم العز يا باشا بعد اذنك
جلس يفكر في الماضي الأليم الذي فرقهم و شتت صداقتهم فاحمرت عيناه وقال بغضب اعمى : كل منك يا جاسر لولاك مكنتش انحرمت منها هفضل وراك لحد ما اخد حقها وانتقم منك و اخرج صورة لفتاة جميلة لدرجة الهلاك ضم الصورة الى صدره و انزل دمعة حارة من جفونه .
بعد مرور اسبوعان تحسنت حالة حازم كثيرا و سمح له الطبيب بالخروج من المشفى ، اصر سليم على مكوثه معهم في القصر حتى يتم الاعتناء به جيدا و تشفى جروحه بالكامل فوافق حازم لعدم قدرته على رفض طلبه المُلح .
بعدها بأيام فك حازم جبس رجله و بقيت يده فقط التى تعاني من بعض التمزق ، اتفق سليم مع جاسر على اقامة حفل عيد مولد حور بعد يومان فقد تم تأجيله بسبب حادثة حازم .
كان حازم يساعد جاسر في التحضيرات للحفل و تبقى تزيين القصر قفط ولكن كان لابد من خروج حور من القصر لتتم المفاجأة فلم يجدوا حل سوى اخبار منى لاصطحابها للتسوق ، فاتفقوا مع منى على ان تخبر حور بضرورة ذهابهم للتسوق لشراء بعض الاغراض للمنزل فوافقت حور على الفور لانها تريد تغيير روتين يومها وارتدت فستان من اللون الاصفر الفاتح مع حجاب اسود يبرز بياض بشرتها الثلجية.
بعد ذهاب حور ابتدأ العمل في القصر على قدم وساق من جميع الخدم و بعد ثلاث ساعات متواصلة من العمل الشاق أصبح القصر جاهز لاحتضان حفل عيد مولد الحورية الفاتنة فكانت الزينة تخطف القلوب من جمالها الخلاب و روعة ترتيبها، اتفق جاسر مع اكبر محل لصناعة الكعك والحلويات لإحضار كعكة عيد الميلاد الخاصة بجنيته الصغيرة ولم ينسى فريق التجميل الذي كان من اكبر صالات التجميل في مصر و اخيرا انتهى الجميع وبات كل شي جاهز لاستقبال الاميرة حور.
دلفت حور مع منى من باب القصر مبهورة من الزينة الخاطفة للنظر حتى انها حدثت منى قائلة: هو احنا غلطنا في البيت ولا ايه
منى . مش عارفة خلينا نخش نشوف ايه الي بيحصل
دلفوا الى القصر بخطوات بطيئة تقلب نظرها في ارجاء المنزل لا تقوى على الكلام من فرط دهشتها قابلت جدها الذي يبتسم بحنان بالغحور.  هو في ايه يا جدو انت ناوي تتجوز عليا ولا ايه
ضحك بشدة. اتجوز عليكي ايه با لمضة النهاردة عيد ميلادك يا حورية قلبي
التمعت الدموع بعينيها الزيتونية فهو يلقبها مثل والدها الراحل حورية قلبه قفزت في احضانه تبكي بشدة
حور.  انا بحبك اوي يا جدو ربنا يخليك ليا
سليم و هو يمسح دموعها. اميرتي متعيطش ابدا يلا اطلعى فوق عشان تجهزي للحفلة
حور بحماس . هوا يا جميل و هرولت الى الاعلى تمسك بيد منى المبتسمة بشدة فرحة بشأن صديقتها
في غرفة حور كانت تقف امام مرآتها بجانبها فريق التجميل الخاص بنورهان
نورهان. كل مرة مبالقيش كلام يوصف جمالك يا حور
حور.  انت عيونك قمر يا نور ربنا يخليكي
نورهان بعد انت إنتهت من تجميل حور نظرت لها بتقييم بدايةمن وجهها ناصع البياض الذي خلطته بحمرة خفيفة بفضل أدواتها التجميلية مع اهدابها الكثيفة التى ذادت طولا بالمسكارا مع احمر الشفاه باللون الكشميري الرائع الذي ابرز جمال كرزيتها المنتفخة قفالت بانبهار : كده خلصنا بسم الله ما شاء الله قمر
حور بخجل. شكرا ده من زرقك
اشاحت بنظرها ناحية منى التى تتابعها بابتسامة صافية قفالت لنورهان : انا عيزاكي تخلى صحبتي كمان قمر النهاردة ، نظرت لها منى بدهشة من طيبتها و روحها الجميلة وقالت
منى . لا يا حور مفيش داعي والله
حور بحزم. انا خلاص قررت يلا يا نور ابدأي شغلك
بدأت نورهان بالعمل على تجميل منى باحترافية بينما ذهبت حور لانتقاء فستان لها من بين ثيابها الفاخرة فاخرجت ثوب بالون البيج الفاتح يضيق من ناحية الخصر و ينزل باتساع من الأسفل مع حجابه الخاص به، نظرت لها منى بدموع فتلك الحور تعتبرها كأختها التى لم تلدها امها .
ارتدت منى الفستان فاصبحت اية من الجمال الفاتن بينما ارتدت حور ثوب من اللون الكشميري الامع مشغول بماسات فضية في منطقة الخصر و يتسع من الاسفل بروعة خلابة مع حجاب بنفس اللون و اخيرا اصبحت الفتاتان جاهزات فكانوا كتلة من الفتنة حقا .
انتظر جاسر قدوم حوريته بفارغ الصبر يريد أن يرى هيئتها التى سوف تهلكه لا محالة ما لبث حتى رأها تنزل برفقة صديقتها منى فكانت روعة من الجمال بثوبها الذي يناسب جسدها المرسوم باحترافية شديدة لم يسطع ان يشيح نظره عنها حتى لكزه حازم الذي ابتسم بخبث الذي علم ان الغول لابد و ان وقع في العشق
حازم بمكر. في ايه مالك مش قادر تشيل عينك من  عليها ليه
جاسر بارتباك حاول اخفائه. هي مينحازم بغمزة . انت ادرى
جاسر بحدة.  شكل المستشفى وحشتك يا حازم تحب احجزلك اوضه
حازم. لا و على ايه الطيب احسن
اجتمع الكل حول حور المبتسمة بفرح يهنئها الجميع بعيد ميلادها ، نظرت لتلك الكعكة بانبهار شديد فكانت بثلاثة أدوار بنكهة الشكولاتة المفضلة لديها ، اقترب منها جدها وقال
سليم.  ما ينفعش تقطعي الكيك من غيرهم ولا ايه
نظرت له باستفهام حتى رأت مازن و نغم يقفون من بعيد يلوحون لها بأيديهم فانطلقت مسرعة تقفز في احضان مازن
حور. وحشتني اوي يا مازن
مازن بحب. وانت اكتر يا حورية قلبي
نغم. وانا مليش حضن ولا ايه فمد لها مازن يده ليحتضنهم معا فكان منظرهم حقا رائع غافلين عن ذلك الذي اشتعلت النيران بعينيه عندما رأى هذا الوضع فغيره يضمها إليه وهي لا تمانع نعم انه نفس الشخص الذي حملها و ادخلها سيارته عندمارأها اول مرة امام بناية منزلها اقترب منه سليم و قال .
سليم.  اخوها في الرضاعة
التفت اليه بسرعة قائلا . ما يهمنيش
سليم بخبث. لا واضح
لا يدري مقدار السعادة التي اجتاحت صدره قلبه يرقص فرحا بعد ان علم بهوية مازن و لكنه ما زال يغار عليها حتى من جده
أخرجها مازن من احضانه بحب اخوي وقال . كل سنة وانت طيبة وعقبال مليون سنة يا قلبي واخرج هدية مغلفة بأناقة و قدمها لها
فرحت حور كثيرا وقبلت خده وقالت. حبيبي ربنا يخليك ليا يا رب و التفتت الى نغم و ضيقت عينيها قائلة. وانت يا سوسة فين هديتى
نغم. لا مهو انا مشتركة مع مازن في الهدية
حور.  طول عمرك جلده
نغم. والله خسارة فيكي الهدية و اخرجت علبة كبيرة من خلفها و اعطتها إياها بحب
حور وهي تضمها. قلبي طول عمرك كريمة
نظرت لها باشمئزاز قائلة.  مصلحجية حقيرة وانفجرتا في الضحك قالت حور . تعالي بقى اما اعرفك على منى
نادت على منى التى اتت سريعا . منى دي نغم صحبتي و نغم دي منى صحبتى و اختى برضو
تعرفت الفتاتان على بعضهم و كل واحدة احست براحه ناحية الاخري و جلسوا للتحدث عن حياتهم
بعد فترة احست نغم بالعطش فذهبت لكي تجلب شيئا لشربه و في طريقها اصطدمت باحدهم رفعت رأسها بغضب قائلة. ما تفتح يا اعمى
ما لبث حتى اصابها صدمة ما ان تعرفت على هويته
نغم. هو انت
حازم. هو انت ده جيتى لقضاكي
نظرت له بخوف ولكن سرعان ما اخفته . اتكلم على قدك يا عمناحازم. عمنا . ايه بتكلم مع سمكري
نغم. وماله السمكري على الاقل احسن من خلقتك
حازم بغضب . دا انت ليلتك سودة معايا اوعي تكوني فاكرة الي عملته فيا
نغم. وانا عملت ايه يعنى انا خد حقى منك
حازم. جه كسر حقك انا هوريك هم بالاقتراب منها لكنها داست على قدمه و هرولت مسرعا تركض من أمامه
حازم بالم .يا بنت …. انا هوريكي
هربت نغم سريعا تجري حتى لا يلحقها وضعت يدها على قلبها وقالت . طلع منين ده وتذكرت ما حدث لها منذ ثلاثة أسابيع
Flash back
كانت تسير في الطريق بعد ان خرجت من المتجر لشراء مستلزمات المنزل بعد ان استأذنت من جدتها للخروج ، حملت اغراضها في يد و في اليد الاخرى حلوى بنكهتها المفضلة حتى كادت ان تصدمها سيارة لولا و قوف صاحبها في اخر لحظة سقطت على الارض وتشتت اغراضها فقامت بعنف و غضب لترى من ذلك الذي تجرأ وفعل بها هذا
نغم. ايه مش شايف قدامك كلبة ماشية انا
خرج من السيارة مندفعا بغضب. فوق ما انت غلطانة كمان بتبجحي
نغم. بقولك ايه انا مش نقصالك كفاية ضيعتلي الدماغ الي كنت عاملها
حازم بصدمة. نهارك اسود انت بتحششي
نغم. بحشش ايه يا عم انا بتكلم عن المصاصة بتاعتي
وقف يطالعها بذهول في هذه الطفلة بجسد انثى تصيبه بالجنون
حازم.  طب اخفى من قدامي حالا بدل ما وريك وشي التاني
نغم. نعععم لا وريني هو انا هخاف منك مش كفاية كنت هضيع شبابي من شوية لولا ربنا ستر
حازم. اقسم بالله لو ما مشيتى لكون قاتلك يلا قالها بصراخ فانتفضت رعبا لكن سرعان ما اخفته وقد لاحظت تجمع بعض المارة عليهم قفزت بعقلها فكرة خبيثة فقالت ببكاء مصطنع
نغم. الحقوووووووني
احد الشباب.  في ايه يا انسه
نغم. الراجل ده كان بيتحرش بيا وطلب مني اروح معاه شقته
تابعها بعيون منصدمة لا يقوى على الحديث من فرط دهشته فتلك الطفلة سوف توقعه بمصيبة بعد قولها هذا
التفت له الشباب بغضب حارق يمسكون به . انت ازاي تعمل كده في بنات الناس
حازم.  انت فاهم غلط دي كدابة
نغم ببكاء . وكمان بتكدبني الله يسامحك انت معندكش اخوات بنات
لكمه احد الشباب بقوه آلمت فكه فدافع عن نفسه وحدث بينهم مشاجرة قوية ولكن بحكم قوة بنية حازم تفاداهم بمهارة و ركب سيارته مسرعا يتوعد لها بشر اذا رأها مرة اخرى
ابتسمت بخبث ورجعت الى بيتها فرحة بانتقامها منه
End flach back
فافت من ذكرياتها على صوت حور وهي تناديها فذهبت اليها مسرعة .
تابعها بأعين متوعدة لا تبشر بالخير ابدا و ابتسم بخبث وهو يفكر بأمر ما.
خفتت الاضواء فجأة وانتبه الجميع لسيلم الدمنهوري و هو يصعد على المنصة استعدادا لالقاء كلمة
سليم. طبعا احب اقول كل سنة وانتي طيبة وعقبال مليون سنة يا اجمل حفيدة في الدنيا و بشكركم لحضور المناسبة السعيدة دي بس طبعا في مناسبة تانية مهمة غير عيد الميلاد و هى خطوبة و كتب كتاب حفيدتي حور عبد الحميد الدمنهوري لابن عمها جاسر الدمنهوري
صمت رهيب عم على الجميع و كأن على رؤوسهم و الطير ولكن الصدمة الكبرى كانت من نصيبها هل قال ان جاسر سيصبح زوجها لا لا بتأكيد انها مزحة او حلم ستفيق منه منه عما قريب هيا افيقي بسرعة
كان يبتسم بخبث وهو يرى انصدامها و دهشتها من فكرة زواجهم فرجع بذاكرته الى الوراء عندما استدعاه جده في المكتب للاتفاق على تفاصيل حفلة عيد ميلادها
Flash back
جاسر باهتمام. ايه الموضوع يا جدي قلقتني
سليم . اسمعني كويس يا جاسر انت عارف اني انا مهما عشت مش هعيش لكم العمر كله
جاسر. بعد الشر عنك يا جدي ما تقلش كده
سليم.  الموت علينا حق يا بني وعشان كده انا عايز اطلب منك طلب و ياريت تنفذه و دي هتكون وصيتي ليك
جاسر بحزن. ليه بتقول كده انا مقدرش اعيش من غيرك
سليم.  بص يا جاسر انت راجل تقدر تحمي نفسك كويس من بعدي بس حور مفيش حد يحميها و يقف جنبها ف انا عايز اطمن عليها قبل ما اموت و لقيت انسب حل عشان ده انك تتجوزها
نظر له في صدمة هل ما يتمناه يحدث هل سوف يمتلكها و تكتب على اسمه اخير هل يسطيع اخذها باحضانه دون خوف ولكن سرعان ما اخمدت فرحته لعلمه بأنها تكرهه و لا تطيقه .
جاسر.  انت بتقول انا وهي مش بنطيق بعد و هي اكيد مش هتوافق
سليم.  سيب موافقتها عليا انا دلوقتي عايز قرارك انت هتحمي بنت عمك من غدر الدنيا و تنفذ وصيته ولا لا
جاسر بعد ان حسم أمره.  انا موافق
سليم. ده الي كنت متوقعه منك على العموم انا عايزك تقف جنبها لأنها اكيد مش هتقدر تتعامل مع ورثها على الاقل في الفترة دي و وقت ما تحس انها بقت قوية تقدر تطلقها و تعيش حياتك و تسبها تعيش حياتها مع الانسان الي بتتمناه قال جملته الاخيرة بمكر شديد لانه يعلم تأثيرها عليه
اشتعلت عيناه غضبا و صعدت حرارة جسده من شدة الغضب و نظر الى جده نظرة مرعبة
جاسر.  لو اتكتبت على اسمي يبقى تنسى ان ليها راجل غيري لاخر عمرها
سليم بخبث. يبقى اتفقنا كتب كتابك عليها يوم عيد ميلادها
خرج من غرفة جده و قلبه بنبض بعنف رهيب ما كان يريده سوف يكون و حوريته ستكون ملكه قريبا……
End flach back
اتجه سليم الى حور الواقفة دون حراك كأنها شلت من شدة الصدمة فاخذها من يدها و دخل بها غرفه مكتبه ليترك الجميع فى حالة ذهول تام.
يتبع..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية خطفتي قلبي للكاتبة دنيا حسن

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى