Uncategorized

رواية ممنوع في الحب الفصل الحادي عشر 11 والأخير بقلم كوكي سامح

 رواية ممنوع في الحب الفصل الحادي عشر 11 والأخير بقلم كوكي سامح

رواية ممنوع في الحب الفصل الحادي عشر 11 والأخير بقلم كوكي سامح

رواية ممنوع في الحب الفصل الحادي عشر 11 والأخير بقلم كوكي سامح

وقرب منها ابو الوفا وحضنها بقوووه
لينا.. انت بتعمل ايه يخربيتك
ايه ده يا عمو ابو الوفا بقولك ابعد عنى
وكانت بتحاول تبعد عنه بس كان أقوى منها
لينا بصرااخ.. ده انا كان زمانى مرات ابنك
حرام عليك ابعد عنى
وفجأه حس بدوخه وساب لينا وقام وقف 
ومسك دماغه وقال.. انا حاسس ان الدنيا كلها
بتلف بيه
لينا قامت من على السرير بسرعه
وبقت تبص شمال ويمين وكل إللى فى دماغها
ازاى تهرب منه وكان باب الاوضه مفتوح 
وجت تخرج سمعت صوته وهو بيقولها 
تعالى يا حب عمرى تعالى يا أولجا فاكره لما وهيب 
خدك منى غصب انا مش هسيبه 
لينا بصت وراها ورجعت وكانت رجليها 
بتخبط فى بعض والدموع نازله من عينها 
وشافته وقع من طوله على الارض 
نزلت جمبه وقعدت على ركبتها
وقربت منه ولمسته وقالت ب استغراب.. 
ماما؟؟!! 
انت تعرف ماما الله يرحمها
ابو الوفا بدموع.. انا بحبك يا اولجا ومن يوم ما
رجعتى الدنيا وانا عايش ومستنى اليوم
اللى يجمعنى بيكى
لينا.. انا مش أولجا انا بنتها يا عمو ابو الوفا
انا لينا
مد ايده ومسك ايدها وكأنه راح فى دنيا تانيه
كانت عينه فى السقف والدموع نازله منها
ومبتسم ابتسامه حزينه
وقال.. شعرك اصفر وجميل وعيونك حلوه
كنتى شبهه الشمس نورتى حياتى لما دخلتيها
عرفت الحب لما شوفتك ❤️
اتعلمت من حبك اكتب شعر 
من يوم ما شوفتك وانا حبيتك واتعلقت 
بيكى وانتى كمان 
مكنتيش بتفارقينى 
من يوم ما شوفتك وانا حبيتك من كل قلبى 
لينا.. يعنى ماما كانت خاينه لا لا لا 
انت اكيد مجنووون ولا باين عليك بتخرف 
وسابت ايده بغضب وحطت ايدها على جبهته
.. اه شكلك بتخرف فعلا ده انت سخن اوى 
_ انا تعبان اوى الحقينى حاسس بهبوط يا اولجا  وجسمى مكسر  
= وفجأه بياض عينه بقى لونه اصفر والرعشه مسكته 
وبقى يتنفض؟ 
لينا بخوف.. عمو ابو الوفا انت تعبان بجد 
طيب عندك ايه قولى 
ابو الوفا.. بحبك يا أولجا لحد ما اموت بحبك 
وغاب عن الوعى؟ 
لينا.. ده مات ولا ايه 
يا نهار اسود ومنيل على دماغى 
انا ايه اللى بيحصلى ده 
عملت ايه بس يارب علشان يحصل معايا أكده
وقامت من على الأرض وبقت تكلم نفسها
اعمل ايه يارب دلوقتى 
= وخرجت بره الاوضه وبصت على اركان الڤيلا 
اوى ولمحت باب الڤيلا وفرحت جداً
ونسيت نفسها 
وجريت عليه وحاولت تفتحه واتفتح معاها
ولما خرجت خدت الجنينه جرى لحد البوابه
الكبيره وكانت فرحانه انها هتخرج منها
ومدت ايدها وفتحت البوابه
وخرجت بره الڤيلا خالص
وكان الشارع فاضى وابتدت تكلم نفسها
وقالت.. مالك يا لينا بتفكرى فى ابو الوفا
ليه انتى مالك تعبان ولا مات ولا مامتش
وانتى مالك المهم ان ربنا نقذك من ايده
ولا فيكى ايه بالظبط عاوزه ترجعى 
بحجه تنقذيه علشان تعرفى حكايه 
امك معاه وقالت لنفسها ايوه 
عاوزه اعرف هو يعرف امى منين الراجل ده
وبصت لورا على بوابة الڤيلا ورجعت 
ودخلت تنقذ ابو الوفا…
فى شقه باسل…
محمود كان فاق من الإغماء وشاف الشقه
فاضيه وبقى يكلم نفسه
فين لينا راحت فييين دى كانت واقعه
هنا وبيشاور بإيده مكان ما كانت مغمى عليها
وبقى يفتكر كل اللى حصل
وانه شد مع باسل فى الكلام وضربه على دماغه
ووقع جمب لينا
محمود قعد على كرسى وعينه على الشقه
كلها وكل إللى تاعبه انه مش لاقى لينا
واللى مستغرب منه أن باسل وضحى
مش موجودين هما كمان!!؟
وباب الشقه كان مفتوح
وملقاش حل غير انه يكلم ضحى فالفون
ومسك الفون واتصل بيها 
فى الاول كان جرس ومحدش بيرد
واتصل تانى وردت عليييه بصرااخ
باسل عمل حادثه وانا فى المستشفى
معااه اخويا بيموت يا محمود
وقفل معاها بعد ما عرف عنوان المستشفى
وخد السلالم جرى ونزل وهو بيكلم نفسه
زى المجنون
انا لازم اروح لهم على المستشفى دلوقت
علشان اعرف لينا راحت فييين؟؟
وركب عربيته وطار على المستشفى زى المجنون
ولما وصل وشاف ضحى منهاره 
عرف منها ان حاله باسل صعبه
والخبطه كانت جاامده 
وطبعا دى كانت تانى حادثه تحصله 
محمود قرب من ضحى وابتدى يواسيها 
ويطمنها ان باسل هيكون بخير وفى وسط 
الكلام سألها 
.. فين لينا يا ضحى؟ 
_ مش وقته خالص يا محمود وكملت بصرااخ 
وانهيار
الله يلعن لينا على اللى جابو لينا 
من يوم ما دخلت حياتنا وبقت خراب 
وشاورت بإيدها وكملت كلامها 
اخويا مرمى جوه بين الحياه والموت وكله 
بسببها منها لله العقربه دى ام وش شؤم علينا 
محمود.. بقولك ايه وطى صوتك احنا فى 
مستشفى ومينفعش كده وكمل ب ارتباك 
باسل هيقوم بالسلامه وهيبقى كويس 
بس لينا اللى ملهاش حد هنا دى راحت فين 
دى بنت زيك يا ضحى لو بتعرفى مكانها 
او حاجه عنها قولى ارجوكى 
ضحى.. اه ما هى حبيبت القلب بقى وكملت
 بعصبيه وضربت بإيدها ع كتفه بس خلى بالك
يا استاذ محمود لينا مرات اخويا وع ذمته 
ماشى وعلى العموم 
انا معرفش حاجه غير أن فارس صاحب 
المصنع اللى باسل بيشتغل معاه كلمنى وقال 
انه جى لما عرف ان باسل كان عاوز يموتك 
ما انا كان لازم اقوله 
علشان ينقذك من ايده ومن بعد
المكالمه اتبهدلت منه واتخنقنا مع بعض ونزلت 
أجرى منه وكان ورايا وحصلت الحادثه دى????????
شوفت بقى ان الست لينا هى سبب المصايب 
كلهاااا..
فى الصعيد قصر وهيب…
وهيب قاعد وقلبه قايد نار ومش عارف مين اللى
وز على بناته وعيلته علشان يتخلص منهم
ويقتلهم
ومسك الفون واتصل ب جلال رئيسهم
بس كان الفون خارج نطاق الخدمه
ونزلت جليله بصراخ بعد ما البنات وعمتهم
فتنه طلعوا على اوضهم والرعب والخوف
فى قلوبهم
قربت منه وهو قاعد وقالت بحرقه
_لازم تعرف مين اللى عاوز يقتل بناتى يا وهيب بيه ولا اقولك انا 
= وهيب قاعد ومتجاهل كلامها
_ ما ترد عليه يا وهيب ولا خايف تقول
اللى قاصد يقتل بناتى هو جلال وش الشوم ده
انت لازم تقتله وتاخد حقنا منه وحق بناتك 
دى لو كانت بت اليونانيه كان زمانك قلبت الدنيا
على دمااغ الكل
= وهيب سمع سيرة لينا من هنا واتجنن على 
جليله وقرب منها ورفع ايده عليها
جليله.. شوفت بقى اول لما سمعت سيرتها
مسكتش ازاى وعاوز تمد يدك عليه
وكملت بصرااخ انا عاوزه حق بناتى انت فاهم ولا لاه
وهيب.. اسكتى يا مرى يا شوم انتى كله بسببك
كل اللى انا فيه بسببك انتى منك لله يا شيخه
جليله.. ليه يا وهيب بيه انا اللى قولت لبنتك
تمشى على حل شعرها وتجبلك العار
وهيب نزل ضرب فيها وهو بيقول
بتى اشرف بنات البلد لينا اتجوزت
انتى فاهمه ولا لاء
بنتى راحت ومعرفش عنها حاجه????
بس انتى السبب فى كل حاجه ???? انا معرفش 
عشت معاكى العمر ده كله ازاى يا شيخه 
جليله بدموع.. انا سبب فى ايه يا وهيب بيه 
وهيب قعد مكانه وقال بحزن.. 
علشان اتجوزك واملى عين ابوكى اشتغلت 
معاه فى السلاح 
علشان اقدر اعيشك كويس وبعدين تاجرت فى الأثار
وكل ده علشان تعيشى معايا 
وياريت عاجبك 
جليله.. وياريت تمر فيك معروف ابوى 
انه خلاك راجل وعايش عيشه متحلمش بيها
وفى الاخر اتجوزت عليه اليونانيه 
منك لله 
وفجأااااااه 
دخل سليم وهو بيجرى ومفزوع وبيقول 
ابوى ابوى الحكومه يا بوى 
وهيب.. حكومه 
جليله ضربت بإيدها على قلبها وقالت.. يا مصيبتى
وهيب قرب من سليم وقاله.. متخافش يا ولدى 
ولسه بيكمل كلامه 
والحكومه هجمت على القصر كله 
وهيب.. فى ايه 
الظابط.. مطلوب القبض عليك يا وهيب بيه 
وهيب.. ليه وانا عملت ايه حضرتك 
الظابط.. حضرتك متهم بتجاره سلاح وتهريب اثار
وهيب.. ههههههه انا حلوه النكته دى 
وهنا بقى دخلت ام الخييير 
اوباااااا وهيب وقف مكانه وكأنه شاف عفريت 
وقرب منها وعينه فى عينها وقال بغضب 
عملتيها يا ام الخير 
ام الخير.. انا قولت اللى يرضى ربنا 
قولتلك تبعد عنى وتسبنى فى حالى 
إنما أنت طماع وقاسى وميملاش عينك التراب 
قولتلك انا بطلت يا بيه علشان بتى اللى راحت فى عز شبابها فاكرها ولا لاه 
بتى يا وهيب بيه اللى ماتت بعد ما ضحكت 
عليه وقولتلى هتروح معانا وبس 
إنما اللى حصل كان غير أكده 
لما خادم المقبرة طلب بنت عمرها عشرين سنه 
علشان تفتحوا بيها المقبره 
وقتها انت وجلال الزفت ده منكم لله 
خدتوا بتى من حضنى 
كنت بتوسل ليكم إنما محدش فيكم رحمنى يا وهيب
وبتى راحت بعملى وذنبها متعلق فى رقبتك 
ليوم الدين بس ربنا كريم 
وخد حقى يوم ما حرمك من لينا 
مع انها ملهاش ذنب بس ربك عاوز أكده
كما تدين تدان يا وهيب 
وانهارت كملت بصراخ انا قولت على كل حاجه 
مكان السلاح والأثار وبلغت على جلال وابو الوفا
وقولت على ضربك لام لينا لحد ما ماتت ???? 
بعد ما عذبتها 
وهيب مسكها من العبايه وقال.. 
يا بنت الكلب انتى انا قولت انها مش هتعدى
على خير 
الظابط.. اتفضل معانا يا وهيب بيه 
وانت كمان يا سليم 
وهيب.. لاه ولدى مالوش يد فى حاجه 
الظابط.. متحاولش انا معايا كل الاثباتات اللى 
تدينه قدام المحكمه ابنك شريكك فى كل حاجه
يا وهيب 
جليله.. ابنى لاه يا بيه 
سليم.. متخافيش يما 
= وبعد تفتيش القصر رجال الشرطه طلعوا منه 
 آثار وسلاح 
وكمان الرجاله الملثمه اللى كانوا هيقتلوا البنات 
وبسؤالهم قدام وهيب اعترفوا 
ان جلال هو اللى حرضهم على قتل وهيب 
وولاده وعيلته كلها 
وهنا وهيب انهار داخل القصر وقال بصراخ 
انا مش لوحدى ومش هخرج من اهنيه 
الظابط.. احنا قبضنا على جلال يا وهيب 
وجارى البحث عن ابو الوفا وهيتم القبض عليه 
هو فارس كمان 
= والظابط قرب منه ومد ايده بالكلبشات 
وحطها فى ايده هو وسليم 
وخرج وهيب وابنه على صراخ جليله 
ونزلت فتنه والبنات وشافوا منظرهم وانهاروا
تماما
وركبوا البوكس على صراخ 
فتنه والبنات وجليله 
وهما بيقولوا سليم 
وكان صوت فتنه أعلى منهم وهيب أخوى 
لاه متبعدش، عنى يا أخوى 
وهيب بصلها وبص لبناته وعينه كلها دموع 
وركب البوكس 
ام الخير من فرحتها فى وهيب 
ولسه الظابط بيتكلم معاها 
مسكت قلبها ووقعت من طولها 
وهيب بص عليها بحزن 
الظابط قرب منها وقال بحزن قدام الكل.. 
دى ماتتت 
وماتت ام الخير ووهيب وابنه اتقبض عليهم 
فى مصر… 
فى فيلا ابو الوفا… 
دخلت لينا تنقذ ابو الوفا 
كان مرمى على الأرض وبيخرف بأسم اولجا 
وسخن جدا 
بقت زى المجنونه وكانت مش عارفه حاجه 
فى الفيلا ودورت على المطبخ 
وجابت مياه وحته قماشه 
اى كلام المهم كل اللى فى بالها تنقذه وبس 
وتعرف حكايه مامتها 
وفعلا دخلت عليها وقعدت جمبه وعملتله 
كمادات وابتدت السخونيه تنزل خالص
وابتدى يفوق ولما سألتها 
قالها انه مريض كبد 
وتعبان بيه من سنين ودى كريزه
بتجيله كل فتره لما يكون مضغوط نفسيا 
وملغبط فى اكله ومش بياخد علاج 
لينا بدموع.. انت تعرف امى منين 
هى امى كانت خاينه يا عمو ابو الوفا 
ابو الوفا.. اولجا ست الناس 
انا حبيتها من يوم ما وصلت مصر 
وهى كمان قبل ما تعرف وهيب 
كنا متفقين على الجواز 
بس خدتها معايا الصعيد وياريتنى 
ما خدتها لما وهيب شافها 
أعجب بيها اوى وحصل بينا مشاكل 
علشانها كتير 
وبص اوى فى عين لينا وقالها 
وهيب مش سهل ابوكى صعب ودماغه انشف
من الحجر 
وسلط عليه من لا يرحم ابوه جلال شريكنا 
كان لسه ابوه عايش وانا مكنتش بشتغل معاه 
كنت اعرفه كصاحب مش اكتر 
راجل صعب وعنده نفوذ وللأسف انا خضعت 
وخوفت وبعدت عنها للأسف بعد ما 
ما ضربنى فى شغلى وخلينى أعلنت 
افلاسى وبعدها اشتغلت معاهم غصب 
واتجوزت وهيب بعدها وعاشت سنتين معاه فى جحيم 
ضرب وذل ومهانه امك ماتت من ضربه فيها 
ماتت قبل ما تكملى سنه يا لينا 
لينا انهارت وبقت تعيط زى الأطفال 
ابو الوفا.. سامحينى يا لينا 
انا عذبتك وفارس ابنى عذبك معاه 
انا السبب فى كل ده 
لا وهيب السبب فى كل حاجه 
انا كان لازم اخد حقى منه وحق اولجا 
لينا.. علشان تاخد حقك تأذى بنت حبيبتك 
ابو الوفا..انا كنت بأذى وهيب مش انتى 
لينا.. يعنى خطوبتى من ابنك كانت لعبه
وباسل ده كمان خطه علشان تكمل اللعبه
كنتم محرضينه عليه علشان يتجوزنى بالطريقه دى واجيب العار لابوى 
ابو الوفا.. فى حاجه كمان باسل مكتبش عليكى 
الموضوع كله كان خطه انا انا انا.. 
لينا بصراخ.. حسبى الله ونعم الوكيل فيكم كلكم
ودخل فارس 
لينا قامت من مكانها وخافت منه وقالت.. فارس
فارس جرى على ابو الوفا 
وقعد جمبه وقال.. بابا البوليس بيدور عليه وعليك
يلا نهرب بسرعه بعد ما قبض على وهيب 
وجلال 
لينا.. ابوى اتقبض عليه 
يا حبيب قلبى يا ابوى 
فارس بيحاول يقوم ابو الوفا وهو مش قادر 
يقوم معااه وكانت عينه على لينا 
لينا.. البوليس قبض على ابوى ليه يا فارس
فارس.. مش وقته بس كنت عاوز اقولك انى بحبك
لينا.. هههههه بتحبنى يا فارس بيه يا ابن الاصول
يا غشاش وقربت منه ومسكته من التشيرت 
انا عرفت كل حاجة كله كان كذبه حتى جوازى 
كذبه روح منك لله 
فارس بص لابوه بحزن وقال فى سره لازم نخرج من هنا ولينا 
هتعمل وش لازم تعرف انى بحبها علشان تساعدنا
لينا ضربته بالقلم على وشه 
فارس.. بتمدى ايدك عليه يا بنت الكلب ولسه 
بيمد ايده عليها.. 
اوباااااااا 
محمود دخل ومعاه الشرطه 
والفيلا كلها كانت متحاوطه من كل مكان 
لينا شافت محمود وكأن روحها اترددت ليها
من تانى وجريت فى حضنه 
محمود ساب حضنها 
وقرب من فارس وقاله.. انت بتمد ايدك 
على اسيادك وضربه بالقلم 
وسلم فارس وابو الوفا للشرطه 
بعد تفتيش الفيلا وبعد ما الشرطه 
وجدت فيها آثار وسلاح 
وتم القبض على ابو الوفا وابنه فارس.. 
 بس فارس  وهو خارج ومقبوض عليه كان بيقول بأعلى صوته 
هم مش اسيادى وهيب وسخ وزيه زينا 
وبيشتغل معانا ماشى يا استاذ وبص وعينه فى عين لينا ماشى يا هانم 
ابوكى اوسخ خلق الله وتاجر سلاح وبيهرب اثار
لينا.. ????????????????????????????????????????????????????????????????????????????????????
= وخرجت لينا من الڤيلا مع محمود وهى منهاره 
والدموع نازله من عينها زى المطر 
محمود فتح باب العربيه وقالها تركب 
لينا بصتله اوى 
وقعدت على الرصيف 
محمود.. ايه ده انتى قعدتى كده ليه 
لينا.. انت عرفت طريقى اهنيه ازاى 
احكيلى الأول على كل حاجه 
محمود مسك ايدها بحنيه وقال.. 
متنشفيش دماغك عليه وبلاش شغل الصعايده 
والدماغ الناشفه دى انا عاوز الدماغ اليونانيه 
تحضر دلوقت ????
لينا ابتسمت وكانت بتشهق من العياط
وقالت.. انت بتهزر ????
محمود.. يلا اركبى يا بنت الناس وانا
هقولك على كل حاجه علشان الناس بتتفرج
علينا
لينا بصت شمال ويمين..
..ناس مين دول فين الناس دى
المكان مقطوع ومفهوش صريخ ابن يومين
وقامت وقفت وركبت معاه العربيه
محمود طلع بالعربيه
لينا بخوف.. انت رايح على فين
دلوقتى بقولك ايه اوعا تودينى عند اللى اسمه 
باسل ده لا جوزى ولا اعرفه الموضوع 
كله طلع كذبه 
محمود ايده على الدركسيون وبصلها وقال.. 
باسل عمل حادثه وكانت حالته مش مستقره 
ووقف بالعربيه وركن وقال بدموع 
وللأسف مات ????
مات لما الذاكره رجعتله وقال الحقيقه كلها 
لينا.. مات لا حول ولا قوة الا بالله 
والله صعب عليه رغم الضرب اللى شفته 
منه ضرب واهانه وقله ادب انا عشت معاه 
كام يوم بس عذاب 
= ومحمود ابتدى يحكلها كل اللى حصل معاه من 
وقت ما فاء من الإغماء لحد المستشفى وكمل كلامه وقال.
 لينا ربنا كان معاكى انا كنت فقدت الأمل 
من كلام ضحى ووقفت فالمستشفى ومش عارف 
اعمل ايه؟ 
كل اللى عرفته منها ان فارس كلمه وبس 
وفجأه خرج الدكتور وقال إن باسل طالب اخته ومامته وحالته صعبه 
دخلت جرى مع ضحى ولما شافنى 
عرفنى طبعا وكانت الذاكره رجعتله 
وطلب يشوف فارس
واتكلمت معاه وحكى معايا كل اللى حصل 
وعرفت منه أن يوم حنه فارس 
طلبه فى موضوع ولما اتكلم معاه قاله انهم
 موافقين على خطوبته من اخته حب عمره 
باسل فرح وطار من الفرحه ونسى دنيا خالص
ولما سأله ايه غير رأيهم بعد ما كانوا رافضين 
ساومه على جوازى منك 
جواز سورى وبسسس لانه مش بيحبك 
هو متورط فيكى لانه جواز مصلحه ولو ساعده 
هيقف فى ضهره ويتجوز اخته وكمان هيبقى 
شريك بالنص بدل مكان بيشتغل معاهم 
وللأسف صدقه وطمع بعد ما خلاه يكلمها 
وتوعده بالكذبه الكبيره انها لى وهى مستنياه 
وفعلا باسل سافر وساب خطوبته 
وساب دنيا خطيبته للفضيحه 
مكانش همه غير يتجوز حبيبته اللى رمته 
بعد ما أهلها رفضوه علشان مش من مستواهم
ولما سافر الصعيد قابل هناك جلال ورجالته 
وأكل معاهم وبعدها محسش بحاجه 
محسش غير بيكى وانتى جمبه 
وفستانك كله دم قالى وهو بيطلع فى الروح 
انا كنت حاسس انى مسلوب الاراده 
ومش عارف بعمل ايه 
انا معرفش قربت منها ولا لأ 
بس كل اللى اقدر اقولوا انا كنت متخدر 
ومش فى وعى 
وطلب منى انى اكلم دنيا تسامحه 
وانتى كمان بيطلب منك تسامحيه 
علشان الشيطان ضحك عليه ولعب بيه 
وهو بيتكلم معايا والتعب ذاد عليه 
فون ضحى رن  خرجت وراها 
وسمعتها بتقول اخويا بيموت انت عاوزه يهرب فين 
باسل عامل حادثه وتعبان اوى 
قربت منها وقولتلها تقولوا فين لينا 
علشان باسل عاوزها 
ولما سألته قال إنها معاه 
قفلت معاه وانا رجعت لباسل 
وسألته لو فارس مخبى لينا يبقى فين 
دلنى ع مكان الڤيلا دى وقالى الكارثه
ان الفيلا كلها آثار وسلاح 
وطلع أنفاسه الاخيره وهو بيقولى انا طمعت 
ومخدتش حاجه غير انى هقابل ربنا 
وهو مش راضى عنى 
إياك والطمع 
 ومات باسل ????
هنا محمود نزل دموعه وقال عارفه يا لينا 
انا حاولت اخليه يتشاهد بس معرفش 
وعيط محمود من رهبه الموت وكمل كلامه وقال.. 
ونزلت من المستشفى على قسم الشرطه
وبلغت ان فارس خطفك والفيلا كلها آثار وسلاح 
وانا بحكم شغلى كمحامى وليه أصحاب كتيره 
قدرت اتعامل وعرفت انهم مطلوب القبض عليهم 
ووصلنا احنا والشرطه فى الوقت المناسب 
ونقذتك يا لينا ومسك ايدها وباسها 
لينا بكسوف.. ايه اللى بتعملوا ده 
محمود.. حب يا لينا انا بحبك وانتى عارفه ❤️
لينا.. ارجوك يا محمود انا عاوزه اروح بلدنا 
محمود.. اعتبر ده هروب ولا رد منك انك مش عاوزانى 
لينا.. بعدين انا تعبانه واللى شوفته كتير اوى 
محمود حط ايده على الدركسيون 
وطلع بالعربيه 
لينا.. على فين؟؟ 
محمود.. على بيتى 
لينا.. لاه 
محمود.. متخافيش انا ابن ناس واعرف الأصول 
ومسك الفون وكلم مامته وقالها فى ضيفه جايه 
معاه وخلاها تكلم لينا 
وارتاحت لما كلمت مامته 
وقفل معاها وقعدوا يتكلموا مع بعض طول الطريق وعرف منها هى منين من الصعيد 
وكل التفاصيل عن عيلتها 
ولما وصلوا خدها وطلع على شقتهم 
وكانت اخته ومامته واخوه فى استقبال ضيفه 
محموووود
وقدم لهم لينا 
واستقبلوها استقبال كويس جدا 
وعملوا عشا وبعد ما أكلت 
دخلت نامت مع اخته 
وصحيت من النوم وعرفت ان محمود 
راح المستشفى مع أهل الشارع 
علشان يدفنوا باسل 
يمكن اضايقت بس عرفت انه عنده اصل 
وانسان جدع 
وبعد ما رجع طلبت منه ترجع بلدها تانى 
وكان خايف عليها اوى 
وطلب منها تقعد معاهم اسبوع يخلص شغله 
علشان يروح معاها ويقابل اهلها
بس لينا كان ليها رآى تانى 
 هودته فى الكلام
وقالت إنها هتستناه علشان يسافر معاها 
وتانى يوم اخت محمود دخلت تصحى لينا 
تفطر بس لقيتها مشيت 
محمود زعل اوى من اللى عملته فيه 
ازاى تمشى وهو مواعيدها يسافر معاها 
وكان مستغرب من أمرها… 
فى الصعيد.. 
لينا رجعت البلد ولما وصلت القصر 
دخلت وشافت ان كل حيطانه حزينه 
قابلتها چود بدموووع واحضان بعد الفراق 
فتنه.. لينا يا حبيبتى يا بنتى تعالى فى حضن 
عمتك وحضنتها 
لينا.. فى جدتى وحشتنى اوى 
فتنه الدموع نزلت من عينها وسكتت وگأن الكلام 
خلص 
نزلت جليله وقالت.. ماتت 
جدتك ماتت يا لينا 
وارتاحت قبل ما تشوف المصايب اللى حصلت 
لنا 
لينا.. جدتى ????????????????????????????
وانهارت لينا 
وقربت منها جليله ومسكت ايدها 
بتعيطى بعد ما فضحتى ابوكى 
وجبتلنا العار 
فتنه.. اسكتى يا جليله 
لينا بصراخ.. حرام عليكى بقى ارحمينى 
طول عمرك بتعاملينى غير اخواتى 
اه انا عارفة انى مش بنتك بس بردك 
فى مرت اب بتبقى حنينه وبتعامل ربنا 
فى الامانه اللى فى ايدها 
وانا كنت امانه فى يدك يا مرت ابوى 
بس للأسف معرفتش تحافظى عليها 
انتى مرت ابوى وبسسس غير أكده ملكيش عندى
حاجه انتى مش امى علشان تسألينى 
امى الله يرحمها بقى 
وعموما احب اطمنك وقربت من عمتها 
عمتى انا كويسه وكله كان لعبه
من ابو الوفا وابنه علشان ياخدوا 
من ابوى تار زمان 
فاكراه ولا لاه 
جليله.. تانى سيره الوليه دى بتعصبنى 
ياريته ما كان اتجوزها ولا خدها منه 
كان يوم اسود 
فتنه.. وهيب اتقبض عليه هو وسليم يا بنتى 
لينا.. عرفت كل حاجه 
وكملت كلامها وقالت.. عمتى انا همشى 
من اهنيه هروح دار جدتى القديم اعيش هناك 
فتنه.. وانا كمان يا بت أخوى 
خلى جليله تشبع بالقصر واللى فيه 
وخرجت لينا ومعاها فتنه على دار جدتها 
بس أخواتها البنات زعلوا جدا 
ولما راحت الدار كانت نضيفه ومفروشه وقعدوا فيها وكانوا فرحانين جدا 
بعد مرور شهر… 
وصل الصعيد محمود ولما راح القصر يسأل 
على لينا قابلته چود وقالت إنها فى دار جدتها
وراحت معاااه لحد هناااك 
لينا كانت واقفه بتسقى الزرع ومش واخده بالها 
محمود بهمس.. بحبك 
لينا بفرحه.. محمود وقربت منه وعينها فى عينه
انا كمان بحبك اوى انت متعرفش انا كتت بفكر 
فيك ازاى
محمود.. تهربى منى 
لينا.. كان لازم علشان أهلى والبلد كلها تعرف انى 
مظلومه نتيجه لعبه قذره والسبب الحب 
مع انه ممنوع فالحب كل اللى حصل ده 
محمود.. تتجوزينى 
لينا مش بترد وساكته 
محمود.. اعتبر السكوت علامه الرضا 
لينا بحزن.. انت تعرف ان ابوى مسجون واتحكم عليه بالسجن هو واخوى 
علشان بيتاجر فى السلاح وبيهرب اثار زى ما قال فارس بالظبط 
وانت محامى وليك سمعتك بردك وانا مش مناسبه ليك يا محمود 
ومشيت خطوه لقدام وبصت للزرع 
روح حب واحده شبهك تناسبك إنما أنا لاه 
محمود.. انا بحبك من اول يوم شوفتك فيه 
وعارف انك شبهى 
لينا.. مش بالكلام يا ابن الناس 
تعرف والله العظيم لو كنت اتقدمتلى من قبل 
فارس كان ابوى رفضك وقال عليك مش من 
مستوانا إنما دلوقت هيوافق ورجله فوق 
راسه علشان يستر بنته بعد الفضيحه 
وبعد سجنه 
محمود.. انتى شوفتيه 
لينا.. ايوة روحتله السجن وكلمته 
وقولتلوا على كل حاجه حصلت 
محمود قرب منها ومسك ايدها.. 
.. بقولك تتجوزينى انا بحبك ومقدرش استغنى 
عنك 
لينا.. وابوى وسجنه هو سليم 
محمود.. يا بنتى بحبك ومقدرش استغنى عنك 
لينا.. عاوز تتجوزنى يا محمود 
كلم ابوى دى الأصول 
محمود وقف متنح وخرجت عمتها فتنه 
واتعرفت عليه 
لينا.. هتكلم ابوى 
محمود.. حاضر 
وفعلا نفذ كلامها وطلب زيارته فى السجن 
وطلب ايدها للجواز ووهيب وافق 
وبعد مرور شهرين اتحكم على وهيب هو وأعوانه 
بالسجن وخدوا عقابهم بالقانون 
وفى نفس التوقيت كان محمود بيجهز شقه الزوجيه فى القاهره
بعد ما خطب لينا وكان شرطها انه ياخدها 
بفستان الفرح من الصعيد قدام اهل البلد كلها
وفى يوم الحنه كانت لينا واقفه وماسكه 
فستان الفرح ومبسوطه بجد 
ودخلت عليها عمتها فتنه وچود اختها 
فتنه.. الله اكبر عليكى زى القمر 
لينا.. كان نفسى ابوى يكون معايا 
رغم اللى عمله فى امى وكان بسببه 
كل اللى حصلى بس بردك ابوى 
چود قربت من لينا وقالت.. 
ممكن اقولك على حاجه 
لينا.. قولى يا صغنن 
چود.. امى يا لينا والله طيبه سامحيها 
علشان خاطرى 
لينا.. مرت ابوى حاضر علشان خاطرك هسامحيها
وهنا بقى الباب اتفتح ودخلت جليله والدموع
فى عينها وحضنتها 
وطلبت منها السماح 
لينا قابلتها بحب  وقعدوا اتغدوا مع بعض 
والحنانه وصلت والعروسة اتحنت 
وقضوا مع بعض احلى يوم مع بنات البلد 
علشان يودعوا العروسه 
وفى صباح يوووووم جديد 
مليان بالحب وبضحكه لينا 
حضرت فستانها وسط أخواتها البنات
وعمتها وجهزت ووصلت الميك 
ارتيست وعملت أجمل ميك اب وكانت قمر 
ولما لابست الفستان بصت بعينها 
على الدار وقالت مع انها بسيطه بس أجمل 
من القصر بكتير على الاققل كلنا بنحب بعض 
وموجودين مع بعض بالحب 
ومسكت صورة وهيب وبكت 
وحضنت فتنه وأخواتها البنات 
وجليله 
بس هنا جليلة قالت الفرح ده مش قيمتك 
يا بت الاكابر
لينا.. انا مبسوطه أكده 
جليله.. يا بنتى انا معاكى بس المفروض مكنتيش ترفضى ان عمك يعملك اكبر فرح 
ده عمك وكبير بردك 
لينا.. انا فرحانه أكده انا مش عاوزه غير انى اكون 
مبسوووطه وبس ????????????????
محمود قاعد وسط اهله مستنى أجمل عروسة ❤️
الباب خبط على لينا وكان عمها وطلب منها 
تنزل معاه يسلمها لعريسها 
ونزلت معاااه والفرحه فى عينها 
والضحكه مش مفارقه وشها 
لينا نزلت وكانت ملكه بضحكتها وجمالها 
محمود لما شافها طار من الفرحه 
جرى عليها زى الأطفال ومسك ايدها وباسها ????????????????????????????????????????????????????????
واتجمع الكل والمأذون كتب الكتاب 
وكانت فرحه لينا ومحمود 
محمود مسك ايدها ورقص معاها 
وبهمس قالها.. بحبك ????????
رددت بخجل.. وانا بموت فيك ????
وبعد الفرح ما خلص محمود كان حاجز فى فندق 
وخد لينا وكانت مبسوطه جدا 
ودخلت غرفتها فى الفندق وكانت قاعده مكسوفه 
محمود قرب منها وقعد جمبها ومسك ايدها 
وقام وقف وبيقلعها الطرحه 
الباب خبط.. 
محمود.. ايه ده مش وقته 
وراح يفتح الباب ورجع وفى ايده 
عربيه وعليها العشا وقال وهو بيضحك 
ده العشا ما احنا عرايس بقى ????????
لينا.. والله انا هموت من الجوع 
محمود.. يا شيخه ????
طيب تعالى وخدها فى حضنه 
وقعد يهزر معاها 
محمود.. هاتى بوسه 
لينا مدت ايدها عند شفايفها وبعتت بوسه فى الهوا
وفجأه النور قطع 
لينا بخوف اترمت فى حضنه وقالت.. 
انا خايفه بخاف من الضلمه 
محمود.. طول ما انا جمبك اوعى تخافى 
وخدها فى حضنه بكل حب وحنان وقضوا
أجمل ليله مع بعض ????????????????
وبعد مرور 6 شهور فى القاهره.. 
كانت الرياح تجرى بما لا تشتهى السفن 
عندما خرجت لينا من عند دكتوره النساء
وعرفت انها عندها عيب يمنعها من الحمل 
ولازم علاج 
فى الوقت ده رغم حبها ل محمود لكن
كان نفسها تخلف وتحمل زى كل بنت اتجوزت 
بس محمود كان جمبها وسندها 
وابتدت لينا تتعالج وتتعب من العلاج 
كتيير وكانت طول الوقت نايمه 
وفى يوم حلمت حلم انها لابسه بورنس 
ابيض وخارجه من الحمام والغريب فى الحلم
انها بعد ما خرجت من الحمام مسكت المصليه 
من غير وضوء وابتدت تصلى 
وبعد ما خلصت مسكت المصحف وابتدت تقرأ
قرأن وقامت من النوم وهى بتقرأ سورة يس
فى الوقت ده صحيت على خبر ان شركاء 
وهيب  قتلوهم كلهم فى السجن بعد خروج سليم 
وبراءته
حزنت جدا على مقتل ابوها وبعد سنه 
ابتدى محمود اسمه يلمع فى مهنه المحاماه 
وصيته يسمع وكان كل الوقت بيشوف بعينه 
ان لينا حزينة لعدم الخلفه 
وفى يوم كانت نايمه واتكرر معاها نفس الحلم 
قامت مخضوضه وحكت الحلم ل محمود
رد وقالها ان حماه واحد صاحبه بتعرف تفسر 
احلام انا هكلمها بس هى طلبت منه تزورها
وتسألها بنفسها وفعلا محمود استأذن وخد لينا
عندها ولما شافتها وسألتها على الحلم 
لينا قالته بالنص ورددت عليها بالتفسير 
وكانت اول كلمه قالتها انتى مش بتصلى يا 
بنتى رددت بخجل وقالت انا مش بصلى 
قالت لها قربى من ربنا وصلى واقرئى قرأن 
واستغفرى رددت لينا وقالت انا عاوزه اعرف البورنس معناه ايه
رددت عليها بالتفسير وقالت ربنا هيكرمك
ب ولد وياريت تسميه ياسين لان الحلم فيه
بشرى ليكى ❤️
هنا بقى لينا فرحت جدا وابتدت تواظب 
على الصلاه وقراءة القرآن والاستغفار 
وكانت كل يوم تزود فى العبادات وقربت
من الله عز وجل وابتدت نفسيتها تهدى 
وكانت ب بتاخد العلاج بانتظام 
مع قربها من الله عز وجل والتزامها بالعلاج 
وعدم اليأس وثقه فى الله
بعد مرور سنتين… 
لينا واقفه فالمطبخ بتعمل غدا 
محمود رجع من مكتبه والفرحه مش سيعاه 
فتح باب الشقه وبأعلى صوته 
لينااااا لينااااااا????
خرجت وفى ايدها معلقه 
حبيبى انت وصلت الحمد لله انا خلصت الغدا 
محمود.. فى خبر حلو وهيفرحك اوى 
لينا.. خير يا حبيبى 
محمود.. انا جاتلى فرصه اسافر وانتى معايا 
عقد 4 سنين فى شركه كبيره 
وبمرتب مكناش نحلم بيه 
لينا.. ليه يا حبيبى نتغرب ما شاء الله 
انت هنا شغلك كويس واسمك اتعرف 
محمود.. وعلشان أسمى اتعرف الشغل
ده جالى وفرصه كويسه نفسى مضيعهاش
ايه رأيك وكمان ممكن تكشفى هناك 
افضل من هنا بكتير 
لينا.. والله هنا ولا هناك واحد 
المهم النوايا والقرب من ربنا والحمد لله 
ربنا جبرنا 
محمود واقف متنح مش فاهم تقصد ايه! 
رد وقالها انتى كويسه 
لينا.. انا زى الفل وكملت كلامها 
بصوت عالى .. بس مش هينفع تسافر دلوقتى 
محمود.. ليه ما انا مش هسيبك 
لينا مسكت بطنها وقربت منه وقالت.. 
انا حامل 
محمود.. حامل اخيرا حصل 
وشالها وبقى بيلف بيها الشقه كلها 
لينا.. يا ابنى استنى مش قادره اتنفس 
ووقف وخدها فى حضنه.. 
مبروك يا حبيبتى ????❤️
لينا.. فرحان بجد 
محمود.. انا طاير من الفرحه 
وكانت أجمل خبر سمعه محمود من لينا.. 
وبعد مرور شهور لينا وضعت ولد وسميته ياسين 
???? ???? ???? ???? ???? 
وفى يوم سبوع ياسين والكل متجمع 
محمود طلب ايد چود لأخوه ايمن 
بعد ما عرف ان فى ما بينهم إعجاب ❤️
ولما كلم لينا رحبت ووافقت بسرعه 
لأنها ملاحظه قصة الحب اللى ما بينهم 
قامت لينا وجمعت كل العيله 
وأيمن وچود 
وقربت من جليله مرات ابوها وقالت.. 
ماما ايمن عاوز يخطب چود 
جليله.. هو انا ليه رأيى يا اختى 
المهم العروسه وبصت لچود 
وقالت بضحكه طالعه من القلب 
البت خدودها احمرت ومبتكلمش والسكوت 
علامه الرضا يعنى موافقه ????❤️
لينا.. يبقى على بركه الله 
يلا نقرأ الفاتحه ????????
وزغدت بإيدها چود وقالت.. ما تقرى معانا فاتحتك
يا عروسه ولا ايه ????????
چود بخجل.. حاضر ❤️????
وبعد ما قروا الفاتحة وكلهم فرحانين 
لينا دخلت البلكونه ووقفت فيها
وبصت اوى لسماء واتنهدت تنهيده فرحه 
دخل محمود عليها ومسك وسطها 
.. سايبه الناس كلها بره وواقفه فالبلكونه 
لينا.. شوفت يا محمود ربنا بجد كبير اوى 
كنت فين وبقيت فين 
فى يوم كنت هتجوز فارس علشان أمشى من 
القصر الطويل العريض وابعد عن مرات بابا 
انا فاكره اليوم ده كويس بابا الله يرحمه 
ويسامحه لما شافنى فرحانه بالجواز من فارس 
اليوم ده كانت مشغله سوره يس بابا سمعها
ودعا ليه من قلبه وقال بحق سوره يس 
اجبر خاطر بنتى بالسعاده والهنا وراحه البال 
وقال قولوا امييين ????
انا وعمتى فتنه قولنا امين امنا على دعوته ليه 
يمكن مكانش صالح يا محمود بس اب ودعا لبنته 
من قلبه لانه كان عارف ان الطريق اللى اختارته 
غلط من الاول 
ربنا سمع دعوته واستجابها وبصت لمحمود 
واترمت فى حضنه وقالت.. 
انت السعاده والهنا وراحه البال يا محمود 
محمود.. ربنا يخليكى ليه 
لينا.. ويباركلى فيك يا ابن القلب من جوه 
ويبارك فى ضى العين ياسين ????
وكان يوم سبوع ياسين بدايه لحياه جديده 
كلها حب ونهايه قصتنا 
وانتهت قصتنا بفرحه ابطالها????
لقراءة باقي فصول الرواية : اضغط هنا
نرشح لك أيضاً رواية امرأة بطعم الوجع للكاتبة أماني عنان

‫17 تعليقات

اترك رداً على Abir alsnih إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى