رواية المؤامرة الحلقة الثانية عشر 12 بقلم منة محسن

امينه بترقص لفريد وهو قاعد حاطت رجل على رجل وماسك الكاس فى ايد والسيجاره فى الايد التانيه.

امينه وبعد ماخلصت رقص هو قام وحط أيده على وسطها وبداء يرقص معاها.

فريد بيبوس رقبتها وهى غمضت عيونها وبعدت شويه عنه .

فريد بصلها ورفع حواجبه:نعم!

امينه:اا..انا كنت عايزه اكلمك فى موضوع مهم..

فريد شدها من وسطها :مفيش بينا مواضيع مهمه.

جى يبوسها حطت صباعها على شفايفه:لا فيه…كريم.

فريد باصصلها :ماله!

امينه:كريم هو مش أعلى منك لا فى مباديئ .

ولا حتى فى شغله..هو بس بيسحر عيون اللى قدامه عشان يثف فيه وده كل اللى بيعمله..انت اللى المفروض تكون الملك هنا..

فريد باصصلها وضحك :وانتى يهمك فى ايه اكون الملك ولا الأمير حتى؟!

امينه:هامى انى عايزه اهد لكريم كل اللى عمله وازله احنا مصلحتنا واحده انت عايز تبقى مكانه وانا عيزاك تبقى مكانه.

فريد باصصلها وميل راسه بأستغراب وهو بيحاول يفهم قصدها:وهو انتى عندك عداوه مع كريم؟

امينه بصتله وحطت أيدها على بطنها:هو ابنه.

فريد بص لبطنها وبصلها وملامحه اتغيرت..

امينه:انا مستعده ماخدش منك جنيه..بس هاتلى حقى منه وساعدنى فى انتقامى..انت الشخص الوحيد اللى شيفاه راجل ويقدر يقف قدام كريم بجبروته..وجايه عشمانه فيك..هتكسفنى ؟

فريد باصصلها وبيفكر:لو وافقت…انتى طالبه منى ايه؟

امينه ابتسمت وحطت أيدها على دراعه:اعمل اللى انت عايزه المهم تجبلى حقى منه ..انا هحكيلك كل حاجه وكمان هقولك على اللى فى دماغى وانت اللى فى ايدك الباقى.

بعد ماحكيتله على علاقتها بكريم..

امينه بدموع بتنزل على خدودها:انا مطلبتش منه اكتر من أنه يعيش معايا ونربى ابننا سوى ..بس هو طلع انانى وموافقش لايعترف بجوازنا..ولا بأبننا حتى..انا كنت هفضحه وهودى لعيلته ورقه الطلاق بس خوفت لايحاول يخلص منى تانى وقتها الطفل ممكن يموت ولو الطفل مات مش هيبقى فى دليل على علاقتنا لانه اكيد لو حس أنى هأزيه هيدور على الورقه اللى معايا لحد مياخدها.

فريد باصصلها وبيسمعها :امم… امسحى دموعك انتى مش مظلومه…تعرفى انا هوافق..مش عشان اجيبلك حقك ولا عشان هاممنى ابنك ولا اى حاجه انا هساعدك عشان فى طار قديم بينى وبينه ويمكن ده الوقت المناسب اخده.

امينه بصتله بأستغراب:طار ايه؟؟

فريد بصلها وأبتسم بغموض:ومش وقته تعرفى..ويلا.

فريد بعد وشالها

امينه مسكت فى دراعه وبصتله:بس انت مقولتليش هتعمل ايه مع كريم؟

فريد:بعدين ..دلوقت انا عايز اتمتع .

للكاتبه/منه محسن [Milly]

روسندا وكرم دخلوا البيت.

هبه بصتلهم وبعدت نظرها عن كرم بضيق.

كرم:اسف لو أخرت عليكوا .

فريده بلهجه صعيديه:احنا ماشيين دلوقت لأن عمك جمال رجع من الصلاه.

روسندا بدلع:كرووم انا هدخل اخد شاور عيزاك ثوانى.

هبه بصتلها هى وخديجه وبرقو.

رحيم حط أيده على جبينه وبيكتم ضحكته.

كرم بصله وضربه على رأسه وهو ضحك:انا اتكلمت

خديجه:انتى هتاخدى شاور عيزاه فى ايه!

روسندا بصتلها:اكيد مش عشان يحمينى يعنى عيزاه فى موضوع.

رحيم:جات تكحلها عمتها.

كرم:اا..حاضر..اتفضلى خودى شاور وبعدها نتكلم.

هبه بصتله وباين على ملامحها الغضب:هو مش انت كنت لسه معاها ؟!!

كرم بصلها والكل بصولها كان سهل عليهم يفهموا غيرتها ومضايقتها من روسندا..فى الوقت ده روسندا جالها اتصال وهى ردت:Hay شاهى.

شاهيناز: روسندا افتحى قناه الاخبار 

دلوقت وبسرعه .

روسندا بأستغراب:أنهى قناه اخبار وليه ؟!!

شاهيناز:افتحى بس قناه ٭٭٭٭٭٭ وانتى هتعرفى.

روسندا:طيب هكلمك تانى.

وتقفل الخط.

روسندا بصت لكرم:ممكن تجيب قناه ٭٭٭٭.

كرم هز رأسه بإيجاب بعد ماجاب القناه.

المزيعه:نقاطع هذا الحدث بخبر عاجل يظهر لكم على الشاشه الان..لقد جاء لنا خبر عن رجل الأعمال الكبير عزام الاسيوطى وروسندا من المعروف لنا أنها ابنته ولكن على حسب ماقام رجل الأعمال عادل بيه الجوهرى بنشره على حسابه الخاص أنها ليست ابنته بل هو زوج أمها وادعت بأنها ابنته للحصول على الشهره فقط ولكن يبقى السوأل هنا ماسبب سكوت عزام بيه الاسيوطى على هذا الأمر وايضآ بأنه أعلن مساعدتها له فى شركاته..ويبقى السوأل الاهم ..من هو والد روسندا الحقيقى وماسبب ادعائاتهم الكاذبه بأنها ابنته هو هل هو الشهره ام هناك غرض اخر؟..نعرض لكم بعض المقاطع عن اسئله الصحافه لعزام بيه الاسيوطى.

روسندا باصه للتليفزيون وعيونها اتملكها الغضب والضيق فى نفس الوقت وده اللى كرم لاحظه.

فريده بصت للتليفزيون وكان الكل بيسئل نفس السوأل:انتى..مش بنت عزام بيه؟!!

روسندا بصتلها عيونها كانت حمره من كتر حبس الدموع والغضب اللى حاسه بيه.

الصحافيين بيسئلوا عزام عن نفس الاسئله اللى قالتها المزيعه .

عزام:ممكن كفايه مفيش اى حاجه من اللى بتقولوه ده صح روسندا بنتى ولولا كده انا مكنتش مسكتها شركاتى ولا كنت هبقى عايزها تشتغل معايا وياريت بقى كفايه كلام واشاعات ملهاش اى لازمه .

المزيع:بس يا عزام بيه الاخبار دى اتأكدت بشهاده ميلاد روسندا هانم واللى عرض الاخبار دى عرض كمان كل حاجه عن حياه روسندا هانم معاده اسمها بالكامل ازاى دى اشاعات وتاريخ ميلادها ميتوافقش مع تاريخ جوازك من الراحله سهى هانم .

روسندا خادت تليفونها ودخلت الاوضه كرم جى يروح وراها هبه مسكت دراعه وهو بصلها.

هبه وبلهجه صعيديه:اا..عيزاك..ثوانى 

راح معاها للبلاكونه وهى اتكلمت وبتتجاهل تبص فى عيونه وبلهجه صعيديه:انا مش قصدى اخنقك بس..احنا دلوقت متجوزين و..مش من حقك تلمس بنت تانيه.

كرم بصلها وهى بصتله وباين على ملامحها الضيق:البنت دى..انت بتحبها؟

كرم لسه باصصلها اتنهد بعمف وبعد نظره عنها وهو حاطت ايده على جبينه:وهو انا لو كنت بحبها كنت هتجوزك انتى ليه؟

هبه بصتله وبتتكلم بهدوء وبلهجه صعيديه:ماعرفش بقى بس تصرفاتك معاها واهتمامك بيها..

كرم قاطعها:وقسمآ بالله انا مابحبهاش انا مابحبش حد غيرك واى تصرف بتصرفه معاها ف ده عشان هيا ماتعرفش حد هنا غيرى ولما حضنتنى فى الاوضه هى كانت بتعيط انا مكنتش عارف اتصرف ازاى يعنى ايه اللى المفروض اعمله وهى عيشتها كلها كده..وبعدين انتى المفروض تكونى واثفه فيا اكتر من كده.

هبه:انا واثقه فيك بس معرفهاش هى..ولما اشوفك قريب منها واحنا مبنقعدش ساعه مع بعض دى حاجه تضايقنى ولا لا؟

كرم بصلها وكأنه بيراجع نفسه وافكاره هو غلطان؟

روسندا اتصلت يعادل بغل ومش قادره تتحكم فى أنفاسها اللى بتتسارع بسبب غضبها والدموع المحبوسه فى عيونها..

روسندا زعقت فى عادل اول مافتح الخط وقبل ماينطق حرف واحد.

روسندا:ايه اللى انت عملته ده يا بنى ادم يا مريض..

عادل بزعيق:انتى قليله الادب ومشوفتيش تربيه متصله بيه عشان تقلى ادبك؟

روسندا:والله ده شويه على اللى انت عملته عشان بس عرفت انى هشارك عزام فى شغله ازااى لا انا افضح أنها مش بنته عشان يتضرب ومنها بردو تبقى العين عليا انا وكذبه زى دى تهد عزام وتمحى روسندا..تفكير سليم بس وقسمآ بالله ماهرحمك وهتشوف اسود ايام حياتك على أيدى.

عادل:ايه التخلف والهبل اللى بتقوليه ده !..انا معملتش اى حاجه من اللى بتقولى عليها ومش فاهم ايه اللى بتقوله ده.

روسندا:افتح قناه الاخبار وانت هتفهم ماهو هتتفرج على اخبار ليه صح اكيد بتتفرج على حاجات وسخه زيك.

عادل قفل الخط وهى بصت للتليفون ورمته على السرير بعنف 

روسندا بترجع شعرها بضيق وبتحاول تهدى نفسها.

بعد ماخرجت من الاوضه كم بصلها وراحلها لما لقى شكلها مضايق.

روسندابصتله:انا كلمت عادل هو انكر اللى عمله والخبر منشور من ايميله اصلا..

كرم: مايتهيقليش أن عادل بيه هو اللى عمل كده.

روسندا بصتله وكشرت وميلت راسها بتعجب:انت بتدافع عنه والخبر منشور من حسابه هو..

كرم:انا مبدافعش عنه ولا حاجه..انا بس ببص للموضوع من جهه العقل ..واللى احتمال كبير يكون السبب فى نشر الخبر ده هو نفسه اللى عاوز يقتلك ..هو طالب تدمير اسمك وحياتك مش اكتر..وأكبر دليل على كده أنه مذكرش اسم عيلتك ولا حتى اسم باباكى يعنى اللى عمل كده مش غرضه يعرف الناس مين ابوكى الحقيقى ..غرضه بس أن اسمك مايرطبتش بأسم عزام بيه ويحصل زى ماحصل كده الناس بتسئل عن سبب كذبكوا عليهم..وحاجه زى دى هتقلل جدا من مكانه عزام بيه ومكانتك انتى كمان.

روسندا بصاله واقتنعت جدا بكلامه بس بردو السؤال اللى فى بالها لو مكنش عادل اللى ناشر الخبر ازاى الخبر اتنشر من ايميله هو …ويبقى اللغز واللى بيدور فى بال الكل ..مين اللى بيكره روسندا للدرجه وعايز يخلص منها وماذال بيحاول..

للكاتبه/منه محسن [Milly]

عايده:انتى عملتى فينا معروف تشكرى عليه وده مبلغ بسيط لولاكى مكنتش الخطه كملت.

سمر أبتسمت وخادت المبلغ:طالما الموضوع متعلق بحياه روسندا..ف انا فى الخدمه..

انجى بصتلها:انتى اكيد مش هتقولى حاجه يعنى ولا كأن حاجه حصلت.

سمر:ماتقلقيش يا قمر …سيرتكوا مش هتيجى فى حاجه ..يلا باى

عايده ابتسمت بمجامله :مع الف سلامه.

سمر مشيت وانجى اتنهدت براحه وبصت لعايده:معرفش ليه مش مرتاحه للست دى..يعنى اللى يخليها تاخد مبلغ عشان تخدمنا ..يخليها تاخد مبلغ تانى عشان تكشفنا.

عايده: مستحيل..انتى ناسيه أنها مبتحبش روسندا ومصلحتنا واحده..بس خلاص دى كانت أول واخر حاجه نطلبها منها احنا مش لازم نأمن اى حد مهما كان على اى سر بينا..اول خطوه فى تدمير روسندا تمت وبكل نجاح وحصل زى مارتبنا..وتبقى الخطوه التانيه بعد رجوعهم من الصعيد..

فى فله عادل وبعد ماسمر دخلت الفله.

عادل بزعيق:ازاى المعلومات دى منشوره من ايميلى انا !..انا مش فاهم مين اللى دخل على ايميلى ونشر الحاجات دى!؟؟

سمر حطت أيدها على كتفه وحضنته من ضهره:انا اللى نشرتها معصب نفسك ليه؟!

عادل بعد أيدها عن كتفه ووقف وبصلها بغضب وضيق:وليه تعملى كده؟؟!

سمر:ايه هى مش دى الحقيقه؟!

عادل بصلها بصدمه وأستغراب:وهو انتى مين اداكى الاذن تعملى كده احنا مصدقنا بعدت عننا وزى مابيقولوا ابعد عن الشر وغنيله بس انتى بأللى عملتيه ده كأنك بتقوليلها ارجعى اقرفينا .

سمر:حبيبى ممكن تهدا انت كنت لازم تعمل كده من البدايه وتفوق اللى اسمه عزام من أحلامه ..هو بيحلم ويخطط على حسابك انت ..كنت لازم انت اللى توقفهم عند حدهم وتكشف الحقيقه للكل.

عادل حط ايدك على راسه بضيق وبزعيق:انا لو كنت عايز اعمل كده كنت عملت من زمان انا مش عايز اى احتكاك بيها ولا بعزام …انا مش فاهم ليه بتاخدى قرارات من دماغك وكمان خاصه بحياتى انا ليه بتتصرفى من دماغك انا مش فاهم..

ويدخل اوضته ويرزع الباب وراه بعنف

سمر بصت لأوضته وبعدت نظرها عن الاوضه بسخريه :جبان…بس مش مهم على الأقل طلعت كسبانه بحاجتين..اول حاجه انى كشفت حقيقه المتفرعنه روسندا البحيرى..وتانى حاجه طلعت منهم بمبلغ حلو.

وتبتسم بخبث.

للكاتبه/منه محسن [Milly]

كريم قاعد فى مكتبه باصص قدامه بسرحان وبيفكر فى كلام محمود ليه.

وائل (سكرتيره) خبط على باب مكتبه ودخل.

كريم بصله بأنتباه.

وائل:كريم بيه فريد بيه عايز يقابل حضرتك .

كريم بصله بأستغراب:فريد مين؟!

فريد زاء البال ودخل :معقول يا كيمو معقول تنسى حبايبك ..اخس لا حقيقى اخس.

كريم باصصله ومستغرب من وجوده هنا .

فريد بص لوائل وشاورله بعيونه على الباب:سيبنا لوحدنا.

وائل بص لكريم وهو هز رأسه بإيجاب وخرج من المكتب.

فريد قعد قدام كريم على المكتب وبصله بأبتسامه:ليك واحشه والله.

كريم باصصله :ايه اللى جابك ؟..احنا مفيش معرفه بينا عشان تقول وحشتك ولا ماوحشتكش .

فريد بصله:ازاااى ازااى بقى واحنا واكلين فى طبق واحد …ايه هو المال الحرام بينسى العشره؟؟؟!

كريم بغضب:المال الحرام اللى بتتكلم عليه ده انت اساسه ويلا أخرج من هنا انا معنديش استعداد اضيع دقيقه فى كلام ملوش لازمه معاك .

فريد:انت زعلت ولا ايه!..متبقاش عيل كده..فاكر ياكيمو ليلى؟

كريم بصله وبان على ملامحه علامات التوتر وبأنكار:اا..انت بتتكلم عن ايه؟!.. ليلى مين!!

فريد ضحك:يا جدع قول كلام غير كده ..هى دى تتنسى بردو؟..طب مش هزعلك..تعالى نفتكر سوى..

Flash back

فريد :ليلى انا بحبك ووجودك مع كريم مش صح كريم بيلعب بيكى وبمشاعرك انتى هتندمى ندم عمرك لو استمريتى فى علاقتك معاه.

ليلى بأنزعاج وضيق:ممكن كفايه بقى الكل عارف انك بتغير من كريم واكيد انا مش هسيبه عشان كلامك اللى ملوش اى لازمه…وياريت تعرف انك مهما عملت مش هبعد عنه.

وتسيبه وتمشى.

فريد رفع شعره بضيق واتنهد بعمق.

_ليلى مسكت ايد كريم وحطتها على بطنها وابتسمت بخفه وبلطف:كريم …انا حامل.

كريم بصلها بصدمه وبص لبطنها:اا..انتى ..بتقولى ايه؟!

ليلى حطت أيدها على وشه وخليته يبصلها وايدها متلجه من الخوف وبتقطع فى الكلام بسبب توترها وخوفها :زى ماسمعت ..انا حامل..ااا..انا ..مقولتش لحد و..انت كنت اول واحد يعرف..يعنى احنا بنحب بعض و …مجاتش الفرصه تطلب منى الجواز ..انت هتتجوزنى صح؟

كريم بصلها وملك وشها بين أيده:أهدى …أهدى امم..

ليلى بصتله والدموع بتنزل من عيونها ..هزت راسها بإيجاب ومسكت أيده:انا خايفه يا كريم..لو اهلى رجعوا من السفر و..عرفوا هما هيقتلونى انا..خايفه.

كريم حضنها وغمض عيونه وبيحاول يهديها:أهدى يا ليلى أهدى يا روحى..كل حاجه هتبقى تمام ..أهدى..

بعد ومسك أيدها حط فيها فلوس:خدى.

ليلى بصت للفلوس وبصتله:ايه دول؟؟!

كريم:خدى دول وروحى اعملى عمليه اجهاض .

ليلى بصتله بصدمه والدموع نزلت من عيونها اكتر:اا..اجهاض؟!!

عيطت اكتر وخوفها زاد

كريم بيمسحلها دموعها وبيحاول يهديها:ليلى أهدى ياروحي ملوش لازمه الخوف ده كله انتى هتعملى عمليه اجهاض بسيطه وقبل مأهلك يعرفوا ولما يرجعوا من السفر..وقتها نبقى نشوف موضوع الجواز ده…لأن اهلك مستحيل يقبلوا بيا وانتى حامل والموضوع هيكبر ..صح يا روحى؟

ليلى بصاله وبتعيط:طيب..انا هعمل اللى تشوفه..بس..انت هتبقى معايا صح؟

كريم ابتسم وحط أيده على وشها:انا مش هسيبك ولا لحظه واحده …وهفضل معاكى لحد ماتعدى العمليه كمان.

ليلى هزت راسها بإيجاب وعياط.

Back

فريد:والمسكينه عملت العمليه..مكنتش تعرف ايه مستنيها .

Flash back

الدكتوره خرجت برا اوضه ليلى .

فريد راحلها

الدكتور بصتله بأسف :انت جوزها؟

فريد بصلها وهز رأسه بإيجاب:اا..ايوه..هى كويسه؟

الدكتوره بأسف:للاسف هى توفت اثناء العمليه.

Back

فريد بصله بغضب وأستحقار:الجزء الحلو بقى يا كيمو..أن ليلى مماتتش بسبب العمليه..لاا ..اللى اكتشفوه واللى انا كنت شاكك فيه من الاول أنها ماتت متسممه ..اكيد انت اول واحد عارف كده.

كريم بيتجاهل يبصله :انت بتفتح ليه فى صفحات اتقطعت واترمت كمان.

فريد:هى اتقطعت اه..بس اترمت فى مخى ..تعرف أهل ليلى عملوا ايه لما عرفوا أنها ماتت؟..اهل ليلى كانوا مسافرين ومضطرين يسيبوها لوحدها عشان لقمه العيش..وبكل بساطه تضحك على بنت مسكينه أقنعها تقيم علاقه قذره معاك وبحكم انك بتحبها انك هتتجوزها …يا خربيت جبروتك يا اخى.

كريم بعصبيه بيحاول يخفى بيها توتره وأرتباكه من كلام فريد واللى بيعرفه بيه انه منساش وبيفكرو بأللى عمله:اطلع برا 

فريد:انت اضايقت؟..هى فعلا حاجه تضايق ..بس يا ترى ..توبت..ولا لسه؟

كريم:دى حاجه ماتخصكش ويلا اطلع برا والا هناديلك الأمن يطردوك

فريد ضحك :كان المفروض تخاف على سرك يا كيمو…بس أنا الفضول هيقتلنى يعنى انت علاقتك ايه بأمينه؟

كريم بصله وغضبه زاد حس أنه بيستغل ضعفه.

كريم وقف وبصوت عالى:يا أمن…

الامن دخلوا .

كريم:خرجوه برا حالا..

الامن اتقدموا جوم يمسكوا فريد بس هو بعد ايدهم وبص لكريم:انت كده بتغلط يا كيمو..بس مسير العيل يكبر..انا همشى بس قبل مامشى هقولك كلمتين …انت هيتخلص فيك طارين..طار ليلى ..وطار…(ويضحك) ههههه…الطفل اللى فى بطن …ولا بلاش انت عارف بقى..

ويبص للأمن ويمشى.

كريم باصصله وهو ماشى وعقله كان هيطير من مكانه…امينه حاكتله!..فى باله مليون سؤال وخوفه كل مره بيزيد وبيحس أن الخطر بيقرب منه ..كلام فريد كان كفيل يرعبه ويأكدله أن نهايته قربت ..بس كان كل اللى بيفكر فيه هو أنه مش هيسيب امينه عايشه..

كريم قعد على المكتب ومسك تليفونه بتسرع .

واحد من الأمن:كريم بيه نخرج؟

كريم شاورلهم بأيده يمشوا :الو …بقولك ايه خود الرجاله وروحوا جبولى خبر امينه انا عايزكوا تنفوها من على وش الأرض…حتى جثتها تحرقوها تعملوا فيها اى حاجه بس مش عايز يكونلها اثر … 

للكاتبه/منه محسن [Milly]

هانى فى فلته قاعد على الكنبه ومرجع ضهره لآخر الكنبه وقاعد براحه…ماسك الكاس فى أيده وبيتفرج على التليفزيون.

مرتضى خبط على باب فلته والخدامه راحت فتحت.

مرتضى:هانى هنا ؟

الخدامه :ايوه اقوله مين؟

مرتضى:مفيش داعى تقوليله حاجه انا زى اخوه.

دخل وهى قفلت الباب وهو راح لمكان وجود هانى :ايه الاخبار معاك يا بطل.

هانى بصله واتعدل فى قعدته:تعالى اقعد.

مرتضى قعد قدامه وبص لازايز الخمره الفاضيه والموجوده على التربيزه:ده احنا بقينا فى العالى اوى..بس مش خساره فيك جايبلك النهارده عمليه هتعليك لأعلى سما.

هانى بصله:عمليه ايه؟

مرتضى:تهريب ..بس مش مخدرات..اسلحه..

هانى بصله بتفكير:هاخد فيها فى حدود كام؟

مرتضى:مش اقل من مليون …بقولك هتعليك لأعلى سما…

هانى باصصله بتفكير:طيب..دى هتكون اخر عمليه هعملها .

مرتضى:على راحتك يا بطل..التسليم هيكون بعد تلت ايام فى ٭٭٭٭٭ انت اللى هتروح تسلمهم البضاعه مع كام واحد من رجالتى.

هانى:وليه ماتروحش معانا؟؟!

مرتضى:ايه يا هانى منت عارف انى القائد وماينفعش اعرض حياتى للخطر وإلا لو حصلى حاجه العمليات كلها بتبوظ ..أما انتوا بتاخدوا حق تعريض حياتكوا للخطر.

هانى:يبقى اخد النص نص اللى هيطلع من العمليه.

مرتضى ضحك: ده احنا بقينا نبص فى العالى اوى..

هانى:هو كده ..النص والا مفيش عمليه.

مرتضى بصله بتفكير وهز رأسه بإيجاب:تعدى بس العمليه ونبقى نتفاهم …انت بتتكلم مع حبيبك..هو احنا غربا عن بعض؟..وبعدين الطمع آخرته وحشه يا هانى.

هانى:بقولك ايه متوجعش دماغ اهلى موافق ولا لا؟

مرتضى باصصله بلؤم وتفكير:موافق …اهو خلينى ابسطك شويه..يلا اشوفك يوم العمليه.

هانى رجع لقعدته تانى ومسك الكاس:سلام .

للكاتبه/منه محسن [Milly]

رجاله كريم بيرزعوا على باب بيت امينه ولما مفتحتش كسروا الباب وهما ماسكين السكاكين والسنج..قلبوا الشقه وبهدلوها على الاخر لكنهم مالقوهاش .

………اتصل بكريم:الو ..هى مش موجوده فى البيت احنا قلبنا البيت كله وبردو ملقنهاش ولا هى ولا الورقه والواضح كده أنها عزلت من البيت أو راحت قعدت فى مكان تانى لان الدولاب فاضى والتسريحه فاضيه يعنى اكيد هى قاعده فى مكان آمن.

كريم بص قدامه بغضب وتفكير:اتصرفوا اقلبولى الدنيا عليها ..انتوا لازم تلاقوها وتخلصونى منها فاهمين؟

………:هنعمل اللى نقدر عليه ونبلغك بالنتيجه..

كريم قفل الخط بضيق وتفكير جى ف باله فريد والكلام اللى كان بيقولهولو وازاى كان بيمهد لموضوعه هو وأمينه.

كريم:فريد الكلب..

فى الليل

روسندا قاعده جانب كرم وبيحكيلها عن حياته لما كان صغير.

كرم:بابا لما مات كانت حالتنا الماديه والنفسيه بايظه خالص…وعلى اد ماكنا تعبانين وحالتنا عدت الفقر..بس وقفنا على رجلينا عارفه ليه؟..لانه من واحنا صغيرين ربانا على الرجوله..والتحمل..حتى خديجه اللى المفروض تنكسر بعد موت ابوها..هى كمان كانت بتساعدنا تتخطى الازمه اللى حصلتلنا..ومن وقتها وانا شايل البيت اخ وصديق واب لخديجه ولرحيم كمان..بحاول املى مكان عارف أنه كبير ومبيتمليش ولا بأى طريقه..بس على الاقل بيحسوا بالأمان وبالحنان فى وجودى معاهم.

روسندا بصاله وعيونها دمعت بسبب كميه الحزن اللى ف صوته ..سانده خدها على أيدها ومميله راسها .

كرم أبتسم بخفه وبيحاول يرجع لطبيعته ويخرج من الجو الحزين .

كرم بعد نظره عنها لما حس أنه هيضعف ولأن مش من السهل يفتكر حنيه ماتت من سنين وعيونه مايبنش عليها الحزن:بس ده كل حاجه عن حياتى …وايه كان سبب شغلى عند عزام بيه.

روسندا مسحت دموعها ومسكت أيده وكأنها بتصبره .

كرم بصلها وأبتسم وقرب مسحلها دموعها:يااا ده روسندا هانم طلعت حساسه أوى.

روسندا بعدت نظرها عنه ومسحت دموعها :اتريق ماهو ده بسببك اصلا .

كرم أبتسم وحب يفك الجو بصلها وميل راسه بتعجب:دى دموع ولا جواهر؟

روسندا ابتسمت وبصتله :انت بارع فى اخفاء حزنك.

كرم بصلها وأبتسم:امم..ودى حاجه حلوه ولا وحشه؟!

روسندا:يعنى…احيانآ واحيانآ ..احيانآ بيبقى اخفاء حزنك سعاده للى قدامك لو كان بيحزن مجرد مايشوف ف عنيك الحزن..واحيانآ بيكون أسواء حاجه ممكن تعملها..لانه بيأثر فى نفسيتك اكتر.

كرم بصلها:وانتى بقى..بتعرفى تخفى حزنك ولا ؟!

روسندا بعدت نظرها عنه بأبتسامه حزينه :احيانآ واحيانآ.

كرم بصلها:انا شايف انك بتخفى حزنك فى وقت كنتى المفروض تواجهى فيه البكا اللى جواكى..يعنى انتى بتقولى بيبقى الاحسن يخفى حزنه لو كان فى شخص بيحزن على حزنه..وانتى عزام بيه ممكن يتعب وبس لو شافك مضايقه..يبقى ليه متخفيش حزنك قدامه!! …على حسب كلامك وعلى حسب عشرتك معاه انتى بتحبيه وبتخافى عليه كمان .

روسندا بصاله كلام كرم وسؤاله كان بعيد تماما عن تفكيرها وفاق كل اللى كانت متوقعاه منه.

كرم باصصلها وهى بعدت نظرها عنه وسكتت .

كرم فهم أنها معندهاش رد على سؤاله بس اللى قاطع سكوتها صوت المه.

كرم حط أيده على دراعه وأتألم وهى بصتله ومسكت دراعه بلهفه:انت كويس؟؟؟

كرم هز رأسه بإيجاب وبيحاول يخفى تألمه:اا..انا كويس..انا هروح اغير على الجرح وانام.

روسندا مسكت ايده :انت الجرح تاعبك ومش هتعرف تغير عليه لوحدك ..انا هساعدك

كرم بيتهرب منها وبيتجنب اى حاجه تخليها تقرب منه وتلمسه بأيدها:اا..لا مفيش داعى انا هعمل كده لوحدى.

روسندا بلؤم:امم طيب مفيش مشكله..لو مش عايزنى اساعدك مفيش مشاكل يبقى اروح اصحى حد من عيلتك يساعدك.

عملت نفسها هتقوم وهو مسك أيدها وقعدها تانى:يااا ده تهديد؟

روسندا بصتله بخبث:امم…اعتبره كده.

كرم:انتى لئيمه.

روسندا ضحكت:هات ايدك وبطل تتكلم كتير..فين علبه الاسعافات؟

كرم جى يقوم مسكت دراعه قعدته:انت رايح فين ماينفعش تقوم وانت تعبان..قولى حاطت العلبه فين وانا هجيبهالك.

كرم:بس..

جى يتكلم حطت صباعها على بؤه وهو بص لعيونها اللى بصاله بتحديد:خلاص انا مصره انك مش هتروح فى حته.

كرم بعد نظره عنها وبيحاول يخلص نفسه من بين نظراتها الخطيره واللى بتكون اكبر سم ممكن يتسمم بيه راجل.

كرم:اا..طيب..هى فى دولابى.

روسندا:لحظات وارجع جهز نفسك وانا مش هأخر.

مشيت وهو مسك دراعه بألم وبيخلع قميصه .

روسندا دخلت اوضه كرم بصت حواليها بتتفرج على الاوضه البسيطه اللى متجيش نص أصغر اوضه فى قصرها ..بتفكر مع ان البنى ادم ده بسيط إلا أن فى كل الميزات..بيخطف القلوب بخفه دمه وطريقته ووسامته وطيبته ..صح الغنى ممكن يعمل منظر خارجى كل اللى يبص عليه يعجبه بس عمره مابيخلق الطيبه ولا الروح الحلوه ولا الهدى اللى بيتخلق فى بعض الناس .

روسندا فتحت دولابه شافت صوره مع مامته وباباه وأخواته سرحت للحظات فى صوره ليه وهو صغير وكان مبتسم وبيغمز فيها .

روسندا خادت الصوره وابتسمت ..رجعت لصوابها وأفتكرت سبب مجيها للئوضه..دورت على علبه الاسعافات خادتها وخرجت من الاوضه.

خديجه كانت خارجه من اوضه سميره وشافتها استغربت وأتسألت عن سبب خروجها من اوضه كرم وكانت بتعمل ايه جوا؟!!

خديجه راحت خبطت على باب اوضه كرم:ابيه كرم..ابيه كرم..

فتحت الاوضه لما مردش فضلت تبص حواليها وبتدور عليه بنظرها:هو راح فين؟؟!…يعنى هو مش فى اوضته وهى كانت هنا بتعمل ايه؟!؟!!

روسندا دخلت الاوضه وبتقفل الباب:انا جيبت ال..

سكتت اول مالفت وشافت كرم قالع قميصه وقاعد على السرير وباصصلها.

روسندا بصاله ولسه بنفس وضعها وماتحركتش ولا خطوه .

كرم بصلها بأستغراب : روسندا هانم… روسندا هانم انتى كويسه!!

روسندا بعدت نظرها عنه بتوتر وهزت راسها بإيجاب..قربت منه وقعت جانبه على السرير.

كرم خاد العلبه وبصلها:انا هعالج الجرح مش عايز .

روسندا خادت منه العلبه تانى :انا قولتلك مفيش تعب انا بعمل اللى بيريحنى وبدل ماقولتلك انى عايزه اعالجلك جرحك يبقى انا فعلا عايزه اعالجك.

كرم بصلها وهى بدأت تطهرله الجرح وهو غمض عيونه بألم بيحاول يتحمله.

روسندا بصتله وهى بتطهر الجرح وملاحظه علامات الالم على وشه :اتأكد بعد كده انى الشخص الوحيد اللى هيداوى كل جروحك…الخارجيه..والداخليه.

كرم فتح عيونه وبصلها كان فاهم كلامها كويس اوى بس اتكلم بأسهزاء :غريبه!

روسندا بصتله بأستغراب:ايه اللى غريبه؟!

كرم:يعنى الاعور يروح لدكتور اعمى عشان يعالجه.

روسندا فهمت أنه بيتكلم على الجروح اللى جواها:الموضوع مختلف تماما..يعنى الأعمى مستحيل يعالج الاعور..والاعور مش دكتور عشان يعالج الاعمى..بس اللى بيعالج شخص جواه جرح زى ماهو قادر يخفف جروحو..ممكن الشخص التانى هو كمان يخفف جروحو ..انت فاهمنى؟

كرم بيتهرب من كلامها اللى بتقول فى بكل وضوح انت شط النجا ليا وده اللى خلاه يحاول يسطبت ويغير فى الموضوع:ايوه المهم طابخه ايه النهارده 

روسندا بصتله ورفعت حواجبها:لا يا راجل .

كرم ضحك:بس عشان بتكسف.

روسندا:امم..لا وش كسوف اوى ..ابقى بكلمك عن موضوع كلو مشاعر وتكلمنى عن الأكل.

كرم:وهو فى احلى من الاكل..تعرفى انا مفيش حد بيطبخ زى امى هاتيلى مخلوق واحد بيعرف يطبخ زيها مش هيجى فى شطارتها.

روسندا بصتله بتحدى:انا بعرف.

كرم بصلها اوى وميل راسه وهو مش مصدق :بتعرفى تطبخى؟..لا لا مصدقش.. روسندا هانم بنت عزام بيه اللى عايشه فى قصر كله خدم تطبخ؟

روسندا:وليه لا؟

كرم:اكيد لا يعنى هبه تطبخ ماشى هى ست بيت شاطره وتعملك احسن اكل ممكن حد ياكله بعد امى طبعآ بس انتى مستحيل.

روسندا بصتله بغل من ذكر سيره هبه وتحدى:خلاص ..بكره اطبخ انا الغدا ..وتشوف انا ولا الست هبه بتاعتك.

كرم بصلها بلؤم وكان قاصد يعصبها عشان تطلب أنها تطبخ واخيرا اول خطوه هيفرح بيها عزام بيه اول خطوه لتغييرها …كل دى حاجات بتدور فى باله وكأنه بياخد بأيد طفل هيمشى ولاول مره.

روسندا بتلفله الشاش على الجرح وهو باصصلها ومبتسم بسرحان.

روسندا رفعت نظرها وبصتله لما خلصت:خلصت.

كرم بعد دراعه وأبتسم :شكرا ..تعرفى انى مش حاسس بالالم.

روسندا ابتسمت وبصتله:ده لانى لمست الجرح طبعآ.

كرم حب ينكشها:لا ..عشان اكل امى اللى بيدينى قوه وبيخلى الجرح يخف بسرعه.

روسندا بصتله بغيظ:اكل امك !!..طب خلى بقى اكل امك يداويلك الجرح ده .

وتمسك دراعه السليم وتعضه وهو بيضحك وبيحاول يبعدها عنه:خلااااص خلااااص اسف.

روسندا بعدت وبصتله بأنتصار:احسن وابقى اعمل كده تانى وانا مش هرحمك.

كرم بصلها بمسكنه:اهون عليكى؟

روسندا بصتله ولعيونه اللى باين فيهم البرأه :انت فعلا بارع فى التمثيل.

كرم:على فكره انتى وجعتينى يعنى بدل ماتداوى جروحى زى مابتقولى سببتيلى جرح جديد.

روسندا بصتله بمسكنه: sorry.

كرم: الاعتذار مبيبقاش كده sorry بتقولى اس..

وقبل مايكمل كلمته قاطعه وصدمه فى نفس الوقت بوسه روسندا ليه فى خده.

كرم بص قدامه بدهشه وبصلها.

روسندا بصتله: كده؟

كرم لسه باصصلها ومصدوم بعد نظره عنها وبكسوف:احم…انا متجوز..انا واحد متجوز..اتغفر الله العظيم..بصى انسى موضوع الاشف و..اياك تكرريها..اتفقنا؟

روسندا بصتله وكشرت:يعنى ماعتذرش؟؟!

كرم بصلها وضم عيونه بكسوف:بلاش مصالحه انا شاب طاهر.

روسندا ضحكت وضربت دراعه بهزار.

خديجه بصالهم من فتحه الباب بعدت عن الباب بضيق وراحت على اوضتها..

فى اليوم التالى .

كرم واقف فى المطبخ بيعمل الفطار .

رحيم خرج من اوضته :صباح الخير.

سميره بصتله بأبتسامه:صباح النور يا حبيبى.

رحيم بص لخديجه اللى بالها شارد:ايه ياابو سريع مش هترد الصباح؟

خديجه بصتله بأنتباه:هاا..اا..صباح النور.

فى الوقت ده باب البيت خبط وخديجه بصتلهم وكأنها مصدقت لقت حاجه تتهرب بيها من قعدتهم:عن اذنكوا.

قامت وراحت تفتح الباب.

رحيم بص لسميره:امال فين كرم؟

سميره:فى المطبخ يا حبيبى.

رحيم راح المطبخ ودخل خاد خيار من اللى على الرخامه وبياكله:صباح الفل يا شيف.

كرم بصله وأبتسم:صباح النور .

رحيم:بقولك يا ابو الكرم…لموخذه يعنى فى السؤال..انت كنت فى اوضه روسندا امبارح بتعمل ايه؟

كرم أوقف عن الطبخ وبص قدامه وبص لرحيم وملامحه اتغيرت.

رحيم:انا مش قصدى اللى فى بالك ..انا بس عايز اقولك انى امبارح شوفت خديجه بتبص عليكوا من فتحه الباب والحقيقه بقى انا بالى انشغل ودعيت ربنا يكون الموضوع اهون من انك تفسخ خطوبتك انت وهبه .

كرم بصله وبيفكر فى كلامه وان خديجه كانت باصه عليهم طول الليل :اا..انت بتقول ايه..مفيش حاجه من اللى فى دماغك القذره دى ..

رحيم:الحمدالله والله انا واثق فيك بس على حسب كلام عزام بيه معنديش اى ذره ثقه فى روسندا هانم وزى مانت عارف الستات هما اللى بيجرو رجلينا للطريق ده .

كرم ضربه على رأسه:انت شكلك اتجننت.

رحيم ضحك:طمنتنى.

كرم كمل طبخ وباله شارد بيفكر ومضايق أن خديجه كانت مرقباهم يا ترى هى شافته بأنى شكل!…خايف لتكون فهمته غلط وتاخد فكره وحشه عنه 

روسندا خرجت من اوضتها وهى لابسه بجامه بينك وبتتاوب: good morning

سميره بصتلها وابتسمت:صباح الخير يا حبيبتى ..تعالى سلمى على هبه وعيلتها.

رامز بصلها وأبتسم بأعجاب.

روسندا بصتلهم بأنتباه وراحتلهم وقفت قدام هبه ومدتلها أيدها :اا..هاى..

هبه سلمت عليها من غير ماتبصلها وباين عليها الضيق .

روسندا مدت أيدها لفريده :هاى طانط.

فريد سلمت عليها وبلهجه صعيديه:ازيك يا قمر

قربت حضنتها وباستها.

روسندا بعدت وبصت لرامز ومدتله أيدها:هاى.

رامز أبتسم وسلم عليها:اهلا..انا رامز ؟

هبه بصتله هى وحور ومضايقين من كلامه معاها.

روسندا بصت لحور ورفعت أيدها:هاى.

حور بصتلها وابتسمت بغل ومجامله:اهلا.

رحيم خرج من المطبخ وروسندا راحتله .

فريده بصتلها بأستغراب وبهمس وبلهجه صعيديه:هى ازاى تخرج بالبجامه كده وفى شابين فى البيت واحنا المفروض ضيوف يعنى غرباء عنها.

خديجه بصتلها وبصت لروسندا.

هله راحت وقفت جانب خديجه وبصتلها وبلهجه صعيديه:فينو كرم؟

خديجه بصتلها بأبتسامه وأنتباه:فى المطبخ..من حسن حظك ان الشيف بيطبخ النهارده.

هبه ابتسمت بخفه وبصتلها:اا..انا..

خديجه هزت راسها بإيجاب وبأبتسامه وتفهم:روحيلو.

هبهابتسمت على فهمها وراحت المطبخ

حور باصه لروسندا ورحيم بغل ولأنهم واقفين يضحكوا مع بعض.

رحيم:اصل انتى ماتعرفيش معزه عزام بيه عندى.

روسندا بضحك:يا ابو قلب جامد لا حنين وحبيب حبيب اوى .

رحيم ضحك :لا والنبى ماتوقعناش فى الغلط ابوس ايدك.

روسندا ضحكت وضربته على كتفه.

حور وقفت فجأه بضيق:انا همشى.

رحيم بصلها وخديجه بصتلها وفهمت غيرتها على رحيم .

سميره:ليه يابنتى فى ايه ؟

خديجه مسكت أيدها:تعالى معايا.

ويروحو على البلاكونه.

روسندا بصت لرحيم:فين كرم؟

رحيم بصلها:هو فى المطبخ بيعمل الفطار.

روسندا ابتسمت وراحت على المطبخ.

كرم حضن هبه وابتسم:وحشتينى..

هبهابتسمت مع انها كانت مضايقه من تصرفه وتقربه الزايد من روسندا الا انه امتص غضبها تمامآ.

كرم بعد وبصلها بأبتسامه حط المعلقه قريب من بؤها:مش عايزه تدوقى عمايل ايد جوزك؟؟

هبه ابتسمت وكالت:امم…حلو جدا..

كرم ابتسم وحب يهزر:يعنى انفع زوج؟

هبه ابتسمت بكسوف وبصت فى الارض

كرم ملك وشها بين ايده وابتسم:بعشق نظره الكسوف 

كرم أبتسم وقرب وقف معاهم وحضن هبه:اسف اوى يا هوبا انا بجد اسف مخدتش بالى من وجودكوا .

روسندا بصتله اوى وبتدوس على قبضه أيدها بغل.

هبه ابتسمت ولاول مره من فتره وبعدت نظرها عنه بكسوف وبعدت عن حضنه.

سميره أبتسمت:اد ايه بتبقى زى القمر لما بتتكسفى .

هبه بصتله بأبتسامه وكسوف.

روسندا واقفه عند باب المطبخ وبصالهم بغل وبتغلى من الغيره والغضب..سانده على الباب ومربعه ايدها لصدرها ورافعه حواجبها وبصالهم.

كرم أبتسم وبص لروسندا بأنتباه وهى ابتسمت بغل وبرود:انتوا هتاكلوا هنا ولا ايه!؟

هبه لفت وبصتلها بضيق وملامحها اتغيرت..

خديجه:ممكن تفهمينى ايه سبب زعلك ؟

حور من غير ماتبصلها: خديجه بقالى ساعتين بقولك مفيش حاجه انا بس تعبت شويه وكنت عايزه اروح بيتنا.

خديجه:عليا بردو؟!..انتى اضايقتى لما شوفتى رحيم واقف مع البنت دى مش كده؟

حور بنفى بيخفى مشاعرها الداخليه:طبعآ لا وانا هضايق ليه!..مفيش بينى وبينه حاجه عشان ازعل أو مازعلش من تصرفاته .

خديجه:متأكده؟..يعنى انتى مابتحبهوش؟..مفيش مشكله..اصلا رحيم ناوى يتجوز وهو بيدور على عروسه بيحاول يلاقى واحده مناسبه ومن عيله كويسه ..وانا اللى كنت فاكراكى ممكن تكونى ليه .

حور بصالها وبتسمعها:هو..هيتجوز؟!!!

خديجه بصتلها وبكذب هزت راسها بإيجاب:ايوه هيتجوز..

حور بعدت نظرها عنها بتفكير : خديجه..

خديجه:نعم؟

حور بصتلها وجات تتكلم قاطعها صوت سميره: خديجه انتى وحور يلا عشان تأكلوا.

خديجه غمضت عيونها بضيق:حاضر يا ماما جايين..كنتى عايزه تقولى ايه؟

حور بصتلها بتردد: خديجه انا مش قصدى اخبى عليكى بس…انتى عارفه يعنى انا متوتره و..طيب وافردى انى معجبه بيه..ده هيغير ايه؟

خديجه بصتلها بأبتسامه:قولى كده من الاول..

على العموم هو هيفيد كتير لان رحيم مبيدورش على عروسه ولا حاجه..مجرد كذبه بيضه .

حور بصتلها وبرقت: يعنى كنتى بتشتغليى!..طيب يا خديجه انا غلطانه انى صدقتك ومش هصدقك فى حاجه تانى.

وتسيبها وتخرج من الاوضه وخديجه بتضحك وراحت وراها.

قعدوا على الاكل وكرم كان بيعرف روسندا على الاكل وهبه مضايقه من اهتمامه بيها.

كرم بص قدامه وبداء ياكل غصب عنه بيكتم ضحكته على تصرفها الطفولى والغريب من وجهه نظره وده اللى عصب هبه وضايق خديجه اكتر. 

سميره كسرت السكوت اللى انتاب الكل بكلامها: ايه رأيكوا فى الفطار كرم اللى عامله. 

فريده ابتسمت وبلهجه صعيديه: تسلم ايدك يا بنى الاكل زى العسل. 

كرم ابتسم وبصلها: بالهنا. 

بص لهبه وابتسم قرب اكلها لما لقاها مبتاكلش وسرحانه.. ابتسمت وسميره بصالهم بأبتسامه وسعاده..وروسندا قاعده بتاكل فى نفسها

كرم اتكلم بمناغشه:احم…لا من اولها كده مبتاكليش!..انا مش عايز اهمال وإلا بكده صحتك هتتدهور ومش هتعرفى تجيبيلى عتريس.

الكل ضحك وهبه ابتسمت بكسوف وبعدت نظرها عنه.. معاده روسندا اللى كانت مكشره وضربته فى رجله من تحت التربيزه كرم اتألم وبصلها وهى باصه قدامها بغل.

رحيم:ده انت شكلك مستعجل على الاخر.

ضحكوا وروسندا همست لكؤم بغل وضيق:دمك مش خفيف على فكره.

كرمبصلها ورفعحواحبه ببرود وهو فاهم غيرتها:بدل ماهو عاجب حبيبتى يبقى زى العسل.

روسندا بصتله اوى وضربته فى رجله بعنف وهو ضم شفايفه بألم وبيكتم ضحكته من عنصريتها فى التعامل معاه.

خديجه كانت مراقبه كل اللى  بيحصل فى صمت تام. 

روسندا عوجت المعلقه فى ايدها وخديجه حست انها هقوم على هبه تاكلها كانت نظراتها كفيله تبين غلها وغضبها من هبه اقسمت فى اللحظه دى من وجود علاقه بين كرم وبينها… اتكلمت عشان تنهى كل اللى بيحصل قدامها: اا… روسندا هانم.. 

روسندا رفعت نظرها وبصتلها من غير ماترفع راسها حتى.

خديجه: كنت عايزه اعرف يا ترى بتعرفى تطبخى زى كرم وهبه؟… انتى لازم تجربى اكل هبه مفيش بعد كده حلاوه. 

روسندا بصتلها بكبرياء وضحكت بفخر: الحقيقه عندنا الخدم اللى بيعملوا الاكل فى البيت ومبطبخش بس… انا وعدت كرم انى هوريه عمايل ايدى.. واكيد كلكوا هتدوقوه وتحكموا انا ولا..(بصت لهبه بغل) هى.. وواثقه انكوا هتخكارونى

خديجه بتحدى وتحمس: يبقى النهارده انتى هتطبخلنا ونشوف اكلك وهبه كمان هتطبخلنا واحنا الحكم.

روسندا بصت لهبه بأبتسامه ثقه وتحدى: مفيش مانع..لانى واثقه انى هفوز 

خديجه بتحدى:مستحيل..هبه فى الطبخ جامده.

رحيم اتكلم عشان يروق الجو ويفض المنازعه اللى بينهم:فى ايه يا جماعه استهدوا بالله مش كده.

روسندا:اكيد لان ده تخصصها بس روسندا عزام مبتخسرش فى اى حاجه…مهما كانت..

خديجه بصتلها بتحدى:هنشوف.

رحيم ضحك وبيحاول يغير الوضع اللى حس انهم شويه هيقومو ياكلو ف بعض:معقول روسندا هانم بنت عزام بيه هتطبخلنا؟…ده يوم الهنا.

روسندا ضحكت.

خديجه بصت لحور اللى باصه لرحيم وسرحانه وساكته تماما. 

فريده: بنتى انا كنت عايز اسئلك سؤال بس مش عايزه ازعلك..

روسندا بصتلها ومستنياها تكمل. 

فريده: يعنى لما كنا هنا وظهر فى الاخبار انك مش بنت عزام بيه.. الخبر ده كان حقيقى؟

روسندا بصالها وبتلقائيه مسكت ايد كرم من تحت التربيزه

كرم بصلها وفهم انهة متوتره من سؤال فريده ليها. 

روسندا بصتله انتبهت لنفسها وبعت ايدها عنه وهو اتكلم بدالها: روسندا بنت عزام بيه ودى كانت مجرد اشاعه كذابه. 

خديجه بصتله بتشكيك فى كلامه: بس القناه اللى عرضت الخبر عمرها مابتعرض بلاغ كاذب ومابتعرضش اى خبر الا وهما متأكدين من صلحيته. 

روسندا بصتلها: انا بنته وبقولك بنفسى انى بنته يبقى تصدقينى ولا تصدقى الاخبار؟

خديجه بصتلها وبعدت نظرها عنها : يمكن.. 

رامز باصصلها وكرم لاحظ نظراته الكتيره ليها.

خلصوا اكل وقاموا غسلوا ايدهم وروسندا راحت مع كرم الحمام عشان تغسل ايدها. 

روسندا بتزاه بجنبها وبتقف مكانه قدام الحوض وبتضحك. 

كرم بصلها ورفع حواجبه: طييييب. 

حط ايده تحت الحنفيه ورش عليها الميه وهى بتضحك وبتصوت: كرم كرم بس.. 

كرم ضحك ووقف مكانها غسل ايده. 

روسندا رفعت شعرها المبلول وبتضحك: انت مكار. 

كرم ضحك وبصلها وخرجلها لسانه:عارف. 

روسندا ضحكت وخادت الصابونه: طب ورينى هتغسل ايدك ازاى. 

كرم بصلها بلؤم وحط ايده على دراعه وبيمثل الالم: اى اى اى… 

روسندا بصتله بأنتباه ومسكت دراعه بقلق: كرم انت كويس؟؟

كرم شد منها الصابونه وغسل ايده وهو بيضحك. 

روسندا بصتله ورفعت حواجبها: انت فعلا ممثل بارع ومش كده وبس وكمان غشاش ولئيم. 

كرم ضحك وادالها الصابونه بعد ماخلص غسل ايده: انا اكيد هحترم ان حضرتك ضيفه اتفضلى اغسلى ايدك

روسندا خادت الصابونه بهدوء وعضت ايده وهو ضحك وبعد بألم: ايه ده قطه؟ 

روسندا بصتله بلؤم وخرجتله لسانها. 

خديجه واقفه كل ده وبصالهم وغيظها وغيرتها اتجاه روسندا بيزيدوا يوم بعد التانى.. كل اللى فى بالها لو كانوا بيتصرفوا مع بعض كده وهما هنا معانا فى القاهره وهو مش فى بلده ومش وسط اهله بيتصرف ازاى!

للكاتبه/منه محسن [Milly]

فريد قاعد على السفره بيفطر

امينه نزلت من الاوضه:صباح الخير.

فريد بصلها وأبتسم :صباح النور.

امينه راحتله وقعدت جانبه على السفره:اا..قولى قابلت كريم امبارح زى ماقولتلك؟

فريد ضحك وبصلها:اول ماتصحى كده !…مفيش بوسه فطار ايه الموضوع لحس عقلك؟

امينه بقلق:انا كل ماده والخطر بيقرب منى وكل ماده وانا ببقى هموت من الرعب انت مش متخيل نفسيتى عامله ازاى .

فريد بصلها وبياكل ببرود:لا ..مشوفتوش.

امينه بصتله بضيق:امال انت ناوى على ايه!..انا قولتلك مش عايزه منك فله مش عايزه منك حاجه بس جيبلى حقى منه ..

فريد:وانا قولتلك هجيبلك حقك خلاص بقى ماتتكلميش فى الموضوع ده تانى لان دمى بيتعكر …اتفضلى كلى وبطلى تفكرى كتير فى الموضوع .

امينه دورت وشها للجهه التانيه بضيق من برود أعصابه..فى الوقت ده حد خبط على باب القصر.

الخدامه راحت فتحت واتصدموا لما لقوا الشرطه .

فريد بص عند الباب بأستغراب:دول ايه اللى جابهم!

افتكر كلامه مع كريم وكان على يقين كامل أن احتمال كبير يكونو تبعه وهو باعتهم عشان يتأكد من وجود امينه معاه ولا لا..

امينه بصت لفريد بقلق وهو بصلها:اطلعى على فوق بسرعه..

امينه هزت راسها بإيجاب وجريت على فوق.

فريد قام وخرج برا اوضه الريسبشن وراحلم:اهلا اهلا اتفضلوا.

الشرطى:اسفين يا فريد بيه لو ازعجنا حضرتك بس عندنا بلاغ ضد حضرتك بأختطاف الانسه امينه ماذن الشافعى..

فريد بصله ورفع حواجبه بأنبهار:خطف!!..ومين اللى مقدم البلاغ الكاذب ده؟

الشرطى:كريم بيه هو اللى بلغ وجالنا أمر بتفتيش قصر حضرتك.

فريد بصله وضحك:تفتيش!!

يتبع..